| ᠵᠣᠬᠢᠶᠠᠭᠴᠢ᠄ ᠱ᠊ ᠲᠥᠩᠰᠢᠭ | | | | | ᠮᠠᠨᠳᠤ ᠶᠢᠨ ᠬᠠᠭᠠᠯᠭᠠ ᠪᠠ ᠲᠦᠮᠡᠨ ᠠᠮᠤᠭᠤᠯᠠᠩ ᠬᠠᠷᠰᠢ | | | ᠬᠢᠳᠠᠤᠨ ᠰᠤᠳᠤᠷ ︽ᠶᠤᠸᠠᠨ ᠤ ᠲᠡᠤᠭᠡ︾ ᠳᠤ ᠲᠡᠮᠳᠡᠭᠯᠡᠭᠰᠡᠨ ︽ᠮᠢᠩ ᠳ᠋ᠧ ᠮᠧᠨ ᠬᠠᠭᠠᠯᠭᠠ︾ ᠪᠤᠯ | ᠤᠤᠯ ᠤᠨ ᠮᠤᠩᠭᠤᠯ ᠨᠡᠷᠡ ︽ᠮᠠᠨᠳᠤ ᠶᠢᠨ ᠬᠠᠭᠠᠯᠭᠠ︾ ᠶᠢᠨ ᠠᠪᠢᠶᠠᠴᠢᠯᠠᠭᠰᠠᠨ ᠬᠢᠳᠠᠤᠨ ᠲᠡᠮᠳᠡᠭᠯᠡᠯ ᠶᠤᠮ᠃ | ᠭᠠᠳᠠᠷ ᠬᠤᠳᠠ ᠶᠢᠨ ︽ᠮᠠᠨᠳᠤ ᠶᠢᠨ ᠬᠠᠭᠠᠯᠭᠠ︾᠂ ᠳᠣᠳᠣᠷ ᠬᠤᠳᠠ ᠶᠢᠨ ︽ᠬᠠᠭᠠᠨ ᠤ ᠬᠠᠭᠠᠯᠭᠠ︾᠂ ᠤᠷᠳᠤᠨ | ᠬᠤᠳᠠ ᠶᠢᠨ ︽ᠲᠦᠮᠡᠨ ᠠᠮᠣᠭᠤᠯᠠᠩ ᠬᠠᠷᠰᠢ︾ ᠭᠤᠷᠪᠠ ᠨᠢ ᠡᠮᠦᠨᠡ ᠠᠴᠠ ᠣᠮᠠᠷᠠᠰᠢ ᠨᠢᠭᠡ ᠰᠢᠯᠣᠭᠤᠨ ᠱᠣᠭᠤᠮ | ᠳᠡᠭᠡᠷᠡ ᠣᠷᠣᠰᠢᠵᠣ᠂ ᠬᠠᠭᠠᠨ ᠵᠠᠮ ᠢᠶᠠᠷ ᠨᠡᠪᠳᠡᠷᠡᠵᠦ ᠪᠠᠶᠢᠨᠠ᠃ ᠭᠡᠷ ᠤᠨ ᠡᠵᠡᠨ᠂ ᠮᠣᠩᠭᠤᠯ ᠭᠡᠷ ᠤᠨ ᠭᠤᠣᠯ | ᠲᠦᠪ ᠠᠴᠠ ᠦᠯᠦ ᠮᠡᠳᠡᠭ ᠬᠤᠶᠢᠭᠤᠷ ᠰᠠᠭᠤᠳᠠᠭ ᠵᠠᠩᠰᠢᠯ ᠢ ᠳᠠᠭᠠᠵᠣ ᠠᠮᠣᠭᠤᠯᠠᠩ ᠬᠠᠷᠰᠢ ᠨᠢ ᠪᠠᠰᠠ ᠬᠠᠭᠠᠨ ᠤ | ᠬᠤᠳᠠ ᠶᠢᠨ ᠭᠤᠣᠯ ᠲᠦᠪ ᠠᠴᠠ ᠦᠯᠦ ᠮᠡᠳᠡᠭ ᠬᠤᠶᠢᠭᠤᠷ ᠪᠠᠶᠢᠷᠢᠯᠠᠵᠣ ᠪᠠᠶᠢᠳᠠᠭ᠃ | ᠮᠣᠩᠭᠤᠯᠴᠣᠳ ᠡᠭᠦᠳᠡ ᠬᠠᠭᠠᠯᠭᠠᠨ ᠤ ᠭᠠᠳᠠᠨᠠ ᠣᠴᠠᠷᠠᠨ ᠵᠣᠯᠭᠠᠮᠠᠭᠴᠠ ᠠᠮᠣᠷ ᠮᠡᠨᠳᠦ ᠪᠠᠨ | ᠮᠡᠳᠡᠯᠴᠡᠳᠡᠭ ᠨᠢ ᠶᠡᠷᠦᠳᠡ ᠶᠢᠨ ᠵᠠᠩᠰᠢᠯ ᠪᠢᠯᠠ᠃ ᠲᠡᠶᠢᠮᠦ ᠪᠣᠯᠬᠤᠷ ᠱᠠᠩᠳᠣ ᠬᠤᠳᠠ ᠶᠢᠨ ᠭᠠᠳᠠᠷ ᠬᠤᠳᠠᠨ ᠤ | ᠡᠮᠦᠨᠡ ᠭᠤᠣᠯ ᠬᠠᠭᠠᠯᠭᠠ ᠶᠢ ︽ᠮᠡᠨᠳᠦ ᠶᠢᠨ ᠬᠠᠭᠠᠯᠭᠠ︾ ᠭᠡᠮᠡᠨ ᠨᠡᠷᠡᠯᠡᠬᠦ ᠨᠢ ᠵᠦᠢ ᠶᠣᠰᠣ ᠪᠢᠯᠡ᠃ ᠡᠨᠡ ᠨᠢ | ᠡᠵᠡᠨ ᠬᠠᠭᠠᠨ ᠢ ᠣᠭᠳᠣᠵᠣ ᠦᠳᠡᠬᠦ᠂ ᠣᠯᠣᠰ ᠤᠨ ᠳᠣᠳᠣᠭᠠᠳᠤ ᠭᠠᠳᠠᠭᠠᠳᠤ ᠶᠢᠨ ᠡᠯᠴᠢ ᠲᠦᠰᠢᠮᠡᠯ᠂ ᠣᠯᠠᠭᠠ | ᠦᠷᠳᠡᠭᠡᠴᠢᠨ ᠤ ᠣᠴᠠᠷᠠᠨ ᠵᠣᠯᠭᠠᠬᠤ ᠭᠤᠣᠯ ᠬᠠᠭᠠᠯᠭᠠ ᠪᠣᠯᠣᠨᠠ᠃ ᠠᠷᠪᠠᠨ ᠵᠢᠷᠭᠤᠭᠠᠨ ᠦᠵᠡᠰᠭᠦᠯᠡᠩ ᠦᠬᠢᠳ | ᠳᠠᠭᠤᠣ ᠣᠶᠠᠩᠭᠠᠯᠠᠨ ᠪᠦᠵᠢᠭ ᠪᠦᠵᠢᠭᠯᠡᠵᠦ ᠡᠵᠡᠨ ᠬᠠᠭᠠᠨ ᠢ ᠮᠡᠨᠳᠦ ᠶᠢᠨ ᠬᠠᠭᠠᠯᠭᠠᠨᠠ ᠣᠭᠳᠣᠵᠣ᠂ ᠬᠠᠭᠠᠨ | ᠵᠠᠮ ᠢᠶᠠᠷ ᠣᠳᠣᠷᠢᠳᠣᠨ ᠳᠣᠳᠣᠷ ᠬᠤᠳᠠ ᠳᠤ ᠣᠷᠣᠵᠣ ᠲᠦᠮᠡᠨ ᠠᠮᠣᠭᠤᠯᠠᠩ ᠬᠠᠷᠰᠢ ᠳᠤ ᠵᠠᠯᠠᠨᠠ᠃ ᠡᠷᠳᠡᠨ ᠤ | ᠰᠢᠯᠦᠭ ᠲᠤ ︽ᠬᠠᠭᠠᠨ ᠤ ᠬᠠᠭᠠᠯᠭᠠ ᠶᠢᠨ ᠭᠠᠳᠠᠨᠠ ᠡᠯᠴᠢ ᠲᠦᠰᠢᠮᠡᠯ ᠡᠭᠦᠯᠡ ᠮᠡᠳᠦ᠂ ᠵᠠᠷᠯᠢᠭ ᠵᠠᠬᠢᠶᠠ ᠶᠢ | ᠣᠯᠠᠮᠵᠢᠯᠠᠬᠤᠶᠠ ᠦᠷᠳᠡᠭᠡ ᠣᠯᠠᠭᠠᠴᠢᠨ ᠨᠢᠰᠬᠦ ᠠᠳᠠᠯᠢ᠂ ᠶᠢᠰᠦᠨ ᠵᠸᠦ ᠲᠦᠷᠪᠡᠨ ᠬᠢᠵᠠᠭᠠᠷ ᠵᠠᠷᠯᠢᠭ ᠢ ᠳᠠᠭᠠᠬᠤᠶᠠ | ᠶᠢᠷᠳᠢᠨᠴᠦ ᠳᠡᠯᠡᠬᠡᠢ ᠡᠩᠬᠡ ᠵᠢᠷᠭᠠᠯᠠᠩ︾ ᠭᠡᠵᠦ ᠪᠢᠴᠢᠭᠰᠡᠨ ᠪᠠᠶᠢᠳᠠᠭ᠃ ᠬᠠᠭᠠᠯᠭᠠᠨ ᠭᠠᠳᠠᠨᠠ ᠠᠭᠤᠳᠠᠮ ᠳᠠᠯᠠᠪᠣᠷ᠂ | ᠬᠠᠰ ᠤᠨ ᠳᠠᠪᠴᠠᠩ᠂ ᠯᠣᠣ ᠶᠢᠨ ᠱᠣᠰᠢᠭᠠ᠂ ᠡᠵᠡᠳ ᠲᠦᠰᠢᠮᠡᠳ ᠤᠨ ᠪᠠᠷᠠᠯᠠᠬᠤ ᠠᠰᠠᠷ᠂ ᠡᠷᠡ ᠶᠢᠨ ᠭᠤᠷᠪᠠᠨ | ᠨᠠᠭᠠᠳᠣᠮ ᠤᠨ ᠳᠠᠯᠠᠪᠠᠢ ᠴᠤ ᠪᠤᠢ᠃ ᠠᠳᠠ ᠲᠦᠷᠦ ᠶᠢᠨ ᠣᠭᠳᠣᠬᠤ ᠦᠳᠡᠬᠦ ᠶᠡᠭᠡ ᠶᠣᠰᠣᠯᠠᠯ᠂ ᠬᠤᠷᠠᠯ ᠴᠣᠭᠯᠠᠭᠠ | ᠬᠢᠳᠡᠭ ᠣᠴᠢᠷ ᠵᠠᠮ ᠮᠦᠷ ᠰᠢᠭᠤᠳ ᠰᠢᠯᠣᠭᠤᠨ᠂ ᠠᠭᠤᠳᠠᠮ ᠳᠠᠯᠠᠪᠠᠢ ᠳᠡᠷᠢ ᠳᠡᠭᠰᠢ᠂ ᠴᠡᠷᠢᠭ ᠠᠩᠭᠢ ᠶᠢᠨ | ᠵᠢᠭᠰᠠᠭᠠᠯ ᠵᠢᠭᠳᠡ᠂ ᠲᠦᠪ ᠶᠡᠬᠡᠮᠰᠦᠭ᠂ ᠨᠠᠮᠵᠢᠭᠤᠨ ᠳᠣᠭᠳᠠᠭᠤᠨ ᠪᠠᠶᠢᠳᠠᠭ ᠪᠢᠯᠡ᠃ |