| ᠰᠢᠯᠤᠭᠤᠨ ᠬᠦᠭᠡ ᠬᠤᠰᠢᠭᠤᠨ ᠤ ᠭᠤᠭᠤᠰᠤᠳᠠᠢ ᠨᠤᠳᠤᠭ ᠪᠤᠯ ᠤᠰᠤ ᠭᠤᠤᠯ ᠤᠭᠠᠯᠵᠠᠯᠠᠨ ᠴᠡᠩᠭᠡᠷᠯᠡᠵᠤ | ᠂ ᠤᠳᠠ ᠪᠤᠷᠭᠠᠰᠤ ᠴᠡᠯᠭᠡᠷᠡᠨ ᠨᠤᠭᠤᠭᠠᠷᠠᠵᠤ᠂ ᠤᠷᠭᠤᠮᠠᠯ ᠴᠡᠴᠡᠭ ᠠᠯᠠᠭᠯᠠᠨ ᠵᠢᠭᠳᠡᠷᠡᠵᠤ᠂ ᠤᠷᠠᠨ ᠰᠢᠪᠠᠭᠤᠳ | ᠡᠭᠡᠰᠢᠭᠯᠡᠨ ᠲᠤᠩᠭᠤᠳᠤᠭᠰᠠᠨ ᠦᠵᠡᠰᠭᠦᠯᠡᠩᠳᠦ ᠰᠠᠶᠢᠬᠠᠨ ᠪᠠᠶᠢᠭᠠᠯᠢ ᠶᠢᠨ ᠴᠡᠴᠡᠷᠯᠢᠭ ᠠᠵᠢ᠃ | ᠭᠤᠭᠤᠰᠤᠳᠠᠢ ᠶᠢᠨ ᠭᠤᠤᠯ ᠤᠨ ᠲᠤᠬᠠᠢ ᠲᠡᠮᠳᠡᠭᠯᠡᠯ | ●ᠮᠢᠩᠭᠠᠳ ᠲᠦᠡᠭᠰᠢᠭ | ᠭᠤᠪᠢ ᠶᠢᠨ ᠨᠠᠷᠠ ᠨᠠᠯᠬᠠᠷᠨᠨ ᠲᠦᠭᠡᠨᠡᠵᠤ᠂ ᠭᠤᠯᠢᠶᠠ ᠶᠢᠨ ᠵᠢᠷᠭᠢᠭᠡ ᠰᠡᠳᠭᠢᠯ ᠤᠶᠠᠷᠠᠭᠤᠯᠤᠭᠰᠠᠨ | ᠨᠢᠭᠡᠨ ᠨᠠᠮᠤᠷ ᠤᠨ ᠨᠠᠢᠮᠠᠳᠤᠭᠠᠷ ᠰᠠᠷᠠ ᠶᠢᠨ ᠡᠭᠢ ᠪᠠᠷ ᠪᠢ ᠭᠠᠵᠠᠷ ᠤᠨ ᠨᠡᠷᠡᠰ ᠪᠠᠶᠢᠴᠠᠭᠠᠵᠤ᠂ ᠭᠤᠤᠯ ᠤᠨ | ᠤᠷᠤᠰᠬᠠᠯ ᠲᠠᠭᠠᠤ ᠨᠤᠳᠤᠭ ᠢᠶᠠᠷ ᠠᠶᠠᠯᠠᠨ ᠶᠠᠪᠤᠭᠰᠠᠨ ᠪᠢᠯᠡ᠃ ᠦᠳᠡᠯᠦᠭᠡ ᠨᠠᠰᠤᠨ ᠤ ᠵᠢᠷᠭᠠᠯ ᠤᠨ ᠬᠠᠪᠤ | ᠴᠡᠩᠭᠡᠯ ᠢ ᠡᠳ᠋ᠯᠡᠭᠰᠡᠨ ᠦᠳᠡᠭᠦᠰ ᠪᠤᠭᠤᠷᠤᠯ ᠢ ᠰᠤᠷᠪᠤᠯᠵᠢᠯᠠᠨ᠂ ᠬᠠᠭᠤᠴᠢ ᠭᠦᠭᠡᠷᠤᠨ ᠲᠡᠯᠭᠡᠵᠤ ᠶᠠᠪᠤᠬᠤ ᠳᠠᠭᠠᠨ | ᠭᠤᠭᠤᠰᠤᠳᠠᠢ ᠶᠢᠨ ᠭᠤᠤᠯ ᠤᠨ ᠡᠭᠦᠰᠦᠯ ᠭᠠᠷᠤᠯ᠂ ᠦᠯᠢᠭᠡᠷ ᠲᠤᠮᠤᠭ ᠢ ᠰᠤᠨᠢᠷᠬᠠᠨ ᠲᠡᠮᠳᠡᠭᠯᠡᠭᠰᠡᠨ ᠨᠢ ᠡᠨᠡ ᠪᠢᠯᠡ | ᠃ ᠨᠠᠷᠠᠳᠤ ᠰᠤᠮᠤᠨ ᠤ ᠪᠠᠶᠠᠨᠳᠠᠯᠠ ᠪᠠᠭ ᠤᠨ ᠦᠭᠡᠯᠡᠳ ᠶᠢᠰᠤ ᠶᠢᠨ ᠤᠪᠤᠭᠠᠨ ᠤ ᠠᠷᠤ ᠳᠠᠬᠢ ᠨᠠᠮᠤᠭ | ᠲᠠᠭᠠᠭᠠᠴᠠ ᠠᠴᠠ ᠡᠭᠢ ᠠᠪᠤᠭᠰᠠᠨ ᠨᠢᠭᠡᠨ ᠵᠤᠷᠪᠤᠰ ᠨᠠᠷᠢᠨ ᠭᠤᠤᠯ ᠪᠠᠷᠠᠭᠤᠨᠰᠢ ᠮᠡᠯᠮᠡᠷᠡᠨ ᠤᠷᠤᠰᠤᠨᠠ᠃ ᠮᠠᠯᠴᠢᠳ | ᠳᠡᠭᠦᠨ ᠢ ᠭᠤᠤᠯ ᠤᠨ ᠮᠤᠬᠤᠷ ᠭᠡᠳᠡᠭ᠃ ᠭᠤᠤᠯ ᠤᠨ ᠮᠤᠬᠤᠷ ᠠᠴᠠ ᠪᠠᠷᠠᠭᠤᠨᠰᠢ ᠬᠤᠷᠢᠭᠠᠳ ᠭᠠᠵᠠᠷ ᠤᠨ ᠵᠠᠢ ᠳᠤ | ᠬᠤᠶᠠᠭᠳᠤ ᠶᠢᠨ ᠰᠦᠮᠡ ᠶᠢ ᠪᠠᠷᠢᠭᠰᠠᠨ ᠤᠴᠢᠷ ᠡᠨᠡ ᠭᠦ ᠭᠡᠰᠡᠭ ᠤᠷᠤᠰᠬᠠᠯ ᠢ ᠬᠤᠶᠠᠭᠳᠤ ᠶᠢᠨ ᠭᠤᠤᠯ ᠭᠡᠳᠡᠭ᠃ | ᠪᠢᠳᠡ ᠤᠷᠤᠰᠬᠠᠯ ᠲᠠᠭᠠᠵᠤ ᠶᠠᠪᠤᠭᠰᠠᠭᠠᠷ ︽ᠴᠢᠩᠭᠢᠰ ᠤᠨ ᠨᠤᠳᠤᠭ︾ ᠭᠦᠷᠭᠦ ᠳᠤ ᠵᠡᠭᠦᠨ ᠬᠤᠶᠢᠨᠡ ᠠᠴᠠ ᠨᠢᠭᠡᠨ | ᠭᠤᠤᠯ ᠢᠷᠡᠵᠤ ᠨᠡᠶᠢᠯᠡᠵᠡᠢ᠃ ᠡᠨᠡ ᠨᠢ ᠲᠠᠪᠤᠨ ᠭᠠᠵᠠᠷ ᠤᠨ ᠴᠠᠭᠠᠨᠠ ᠪᠠᠶᠢᠬᠤ ᠴᠠᠭᠠᠨᠨᠠᠭᠤᠷ ᠠᠴᠠ ᠡᠭᠢ ᠠᠪᠤᠭᠰᠠᠨ | ᠴᠠᠭᠠᠨᠨᠠᠭᠤᠷ ᠭᠤᠤᠯ ᠪᠤᠯᠤᠨᠠ᠃ ᠭᠤᠤᠯ ᠤᠨ ᠬᠤᠶᠠᠷ ᠭᠦᠪᠡᠭᠡ ᠪᠠᠷ ᠠᠶᠢᠯ ᠤᠳ ᠵᠠᠯᠭᠠᠯᠳᠤᠨ ᠠᠳᠤᠭᠤ ᠮᠠᠯ | ᠦᠷᠭᠦᠯᠵᠢᠯᠡᠨᠡ᠃ ᠭᠤᠤᠯ ᠤᠨ ᠠᠷᠤ ᠲᠤᠰᠢᠨ ᠲᠡᠭᠡᠷᠡ ᠭᠡᠰᠡᠭ ᠬᠠᠶᠢᠯᠠᠰᠤᠨ ᠤᠢ᠂ ᠭᠦᠭᠡ ᠸᠠᠭᠠᠷ᠂ ᠤᠯᠠᠭᠠᠨ | ᠭᠡᠷᠡᠮ ᠪᠦᠭᠦᠢ ᠨᠡᠯᠢᠶᠡᠳ ᠶᠡᠭᠡ ᠰᠦᠮᠡ ᠬᠠᠷᠠᠭᠳᠠᠪᠠ᠃ ᠰᠦᠮᠡ ᠶᠢᠨ ᠵᠡᠭᠦᠨ ᠲᠤᠤᠷᠠ ᠭᠦᠷᠭᠦ ᠳᠤ ᠬᠤᠶᠢᠨᠠ ᠠᠴᠠ | ᠤᠳᠠᠨ ᠰᠢᠭᠤᠢ ᠶᠢᠨ ᠲᠤᠮᠳᠠᠭᠤᠷ ᠤᠭᠠᠯᠵᠠᠯᠠᠨ ᠮᠡᠯᠮᠡᠯᠵᠡᠭᠰᠡᠨ ᠲᠤᠩᠭᠠᠯᠠᠭ ᠭᠤᠤᠯ ᠢᠷᠡᠵᠤ ᠭᠤᠭᠤᠰᠤᠳᠠᠢ ᠶᠢᠨ | ᠭᠤᠤᠯ ᠳᠤ ᠴᠢᠳᠬᠤᠨᠠ᠃ | ᠡᠨᠡᠭᠦ ᠭᠤᠤᠯ ᠪᠤᠯ ᠳᠡᠭᠡᠭᠡᠯᠢ ᠶᠢᠨ ᠭᠤᠤᠯ ᠶᠤᠮ᠃ ᠰᠢᠩᠭᠡᠭᠦ ᠨᠠᠷᠠᠨ ᠤ ᠰᠢᠵᠢᠷ ᠲᠤᠶᠠᠭᠠᠨ ᠳᠤ | ᠰᠢᠭᠢᠳᠭᠡᠭᠡ ᠬᠠᠶᠠᠯᠠᠨ ᠬᠤᠸᠠᠷᠯᠠᠭᠰᠠᠨ ᠲᠡᠭᠡᠭᠡᠯᠢ ᠶᠢᠨ ᠭᠤᠤᠯ ᠨᠠᠢᠮᠠᠨ ᠭᠠᠵᠠᠷ ᠤᠨ ᠵᠠᠢ ᠳᠤ ᠪᠠᠶᠢᠬᠤ ᠪᠠᠷᠠᠭᠤᠨ | ᠪᠠᠶᠠᠨᠨᠠᠭᠤᠷ ᠠᠴᠠ ᠡᠭᠢ ᠠᠪᠴᠠᠢ᠃ ᠰᠢᠷᠭᠠᠯ ᠮᠠᠩᠬᠠᠨ ᠳᠤ ᠵᠢᠷᠭᠠᠬᠤ ᠨᠠᠷᠠ᠂ ᠱᠠᠭᠠ ᠶᠢᠨ ᠴᠢᠨᠡᠭᠡᠨ ᠰᠢᠷᠡ ᠲᠤᠰᠤ | ᠮᠡᠳᠤ᠂ ᠰᠠᠶᠢᠬᠠᠨ ᠭᠤᠭᠤᠰᠤᠳᠠᠢ ᠶᠢᠨ ᠮᠦᠡᠭᠭᠦᠨ ᠤᠷᠤᠰᠬᠠᠯ᠂ ᠰᠠᠭᠠᠯᠢᠴᠢᠨ ᠪᠦᠰᠡᠭᠦᠢ ᠶᠢᠨ ᠴᠡᠩᠭᠡᠷ ᠠᠯᠴᠢᠭᠤᠷ | ᠠᠳᠠᠯᠢ ᠰᠠᠨᠠᠭᠳᠠᠨᠠ᠃ ᠭᠤᠭᠤᠰᠤᠳᠠᠢ ᠶᠢᠨ ᠭᠤᠤᠯ ᠳᠤ ᠴᠢᠳᠬᠤᠵᠤ ᠪᠠᠶᠢᠬᠤ ᠬᠠᠮᠤᠭ ᠶᠡᠭᠡ ᠤᠷᠤᠰᠬᠠᠯ ᠪᠤᠯ | ᠴᠠᠴᠠᠷ ᠤᠨ ᠭᠤᠤᠯ ᠪᠤᠯᠤᠨᠠ᠃ ᠴᠡᠴᠡᠷ ᠤᠨ ᠭᠤᠤᠯ ᠤᠷᠳᠤ ᠶᠢᠨ ᠲᠠᠯᠠ ᠰᠤᠮᠤᠨ ︵ᠤᠤᠯ ᠤᠨ︶ ᠤ | ᠭᠦᠭᠡᠨᠠᠭᠤᠷ ᠠᠴᠠ ᠡᠭᠢ ᠠᠪᠴᠤ᠂ ᠲᠦᠴᠢ ᠭᠠᠷᠤᠢ ᠭᠠᠵᠠᠷ ᠤᠷᠤᠰᠤᠭᠠᠳ᠂ ᠲᠠᠭᠠᠮᠠᠢ ᠶᠢᠨ ᠵᠤᠰᠠᠯᠠᠩ ᠳᠤ | ᠭᠤᠭᠤᠰᠤᠳᠠᠢ ᠶᠢᠨ ᠭᠤᠤᠯ ᠲᠠᠢ ᠤᠷᠤᠰᠬᠠᠯ ᠨᠡᠶᠢᠯᠡᠵᠤ ᠪᠠᠶᠢᠨᠠ᠃ ᠨᠤᠳᠤᠭ ᠤᠨ ᠮᠠᠯᠴᠢᠳ ᠡᠨᠡ ᠭᠡᠰᠡᠭ | ᠤᠷᠤᠰᠬᠠᠯ ᠢ ᠲᠠᠭᠠᠮᠠᠢ ᠶᠢᠨ ᠭᠤᠤᠯ ᠭᠡᠵᠤ ᠲᠠᠭᠤᠳᠠᠳᠠᠭ ᠪᠢᠯᠡ᠃ ᠠᠳᠡ ᠠᠴᠠ ᠭᠤᠤᠯ ᠤᠨ ᠤᠷᠤᠰᠬᠠᠯ ᠦᠷᠭᠡᠨ᠂ | ᠤᠰᠤ ᠨᠢ ᠭᠦᠨ ᠪᠤᠯᠤᠨᠠ᠃ ᠰᠢᠯᠤᠭᠤᠨ ᠭᠦᠭᠡ ᠬᠤᠰᠢᠭᠤᠨ ᠤ ᠵᠠᠭᠠᠭ ᠤᠢᠢᠷᠠᠳᠤᠬᠤ ᠳᠤ ᠵᠡᠭᠦᠨ ᠪᠠᠶᠠᠨᠨᠠᠭᠤᠷ ᠠᠴᠠ | ᠡᠭᠢ ᠠᠪᠤᠭᠰᠠᠨ ᠰᠢᠷᠠ ᠲᠤᠬᠤᠢ ᠶᠢᠨ ᠭᠤᠤᠯ ︵ᠵᠡᠭᠦᠨ ᠭᠤᠤᠯ︶᠂ ᠤᠬᠤᠷᠬᠠᠨ ᠤᠷᠤᠰᠬᠠᠯ ᠳᠠᠭᠠᠨ ᠤᠯᠠᠨ ᠨᠡᠷᠡᠳᠡᠢ | ᠲᠠᠭᠤᠳᠤ ᠭᠤᠤᠯ — ᠬᠠᠷᠭᠠᠨᠠᠳᠤ ᠶᠢᠨ ᠭᠤᠤᠯ — ᠨᠠᠷᠢᠨ ᠭᠤᠤᠯ — ᠰᠠᠶᠢᠳ ᠤᠨ ᠭᠤᠤᠯ ︵ᠪᠠᠷᠠᠭᠤᠨ | ᠭᠤᠤᠯ︶ ᠲᠠᠢ ᠰᠠᠶᠢᠳ ᠤᠨ ᠨᠤᠳᠤᠭ ᠲᠤ ᠵᠤᠯᠭᠠᠯᠳᠤᠵᠤ ᠭᠤᠭᠤᠰᠤᠳᠠᠢ ᠶᠢᠨ ᠭᠤᠤᠯ ᠳᠤ ᠬᠤᠪᠢ ᠨᠡᠮᠡᠷᠢ ᠪᠠᠨ | ᠬᠠᠨᠳᠢᠪᠯᠠᠨᠠ᠃ ᠠᠭᠠᠷᠤ ᠽᠠᠨᠳᠠᠨ ᠰᠠᠭᠤᠯᠠᠭᠠᠨ ᠳᠤ ᠠᠮᠠᠰᠠᠷ ᠪᠢᠯᠬᠠᠮᠠ ᠮᠡᠯᠮᠡᠯᠵᠡᠭᠰᠡᠨ ᠰᠦ ᠰᠢᠭ | ᠭᠤᠭᠤᠰᠤᠳᠠᠢ ᠶᠢᠨ ᠭᠤᠤᠯ ᠮᠠᠨᠢ ᠬᠤᠯᠠᠨ ᠰᠢᠷᠭᠠ ᠲᠠᠬᠢ ᠶᠢᠨ ᠡᠯᠡᠰᠤ ᠮᠠᠩᠬᠠᠨ ᠤ ᠪᠡᠷᠭᠡ ᠪᠠᠷᠳᠠᠭᠠ ᠪᠠᠷ ᠲᠤᠭᠤᠯᠵᠤ | ᠠᠪᠠᠭᠠ ᠶᠢᠨ ᠰᠢᠷᠠ ᠲᠠᠯᠠ ᠪᠠᠷ ᠪᠠᠷᠠᠭᠤᠨᠰᠢ ᠲᠡᠯᠮᠡᠭᠦᠯᠤᠨ ᠲᠡᠭᠷᠢ ᠶᠢᠨ ᠬᠠᠶᠠᠭᠠᠨ ᠳᠤ ᠰᠢᠩᠭᠡᠨᠡ᠃ ᠭᠡᠴᠢᠨᠡᠨ ᠵᠠᠭᠤ | ᠮᠢᠩᠭᠠᠨ ᠵᠢᠯ ᠤᠨ ᠲᠤᠷᠰᠢ ᠵᠤᠷᠢᠭᠰᠠᠨ ᠵᠦᠭ ᠲᠡᠭᠡᠨ ᠵᠤᠷᠢᠭ ᠰᠢᠨᠳᠠᠷᠠᠯ ᠦᠭᠡᠢ ᠵᠢᠯᠤᠭᠤ ᠰᠤᠩᠭᠠᠨ ᠲᠠᠪᠭᠢᠭᠰᠠᠨ | ᠭᠤᠭᠤᠰᠤᠳᠠᠢ ᠶᠢᠨ ᠭᠤᠤᠯ ᠮᠢᠨᠢ ᠡᠷᠳᠡ ᠲᠡᠭᠡᠷᠡ ᠦᠶᠡ ᠠᠴᠠ ᠲᠡᠤᠭᠡ ᠰᠤᠳᠤᠷ ᠲᠤ ᠠᠯᠳᠠᠷ ᠨᠡᠷᠡ ᠪᠠᠨ | ᠲᠡᠮᠳᠡᠭᠯᠡᠭᠦᠯᠵᠤ ᠲᠦᠮᠡᠨ ᠤᠯᠠᠨ ᠳᠤ ᠠᠮᠳᠠᠳᠤ ᠷᠠᠰᠢᠶᠠᠨ ᠢᠶᠠᠨ ᠢᠪᠡᠭᠡᠭᠰᠡᠭᠡᠷ ᠢᠷᠡᠭᠰᠡᠨ ᠠᠵᠢ᠃ ︽ | ᠪᠤᠭᠤᠮᠳᠠ ᠶᠢᠨ ᠠᠷᠤ ᠳᠠᠬᠢ ᠭᠤᠷᠪᠠᠨ ᠲᠢᠩᠭᠢᠮ ᠤᠨ ᠲᠡᠮᠳᠡᠭᠯᠡᠯ︾ ᠳᠤ᠂ ︽ᠭᠤᠭᠤᠰᠤᠳᠠᠢ ᠶᠢᠨ ᠭᠤᠤᠯ ᠴᠠᠬᠠᠷ ᠤᠨ | ᠰᠢᠯᠤᠭᠤᠨ ᠭᠦᠭᠡ ᠬᠤᠰᠢᠭᠤᠨ ᠤ ᠵᠡᠭᠦᠨᠡ ᠲᠠᠪᠢᠨ ᠭᠠᠵᠠᠷ ᠤᠨ ᠵᠠᠢ ᠳᠠᠬᠢ ᠡᠮᠡᠭᠡᠳ ᠤᠨ ᠦᠷᠳᠡᠭᠡᠨ ᠤ ᠪᠠᠷᠠᠭᠤᠨ | ᠬᠤᠶᠢᠨᠡ ᠠᠴᠠ ᠡᠭᠢ ᠠᠪᠴᠤ ᠠᠪᠠᠭᠠ ᠳᠤᠷ ᠤᠷᠤᠰᠤᠨ ᠤᠷᠤᠮᠤᠢ᠃ ᠭᠤᠭᠤᠰᠤᠳᠠᠢ ᠭᠡᠮᠡᠭᠦ ᠢᠨᠤ ᠭᠤᠭᠤᠳ | ᠬᠠᠯᠢᠶᠠᠷ ᠠᠵᠢ︾ ᠭᠡᠮᠡᠨ ᠲᠡᠮᠳᠡᠭᠯᠡᠭᠰᠡᠨ ᠪᠢᠯᠡ᠃ ᠬᠠᠯᠭᠢᠯᠠᠭᠰᠠᠨ ᠤᠷᠤᠰᠬᠠᠯ ᠨᠢ ᠷᠠᠰᠢᠶᠠᠨ ᠪᠤᠯᠪᠠᠤ᠂ | ᠭᠤᠭᠤᠰᠤᠳᠠᠢ ᠨᠤᠳᠤᠭ ᠤᠨ ᠪᠡᠯᠴᠢᠭᠡᠷ ᠡᠪᠡᠰᠤ ᠲᠦᠷᠦᠭᠡ ᠰᠢᠭᠦᠷᠡᠨᠡ᠃ ᠬᠠᠯᠢᠶᠠᠷ ᠭᠤᠭᠤᠳ ᠨᠢ ᠰᠢᠮᠡᠯᠢᠭ ᠤᠨ | ᠪᠤᠯᠪᠠᠤ᠂ ᠵᠢᠭᠠᠰᠤᠳᠠᠢ ᠶᠢᠨ ᠦᠭᠡᠷ ᠵᠠᠭᠠᠨ ᠰᠢᠭ᠋ ᠲᠦᠷᠦᠨᠡ᠃ | | |