| | ● ᠭ᠋᠊ · ᠪᠠᠲᠣᠬᠤᠶᠠᠭ | ᠪᠢ ᠬᠤᠯᠠᠨ ᠰᠢᠷᠭᠠ ᠲᠠᠭᠠ ᠶᠢᠨ ᠮᠠᠩᠬᠠᠨ ᠳᠤ ᠲᠦᠷᠦᠭᠰᠡᠨ ᠬᠡᠦᠬᠡᠳ ᠡ︕ ᠠᠯᠳᠠᠨ ᠬᠡ ᠲᠠᠢ | ᠡᠯᠡᠰᠤ ᠮᠢᠨᠤ ᠲᠦᠷᠦᠯ ᠰᠠᠳᠣ᠃ ᠪᠢ ᠡᠨᠡ ᠯᠡ ᠨᠤᠲᠤᠭ ᠤᠨ ᠵᠥᠭᠡᠯᠡᠨ ᠰᠢᠷᠭᠠᠯ ᠠᠯᠠᠭᠠᠨ ᠳᠤ ᠬᠦᠮᠥᠨ ᠪᠤᠯᠵᠤ | ᠵᠠᠶᠠᠭᠠᠭᠰᠠᠨ ᠶᠣᠮ᠃ | ᠤᠭᠤᠷᠠᠭ ᠢᠶᠠᠷ ᠴᠠᠷᠳᠠᠭᠰᠠᠨ ᠭᠡᠮᠡᠷᠬᠡᠨ ᠡᠨᠡ ᠭᠤᠪᠢ ᠶᠢᠨ ᠨᠠᠮᠤᠭᠤᠬᠠᠨ ᠮᠢᠷᠠᠯᠵᠠᠬᠤ ᠵᠡᠷᠭᠡᠯᠭᠡᠨ ᠳᠤ | ᠦᠨᠳᠡᠯᠵᠡᠨ ᠬᠠᠷᠠᠭᠳᠠᠬᠤ ᠲᠤᠶᠠᠩ ᠬᠠᠶᠢᠷᠬᠠᠨ ᠤ ᠡᠩᠭᠡᠷ ᠲᠤ ᠪᠤᠳᠤᠭᠤ ᠪᠠᠨ ᠰᠠᠨᠠᠭᠰᠠᠨ ᠢᠩᠭᠡᠨ ᠤ ᠲᠤᠩᠭᠠᠯᠠᠭ | ᠨᠢᠯᠪᠤᠰᠤ ᠪᠤᠶᠤ ᠠᠯᠢ ᠡᠰᠡᠭᠦᠯᠡ ᠬᠤᠯᠠ ᠳᠤ ᠶᠠᠪᠤᠭᠰᠠᠨ ᠬᠦᠦ ᠪᠠᠨ ᠮᠡᠯᠮᠡᠷᠡᠲᠡᠯᠡ ᠬᠦᠯᠢᠶᠡᠵᠦ ᠵᠤᠭᠰᠤᠭᠠ | ᠮᠤᠩᠭᠤᠯ ᠡᠵᠢ ᠶᠢᠨ ᠡᠨᠡᠷᠢᠩᠬᠦᠢ ᠨᠢᠳᠦ ᠭᠡᠮᠡᠷ ᠮᠡᠯᠲᠡᠶᠢᠬᠦ ᠶᠡᠭᠡ ᠴᠠᠭᠠᠨ ᠨᠠᠭᠤᠷ ᠢᠶᠠᠨ ᠪᠢ ᠵᠡᠭᠦᠳᠦᠨ ᠳᠡᠭᠡᠨ ᠴᠦ | ᠪᠤᠯᠤᠭ ᠳᠦᠭᠦᠷᠡᠩ ᠬᠠᠷᠠᠬᠤ ᠲᠣᠷᠠᠲᠠᠢ ᠰᠠᠨ᠃ ᠲᠡᠶᠢᠮᠦ ᠯᠡ ᠠᠮᠥᠭᠤᠯᠠᠩ ᠲᠣᠭᠲᠠᠭᠤᠨ᠂ ᠡᠴᠢᠨᠡ | ᠮᠥᠷᠥᠭᠡᠳᠥᠯᠲᠦ ᠪᠠᠶᠢᠭᠠᠯᠢ ᠠᠬᠤᠢ ᠳᠤ ᠤᠳᠠᠭᠠᠨ ᠲᠠᠰᠤᠭᠰᠠᠨ ᠭᠤᠪᠢ ᠨᠣᠲᠤᠭ ᠤᠨ ᠬᠢᠨ ᠡᠨᠡ ᠰᠠᠶᠢᠬᠠᠨ | ᠮᠥᠩᠭᠡ ᠶᠢᠨ ᠤᠷᠤᠨ ᠵᠠᠢ ᠶᠢ ᠡᠵᠡᠩᠨᠡᠨ ᠠᠵᠤ ᠲᠦᠷᠦᠵᠦ ᠠᠮᠢᠳᠣᠷᠠᠬᠤ ᠳᠠᠭᠠᠨ ᠶᠡᠭᠡ ᠠᠮᠤᠷᠯᠢᠩᠭᠤᠢ ᠲᠡᠭᠷᠢ ᠶᠢᠨ | ᠭᠡᠰᠢᠭ ᠢ ᠬᠡᠨ ᠠᠴᠠ ᠴᠦ ᠲᠣᠲᠠᠮᠠ ᠦᠭᠡᠢ ᠡᠳ᠋ᠯᠡᠨ ᠵᠢᠷᠭᠠᠳᠠᠭ ᠪᠥᠯᠥᠭᠡ︕ | ᠢᠵᠠᠭᠤᠷ ᠡᠷᠳᠡ ᠠᠴᠠ ᠲᠥᠷᠪᠡᠨ ᠤᠯᠠᠷᠢᠯ ᠤᠨ ᠡᠭᠡᠯᠵᠢ ᠬᠠᠯᠠᠭᠠ ᠪᠠᠷ ᠠᠳᠡᠬᠢ ᠶᠢᠨ ᠬᠦᠮᠥᠨ ᠠᠷᠠᠳ | ᠨᠤᠲᠤᠭ ᠰᠡᠯᠬᠦᠨ ᠨᠡᠭᠦᠳᠡᠯᠯᠡᠨ ᠬᠦᠮᠥᠨ ᠨᠢ ᠮᠠᠯ ᠢᠶᠠᠨ᠂ ᠮᠠᠯ ᠨᠢ ᠬᠦᠮᠥᠨ ᠢᠶᠠᠨ ᠢᠵᠢᠯᠬᠡᠨ ᠪᠠᠶᠠᠰᠬᠠᠵᠤ | ᠪᠠᠶᠢᠭᠰᠠᠨ ᠢ ᠮᠢᠨᠤ ᠭᠤᠪᠢ ᠱᠠᠩᠳᠠ ᠶᠢᠨ᠂ ᠡᠯᠡᠰᠦᠨ ᠤ ᠬᠦᠨ ᠳᠤ ᠰᠢᠷᠭᠤᠭᠰᠠᠨ ᠦᠭᠡᠷ ᠲᠡᠷᠭᠡᠨ ᠤ ᠮᠤᠳᠤᠨ | ᠮᠥᠭᠡᠷ ᠢᠶᠠᠷ ᠲᠠᠷᠣᠭᠤᠯᠣᠭᠰᠠᠨ ᠡᠯᠡᠷ ᠪᠠᠯᠠᠷ ᠲᠠᠰᠤᠷᠬᠠᠢ ᠵᠠᠮ ᠤᠳᠣ ᠴᠦ ᠭᠡᠰᠡᠨ ᠪᠠᠳᠣᠲᠠᠢ ᠭᠡᠷᠡᠴᠢ ᠪᠠᠷ | ᠦᠵᠡᠭᠦᠯᠵᠦ ᠪᠠᠶᠢᠳᠠᠭ ᠨᠢ ᠦᠨᠡᠮᠰᠢᠯᠲᠠᠢ᠃ ᠬᠡᠦᠬᠡᠳ ᠨᠤᠬᠠᠢ ᠪᠠᠨ ᠱᠣᠣᠬᠢᠭᠤᠯᠵᠤ᠂ ᠮᠠᠯ ᠬᠠᠷᠠ ᠪᠠᠨ ᠬᠦᠬᠡᠬᠡᠨ | ᠠᠩᠬᠢᠷᠳᠤ᠂ ᠬᠤᠨᠳᠣ᠂ ᠡᠩᠭᠡᠷ᠂ ᠲᠡᠨᠵᠢ ᠬᠡᠮᠡᠨ ᠵᠤᠰᠠᠯᠠᠩ ᠡᠪᠤᠯᠵᠢᠶᠡ ᠬᠠᠪᠤᠷᠵᠢᠶᠡ ᠨᠠᠮᠤᠷᠵᠢᠶᠠ ᠬᠡᠳ ᠨᠡᠬᠦᠵᠦ ᠯᠡ | ᠪᠠᠶᠢᠳᠠᠭ᠃ ᠶᠡᠷᠤ ᠨᠢ ᠲᠡᠭᠡᠭᠡᠳ ᠪᠠᠭᠤᠴᠠ ᠪᠠᠨ ᠪᠤᠷᠤᠯᠠᠳᠠᠯᠠ ᠬᠠᠶᠠᠭᠠ ᠪᠠᠨ ᠬᠠᠯᠴᠠᠭᠠᠶᠢᠷᠠᠲᠠᠯᠠ ᠰᠠᠭᠤᠨᠠ ᠭᠡᠵᠤ | ᠪᠠᠶᠢᠳᠠᠭ ᠦᠭᠡᠢ ᠤᠯᠤᠰ ᠳ᠋ᠠ᠃ ᠤᠯᠠᠷᠢᠯ ᠤᠨ ᠲᠣᠬᠢᠶᠠ ᠢᠷᠡᠯᠡ ᠭᠡᠭᠰᠡᠭᠡᠷ ᠬᠦᠮᠥᠨ ᠢ ᠨᠢ ᠪᠤᠤ ᠬᠡᠯᠡ᠂ ᠠᠮᠢᠳᠠᠨ | ᠮᠠᠯ ᠠᠴᠠ ᠪᠠᠨ ᠲᠦᠷᠦᠬᠦᠲᠠᠢ ᠲᠣᠭᠲᠠᠪᠤᠷᠢ ᠠᠯᠳᠠᠨ ᠬᠤᠯᠬᠢᠵᠤ᠂ ᠤᠰᠤ ᠪᠡᠯᠴᠢᠭᠡᠷ ᠰᠢᠯᠢᠨ ᠮᠥᠭᠡᠷᠴᠦ | ᠳᠣᠣᠨᠢᠭᠠᠳ ᠪᠤᠯᠳᠠᠭ ᠦᠭᠡᠢ ᠬᠤᠶᠢᠨᠠ᠂ ᠪᠤᠭᠤᠯᠭᠠ ᠪᠤᠷᠭᠤᠯᠵᠢ ᠪᠠᠨ ᠪᠠᠬᠢᠯᠡᠨ ᠪᠠᠭᠤᠵᠤ ᠨᠡᠬᠦᠬᠦ ᠪᠤᠯᠳᠠᠭ | ᠠᠵᠢ᠃ ᠨᠡᠬᠦᠬᠦ ᠨᠢ ᠲᠡᠭᠷᠢ ᠶᠢᠨ ᠵᠤᠷᠢᠭ᠂ ᠨᠡᠭᠦᠯᠭᠡᠬᠦ ᠨᠢ ᠪᠢᠳᠡᠨ ᠤ ᠵᠤᠷᠢᠭ ᠭᠡᠳᠡᠭ ᠶᠦᠮᠦᠷᠯᠢᠭ ᠠᠭᠠᠳ | ᠣᠬᠠᠭᠠᠯᠢᠭ ᠶᠠᠷᠢᠶᠠ ᠭᠤᠪᠢ ᠶᠢᠨ ᠬᠢᠨ ᠤ ᠲᠣᠮᠳᠠ ᠬᠡᠳᠡ ᠡᠪᠡᠰᠦᠨ ᠤ ᠭᠠᠯ ᠰᠢᠭ᠋ ᠬᠠᠯᠠᠭᠤᠬᠠᠨ ᠢᠶᠠᠷ | ᠤᠯᠠᠮᠵᠢᠯᠠᠭᠳᠠᠵᠤ ᠤᠨ ᠣᠳᠠᠵᠠᠢ᠃ ᠦᠭᠡᠢ ᠶᠡᠷᠦ ᠨᠢ ᠮᠠᠨ ᠤ ᠮᠤᠩᠭᠤᠯ ᠬᠦᠮᠥᠨ ᠪᠠᠶᠢᠭᠠᠯᠢ ᠤᠷᠴᠢᠯᠠᠩ ᠤᠨ | ᠲᠡᠷᠰᠯᠡᠵᠣ ᠥᠯᠥ ᠪᠤᠯᠬᠤ ᠵᠢᠮᠡ ᠬᠠᠤᠯᠢ ᠶᠢ ᠠᠯᠢ ᠭᠠᠯᠪᠠ ᠠᠴᠠ ᠤᠬᠠᠭᠠᠷᠠᠨ ᠵᠢᠷᠤᠮᠯᠠᠵᠤ ᠢᠷᠡᠭᠰᠠᠨ | ᠤᠯᠤᠰ ᠤᠳ ᠤᠨ ᠨᠢᠭᠡ ᠪᠠᠶᠢᠬᠠ ᠳᠠᠭᠠᠨ ᠳᠠᠭᠠᠷᠠᠨᠠ ᠪᠢᠵᠡ᠃ | ᠬᠦᠮᠥᠨ ᠪᠠᠭᠠ ᠨᠠᠰᠤᠨ ᠤ ᠤᠴᠠᠷᠠᠯ ᠲᠣᠬᠢᠶᠠᠯᠳᠣᠯ ᠢᠶᠠᠨ ᠶᠡᠷᠦ ᠠᠴᠠ ᠮᠠᠷᠳᠠᠳᠠᠭ ᠦᠭᠡᠢ ᠭᠡᠵᠦ ᠬᠡᠯᠡᠳᠡᠭ᠃ | ᠡᠨᠡ ᠤᠷᠤ ᠲᠠᠢ ᠦᠭᠡ ᠰᠢᠦ ᠳ᠋ᠠ᠃ ᠪᠢ ᠭᠡᠨᠡᠨ ᠪᠠᠭᠠ ᠨᠠᠰᠤᠨ ᠤ ᠪᠠᠨ ᠢᠨᠢᠶᠡᠳᠦ ᠨᠢᠯᠪᠤᠰᠤ ᠲᠠᠢ ᠣᠴᠡᠷᠠᠯ | ᠲᠣᠭᠢᠶᠠᠯᠳᠣᠯ ᠤᠳ ᠠᠴᠠ ᠪᠠᠷᠤᠭ ᠢ ᠨᠢ ᠪᠦᠷ ᠴᠡᠭᠡᠵᠢᠯᠡᠭᠰᠡᠭᠡᠷ ᠪᠠᠶᠢᠭᠠ ᠶᠤᠮ᠃ ᠡᠯᠡᠰᠦᠨ ᠤ ᠬᠢᠨ ᠭᠡᠪᠡᠯ ᠵᠤᠨ ᠤ | ᠵᠢᠷᠭᠤᠭᠠᠨ ᠰᠠᠷᠠ ᠪᠠᠨ ᠦᠵᠡᠪᠡ ᠭᠡᠭᠰᠡᠭᠡᠷ ᠵᠤᠰᠠᠭᠠᠯ ᠳᠠᠭᠠᠨ ᠭᠠᠷᠳᠠᠭ ᠵᠤᠷᠰᠢᠯ ᠲᠠᠢ ᠶᠤᠮ᠃ ᠤᠷᠢ ᠲᠣᠯᠠᠭᠠᠨ ᠢ | ᠡᠷᠲᠡ ᠤᠭᠳᠤᠳᠠᠭ ᠠᠴᠠ ᠲᠡᠷᠡ ᠪᠠᠶᠢᠬᠠ ᠳ᠋ᠠ᠃ ᠵᠤᠰᠠᠭᠠᠯ ᠪᠠᠭᠤᠬᠤ ᠶᠢᠨ ᠵᠡᠷᠭᠡ ᠪᠠᠷ ᠮᠠᠩᠬᠠᠨ ᠤ | ᠬᠡᠦᠭᠡᠳ ᠤᠳ ᠬᠦᠯ ᠬᠦᠭᠡᠷᠴᠡᠭ ᠪᠤᠯᠳᠠᠭ ᠵᠦᠢᠯ ᠪᠤᠢ᠃ ᠲᠡᠷᠡ ᠨᠢ ᠬᠦᠭᠡ ᠬᠠᠶᠢᠯᠠᠰᠤᠨ ᠤ ᠪᠠᠨ ᠰᠢᠭᠢᠷᠯᠢᠭ | ᠠᠮᠳᠠᠳᠣ ᠵᠤᠭᠠ ᠪᠠᠷ ᠬᠤᠳᠣᠭᠤᠳᠣᠨ ᠤ ᠬᠤᠷᠣᠬᠠᠢ ᠲᠠᠷᠣᠬᠤ ᠶᠠᠪᠤᠳᠠᠯ ᠪᠤᠯᠤᠨᠠ᠃ | ᠮᠠᠩᠬᠠᠨ ᠤ ᠡᠩᠭᠡᠷ ᠬᠠᠵᠠᠭᠤ ᠪᠠᠷ ᠲᠤᠮᠤ ᠲᠤᠮᠤ ᠬᠠᠶᠢᠯᠡᠰᠣᠨ ᠮᠤᠳᠣᠳ ᠲᠡᠭᠷᠢ ᠶᠢᠨ ᠰᠢᠬᠦᠷ ᠮᠡᠳᠦ | ᠮᠠᠯᠠᠭᠠᠶᠢᠯᠠᠨ᠂ ᠮᠥᠴᠢᠷ ᠬᠡᠰᠢᠭᠦᠦ ᠶᠢ ᠨᠢ ᠲᠠᠭᠠᠨ ᠴᠠᠰᠣᠨ ᠴᠡᠴᠡᠭ ᠰᠢᠭ ᠴᠠᠶᠢᠪᠥᠷ ᠶᠠᠭᠠᠪᠳᠣᠷ ᠵᠤᠭᠠ | ᠨᠡᠪᠰᠦ᠋ᠢᠭᠡᠳ᠂ ᠬᠠᠷᠠᠭᠰᠠᠨ ᠪᠥᠬᠦᠨ ᠢ ᠰᠢᠯᠥᠰᠤ ᠬᠤᠷᠠᠭᠤᠯᠤᠮᠠ ᠪᠠᠶᠢᠳᠠᠭ ᠰᠠᠨ᠃ ᠲᠡᠷᠡ ᠵᠤᠨ ᠮᠠᠨᠠᠶᠢᠬᠢᠨ | ᠴᠠᠭ ᠤᠨ ᠳᠣᠬᠢᠶᠠᠯ ᠳᠠᠭᠠᠵᠤ ᠬᠦᠷᠰᠢ ᠠᠶᠢᠯ ᠤᠳ ᠲᠠᠢ ᠬᠠᠮᠳᠣ ᠵᠤᠰᠠᠯᠠᠩ ᠳᠠᠭᠠᠨ ᠭᠠᠷᠣᠭᠰᠠᠨ ᠶᠤᠮ᠃ | ᠲᠡᠭᠡᠭᠡᠳ ᠰᠢᠷᠭᠠᠯ ᠳᠠᠭᠠ ᠶᠢᠨ ᠠᠮᠠ ᠪᠠᠷ ᠵᠥᠩᠳᠡᠭᠡᠨ ᠨᠢᠭᠡ ᠨᠤᠬᠠᠢ ᠰᠢᠪᠠᠭᠤ ᠬᠦᠮᠥᠨ ᠮᠠᠯ ᠤᠨ ᠬᠦᠯ ᠱᠣᠣᠭᠢᠶᠠᠨ | ᠲᠠᠳᠠᠭᠤᠯᠵᠤ᠂ ᠦᠬᠡᠷ ᠲᠡᠷᠭᠡ ᠪᠠᠨ ᠬᠡᠯᠢᠨ ︽ᠬᠦᠦᠭ᠂ ᠬᠦᠦᠭ︾ ᠬᠡᠵᠡᠭᠡᠨ ᠨᠡᠭᠦᠳᠡᠯ ᠴᠥᠷᠬᠡᠯᠡᠭᠦᠯᠳᠡᠭ ᠳ᠋ᠠ᠃ ᠪᠢ | ᠭᠡᠷ ᠲᠡᠭᠡᠨ ᠤᠯᠠᠨ ᠤ ᠤᠳᠬᠤᠨ ᠨᠢ᠂ ᠢᠳᠡᠭᠡᠨ ᠤ ᠥᠳᠬᠡᠨ ᠭᠡᠵᠤ ᠤᠷᠰᠢᠭ ᠤᠨ ᠤᠯᠠᠭᠠᠨ ᠲᠣᠯᠣᠮ ᠪᠠᠶᠢᠭᠰᠠᠨ᠃ | ᠵᠤᠰᠠᠭᠠᠯ ᠤᠨ ᠰᠢᠨᠡᠭᠡᠨ ᠪᠠᠭᠤᠴᠠᠨ ᠳᠤ ᠪᠠᠭᠤᠭᠰᠠᠨ ᠤ ᠬᠡᠳᠤ ᠬᠤᠨᠤᠭ ᠤᠨ ᠲᠠᠷᠠᠭᠠ ᠠᠬᠠ ᠡᠭᠡᠴᠢ | ᠬᠤᠶᠠᠷ ᠲᠤ ᠨᠢᠭᠡ ᠠᠭᠠᠰᠢᠯᠠᠵᠤ ᠮᠠᠭᠤᠬᠠᠢ ᠠᠪᠤᠷᠢᠯᠠᠯᠠ᠃ ᠶᠠᠭᠠᠬᠢᠬᠤ ᠨᠢ ᠪᠤᠢ ᠭᠡᠪᠡᠯ ᠨᠥᠭᠦᠭᠡ ᠵᠤᠭᠠ ᠢᠳᠡᠬᠦ | ᠬᠤᠷᠤᠬᠠᠢ ᠬᠦᠳᠡᠯᠴᠢᠬᠡᠬᠦ ᠨᠢ ᠲᠡᠷᠡ︕ ᠢᠩᠬᠢᠵᠦ ᠲᠡᠭᠡᠭᠰᠡᠭᠡᠷ ᠪᠠᠶᠢᠭᠠᠳ ᠡᠵᠢ ᠪᠠᠷ ᠢᠶᠠᠨ ᠲᠦᠷᠦ ᠪᠠᠷᠢᠵᠤ | ᠠᠬᠠ ᠡᠭᠡᠴᠢ ᠬᠤᠶᠠᠭᠤᠯᠠ ᠲᠠᠢ ᠰᠢᠷᠭᠠᠯ ᠳᠠᠭᠠ ᠶᠢᠨ ᠠᠮᠠ ᠤᠷᠣᠭᠤ ᠰᠠᠯᠬᠢ ᠬᠠᠭᠠᠯᠵᠤ ᠭᠠᠷᠣᠯᠠ᠃ ᠠᠢ | ᠶᠠᠭᠠᠬᠢᠨᠠ ᠡ᠂ ᠠᠶᠠᠳᠠᠶᠢᠠᠬᠨ ᠶᠠᠭᠠᠷᠠᠬᠤ ᠵᠤᠭᠠ ᠶᠢᠨ ᠰᠢᠬᠢᠷᠯᠢᠭ ᠠᠮᠳᠠ ᠬᠡᠵᠢ᠂ ᠨᠢᠳᠦᠨ ᠳᠤ ᠥᠷᠳᠥᠮᠡᠭᠴᠡ | ᠬᠤᠭᠤᠯᠠᠢ ᠬᠦᠷᠪᠡᠭᠡᠨᠡᠵᠤ ᠢᠷᠡᠨᠡ ᠰᠢᠦ ᠳ᠋ᠠ᠃ ᠠᠬᠠ ᠡᠭᠡᠴᠢ ᠬᠤᠶᠠᠷ ᠮᠤᠳᠤᠨ ᠳᠡᠭᠡᠷᠡ ᠠᠪᠠᠷᠢᠵᠤ ᠭᠠᠷᠣᠭᠠᠳ | ᠠᠯᠠᠭᠠ ᠪᠠᠷ ᠢᠶᠠᠨ ᠵᠤᠭᠠ ᠶᠢ ᠰᠢᠪᠳᠣᠷᠴᠣ ᠠᠪᠤᠩᠭᠤᠳᠠ ᠠᠮᠠ ᠤᠷᠤᠭᠤ ᠪᠠᠨ ᠬᠢᠨᠡ᠃ ᠮᠤᠳᠤᠨ ᠤ ᠲᠣᠣᠷᠠ | ᠵᠤᠭᠰᠣᠭᠰᠠᠨ ᠮᠢᠨᠤ ᠬᠤᠪᠳᠤᠭ ᠬᠦᠷᠦᠨᠡ ᠭᠡᠵᠢ ᠡ᠂ ᠶᠠᠭᠤ ᠬᠡᠯᠡᠯᠲᠠᠢ ᠪᠢᠯᠡ᠂ ᠮᠤᠳᠤ ᠠᠪᠠᠷᠢᠵᠤ ᠴᠢᠳᠠᠬᠤ | ᠦᠭᠡᠢ ᠶᠣᠮ ᠬᠤᠶᠢᠨᠡ ᠲᠡᠳᠡᠨ ᠤ ᠬᠤᠭᠤᠴᠢᠵᠦ ᠥᠭᠬᠦ ᠶᠢ ᠬᠦᠯᠢᠶᠡᠳᠡᠭ ᠵᠠᠶᠠᠭᠠ᠃ ᠠᠬᠠ ᠡᠭᠡᠴᠢ ᠬᠤᠶᠠᠷ | ᠨᠠᠳᠠ ᠳᠤ ᠵᠢᠵᠢᠭᠭᠡᠨ ᠬᠡᠰᠢᠭᠦᠦ ᠶᠢ ᠨᠢ ᠮᠥᠴᠢᠵᠤ ᠳᠡᠭᠡᠷᠡ ᠠᠴᠠ ᠬᠠᠶᠠᠨᠠ᠂ ᠪᠢ ᠭᠦᠯᠥᠭᠡ ᠰᠢᠭ ᠪᠠᠮᠪᠠᠭᠠᠨᠠᠵᠤ | ᠲᠡᠭᠦᠵᠤ ᠠᠪᠤᠭᠠᠳ ᠯᠡ ᠢᠳᠡᠨᠡ᠃ ᠲᠡᠶᠢᠨᠬᠦ ᠬᠡᠨ ᠬᠦᠮᠥᠨ ᠨᠠᠮᠠ ᠶᠢ ᠨᠣᠬᠠᠢ ᠮᠣᠣᠷ ᠭᠡᠵᠦ ᠲᠠᠭᠤᠳᠠᠭᠰᠠᠨ ᠴᠦ ᠡᠩ | ᠭᠡᠬᠦ ᠠᠴᠠ ᠤᠨᠳᠣᠣ ᠠᠪᠵᠢᠭ ᠬᠥᠳᠡᠯᠬᠦ ᠦᠭᠡᠢ ᠨᠢ ᠯᠠᠪᠲᠠᠢ᠃ ᠭᠡᠳᠡᠰᠤ ᠨᠢ ᠲᠦᠭᠦᠷᠦᠭᠰᠡᠨ ᠴᠦ ᠰᠠᠨᠠᠭᠠ ᠨᠢ | ᠴᠠᠳᠤᠬᠰᠠᠨ ᠦᠭᠡᠢ ᠪᠢ ᠭᠡᠷ ᠲᠡᠭᠡᠨ ᠠᠪᠡᠴᠢᠵᠤ ᠢᠳᠡᠬᠦ ᠶᠤᠮ ᠭᠡᠵᠦ ᠠᠬᠠ ᠡᠭᠡᠴᠢ ᠶᠢᠨ ᠵᠥᠭᠡᠯᠡᠨ ᠢᠳᠬᠠᠯ ᠢ | ᠰᠤᠨᠤᠰᠤᠯ ᠦᠭᠡᠢ ᠤᠰᠤᠨ ᠨᠢᠳᠣᠯᠡᠵᠤ ᠤᠷᠣᠭᠤ ᠴᠢᠷᠠᠶᠢᠯᠠᠵᠤ ᠪᠠᠶᠢᠭᠰᠠᠭᠠᠷ ᠨᠢᠵᠡᠭᠡᠳ ᠮᠥᠴᠢᠷ ᠬᠤᠭᠤᠴᠢᠭᠤᠯᠤᠨ | ᠲᠡᠪᠡᠷᠢᠭᠦᠯᠥᠭᠡᠳ ᠰᠢᠷᠭᠠᠯ ᠳᠠᠭᠠ ᠶᠢᠨ ᠠᠮᠠ ᠠᠴᠠ ᠭᠠᠷᠴᠣ ᠢᠷᠡᠯᠡ᠃ ᠵᠠᠮ ᠳᠤ ᠠᠬᠠ ᠡᠭᠡᠴᠢ ᠪᠠᠷ ᠢᠶᠠᠨ | ᠡᠭᠡᠯᠵᠢᠯᠡᠭᠦᠯᠤᠨ ᠡᠭᠦᠷᠴᠣ ᠶᠠᠪᠤᠵᠤ ᠪᠠᠶᠢᠳᠠᠯᠠ ᠬᠡᠨᠡᠳᠳᠡ ᠠᠷᠣᠬᠠᠨ ᠳᠤ ᠮᠤᠷᠢᠨ ᠤ ᠲᠥᠪᠡᠷᠭᠡᠨ ᠰᠤᠨᠤᠰᠳᠠᠵᠦ | ᠰᠢᠯᠪᠢᠭᠦᠷ ᠤᠨ ᠴᠢᠮᠡᠭᠡ ᠱᠣᠣᠬᠢᠬᠤ ᠶᠢᠨ ᠵᠡᠷᠭᠡ ᠶᠠᠭᠤ ᠬᠠᠢ ᠦᠭᠡᠢ ᠠᠬᠠ ᠡᠭᠡᠴᠢ ᠶᠢᠨ ᠬᠢᠩᠭᠠᠷ ᠰᠢᠯᠪᠢ ᠶᠢ ᠲᠠᠱ | ᠨᠢᠱ ᠤᠷᠢᠶᠠᠯᠭᠠᠵᠤ ᠭᠠᠷᠪᠠ᠃ ᠡᠭᠡᠴᠢ ᠨᠠᠳᠠ ᠶᠢ ᠡᠭᠦᠷᠦᠭᠰᠡᠨ ᠴᠢᠭ ᠢᠶᠠᠷ ᠰᠢᠩᠭᠡᠨ ᠲᠠᠭᠤ ᠲᠠᠯᠪᠢᠨ ᠲᠣᠲᠠᠭᠠᠬᠤ ᠳᠤ᠂ | ᠠᠬᠠ ᠴᠦ ᠲᠡᠪᠡᠷᠢᠵᠦ ᠪᠠᠶᠢᠭᠰᠠᠨ ᠵᠤᠭᠠ ᠪᠠᠨ ᠪᠤᠲᠠᠷᠠᠳᠠᠯᠠ ᠰᠢᠳᠡᠵᠤ ᠤᠷᠬᠢᠭᠠᠳ ᠭᠤᠳ᠃ ᠲᠡᠭᠡᠲᠡᠯᠡ ᠳᠡᠷᠭᠡᠳᠡᠭᠦᠷ | ᠰᠢᠷᠭᠠ ᠮᠤᠷᠢ ᠤᠨᠤᠭᠰᠠᠨ ᠭᠦᠦᠲᠡᠩ ᠲᠡᠷᠯᠢᠭ ᠲᠠᠢ ᠬᠢᠵᠢᠶᠡᠯᠢ ᠨᠠᠰᠣᠨ ᠤ ᠬᠦᠮᠦᠨ ᠰᠠᠯᠬᠢ ᠲᠠᠳᠠᠭᠤᠯᠤᠨ | ᠭᠠᠷᠬᠤ ᠳᠠᠭᠠᠨ᠄ ︽ᠡᠨᠡ ᠮᠠᠭᠤᠰᠠᠶᠢᠨ ᠳᠠᠮᠰᠢᠭ ᠤᠳ ᠢ︕ ᠦᠷᠢᠯ ᠢ ᠨᠢ ᠢᠳᠡᠭᠡᠳ ᠦᠨᠳᠦᠰᠦ ᠶᠢ ᠨᠢ ᠭᠡᠵᠢ᠂ | ᠵᠤᠭᠠ ᠶᠢ ᠨᠢ ᠴᠥᠯᠪᠡᠴᠢᠬᠡᠭᠡᠳ ᠪᠠᠰᠠ ᠮᠥᠴᠢᠷ ᠢ ᠨᠢ ᠬᠤᠭᠤᠴᠢᠨᠠ᠂ ᠬᠡᠩ︕ ᠮᠥᠳᠳᠣ ᠭᠡᠷ ᠲᠤ ᠴᠢᠨᠢ | ᠬᠦᠷᠴᠣ ᠪᠠᠶᠢᠵᠤ ᠡᠴᠢᠭᠡ ᠡᠭᠡ ᠳᠤ ᠴᠢᠨᠢ ᠬᠡᠯᠡᠨᠡ ᠤᠤ ᠦᠭᠡᠢ ᠤᠤ ᠬᠠᠷᠠᠵᠦ ᠪᠠᠢ︾ ᠭᠡᠳ ᠲᠣᠭᠤᠰᠣ | ᠲᠠᠳᠠᠭᠤᠯᠤᠨ ᠤᠳᠪᠠ᠃ ᠠᠢ ᠯᠠᠮᠡ ᠭᠤᠩᠴᠣᠭᠰᠦ᠋ᠮᠡ ᠮᠢᠨᠢ︕ ᠠᠬᠠ ᠡᠭᠡᠴᠢ ᠬᠤᠶᠠᠷ ᠮᠢᠨᠢ ᠨᠢᠰᠤ ᠨᠢᠯᠪᠤᠰᠣ ᠪᠠᠨ | ᠴᠢᠷᠴᠦ ᠨᠠᠮᠠ ᠶᠢ ᠭᠤᠮᠤᠳᠠᠯᠲᠠᠢ ᠨᠢᠳᠦ ᠪᠠᠷ ᠬᠠᠷᠠᠨ ᠬᠠᠷᠠᠨ ᠶᠠᠪᠤᠬᠤ ᠳᠤ ᠲᠣᠲᠣᠷᠠ ᠶᠠᠭᠤ ᠨᠢᠭᠡ ᠪᠠᠨ ᠬᠡᠯᠡᠵᠦ | ᠭᠠᠷᠬᠤ ᠦᠭᠡᠢ ᠬᠠᠷᠠ ᠪᠠᠭᠤᠵᠦ ᠪᠠᠶᠢᠭᠰᠠᠨ ᠯᠡ ᠶᠤᠮ ᠳ᠋ᠠ᠃ ᠲᠡᠭᠡᠵᠦ ᠯᠡ ᠠᠬᠠ ᠡᠭᠡᠴᠢ ᠮᠢᠨᠢ ᠮᠤᠷᠢᠨ ᠤᠶᠠᠭᠠᠨ ᠤ | ᠬᠠᠵᠡᠭᠤᠬᠠᠨ ᠳᠤ ᠨᠠᠮᠠ ᠶᠢ ᠪᠠᠭᠤᠯᠭᠠᠵᠤ ᠲᠠᠯᠪᠢᠭᠠᠳ ᠦᠰᠦ ᠭᠡᠵᠢᠭᠡ᠂ ᠨᠢᠭᠤᠷ ᠴᠢᠷᠠᠢ ᠪᠠᠨ ᠵᠠᠰᠠᠵᠤ ᠵᠦᠯᠭᠦᠬᠦ᠋ᠢᠴᠡ | ᠪᠤᠯᠤᠭᠠᠳ ᠭᠡᠷ ᠲᠡᠭᠡᠨ ᠤᠷᠣᠯ ᠦᠭᠡᠢ ᠲᠤᠭᠤᠯ ᠤᠨ ᠪᠡᠯᠴᠢᠭᠡᠷ ᠵᠦᠭ ᠢᠶᠠᠨ ᠶᠠᠪᠤᠵᠤ ᠥᠭᠭᠦᠭᠰᠡᠨ ᠡ᠁ | ᠲᠡᠶᠢᠮᠦ ᠡ᠂ ᠪᠢ ᠭᠡᠵᠦ ᠬᠤᠯᠠᠨ ᠰᠢᠷᠭᠠ ᠲᠠᠭᠠ ᠶᠢᠨ ᠡᠯᠡᠰᠦᠨ ᠤ ᠬᠡᠦᠬᠡᠳ᠂ ᠬᠥᠭᠡ ᠬᠠᠶᠢᠯᠠᠰᠣᠨ ᠤ | ᠪᠥᠬᠡ ᠦᠨᠳᠦᠰᠦ᠂ ᠰᠢᠯᠪᠢ ᠪᠠᠨ ᠤᠷᠢᠶᠠᠯᠭᠠᠭᠰᠠᠨ ᠠᠬᠠ ᠡᠭᠡᠴᠢ ᠶᠢᠨ ᠢᠶᠠᠨ ᠳᠡᠭᠦᠦᠲᠠᠢ᠂ ᠰᠢᠬᠢᠷ ᠲᠤ ᠲᠣᠷᠠᠲᠠᠢ | ᠲᠦᠷᠦᠭᠦᠦ ᠵᠠᠭᠤᠨ ᠤ ᠪᠢᠵᠠᠯᠢ ᠶᠣᠮ ᠰᠢᠦ ᠳ᠋ᠠ᠂ ᠵᠠ ᠶᠠᠭᠠᠬᠢᠬᠤᠪ᠃ | | |