ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠣᠶᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠴᠠᠬᠠᠷ ᠤᠨ ᠬᠤᠶᠢᠳᠤ ᠭᠡᠰᠡᠭ ᠲᠤ ᠡᠭᠦᠷᠯᠡᠵᠤ ᠪᠠᠶᠢᠭᠰᠠᠨ ᠽᠦᠸᠧ ᠯᠢᠦᠽᠢ ᠶᠢᠨ  ᠳᠡᠭᠡᠷᠡᠮ ᠤᠨ ᠪᠦᠯᠦᠭ ᠢ ᠳᠠᠷᠤᠭᠰᠠᠨ ᠳᠡᠮᠳᠡᠭᠯᠡᠯ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2018/6/11
                                      ᠨᠤ · ᠳᠠᠮᠪᠠ                                                                                                                                     ᠮᠢᠨᠦ ᠪᠡᠶ᠎ᠡ 1943 ᠤᠨ᠎ᠠ ᠶᠠᠫᠤᠨ ᠤ ᠲᠤᠤᠺᠢᠤ᠋ ᠳᠠᠬᠢ ᠺᠡᠨᠠᠺᠧᠨ ᠬᠠᠭᠤᠷᠠᠢ ᠵᠠᠮ ᠤᠨ ᠴᠡᠷᠢᠭ ᠤᠨ ᠳᠠᠷᠤᠭ᠎ᠠ ᠶᠢᠨ ᠰᠤᠷᠭᠠᠭᠤᠯᠢ ᠶᠢᠨ  ᠭᠤᠴᠢᠨ ᠲᠦᠷᠪᠡᠳᠦᠭᠡᠷ ᠬᠤᠭᠤᠴᠠᠭ᠎ᠠ ᠶᠢᠨ ᠰᠤᠷᠤᠯᠭ᠎ᠠ ᠶᠢ ᠳᠡᠭᠦᠰᠭᠡᠵᠤ᠂ ᠠᠬᠠᠮᠠᠳ ᠳᠡᠰ ᠤᠨ ᠵᠡᠷᠭᠡ ᠬᠠᠮᠠᠭᠠᠯᠠᠭᠠᠳ ᠤᠯᠤᠰ ᠲᠠᠭᠠᠨ ᠪᠤᠴᠠᠵᠤ ᠢᠷᠡᠭᠰᠡᠨ ᠤ ᠳᠠᠷᠠᠭ᠎ᠠ᠂ ᠳᠤᠬᠠᠢ ᠶᠢᠨ ᠦᠶ᠎ᠡ  ᠶᠢᠨ ᠬᠠᠭᠤᠷᠮᠠᠭ ᠮᠤᠩᠭᠤᠯ ᠬᠢᠵᠠᠭᠠᠷ ᠤᠷᠤᠨ ᠤ ᠦᠪᠡᠰᠦᠪᠡᠨ ᠵᠠᠰᠠᠬᠤ ᠤᠷᠤᠨ ᠤ ᠰᠡᠷᠭᠡᠶᠢᠯᠡᠨ  ᠬᠠᠮᠠᠭᠠᠯᠠᠬᠤ ᠬᠤᠶᠠᠳᠤᠭᠠᠷ ᠳ᠋ᠢᠸᠢᠽᠢ ᠶᠢᠨ ᠼᠠᠨᠮᠤ ᠶᠢᠨ ᠰᠠᠯᠠᠭᠠᠨ ᠳᠠᠷᠤᠭ᠎ᠠ ᠪᠠᠷ ᠳᠤᠮᠢᠯᠠᠭᠳᠠᠪᠠ᠃ ᠬᠠᠮᠳᠤ ᠳᠡᠭᠦᠰᠴᠤ ᠢᠷᠡᠭᠰᠡᠨ ᠴᠠᠬᠠᠷ ᠤᠨ ᠤᠶᠤᠳᠠᠳ  ᠬᠡᠮᠡᠪᠡᠰᠣ᠄ ᠳᠠᠶᠢᠫᠤᠰᠧ ᠪᠠᠷᠠᠭᠤᠨ ᠭᠠᠷ ᠬᠤᠰᠢᠭᠤᠨ ᠤ ᠰᠤᠳᠤ᠂ ᠭᠸᠠᠹᠢᠯ᠂ ᠷᠠᠰᠢᠨᠠᠮᠵᠢᠯ᠂ ᠬᠦᠪᠡᠭᠡᠳᠦ ᠴᠠᠭᠠᠨ ᠬᠤᠰᠢᠭᠤᠨ ᠤ ᠪᠤᠶᠠᠨᠳᠤᠭᠳᠠᠬᠤ ᠵᠡᠷᠭᠡ ᠬᠦᠮᠦᠰ ᠪᠠᠶᠢᠯᠴᠠᠪᠠᠢ᠃ ᠬᠤᠶᠠᠳᠤᠭᠠᠷ ᠳ᠋ᠢᠸᠢᠽᠢ ᠶᠢᠨ ᠰᠧᠯᠢᠩᠪᠦ᠋ ᠪᠤᠯ ᠴᠠᠬᠠᠷ ᠠᠶᠢᠮᠠᠭ ᠤᠨ ᠲᠦᠪ — ᠬᠠᠷ᠎ᠠ ᠪᠠᠯᠭᠠᠰᠣᠨ᠎ᠠ ︵ᠡᠳᠦᠭᠡᠬᠢ ᠾᠧᠪᠸᠢ ᠮᠤᠵᠢ ᠶᠢᠨ ᠵᠠᠩᠪᠸᠢ ᠰᠢᠶᠠᠨ︶ ᠪᠠᠶᠢᠪᠠ᠃ ᠲᠤᠬᠠᠢ ᠶᠢᠨ ᠦᠶ᠎ᠡ   ᠶᠢᠨ ᠵᠠᠰᠠᠭ ᠤᠨ ᠳᠤᠭᠳᠠᠭᠠᠯ   ᠢᠶᠠᠷ ᠠᠶᠢᠮᠠᠭ ᠤᠨ ᠳᠠᠷᠤᠭ᠎ᠠ ᠵᠤᠳᠪᠠᠵᠠᠪ ᠠᠮᠪᠠᠠ᠂ ᠳᠡᠳ᠋ ᠳᠠᠷᠤᠭ᠎ᠠ ᠰᠧᠷᠡᠩᠨᠠᠮᠵᠢᠯ ᠠᠮᠪᠠᠨ ᠳ᠋ᠢᠸᠢᠽᠢ ᠶᠢᠨ ᠳᠠᠷᠤᠭ᠎ᠠ᠂ ᠤᠷᠤᠯᠠᠭᠴᠢ ᠶᠢ ᠳᠤᠰᠪᠤᠷᠢ ᠳᠠᠪᠬᠤᠷ ᠬᠠᠷᠢᠭᠤᠴᠠᠵᠤ᠂  ᠳᠡᠰᠯᠡᠭᠴᠢ ᠭᠧᠨᠧᠷᠡᠯ ᠭᠤᠯᠢᠮᠧᠨᠰᠧ ᠵᠠᠩᠵᠤᠨ ᠼᠠᠨᠮᠤᠵᠠᠩ ᠰᠠᠭᠤᠵᠤ ᠪᠦᠬᠦ ᠴᠡᠷᠢᠭ ᠢ ᠵᠠᠬᠢᠷᠴᠤ ᠪᠠᠶᠢᠪᠠ᠃ ︵ᠳᠣᠰ ᠬᠦᠮᠦᠨ ᠬᠠᠭᠤᠴᠢᠨ ᠳᠠᠶᠢᠫᠤᠰᠧ ᠪᠠᠷᠠᠭᠤᠨ ᠭᠠᠷ ᠬᠤᠰᠢᠭᠤᠨ ᠤ ᠬᠦᠮᠦᠨ᠂ 1945 ᠤᠨ  ᠠᠴᠠ ᠬᠤᠶᠢᠰᠢ ᠮᠤᠩᠭᠤᠯ ᠤᠯᠤᠰ ᠤᠨ ᠬᠠᠷᠢᠶᠠᠳᠤ ᠪᠤᠯᠵᠤ᠂ ᠤᠯᠤᠰ ᠤᠨ ᠶᠡᠭᠡ ᠰᠣᠷᠭᠠᠭᠤᠯᠢ ᠳᠤ ᠬᠢᠳᠠᠳ ᠪᠢᠴᠢᠭ ᠵᠢᠭᠠᠵᠤ ᠪᠠᠶᠢᠭᠠᠳ ᠨᠠᠰᠣ ᠪᠠᠷᠠᠪᠠ᠃  ︶ ᠠᠷᠪᠠᠨ ᠨᠢᠭᠡᠨ ᠰᠠᠷ᠎ᠠ ᠶᠢᠨ ᠡᠬᠢᠨ ᠢᠶᠠᠷ ᠬᠠᠭᠤᠷᠠᠮᠠᠭ ᠮᠤᠩᠭᠤᠯ  ᠬᠢᠵᠠᠭᠠᠷ ᠤᠷᠤᠨ ᠤ ᠳᠡᠷᠢᠭᠦᠨ ᠨᠤᠶᠠᠨ ᠳᠡᠮᠴᠤᠭᠳᠤᠩᠷᠤᠪ ᠴᠢᠭᠤᠯᠤᠯᠳᠤ ᠬᠠᠭᠠᠯᠭᠠᠨ᠎ᠠ ᠬᠤᠷᠠᠯᠳᠤᠭᠠᠳ ᠪᠠᠷᠠᠭᠤᠨ ᠰᠦᠨᠢᠳ ᠤᠨ ᠤᠷᠳᠤᠨ᠎ᠠ ᠪᠤᠴᠠᠬᠤ ᠵᠠᠮ ᠳᠤ ᠪᠠᠨ ᠯᠠᠨ ᠸᠧ ᠭᠸᠦ ᠬᠡᠮᠡᠬᠦ ᠪᠠᠷᠳᠠᠭᠠᠳᠤ ᠠᠭᠤᠯᠨ ᠶᠢ ᠦᠩᠭᠡᠷᠡᠬᠦ ᠳᠤ ᠬᠡᠨᠡᠳᠳᠡ ᠪᠠᠯᠠᠷ ᠤᠢ ᠠᠰᠬ᠎ᠠ ᠬᠠᠳᠠᠨ ᠠᠴᠠ ᠲᠡᠷᠢᠭᠦᠨ ᠨᠤᠶᠠᠨ ᠤ ᠳᠡᠷᠭᠡ ᠶᠢ ᠭᠠᠯᠯᠠᠨ ᠫᠤᠤᠳᠠᠵᠠᠢ᠃ ᠳᠡᠷᠢᠭᠦᠨ ᠨᠤᠶᠠᠨ ᠭᠠᠳᠠᠭᠰᠢ ᠭᠠᠷᠬᠤ ᠳᠠᠭᠠᠨ ᠶᠡᠷᠤ ᠨᠢ ᠳᠠᠪᠤᠨ ᠮᠠᠰᠢᠨ ᠳᠡᠭᠡᠷ᠎ᠡ ᠫᠦᠯᠧᠮᠢᠶᠤᠲ ᠤᠭᠰᠠᠷᠠᠭᠰᠠᠨ ᠵᠠᠭᠤᠭᠠᠳ ᠰᠢᠳᠠᠷ ᠬᠠᠮᠠᠭᠠᠯᠠᠭᠴᠢᠳ ᠲᠠᠢ ᠶᠠᠪᠤᠳᠠᠭ ᠳᠤᠯᠠᠳᠠ ᠰᠢᠳᠠᠷ ᠤᠨ ᠬᠤᠷᠠᠨᠳᠠ ᠳᠠᠷᠤᠭ᠎ᠠ ᠬᠠᠳᠠᠨᠪᠠᠭᠠᠳᠤᠷ ᠭᠤᠸᠠᠢ ᠶᠢᠨ ᠵᠠᠷᠯᠢᠭ   ᠢᠶᠠᠷ ᠨᠢᠭᠡ ᠵᠡᠷᠭᠡ ᠬᠦᠴᠦᠲᠠᠢ ᠭᠠᠯᠯᠠᠬᠤ ᠳᠤ ᠳᠡᠭᠡᠷᠡᠮᠴᠢᠳ ᠪᠠᠷᠳᠠᠭᠠᠳᠤ ᠪᠠᠶᠢᠴᠨ ᠶᠢ ᠠᠰᠢᠭᠯᠠᠵᠤ ᠵᠢᠭᠤᠳᠠᠨ ᠪᠤᠷᠤᠭᠤᠯᠪᠠ᠃ ᠬᠠᠷ᠎ᠠ ᠪᠠᠯᠭᠠᠰᠣᠨ᠎ᠠ ᠬᠦᠷᠦᠭᠰᠡᠨ   ᠤ ᠳᠠᠷᠠᠭ᠎ᠠ ᠳᠡᠷᠢᠬᠦᠨ ᠨᠤᠶᠠᠨ ᠶᠡᠭᠡᠳᠡ ᠠᠭᠤᠷᠯᠠᠨ ᠶᠠᠫᠤᠨ ᠳᠠᠩᠨᠠᠭᠤᠯ ᠤᠨ ᠪᠠᠶᠢᠭᠤᠯᠤᠯᠭ᠎ᠠ ᠶᠢᠨ ᠳᠠᠷᠤᠭ᠎ᠠ ᠠᠰᠠᠮᠸᠢ ᠳᠤ ᠤᠳᠠᠰᠤᠳᠠᠵᠤ ᠶᠠᠮᠠᠷ ᠬᠦᠮᠦᠨ ᠠᠶᠤᠮᠰᠢᠭ ᠦᠭᠡᠢ ᠪᠠᠷ ᠮᠢᠨᠦ ᠬᠦᠰᠭᠡ ᠳᠤᠷ ᠬᠠᠯᠳᠠᠪᠠ ᠬᠡᠮᠡᠨ ᠳᠤᠯᠭᠠᠨ ᠠᠰᠠᠭᠤᠬᠤ ᠳᠤ ᠦᠨᠦᠬᠢ  ᠭᠠᠶᠢᠬᠠᠯ ᠬᠠᠷᠢᠨ᠄ 《ᠬᠦᠨᠳᠦᠳᠦ ᠨᠤᠶᠠᠨ ᠲᠠ ᠬᠢᠯᠢᠩ ᠢᠶᠠᠨ ᠳᠠᠷᠤᠭᠳᠤᠨ᠂ ᠦᠨᠦᠳᠦᠷ ᠶᠡᠭᠡ ᠨᠤᠶᠠᠨ ᠳᠠᠨ ᠤ ᠬᠦᠰᠭᠡ ᠳᠤ  ᠬᠠᠯᠳᠠᠭᠰᠠᠳ ᠪᠤᠯᠪᠠᠰᠤ ᠳᠠᠷᠣᠢ ᠬᠡᠳᠦᠨ ᠵᠢᠯ ᠤᠨ ᠡᠮᠦᠨ᠎ᠡ ᠮᠤᠩᠭᠤᠯ ᠴᠡᠷᠢᠭ ᠠᠴᠠ ᠤᠷᠪᠠᠨ ᠭᠠᠷᠤᠭᠰᠠᠨ ᠽᠦᠸᠧ ᠯᠢᠤᠽᠢ᠂ ᠸᠠᠩ ᠪᠠᠨᠵᠠᠩ  ᠤᠨ ᠳᠠᠭᠠᠭᠤᠯᠤᠭᠰᠠᠨ ᠳᠡᠭᠡᠷᠡᠮᠴᠢᠳ ᠮᠦᠨ 》ᠬᠡᠮᠡᠪᠠᠢ᠃ ᠡᠶᠢᠨᠬᠦ ᠳᠡᠷᠢᠬᠦᠨ ᠨᠤᠶᠠᠨ ᠬᠤᠶᠠᠳᠤᠭᠠᠷ ᠳ᠋ᠢᠸᠢᠽᠢ ᠶᠢᠨ ᠼᠠᠨᠮᠤᠵᠠᠩ ᠭᠤᠯᠢᠮᠢᠨᠰᠧ ᠳᠤᠷ ᠭᠤᠴᠢᠨ ᠡᠳᠦᠷ ᠤᠨ ᠳᠤᠳᠤᠷ᠎ᠠ ᠡᠨᠡᠬᠦ ᠳᠡᠭᠡᠷᠡᠮ ᠢ ᠪᠦᠷᠢᠮᠦᠰᠦᠨ ᠤᠰᠠᠳᠬᠠᠰᠣᠭᠠᠢ ᠭᠡᠵᠤ ᠬᠠᠳᠠᠭᠤ ᠵᠠᠷᠯᠢᠭᠳᠠᠪᠠᠢ᠃      ᠴᠡᠷᠢᠭ ᠮᠤᠷᠳᠠᠬᠤ ᠪᠤᠯᠤᠭᠰᠠᠨ᠎ᠠ ᠴᠤᠬᠤᠮ ᠳᠠᠭᠠᠨ ᠪᠠᠶᠢᠯᠳᠤᠬᠤ ᠰᠠᠯᠠᠭᠠᠨ ᠤ ᠳᠠᠷᠤᠭ᠎ᠠ ᠠᠬᠠᠮᠠᠳ ᠵᠡᠷᠭᠡ ᠲᠠᠢ ᠰᠣᠳᠣ ᠴᠡᠷᠢᠭ ᠳᠠᠶᠢᠴᠢᠯᠠᠵᠤ ᠭᠠᠷᠬᠤ ᠶᠣᠰᠣᠳᠠᠢ ᠠᠳᠠᠯ᠎ᠠ᠂ ᠦᠩᠭᠡᠷᠡᠭᠰᠡᠨ ᠰᠠᠷ᠎ᠠ ᠳᠤ ᠪᠢᠳᠡ ᠬᠤᠶᠠᠭᠤᠯᠨ  ᠠᠷᠢᠬᠢᠳᠠᠵᠤ ᠬᠡᠷᠡᠯᠳᠦᠭᠡᠳ ᠪᠢ ᠠᠭᠤᠷ   ᠲᠠᠭᠠᠨ ᠳᠡᠭᠦᠨ ᠤ ᠪᠦᠳᠦᠭᠦᠨ ᠭᠤᠶ᠎ᠠ ᠶᠢ ᠰᠡᠳᠡ ᠰᠡᠯᠡᠮᠡᠳᠡᠭᠡᠳ ᠬᠦᠬᠡᠬᠤᠳᠠ ᠳᠠᠬᠢ ᠮᠤᠩᠭᠤᠯ ᠴᠡᠷᠢᠭ ᠤᠨ ᠶᠡᠷᠦᠩᠬᠡᠢ ᠡᠮᠨᠡᠯᠬᠡ ᠳᠤ ᠬᠦᠷᠭᠡᠵᠠᠢ᠃ ᠬᠡᠷᠡᠯᠳᠦᠭᠰᠡᠨ ᠰᠢᠯᠳᠠᠭᠠᠨ ᠤ ᠳᠤᠬᠠᠢ ᠶᠠᠷᠢᠪᠠᠯ ᠪᠠᠰᠠ ᠦᠯᠢᠭᠡᠷ ᠲᠠᠢ ᠶᠤᠮ᠃ ᠪᠢᠳᠡ ᠬᠤᠶᠠᠭᠤᠯᠨ ᠨᠤᠳᠤᠭ ᠤᠰᠤ ᠨᠢᠭᠡ ᠮᠦᠷᠳᠡᠭᠡᠨ ᠬᠠᠷ᠎ᠠ ᠪᠠᠭ᠎ᠠ  ᠠᠴᠠ ᠪᠠᠨ ᠨᠠᠶᠢᠵᠢᠷᠬᠠᠨ ᠪᠤᠶᠢᠵᠢᠭᠰᠠᠨ ᠶᠤᠮ᠃  ᠬᠤᠰᠢᠭᠤᠨ ᠤ ᠪᠠᠭ᠎ᠠ ᠰᠣᠷᠭᠠᠭᠤᠯᠢ᠂ ᠬᠠᠷ᠎ᠠ ᠪᠠᠯᠭᠠᠰᠤ ᠳᠠᠬᠢ ᠴᠠᠬᠠᠷ ᠠᠶᠢᠮᠠᠭ ᠤᠨ ᠮᠤᠩᠭᠤᠯ ᠢ ᠮᠠᠨᠳᠤᠭᠤᠯᠬᠤ  ᠵᠠᠯᠠᠭᠤᠴᠤᠳ ᠤᠨ ᠰᠤᠷᠭᠠᠭᠤᠯᠢ  ᠂ ᠬᠠᠭᠤᠷᠠᠮᠠᠭ ᠮᠠᠨᠵᠤ ᠶᠢᠨ ᠬᠢᠩᠭᠠᠨ ᠴᠡᠷᠢᠭ ᠤᠨ ᠳᠠᠷᠤᠭ᠎ᠠ ᠶᠢᠨ ᠰᠣᠷᠭᠠᠭᠤᠯᠢ᠂ ᠶᠠᠫᠤᠨ ᠤ ᠳᠤᠤᠺᠢᠤ᠋ ᠳᠠᠬᠢ ᠴᠡᠷᠢᠭ ᠤᠨ ᠳᠠᠷᠤᠭ᠎ᠠ ᠶᠢᠨ ᠰᠣᠷᠭᠠᠭᠤᠯᠢ ᠳᠤ ᠪᠦᠷ ᠬᠠᠮᠳᠣ ᠶᠠᠪᠤᠵᠤ ᠰᠣᠷᠣᠯᠴᠠᠭᠰᠠᠨ ᠨᠠᠶᠢᠵᠨ ᠪᠤᠯᠬᠤ ᠶᠤᠮ᠃ ᠭᠡᠳᠡᠯ᠎ᠡ ᠮᠠᠨ ᠤ  ᠬᠦᠮᠦᠨ ᠬᠡᠵᠢᠶᠡᠳᠡ ᠠᠷᠠᠳ ᠢᠷᠭᠡᠳ ᠢ ᠰᠦᠷᠳᠡᠭᠦᠯᠦᠨ ᠡᠬᠡᠨᠡᠷ ᠦᠬᠢᠳ ᠢ ᠪᠤᠵᠠᠷᠯᠠᠬᠤ᠂ ᠮᠠᠶᠢᠮᠠᠢ  ᠱᠣᠣᠮᠠᠢ ᠶᠢ ᠳᠣᠨᠣᠬᠤ᠂ ᠬᠠᠮᠤᠭ ᠨᠠᠭᠠᠳᠣ ᠵᠠᠬ᠎ᠠ ᠨᠢ ᠭᠤᠸᠠᠩᠵᠠᠨ ᠳᠤ  ᠠᠷᠬᠢᠳᠠᠵᠤ ᠪᠤᠳᠠᠭᠠᠯᠠᠭᠠᠳ ᠮᠦᠩᠭᠦ ᠦᠭᠳᠡᠭ ᠦᠭᠡᠢ ᠭᠠᠷᠳᠠᠭ ᠶᠤᠮ᠃ ᠪᠢᠳᠡ ᠬᠤᠶᠠᠭᠤᠯᠨ ᠭᠤᠷᠪᠠᠨ ᠬᠤᠨᠳᠠᠭ᠎ᠠ ᠠᠷᠢᠬᠢ  ᠪᠠᠯᠭᠤᠳᠠᠯ᠎ᠠ ᠪᠢ ᠲᠡᠬᠦᠨ   ᠢ ᠠᠨᠳᠠ ᠨᠠᠶᠢᠵᠨ ᠶᠢᠨ ᠬᠤᠪᠢ ᠪᠠᠷ ᠢᠳᠬᠠᠨ ᠰᠠᠨᠠᠭᠤᠯᠵᠤ ᠴᠡᠭᠡᠷᠯᠡᠬᠦᠢ ᠶᠢ ᠬᠦᠰᠡᠭᠰᠡᠨ ᠳᠤ ᠳᠡᠷᠨ ᠬᠠᠷᠢᠨ᠄ ︽ᠴᠢ ᠬᠠᠷ᠎ᠠ ᠬᠢᠳᠠᠳ ᠢ ᠦᠮᠦᠭᠯᠡᠭᠡᠳ᠂ ᠴᠢᠨᠤ ᠡᠴᠢᠭᠡ ᠴᠢᠨᠢ ᠤᠤ︖︾ ᠭᠡᠰᠡᠨ ᠳᠤ ᠪᠢ ᠠᠭᠤᠷ ᠲᠠᠭᠠᠨ ᠪᠠᠭ᠎ᠠ ᠫᠤᠤ ᠪᠠᠨ ᠰᠣᠭᠤ  ᠳᠠᠳᠠᠵᠤ ᠫᠤᠣᠳᠠᠶ᠎ᠠ ᠭᠡᠰᠡᠨ  ᠴᠦ ᠨᠢᠬᠡ ᠮᠡᠳᠡᠬᠦ ᠳᠤ ᠤᠬᠠᠭᠠᠨ ᠤᠷᠤᠵᠤ  ᠫᠤᠤ ᠶᠢᠨ ᠰᠣᠮᠣ ᠨᠢᠳᠤ ᠦᠭᠡᠢ ᠪᠤᠯᠬᠤᠷ ᠠᠮᠢᠨ ᠭᠠᠵᠠᠷ ᠲᠤᠨᠢ ᠳᠤᠰᠬᠤ ᠮᠠᠭᠠᠳ ᠦᠬᠡᠢ ᠬᠡᠵᠤ ᠬᠢᠴᠢᠶᠡᠵᠤ ᠰᠡᠯᠡᠮᠡᠳᠡᠭᠰᠡᠨ ᠤᠴᠢᠷ ᠡᠶᠢᠮᠦ ᠪᠤᠯᠠᠢ᠃ ︵ ᠡᠭᠦᠨ ᠠᠴᠠ ᠬᠤᠶᠢᠰᠢ ᠳᠡᠷᠨ ᠮᠦᠨ ᠯᠨ ᠬᠠᠷᠭᠢᠰ ᠪᠠᠯᠠᠮᠠᠳ ᠠᠭᠠᠰᠢᠯᠠᠵᠤ ᠪᠠᠶᠢᠭᠠᠳ ᠲᠦᠴᠢᠨ ᠳᠠᠪᠤᠨ ᠤᠨ ᠤ ᠶᠢᠰᠦᠳᠦᠬᠡᠷ ᠰᠠᠷ᠎ᠠ ᠳᠤ ᠵᠦᠪᠯᠡᠯᠳᠤ ᠮᠤᠩᠭᠤᠯ ᠤᠨ ᠬᠤᠯᠪᠤᠭᠠᠳᠤ ᠴᠡᠷᠢᠭ ᠤᠨ ᠳᠤᠰᠠᠯᠠᠮᠵᠢ ᠪᠠᠷ ᠨᠠᠢᠮᠠᠳᠤᠭᠠᠷ ᠠᠷᠮᠢ ᠬᠠᠷ᠎ᠠ ᠪᠠᠯᠭᠠᠰᠣ ᠶᠢ ᠠᠩᠬᠠᠳᠤᠭᠠᠷ ᠤᠳᠠᠭ᠎ᠠ ᠴᠢᠯᠦᠭᠡᠯᠡᠬᠦ ᠳᠤ ᠤᠯᠠᠨ ᠲᠦᠮᠡᠨ ᠤ ᠵᠠᠭᠠᠯᠳᠤᠯᠭ᠎ᠠ ᠪᠠᠷ ᠳᠠᠷᠤᠩᠭᠤᠶᠢᠯᠠᠭᠳᠠᠪᠠ︶᠃       ᠡᠭᠦᠨ ᠳᠤ ᠭᠤᠯᠢᠮᠤᠨᠰᠧ ᠳᠠᠷᠤᠭ᠎ᠠ ᠠᠴᠠ᠄ ︽ᠴᠢ ᠪᠠᠶᠢᠯᠳᠤᠬᠤ ᠰᠠᠯᠠᠭᠠᠨ ᠤ ᠳᠠᠷᠤᠭ᠎ᠠ ᠪᠠᠨ ᠰᠢᠷᠬᠠᠳᠤᠭᠤᠯᠤᠭᠰᠠᠨ ᠳᠤᠯᠠᠳᠠ ᠤᠷᠤᠨ ᠳᠤᠨᠢ ᠬᠠᠰᠢᠯᠨ ᠴᠢ ᠮᠤᠷᠳᠠᠬᠤ ᠴᠢᠬᠤᠯᠠᠳᠠᠢ︾ ᠬᠡᠮᠡᠨ  ᠨᠠᠮᠠᠢᠢ ᠰᠢᠭᠤᠳ ᠵᠠᠷᠯᠢᠭᠳᠠᠪᠠ᠃ ᠳᠡᠷᠨ ᠦᠶ᠎ᠡ ᠳᠤ ᠮᠢᠨᠦ ᠪᠡᠶ᠎ᠡ ᠴᠦ ᠨᠠᠰᠣ ᠵᠠᠯᠠᠭᠤ ᠵᠤᠷᠢᠭ ᠪᠠᠳᠠᠷᠠᠩᠭᠤᠢ ᠪᠠᠶᠢᠭᠰᠠᠨ ᠪᠦᠭᠡᠳ ᠪᠠᠭ᠎ᠠ  ᠠᠴᠠ ᠪᠠᠨ ᠫᠤᠤ ᠰᠠᠭᠠᠳᠠᠭ ᠤᠷᠤᠯᠳᠤᠵᠤ ᠠᠩ  ᠭᠦᠷᠦᠭᠡ ᠬᠢᠬᠦ ᠳᠣᠷᠠᠳᠠᠢ᠂ ᠴᠡᠷᠢᠭ ᠤᠨ ᠰᠣᠷᠭᠠᠭᠤᠯᠢ ᠶᠢ ᠳᠠᠮᠵᠢᠭᠠᠳ ᠴᠡᠷᠢᠭ ᠳᠠᠶᠢᠨ ᠤ ᠵᠦᠢ ᠤᠬᠠᠭᠠᠨ᠂ ᠠᠯᠠᠯᠳᠤᠬᠤ ᠬᠠᠳᠬᠤᠯᠳᠤᠬᠤ ᠮᠡᠷᠭᠡᠵᠢᠯ ᠢ ᠪᠢᠰᠢᠭᠦᠢ ᠤᠯᠠᠨ ᠰᠣᠷᠣᠭᠰᠠᠨ ᠪᠤᠯᠪᠠᠴᠣ ᠪᠤᠳᠠᠳᠠᠢ ᠬᠡᠷᠡᠭᠵᠢᠭᠦᠯᠵᠦ ᠦᠵᠡᠭᠡ ᠦᠭᠡᠢ ᠪᠤᠯᠬᠤᠷ  ᠨᠠᠫᠤᠯᠢᠶᠤᠨ ᠤ ᠬᠡᠯᠡᠭᠰᠡᠨ᠄ ︽ᠭᠠᠷᠮᠠᠭᠠᠢ ᠵᠠᠩᠵᠤᠨ ᠪᠤᠯ ᠰᠢᠯᠢᠳᠡᠭ ᠪᠠᠶᠢᠯᠳᠤᠭᠴᠢ ᠠᠴᠠ ᠭᠠᠷᠳᠠᠭ︾  ᠭᠡᠰᠡᠨ ᠦᠭᠡ ᠰᠠᠨᠠᠭᠳᠠᠵᠤ᠂ ᠡᠨᠡᠬᠦ  ᠡᠭᠦᠷᠭᠡ  ᠶᠢ ᠬᠦᠯᠢᠶᠡᠨ ᠠᠪᠤᠪᠠ᠃ ᠲᠡᠷᠨ ᠳᠠᠷᠤᠢ ᠭᠤᠯᠢᠮᠣᠨᠰᠧ ᠵᠠᠷᠯᠢᠭ ᠪᠤᠯᠵᠤ ᠭᠤᠷᠪᠠᠨ ᠰᠣᠮᠣ ᠮᠣᠷᠢᠳᠣ ᠴᠡᠷᠢᠭ ᠢ ᠨᠠᠳᠠ  ᠳᠤᠷ ᠰᠠᠯᠭᠠᠨ ᠦᠭᠴᠤ ᠺᠤᠮᠠᠨᠳᠠᠯᠠᠭᠤᠯᠪᠠ᠃ ︵ᠨᠢᠭᠡ ᠰᠣᠮᠣᠨ ᠳᠠᠷᠤᠭ᠎ᠠ ᠪᠤᠯᠪᠠᠰᠣ ᠷᠠᠰᠢᠪᠠᠯᠵᠤᠤᠷ ᠬᠡᠮᠡᠭᠴᠢ᠂ ᠲᠦᠴᠢᠨ ᠲᠠᠪᠤᠨ ᠤᠨ᠎ᠠ ᠬᠤᠪᠢᠰᠬᠠᠯ ᠳᠤ ᠤᠷᠤᠯᠴᠠᠵᠤ ᠶᠡᠭᠡ ᠭᠠᠪᠢᠶ᠎ᠠ ᠪᠠᠶᠢᠭᠤᠯᠤᠨ᠂ ᠰᠢᠯᠤᠭᠤᠨ ᠬᠦᠬᠡ ᠬᠤᠰᠢᠭᠤᠨ ᠤ ᠳᠡᠳ᠋ ᠳᠠᠷᠤᠭ᠎ᠠ᠂ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠵᠠᠬᠢᠷᠭ᠎ᠠ ᠶᠢᠨ ᠨᠠᠷᠢᠨ ᠪᠢᠴᠢᠭ ᠤᠨ ᠳᠠᠷᠤᠭ᠎ᠠ ᠵᠡᠷᠭᠡ ᠴᠢᠬᠤᠯᠨ ᠳᠤᠰᠢᠶᠠᠯ ᠳᠤ ᠪᠠᠶᠢᠪᠠ᠃︶      ᠴᠡᠷᠢᠭ ᠮᠤᠷᠳᠠᠬᠤ ᠡᠳᠦᠷ ᠶᠠᠫᠤᠨ ᠤ ᠳᠠᠩᠨᠠᠭᠤᠯ ᠤᠨ ᠪᠠᠶᠢᠭᠤᠯᠤᠯᠭ᠎ᠠ ᠶᠢᠨ ᠳᠠᠷᠤᠭ᠎ᠠ ᠳᠣᠰᠬᠠᠢ ᠢᠷᠡᠵᠤ ᠨᠠᠳᠠ  ᠲᠠᠢ ᠠᠭᠤᠯᠵᠠᠭᠠᠳ ᠳᠡᠭᠡᠷᠡᠮ ᠤᠨ ᠲᠦᠷᠦᠭᠦᠦ ᠽᠦᠸᠧ ᠯᠢᠤᠽᠢ᠂ ᠸᠠᠩ ᠪᠠᠨᠵᠠᠩ ᠤᠨ ᠰᠡᠭᠦᠳᠡᠷ ᠵᠢᠷᠤᠭ   ᠢ ᠦᠭᠴᠤ ᠪᠠᠶᠢᠳᠠᠯ ᠢ ᠳᠤᠳᠤᠷᠬᠠᠢ ᠳᠠᠨᠢᠯᠴᠠᠭᠤᠯᠪᠠ᠃ ᠳᠣᠰ ᠪᠦᠯᠦᠭ ᠳᠡᠭᠡᠷᠡᠮᠴᠢᠳ ᠪᠤᠯ ᠳᠡᠨᠦᠭᠦᠯᠴᠢᠨ᠂ ᠯᠤᠶᠢᠪᠠᠷᠴᠢᠨ᠂ ᠶᠠᠷᠭᠠᠴᠢᠨ   ᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠰᠣᠶᠣᠯ ᠦᠭᠡᠢ ᠠᠮᠢᠳᠠᠳ ᠪᠤᠯᠬᠤᠷ ᠤᠯᠤᠰ ᠲᠦᠷᠦ ᠶᠢᠨ ᠵᠤᠷᠢᠯᠳᠠ ᠦᠭᠡᠢ᠂ ᠵᠢᠷᠭᠠᠵᠤ ᠴᠡᠩᠭᠡᠬᠦ ᠶᠢ ᠬᠦᠭᠡᠭᠡᠴᠡᠯᠳᠦᠭᠰᠡᠨ ᠨᠡᠶᠢᠭᠡᠮ ᠤᠨ ᠰᠢᠭᠠᠷᠤ ᠮᠦᠨ᠃ ᠡᠶᠢᠮᠦ ᠠᠴᠠ ᠠᠯᠠᠵᠤ ᠪᠤᠯᠠᠵᠤ ᠳᠡᠭᠡᠷᠡᠮᠳᠡᠬᠦ ᠮᠡᠳᠦ ᠶᠢᠨ ᠬᠦᠮᠦᠨ ᠤ ᠦᠨᠦᠷ ᠦᠭᠡᠢ ᠬᠠᠷᠬᠢᠰ ᠪᠠᠯᠠᠮᠠᠳ ᠨᠢᠭᠦᠯ ᠢ ᠬᠢᠳᠡᠭ᠃ ᠳᠤᠯᠤᠭ᠎ᠠ ᠨᠠᠢᠮᠠᠬᠠᠨ ᠨᠠᠰᠤᠳᠠᠢ ᠨᠢᠯᠬᠠᠰ ᠢ ᠬᠦᠴᠦᠷᠬᠡᠭᠯᠡᠬᠦ ᠠᠴᠠ ᠠᠪᠤᠭᠠᠳ ᠬᠦᠮᠦᠨ ᠤ ᠵᠢᠷᠦᠬᠡ ᠶᠢ ᠰᠣᠭᠤᠯᠵᠤ ᠰᠡᠮᠡᠵᠡᠨ ᠦᠭᠡᠬᠦᠨ ᠳᠤ ᠪᠤᠭᠤᠵᠤ ᠰᠢᠷᠠᠵᠤ ᠢᠳᠡᠬᠦ ᠵᠡᠷᠭᠡ  ᠶᠢᠰᠦᠨ ᠬᠠᠷ᠎ᠠ ᠨᠢᠬᠦᠯ ᠢ ᠦᠢᠯᠡᠳᠦᠳᠡᠭ᠃ ᠳᠡᠳᠡ ᠦᠷᠭᠦᠯᠵᠢ ᠵᠠᠭᠤ ᠨᠠᠶᠠᠭᠠᠳ ᠬᠦᠮᠦᠰ ᠲᠠᠢ᠂ ᠵᠠᠷᠢᠮ ᠳᠠᠭᠠᠨ ᠰᠦᠷᠦᠭᠯᠡᠵᠤ ᠬᠤᠶᠠᠷ ᠵᠠᠭᠤᠭᠠᠳ ᠴᠦ ᠪᠤᠯᠴᠢᠬᠠᠳᠠᠭ᠃ ᠭᠤᠤᠯᠳᠠᠭᠤ ᠴᠠᠬᠠᠷ ᠤᠨ ᠳᠤᠮᠳᠠ ᠭᠡᠰᠡᠭ ᠤᠨ ᠳᠠᠷᠢᠶᠠᠯᠠᠬᠤ ᠶᠢᠰᠣᠨ ᠰᠢᠶᠠᠨ ᠤ ᠬᠤᠭᠤᠷᠤᠨᠳᠠᠬᠢ ᠪᠠᠷᠳᠠᠭᠠᠳᠣ ᠠᠭᠤᠯᠠᠷᠬᠠᠭ ᠤᠷᠤᠨ ᠢᠶᠠᠷ ᠰᠦᠯᠵᠢᠨ ᠳᠡᠭᠡᠷᠡᠮᠳᠡᠭᠡᠳ ᠠᠷᠪᠠᠭᠠᠳ ᠵᠢᠯ ᠪᠤᠯᠵᠠᠢ᠃ ᠤᠷᠳᠤ ᠫᠤᠤ᠂ ᠪᠠᠭ᠎ᠠ ᠫᠤᠤ᠂  ᠵᠠᠭᠤᠭᠠᠳ ᠪᠤᠢ ᠭᠡᠨ᠎ᠡ᠃ ᠳᠡᠷᠡᠴᠢᠯᠡᠨ ᠨᠠᠮᠠᠢᠢ ᠬᠤᠯᠠᠭᠠᠢ ᠶᠢ ᠳᠠᠷᠤᠵᠤ ᠭᠠᠪᠢᠶ᠎ᠠ ᠪᠠᠶᠢᠭᠤᠯᠬᠤ ᠶᠢ ᠪᠡᠯᠭᠡᠯᠡᠪᠡᠢ᠃        ᠳᠡᠷᠨ ᠦᠶ᠎ᠡ ᠳᠤ ᠶᠡᠭᠡ ᠶᠡᠭᠡ ᠳᠤᠰᠬᠤᠨ᠎ᠠ ᠪᠦᠷ ᠳᠣᠰᠬᠤᠨ ᠤ ᠠᠯᠪᠠᠨ ᠦᠷᠦᠭᠡ᠂ ᠴᠠᠭᠳᠠᠭ᠎ᠠ ᠶᠢᠨ ᠦᠷᠦᠭᠡ ᠪᠠᠶᠢᠭᠤᠯᠤᠨ ᠬᠠᠷᠢᠯᠴᠠᠭᠤᠷ ᠲᠠᠢ ᠪᠤᠯᠤᠭᠰᠠᠨ ᠪᠤᠯᠬᠤᠷ ᠳᠡᠭᠡᠷᠡᠮ ᠤᠨ ᠬᠤᠤᠷ ᠬᠦᠨᠦᠬᠡᠯ ᠢ ᠠᠮᠰᠠᠵᠤ ᠪᠠᠶᠢᠭᠰᠠᠨ ᠡᠭᠡᠯ ᠠᠷᠠᠳ ᠴᠦ ᠴᠢᠮᠡᠭᠡ ᠬᠦᠷᠭᠡᠵᠤ ᠢᠷᠡᠳᠡᠭ ᠶᠤᠮ᠃ ᠮᠢᠨᠦ ᠪᠡᠶ᠎ᠡ ᠭᠤᠷᠪᠠᠨ ᠰᠣᠮᠣ ᠴᠡᠷᠢᠭ᠂ ᠭᠤᠷᠪᠠᠨ ᠵᠠᠭᠤ ᠨᠠᠶᠠᠭᠠᠳ ᠳᠠᠷᠤᠭ᠎ᠠ ᠪᠠᠶᠢᠯᠳᠤᠭᠴᠢ ᠶᠢ ᠳᠠᠭᠠᠭᠤᠯᠵᠤ ᠡᠨᠡ ᠪᠦᠯᠦᠭ ᠳᠡᠭᠡᠷᠡᠮ ᠲᠠᠢ ᠰᠣᠷᠣᠨᠵᠢᠨ ᠮᠡᠳᠦ ᠨᠠᠭᠠᠯᠳᠤᠵᠤ ᠠᠮᠢᠰᠬᠤᠭ᠎ᠠ ᠠᠪᠬᠤ ᠴᠢᠯᠦᠭᠡ ᠦᠭᠡᠢ ᠱᠠᠯᠠᠪᠳᠠᠨ ᠬᠦᠭᠡᠭᠡᠪᠠᠢ᠃ ᠬᠤᠷᠢᠭᠠᠳ ᠡᠳᠦᠷ ᠤᠨ ᠳᠣᠳᠣᠷ᠎ᠠ ᠳᠣᠯᠣᠭᠠᠨ ᠤᠳᠠᠭ᠎ᠠ ᠪᠠᠶᠢᠯᠳᠤᠵᠤ ᠳᠠᠯᠠᠭᠠᠳ ᠳᠡᠭᠡᠷᠡᠮ ᠢ ᠣᠰᠠᠳᠬᠠᠪᠠ᠃ ᠪᠢ ᠪᠠᠰᠨ ᠤᠯᠵᠠᠯᠠᠭᠰᠠᠨ ᠫᠤᠤ ᠰᠣᠮᠣ ᠶᠢ  ᠡᠷᠬᠡᠪᠰᠢ ᠳᠡᠭᠡᠭᠰᠢ ᠳᠣᠰᠢᠶᠠᠬᠤ   ᠠᠴᠠ ᠭᠠᠳᠠᠨ᠎ᠠ ᠪᠤᠰᠣᠳ ᠤᠯᠤᠭᠰᠠᠨ ᠡᠳ᠋ ᠬᠤᠭᠰᠢᠯ᠂ ᠮᠦᠩᠭᠦ ᠵᠤᠭᠤᠰ᠂ ᠠᠭᠳᠠ ᠮᠤᠷᠢ ᠵᠡᠷᠭᠡ ᠶᠢ ᠬᠡᠨ ᠤᠯᠪᠠᠯ ᠬᠡᠨ ᠠᠪᠤᠳᠤᠭᠠᠢ ᠬᠡᠮᠡᠨ ᠵᠠᠷᠯᠢᠭᠳᠠᠬᠤᠢ ᠳᠤᠷ ᠪᠠᠶᠢᠯᠳᠤᠭᠴᠢᠳ ᠤᠨ ᠳᠠᠶᠢᠯᠠᠯᠳᠤᠬᠤ ᠤᠷᠮ᠎ᠠ ᠵᠤᠷᠢᠭ ᠠᠷᠪᠠᠨ ᠬᠤᠪᠢ ᠨᠡᠮᠡᠭᠳᠡᠪᠡᠢ᠃        ᠨᠢᠭᠡᠨ ᠰᠢᠭᠤᠷᠭᠠᠨᠳᠤ ᠡᠳᠦᠷ ᠦᠯᠡᠳᠡᠭᠳᠡᠯ ᠳᠡᠭᠡᠷᠡᠮ ᠨᠢᠭᠡᠨᠳᠡ ᠭᠦᠩ ᠾᠦᠢ   ᠶᠢᠨ ᠤᠷᠴᠢᠮ ᠾᠷᠢᠰᠲ᠋ᠤᠰ  ᠤᠨ ᠰᠦᠮ᠎ᠠ ᠲᠠᠢ  ᠬᠤᠤ ᠵᠢᠶᠠ ᠲᠢ ᠬᠡᠮᠡᠬᠦ ᠳᠤᠰᠬᠤᠨ᠎ᠠ ᠰᠢᠷᠭᠤᠯᠠᠨ  ᠪᠠᠶᠢᠬᠤ ᠯᠠᠪᠲᠠᠢ ᠴᠢᠮᠡᠭᠡ ᠤᠯᠪᠠ᠃ ᠭᠠᠵᠠᠷ  ᠤᠨ ᠵᠢᠷᠤᠭ ᠢ ᠳᠡᠯᠭᠡᠵᠤ ᠦᠵᠡᠬᠦᠯ᠎ᠡ ᠮᠠᠨ ᠤ ᠰᠠᠭᠤᠴᠨ ᠠᠴᠠ ᠵᠠᠭᠤ ᠨᠠᠶᠠᠭᠠᠳ ᠭᠠᠵᠠᠷ ᠪᠠᠶᠢᠬᠤ ᠴᠡᠷᠢᠭ ᠮᠤᠷᠢᠳ ᠢ ᠰᠠᠶᠢᠳᠤᠷ ᠠᠮᠤᠰᠬᠢᠯᠬᠡᠵᠤ ᠬᠦᠯ ᠬᠠᠷᠢᠴᠠᠭ᠎ᠠ ᠶᠢ ᠴᠢᠩᠭᠠᠳᠠ ᠬᠤᠷᠢᠪᠠᠢ᠃ ᠰᠦᠨᠢ ᠶᠢᠨ ᠬᠠᠷᠠᠩᠭᠤᠢ ᠪᠤᠯᠤᠮᠠᠭᠴᠠ ᠰᠡᠮᠡᠭᠡᠷ ᠮᠤᠷᠳᠠᠵᠤ ᠤᠨᠴᠠ ᠳᠡᠰ ᠤᠨ ᠬᠤᠷᠳᠤᠴᠠ ᠪᠠᠷ ᠳᠠᠪᠬᠢᠭᠤᠯᠵᠤ ᠦᠷ ᠢᠶᠠᠷ ᠳᠣᠰ ᠳᠣᠰᠬᠤᠨ ᠢ ᠪᠠᠳᠤ ᠪᠦᠰᠡᠯᠡᠨ ᠠᠪᠴᠤ ᠪᠠᠶᠢᠯᠳᠤᠪᠠᠢ᠃ ᠫᠤᠤ ᠫᠠᠷᠴᠢᠭᠢᠨᠠᠨ ᠠᠭᠳᠠ ᠢᠨᠴᠠᠭᠠᠯᠳᠣᠨ ᠵᠡᠷᠯᠢᠭ ᠰᠣᠮᠣ ᠱᠤᠤᠭᠢᠨ ᠾᠷᠢᠰᠲ᠋ᠣᠰ  ᠤᠨ ᠰᠦᠮ᠎ᠡ ᠶᠢᠨ ᠴᠠᠭᠠᠨ ᠳᠡᠮᠦᠷ ᠳᠡᠭᠡᠪᠦᠷ ᠲᠤ ᠳᠣᠰᠬᠤ ᠨᠢ ᠠᠶᠤᠩᠭ᠎ᠠ ᠨᠢᠷᠭᠢᠭᠰᠡᠨ ᠮᠡᠳᠦ ᠨᠠᠷᠭᠢᠨ ᠴᠣᠣᠷᠢᠶᠠᠳᠣᠵᠣ ᠳᠠᠶᠢᠨ ᠤ ᠰᠦᠷ ᠬᠦᠴᠦᠨ ᠢ ᠤᠯᠠᠮ ᠭᠡᠳᠦᠨ ᠬᠤᠪᠢ ᠨᠡᠮᠡᠭᠳᠡᠭᠦᠯᠦᠨ ᠬᠠᠯᠠᠮᠰᠢᠨ ᠪᠠᠶᠢᠯᠳᠤᠪᠠ᠃         ᠪᠢ ᠳᠣᠰᠬᠤᠨ ᠤ ᠬᠤᠶᠢᠳᠤᠬᠢ ᠦᠨᠳᠦᠷ ᠳᠤᠪᠤᠴᠠᠭ ᠳᠡᠭᠡᠷ᠎ᠡ ᠠᠴᠠ ᠳᠠᠶᠢᠨ ᠤ ᠪᠠᠶᠢᠳᠠᠯ ᠢ ᠳᠤᠷᠠᠨᠳᠠᠨ ᠠᠵᠢᠶᠠᠷᠠᠵᠤ ᠪᠠᠶᠢᠳᠠᠯ᠎ᠠ᠂ ᠴᠤᠯᠪᠤᠭᠤᠷ   ᠢᠶᠠᠨ ᠴᠢᠷᠦᠭᠰᠡᠨ ᠬᠤᠩᠭᠢᠯᠳᠠᠭ ᠡᠮᠡᠭᠡᠯ ᠬᠠᠵᠠᠭᠠᠷ ᠲᠠᠢ ᠤᠯᠠᠭᠠᠨ ᠵᠡᠭᠡᠷᠳᠡ ᠮᠤᠷᠢ ᠨᠠᠰᠢ ᠴᠠᠰᠢ ᠦᠷᠭᠦᠨ ᠳᠠᠪᠬᠢᠬᠤ ᠨᠢ ᠮᠢᠨᠦ ᠠᠩᠬᠠᠷᠣᠯ ᠢ ᠤᠨᠴᠠ ᠳᠠᠳᠠᠪᠠ᠃ ᠳᠡᠷᠡ ᠳᠠᠷᠤᠢ ᠳᠤᠨᠢ ᠰᠢᠳᠠᠷ ᠬᠠᠮᠠᠭᠠᠠᠯᠠᠭᠴᠢ ᠶᠢ ᠵᠠᠷᠯᠢᠭᠳᠠᠨ  ᠲᠡᠷᠨ ᠮᠤᠷᠢ ᠶᠢ ᠪᠠᠷᠢᠭᠤᠯᠵᠤ ᠢᠷᠡᠨ ᠦᠵᠡᠪᠡᠰᠦ ᠮᠦᠩᠭᠦᠨ ᠡᠮᠡᠭᠡᠯ ᠬᠠᠵᠠᠭᠠᠷ᠂  ᠰᠠᠩᠬᠠᠶᠦ ᠭᠦᠯᠢᠮ ᠲᠠᠢ᠂ ᠮᠤᠨᠳᠠᠭ᠎ᠠ  ᠂ ᠰᠡᠭᠦᠯ ᠢ ᠨᠢ ᠳᠠᠪᠤᠨ ᠦᠩᠬᠡ ᠶᠢᠨ ᠬᠡᠮᠡᠷᠯᠢᠭ ᠢᠶᠠᠷ ᠪᠠᠳᠮᠠᠯᠠᠨ ᠵᠠᠩᠭᠢᠳᠤᠭᠰᠠᠨ ᠪᠠᠶᠢᠪᠠ᠃ ᠳᠡᠭᠡᠷ᠎ᠡ ᠨᠢ ᠤᠯᠠᠭᠠᠨ ᠦᠨᠡᠭᠡᠨ ᠤᠷᠢᠶᠠᠯᠳᠠ ᠲᠤᠬᠤᠭᠠᠳᠠᠢ ᠪᠠᠶᠢᠭᠰᠠᠨ ᠪᠦᠭᠡᠳ ᠵᠢᠩ  ᠲᠠᠢ ᠯᠠᠨ ᠰᠡᠶᠢᠯᠤᠮᠡᠯ ᠲᠠᠢ ᠲᠦᠷᠦᠭᠡᠨ ᠤ ᠰᠣᠷ ᠢ ᠮᠠᠰᠢ ᠤᠬᠤᠷᠬᠠᠨ ᠳᠠᠳᠠᠭᠰᠠᠨ ᠢ ᠦᠵᠡᠭᠦᠯ᠎ᠡ ᠬᠡᠦᠬᠡᠳ ᠪᠤᠶᠤ ᠡᠮᠡᠭᠳᠡᠢ ᠬᠦᠮᠦᠨ ᠤ ᠤᠨᠤᠭᠠᠷᠢ ᠪᠤᠯᠬᠤ ᠨᠢ ᠢᠯᠡᠷᠬᠡᠢ ᠪᠠᠶᠢᠪᠠ᠃ ᠤᠯᠵᠠᠯᠠᠭᠳᠠᠭᠰᠠᠨ ᠳᠡᠭᠡᠷᠡᠮᠴᠢᠳ ᠠᠴᠠ ᠡᠨᠡ ᠬᠡᠨ  ᠤ ᠮᠤᠷᠢ  ᠪᠤᠯᠬᠤ ᠶᠢ ᠳᠤᠳᠤᠯᠠᠭᠰᠠᠨ ᠳᠤ᠄ ︽ ᠮᠠᠨ ᠤ ᠽᠦᠸᠧ ᠵᠠᠩᠭᠦᠶᠢᠳᠠ ᠶᠢᠨ ᠬᠠᠳᠤᠨ ᠱᠣᠣ ᠨᠠᠶᠢᠨᠠᠢ ᠶᠢᠨ ᠤᠨᠤᠭᠠᠷᠢ ᠮᠦᠨ︾ ᠬᠡᠵᠤ ᠪᠠᠶᠢᠪᠠ᠃ ᠲᠡᠷᠡᠴᠢᠯᠡᠨ ᠽᠦᠸᠧ ᠯᠢᠦᠽᠢ᠂ ᠸᠠᠩ ᠪᠠᠨᠵᠠᠩ ᠯᠠᠪᠲᠠᠢ ᠠᠳᠡ ᠪᠠᠶᠢᠬᠤ ᠶᠢ ᠮᠡᠳᠡᠭᠡᠳ ᠮᠠᠰᠢᠳᠠ ᠪᠠᠶᠠᠷᠯᠠᠨ ᠦᠨᠡᠭᠡᠷ ᠲᠡᠭᠷᠢ ᠨᠠᠮᠠᠢᠢ ᠳᠤᠰᠠᠯᠠᠪᠠᠢ᠂ ᠳᠡᠭᠡᠷᠡᠮ ᠤᠨ ᠲᠦᠷᠦᠭᠦᠦ ᠶᠢᠨ ᠳᠣᠯᠣᠭᠠᠢ ᠶᠢ ᠠᠪᠴᠤ ᠳᠡᠷᠢᠭᠦᠨ ᠨᠤᠶᠠᠨ ᠤ ᠡᠮᠦᠨ᠎ᠡ ᠭᠠᠪᠢᠶ᠎ᠠ ᠪᠠᠶᠢᠭᠤᠯᠬᠤ ᠴᠠᠭ ᠨᠢᠭᠡᠨᠳᠡ ᠪᠤᠯᠵᠤᠬᠤᠢ ᠬᠡᠮᠡᠨ ᠪᠠᠳᠤ ᠢᠳᠡᠭᠡᠪᠠᠢ᠃ ᠳᠡᠭᠡᠷᠡᠮᠴᠢᠳ ᠭᠠᠳᠠᠭᠰᠢ ᠰᠢᠪᠳᠤᠯᠤᠨ ᠭᠠᠷᠬᠤ ᠢ ᠭᠤᠷᠢᠳᠠᠭᠰᠠᠨ  ᠪᠤᠯᠪᠠᠴᠤ ᠨᠡᠯᠢᠶᠡᠳ ᠬᠦᠮᠦᠨ ᠢᠶᠠᠨ ᠠᠯᠠᠭᠤᠯᠤᠭᠠᠳ ᠵᠠᠷᠢᠮ ᠨᠢ ᠪᠠᠷᠢᠭᠳᠠᠵᠤ ᠠᠷᠭ᠎ᠠ ᠪᠤᠰᠣ ᠲᠦᠷᠪᠡᠨ ᠦᠨᠴᠦᠭ ᠳᠡᠭᠡᠨ ᠫᠤᠤᠲ᠋ᠠᠢ ᠲᠠᠢ ᠪᠢᠴᠢᠬᠠᠨ  ᠸᠡᠶᠢᠰᠧ ᠳᠡᠭᠡᠨ ᠳᠠᠬᠢᠨ ᠵᠢᠭᠤᠳᠠᠨ ᠤᠷᠤᠪᠠᠢ᠃ ᠳᠡᠭᠡᠷᠡᠮᠴᠢᠳ ᠪᠠᠳᠣ ᠬᠡᠷᠡᠮ ᠦᠨᠳᠦᠷ  ᠫᠤᠤᠲ᠋ᠠᠢ ᠶᠢ ᠠᠰᠢᠭᠯᠠᠵᠤ ᠬᠦᠴᠦᠳᠠᠢ ᠭᠠᠯᠯᠠᠭᠰᠠᠨ ᠳᠤ ᠮᠠᠨ ᠤ ᠭᠤᠷᠪᠠᠨ ᠪᠠᠶᠢᠯᠳᠤᠭᠴᠢ ᠠᠳᠡᠭᠳᠡᠵᠤ ᠳᠠᠪᠤᠨ ᠬᠦᠮᠦᠨ ᠰᠢᠷᠬᠠᠳᠤᠪᠠᠢ᠃ ᠡᠶᠢᠮᠦ ᠪᠠᠶᠢᠳᠠᠯ ᠳᠣᠣᠷ᠎ᠠ ᠳᠣᠰᠬᠤᠨ ᠤ  ᠲᠠᠷᠢᠶᠠᠴᠢᠳ ᠢ ᠦᠨᠳᠦᠷ ᠦᠨ᠎ᠡ ᠪᠠᠷ ᠬᠦᠯᠦᠰᠦᠯᠡᠵᠤ ᠴᠠᠭᠠᠨ ᠳᠤᠭ ᠪᠠᠷᠢᠭᠤᠯᠵᠤ᠄ ︽ᠪᠠᠭᠤᠵᠤ ᠦᠭᠪᠡᠯ ᠠᠯᠠᠬᠤ ᠦᠬᠡᠢ︾ ᠬᠡᠮᠡᠨ ᠤᠴᠢᠭᠤᠯᠤᠭᠰᠠᠨ ᠳᠤ ᠬᠠᠷᠢᠭᠤ ᠫᠤᠤᠳᠠᠭᠠᠳ ᠤᠶᠢᠷᠠᠳᠤᠬᠤ ᠶᠢᠨ ᠠᠷᠭ᠎ᠠ ᠦᠭᠡᠢ ᠪᠦᠬᠡᠳ ᠮᠢᠨᠦ ᠳᠣᠷᠠᠨ ᠤ ᠣᠭᠤᠰᠤᠷ ᠢ ᠴᠦ ᠳᠠᠰᠣ ᠫᠤᠤᠳᠠᠪᠠᠢ᠃ ᠡᠶᠢᠨᠮᠦ ᠪᠠᠶᠢᠳᠠᠯ ᠳᠤ ᠬᠦᠨᠳᠦ ᠵᠡᠪᠰᠡᠭ ᠦᠭᠡᠢ ᠪᠤᠯᠬᠤ ᠦᠭᠡᠢ ᠭᠡᠳ ᠴᠠᠬᠢᠯᠭᠠᠨ ᠬᠠᠷᠢᠯᠴᠠᠭᠤᠷ ᠢᠶᠠᠷ ᠭᠤᠯᠢᠮᠤᠨᠰᠧ ᠳᠠᠷᠤᠭ᠎ᠠ ᠳᠤ ᠮᠡᠳᠡᠭᠦᠯᠦᠭᠰᠡᠨ᠎ᠡ ᠲᠡᠷᠨ ᠪᠠᠶᠢᠯᠳᠤᠭᠠᠨ ᠤ ᠪᠠᠶᠢᠳᠠᠯ ᠢ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠯᠠᠪᠯᠠᠵᠤ ᠤᠳᠤ ᠠᠴᠠ ᠡᠬᠢᠯᠡᠵᠤ ᠳᠠᠭᠠᠷᠢᠯᠳᠠ ᠬᠢᠬᠦ ᠶᠢ ᠵᠤᠭᠰᠣᠵᠤ ᠳᠡᠭᠡᠷᠡᠮᠴᠢᠳ ᠰᠢᠪᠳᠤᠯᠤᠨ ᠭᠠᠷᠬᠤ ᠶᠢ ᠪᠠᠳᠤ ᠰᠡᠷᠭᠡᠶᠢᠯᠡᠭᠡᠳ ᠪᠠᠶᠢᠭᠠᠷᠠᠢ᠃ ᠪᠢ ᠮᠠᠷᠭᠠᠰᠢ ᠬᠦᠷᠴᠤ ᠰᠢᠳᠢ ᠶᠢ ᠨᠢ ᠦᠵᠡᠶ᠎ᠡ ᠬᠡᠮᠡᠪᠠᠢ᠃ ᠡᠶᠢᠮᠦ ᠠᠴᠠ  ᠸᠡᠶᠢᠰᠧ ᠶᠢᠨ  ᠬᠠᠭᠠᠯᠠᠭ᠎ᠠ ᠦᠭᠡᠳᠡ ᠬᠤᠶᠠᠷ ᠫ᠊ ᠫᠤᠯᠧᠮᠢᠶᠤᠲ ᠤᠭᠰᠠᠷᠠᠭᠤᠯᠵᠤ ᠳᠠᠪᠬᠤᠷ ᠬᠠᠷᠠᠭᠤᠯ ᠳᠠᠯᠪᠢᠭᠠᠳ᠂ ᠰᠦᠨᠢ ᠳᠦᠯᠢ ᠪᠤᠯᠤᠮᠠᠭᠴᠠ ᠪᠢᠴᠢᠬᠠᠨ ᠳᠡᠯᠭᠡᠭᠦᠷ ᠠᠴᠠ ᠬᠦᠪᠦᠩ᠂ ᠳᠠᠪᠤᠤ ᠪᠦᠰ᠂  ᠬᠤᠮᠠᠨ ᠳᠣᠰᠣ ᠠᠪᠴᠤ ᠭᠠᠯ ᠪᠠᠮᠪᠠᠷ ᠤᠷᠢᠶᠠᠵᠤ ᠸᠡᠶᠢᠰᠧ ᠶᠢ ᠳᠤᠭᠤᠷᠢᠭᠤᠯᠤᠨ ᠬᠠᠳᠬᠤᠭᠰᠠᠨ ᠳᠤ ᠤᠷᠴᠢᠨ ᠳᠤᠭᠤᠷᠢᠨ ᠡᠳᠦᠷ  ᠮᠡᠳᠦ ᠳᠣᠩᠭᠠᠯᠠᠭ ᠪᠤᠯᠪᠠ᠃       ᠡᠨᠡ ᠬᠤᠭᠤᠷᠤᠨᠳᠤ ᠮᠠᠨ ᠤ ᠴᠡᠷᠢᠭ ᠢ ᠬᠦᠷᠬᠦ ᠳᠤ ᠳᠡᠭᠡᠷᠡᠮᠴᠢᠳ ᠬᠡᠦ ᠵᠢᠶᠠ ᠲᠠᠢ ᠶᠢᠨ ᠬᠠᠮᠤᠭ ᠲᠤᠮᠤ ᠪᠠᠶᠠᠨ ᠬᠤᠤ ᠤᠪᠤᠭᠳᠤ  ᠭᠠᠵᠠᠷ ᠤᠨ ᠡᠵᠡᠨ ᠢ ᠪᠠᠷᠢᠵᠤ ᠪᠠᠶᠢᠰᠢᠩ ᠤᠨ ᠨᠢᠷᠤᠭᠤᠨ ᠠᠴᠠ ᠳᠡᠭᠦᠵᠢᠯᠡᠵᠤ ᠤᠯᠠᠶᠢᠯᠠᠭᠠᠭᠰᠠᠨ ᠳᠡᠮᠦᠷ ᠢᠶᠠᠷ ᠰᠢᠷᠠᠵᠤ ᠡᠷᠡᠭᠦᠳᠡᠨ ᠦᠴᠦᠭᠯᠡᠭᠦᠯᠵᠤ ᠮᠦᠩᠭᠦ  ᠵᠤᠭᠤᠰ ᠰᠢᠬᠠᠮᠳᠠᠭᠤᠯᠵᠤ ᠪᠠᠶᠢᠵᠠᠢ᠃ ᠮᠠᠨ ᠤ ᠴᠡᠷᠢᠭ ᠳᠡᠷᠡ ᠭᠠᠵᠠᠷ ᠤᠨ ᠡᠵᠡᠨ ᠢ ᠳᠠᠯᠪᠢᠭᠰᠠᠨ ᠳᠤ  ᠳᠡᠷᠨ ᠭᠠᠶᠢᠬᠠᠯ  ᠮᠢᠨᠦ ᠡᠮᠦᠨ᠎ᠡ ᠭᠤᠷᠪᠠᠨᠳᠠ ᠰᠦᠭᠦᠳᠦᠨ ᠶᠢᠰᠣ ᠮᠦᠷᠭᠦᠭᠳ ᠯᠤᠤ ᠽᠦᠩ  ᠲᠠ ᠨᠤᠬᠠᠢ ᠶᠢᠨ ᠠᠮᠢ ᠶᠢ ᠮᠢᠨᠢ ᠠᠪᠤᠷᠠᠪᠠ᠃ ᠤᠯᠳᠤᠢ ᠪᠢ ᠶᠢᠰᠣᠨ ᠪᠣᠯᠠᠭ ᠤᠨ ᠳᠣᠣᠷ᠎ᠠ ᠤᠷᠣᠭᠰᠠᠨ ᠴᠦ ᠨᠤᠶᠠᠨ ᠳᠠᠨ ᠢ ᠮᠠᠷᠲᠠᠬᠤ ᠦᠬᠡᠢ ᠬᠡᠮᠡᠨ ᠪᠦᠮᠪᠦᠯᠵᠡᠭᠰᠡᠭᠡᠷ ᠲᠡᠷᠨ ᠳᠤᠤᠷ᠎ᠠ  ᠪᠠᠨ ᠨᠠᠳᠠᠳᠤ ᠮᠢᠩᠭᠠᠨ ᠴᠠᠭᠠᠨ ᠵᠤᠭᠤᠰ᠂ ᠬᠤᠶᠠᠷ ᠠᠯᠳᠠᠨ ᠪᠠᠭᠤᠪᠴᠢ ᠶᠢᠨ ᠡᠷᠭᠦᠴᠨ ᠪᠠᠷᠢᠪᠠᠢ᠃ ᠪᠠᠰᠨ ᠬᠤᠨᠢ ᠭᠠᠭ᠋ᠠᠢ ᠠᠯᠠᠭᠤᠯᠵᠤ᠂ ᠬᠠᠷ᠎ᠠ ᠳᠠᠮᠠᠬᠢ ᠨᠡᠷᠡᠵᠤ᠂ ᠠᠷᠢᠬᠢ ᠵᠠᠭᠤᠰᠢ ᠪᠡᠯᠡᠳᠬᠡᠨ ᠶᠡᠭᠡ ᠳᠠᠶᠢᠯᠠᠯᠭ᠎ᠠ ᠳᠠᠯᠪᠢᠪᠠᠢ᠃ ᠰᠦᠨᠢ ᠳᠦᠯᠢ ᠪᠤᠯᠬᠤ ᠳᠤ ᠳᠡᠭᠡᠷᠡᠮ ᠤᠨ ᠲᠦᠷᠦᠬᠦᠦ ᠽᠦᠸᠧ ᠯᠢᠦᠽᠢ ᠶᠢᠨ ᠱᠣᠶᠢᠰᠤᠭ ᠬᠦᠯ ᠲᠠᠢ ᠪᠤᠯᠪᠠᠷᠠᠢ ᠬᠠᠳᠤᠨ ᠢ ᠪᠠᠭᠳᠠᠭᠠᠭᠰᠠᠨ ᠭᠤᠸ᠎ᠠ ᠦᠬᠢᠳ ᠵᠠᠯᠠᠭᠤ ᠪᠡᠷᠢᠶᠠᠳ ᠬᠤᠷᠢ ᠭᠤᠴᠢᠭᠠᠳ ᠢ ᠠᠪᠴᠢᠷᠠᠵᠤ ᠴᠡᠷᠢᠭ ᠤᠨ ᠡᠷᠡᠴᠤᠳ ᠢ ᠲᠤᠬᠤᠨᠢᠭᠤᠯᠤᠨ ᠪᠠᠶᠠᠰᠬᠠᠪᠠ᠃ ᠬᠠᠷ᠎ᠠ ᠳᠠᠮᠠᠬᠢ᠂ ᠬᠠᠷ᠎ᠠ ᠠᠷᠢᠬᠢᠨ᠎ᠠ ᠮᠠᠩᠰᠢᠭᠤᠷᠠᠭᠰᠠᠨ ᠴᠡᠷᠢᠭ ᠡᠷᠡᠴᠣᠳ ᠤᠯᠵᠠᠯᠠᠭᠳᠠᠭᠰᠠᠨ ᠳᠡᠭᠡᠷᠡᠮ ᠢ ᠭᠡᠷ ᠤᠨ ᠨᠢᠷᠤᠭᠤᠨ᠎ᠠ ᠳᠡᠭᠦᠵᠢᠯᠡᠨ ᠡᠷᠡᠭᠦᠳᠡᠨ ᠲᠠᠮᠤᠯᠠᠬᠤᠶ᠎ᠠ ᠴᠢᠷᠯᠠᠭᠰᠠᠨ ᠵᠢᠪᠡᠭᠦᠨ ᠳᠠᠭᠤᠨ ᠪᠠ ᠤᠯᠠᠶᠢᠯᠠᠭᠠᠭᠰᠠᠨ ᠳᠡᠮᠦᠷ   ᠢᠶᠠᠷ ᠰᠢᠷᠠᠭᠰᠠᠨ ᠬᠦᠮᠦᠨ ᠤ ᠮᠢᠬᠠᠨ ᠤ ᠦᠮᠦᠬᠡᠢ ᠦᠨᠦᠷ ᠢ ᠦᠬᠡ ᠦᠭᠦᠯᠡᠪᠦᠷᠢ ᠪᠠᠷ ᠲᠦᠷᠰᠦᠯᠡᠬᠦ ᠶᠢᠨ ᠠᠷᠭ᠎ᠠ ᠦᠭᠡᠢ ᠪᠠᠶᠢᠪᠠ᠃ ᠾᠷᠢᠰᠲ᠋ᠤᠰ ᠱᠠᠰᠢᠨ ᠤ ᠰᠦᠮ᠎ᠡ ᠶᠢᠨ ᠬᠠᠷ᠎ᠠ ᠯᠠᠮᠨ ︵ ᠮᠤᠩᠭᠤᠯ ᠬᠦᠮᠦᠨ︶ ᠳᠡᠮᠦᠷ ᠯᠠᠵᠨ ᠲᠠᠢ ᠤᠷᠤᠰ ᠤᠨ ᠬᠠᠭᠤᠷᠠᠢ ᠰᠦ ᠶᠢ ᠰᠠᠭᠤᠯᠠᠭ᠎ᠠ ᠰᠠᠭᠤᠯᠠᠭ᠎ᠠ ᠪᠠᠷ ᠴᠢᠨᠠᠵᠤ ᠴᠤᠺᠤᠯᠠᠳ᠋ ᠰᠢᠬᠢᠷ᠂ ᠰᠢᠭᠠᠷ ᠳᠠᠮᠠᠬᠢ ᠲᠠᠢ ᠬᠦᠷᠭᠡᠨ ᠢᠷᠡᠪᠠᠢ᠃ ᠪᠠᠰᠠ ᠮᠤᠩᠭᠤᠯ ᠴᠡᠷᠢᠭ ᠤᠨ ᠪᠠᠭᠠᠳᠤᠷᠯᠢᠭ ᠲᠦᠷᠢ  ᠶᠢ ᠳᠤᠷᠠᠰᠬᠠᠨ᠎ᠠ ᠬᠡᠳ ᠵᠢᠷᠤᠭ ᠤᠨ ᠮᠠᠰᠢᠨ ᠢᠶᠠᠷ ᠴᠡᠷᠢᠭ ᠮᠤᠷᠢᠳ ᠤᠨ ᠰᠡᠭᠦᠳᠡᠷ ᠢ ᠤᠯᠠᠨᠳᠠ ᠪᠠᠭᠤᠯᠭᠠᠨ ᠠᠪᠤᠪᠠᠢ᠃          ᠳᠠᠷᠠᠭ᠎ᠠ ᠡᠳᠦᠷ ᠤᠨ ᠦᠳᠡᠰᠢ ᠶᠢᠨ ᠳᠠᠪᠤᠨ ᠴᠠᠭ ᠪᠤᠯᠤᠮᠠᠭᠴᠠ  ᠭᠤᠯᠢᠮᠤᠨᠰᠧ ᠨᠢᠭᠡᠨ ᠰᠤᠮᠤ ᠴᠡᠷᠢᠭ ᠳᠠᠭᠠᠭᠤᠯᠵᠤ᠂ ︽ᠲᠢᠺᠢᠲ᠋ᠦ᠋︾ ᠬᠡᠮᠡᠬᠦ ᠶᠠᠫᠤᠨ ᠤ ᠦᠬᠡᠷ ᠫᠤᠤ ᠬᠤᠶᠠᠷ ᠢ ᠴᠢᠷᠴᠤ ᠢᠷᠡᠵᠠᠢ᠃ ᠳᠠᠷᠠᠭ᠎ᠠ ᠦᠷᠯᠦᠭᠡ  ᠶᠢᠨ ᠨᠠᠷᠠᠨ ᠢᠶᠠᠷ ᠳᠠᠭᠠᠷᠢᠯᠳᠠ ᠬᠢᠬᠦ ᠪᠠᠷ ᠪᠤᠯᠵᠤᠵᠤ ᠬᠠᠷᠠᠭᠤᠯ ᠮᠠᠨᠠᠭ᠎ᠠ ᠶᠢ ᠴᠢᠩᠭᠠᠳᠬᠠᠨ ᠴᠡᠷᠢᠭ ᠮᠤᠷᠢᠳ ᠢ ᠠᠮᠠᠷᠠᠭᠤᠯᠤᠨ ᠬᠤᠨᠤᠭᠯᠠᠪᠠᠢ᠃ ᠳᠠᠷᠠᠭ᠎ᠠ ᠡᠳᠦᠷ ᠨᠠᠷᠠᠨ ᠮᠠᠨᠳᠤᠬᠤᠶ᠎ᠠ ᠦᠬᠡᠷ ᠫᠤᠤ ᠳᠣᠰᠪᠤᠷᠢ ᠠᠷᠪᠠᠨ ᠰᠣᠮᠣ ᠫᠤᠤᠳᠠᠵᠤ ᠪᠢᠴᠢᠬᠠᠨ  ᠸᠡᠶᠢᠰᠧ ᠶᠢ ᠦᠨᠡᠰᠦᠨ  ᠲᠤᠪᠷᠠᠭ ᠪᠤᠯᠭᠠᠨ ᠭᠠᠯ   ᠤᠨ ᠬᠠᠷ᠎ᠠ ᠤᠳᠤᠭ᠎ᠠ ᠳᠡᠭᠷᠢ ᠳᠤᠯᠤᠮ᠎ᠠ ᠪᠠᠭᠠᠭᠢᠵᠤ᠂ ᠳᠠᠷᠢ ᠶᠢᠨ ᠭᠠᠰᠢᠭᠤᠨ ᠦᠨᠦᠷ ᠬᠠᠮᠠᠷ ᠴᠤᠷᠭᠢᠨ ᠬᠤᠭᠤᠯᠠᠢ ᠪᠠᠭᠠᠯᠵᠤᠤᠷ ᠢ ᠵᠢᠮᠵᠢᠭᠢᠨᠡᠭᠦᠯᠦᠨ᠎ᠡ᠃ ᠴᠡᠷᠢᠭ ᠤᠳ ᠳᠠᠭᠠᠷᠢᠨ ᠤᠷᠤᠵᠤ ᠳᠠᠪᠢᠭᠠᠳ ᠳᠡᠭᠡᠷᠡᠮ ᠢ ᠤᠰᠠᠳᠬᠠᠵᠤ ᠠᠷᠪᠠᠭᠠᠳ ᠢ ᠪᠠᠷᠢᠪᠴᠢᠯᠠᠵᠠᠢ᠃ ᠳᠠᠶᠢᠨ  ᠠᠴᠠ ᠳᠠᠵᠢᠨ ᠭᠡᠳᠡᠭ   ᠢᠶᠠᠷ ᠡᠨᠡᠬᠦ ᠠᠶᠤᠯ ᠳᠤ ᠡᠩ ᠤᠨ ᠦᠳᠡᠬᠦᠰ ᠨᠢᠯᠬᠠᠰ ᠡᠳᠦᠢ ᠳᠡᠳᠦᠢ ᠬᠦᠮᠦᠨ ᠵᠡᠷᠯᠢᠭ ᠰᠣᠮᠣᠨ ᠳᠤ ᠠᠳᠡᠪᠡ᠃ ᠪᠠᠷᠢᠪᠴᠢᠯᠠᠭᠳᠠᠭᠰᠠᠨ ᠳᠡᠭᠡᠷᠡᠮ ᠠᠴᠠ ᠽᠦᠸᠧ ᠯᠢᠦᠽᠢ᠂ ᠸᠠᠩ ᠪᠠᠨᠵᠠᠩ ᠡᠭᠦᠨ   ᠤ ᠳᠤᠳᠤᠷ᠎ᠠ ᠪᠠᠶᠢᠬᠤ ᠡᠰᠡᠬᠦ   ᠶᠢ ᠠᠬᠢᠨ  ᠳᠠᠬᠢᠨ ᠰᠢᠭᠦᠨ ᠠᠰᠠᠭᠤᠬᠤᠢ ᠳᠤᠷ ᠪᠦᠭᠦᠳᠡᠭᠡᠷ ᠬᠠᠮᠳᠤ ᠪᠠᠶᠢᠯ᠎ᠠ ᠬᠡᠮᠡᠨ ᠬᠠᠷᠢᠭᠤᠯᠪᠠᠴᠤ  ᠬᠡᠳᠤᠨ‌‍ᠲ᠋ᠠᠬᠢᠨ ᠱᠦᠭᠦᠷᠳᠡᠨ ᠨᠡᠩᠵᠢᠭᠰᠡᠨ ᠪᠤᠯᠪᠠᠴᠣ ᠡᠨᠡ ᠬᠤᠶᠠᠷ ᠲᠦᠷᠦᠬᠦᠦ ᠶᠢ ᠤᠯᠵᠤ ᠴᠢᠳᠠᠭᠰᠠᠨ ᠦᠭᠡᠢ᠃       ᠳᠠᠷᠠᠭ᠎ᠠ ᠡᠳᠦᠷ ᠨᠢ ᠪᠠᠷᠢᠪᠴᠢᠯᠠᠭᠳᠠᠭᠰᠠᠨ ᠠᠷᠪᠠᠭᠠᠳ ᠳᠡᠭᠡᠷᠡᠮᠴᠢᠳ ᠢ ᠳᠣᠰᠬᠤᠨ ᠤ ᠭᠠᠳᠠᠨ᠎ᠠ ᠴᠢᠷᠴᠤ ᠠᠪᠠᠴᠢᠨ ᠪᠦᠬᠦᠨ ᠢ ᠫᠤᠤᠳᠠᠨ ᠠᠯᠠᠪᠠ᠂ ᠡᠨᠡ ᠤᠳᠠᠭ᠎ᠠ ᠶᠢᠨ ᠳᠡᠭᠡᠷᠡᠮ ᠢ ᠤᠰᠠᠳᠬᠠᠬᠤ ᠳᠠᠶᠢᠨ ᠨᠡᠶᠢᠳᠡ ᠬᠤᠷᠢᠨ ᠵᠢᠷᠭᠤᠭᠠᠨ ᠡᠳᠦᠷ ᠶᠠᠪᠤᠭᠳᠠᠵᠤ ᠵᠠᠭᠤ ᠬᠤᠷᠢᠭᠠᠳ ᠬᠤᠯᠠᠭᠠᠢ   ᠶᠢ ᠤᠰᠠᠳᠬᠠᠵᠤ᠂ ᠤᠷᠳᠤ ᠫᠤᠤ᠂ ᠭᠠᠷ ᠫᠤᠤ ᠵᠠᠭᠤᠭᠠᠳ ᠢ ᠤᠯᠵᠠᠯᠠᠪᠠ᠃ ᠮᠠᠨ ᠤ ᠴᠡᠷᠢᠭ ᠬᠠᠷ᠎ᠠ ᠪᠠᠯᠭᠠᠰᠣᠨ᠎ᠠ ᠪᠤᠴᠠᠭᠰᠠᠨ ᠤ ᠳᠠᠷᠠᠭ᠎ᠠ ᠳᠠᠶᠢᠨ   ᠤ ᠳ᠋ᠦᠩᠨᠡᠯᠳᠡ ᠬᠢᠵᠤ ᠭᠠᠪᠢᠶ᠎ᠠ ᠳᠡᠮᠳᠡᠭᠯᠡᠬᠦ ᠪᠠᠶᠠᠷ ᠬᠢᠭᠰᠡᠨ ᠶᠤᠮ᠃ ᠪᠠᠶᠠᠷ ᠤᠨ ᠴᠢᠭᠤᠯᠭᠠᠨ ᠳᠡᠭᠡᠷ᠎ᠡ ᠳᠡᠷᠢᠭᠦᠨ ᠨᠤᠶᠠᠨ ᠲᠡᠮᠴᠤᠭᠳᠦᠩᠷᠦᠪ ᠮᠤᠷᠢᠯᠠᠨ ᠢᠷᠡᠵᠤ ᠰᠣᠷᠭᠠᠯ ᠳᠠᠯᠪᠢᠭᠰᠠᠨ ᠪᠦᠭᠡᠳ ᠨᠠᠮᠠᠢᠢ ᠬᠤᠯᠠᠭᠠᠢ ᠶᠢ ᠳᠠᠷᠤᠭᠰᠠᠨ ᠭᠠᠪᠢᠶᠠᠳᠠᠢ ᠰᠢᠯᠢᠳᠡᠭ ᠵᠠᠯᠠᠭᠤ ᠭᠡᠵᠤ ᠰᠠᠶᠢᠰᠢᠶᠠᠵᠤ ︽ᠳᠡᠮᠦᠷ ᠮᠤᠷᠢᠳᠤ ᠴᠡᠷᠢᠭ︾ ᠤᠨ ᠬᠤᠶᠠᠳᠤᠭᠠᠷ  ᠳᠡᠰ ᠤᠨ ᠮᠧᠲ᠋ᠠᠯ᠂ ︽ᠭᠠᠷᠮᠠᠭᠠᠢ ᠵᠢᠳᠬᠦᠯᠳᠡᠨ︾ ᠬᠡᠮᠡᠬᠦ ᠦᠰᠦᠭ ᠲᠠᠢ ᠭᠠᠩ ᠰᠡᠯᠡᠮ᠎ᠡ ᠪᠠᠷ ᠱᠠᠩᠨᠠᠪᠠ᠃ ᠪᠠᠰᠨ ᠭᠠᠪᠢᠶ᠎ᠠ ᠪᠠᠶᠢᠭᠤᠯᠤᠭᠰᠠᠨ ᠪᠠᠶᠢᠯᠳᠤᠭᠴᠢᠳ ᠤᠨ ᠨᠡᠷ᠎ᠡ ᠶᠢ ᠳᠠᠭᠤᠳᠠᠵᠤ ᠪᠡᠶ᠎ᠡ ᠦᠷᠡᠭᠳᠡᠭᠰᠡᠨ ᠰᠢᠷᠬᠠᠳᠣᠭᠰᠠᠨ ᠴᠡᠷᠢᠭ ᠲᠤ ᠠᠯᠳᠠᠷ ᠭᠠᠪᠢᠶ᠎ᠠ ᠳᠡᠮᠳᠡᠭᠯᠡᠵᠤ  ᠭᠡᠷ ᠪᠦᠯᠢ ᠳᠤᠨᠢ ᠠᠰᠠᠷᠠᠮᠵᠢ ᠶᠢᠨ ᠮᠦᠩᠭᠦ ᠤᠯᠭᠤᠪᠠ᠃        ᠡᠳᠦᠷ ᠬᠤᠨᠤᠭ ᠦᠩᠭᠡᠷᠡᠬᠦᠶ᠎ᠡ ᠬᠠᠷᠪᠤᠭᠰᠠᠨ ᠰᠣᠮᠣ ᠮᠡᠳᠦ ᠠᠵᠠᠢ᠃ ᠨᠢᠭᠡ ᠮᠡᠳᠡᠬᠦᠶ᠎ᠡ1945 ᠤᠨ ᠳᠤ ᠶᠠᠫᠤᠨ ᠡᠵᠡᠷᠭᠡᠭ ᠲᠦᠷᠢᠮᠡᠬᠡᠶᠢᠳᠡᠨ ᠪᠠᠭᠤᠨ ᠦᠭᠴᠤ ᠳᠡᠷᠢᠭᠦᠨ ᠨᠤᠶᠠᠨ ᠤ ᠬᠠᠭᠤᠷᠠᠮᠠᠭ ᠮᠤᠩᠭᠤᠯ ᠤᠨ  ᠬᠢᠵᠠᠭᠠᠷ ᠤᠷᠤᠨ   ᠤ ᠦᠪᠡᠰᠦᠪᠡᠨ ᠵᠠᠰᠠᠬᠤ ᠭᠦᠷᠦᠨ ᠴᠦ  ᠳᠠᠭᠠᠯᠳᠤᠨ ᠰᠦᠢᠷᠡᠨ ᠤᠨᠠᠪᠠ᠃1946 ᠤᠨ ᠠᠴᠠ ᠡᠬᠢᠯᠡᠵᠤ ᠳᠤᠳᠤᠭᠠᠳᠤ ᠶᠢᠨ ᠳᠠᠶᠢᠨ ᠪᠤᠯᠵᠤ ᠴᠠᠭ ᠰᠠᠮᠠᠭᠤᠷᠠᠪᠠᠢ᠃1947 ᠤᠨ᠎ᠠ ᠮᠢᠨᠦ ᠠᠪᠤ ᠨᠤᠷᠪᠤᠽᠠᠨ᠎ᠠ ᠠᠮᠪᠠᠨ ᠭᠤᠮᠢᠨᠳᠠᠩ ᠤᠨ ᠬᠤᠸᠠᠪᠸᠢ ᠲᠠᠪᠤᠨ ᠮᠤᠵᠢ ᠶᠢᠨ ᠴᠡᠷᠢᠭ ᠵᠠᠰᠠᠭ ᠢ ᠬᠠᠮᠳᠤᠷᠠᠭᠤᠯᠤᠨ ᠵᠠᠬᠢᠷᠴᠣ ᠪᠠᠶᠢᠭᠰᠠᠨ ᠠᠬᠠᠮᠠᠳ ᠭᠧᠨᠢᠷᠡᠯ ᠹᠦ᠋ ᠽᠦᠸᠧ ᠢ ᠵᠠᠩᠵᠤᠨ ᠢ ᠳᠠᠭᠠᠵᠤ ᠳᠡᠬᠦᠨ ᠤ ᠭᠠᠷ ᠳᠤᠤᠷ᠎ᠠ ᠮᠤᠩᠭᠤᠯ  ᠬᠢᠵᠠᠭᠠᠷ ᠤᠷᠤᠨ ᠤ ᠳᠡᠭᠡᠷᠡᠮ  ᠢ ᠣᠰᠠᠳᠬᠠᠬᠤ ᠰᠧᠯᠢᠩᠪᠦ᠋ ᠶᠢᠨ ᠬᠤᠰᠢᠭᠤᠴᠢ  ᠭᠧᠨᠧᠷᠡᠯ ᠵᠡᠷᠭᠡ ᠲᠠᠢ  ᠳᠡᠳ᠋ ᠰᠧᠯᠢᠩ ᠪᠤᠯᠪᠠᠢ᠃ ᠤᠯᠳᠤᠢ ᠮᠢᠨᠤ ᠪᠡᠶ᠎ᠡ ᠴᠤ ᠴᠠᠬᠠᠷ ᠠᠶᠢᠮᠠᠭ ᠤᠨ ᠠᠮᠤᠷ ᠢ  ᠬᠠᠮᠠᠭᠠᠯᠠᠬᠤ ᠰᠧᠯᠢᠩᠪᠦ᠋ ᠶᠢᠨ ᠰᠧᠯᠢᠩ ᠮᠦᠭᠳᠡᠨᠪᠤᠤ ᠶᠢᠨ ᠳᠤᠤᠷ᠎ᠠ ᠼᠠᠨᠮᠤ ᠰᠠᠯᠠᠭᠠᠨ ᠤ ᠳᠠᠷᠤᠭ᠎ᠠ ᠪᠤᠯᠵᠤ ᠳᠡᠳ᠋ ᠬᠤᠷᠠᠨᠳᠠ ᠵᠡᠷᠭᠡ ᠲᠠᠢ ᠪᠤᠯᠪᠠ᠃ ᠨᠢᠭᠡᠨ ᠡᠳᠦᠷ ᠲᠤᠬᠠᠢ ᠶᠢᠨ ᠦᠶ᠎ᠡ ᠶᠢᠨ ᠴᠠᠬᠠᠷ ᠠᠶᠢᠮᠠᠭ ᠤᠨ ᠲᠦᠪ ᠪᠤᠤ ᠶᠤᠸᠠᠨ ᠰᠢᠶᠠᠨ ᠤ ᠵᠡᠭᠡᠯᠢ ᠳᠡᠭᠡᠷ᠎ᠡ ᠵᠤᠭᠠᠴᠠᠨ ᠶᠠᠪᠤᠵᠤ ᠪᠠᠶᠢᠳᠠᠯ᠎ᠠ᠂  ᠭᠡᠨᠡᠳᠳᠡ ᠨᠢᠭᠤᠷ ᠲᠦᠭᠦᠷᠡᠩ ᠬᠠᠷ᠎ᠠ ᠴᠤᠬᠤᠷ ᠳᠤᠯᠪᠤ ᠲᠠᠢ᠂ ᠭᠤᠮᠢᠨᠳᠠᠩ ᠤᠨ ᠴᠡᠷᠢᠭ ᠬᠤᠪᠴᠠᠰᠣ  ᠡᠮᠦᠰᠴᠤ ᠵᠠᠭᠠᠮᠠᠨ ᠳᠡᠭᠡᠷ᠎ᠡ ᠪᠠᠨ ᠳᠡᠰᠯᠡᠭᠴᠢ ᠳᠡᠰ ᠤᠨ ᠳᠡᠮᠳᠡᠭ ᠵᠡᠭᠦᠭᠰᠡᠨ ᠢᠳᠡᠷ ᠡᠷ᠎ᠡ ᠨᠠᠮᠠᠢᠢ ᠳᠣᠰᠴᠣ ᠠᠭᠤᠯᠵᠠᠭᠠᠳ ᠮᠠᠰᠢ ᠳᠣᠳᠣᠨᠣ  ᠬᠠᠯᠠᠭᠤᠮᠰᠤᠭ ᠢᠶᠠᠷ ᠯᠤᠤ ᠽᠦᠩ ᠳᠠᠨ ᠤ ᠡᠷᠬᠢᠮ ᠠᠯᠳᠠᠷ   ᠲᠠᠮᠪᠠ ᠭᠡᠳᠡᠭ ᠪᠤᠶᠤ ᠬᠡᠮᠡᠨ ᠳᠤᠳᠤᠯᠠᠨ ᠠᠰᠠᠭᠤᠪᠠᠢ᠃ ᠪᠢ ᠭᠠᠶᠢᠬᠠᠰᠢ ᠠᠯᠳᠠᠵᠤ ᠮᠦᠨ ᠬᠡᠮᠡᠬᠦᠢ ᠳᠤᠷ ᠳᠡᠷᠡ ᠳᠠᠷᠣᠢ ᠲᠦᠰ  ᠬᠢᠳᠡᠯ᠎ᠡ ᠰᠦᠭᠦᠳᠦᠨ ᠮᠦᠷᠭᠦᠭᠡᠳ ᠨᠤᠬᠠᠢ ᠶᠢᠨ ᠠᠮᠢ ᠶᠢ ᠮᠢᠨᠢ ᠦᠷᠦᠰᠢᠶᠡᠨ ᠭᠡᠯᠳᠦᠷᠢᠭᠦᠯᠦᠭᠰᠡᠨ ᠯᠤᠤ ᠽᠦᠩ ᠳᠠᠨ ᠳᠤ ᠳᠤᠶᠢᠯ ᠢᠶᠠᠷ ᠳᠠᠯᠠᠷᠬᠠᠮᠤᠢ ᠬᠡᠪᠡ᠃ ᠤᠴᠢᠷ ᠢ ᠨᠠᠷᠢᠪᠴᠢᠯᠠᠨ ᠰᠣᠷᠠᠪᠠᠰᠤ ᠡᠨᠡ ᠬᠦᠮᠦᠨ ᠪᠤᠯ ᠳᠠᠷᠤᠢ ᠳᠡᠭᠡᠷᠡᠮ ᠤᠨ ᠲᠦᠷᠦᠭᠦᠦ ᠽᠦᠸᠧ ᠯᠢᠦᠽᠢ ᠭᠡᠳᠡᠭ  ᠭᠠᠶᠢᠬᠠᠯ ᠮᠦᠨ ᠠᠵᠠᠢ᠃ ᠶᠠᠫᠤᠨ ᠲᠠᠩᠨᠠᠭᠤᠯ ᠤᠨ ᠳᠠᠷᠤᠭ᠎ᠠ ᠶᠢᠨ ᠦᠭᠭᠦᠭᠰᠨᠨ ᠰᠡᠭᠦᠳᠡᠷ  ᠯᠤᠭ᠎ᠠ ᠠᠳᠠᠯᠢᠳᠬᠠᠪᠠᠰᠣ ᠠᠰ ᠦᠭᠡᠷ᠎ᠡ ᠬᠦᠮᠦᠨ ᠪᠠᠶᠢᠯ᠎ᠠ᠃ ᠬᠤᠤ ᠵᠢᠶᠠ ᠲᠠᠢ ᠶᠢᠨ ᠪᠠᠶᠢᠯᠳᠤᠭᠠᠨ᠎ᠠ ᠲᠡᠷᠨ  ᠨᠤᠭᠤᠭ᠎ᠠ ᠶᠢᠨ ᠵᠤᠭᠤᠷᠢ ᠳᠤ ᠰᠢᠷᠭᠤᠵᠤ ᠤᠷᠤᠭᠠᠳ ᠠᠮᠢ ᠵᠤᠯᠪᠢᠭᠰᠠᠨ ᠪᠠᠶᠢᠵᠠᠢ᠃ ᠠᠯᠠᠵᠤ ᠨᠢᠳᠤᠯᠬᠤ ᠨᠢᠭᠦᠯᠳᠦ ᠠᠵᠢᠯᠯᠠᠭ᠎ᠠ ᠶᠢ ᠶᠡᠭᠡᠳᠡ ᠦᠢᠯᠡᠳᠦᠭᠰᠡᠨ ᠪᠤᠯᠬᠤᠷ ᠰᠢᠷ᠎ᠠ ᠪᠤᠷᠴᠠᠭ ᠢ ᠡᠯᠡᠰᠦ ᠲᠠᠢ ᠬᠠᠭᠤᠷᠴᠣ ᠨᠢᠭᠤᠷ ᠢᠶᠠᠨ ᠳᠠᠷᠤᠵᠤ ᠬᠠᠴᠠᠷ ᠢᠶᠠᠨ ᠬᠠᠷ᠎ᠠ ᠴᠣᠬᠤᠷ ᠪᠤᠯᠭᠠᠨ ᠵᠢᠰᠣ ᠪᠤᠷᠤᠭᠤᠯᠠᠵᠠᠢ᠃ ᠳᠤᠳᠤᠭᠠᠳᠤ ᠶᠢᠨ ᠳᠠᠶᠢᠨ ᠤ ᠦᠶ᠎ᠡ ᠳᠤ ᠭᠤᠴᠢᠭᠠᠳ ᠳᠡᠭᠡᠷᠡᠮ ᠢ ᠳᠠᠭᠠᠭᠤᠯᠵᠤ ᠪᠤᠤ ᠶᠤᠸᠠᠨ ᠰᠢᠶᠠᠨ ᠢ ᠰᠡᠷᠭᠡᠶᠢᠯᠡᠨ ᠰᠠᠬᠢᠵᠤ  ᠪᠠᠶᠢᠭᠰᠠᠨ ᠸᠠᠩ ᠲᠤᠸᠠᠨ ᠤ ᠴᠡᠷᠢᠭ ᠲᠤ ᠪᠠᠭᠤᠨ ᠦᠭᠴᠣ ᠰᠣᠮᠣᠨ ᠳᠠᠷᠤᠭ᠎ᠠ ᠶᠢᠨ ᠳᠣᠰᠢᠶᠠᠯ ᠲᠠᠢ ᠪᠤᠯᠵᠠᠢ᠃ ᠨᠦᠬᠦᠬᠡ ᠲᠦᠷᠦᠭᠦᠦ ᠸᠠᠩ ᠪᠠᠨᠵᠠᠩ ᠢ ᠰᠤᠷᠠᠨ ᠠᠰᠠᠭᠤᠬᠤᠢ ᠳᠤᠷ ᠳᠡᠷᠨ ᠭᠠᠶᠢᠬᠠᠯ ᠪᠠᠷᠠᠭᠤᠨ ᠭᠠᠷ ᠢᠶᠠᠨ ᠬᠤᠭᠤᠯᠠᠢ ᠳᠡᠭᠡᠷ᠎ᠡ ᠪᠠᠨ ᠬᠦᠨᠳᠡᠯᠡᠨ ᠳᠠᠯᠪᠢᠵᠤ ᠤᠭᠳᠤᠯᠤᠭᠰᠠᠨ ᠲᠦᠷᠢ ᠦᠵᠡᠭᠦᠯᠵᠦ ᠬᠡᠯᠨ ᠪᠠᠨ ᠪᠤᠯᠳᠠᠶᠢᠯᠭᠠᠪᠠᠢ᠃ ︵ ᠨᠤ ·  ᠲᠠᠮᠪᠠ ᠶᠢᠨ ᠳᠡᠮᠳᠡᠭᠯᠡᠯ  ᠤᠨ ᠳᠡᠪᠳᠡᠷ ᠠᠴᠠ ᠴᠤᠶᠢᠷᠠᠪᠵᠠᠢ ᠳᠢᠭᠯᠡᠨ ᠬᠠᠭᠤᠯᠠᠪᠠ  ᠃︶ ︵ᠲᠠᠭᠠᠯᠳᠤᠭᠤᠯᠤᠯ︶                             ᠤᠨᠴᠨ ᠠᠭᠤᠴᠢᠯᠠᠭᠳᠠᠭᠰᠠᠨ ᠳᠠᠶᠢᠨ ᠤ ᠶᠠᠯᠠᠳᠠᠨ ᠨᠤ · ᠳᠠᠮᠪᠠ ᠶᠢᠨ ᠳᠤᠪᠴᠢ ᠨᠠᠮᠳᠠᠷ                                                                                          ᠳᠠᠮᠪᠠ     ᠰᠢᠪᠠᠭᠤᠴᠢᠨ ᠤᠪᠤᠭ ᠲᠠᠢ᠂ ᠴᠠᠬᠠᠷ ᠪᠠᠷᠠᠭᠤᠨ ᠭᠠᠷ ᠲᠠᠶᠢᠫᠤᠰᠧ ᠶᠢᠨ ᠬᠦᠯᠦ ᠰᠢᠷ᠎ᠠ ᠠᠭᠳᠠᠨ ᠰᠦᠷᠦᠭ ᠲᠤ 1918  ᠤᠨ᠎ᠠ ᠲᠦᠷᠦᠵᠠᠢ᠃   ᠡᠴᠢᠭᠡ ᠨᠤᠷᠪᠤᠽᠠᠨ᠎ᠠ᠂ ᠡᠬᠡ ᠯᠤᠪᠰᠠᠩᠨᠢᠮ᠎ᠠ᠂ 1958 ᠤᠨ ᠤ 4  ᠰᠠᠷ᠎ᠠ ᠶᠢᠨ20 ᠳᠤ ᠠᠯᠠᠱᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠤᠪᠤᠭᠠᠳᠤ ᠳᠤ ᠨᠠᠰᠤ ᠨᠦᠭᠴᠢᠪᠠᠢ᠃          1926 ᠤᠨ   ᠤ 9 ᠰᠠᠷ᠎ᠠ ᠠᠴᠠ1929  ᠤᠨ ᠤ7 ᠰᠠᠷ᠎ᠠ ᠪᠤᠯᠳᠠᠯ᠎ᠠ ᠴᠢᠭᠤᠯᠠᠯᠳᠤ ᠬᠠᠭᠠᠯᠠᠭ᠎ᠠ ᠬᠤᠳᠠ ᠶᠢᠨ ᠳᠡᠭᠡᠳᠦ ᠴᠠᠶᠢᠵᠨ ︵上堡︶ ᠶᠢᠨ ᠮᠢᠩ ᠳ᠋ᠧ ᠪᠸᠢ ᠬᠤᠶᠢᠳᠤ ᠵᠡᠭᠡᠯᠢ ᠶᠢᠨ ᠬᠤᠸᠠ ᠬᠠᠨ ᠭᠤᠳᠤᠮᠵᠢ ᠳᠠᠬᠢ ᠤᠯᠤᠰ ᠠᠴᠠ ᠪᠠᠶᠢᠭᠤᠯᠤᠭᠰᠠᠨ ᠢᠷᠭᠡᠨ ᠠᠷᠠᠳ ᠤᠨ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠳᠤ ︵明德北街花巷国立国民小学︶ ᠬᠢᠳᠠᠳ ᠪᠢᠴᠢᠭ ᠠᠩᠬ᠎ᠠ ᠰᠣᠷᠣᠯᠴᠠᠵᠤ ᠡᠬᠢᠯᠡᠵᠠᠢ᠃  ᠰᠤᠷᠭᠠᠭᠤᠯᠢ  ᠶᠢᠨ ᠳᠠᠷᠤᠭ᠎ᠠ ᠬᠤᠸᠠᠩ ᠴᠢᠩ ᠬᠠᠢ ︵黄清海︶ ᠭᠡᠵᠤ ᠪᠠᠶᠢᠵᠠᠢ᠃ 1929 ᠤᠨ ᠤ 10 ᠰᠠᠷ᠎ᠠ  ᠠᠴᠠ1934 ᠤᠨ ᠤ 1 ᠰᠠᠷ᠎ᠠ ᠬᠦᠷᠳᠡᠯ᠎ᠡ ᠤᠨᠴᠤᠭᠤᠢ ᠤᠷᠤᠨ ᠤ ᠴᠠᠬᠠᠷ ᠲᠦᠷᠪᠡᠨ ᠰᠦᠷᠦᠭ ᠤᠨ ᠨᠢᠭᠡ ᠪᠤᠯᠬᠤ ᠳᠠᠶᠢᠫᠣᠰᠧ ᠪᠠᠷᠠᠭᠤᠨ ᠭᠠᠷ ᠰᠦᠷᠦᠭ ᠤᠨ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠳᠤ ᠰᠣᠷᠣᠯᠴᠠᠵᠤ ᠪᠠᠶᠢᠵᠠᠢ᠃ ᠰᠣᠷᠭᠠᠭᠤᠯᠢ ᠶᠢᠨ ᠳᠠᠷᠤᠭ᠎ᠠ   ᠪᠠᠷ ᠨᠤᠷᠪᠤᠽᠠᠨ᠎ᠠ ᠪᠠᠶᠢᠵᠠᠢ᠃         1934 ᠤᠨ ᠤ 11 ᠰᠠᠷ᠎ᠠ ᠠᠴᠠ1935 ᠤᠨ ᠤ 7 ᠰᠠᠷ᠎ᠠ ᠪᠤᠯᠳᠠᠯ᠎ᠠ ︽ ᠮᠤᠩᠭᠤᠯ ᠦᠪᠡᠰᠦᠪᠡᠨ ᠵᠠᠰᠠᠬᠤ ᠭᠦᠷᠦᠨ︾ ᠤ ᠴᠠᠬᠠᠷ ᠠᠶᠢᠮᠠᠭ ᠤᠨ ᠮᠤᠩᠭᠤᠯ ᠢ ᠮᠠᠨᠳᠤᠭᠤᠯᠬᠤ ᠰᠤᠷᠭᠠᠭᠤᠯᠢ ᠳᠤ ᠰᠣᠷᠣᠯᠴᠠᠵᠠᠢ᠃ ︵ ᠳᠠᠷᠤᠢ ᠶᠡᠷᠦ ᠶᠢᠨ ᠶᠠᠷᠢᠶᠠᠨ ᠳᠤ ᠬᠠᠷ᠎ᠠ ᠪᠠᠯᠭᠠᠰᠤ ᠶᠢᠨ ᠵᠠᠯᠠᠭᠤᠴᠤᠳ ᠤᠨ ᠰᠤᠷᠭᠠᠭᠤᠯᠢ ᠭᠡᠳᠡᠭ᠃︶ ᠬᠠᠮᠳᠤ ᠰᠤᠷᠤᠭᠴᠢ ᠷᠠᠰᠢᠨᠠᠮᠵᠢᠯ᠂ ᠰᠤᠳᠤ᠂ ᠭᠧᠨᠫᠢᠯ᠂ ᠰᠤᠳᠨᠠᠮᠶᠦ᠋ᠩᠷᠦᠩ᠂ ᠴᠢᠮᠡᠳᠪᠠᠯᠵᠤᠤᠷ᠂ ᠷᠠᠰᠢᠪᠠᠯᠵᠤᠤᠷ ᠵᠡᠷᠭᠡ ᠠᠷᠪᠠᠨ ᠨᠢᠭᠡᠨ ᠰᠤᠷᠤᠭᠴᠢ ᠬᠠᠮᠳᠤ ᠰᠣᠷᠣᠯᠴᠠᠬᠤ ᠪᠠᠷ ᠶᠠᠪᠤᠵᠠᠢ᠃ ᠰᠤᠷᠭᠠᠭᠤᠯᠢ ᠶᠢᠨ ᠳᠠᠷᠤᠭ᠎ᠠ ᠪᠠᠷ  ᠰᠧᠪᠡᠭᠵᠠᠪ ︵吴伯仁︶ ᠭᠡᠵᠤ ᠪᠠᠶᠢᠵᠠᠢ᠃          1935 ᠣᠨ ᠤ 9 ᠰᠠᠷ᠎ᠠ ᠠᠴᠠ1935  ᠤᠨ ᠤ 7 ᠰᠠᠷ᠎ᠠ ᠪᠤᠯᠳᠠᠯ᠎ᠠ ᠬᠠᠭᠤᠷᠮᠠᠭ ᠮᠠᠨᠵᠤ ᠤᠯᠤᠰ  ᠤᠨ ᠸᠠᠩ ᠤᠨ ᠰᠦᠮ᠎ᠡ ᠳᠠᠬᠢ ᠴᠡᠷᠢᠭ ᠤᠨ ᠳᠠᠷᠤᠭ᠎ᠠ  ᠵᠢᠨ‌‍ᠰᠤᠷᠭᠠᠭᠤᠯᠢ ᠳᠤ ᠰᠣᠷᠣᠯᠴᠠᠵᠤ  ᠲᠡᠭᠦᠰᠴᠠᠢ᠃ ᠰᠣᠷᠭᠠᠭᠤᠯᠢ ᠶᠢᠨ ᠳᠠᠷᠤᠭ᠎ᠠ ᠠᠬᠠᠮᠠᠳ  ᠭᠧᠨᠧᠷᠡᠯ ᠮᠠᠨᠢᠪᠠᠳᠠᠷ᠎ᠠ ᠵᠠᠩᠵᠤᠨ ᠭᠡᠵᠤ ᠪᠠᠶᠢᠵᠠᠢ᠃ ᠳᠤᠰ ᠵᠢᠯ ᠪᠡᠯᠡᠳᠬᠡᠭᠴᠢ ᠠᠬᠠᠯᠠᠭᠴᠢ  ︵副补︶ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠤᠳᠠᠯ ᠦᠭᠡᠢ ᠪᠠᠭ᠎ᠠ ᠳᠡᠰᠡᠯᠡᠭᠴᠢ ︵少尉︶ ᠪᠤᠯᠤᠨ ᠳᠡᠪᠰᠢᠵᠠᠢ᠃ ᠠᠪᠠᠯᠢ ᠡᠬᠡᠨᠡᠷ ᠨᠢ ᠪᠤᠯ ᠦᠷᠳᠡᠭᠡᠨ ᠤ ᠶᠦᠷᠦ᠋ᠩ ᠵᠠᠩᠭᠢ ᠶᠢᠨ ᠬᠡᠦᠬᠡᠨ ᠷᠢᠭᠢᠵᠢᠳ ᠪᠤᠯᠤᠨ᠎ᠠ᠃ ᠬᠤᠷᠢᠮᠯᠠᠭᠠᠳ ᠳᠡᠮᠡᠢ ᠣᠳᠠᠯ ᠦᠭᠡᠢ ᠭᠡᠨᠡᠳᠳᠡ ᠬᠦᠨᠳᠦ ᠡᠪᠡᠳᠴᠢᠨ ᠢᠶᠠᠷ ᠪᠡᠶ᠎ᠡ ᠪᠠᠷᠠᠵᠠᠢ᠃ ᠳᠠᠬᠢᠭᠠᠳ  ᠲᠤᠯᠤᠨᠨᠠᠭᠤᠷ ᠯᠠᠮᠨ ᠳᠠᠮᠠᠭ᠎ᠠ ᠶᠢᠨ ᠬᠤᠰᠢᠭᠤᠨ ᠤ ᠶᠡᠷᠦᠩᠭᠡᠢ ᠶᠠᠪᠤᠳᠠᠯ ᠤᠨ ᠰᠠᠯᠠᠭᠠᠨ ᠤ ᠳᠠᠷᠤᠭ᠎ᠠ ᠪᠠᠶᠢᠭᠰᠠᠨ ᠲᠦᠮᠡᠳ ᠬᠤᠰᠢᠭᠤᠨ ᠤ ᠲᠦᠪᠰᠢᠨ ︵陈子欣︶   ᠤ ᠬᠡᠦᠬᠡᠨ ᠶᠠᠩᠵᠢᠨᠰᠣ ᠲᠠᠢ ᠬᠤᠷᠢᠮᠯᠠᠵᠠᠢ᠃         1938 ᠤᠨ ᠤ 8 ᠰᠠᠷ᠎ᠠ   ᠠᠴᠠ1941 ᠤᠨ ᠤ 7 ᠰᠠᠷ᠎ᠠ ᠪᠤᠯᠳᠠᠯ᠎ᠠ ᠬᠠᠭᠤᠷᠮᠠᠭ ᠮᠤᠩᠭᠤᠯ ᠤᠨ ᠦᠪᠡᠰᠦᠪᠡᠨ ᠵᠠᠰᠠᠬᠤ ᠴᠡᠷᠢᠭ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠰᠧᠯᠢᠩᠪᠦ᠋ ᠶᠢᠨ ᠼᠠᠨᠮᠤ ᠶᠢᠨ ᠭᠠᠵᠠᠷ ᠠᠵᠢᠯᠯᠠᠵᠤ ᠳᠡᠰᠯᠡᠭᠴᠢ ︵中尉︶ ᠵᠡᠷᠭᠡ ᠳᠤ ᠳᠡᠪᠰᠢᠵᠠᠢ᠃ ᠰᠧᠯᠢᠩᠪᠦ᠋ ᠳᠤᠬᠠᠢ ᠶᠢᠨ ᠦᠶ᠎ᠡ ᠳᠤ ᠡᠷᠳᠡᠮ ᠰᠣᠶᠣᠯᠳᠤ ᠬᠤᠳᠠ ᠳᠤ ᠪᠠᠶᠢᠭᠰᠠᠨ ᠳᠠᠷᠤᠢ ᠣᠳᠣᠬᠢ ᠬᠤᠸᠠᠳᠧ ᠰᠢᠶᠠᠨ ︵化德县︶ ᠪᠤᠯᠤᠨ᠎ᠠ᠃ ᠶᠡᠷᠦᠩᠬᠡᠢ ᠰᠧᠯᠢᠩ ᠨᠢ ᠠᠬᠠᠮᠠᠳ   ᠭᠧᠨᠧᠷᠡᠯ ᠬᠠᠷᠠᠴᠢᠨ ᠬᠦᠮᠦᠨ ᠯᠢ ᠱᠤ᠋ ᠰᠢᠨ ︵李守信︶ ᠭᠡᠵᠤ ᠪᠠᠶᠢᠵᠠᠢ᠃           1941 ᠤᠨ ᠤ 9 ᠰᠠᠷ᠎ᠠ ᠠᠴᠠ1943 ᠤᠨ ᠤ 9 ᠰᠠᠷ᠎ᠠ  ᠪᠤᠯᠳᠠᠯ᠎ᠠ ᠶᠠᠫᠤᠨ ᠤᠯᠤᠰ ᠤᠨ ᠳᠤᠤᠺᠢᠤ᠋  ᠬᠤᠳᠠ ᠶᠢᠨ ᠺᠠᠨᠠᠺᠧᠨ ᠬᠠᠭᠤᠷᠠᠢ ᠵᠠᠮ ᠤᠨ ᠴᠡᠷᠢᠭ ᠤᠨ ᠳᠠᠷᠤᠭ᠎ᠠ  ᠵᠢᠨ‌‍ᠰᠣᠷᠭᠠᠭᠤᠯᠢ ︵日本东京神乃川陆军士官学校︶ ᠶᠢᠨ34 ᠳ᠋ᠤᠭᠡᠷ ᠬᠤᠭᠤᠴᠠᠭ᠎ᠠ ᠠᠴᠠ ᠳᠡᠭᠦᠰᠴᠤ᠂ ᠠᠬᠠᠮᠠᠳ ᠳᠡᠰᠯᠡᠭᠴᠢ ︵上尉︶ ᠶᠢᠨ ᠵᠡᠷᠭᠡ ᠳᠤ ᠳᠡᠪᠰᠢᠵᠠᠢ᠃ ᠬᠠᠮᠳᠤ ᠲᠡᠭᠦᠰᠦᠭᠰᠡᠨ ᠴᠠᠬᠠᠷ ᠰᠣᠷᠣᠭᠴᠢ ᠱᠠᠭᠠᠢ᠂ ᠭᠧᠨᠫᠢᠯ᠂ ᠰᠣᠳᠣ᠂ ᠪᠣᠶᠠᠨᠳᠤᠭᠳᠠᠬᠤ ᠵᠡᠷᠭᠡ ᠬᠦᠮᠦᠨ ᠪᠠᠶᠢᠵᠠᠢ᠃ ᠰᠣᠷᠭᠠᠭᠤᠯᠢ ᠶᠢᠨ ᠳᠠᠷᠤᠭ᠎ᠠ ᠶᠠᠫᠤᠨ ᠬᠦᠮᠦᠨ ᠳᠡᠰᠯᠡᠭᠴᠢ  ᠭᠧᠨᠧᠷᠡᠯ  ᠦᠶᠠᠸ᠋ᠨᠤ᠋ ︵上野中将︶ ᠭᠡᠵᠤ ᠪᠠᠶᠢᠵᠠᠢ᠃        1943 ᠤᠨ ᠤ 10 ᠰᠠᠷ᠎ᠠ ᠠᠴᠠ1944 ᠤᠨ ᠤ 1 ᠰᠠᠷ᠎ᠠ ᠬᠦᠷᠳᠡᠯ᠎ᠡ ᠪᠤᠯᠳᠠᠯ᠎ᠠ ᠴᠠᠬᠠᠷ ᠠᠶᠢᠮᠠᠭ ᠤᠨ ᠰᠡᠷᠭᠡᠶᠢᠯᠡᠨ ᠬᠠᠮᠠᠭᠠᠯᠠᠬᠤ ᠬᠤᠶᠠᠳᠤᠭᠠᠷ ᠳ᠋ᠢᠸᠢᠽᠢ   ᠶᠢᠨ ︵察哈尔盟第二防卫师︶ ᠼᠠᠨᠮᠤ  ᠶᠢᠨ ᠭᠠᠵᠠᠷ ᠤᠨ ᠳᠠᠷᠤᠭ᠎ᠠ ᠪᠠᠷ ᠠᠵᠢᠯᠯᠠᠵᠠᠢ᠃ ᠳ᠋ᠢᠸᠢᠽᠢ ᠶᠢᠨ ᠳᠠᠷᠤᠭ᠎ᠠ ᠴᠠᠬᠠᠷ ᠠᠶᠢᠮᠠᠭ ᠤᠨ ᠳᠠᠷᠤᠭ᠎ᠠ ᠪᠠᠶᠢᠭᠰᠠᠨ ᠳᠡᠰᠯᠡᠭᠴᠢ  ᠭᠧᠨᠧᠷᠡᠯ ᠵᠤᠳᠪᠠᠵᠠᠪ᠂ ᠠᠶᠢᠮᠠᠭ ᠤᠨ ᠳᠡᠳ᠋ ᠳᠠᠷᠤᠭ᠎ᠠ ᠪᠠᠶᠢᠭᠰᠠᠨ ᠳᠡᠰᠯᠡᠭᠴᠢ ᠭᠧᠨᠧᠷᠡᠯ ᠰᠧᠷᠡᠩᠨᠠᠮᠵᠢᠯ ᠳᠠᠪᠬᠤᠷ ᠬᠠᠷᠢᠭᠤᠴᠠᠵᠠᠢ᠃ ᠼᠠᠨᠮᠤᠵᠠᠩ   ᠨᠢ ᠪᠤᠯᠪᠠᠰᠤ ᠳᠡᠰᠯᠡᠭᠴᠢ ᠭᠧᠨᠧᠷᠡᠯ ᠭᠤᠯᠢᠮᠤᠨᠰᠧ ᠬᠡᠵᠤ ᠪᠠᠶᠢᠵᠠᠢ᠃ ᠡᠨᠡᠬᠦ ᠬᠤᠭᠤᠴᠠᠭᠠᠨ᠎ᠠ ᠴᠠᠬᠠᠷ ᠤᠨ ᠬᠤᠶᠢᠳᠤ  ᠭᠡᠰᠡᠭ ᠲᠤ ᠡᠭᠦᠷᠯᠡᠵᠤ  ᠪᠠᠶᠢᠭᠰᠠᠨ ᠳᠡᠭᠡᠷᠡᠮ ᠤᠨ ᠽᠦᠸᠧ ᠯᠢᠥᠽᠢ ᠶᠢᠨ ᠪᠦᠯᠦᠭ ᠤᠨ ᠵᠠᠭᠤᠭᠠᠳ ᠬᠤᠯᠠᠭᠠᠢ ᠶᠢ ᠤᠰᠠᠳᠬᠠᠵᠠᠢ᠃ ᠪᠠᠰᠠ ᠮᠢᠩ ᠳ᠋ᠧ ᠪᠸᠢ  ᠵᠠᠭᠡᠯᠢ ᠳᠤ ︽ᠳ᠋ᠠᠩ ᠶᠦᠨ ᠭᠧ︾ ︵丹云阁︶ ᠬᠡᠮᠡᠬᠦ ᠺᠤᠹᠧ ᠶᠢᠨ ᠦᠷᠦᠭᠡ ᠡᠵᠡᠩᠨᠡᠵᠠᠢ᠃ ᠳᠡᠷᠡᠴᠢᠯᠠᠨ ᠬᠠᠭᠤᠷᠠᠮᠠᠭ ᠮᠤᠩᠭᠤᠯ ᠤᠨ ᠬᠢᠵᠠᠭᠠᠷ  ᠤᠨ ᠵᠠᠰᠠᠭ ᠤᠨ ᠶᠠᠫᠤᠨ ᠬᠡᠯᠡᠨ ᠤ  ᠰᠢᠯᠭᠠᠯᠳᠠ ᠳᠤ ᠤᠷᠤᠯᠴᠠᠭᠠᠳ ᠨᠢᠭᠡᠳᠦᠭᠡᠷ ᠳᠡᠰ ᠤᠨ ᠤᠷᠴᠢᠭᠤᠯᠤᠭᠴᠢ ᠶᠢᠨ ᠴᠤᠯᠨ ᠶᠢ ᠬᠠᠮᠠᠭᠠᠯᠠᠵᠤ ᠰᠠᠷ᠎ᠠ ᠪᠦᠷᠢ ᠶᠢᠨ 30 ᠲᠦᠭᠦᠷᠢᠭ ᠤᠨ ᠱᠠᠩᠨᠠᠯ ᠬᠦᠷᠳᠡᠵᠤ ᠰᠠᠷ᠎ᠠ ᠶᠢᠨ ᠴᠠᠯᠢᠩ ᠨᠡᠶᠢᠳᠡ 80 ᠲᠦᠭᠦᠷᠢᠭ ᠲᠤ ᠬᠦᠷᠴᠠᠢ᠃         1944 ᠤᠨ   ᠤ 2 ᠰᠠᠷ᠎ᠠ ᠠᠴᠠ 1945 ᠤᠨ ᠤ 8 ᠰᠠᠷ᠎ᠠ ᠪᠤᠯᠳᠠᠯ᠎ᠠ ᠬᠦᠬᠡᠬᠤᠳᠠ ᠳᠠᠬᠢ ᠮᠤᠩᠭᠤᠯ ᠴᠡᠷᠢᠭ ᠤᠨ ᠳᠠᠷᠤᠭ᠎ᠠ ᠶᠢᠨ ᠰᠣᠷᠭᠠᠭᠤᠯᠢ ᠶᠢᠨ4 ᠳ᠋ᠤᠭᠡᠷ ᠰᠤᠮᠤᠨ ᠳᠠᠷᠤᠭ᠎ᠠ ᠶᠢᠨ ᠳᠤᠰᠢᠶᠠᠯ ᠳᠤ ᠪᠠᠶᠢᠵᠠᠢ᠃ ᠰᠤᠷᠭᠠᠭᠤᠯᠢ ᠶᠢᠨ ᠳᠠᠷᠤᠭ᠎ᠠ ᠨᠢ ᠬᠠᠷᠠᠴᠢᠨ ᠬᠦᠮᠦᠨ ᠪᠤᠤ ᠭᠦᠢ ᠲᠢᠩ ︵宝贵廷︶ ᠳᠡᠰᠯᠡᠭᠴᠢ ᠭᠧᠨᠧᠷᠡᠯ ᠭᠡᠵᠤ ᠪᠠᠶᠢᠵᠠᠢ᠃1945 ᠤᠨ ᠤ 10 ᠰᠠᠷ᠎ᠠ ᠳᠤ ᠨᠠᠢᠮᠠᠳᠤᠭᠠᠷ ᠵᠠᠮ ᠤᠨ ᠴᠡᠷᠢᠭ ᠬᠦᠬᠡᠬᠤᠳᠠ ᠶᠢ ᠳᠠᠭᠠᠷᠢᠬᠤ ᠳᠤ ᠮᠤᠩᠭᠤᠯ ᠴᠡᠷᠢᠭ ᠤᠨ ᠬᠤᠯᠪᠤᠭᠠᠨ ᠤ ᠲᠦᠯᠦᠭᠡᠯᠡᠭᠴᠢ ᠪᠠᠷ ᠬᠤᠳᠠ ᠳᠡᠭᠦᠷᠭᠡ ᠶᠢᠨ ᠰᠢ ᠯᠦᠩ ᠸᠠᠩ ᠮᠢᠶᠥᠥ ︵西龙王庙︶ ᠳᠠᠬᠢ ᠨᠠᠢᠮᠠᠳᠤᠭᠠᠷ ᠵᠠᠮ ᠤᠨ ᠴᠡᠷᠢᠭ ᠤᠨ ᠡᠮᠦᠨ᠎ᠡ ᠹᠷᠤᠨᠲ   ᠲᠠᠬᠢ ᠰᠧᠯᠢᠨᠪᠦ᠋   ᠳᠤ ᠬᠦᠷᠴᠤ ᠨᠢᠭᠡᠨ ᠫᠧᠩ ᠤᠪᠤᠭ ᠲᠠᠢ ᠳᠠᠷᠤᠭ᠎ᠠ ᠲᠠᠢ ᠬᠡᠯᠡᠯᠴᠡᠭᠡᠷ ᠬᠢᠵᠤ ᠬᠤᠶᠠᠷ ᠲᠦᠮᠡᠨ ᠰᠢᠷᠭᠡᠭ ᠰᠤᠮᠤ᠂ ᠵᠠᠭᠤᠭᠠᠳ ᠤᠷᠳᠤ ᠫᠤᠤ ᠬᠦᠷᠭᠡᠭᠡᠳ᠂ ᠨᠠᠢᠮᠠᠳᠤᠭᠠᠷ ᠵᠠᠮ ᠤᠨ ᠴᠡᠷᠢᠭ ᠤᠨ ᠳᠠᠭᠠᠷᠢᠯᠳᠠ ᠶᠢ ᠲᠦᠷ ᠬᠤᠶᠢᠰᠢᠯᠠᠭᠤᠯᠵᠠᠢ᠃        1945 ᠤᠨ ᠤ 11 ᠰᠠᠷ᠎ᠠ ᠠᠴᠠ 1947 ᠤᠨ ᠤ 11 ᠰᠠᠷ᠎ᠠ ᠬᠦᠷᠳᠡᠯ᠎ᠡ ᠴᠢᠭᠤᠯᠤᠯᠳᠤ ᠬᠠᠭᠠᠯᠭ᠎ᠠ  ᠳᠤ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠮᠠᠯᠴᠢᠳ ᠤᠨ ᠬᠤᠷᠠᠯ ᠳᠤ ᠤᠷᠤᠯᠴᠠᠵᠤ ᠳ᠋ᠠ ᠵᠢᠩ ᠮᠧᠨ ᠬᠠᠭᠠᠯᠭ᠎ᠠ ᠶᠢᠨ ᠳᠤᠳᠤᠷᠠᠬᠢ ᠴᠢᠦᠸᠠᠨ ᠯᠢ ︵大境门内圈里︶ ᠳᠤ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠦᠪᠦᠷ ᠮᠤᠩᠭᠤᠯ ᠤᠨ ᠴᠡᠷᠢᠭ ᠵᠠᠰᠠᠭ  ᠤᠨ ᠳᠡᠭᠡᠳᠦ ᠰᠣᠷᠭᠠᠭᠤᠯᠢ ︵内蒙军政学院︶ ᠳᠤ ᠰᠣᠷᠣᠯᠴᠠᠵᠠᠢ᠃ ︵ ᠰᠣᠷᠭᠠᠭᠤᠯᠢ ᠶᠢᠨ ᠳᠠᠷᠤᠭ᠎ᠠ ᠨᠢ ᠤᠯᠠᠭᠠᠨᠬᠦᠦ ᠪᠠᠶᠢᠵᠠᠢ᠃︶ ᠰᠣᠷᠣᠯᠭ᠎ᠠ ᠳᠡᠭᠦᠰᠦᠭᠰᠡᠨ ᠤ ᠳᠠᠷᠠᠭ᠎ᠠ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ   ᠲᠤ ᠫᠠᠷᠲ᠋ᠢᠽᠠᠨ ᠳᠠᠶᠢᠨ ᠦᠷᠨᠢᠭᠦᠯᠵᠤ ᠪᠠᠶᠢᠭᠰᠠᠨ 16 ᠳ᠋ᠤᠭᠠᠷ ᠳ᠋ᠢᠸᠢᠽᠢ ᠶᠢᠨ ᠼᠠᠨᠮᠤ ᠶᠢᠨ ᠭᠠᠵᠠᠷ ᠲᠤ ᠠᠵᠢᠯ ᠬᠤᠪᠢᠶᠠᠭᠳᠠᠵᠠᠢ᠃ ᠳ᠋ᠢᠸᠢᠽᠢ ᠶᠢᠨ ᠳᠠᠷᠤᠭ᠎ᠠ ᠨᠢ ᠯᠢᠦ ᠵᠢᠩ ᠫᠢᠩ ︵刘景平︶ ᠭᠡᠵᠤ ᠪᠠᠶᠢᠵᠠᠢ᠃        1947 ᠤᠨ ᠤ 12 ᠰᠠᠷ᠎ᠠ ᠠᠴᠠ1948 ᠤᠨ ᠤ 12 ᠰᠠᠷ᠎ᠠ ᠬᠦᠷᠳᠡᠯ᠎ᠡ ᠬᠤᠪᠢᠰᠬᠠᠯ ᠠᠴᠠ ᠤᠷᠪᠠᠵᠤ ᠭᠤᠮᠢᠨᠳᠠᠩ ᠤᠨ ᠴᠠᠬᠠᠷ ᠮᠤᠵᠢ ᠶᠢᠨ ᠴᠠᠬᠠᠷ  ᠠᠶᠢᠮᠠᠭ ᠤᠨ ᠠᠮᠤᠷ ᠢ ᠬᠠᠮᠠᠭᠠᠯᠠᠬᠤ ᠰᠧᠯᠢᠩᠪᠦ᠋ ᠶᠢᠨ ᠼᠠᠨᠮᠤ  ᠶᠢᠨ ᠭᠠᠵᠠᠷ ᠤᠨ ᠳᠡᠰᠯᠡᠭᠴᠢ ᠬᠤᠷᠠᠨᠳᠠ ︵中校︶ ᠪᠤᠯᠵᠠᠢ᠃ ᠶᠡᠷᠦᠩᠭᠡᠢ ᠰᠧᠯᠢᠩ ᠨᠢ ᠮᠦᠭᠳᠡᠡᠪᠤᠤ ︵穆盖华︶ ᠭᠡᠵᠤ ᠪᠠᠶᠢᠵᠠᠢ᠃ ᠡᠨᠡᠬᠦ ᠬᠤᠭᠤᠴᠠᠭᠠᠨ᠎ᠠ ᠺᠠᠩ ᠪᠤᠤ ︵康保县︶ ᠪᠤᠤ ᠶᠤᠸᠠᠨ ︵宝源县︶ ᠳᠤᠯᠤᠨᠨᠠᠭᠤᠷ ︵多伦县︶ ᠵᠡᠷᠭᠡ ᠰᠢᠶᠠᠨ ᠨᠤᠭᠤᠳ ᠢ ᠬᠠᠮᠠᠭᠠᠯᠠᠬᠤ ᠳᠠᠶᠢᠨ ᠳᠤ  ᠤᠷᠤᠯᠴᠠᠵᠠᠢ᠃ ᠪᠤᠤ ᠶᠤᠸᠠᠨ ᠳᠤ ᠴᠢᠯᠦᠭᠡᠯᠡᠬᠦ ᠴᠡᠷᠢᠭ ᠲᠤ ᠳᠡᠶᠢᠯᠡᠭᠳᠡᠭᠡᠳ ᠤᠬᠤᠷᠢᠵᠤ ᠭᠠᠷᠬᠤ ᠳᠤ ᠭᠢᠨᠳᠠᠨ ᠳᠤ ᠪᠠᠶᠢᠭᠰᠠᠨ ᠴᠢᠯᠦᠭᠡᠯᠡᠬᠦ ᠴᠡᠷᠢᠭ ᠤᠨ ᠲᠦᠷᠪᠡᠨ ᠬᠦᠮᠦᠨ ᠢ ᠠᠯᠠᠬᠤ ᠵᠠᠷᠯᠢᠭ ᠲᠤ  ᠵᠦᠪᠰᠢᠶᠡᠷᠡᠬᠦ ᠭᠠᠷ ᠤᠨ ᠦᠰᠦᠭ ᠵᠢᠷᠤᠵᠠᠢ᠃ ᠬᠠᠪᠢᠷᠭ᠎ᠠ  ᠶᠢᠨ ᠴᠤᠤ ᠶᠠᠩ ᠭᠤᠤ  ︵朝阳沟︶ ᠶᠢᠨ  ᠪᠠᠶᠢᠯᠳᠤᠭᠠᠨ᠎ᠠ ᠲᠦᠮᠦᠰᠦ ᠶᠢᠨ ᠵᠤᠭᠤᠷᠢ ᠳᠤ ᠨᠢᠭᠤᠭᠳᠠᠭᠰᠠᠨ ᠴᠢᠯᠦᠭᠡᠯᠡᠬᠦ ᠴᠡᠷᠢᠭ ᠤᠨ ᠭᠤᠷᠪᠠᠨ ᠪᠠᠶᠢᠯᠳᠤᠭᠴᠢ ᠶᠢ ᠪᠠᠷᠢᠪᠴᠢᠯᠠᠨ ︽ᠳᠠᠶᠢᠨ ᠤ ᠴᠠᠭ ᠲᠤ ᠤᠯᠵᠠᠯᠠᠭᠰᠠᠳ ᠢ ᠳᠠᠷᠤᠵᠤ ᠶᠠᠪᠤᠬᠤ ᠳᠤ ᠰᠠᠭᠠᠳ ᠭᠠᠷᠤᠮᠤᠢ︾ ᠬᠡᠮᠡᠬᠦ ᠰᠢᠯᠳᠠᠭ ᠢᠶᠠᠷ ᠵᠠᠷᠯᠢᠭ ᠪᠠᠭᠤᠯᠭᠠᠵᠤ ᠵᠠᠮ ᠵᠠᠭᠤᠷ᠎ᠠ ᠬᠦᠨᠦᠭᠡᠵᠠᠢ᠃ ᠳᠡᠷᠡᠴᠢᠯᠡᠨ ᠴᠠᠬᠠᠷ ᠤᠷᠤᠨ ᠳᠤ ᠪᠤᠯᠤᠭᠰᠠᠨ ᠪᠤᠱᠣᠣᠳᠠᠢ᠂ ᠬᠤᠯᠤᠰᠤᠳᠠᠢ᠂ ᠨᠠᠢᠮᠨ ᠶᠢᠨ ᠠᠭᠤᠯᠨ᠂ ᠳᠠᠶᠢᠫᠣᠰᠧ ᠪᠠᠷᠠᠭᠤᠨ ᠭᠠᠷ ᠬᠤᠰᠢᠭᠤ᠂ ᠦᠬᠡᠷᠴᠢᠨ ᠤᠪᠤᠭ᠎ᠠ᠂ ᠬᠠᠶᠢᠷᠬᠠᠨ ᠡᠩᠭᠡᠷ ᠵᠡᠷᠭᠡ ᠶᠢᠨ ᠪᠠᠶᠢᠯᠳᠤᠭᠠᠨ᠎ᠠ ᠪᠦᠷ ᠤᠷᠤᠯᠴᠠᠵᠤ ᠪᠠᠶᠢᠵᠠᠢ᠃      1949 ᠤᠨ ᠤ 1 ᠰᠠᠷ᠎ᠠ ᠠᠴᠠ 1955 ᠣᠨ ᠤ 11 ᠰᠠᠷ᠎ᠠ ᠶᠢᠨ ᠬᠤᠭᠤᠷᠤᠨᠳᠤ ᠮᠢᠩᠭ᠎ᠠ ᠶᠢᠰᠦᠨ ᠵᠠᠭᠤ ᠲᠦᠴᠢᠨ ᠤᠨ ᠤ ᠨᠢᠭᠡᠳᠦᠭᠡᠷ ᠰᠠᠷ᠎ᠠ ᠳᠤ ᠴᠢᠭᠤᠯᠤᠯᠳᠤ ᠬᠠᠭᠠᠯᠠᠭ᠎ᠠ ᠶᠢ ᠴᠢᠯᠦᠭᠡᠯᠡᠬᠦ ᠳᠠᠶᠢᠨ ᠳᠤ ᠪᠠᠷᠢᠪᠴᠢᠯᠠᠭᠳᠠᠪᠠ᠃ ᠭᠡᠪᠡᠴᠦ ᠵᠠᠪᠰᠢᠶᠠᠨ ᠳᠠᠯᠢᠮᠳᠠᠭᠤᠯᠤᠨ ᠳᠤᠳᠠᠭᠠᠵᠤ ᠪᠡᠭᠡᠵᠢᠩ ᠳᠤ ᠬᠦᠷᠴᠦ ᠶᠠᠫᠤᠨ ᠳᠤ ᠬᠠᠮᠳᠤ ᠰᠣᠷᠣᠯᠴᠠᠵᠤ ᠪᠠᠶᠢᠭᠰᠠᠨ ᠨᠠᠶᠢᠵᠨ ᠨᠢ ᠰᠢᠶᠠᠩᠭᠠᠩ ᠳᠤ ᠶᠠᠪᠤᠬᠤ ᠪᠤᠯᠬᠤᠷ ᠲᠡᠭᠦᠨ ᠤ ᠡᠷᠦᠬᠡ ᠠᠮᠠᠨ  ᠳᠠᠩᠰᠠᠨ ᠳᠤ ᠤᠷᠤᠯᠠᠨ ᠤᠷᠤᠵᠤ᠂ ᠨᠡᠷ᠎ᠡ ᠪᠠᠨ ᠴᠧᠨ ᠰᠢ ︵陈析︶ ᠭᠡᠵᠤ ᠮᠠᠨᠵᠤ ᠦᠨᠳᠦᠰᠦᠳᠡᠨ ᠭᠡᠵᠤ ᠪᠤᠷᠤᠭᠤᠯᠠᠵᠤ ᠭᠤᠷᠪᠠᠨ ᠪᠤᠯᠤᠳᠤ ᠳᠡᠷᠭᠡ ᠵᠢᠳᠬᠦᠵᠤ᠂ ᠳᠠᠷᠠᠴᠢᠯᠠᠨ ᠪᠡᠭᠡᠵᠢᠩ ᠬᠤᠳᠠ ᠶᠢᠨ ᠪᠠᠷᠠᠭᠤᠨ ᠳᠤᠭᠤᠷᠢᠭ ᠤᠨ ᠭᠤᠷᠪᠠᠨ  ᠪᠤᠯᠤᠳᠤ ᠳᠡᠷᠭᠡᠴᠢᠨ ᠤ ᠡᠪᠯᠡᠯ ᠤᠨ ᠳᠡᠷᠢᠭᠦᠯᠡᠭᠴᠢ ᠪᠠᠷ ᠠᠵᠢᠯᠯᠠᠵᠠᠢ᠃         1955 ᠣᠨ ᠤ 12 ᠰᠠᠷ᠎ᠠ ᠠᠴᠠ 1975 ᠤᠨ ᠤ 2 ᠰᠠᠷ᠎ᠠ   ᠶᠢᠨ ᠬᠤᠭᠤᠷᠤᠨᠳᠤ ᠮᠢᠩᠭ᠎ᠠ ᠶᠢᠰᠦᠨ ᠵᠠᠭᠤ ᠲᠠᠪᠢᠨ ᠳᠠᠪᠤᠨ  ᠤᠨ᠎ᠠ ᠭᠤᠮᠢᠨᠳᠠᠩ ᠤᠨ ᠴᠠᠬᠠᠷ ᠠᠶᠢᠮᠠᠭ ᠤᠨ ᠨᠢᠭᠡᠳᠦᠭᠡᠷ ᠤᠷᠤᠨ ᠤ ᠠᠮᠤᠷ   ᠢ ᠬᠠᠮᠠᠭᠠᠯᠠᠬᠤ ᠰᠧᠯᠢᠩᠪᠦ᠋ ᠶᠢᠨ ᠠᠬᠠᠮᠠᠳ ᠳᠡᠰᠡᠯᠡᠭᠴᠢ ᠼᠠᠨᠮᠦ ᠪᠠᠶᠢᠭᠰᠠᠨ ᠮᠢᠨᠵᠤᠤᠷ ᠬᠡᠮᠡᠬᠦ ᠳᠤ ᠢᠯᠡᠴᠢᠯᠡᠭᠳᠡᠭᠡᠳ ᠴᠠᠬᠠᠷ ᠠᠶᠢᠮᠠᠭ  ᠤᠨ ᠠᠮᠤᠷ ᠢ ᠬᠠᠮᠠᠭᠠᠯᠠᠬᠤ ᠳᠤᠪᠴᠢᠶᠠᠨ᠎ᠠ ᠪᠠᠷᠢᠪᠴᠢᠯᠠᠭᠳᠠᠵᠠᠢ᠃ ᠡᠨᠡᠬᠦ ᠬᠤᠭᠤᠴᠠᠭᠠᠨ᠎ᠠ ᠨᠠᠮ ᠵᠠᠰᠠᠭ ᠤᠨ ᠬᠦᠮᠦᠵᠢᠯ   ᠢᠶᠠᠷ ᠬᠢᠭᠰᠡᠨ ᠶᠠᠯ᠎ᠠ ᠪᠠᠨ ᠮᠡᠳᠡᠷᠡᠨ ᠳᠠᠨᠢᠵᠤ ᠳᠤᠰᠢᠶᠠᠵᠤ ᠴᠠᠭᠠᠪᠤᠷᠢᠯᠠᠭᠰᠠᠨ ᠪᠤᠯᠬᠤᠷ ︵ ᠳᠠᠪᠤᠨ ᠵᠢᠯ ᠤᠨ ᠬᠤᠭᠤᠴᠠᠭ᠎ᠠ ᠲᠠᠢ ᠪᠠᠷ ᠰᠤᠯᠠᠯᠠᠭᠳᠠᠵᠤ︶ ︵假释︶ ᠲᠡᠷᠢᠭᠦᠨ ᠨᠤᠶᠠᠨ ᠳᠡᠮᠤᠴᠣᠭᠳᠤᠩᠷᠤᠪ ᠬᠡᠮᠡᠭᠴᠢ ᠶᠢᠨ ᠠᠯᠠᠱᠠ ᠳᠤ ᠪᠠᠶᠢᠭᠤᠯᠤᠭᠰᠠᠨ 《 ᠮᠤᠩᠭᠤᠯ ᠤᠨ ᠦᠪᠡᠰᠦᠪᠡᠨ ᠵᠠᠰᠠᠬᠤ ᠤᠷᠳᠤᠨ 》 ᠢ ᠳᠠᠩᠨᠠᠭᠤᠯᠬᠤ ᠪᠠᠷ ᠬᠤᠯᠪᠤᠭ᠎ᠠ ᠠᠪᠬᠤ ᠨᠢᠭᠤᠴᠠ ᠨᠡᠷ᠎ᠡ ᠱᠨ ᠶᠤᠸᠠᠨ ︵沙源︶ ᠬᠡᠮᠡᠨ᠂ ᠠᠯᠠᠱᠠ᠂ ᠪᠠᠶᠠᠨᠨᠠᠭᠤᠷ᠂ ᠬᠦᠬᠡᠨᠠᠭᠤᠷ ᠵᠡᠷᠭᠡ ᠭᠠᠵᠠᠷ ᠤᠳ ᠢᠶᠠᠷ ᠶᠠᠪᠤᠭᠤᠯᠵᠠᠢ᠃ ᠬᠤᠭᠤᠴᠠᠭ᠎ᠠ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭ᠎ᠠ ᠳᠡᠭᠦᠨ ᠤ ᠳᠠᠶᠢᠨ ᠤ ᠶᠠᠯᠠᠳᠠᠨ ᠪᠤᠯᠬᠤ ᠶᠠᠯ᠎ᠠ ᠶᠢ  ᠲᠤᠭᠠᠴᠢᠵᠤ᠂15 ᠵᠢᠯ ᠤᠨ ᠡᠷᠡᠭᠦᠦ ᠶᠢᠨ ᠬᠤᠭᠤᠴᠠᠭ᠎ᠠ ᠲᠠᠢ ᠪᠠᠷ ᠲᠢᠶᠠᠨᠵᠢᠨ ᠬᠤᠳᠠ ᠶᠢᠨ ᠹᠧᠩ ᠨᠠᠨ ᠰᠢᠶᠠᠨ ︵丰南县︶ ᠳᠤ ᠪᠠᠶᠢᠭ᠎ᠠ 《  ᠳᠠᠶᠢᠨ ᠤ ᠶᠠᠯᠠᠳᠠᠨ ᠢ ᠬᠠᠮᠢᠶᠠᠷᠬᠤ ᠭᠠᠵᠠᠷ 》ᠬᠦᠷᠭᠡᠭᠳᠡᠵᠤ ᠳᠠᠯᠠᠢ ᠶᠢᠨ ᠳᠠᠪᠤᠰᠤ ᠬᠠᠮᠤᠬᠤ ᠬᠦᠳᠡᠯᠮᠦᠷᠢ ᠶᠢᠨ ᠦᠭᠡᠷᠡᠴᠢᠯᠡᠯᠳᠡ ᠳᠤ ᠤᠷᠤᠯᠴᠠᠵᠠᠢ᠃           1985 ᠤᠨ ᠤ 4 ᠰᠠᠷ᠎ᠠ ᠳᠤ ᠪᠦᠬᠦ ᠤᠯᠤᠰ ᠤᠨ ᠠᠷᠠᠳ ᠤᠨ ᠲᠦᠯᠦᠭᠡᠯᠡᠭᠴᠢᠳ ᠤᠨ  ᠶᠡᠭᠡ ᠬᠤᠷᠠᠯ ᠤᠨ ᠲᠦᠷᠪᠡᠳᠦᠬᠡᠷ  ᠬᠤᠷᠠᠯᠳᠤᠭᠠᠨ ᠤ ᠬᠤᠶᠠᠳᠤᠭᠠᠷ ᠤᠳᠠᠭᠠᠨ ᠤ ᠪᠠᠶᠢᠩᠭᠤ ᠶᠢᠨ ᠬᠤᠷᠠᠯ ᠤᠨ 《 ᠬᠤᠷᠢᠭᠳᠠᠯ ᠳᠤ ᠪᠠᠶᠢᠭ᠎ᠠ ᠭᠤᠮᠢᠨᠳᠠᠩ ᠤᠨ ᠨᠠᠮ ᠵᠠᠰᠠᠭ ᠤᠨ ᠰᠢᠶᠠᠨ ᠲᠤᠸᠠᠨ ᠠᠴᠠ ᠳᠡᠭᠡᠭᠰᠢᠬᠢ ᠳᠤᠰᠢᠶᠠᠯ ᠲᠠᠢ ᠳᠠᠶᠢᠨ ᠤ ᠶᠠᠯᠠᠳᠠᠨ ᠳᠤ ᠤᠨᠴᠠ ᠠᠭᠤᠴᠢᠯᠠᠯ ᠦᠵᠡᠭᠦᠯᠬᠦ ᠲᠤᠭᠳᠠᠭᠠᠯ  》 ᠢᠶᠠᠷ ᠰᠤᠯᠠᠯᠠᠭᠳᠠᠵᠤ ᠭᠡᠷ ᠲᠡᠭᠡᠨ ᠬᠠᠷᠢᠵᠤ ᠢᠷᠡᠵᠠᠢ  ᠃ ᠬᠤᠶᠠᠷ ᠬᠦᠦ᠂ ᠬᠤᠶᠠᠷ ᠬᠡᠦᠬᠡᠨ ᠲᠠᠢ᠃  ᠶᠡᠭᠡ ᠬᠡᠦᠬᠡᠨ ᠤᠶᠤᠨᠵᠤᠯᠠ ︵陈舒芝︶ ᠪᠡᠭᠡᠵᠢᠩ ᠤᠨ ᠭᠤᠳᠠᠭᠠᠷ ᠪᠠᠷᠢᠯᠭ᠎ᠠ ᠶᠢᠨ ᠭᠦᠩᠰᠧ ᠶᠢᠨ ᠦᠨᠳᠦᠷ ᠵᠡᠷᠭᠡ ᠶᠢᠨ ᠳᠠᠩᠰᠠᠯᠠᠭᠳᠠᠭᠰᠠᠨ ᠢᠨᠵᠧᠨᠧᠷ （注册高级工程师︶᠂  ᠤᠤᠭᠠᠨ ᠬᠦᠦ  ᠳᠠᠯᠠᠶᠢᠪᠠᠭᠠᠳᠤᠷ᠂ ᠬᠡᠦᠬᠡᠨ‌ᠨᠠᠷᠠᠩᠭᠤᠸ᠎ᠠ ᠪᠦᠷ ᠮᠠᠯᠴᠢᠨ᠃ ᠣᠳᠬᠤᠨ ᠬᠦᠦ ᠡᠷᠳᠡᠨᠢᠪᠠᠶᠠᠷ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠲᠦᠯᠦᠭᠡᠯᠡᠭᠴᠢᠳ ᠤᠨ ᠶᠡᠭᠡ ᠬᠤᠷᠠᠯ  ᠤᠨ ᠨᠠᠷᠢᠨ ᠪᠢᠴᠢᠭ ᠤᠨ ᠳᠡᠳ᠋ ᠳᠠᠷᠤᠭ᠎ᠠ ᠪᠠᠷ ᠠᠵᠢᠯᠯᠠᠵᠤ ᠪᠠᠶᠢᠵᠠᠢ᠃  ᠡᠨᠡ ᠪᠤᠯ ᠳᠠᠶᠢᠨ ᠤ ᠶᠠᠯᠠᠳᠠᠨ ᠤ ᠦᠷ᠎ᠡ ᠬᠡᠦᠬᠡᠳ ᠲᠤ ᠠᠷᠠᠳ ᠤᠨ ᠶᠠᠪᠤᠳᠠᠯ ᠤᠨ ᠶᠠᠮᠤᠨ ᠠᠴᠠ ᠤᠯᠭᠤᠵᠤ ᠦᠭᠭᠦᠭᠰᠡᠨ ᠬᠠᠷᠠᠭᠠᠯᠵᠠᠯ ᠮᠦᠨ᠃ ᠠᠴᠢ ᠵᠢᠴᠢ ᠤᠮᠪᠤᠯᠤ ᠳᠤᠮᠪᠤᠯᠤ ᠨᠠᠷ ᠭᠤᠴᠢᠭᠠᠳ ᠬᠦᠮᠦᠨ ᠪᠤᠯᠤᠨ ᠪᠤᠶᠢᠵᠢᠵᠤ ᠳ᠋ᠤᠺᠲ᠋ᠤᠷ᠂ ᠶᠡᠭᠡ ᠰᠣᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ᠂ ᠰᠣᠳᠣᠯᠬᠤ ᠰᠤᠷᠤᠭᠴᠢ᠂ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ᠂ ᠶᠡᠭᠡ ᠳᠤᠮᠳᠠᠳᠤ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠶᠢᠨ ᠰᠣᠷᠣᠭᠴᠢᠳ ᠤᠯᠠᠨ ᠪᠤᠢ᠃      
  
ᠢᠷᠡᠯᠲᠡ᠄ ᠰᠢᠯᠤᠭᠤᠨ ᠬᠥᠬᠡ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠮᠤᠩᠭᠤᠯ ᠰᠥᠯᠵᠢᠶ᠎ᠡ
 
 
ᠬᠠᠮᠢᠶ᠎ᠠ ᠪᠥᠬᠦᠢ ᠰᠤᠨᠢᠨ
  
ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠠᠴᠠ ᠭᠤᠤᠯᠴᠢᠯᠠᠨ ᠡᠷᠬᠢᠯᠡᠪᠡ ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠠᠯᠪᠠᠨ ᠲᠢᠩᠬᠢᠮ ᠠᠴᠠ ᠲᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠪᠡ ᠃ ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠮᠡᠷᠭᠡᠵᠢᠯ ᠬᠠᠩᠭᠠᠪᠠ᠃ ᠰᠢᠤᠳᠠᠨ ᠳ᠋ᠤᠭᠠᠷ: 010098    蒙ICP备05000248号