| | ᠠᠯᠳ᠋ᠬᠠᠤᠪᠤᠭᠠ | ᠪᠦᠮᠪᠦᠷᠴᠡᠭ ᠤᠨ ᠰᠦ ᠶᠢ ᠬᠦᠬᠦᠭᠰᠡᠨ | ᠪᠦᠯᠢᠶᠡᠨ ᠠᠮᠢ ᠲᠠᠢ ᠴᠢᠯᠠᠭᠤ | ᠭᠠᠵᠠᠷ ᠤᠨ ᠰᠢᠷᠬᠠ ᠶᠢ ᠳᠤᠲᠤᠷᠠ ᠠᠴᠠ ᠨᠢ | ᠠᠨᠠᠭᠠᠬᠤ ᠭᠡᠵᠦ | ᠭᠠᠯᠪᠠ ᠶᠢᠨ ᠦᠨᠡᠨ ᠢ | ᠮᠦᠩᠭᠡ ᠲᠠᠮᠠᠭᠠᠯᠠᠵᠦ ᠪᠠᠲᠦ ᠦᠨᠳᠦᠰᠦᠯᠡᠭᠰᠡᠨ ᠶᠤᠮ | ᠬᠦᠮᠦᠨ ᠤ ᠵᠠᠶᠠᠭᠠᠨ ᠳᠤ ᠮᠡᠨᠳᠦᠯᠡᠬᠦ ᠳᠤ | ᠬᠦᠢ ᠶᠢ ᠳᠠᠷᠤᠭᠰᠡᠨ ᠴᠢᠯᠠᠭᠤ ᠨᠢ ᠴᠦ | ᠡᠵᠢ ᠮᠢᠨᠢ ᠶᠤᠮ ᠰᠢᠭ᠋ ᠡᠨᠡᠷᠢᠯᠲᠠᠶᠢᠬᠡᠨ | ᠳᠤᠯᠠᠭᠠᠨ ᠠᠯᠠᠭᠠᠨ ᠳᠤ ᠪᠠᠨ | ᠡᠪᠡᠢ ᠦᠷᠡ ᠮᠢᠨᠢ ᠭᠡᠵᠦ | ᠦᠯᠦᠭᠡᠶᠢᠳᠡᠨ ᠳᠤᠰᠤᠭᠰᠡᠨ ᠠᠴᠢ ᠲᠠᠢ ᠪᠢᠯᠡ︕ | ᠴᠢᠯᠠᠭᠤᠨ ᠠᠮᠢ ᠲᠠᠢ ᠡᠬᠡ ᠤᠷᠤᠨ | ᠡᠬᠡ ᠤᠷᠤᠨ ᠮᠢᠨᠢ ᠴᠢᠯᠠᠭᠤᠨ ᠠᠮᠢ ᠲᠠᠢ | ᠠᠮᠢᠲᠠᠨ ᠵᠢᠷᠭᠤᠭᠠᠨ ᠵᠤᠶᠢᠯ ᠳᠤ ᠡᠯᠢᠭᠡᠮᠰᠦᠭ | ᠨᠠᠷᠠ᠂ ᠪᠤᠷᠤᠭᠠᠨ ᠳᠤ ᠬᠦᠳᠡᠷᠰᠢᠨ | ᠠᠶᠤᠩᠭᠠ᠂ ᠰᠠᠯᠬᠢᠨ ᠳᠤ ᠴᠢᠮᠪᠠᠶᠢᠵᠢᠵᠦ | ᠬᠠᠬᠢᠷ ᠬᠦᠢᠲᠡᠨ᠂ ᠵᠤᠳ ᠰᠢᠭᠤᠷᠭᠠᠨ ᠳᠤ | ᠬᠠᠯᠠ ᠳᠠᠭᠠᠭᠠᠵᠦ | ᠬᠠᠳᠠᠨ ᠲᠠᠮᠢᠷ ᠲᠠᠢ ᠪᠤᠭᠤᠷᠤᠯᠳᠤᠭᠰᠡᠨ ᠡ ᠁ | ᠡᠨᠡ ᠴᠡᠩᠭᠡᠷ ᠭᠠᠷᠠᠭ ᠤᠨ | ᠡᠰ ᠪᠦᠬᠦᠨ ᠳᠤ ᠴᠢᠯᠠᠭᠤ ᠪᠤᠢ | ᠡᠮᠲᠡᠯᠡᠵᠦ ᠦᠯᠦ ᠪᠤᠯᠬᠤ | ᠡᠮᠵᠡᠭ ᠤᠶᠠᠬᠠᠨ ᠴᠢᠯᠠᠭᠤ ᠪᠤᠢ | ᠤᠶᠠᠷᠠᠬᠤ ᠪᠠᠷ ᠢᠶᠠᠨ | ᠬᠦᠷᠬᠢᠷᠡ ᠪᠤᠯᠵᠦ ᠨᠢᠯᠪᠤᠰᠦ ᠤᠨᠠᠭᠠᠳᠠᠭ᠂ | ᠠᠭᠤᠷᠯᠠᠬᠤ ᠪᠠᠷ ᠢᠶᠠᠨ | ᠭᠠᠯᠲᠦ ᠠᠭᠤᠯᠠ ᠪᠤᠯᠵᠦ ᠳᠡᠯᠪᠡᠷᠡᠳᠡᠭ ᠡ ᠁ | ᠴᠢᠯᠠᠭᠤ — ᠬᠠᠨᠠᠭᠠᠷ ᠰᠦᠮᠪᠦᠷ ᠤᠨ ᠤᠷᠭᠢᠯ | ᠠᠮᠢᠳᠤᠷᠠᠯ ᠳᠤ ᠪᠤᠤ ᠨᠤᠭᠤᠷᠠ ᠭᠡᠵᠦ | ᠠᠰᠬᠠ ᠦᠨᠳᠦᠷ ᠬᠠᠳᠠ ᠪᠤᠯᠵᠦ ᠬᠠᠨᠠᠶᠢᠳᠠᠭ | ᠴᠢᠯᠠᠭᠤ — ᠪᠦᠯᠬᠦᠮᠳᠡᠯ ᠨᠢᠭᠲᠠᠷᠠᠯ ᠤᠨ ᠭᠤᠷᠮᠤᠰᠤᠨ ᠡᠷᠴᠢ | ᠠᠶᠢᠮᠠᠭ ᠤᠭᠰᠠᠭᠠ ᠪᠠᠨ ᠨᠢᠳᠤᠷᠭᠠ ᠰᠢᠭ᠋ ᠪᠠᠢ ᠭᠡᠵᠦ | ᠦᠶᠡ ᠵᠠᠢ ᠦᠭᠡᠢ ᠳᠦᠰᠢᠯᠴᠡᠵᠦ ᠤᠷᠤᠰᠢᠳᠠᠭ | ᠴᠢᠯᠠᠭᠤ — ᠬᠡᠶᠢᠮᠤᠷᠢ ᠰᠦᠯᠳᠡ ᠶᠢᠨ ᠳᠠᠯᠠᠯᠭᠠ | ᠬᠠᠯᠢᠯ ᠳᠢᠳᠢᠮᠲᠦ ᠨᠤᠶᠠᠨ ᠤᠷᠭᠢᠯ ᠳᠤ ᠨᠢ | ᠬᠠᠨ ᠪᠦᠷᠭᠦᠳ᠂ ᠬᠠᠷᠴᠠᠭᠠᠢ ᠱᠤᠩᠬᠤᠷ ᠤᠨ ᠰᠠᠭᠤᠳᠠᠯ ᠲᠠᠢ | ᠴᠢᠯᠠᠭᠤ — ᠷᠤᠮᠠᠨᠲ᠋ᠢᠭ ᠦᠩᠭᠡ ᠠᠶᠠᠰ ᠪᠢᠯᠬᠠᠮᠠ | ᠴᠢᠩ ᠦᠨᠡᠨᠴᠢ ᠠᠭᠠᠯᠢᠨ ᠳᠤ ᠨᠢ | ᠴᠡᠴᠡᠭᠡᠰ ᠡᠷᠬᠡᠯᠡᠵᠦ ᠳᠡᠯᠭᠡᠷᠡᠳᠡᠭ | ᠴᠢᠯᠠᠭᠤ — ᠡᠭᠡᠯ ᠶᠡᠷᠦᠮᠳᠡᠭ ᠡᠷᠬᠢᠮᠰᠦᠭ ᠠᠪᠤᠷᠢ ᠲᠠᠢ | ᠴᠢᠭᠢᠷᠠᠭ ᠪᠤᠷᠤᠭᠵᠢᠭᠤᠨ ᠵᠠᠩ ᠳᠤᠨᠢ | ᠭᠤᠷᠤᠬᠠ ᠨᠢᠯᠬᠠᠷᠠᠵᠦ ᠳᠠᠭᠤᠯᠠᠳᠠᠭ | ᠴᠢᠯᠠᠭᠤ — ᠤᠷᠠᠨ ᠠᠪᠬᠠᠯᠵᠢ ᠤᠶᠠᠩᠭᠠᠨ ᠬᠦᠭ ᠲᠠᠢ | ᠴᠡᠭ ᠬᠤᠯᠠ ᠶᠢᠨ ᠭᠠᠵᠠᠷ ᠠᠴᠠ ᠳᠠᠭᠤᠳᠠᠬᠤ ᠳᠤ | ᠴᠤᠤᠷᠢᠶᠠ ᠨᠢ ᠠᠶᠠᠲᠠᠢ ᠰᠤᠨᠤᠰᠳᠠᠳᠠᠭ | ᠴᠢᠯᠠᠭᠤᠨ ᠠᠮᠢ ᠲᠠᠢ ᠡᠬᠡ ᠤᠷᠤᠨ | ᠡᠬᠡ ᠤᠷᠤᠨ ᠮᠢᠨᠢ ᠴᠢᠯᠠᠭᠤᠨ ᠠᠮᠢ ᠲᠠᠢ | ᠠᠯᠲᠠᠨ ᠭᠠᠳᠠᠰᠦ ᠰᠢᠭ᠋ ᠬᠢᠯᠠᠯᠵᠠᠬᠤ | ᠠᠯᠮᠠᠰ ᠡᠷᠳᠡᠨᠢ ᠶᠢᠨ ᠴᠢᠯᠠᠭᠤ ᠪᠤᠢ | ᠴᠡᠪᠡᠷ ᠭᠡᠭᠡᠨᠴᠢᠷ ᠳᠤᠯᠠᠯᠵᠠᠬᠤ | ᠴᠡᠭᠡᠨ ᠡᠷᠳᠡᠨᠢ ᠶᠢᠨ ᠴᠢᠯᠠᠭᠤ ᠪᠤᠢ | ᠬᠠᠶᠢᠷᠠ ᠨᠠᠶᠢᠷ ᠰᠢᠭ᠋ ᠨᠠᠨᠳᠢᠨ | ᠬᠠᠰ ᠡᠷᠳᠡᠨᠢ ᠶᠢᠨ ᠴᠢᠯᠠᠭᠤ ᠪᠤᠢ | ᠦᠩ ᠰᠢᠮᠡᠯᠢᠭ ᠡᠪᠡᠰᠦ ᠤᠰᠤᠨ ᠤ ᠬᠤᠷᠠᠮᠳᠤᠯ | ᠦᠭᠡᠬᠦᠨ ᠴᠠᠭᠠᠨ ᠴᠢᠯᠠᠭᠤ ᠪᠤᠢ | ᠪᠤᠮᠠᠨ ᠵᠢᠯ ᠤᠨ ᠴᠠᠭᠠᠨᠠ ᠠᠴᠠ ᠦᠦᠷᠰᠡᠵᠦ ᠢᠷᠡᠭᠰᠡᠨ | ᠪᠤᠳᠠᠷ ᠤᠨ ᠴᠢᠯᠠᠭᠤᠨ ᠤ ᠰᠦᠷᠦᠭ ᠪᠤᠢ | ᠪᠤᠭᠤᠷᠤᠯ ᠳᠡᠭᠡᠳᠦ ᠠᠴᠠ ᠦᠪᠯᠡᠨ ᠰᠤᠶᠤᠷᠬᠠᠬᠤ | ᠤᠪᠤᠭᠠᠨ ᠳᠤ ᠪᠠᠨ ᠨᠡᠮᠡᠭᠰᠡᠨ ᠴᠢᠯᠠᠭᠤ ᠪᠤᠢ | ᠴᠢᠯᠠᠭᠤᠨ ᠠᠮᠢ ᠲᠠᠢ ᠡᠬᠡ ᠤᠷᠤᠨ | ᠡᠬᠡ ᠤᠷᠤᠨ ᠮᠢᠨᠢ ᠴᠢᠯᠠᠭᠤᠨ ᠠᠮᠢ ᠲᠠᠢ | ᠴᠢᠯᠠᠭᠤᠨ ᠳᠤ ᠬᠤᠷᠴᠠᠯᠠᠭᠰᠡᠨ | ᠬᠦᠯᠦᠭ ᠤᠨ ᠲᠤᠭᠤᠷᠠᠢ ᠪᠠᠷ | ᠳᠡᠯᠡᠬᠡᠢ ᠶᠢ ᠳᠤᠪᠲᠤᠯᠵᠦ ᠶᠠᠪᠤᠭᠰᠡᠨ | ᠲᠡᠮᠤᠵᠢᠨ ᠴᠢᠩᠭᠢᠰ ᠬᠠᠭᠠᠨ | ᠲᠡᠭᠷᠢ ᠠᠴᠠ ᠡᠰᠢ ᠲᠠᠢ | ︽ᠴᠢᠯᠠᠭᠤᠨ ᠪᠢᠴᠢᠭ︾ ᠢ ᠵᠤᠬᠢᠶᠠᠭᠰᠡᠨ ᠪᠦᠯᠦᠭᠡ︕ | ᠡᠾᠦ᠋ᠩᠨᠦ ᠳᠡᠭᠡᠳᠦᠰ ᠤᠨ ᠳᠤᠮᠤᠭ ᠴᠤᠤᠯᠠᠭᠰᠡᠨ | ︽ᠬᠦᠮᠦᠨ ᠴᠢᠯᠠᠭᠤᠨ︾ ᠤ ᠪᠦᠷᠢᠯᠸᠠ | ︽ᠲᠡᠷᠢᠭᠦᠨ︾ ᠤᠨᠠᠭᠰᠡᠨ ᠴᠦ | ᠬᠠᠷᠠᠬᠤᠷᠤᠮ᠂ ᠱᠠᠩᠳᠦ ᠶᠢᠨ ᠰᠢᠷᠠ ᠲᠠᠯᠠ ᠳᠤ | ᠲᠦᠷᠦ ᠶᠢᠨ ᠢᠶᠠᠨ ᠪᠠᠭᠤᠴᠠ ᠶᠢ ᠰᠠᠬᠢᠭᠰᠠᠭᠠᠷ ᠡ ᠁ | ᠬᠦᠯᠦᠭ ᠤᠨ ᠨᠢᠷᠤᠭᠤᠨ ᠳᠡᠭᠡᠷᠡ | ᠬᠦᠬᠡ ᠮᠤᠩᠭᠤᠯ ᠤᠨ ᠲᠤᠭ ᠢ ᠡᠷᠭᠦᠭᠰᠡᠨ | ᠡᠪᠦᠭᠡ ᠳᠡᠭᠡᠳᠦᠰ | ᠬᠦᠷᠡᠩ ᠴᠢᠯᠠᠭᠤ ᠲᠠᠢ ᠬᠠᠳᠠᠨ ᠳᠡᠭᠡᠷᠡ | ︽ᠠᠮᠢᠳᠤᠷᠠᠯ︾ ᠢᠶᠠᠨ ᠵᠢᠷᠤᠭᠯᠠᠨ | ᠦᠯᠡᠳᠡᠭᠡᠭᠰᠡᠨ ᠶᠤᠮ︕ | ᠴᠠᠷᠳᠠ ᠶᠢᠨ ᠭᠠᠯᠪᠠ ᠶᠢᠨ ᠠᠪᠤᠷᠭᠤ ᠬᠦᠷᠪᠡᠯ | ᠴᠠᠭ ᠤᠨ ᠤᠷᠲᠦ ᠳᠤ ᠮᠦᠩᠭᠡᠷᠡᠬᠦ ᠳᠤ ᠪᠠᠨ | ᠴᠢᠯᠠᠭᠤᠵᠢᠮᠠᠯ ᠪᠤᠯᠵᠦ ᠠᠮᠢᠯᠠᠭᠰᠡᠨ ᠶᠤᠮ ᠡ᠃ | ᠲᠤᠯᠭᠠ ᠶᠢᠨ ᠭᠤᠷᠪᠠᠨ ᠴᠢᠯᠠᠭᠤᠨ ᠳᠤ | ᠲᠦᠯᠦ᠂ ᠭᠠᠯ ᠢᠶᠠᠨ ᠮᠠᠨᠠᠵᠦ | ᠳᠦᠪᠰᠢᠨ ᠰᠠᠶᠢᠨ ᠤ ᠪᠡᠯᠭᠡᠳᠡᠯ ᠢ | ᠬᠤᠷᠤᠶᠢᠯᠠᠨ᠂ ᠬᠤᠷᠤᠶᠢᠯᠠᠨ ᠳᠠᠯᠠᠯᠤᠳᠠᠭ | ᠴᠢᠯᠠᠭᠤᠨ ᠠᠮᠢ ᠲᠠᠢ ᠡᠬᠡ ᠤᠷᠤᠨ | ᠡᠬᠡ ᠤᠷᠤᠨ ᠮᠢᠨᠢ ᠴᠢᠯᠠᠭᠤᠨ ᠠᠮᠢ ᠲᠠᠢ ᠡ︕ | ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶ᠋ᠢᠭ᠄ ᠰᠢᠯᠤᠭᠤᠨ ᠬᠦᠬᠡ ᠬᠤᠰᠢᠭᠤᠨ ᠤ ᠰᠠᠩ ᠤᠨ ᠲᠠᠯᠠᠢ ᠪᠠᠯᠭᠠᠰᠤ | |