| | ᠡᠮᠤᠨᠡᠬᠢ ᠦᠬᠡ᠄ ᠣᠷᠳᠤ ᠣᠳᠠᠭᠠᠨ ᠲᠡᠤᠬᠡᠨ ᠶᠠᠪᠤᠴᠠ ᠳᠤ ᠶᠠᠮᠠᠷᠪᠠ ᠨᠢᠬᠡᠨ ᠣᠯᠤᠰ ᠬᠦᠷᠦᠨ ᠪᠤᠯᠤᠬᠰᠠᠨ | ᠴᠤ ᠪᠦᠷ ᠦᠪᠡᠷ ᠤᠨ ᠲᠦᠷᠦ ᠨᠤᠶᠠᠷᠬᠠᠯ ᠢᠶᠠᠨ ᠪᠠᠳᠤ ᠪᠠᠬᠢ᠂ ᠨᠤᠳᠤᠬ ᠲᠡᠪᠢᠰᠬᠡᠷ ᠢᠶᠠᠨ ᠪᠦᠷᠢᠨ ᠪᠦᠳᠦᠨ | ᠪᠠᠶᠢᠯᠭᠠᠬᠤ ᠶᠢᠨ ᠲᠦᠯᠤᠬᠡ ᠶᠠᠩᠵᠤ ᠪᠦᠷᠢ ᠶᠢᠨ ᠨᠤᠶᠠᠷᠬᠠᠯ ᠤᠨ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠪᠤᠶᠤ ᠠᠷᠭᠠ ᠬᠡᠷᠡᠭᠯᠡᠬᠦᠷ ᠢ | ᠠᠰᠢᠬᠯᠠᠨ ᠬᠡᠷᠡᠭᠯᠡᠳᠡᠭ᠃ ᠡᠬᠦᠨ ᠳᠤ ᠮᠡᠳᠡᠭᠡ ᠵᠠᠩᠬᠢ ᠶᠢᠨ ᠲᠠᠮᠵᠢᠭᠤᠯᠭᠠ ᠶᠢᠨ ᠰᠢᠰᠲ᠋ᠧᠮ ᠨᠢ ᠠᠯᠢᠪᠠ ᠲᠦᠷᠦ | ᠬᠦᠷᠦᠨ ᠤ ᠴᠢᠬᠤᠯᠠ ᠨᠢᠬᠡ ᠣᠷᠭᠠᠨᠢᠬ ᠴᠤᠬᠴᠠ ᠨᠢ ᠪᠠᠶᠢᠵᠤ᠂ ᠣᠯᠤᠰ ᠲᠦᠷᠦ᠂ ᠴᠡᠷᠢᠭ ᠲᠠᠶᠢᠨ᠂ ᠠᠵᠤ ᠠᠬᠤᠢ᠂ | ᠰᠤᠶᠤᠯ ᠪᠤᠯᠪᠠᠰᠤᠨ ᠵᠡᠷᠬᠡ ᠣᠯᠠᠨ ᠬᠦᠷᠢᠶᠡ ᠬᠡᠪᠴᠢᠶᠡᠨ ᠳᠤ ᠴᠦᠮ ᠲᠦᠢᠯ ᠤᠨ ᠴᠢᠬᠤᠯᠠ ᠦᠢᠯᠡᠳᠤᠯ | ᠪᠠᠳᠠᠷᠠᠭᠤᠯᠳᠠᠬ ᠪᠤᠯᠬᠤᠷ ᠶᠠᠮᠠᠷᠪᠠ ᠨᠡᠶᠢᠬᠡᠮ ᠤᠨ ᠪᠠᠶᠢᠭᠤᠯᠤᠯ ᠬᠡᠰᠡᠨ ᠦᠬᠡᠢ᠂ ᠠᠯᠢ ᠨᠢᠬᠡᠨ ᠲᠦᠷᠦ ᠶᠢᠨ | ᠨᠤᠶᠠᠷᠬᠠᠯ ᠳᠤ ᠴᠤ ᠬᠡᠰᠡᠨ ᠦᠬᠡᠢ ᠪᠦᠷ ᠬᠦᠨᠳᠤ ᠴᠢᠬᠤᠯᠠ ᠪᠠᠶᠢᠷᠢ ᠰᠠᠭᠤᠷᠢ ᠲᠠᠢ ᠪᠦᠬᠡᠳ ᠠᠰᠤᠷᠤ ᠶᠡᠭᠡ ᠨᠦᠯᠤᠬᠡ | ᠲᠤᠰᠬᠠᠯ ᠭᠠᠷᠭᠠᠵᠤ ᠪᠠᠶᠢᠬᠰᠠᠨ ᠨᠢ ᠲᠠᠮᠵᠢᠬ ᠦᠬᠡᠢ ᠶᠤᠮ᠃ ᠲᠤᠤᠷᠠ ᠡᠷᠳᠡᠨ ᠤ ᠮᠤᠩᠭᠤᠯᠴᠤᠳ ᠤᠨ ᠴᠡᠷᠢᠭ | ᠲᠠᠶᠢᠨ ᠤ ᠰᠤᠷᠠᠬ ᠵᠠᠩᠬᠢ ᠶᠢᠨ ᠲᠠᠮᠵᠢᠭᠤᠯᠭᠠ ᠶᠢᠨ ᠨᠢᠬᠡ ᠪᠤᠯᠬᠤ ᠬᠡᠯᠡᠨ ᠤ ᠲᠠᠮᠵᠢᠭᠤᠯᠭᠠ ᠶᠢ ᠲᠠᠨᠢᠯᠴᠠᠭᠤᠯᠤᠶᠠ᠃ | ᠴᠡᠷᠢᠭ ᠲᠠᠶᠢᠨ ᠤ ᠬᠡᠯᠡᠨ ᠤ ᠲᠠᠮᠵᠢᠭᠤᠯᠭᠠ ᠬᠡᠪᠡᠯ ᠲᠠᠷᠤᠢ ᠦᠬᠡ ᠬᠡᠯᠡ ᠪᠠᠷ ᠠᠴᠢᠶᠠᠯᠠᠬᠴᠢ ᠪᠤᠯᠭᠠᠬᠰᠠᠨ | ᠴᠡᠷᠢᠭ ᠲᠠᠶᠢᠨ ᠤ ᠰᠤᠷᠠᠬ ᠵᠠᠩᠬᠢ ᠶᠢᠨ ᠲᠠᠮᠵᠢᠭᠤᠯᠭᠠ ᠶᠢ ᠬᠡᠯᠡᠨᠡ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠦᠷᠳᠡᠬᠡᠨ | ᠲᠠᠮᠵᠢᠭᠤᠯᠭᠠ ᠨᠢ ᠬᠠᠮᠤᠬ ᠤᠨ ᠭᠤᠤᠯ ᠪᠤᠯᠬᠤ ᠬᠡᠯᠡᠨ ᠤ ᠲᠠᠮᠵᠢᠭᠤᠯᠭᠠ ᠶᠢᠨ ᠠᠷᠭᠠ ᠬᠡᠯᠪᠡᠷᠢ ᠪᠠᠶᠢᠵᠠᠢ᠃ | ᠦᠷᠳᠡᠬᠡᠨ ᠵᠠᠮ ᠨᠢ ᠴᠢᠬᠤᠯᠠ ᠨᠢᠬᠡ ᠵᠦᠢᠯ ᠤᠨ ᠮᠡᠳᠡᠭᠡ ᠵᠠᠩᠬᠢ ᠶᠢᠨ ᠲᠠᠮᠵᠢᠭᠤᠯᠭᠠ ᠶᠢᠨ ᠠᠷᠭᠠ ᠪᠠᠷᠢᠯ | ᠪᠤᠯᠤᠬᠰᠠᠨ ᠤ ᠬᠤᠪᠢ ᠳᠤ᠂ ᠠᠯᠢ ᠡᠷᠳᠡ ᠴᠦᠨ ᠴᠢᠤ ᠶᠢᠨ ᠦᠶᠡ ᠳᠤ ᠦᠷᠳᠡᠭᠡ ᠪᠠᠶᠢᠭᠤᠯᠤᠬᠰᠠᠨ ᠲᠡᠮᠳᠡᠭᠯᠡᠯ ᠲᠠᠢ | ᠶᠤᠮ᠃ | ᠴᠢᠩᠬᠢᠰ ᠬᠠᠭᠠᠨ ᠮᠤᠩᠭᠤᠯ ᠠᠶᠢᠮᠠᠬ ᠤᠳ ᠢᠶᠠᠨ ᠨᠢᠬᠡᠳᠬᠡᠨ ᠮᠤᠩᠭᠤᠯ ᠬᠠᠭᠠᠨᠳᠤ ᠣᠯᠤᠰ ᠢ | ᠪᠠᠶᠢᠭᠤᠯᠤᠬᠰᠠᠨ ᠤ ᠲᠠᠷᠠᠭᠠ᠂ ᠨᠤᠳᠤᠬ ᠲᠡᠪᠢᠰᠬᠡᠷ ᠢᠶᠠᠨ ᠦᠷᠬᠡᠳᠬᠡᠬᠦ ᠶᠢᠨ ᠲᠦᠯᠤᠬᠡ᠂ ᠣᠷᠳᠤ ᠬᠤᠭᠤᠴᠠᠭᠠ ᠪᠠᠷ | ᠭᠠᠳᠠᠬᠰᠢ ᠲᠠᠶᠢᠯᠠᠬᠰᠠᠨ ᠪᠠᠶᠢᠨᠠ᠃ ᠨᠤᠳᠤᠬ ᠪᠡᠯᠴᠢᠬᠡᠷ ᠤᠨ ᠦᠷᠬᠡᠵᠢᠨ ᠲᠡᠯᠡᠭᠳᠡᠬᠦ ᠶᠢ ᠲᠠᠭᠠᠯᠳᠤᠨ ᠦᠷᠬᠡᠨ | ᠠᠭᠤᠳᠠᠮ ᠨᠤᠳᠤᠬ ᠲᠡᠪᠢᠰᠬᠡᠷ ᠲᠠᠬᠢ ᠨᠤᠶᠠᠷᠬᠠᠯ ᠢᠶᠠᠨ ᠰᠠᠶᠢᠳᠤᠷ ᠪᠠᠳᠤᠳᠬᠠᠬᠤ ᠬᠢᠬᠡᠳ ᠦᠷᠬᠦᠯᠵᠢᠯᠡᠨ ᠣᠷᠤᠬᠰᠢᠳᠠᠢ | ᠲᠠᠶᠢᠳᠤᠬᠤ ᠳᠤ ᠵᠠᠷᠯᠢᠬ ᠵᠠᠬᠢᠶᠠ ᠲᠠᠮᠵᠢᠭᠤᠯᠬᠤ᠂ ᠮᠡᠳᠡᠭᠡ ᠵᠠᠩᠬᠢ ᠨᠡᠪᠳᠡᠷᠡᠯᠴᠡᠬᠦ ᠪᠤᠯᠤᠨ ᠡᠳ᠋ ᠪᠤᠳᠡᠰ | ᠵᠦᠬᠡᠬᠡᠪᠤᠷᠢᠯᠡᠬᠦ ᠦᠷᠳᠡᠭᠡ ᠶᠢ ᠪᠠᠴᠢᠮ ᠱᠠᠭᠠᠷᠳᠠᠬᠤ ᠪᠤᠯᠵᠠᠢ᠃ ᠡᠶᠢᠮᠤ ᠠᠴᠠ ᠴᠢᠩᠬᠢᠰ ᠬᠠᠭᠠᠨ ᠤ ᠦᠷᠳᠡᠭᠡ | ᠪᠠᠶᠢᠭᠤᠯᠤᠬᠰᠠᠨ ᠴᠢᠬᠤᠯᠠ ᠨᠢᠬᠡ ᠵᠤᠷᠢᠯᠭᠠ ᠨᠢ ᠪᠤᠯ ᠲᠠᠷᠤᠢ ᠬᠢᠵᠠᠭᠠᠷ ᠣᠷᠤᠨ ᠪᠤᠶᠤ ᠴᠡᠷᠢᠭ ᠲᠠᠶᠢᠨ ᠤ ᠮᠡᠳᠡᠭᠡ | ᠵᠠᠩᠬᠢ ᠶᠢ ᠴᠠᠬ ᠲᠤᠬᠠᠢ ᠳᠤ ᠨᠢ ᠲᠠᠮᠵᠢᠭᠤᠯᠵᠤ ᠬᠦᠷᠬᠡᠬᠦ ᠬᠡᠰᠡᠨ ᠨᠢ ᠢᠯᠡᠷᠬᠡᠢ᠃ ᠮᠤᠩᠭᠤᠯ ᠦᠨᠳᠤᠰᠤᠳᠠᠨ ᠤ | ᠣᠯᠠᠭᠠ ᠦᠷᠳᠡᠬᠡᠨ ᠤ ᠲᠠᠮᠵᠢᠭᠤᠯᠭᠠ ᠲᠤᠬᠠᠢ ᠶᠢᠨ ᠴᠠᠬ ᠦᠶᠡ ᠶᠢᠨ ᠨᠡᠶᠢᠬᠡᠮ ᠠᠬᠤᠢ ᠰᠤᠶᠤᠯ ᠲᠠᠳᠬᠠᠯ ᠠᠴᠠ | ᠪᠤᠯᠵᠤ ᠲᠠᠮᠵᠢᠭᠤᠯᠬᠤ ᠠᠷᠭᠠ ᠬᠡᠯᠪᠡᠷᠢ ᠨᠢ ᠴᠤ ᠠᠳᠠᠯᠢ ᠦᠬᠡᠢ ᠪᠠᠶᠢᠬᠰᠠᠨ ᠶᠤᠮ᠃ ᠮᠤᠩᠭᠤᠯ ᠠᠶᠢᠮᠠᠬ ᠠᠩᠬᠠ | ᠡᠬᠢᠯᠡᠬᠦ ᠳᠤ ᠪᠠᠨ ᠨᠢᠬᠡᠳᠦᠭᠰᠡᠨ ᠦᠰᠦᠭ ᠪᠢᠴᠢᠭ ᠬᠠᠷᠠᠬᠠᠨ ᠲᠡᠬᠦᠯᠳᠡᠷᠵᠢᠬᠡᠳᠦᠢ ᠪᠠᠶᠢᠬᠰᠠᠨ ᠠᠴᠠ ᠡᠬᠢᠨ ᠳᠤ ᠪᠠᠨ | ᠮᠡᠳᠡᠭᠡ ᠵᠠᠩᠬᠢ ᠶᠢ ᠲᠠᠮᠵᠢᠭᠤᠯᠬᠤ ᠳᠤ ᠣᠯᠠᠩᠬᠢ ᠳᠤ ᠪᠠᠨ ᠲᠠᠮᠵᠢᠭᠤᠯᠬᠤ ᠠᠭᠤᠯᠭᠠ ᠪᠠᠨ ᠡᠯᠴᠢ ᠳᠤ ᠲᠠᠭᠤᠤ ᠪᠤᠯᠭᠠᠨ | ᠴᠡᠬᠡᠵᠢᠯᠡᠬᠦᠯᠦᠨ ᠢᠯᠡᠬᠡᠳᠡᠭ ᠪᠠᠶᠢᠵᠠᠢ᠃ ᠵᠢᠱᠢᠶᠡᠯᠡᠪᠡᠯ᠄ ᠴᠢᠩᠬᠢᠰ ᠬᠠᠭᠠᠨ ᠲᠠᠩᠭᠤᠤᠨ ᠢᠷᠬᠡᠨ ᠲᠠᠢ | ᠪᠠᠶᠢᠯᠳᠤᠬᠤ ᠳᠤ ᠡᠯᠴᠢ ᠶᠢ ᠲᠤᠮᠢᠯᠠᠨ ᠲᠠᠭᠤᠤ ᠪᠠᠷᠢᠭᠤᠯᠵᠤ ᠬᠡᠯᠡᠬᠦᠯᠦᠭᠰᠡᠨ᠃ ᠬᠤᠵᠢᠮ ᠨᠢ ᠶᠤᠸᠠᠨ ᠣᠯᠤᠰ ᠤᠨ | ᠦᠬᠡᠳᠡᠢ ᠬᠠᠭᠠᠨ ᠤ ᠨᠤᠶᠠᠷᠬᠠᠯ ᠤᠨ ᠦᠶᠡ ᠳᠤ ᠬᠦᠷᠴᠤ ᠢᠷᠡᠬᠦ ᠳᠤ᠂ ᠦᠬᠡᠳᠡᠢ ᠬᠠᠭᠠᠨ ᠦᠷᠳᠡᠭᠡ ᠪᠠᠶᠢᠭᠤᠯᠬᠤ ᠶᠢ | ᠲᠦᠢᠯ ᠢᠶᠠᠷ ᠴᠢᠬᠤᠯᠠᠴᠢᠯᠠᠨ᠂ ᠴᠡᠷᠢᠭ ᠲᠠᠶᠢᠨ ᠤ ᠰᠤᠷᠠᠬ ᠵᠠᠩᠬᠢ ᠶᠢ ᠲᠦᠷᠬᠡᠨ ᠪᠦᠳᠦᠮᠵᠢᠳᠡᠢ ᠲᠠᠮᠵᠢᠭᠤᠯᠵᠤ᠂ | ᠣᠯᠤᠰ ᠢᠷᠬᠡᠨ ᠢ ᠠᠮᠤᠷ ᠪᠤᠯᠭᠠᠵᠤ᠂ ᠡᠯᠴᠢ ᠨᠠᠷ ᠲᠤ ᠲᠦᠬᠦᠮ ᠦᠵᠡᠬᠦᠯᠬᠦ ᠶᠢᠨ ᠲᠦᠯᠤᠬᠡ ᠲᠤᠬᠠᠢ ᠶᠢᠨ | ᠦᠶᠡ ᠶᠢᠨ ᠮᠤᠩᠭᠤᠯ ᠲᠦᠷᠪᠡᠨ ᠬᠠᠨᠳᠤ ᠣᠯᠤᠰ ᠤᠨ ᠬᠤᠭᠤᠷᠤᠨᠳᠤ᠂ ᠦᠢᠷᠡᠳ ᠭᠤᠤᠯ ᠤᠨ ᠣᠷᠤᠰᠬᠠᠯ ᠲᠠᠭᠠᠤ | ᠬᠠᠷᠠᠬᠤᠷᠠᠮ ᠬᠤᠳᠠᠨ ᠠᠴᠠ ᠶᠤᠸᠠᠨ ᠣᠯᠤᠰ ᠤᠨ ᠲᠠᠶᠢᠳᠤ ᠬᠤᠳᠠ ᠬᠦᠷᠬᠦ᠂ ᠪᠠᠬᠢᠵᠢᠩ ᠠᠴᠠ ᠴᠠᠭᠠᠳᠠᠢ ᠬᠠᠨᠳᠤ | ᠣᠯᠤᠰ ᠢ ᠲᠠᠭᠠᠷᠢᠨ ᠬᠢᠪᠴᠠᠬ ᠬᠠᠨᠳᠤ ᠣᠯᠤᠰ ᠪᠤᠯᠤᠨ ᠢᠯ ᠬᠠᠨᠳᠤ ᠣᠯᠤᠰ ᠲᠤ ᠬᠦᠷᠬᠦ᠂ ᠠᠽᠢᠶᠠ ᠡᠸᠦ᠋ᠷᠤᠫᠠ | ᠬᠤᠶᠠᠷ ᠲᠢᠪ ᠢ ᠬᠤᠯᠪᠤᠬᠰᠠᠨ ᠲᠡᠯᠡᠬᠡᠢ ᠶᠢᠨ ᠦᠷᠳᠡᠬᠡᠨ ᠵᠠᠮ ᠢ ᠵᠠᠰᠠᠬᠰᠠᠨ ᠪᠠᠶᠢᠨᠠ᠃ ᠦᠬᠡᠳᠡᠢ ᠬᠠᠭᠠᠨ | ᠨᠤᠶᠠᠷᠬᠠᠯ ᠢᠶᠠᠨ ᠣᠯᠠᠮ ᠨᠢᠬᠡ ᠠᠯᠬᠤᠮ ᠪᠠᠳᠤᠳᠬᠠᠬᠤ ᠶᠢᠨ ᠲᠦᠯᠤᠬᠡ ᠦᠷᠳᠡᠬᠡᠨ ᠨᠤᠶᠠᠳ ᠲᠤ ᠱᠠᠩᠨᠠᠬᠤ ᠲᠡᠷᠬᠡ | ᠣᠨᠤᠭᠠ᠂ ᠠᠮᠤ ᠪᠤᠳᠠᠭᠠ᠂ ᠠᠳᠤᠭᠤᠰᠤ ᠮᠠᠯ ᠠᠴᠠ ᠶᠠᠯᠠᠯᠠᠬᠤ ᠰᠢᠳᠬᠡᠯ ᠲᠤᠷᠭᠠᠭᠤᠯᠢ ᠳᠤ ᠬᠦᠷᠳᠡᠯᠡ ᠨᠠᠷᠢᠨ | ᠨᠢᠬᠳᠠ ᠲᠦᠷᠢᠮ ᠲᠤᠬᠳᠠᠭᠠᠯ ᠬᠠᠤᠯᠢ ᠴᠠᠭᠠᠵᠠ ᠲᠤᠬᠳᠠᠭᠠᠵᠤ᠂ ᠦᠷᠳᠡᠬᠡᠨ ᠠᠵᠢᠯᠯᠠᠭᠠ ᠶᠢ ᠲᠦᠷᠢᠮᠵᠢᠬᠦᠯᠦᠨ | ᠰᠢᠰᠲ᠋ᠧᠮᠵᠢᠭᠦᠯᠦᠭᠰᠡᠨ ᠪᠠᠶᠢᠨᠠ᠃ ᠡᠨᠡ ᠦᠶᠡ ᠳᠤ ᠦᠰᠦᠭ ᠪᠢᠴᠢᠭ ᠨᠡᠯᠢᠶᠡᠳ ᠲᠡᠬᠦᠯᠳᠡᠷᠵᠢᠨ᠂ ᠦᠷᠳᠡᠭᠡ | ᠣᠯᠠᠭᠠ ᠶᠢᠨ ᠰᠢᠰᠲ᠋ᠧᠮ ᠪᠦᠷᠢᠯᠳᠦᠭᠰᠡᠨ ᠤ ᠲᠠᠷᠠᠭᠠ᠂ ᠦᠷᠳᠡᠭᠡ ᠪᠠᠷ ᠲᠠᠮᠵᠢᠨ ᠬᠡᠳᠤᠨ ᠬᠠᠨᠳᠤ ᠣᠯᠤᠰ ᠯᠤᠭᠠ | ᠮᠡᠳᠡᠭᠡ ᠵᠠᠩᠬᠢ ᠨᠡᠪᠳᠡᠷᠡᠵᠤ ᠪᠠᠶᠢᠬᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠬᠡᠢ᠂ ᠦᠷᠦᠨᠡᠳᠡᠬᠢᠨ ᠤ ᠡᠸᠦ᠋ᠷᠤᠫᠠ ᠲᠢᠪ ᠤᠨ | ᠣᠯᠤᠰ ᠲᠠᠢ ᠪᠠᠰᠠ ᠵᠠᠬᠢᠳᠠᠯ ᠴᠢᠮᠡᠭᠡ ᠨᠡᠪᠳᠡᠷᠡᠵᠤ ᠪᠠᠶᠢᠬᠰᠠᠨ ᠪᠠᠶᠢᠨᠠ᠃ ᠬᠤᠪᠢᠯᠠᠢ ᠬᠠᠭᠠᠨ ᠤ ᠦᠶᠡ ᠳᠤ ᠡᠯᠡ | ᠬᠠᠨ ᠣᠯᠤᠰ ᠯᠤᠭᠠ ᠶᠢᠨ ᠬᠤᠭᠤᠷᠤᠨᠳᠠᠬᠢ ᠬᠠᠷᠢᠴᠠᠭᠠ ᠬᠤᠯᠪᠤᠭᠠ ᠶᠢ ᠴᠢᠩᠭᠠᠳᠬᠠᠨ᠂ ᠶᠡᠭᠡ ᠬᠠᠭᠠᠨ ᠤ ᠵᠠᠰᠠᠬ | ᠵᠠᠷᠯᠢᠬ ᠤᠨ ᠰᠠᠭᠠᠳ ᠦᠬᠡᠢ ᠨᠡᠪᠳᠡᠷᠡᠬᠦ ᠶᠢ ᠪᠠᠳᠤᠯᠠᠬᠤ ᠶᠢᠨ ᠲᠤᠯᠠᠳᠠ ︽ᠨᠡᠶᠢᠳᠡ ᠨᠢᠬᠡ ᠮᠢᠩᠭᠠ ᠭᠤᠷᠪᠠᠨ ᠵᠠᠭᠤ | ᠶᠡᠷᠡᠨ ᠦᠷᠳᠡᠭᠡ ᠪᠤᠯᠭᠠᠵᠠᠢ᠃ · · · ·︾ ᠬᠡᠰᠡᠨ ᠲᠡᠤᠬᠡᠨ ᠲᠡᠮᠳᠡᠭᠯᠡᠯ ᠲᠠᠢ ᠪᠠᠶᠢᠳᠠᠬ᠃ | ᠬᠤᠷᠢᠶᠠᠩᠭᠤᠢᠢᠯᠠᠪᠠᠯ᠂ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠦᠷᠳᠡᠬᠡᠨ ᠲᠠᠮᠵᠢᠭᠤᠯᠭᠠ ᠨᠢ ᠨᠤᠶᠠᠷᠬᠠᠬᠴᠢ ᠠᠩᠬᠢ ᠶᠢᠨ | ᠵᠠᠷᠯᠢᠬ ᠵᠢᠭᠠᠪᠤᠷᠢ ᠲᠠᠮᠵᠢᠭᠤᠯᠵᠤ᠂ ᠦᠷᠤᠨᠡᠳᠠᠬᠢᠨ ᠲᠤᠷᠤᠨᠠᠳᠠᠬᠢᠨ ᠤ ᠡᠯᠡ ᠣᠯᠤᠰ ᠦᠨᠳᠤᠰᠤᠳᠠᠨ ᠤ | ᠬᠤᠭᠤᠷᠤᠨᠳᠤᠬᠢ ᠴᠢᠬᠤᠯᠠ ᠪᠦᠬᠦᠢ ᠮᠡᠳᠡᠭᠡ ᠵᠠᠩᠬᠢ ᠶᠢ ᠬᠦᠷᠬᠡᠬᠦ᠂ ᠲᠠᠶᠢᠨ ᠤ ᠹᠷᠤᠨᠲ ᠤᠨ ᠪᠠᠴᠢᠮ ᠮᠡᠳᠡᠭᠡ ᠪᠤᠯᠤᠨ | ᠣᠷᠤᠨ ᠨᠤᠳᠤᠬ ᠬᠢᠯᠢ ᠬᠢᠵᠠᠭᠠᠷ ᠤᠨ ᠪᠠᠶᠢᠳᠠᠯ ᠢ ᠲᠡᠬᠡᠭᠰᠢ ᠮᠡᠳᠡᠬᠦᠯᠬᠦ ᠳᠤ ᠣᠷᠤᠯᠠᠭᠤᠯᠵᠤ ᠪᠤᠯᠤᠰᠢ ᠦᠬᠡᠢ | ᠦᠢᠯᠡᠳᠤᠯ ᠭᠠᠷᠭᠠᠨ᠂ ᠠᠵᠤ ᠠᠬᠤᠢ ᠰᠤᠶᠤᠯ ᠤᠨ ᠰᠤᠯᠢᠯᠴᠠᠭᠠ ᠶᠢ ᠶᠡᠬᠡᠳᠡ ᠠᠬᠢᠭᠤᠯᠵᠤ᠂ ᠪᠦᠢᠳᠡ ᠪᠦᠭᠯᠡᠬᠦᠤ | ᠣᠷᠤᠨ ᠢ ᠨᠡᠬᠡᠬᠡᠨ ᠬᠦᠭᠵᠢᠬᠦᠯᠵᠠᠢ᠃ ᠣᠨᠴᠠᠭᠠᠢᠢᠯᠠᠨ ᠲᠠᠶᠢᠨ ᠪᠠᠶᠢᠯᠳᠤᠭᠠᠨ ᠤ ᠢᠯᠠᠯᠳᠠ ᠶᠢ ᠪᠠᠳᠤᠯᠠᠵᠤ᠂ ᠨᠤᠳᠤᠬ | ᠲᠡᠪᠢᠰᠬᠡᠷ ᠢᠶᠠᠨ ᠦᠷᠬᠡᠳᠬᠡᠨ᠂ ᠬᠠᠭᠠᠨᠳᠤ ᠣᠯᠤᠰ ᠤᠨ ᠨᠤᠶᠠᠷᠬᠠᠯ ᠢᠶᠠᠨ ᠪᠠᠳᠤᠳᠬᠠᠬᠤ ᠳᠤ ᠴᠢᠬᠤᠯᠠ ᠦᠢᠯᠡᠳᠤᠯ | ᠦᠵᠡᠬᠦᠯᠵᠤ ᠪᠠᠶᠢᠪᠠ᠃ | |