| ᠨᠢ᠊᠂ ᠡᠷᠲᠡᠨᠢᠪᠠᠭᠠᠲᠤᠷ | | ᠬᠤᠯᠪᠤᠭᠠ | ᠤᠶᠠᠬᠠᠨ ᠴᠠᠭ ᠤᠨ ᠰᠠᠯᠬᠢᠨ ᠳᠤᠨᠢ | ᠠᠭᠤᠯᠠ ᠤᠰᠤ ᠮᠢᠨᠢ ᠦᠩᠭᠡᠵᠢᠯᠠ ᠳ᠋ᠠ | ᠤᠶᠠᠩᠭᠠᠲᠦ ᠬᠤᠭᠤᠷ ᠢᠶᠠᠨ ᠬᠦᠭᠯᠡᠵᠦ | ᠤᠨᠠᠭᠠᠨ ᠨᠤᠲᠤᠭ ᠢᠶᠠᠨ ᠲᠠᠭᠤᠯᠠᠶᠠ ᠬᠦ᠋ | ᠰᠢᠵᠢᠷ ᠨᠠᠷᠠᠨ ᠤ ᠭᠡᠷᠡᠯ ᠳᠤ | ᠰᠢᠯᠢ ᠨᠤᠲᠤᠭ ᠮᠢᠨᠢ ᠴᠡᠴᠡᠭᠯᠡᠯᠡ ᠳ᠋ᠠ | ᠰᠢᠯᠦᠭ ᠲᠠᠭᠤᠤ ᠪᠠᠨ ᠡᠬᠢᠯᠡᠬᠦᠯᠦᠨ | ᠰᠢᠨᠡ ᠬᠦᠲᠡᠭᠡ ᠪᠠᠨ ᠮᠠᠭᠲᠠᠶᠠ ᠬᠦ᠋ | ᠬᠠᠯᠠᠭᠤᠨ ᠰᠦᠷᠦᠭ ᠢᠷᠠᠶᠢᠭ᠍ᠰᠡᠨ | ᠬᠠᠪᠤᠷ ᠤᠨ ᠲᠠᠨᠢᠭᠡᠷ ᠲᠠᠯᠠ ᠮᠢᠨᠢ | ᠬᠠᠮᠤᠭ ᠰᠢᠪᠠᠭᠤᠳ ᠢᠶᠠᠨ ᠴᠡᠩᠭᠡᠬᠦᠯᠦᠭᠰᠡᠨ | ᠬᠠᠷᠠᠴᠠᠨ ᠤ ᠲᠤᠩᠭᠠᠯᠠᠭ ᠤᠰᠤ ᠮᠢᠨᠢ | ᠵᠤᠰᠠᠭᠠᠯ ᠤᠨ ᠭᠡᠷ ᠤᠳ ᠵᠢᠭᠲᠡᠷᠡᠭᠰᠡᠨ | ᠵᠤᠨ ᠤ ᠨᠤᠭᠤᠭᠠᠨ ᠲᠡᠨᠵᠢ ᠮᠢᠨᠢ | ᠵᠢᠭᠤᠯᠴᠢᠨ ᠵᠤᠴᠢᠨ ᠢᠶᠠᠨ ᠪᠠᠶᠠᠰᠬᠠᠭᠰᠡᠨ | ᠵᠢᠷᠤᠭ ᠤᠨ ᠰᠠᠶᠢᠬᠠᠨ ᠪᠠᠶᠢᠭᠠᠯᠢ ᠮᠢᠨᠢ | ᠨᠠᠶᠢᠷᠠᠲᠠᠢ ᠰᠠᠯᠬᠢ ᠨᠢ ᠪᠦᠵᠢᠭᠰᠡᠨ | ᠨᠠᠮᠤᠷ ᠤᠨ ᠰᠡᠷᠮᠡᠬᠦᠨ ᠰᠢᠯᠢ ᠮᠢᠨᠢ | ᠨᠠᠮᠠᠢᠢ ᠴᠢᠮᠠᠢᠢ ᠵᠢᠷᠭᠠᠭᠠᠭᠰᠡᠨ | ᠨᠠᠰᠦ ᠪᠠᠷ ᠢᠶᠠᠨ ᠠᠮᠢᠲᠤᠷᠠᠬᠤ ᠦᠯᠦᠭᠡᠢ ᠮᠢᠨᠢ | ᠦᠨᠲᠦᠷ ᠲᠠᠷᠢᠬᠦᠨ ᠢᠶᠠᠨ ᠴᠠᠶᠢᠯᠵᠠᠭᠤᠯᠤᠭᠰᠡᠨ | ᠡᠪᠦᠯ ᠤᠨ ᠴᠠᠭᠠᠨ ᠠᠭᠤᠯᠠ ᠮᠢᠨᠢ | ᠦᠵᠡᠬᠦ ᠨᠢᠲᠤᠨ ᠳᠤ ᠡᠷᠭᠡᠯᠡᠭᠰᠡᠨ | ᠦᠨᠢᠷ ᠪᠠᠶᠠᠨ ᠲᠡᠯᠡᠭᠡᠢ ᠮᠢᠨᠢ | ᠲᠦᠷᠪᠡᠨ ᠴᠠᠭ ᠤᠨ ᠡᠷᠬᠢᠯᠲᠡ ᠪᠠᠷ | ᠲᠦᠷᠦᠭᠰᠡᠨ ᠨᠤᠲᠤᠭ ᠮᠢᠨᠢ ᠨᠠᠯᠠᠶᠢᠵᠦ ᠪᠠᠶᠢᠨᠠ | ᠲᠦᠪᠰᠢᠨ ᠠᠮᠤᠭᠤᠯᠠᠩ ᠤᠨ ᠠᠶᠠᠯᠭᠤ ᠲᠠᠢ | ᠲᠦᠮᠡᠨ ᠤᠯᠠᠨ ᠢᠶᠠᠷ ᠢᠶᠠᠨ ᠵᠢᠷᠭᠠᠵᠦ ᠪᠠᠶᠢᠨᠠ | ᠴᠡᠪᠡᠷ ᠴᠡᠮᠴᠡᠭᠡᠷ ᠪᠠᠶᠢᠰᠢᠩ ᠤᠳ | ᠴᠡᠴᠡᠭ ᠠᠲᠠᠯᠢ ᠤᠷᠭᠤᠵᠦ ᠪᠠᠶᠢᠨᠠ | ᠴᠡᠩᠭᠡᠷ ᠬᠦᠲᠡᠭᠡ ᠲᠦᠬᠦᠷᠡᠩ | ᠴᠡᠩᠭᠡᠯᠲᠦ ᠵᠢᠷᠤᠭ ᠲᠡᠯᠭᠡᠭᠲᠡᠵᠦ ᠪᠠᠶᠢᠨᠠ | ᠠᠶᠤᠯ ᠦᠭᠡᠢ ᠤᠰᠤᠨ ᠤ ᠬᠤᠳᠲᠤᠭ | ᠠᠷᠢᠭᠤᠨ ᠪᠤᠯᠠᠭ ᠰᠢᠭ᠋ ᠤᠨᠲᠤᠷᠴᠦ ᠪᠠᠶᠢᠨᠠ | ᠠᠴᠢ ᠶᠢ ᠨᠢ ᠬᠦᠷᠲᠡᠭᠰᠡᠨ ᠮᠠᠯᠴᠢᠳ ᠮᠢᠨᠢ | ᠠᠯᠠᠭᠠ ᠪᠠᠨ ᠲᠠᠰᠢᠨ ᠪᠠᠶᠠᠷᠯᠠᠵᠦ ᠪᠠᠶᠢᠨᠠ | ᠠᠶᠢᠯ ᠬᠤᠲᠠ ᠶᠢ ᠬᠤᠯᠪᠤᠭᠰᠡᠨ | ᠠᠰᠬᠠᠨ ᠵᠠᠮ ᠨᠢ ᠲᠤᠷᠠᠶᠢᠵᠦ ᠪᠠᠶᠢᠨᠠ | ᠠᠯᠤᠰ ᠤᠨ ᠤᠲᠤᠨ ᠠᠴᠠ ᠲᠠᠮᠵᠢᠭᠤᠯᠲᠠᠭ | ᠷᠠᠳᠢᠤ᠋ ᠲᠧᠯᠸᠢᠰ ᠨᠢ ᠤᠶᠠᠩᠭᠠᠷᠠᠵᠦ ᠪᠠᠶᠢᠨᠠ | ᠬᠤᠯᠠ ᠶᠢᠨ ᠰᠤᠷᠠᠭ ᠢ ᠤᠶᠢᠷᠠᠲᠤᠭᠤᠯᠲᠠᠭ | ᠬᠤᠯᠪᠤᠭᠠ ᠰᠦᠯᠵᠢᠶᠡ ᠨᠢ ᠰᠦᠨᠲᠡᠷᠯᠡᠵᠦ ᠪᠠᠶᠢᠨᠠ | ᠬᠤᠨᠤᠭ ᠤᠨ ᠵᠠᠮ ᠢ ᠲᠤᠪᠴᠢᠯᠠᠲᠠᠭ | ᠬᠤᠷᠲᠤᠨ ᠮᠠᠰᠢᠨ ᠨᠢ ᠰᠤᠮᠤᠲᠠᠵᠦ ᠪᠠᠶᠢᠨᠠ | ᠪᠠᠶᠢᠩᠭᠤ ᠶᠢᠨ ᠴᠠᠬᠢᠯᠭᠠᠨ ᠨᠡᠪᠲᠡᠷᠡᠭᠡᠳ | ᠪᠠᠶᠠᠵᠢᠯ ᠤᠨ ᠰᠠᠶᠢᠬᠠᠨ ᠳᠤ ᠤᠮᠪᠠᠵᠦ ᠪᠠᠶᠢᠨᠠ | ᠪᠠᠶᠠᠨ ᠲᠠᠩᠰᠤᠭ ᠢᠷᠡᠭᠡᠲᠦᠢ ᠪᠠᠨ | ᠪᠠᠭ᠋ᠠᠲᠤᠨ ᠲᠠᠭᠤᠯᠠᠨ ᠵᠤᠷᠢᠵᠦ ᠯᠡ ᠪᠠᠶᠢᠨᠠ | ᠡᠷᠲᠡᠮ ᠤᠨ ᠰᠠᠷᠠᠭᠤᠯᠬᠠᠨ ᠲᠠᠩᠭᠢᠮ ᠳᠠᠭᠠᠨ | ᠡᠩᠬᠦᠷᠡᠢ ᠪᠠᠭᠠᠴᠤᠤᠯ ᠨᠢ ᠭᠢᠴᠢᠶᠡᠯᠯᠡᠵᠦ ᠪᠠᠶᠢᠨᠠ | ᠡᠭᠡ ᠤᠷᠤᠨ ᠤ ᠪᠠᠨ ᠲᠠᠭᠤᠲᠠᠯᠭᠠ ᠪᠠᠷ | ᠡᠷᠲᠡᠯᠡᠵᠦ ᠤᠷᠤᠶᠢᠯᠠᠨ ᠰᠢᠮᠲᠠᠵᠦ ᠪᠠᠶᠢᠨᠠ | ᠡᠷᠡᠬᠦᠯ ᠢ ᠬᠠᠮᠠᠭᠠᠯᠠᠬᠤ ᠲᠠᠰᠤᠭ ᠲᠠᠭᠠᠨ | ᠡᠪᠡᠳᠴᠢᠨ ᠡᠮᠭᠡᠭ ᠢᠶᠠᠨ ᠦᠵᠡᠬᠦᠯᠵᠦ ᠪᠠᠶᠢᠨᠠ | ᠡᠮ ᠡᠮᠨᠡᠯᠭᠡ ᠤᠨ ᠲᠠᠭᠠᠳᠬᠠᠯ ᠢ | ᠡᠷᠭᠡ ᠲᠡᠭᠰᠢ ᠪᠠᠷ ᠬᠦᠷᠲᠡᠵᠦ ᠪᠠᠶᠢᠨᠠ | ᠦᠰᠴᠦ ᠲᠦᠷᠦᠭᠰᠡᠨ ᠨᠤᠲᠤᠭ ᠲᠤ ᠮᠢᠨᠢ | ᠦᠨᠦᠲᠦᠷ ᠤᠨ ᠭᠦᠭᠵᠢᠯ ᠢᠶᠠᠷ ᠪᠢᠯᠬᠠᠨᠠ ᠳ᠋ᠠ | ᠦᠭᠡᠷᠡᠴᠢᠯᠡᠯᠲᠡ ᠶᠢᠨ ᠢᠷᠠᠭᠤ ᠲᠠᠭᠤᠯᠠᠯ | ᠦᠩᠭᠡᠲᠦ ᠰᠤᠯᠤᠩᠭᠠ ᠰᠢᠭ᠋ ᠲᠡᠭᠲᠡᠨᠡ ᠳ᠋ᠠ | ᠮᠠᠯᠵᠢᠬᠤ ᠤᠶᠢᠯᠡᠳᠪᠦᠷᠢᠯᠡᠯ ᠢᠶᠠᠨ ᠬᠦᠭᠵᠢᠬᠦᠯᠲᠡᠭ | ᠮᠠᠰᠢᠨ ᠮᠧᠬᠠᠨᠢᠭ ᠨᠢ ᠰᠤᠲᠤᠬᠠᠨ ᠳ᠋ᠠ | ᠮᠠᠩᠬᠠ ᠡᠯᠡᠰᠦ ᠪᠠᠨ ᠨᠤᠭᠤᠭᠠᠷᠠᠭᠤᠯᠤᠭᠰᠡᠨ | ᠮᠠᠩᠯᠠᠢ ᠬᠦᠲᠡᠯᠮᠤᠷᠢ ᠨᠢ ᠲᠤᠲᠤᠬᠠᠨ ᠳ᠋ᠠ | ᠠᠮᠢ ᠠᠬᠤᠢ ᠢ ᠡᠷᠬᠢᠮᠯᠡᠭᠡᠳ | ᠲᠠᠯᠠ ᠬᠦᠨᠲᠡᠢ ᠨᠢ ᠨᠤᠭᠤᠭᠠᠨ ᠳ᠋ᠠ | ᠠᠵᠦ ᠠᠬᠤᠢ ᠢ ᠴᠢᠬᠤᠯᠴᠢᠯᠠᠭᠠᠳ | ᠲᠠᠪᠤᠨ ᠬᠤᠰᠢᠭᠤ ᠨᠢ ᠦᠨᠢᠷ ᠳ᠋ᠠ | ᠨᠠᠭᠠᠨᠠ ᠴᠠᠭᠠᠨᠠ ᠬᠤᠲᠠ ᠪᠠᠷ ᠢᠶᠠᠨ | ᠡᠶᠡ ᠵᠤᠬᠢᠴᠠᠯ ᠲᠠᠢ ᠨᠢ ᠪᠠᠭ᠋ᠠᠷᠤᠮᠠ ᠳ᠋ᠠ | ᠨᠠᠰᠤᠲᠠᠢ ᠨᠢᠯᠬᠠ ᠪᠠᠨ ᠬᠠᠷᠠᠭᠠᠯᠵᠠᠲᠠᠭ | ᠡᠷᠬᠢᠮ ᠰᠤᠷᠲᠠᠯ ᠨᠢ ᠲᠤᠪᠤᠶᠢᠮᠠ ᠳ᠋ᠠ | ᠰᠤᠶᠤᠯ ᠤᠨ ᠲᠤᠬᠢᠯᠢᠭ ᠦᠷᠦᠭᠡᠨ ᠳᠡᠭᠡᠨ | ᠠᠯᠢᠶᠠ ᠵᠠᠯᠠᠭᠤᠰ ᠨᠢ ᠴᠤᠭᠲᠠᠢ ᠳ᠋ᠠ | ᠰᠤᠨᠢᠨ ᠰᠡᠳᠬᠦᠯ ᠤᠨ ᠰᠢᠮᠡ ᠪᠠᠷ | ᠠᠮᠢᠲᠤᠷᠠᠯ ᠢᠶᠠᠨ ᠪᠤᠰᠬᠠᠬᠤ ᠨᠢ ᠤᠷᠮᠠᠲᠠᠢ ᠳ᠋ᠠ | ᠬᠦᠲᠡᠭᠡ ᠰᠠᠶᠢᠬᠠᠨ ᠨᠤᠲᠤᠭ ᠢᠶᠠᠨ | ᠡᠯᠬᠦᠵᠦ ᠬᠤᠯᠪᠤᠭᠠᠳ ᠪᠠᠷᠠᠰᠢ ᠦᠭᠡᠢ ᠬᠦ᠋ | ᠬᠦᠭᠵᠢᠯ ᠤᠨ ᠲᠤᠷᠭᠠᠨ ᠵᠤᠭᠤᠭ ᠢ ᠨᠢ | ᠦᠪᠡᠷᠲᠡᠭᠡᠨ ᠲᠠ ᠮᠢᠨᠢ ᠰᠤᠨᠤᠷᠲᠠᠭᠠᠲᠠᠢ︕ | ᠰᠢᠯᠢ ᠬᠠᠩᠭᠠᠢ ᠨᠤᠲᠤᠭ ᠢᠶᠠᠨ | ᠲᠠᠭᠤᠯᠠᠵᠦ ᠰᠢᠯᠦᠭᠯᠡᠭᠡᠳ ᠪᠠᠷᠠᠰᠢ ᠦᠭᠡᠢ ᠬᠦ᠋ | ᠰᠢᠨᠡ ᠴᠠᠭ ᠤᠨ ᠰᠤᠨᠢᠨ ᠢ ᠨᠢ | ᠲᠤᠷᠠ ᠪᠠᠷ ᠢᠶᠠᠨ ᠲᠠ ᠮᠢᠨᠢ ᠰᠤᠨᠢᠷᠬᠠᠭᠠᠷᠠᠢ︕ | ᠠᠩᠬᠠᠯᠠᠵᠦ ᠭᠡᠯᠡᠭᠰᠡᠨ ᠬᠤᠯᠪᠤᠭᠠ ᠪᠠᠨ | ᠠᠶᠠ ᠶᠢ ᠨᠢ ᠠᠲᠡ ᠵᠠᠪᠰᠠᠷᠯᠠᠶᠠ | ᠠᠮᠤᠭᠤᠯᠠᠩ ᠰᠠᠭᠠᠲᠠᠭᠰᠡᠨ ᠨᠤᠲᠤᠭ ᠢᠶᠠᠨ | ᠠᠰᠢᠲᠠ ᠶᠢᠨ ᠰᠠᠶᠢᠬᠠᠨ ᠢ ᠨᠢ ᠵᠦᠩᠨᠡᠶᠡ ᠳ᠋ᠠ ᠬᠦ᠋ | ᠤᠷᠤᠰᠬᠠᠵᠦ ᠭᠡᠯᠡᠭᠰᠡᠨ ᠬᠤᠯᠪᠤᠭᠠ ᠪᠠᠨ | ᠤᠴᠢᠭ ᠢ ᠨᠢ ᠠᠲᠡ ᠵᠢᠷᠭᠠᠭᠠᠶᠠ | ᠤᠨᠠᠭᠰᠡᠨ ᠦᠯᠦᠭᠡᠢ ᠨᠤᠲᠤᠭ ᠤᠨ ᠢᠶᠠᠨ | ᠤᠯᠠᠮ ᠲᠠᠪᠰᠢᠬᠤ ᠶᠢ ᠨᠢ ᠪᠡᠯᠭᠡᠲᠡᠶᠡ ᠳ᠋ᠠ ᠬᠦ᠋ | |