| | ᠰᠢᠯᠤᠭᠤᠨ ᠬᠦᠬᠡ ᠬᠤᠰᠢᠭᠤᠨ ᠤ ᠰᠠᠩ ᠤᠨ ᠲᠠᠯᠠᠢ ᠪᠠᠯᠭᠠᠰᠤᠨ ᠤ ᠲᠠᠪᠤᠨ ᠤᠳᠤ ᠭᠠᠴᠠᠭᠠᠨ ᠤ ᠮᠠᠯᠴᠢᠨ | ᠲᠡᠮᠦᠷᠪᠠᠭᠠᠨᠠ ᠤᠷᠤᠨ ᠨᠤᠳᠤᠭ ᠤᠨ ᠢᠶᠠᠨ ᠪᠤᠷᠭᠠᠰᠤ ᠡᠯᠪᠡᠭ ᠲᠠᠢ ᠨᠦᠬᠦᠴᠡᠯ ᠵᠢᠴᠢ ᠤᠶᠢᠷᠠ ᠶᠢᠨ ᠬᠤᠶᠠᠷ ᠵᠢᠯ ᠠᠴᠠ | ᠤᠯᠠᠮᠵᠢᠯᠠᠯᠳᠤ ᠪᠤᠷᠭᠠᠰᠤᠨ ᠬᠦᠷᠦᠮᠡᠯ ᠤᠨ ᠬᠡᠷᠡᠭᠰᠡᠯ ᠢᠶᠠᠨ ᠵᠠᠷᠤᠵᠦ ᠬᠡᠷᠡᠭᠯᠡᠬᠦ ᠬᠦᠮᠦᠨ ᠠᠷᠪᠢᠳᠤᠭᠰᠠᠨ ᠠᠰᠢᠭᠳᠠᠢ ᠨᠦᠬᠦᠴᠡᠯ | ᠳᠤ ᠲᠤᠬᠢᠶᠠᠯᠳᠤᠭᠤᠯᠤᠨ ᠪᠤᠷᠭᠠᠰᠤᠨ ᠬᠦᠷᠦᠮᠡᠯ ᠤᠨ ᠡᠳ᠋ᠯᠡᠯ ᠬᠡᠷᠡᠭᠯᠡᠯ ᠬᠢᠵᠦ ᠬᠤᠳᠠᠯᠳᠤᠭᠠᠳ ᠠᠮᠢᠳᠤᠷᠠᠯ ᠢᠶᠠᠨ ᠦᠬᠡᠳᠡ | ᠲᠠᠳᠠᠵᠦ ᠶᠠᠪᠤᠨᠠ᠃ | | ᠰᠤᠷᠪᠤᠯᠵᠢᠯᠠᠭᠴᠢ ᠲᠡᠮᠦᠷᠪᠠᠭᠠᠨᠠ ᠶᠢᠨ ᠳᠤ ᠬᠦᠷᠬᠦ ᠳᠤ ᠲᠡᠷᠡ ᠶᠠᠭ ᠰᠠᠶᠢᠬᠠᠨ ᠵᠠᠬᠢᠶᠠᠯᠠᠭᠠ ᠶᠢᠨ ᠠᠷᠤᠭ ᠢᠶᠠᠨ | ᠪᠤᠭᠤᠭᠠᠳ ᠶᠠᠭᠠᠷᠠᠤ ᠪᠠᠶᠢᠯᠠ᠃ ᠲᠡᠮᠦᠷᠪᠠᠭᠠᠨᠠ ᠭᠤᠷᠪᠠᠳᠤᠭᠠᠷ ᠰᠠᠷᠠ ᠶᠢᠨ ᠰᠡᠬᠦᠯᠴᠢ ᠠᠴᠠ ᠡᠬᠢᠯᠡᠨ ᠬᠤᠰᠢᠭᠤᠨ ᠤ ᠪᠠᠨ | ᠤᠢ ᠰᠢᠭᠤᠢ ᠶᠢᠨ ᠬᠠᠮᠠᠭᠠᠯᠠᠯᠳᠠ ᠶᠢᠨ ᠰᠠᠯᠠᠭᠠ ᠮᠦᠴᠢᠷ ᠠᠴᠠ ᠪᠤᠷᠭᠠᠰᠤ ᠬᠠᠳᠤᠬᠤ ᠵᠦᠪᠰᠢᠶᠡᠷᠡᠯ ᠢᠶᠠᠨ ᠠᠪᠴᠦ ᠡᠨᠡ | ᠬᠠᠪᠤᠷ ᠤᠨ ᠵᠠᠬᠢᠶᠠᠯᠠᠭᠠ ᠪᠠᠷ ᠲᠤᠭᠳᠠᠭᠰᠠᠨ ᠠᠷᠤᠭ᠂ ᠵᠠᠮᠪᠠ᠂ ᠪᠤᠩᠬᠤᠷ᠂ ᠪᠦᠬᠦᠬᠡᠭ ᠵᠡᠷᠬᠡ ᠳᠤ ᠬᠡᠷᠡᠭᠯᠡᠬᠦ ᠪᠤᠷᠭᠠᠰᠤ ᠪᠠᠨ | ᠬᠠᠳᠤᠵᠦ ᠪᠡᠯᠡᠳᠬᠡᠵᠡᠢ᠃ | | ᠲᠡᠮᠦᠷᠪᠠᠭᠠᠨᠠ ᠶᠢ ᠠᠷᠪᠠᠨ ᠬᠡᠳᠦᠳᠡᠢ ᠪᠠᠶᠢᠬᠤ ᠳᠤᠨᠢ ᠮᠠᠯᠵᠢᠬᠤ ᠤᠷᠤᠨ ᠳᠤ ᠠᠷᠤᠭ ᠰᠠᠪᠠᠷ᠂ ᠪᠤᠩᠬᠤᠷ᠂ | ᠠᠶᠢᠷᠠᠭ ᠤᠨ ᠭᠠᠨᠭ᠌᠂ ᠪᠦᠷᠬᠦᠬᠡᠷ᠂ ᠪᠦᠬᠦᠭᠡᠭ ᠬᠡᠳ ᠪᠦᠬᠦ ᠶᠠᠭᠤᠮᠠ ᠪᠠᠨ ᠪᠤᠷᠭᠠᠰᠤ ᠮᠤᠳᠤᠨ ᠳᠤ ᠲᠦᠰᠢᠭᠯᠡᠨ ᠦᠪᠡᠷ ᠢᠶᠠᠨ | ᠬᠢᠳᠡᠭ ᠪᠠᠶᠢᠭᠰᠠᠨ᠃ ᠲᠡᠬᠦᠨ ᠤ ᠨᠠᠭᠠ ᠪᠤᠭᠤᠷᠤᠯ ᠪᠠ ᠡᠵᠢ ᠨᠢ ᠪᠦᠷ ᠭᠠᠷ ᠤᠷᠠᠨ ᠲᠠᠢ ᠬᠦᠮᠦᠰ ᠪᠠᠶᠢᠵᠦ᠂ ᠪᠤᠷᠭᠠᠰᠤᠨ | ᠬᠦᠷᠦᠮᠡᠯ ᠮᠤᠳᠤᠴᠢᠨ ᠤ ᠠᠵᠢᠯ ᠢ ᠮᠠᠰᠢ ᠰᠠᠶᠢᠬᠠᠨ ᠬᠢᠳᠡᠭ ᠪᠠᠶᠢᠭᠰᠠᠨ ᠢᠶᠠᠷ ᠲᠡᠷᠡ ᠪᠤᠷᠭᠠᠰᠤᠨ ᠬᠦᠷᠦᠮᠡᠯ ᠤᠨ ᠮᠡᠷᠬᠡᠵᠢᠯ ᠢ | ᠴᠦ ᠤᠯᠠᠮᠵᠢᠯᠠᠨ ᠠᠪᠴᠠᠢ᠃ | | ᠲᠡᠮᠦᠷᠪᠠᠭᠠᠨᠠ ᠪᠤᠷᠭᠠᠰᠤᠨ ᠬᠦᠷᠦᠮᠡᠯ ᠢ ᠠᠷᠪᠠᠨ ᠲᠤᠯᠤᠭᠠ ᠨᠠᠢᠮᠠᠳᠠᠢ ᠠᠴᠠ ᠪᠠᠨ ᠡᠬᠢᠯᠡᠵᠦ ᠰᠤᠷᠤᠭᠰᠠᠨ ᠪᠠᠶᠢᠯᠠ | ᠃ ᠲᠡᠬᠦᠨ ᠤ ᠠᠷᠤᠭ ᠪᠤᠭᠤᠵᠦ ᠰᠤᠷᠤᠭᠰᠠᠨ ᠨᠢ ᠪᠠᠰᠠ ᠦᠯᠢᠬᠡᠷ ᠲᠠᠢ ᠪᠠᠶᠢᠵᠠᠢ᠃ ᠡᠵᠢ ᠨᠢ ᠲᠠᠩᠳᠠ ᠪᠠᠨ ᠠᠷᠤᠭ ᠢᠶᠠᠨ | ᠡᠬᠦᠷᠦᠬᠡᠳ ᠠᠷᠭᠠᠯ ᠢᠶᠠᠨ ᠲᠡᠬᠦᠳᠡᠭ ᠪᠠᠶᠢᠬᠰᠠᠨ᠂ ᠡᠵᠢ ᠶᠢᠨ ᠬᠢᠨᠢ ᠭᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠠᠷᠤᠭ ᠨᠢ ᠤᠨ ᠤᠳᠠᠭᠠᠨ | ᠵᠠᠷᠤᠭᠰᠠᠨ ᠠᠴᠠ ᠪᠦᠷ ᠦᠵᠢᠷᠠᠵᠦ ᠦᠳᠡᠬᠡᠷᠢ ᠨᠢ ᠲᠠᠯᠪᠢᠭᠳᠠᠭᠠᠳ ᠬᠡᠷᠡᠭᠯᠡᠬᠦ ᠶᠢᠨ ᠠᠷᠭᠠ ᠦᠬᠡᠢ ᠪᠤᠯᠤᠭᠰᠠᠨ ᠦᠶᠡ ᠳᠤ | ᠡᠵᠢ ᠳᠡᠭᠡᠨ ᠨᠢᠬᠡ ᠰᠠᠶᠢᠬᠠᠨ ᠰᠢᠨᠠ ᠠᠷᠤᠭ ᠪᠤᠭᠤᠵᠦ ᠦᠭᠬᠦᠶᠡ ᠬᠡᠳ ᠠᠩᠬᠠ ᠠᠷᠤᠭ ᠪᠤᠭᠤᠬᠤ ᠳᠠᠭᠠᠨ ᠪᠦᠬᠡᠷᠡᠩᠬᠡᠢ | ᠢᠷᠤᠭᠠᠷ ᠲᠠᠢ ᠰᠠᠭᠤᠷᠢ ᠮᠠᠭᠤᠳᠠᠢ ᠲᠤᠭᠳᠠᠳᠠᠭ ᠦᠬᠡᠢ ᠠᠷᠤᠭ ᠪᠤᠭᠤᠭᠰᠠᠨ ᠬᠡᠨᠡ᠂ ᠲᠡᠬᠦᠨ ᠠᠴᠠ ᠬᠤᠶᠢᠰᠢ | ᠤᠷᠤᠯᠳᠤᠭᠰᠠᠭᠠᠷ ᠪᠠᠶᠢᠵᠦ ᠨᠢᠬᠡᠮᠦᠰᠦᠨ ᠲᠤᠷᠠ ᠪᠠᠭ᠋ᠠᠳᠠᠢ ᠪᠤᠯᠵᠦ ᠮᠠᠰᠢ ᠰᠠᠶᠢᠨᠬᠠᠨ ᠠᠷᠤᠭ ᠪᠤᠭᠤᠳᠠᠭ ᠪᠤᠯᠵᠠᠢ᠃ | | ᠡᠷᠳᠡᠨᠢᠳᠡᠨᠠ ᠪᠤᠯ ᠵᠢᠭᠠᠰᠤᠳᠠᠢ ᠰᠤᠮᠤᠨ ᠤ ᠮᠠᠯᠴᠢᠨ ᠪᠠᠶᠢᠵᠦ ᠦᠷᠬᠦᠯᠵᠢ ᠲᠠᠮᠤᠷᠪᠠᠭᠠᠨᠠ ᠠᠴᠠ ᠠᠷᠤᠭ ᠠᠪᠴᠦ | ᠬᠡᠷᠡᠭᠯᠡᠳᠡᠭ ᠪᠠᠶᠢᠨᠠ᠃ | ᠤᠶᠢᠷᠠ ᠶᠢᠨ ᠵᠢᠯ ᠠᠴᠠ ᠮᠠᠯᠵᠢᠯ ᠤᠨ ᠬᠡᠷᠡᠭᠴᠡᠭᠡ ᠪᠠᠺᠢᠨᠤ᠋ ᠲᠤᠭᠯᠠᠬᠤ᠂ ᠦᠵᠡᠬᠦᠯᠬᠡᠨ ᠳᠤ ᠲᠠᠯᠪᠢᠬᠤ᠂ | ᠵᠤᠭᠠᠴᠠᠯ ᠤᠨ ᠦᠢᠯᠡᠰ ᠲᠤ ᠬᠡᠷᠡᠭᠯᠡᠬᠦ ᠵᠡᠷᠬᠡ ᠱᠠᠭᠠᠷᠳᠠᠯᠭᠠ ᠠᠴᠠ ᠪᠤᠯᠵᠦ ᠪᠤᠷᠭᠠᠰᠤᠨ ᠬᠦᠷᠦᠮᠡᠯ ᠠᠪᠬᠤ ᠬᠦᠮᠦᠨ | ᠤᠯᠠᠰᠢᠷᠠᠵᠦ ᠡᠬᠢᠯᠡᠵᠡᠢ᠃ ᠲᠡᠮᠦᠷᠪᠠᠭᠠᠨᠠᠦᠨᠦ ᠬᠠᠪᠤᠷ 60 ᠭᠠᠷᠤᠢ ᠠᠷᠤᠭ᠂ ᠪᠤᠷᠭᠠᠰᠤᠨ ᠮᠤᠩᠭᠤᠯ ᠬᠡᠷ 2᠂ ᠪᠤᠩᠬᠤᠷ᠂ | ᠮᠤᠳᠤᠨ ᠲᠡᠷᠭᠡ ᠵᠡᠷᠭᠡ ᠶᠢ ᠵᠠᠬᠢᠶᠠᠯᠠᠭᠠ ᠪᠠᠷ ᠬᠦᠯᠦᠨ ᠪᠤᠶᠢᠷ᠂ ᠵᠡᠭᠦᠨ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ᠂ ᠠᠪᠠᠭᠠ ᠬᠤᠰᠢᠭᠤ ᠵᠡᠷᠭᠡ | ᠬᠤᠰᠢᠭᠤ ᠨᠤᠳᠤᠭ ᠢᠶᠠᠷ ᠪᠤᠷᠤᠯᠠᠭᠤᠯᠵᠦ 3 ᠲᠦᠮᠡᠨ ᠲᠦᠬᠦᠷᠢᠭ ᠤᠨ ᠤᠷᠤᠯᠭᠠ ᠡᠬᠦᠳᠴᠠᠢ᠃ | ᠪᠤᠷᠭᠠᠰᠤ ᠶᠢ ᠶᠠᠭ ᠬᠠᠳᠤᠬᠤ ᠪᠠᠨ ᠪᠠᠶᠢᠴᠢᠬᠠᠪᠠᠯ ᠦᠬᠦᠬᠦ ᠨᠤᠷᠮᠠ ᠨᠢ ᠦᠨᠳᠦᠷ᠂ ᠬᠠᠪᠤᠷ ᠡᠷᠳᠡ ᠪᠤᠶᠤ ᠨᠠᠮᠤᠷ | ᠬᠦᠢᠳᠡᠨ ᠤᠷᠤᠭᠰᠠᠨ ᠠᠴᠠ ᠬᠤᠶᠢᠰᠢ ᠪᠤᠷᠭᠠᠰᠤ ᠬᠦᠯᠳᠡᠬᠦᠦ ᠪᠠᠶᠢᠬᠤ ᠳᠤ ᠬᠠᠳᠤᠵᠦ ᠰᠢᠩᠭᠡᠯᠡᠵᠦ ᠪᠠᠶᠢᠪᠠᠯ ᠪᠤᠷᠭᠠᠰᠤ | ᠤᠷᠭᠤᠬᠤ ᠤᠷᠤᠨ ᠵᠠᠢ ᠭᠠᠷᠴᠦ᠂ ᠤᠷᠭᠤᠯᠳᠠ ᠳᠤ ᠰᠠᠶᠢᠨ ᠪᠠᠶᠢᠳᠠᠭ ᠬᠡᠵᠦ ᠲᠡᠮᠦᠷᠪᠠᠭᠠᠨᠠ ᠰᠤᠷᠪᠤᠯᠵᠢᠯᠠᠭᠴᠢ ᠳᠤ | ᠲᠤᠷᠰᠢᠯᠭᠠ ᠪᠠᠨ ᠶᠠᠷᠢᠵᠦ ᠦᠭᠬᠦᠨᠠ᠃ | ᠠᠮᠢᠳᠤᠷᠠᠯ ᠤᠨ ᠭᠡᠷᠡᠭᠯᠡᠭᠡᠨ ᠠᠴᠠ ᠢᠳᠡᠭ ᠢᠳᠡᠭ ᠢᠶᠠᠷ ᠬᠤᠯᠠᠳᠠᠭᠰᠠᠨ ᠴᠦ ᠮᠠᠯᠵᠢᠬᠤ ᠨᠡᠬᠦᠳᠡᠯ ᠰᠤᠶᠤᠯ ᠤᠨ | ᠤᠬᠢ ᠰᠤᠳᠤ ᠶᠢ ᠬᠠᠳᠠᠭᠠᠯᠠᠵᠦ᠂ ᠰᠤᠶᠤᠯ ᠵᠤᠭᠠᠴᠠᠯ ᠳᠤ ᠲᠠᠬᠢᠨ ᠤᠷᠤᠨ ᠪᠠᠶᠢᠷᠢ ᠪᠠᠨ ᠤᠯᠵᠦ ᠪᠠᠶᠢᠭᠠ ᠪᠤᠷᠭᠠᠰᠤᠨ | ᠰᠤᠶᠤᠯ ᠢᠶᠠᠨ ᠤᠷᠬᠢᠭᠳᠠᠭᠤᠯᠵᠦ ᠬᠠᠶᠠᠭᠳᠠᠭᠤᠯᠬᠤ ᠦᠬᠡᠢ ᠬᠡᠵᠦ ᠮᠦᠨ ᠬᠦ ᠡᠬᠦᠪᠡᠷ ᠢᠶᠠᠨ ᠤᠷᠤᠯᠭᠠ ᠪᠠᠨ ᠨᠡᠮᠡᠭᠳᠡᠬᠦᠯᠵᠦ | ᠶᠠᠪᠤᠭᠠ ᠲᠡᠮᠦᠷᠪᠠᠭᠠᠨᠠ ᠰᠤᠷᠪᠤᠯᠵᠢᠯᠠᠬᠴᠢ ᠶᠢ ᠡᠳᠡᠨ ᠤ ᠬᠢ ᠠᠴᠠ ᠶᠠᠪᠤᠬᠤ ᠳᠤ ᠮᠦᠨ ᠯᠠ ᠭᠠᠷ ᠲᠠᠬᠢ ᠠᠵᠢᠯ ᠳᠠᠭᠠᠨ | ᠶᠠᠭᠠᠷᠠᠭᠰᠠᠭᠠᠷ ᠬᠤᠴᠤᠷᠤᠯᠠ᠃ ︵ᠠᠯᠳᠠᠨᠰᠢᠬᠦᠷ︶ |