| | | | ᠶᠦᠩᠰᠢᠶᠡᠪᠦ ·ᠲᠡᠭᠦᠰᠴᠡᠴᠡᠭ | ᠠᠨᠢᠷ ᠦᠬᠡᠢ ᠰᠦᠨᠢ ᠶᠢᠨ ᠨᠢᠯᠬᠠ ᠨᠠᠬᠢᠶᠠ ᠶᠢ ᠡᠩᠬᠦᠷᠡᠶᠢᠯᠡᠵᠦ | ᠠᠶᠠᠰ ᠦᠶᠡᠰᠬᠢᠨ ᠪᠤᠷᠤᠭᠠᠨ ᠤ ᠨᠠᠷᠢᠨ ᠲᠤᠰᠤᠯ ᠤᠳ ᠨᠢᠰᠦᠯᠳᠦᠨᠡ | ᠤᠶᠠᠷᠠᠮᠠᠷ ᠵᠦᠬᠡᠯᠡᠨ — ᠠᠩᠬᠠᠨ ᠤ ᠪᠤᠷᠤᠭᠠᠨ ᠰᠡᠳᠬᠢᠯ ᠳᠤ ᠨᠢᠬᠡ ᠯᠠ ᠲᠠᠭᠠᠳᠠᠢ | ᠤᠷᠠᠨ ᠭᠤᠶᠢᠳᠠ ᠲᠤᠷᠠ ᠪᠤᠯᠢᠶᠠᠮᠠ | ᠰᠠᠶᠢᠬᠠᠨ ᠴᠢᠨᠤ ᠮᠢᠨᠢ ᠬᠠᠷᠠᠴᠠᠨ ᠳᠤ | ᠰᠠᠯᠬᠢᠨ ᠠᠴᠠ ᠪᠤᠰᠤᠳ ᠨᠢ ᠵᠢᠭᠤᠳᠠᠵᠦ ᠴᠢᠳᠠᠳᠠᠭ ᠦᠬᠡᠢ ᠨᠢ ᠦᠨᠡᠨ ᠶᠤᠮ ᠪᠢᠯᠡ ᠤᠤ | ᠮᠤᠳᠤᠳ ᠬᠦᠯᠦᠬᠡᠯᠡᠵᠦ ᠡᠪᠡᠰᠦ ᠨᠤᠭᠤᠭᠠᠷᠠᠭᠠᠳ | ᠮᠢᠨᠤ ᠯᠠ ᠬᠦᠰᠡᠯ ᠤᠨ ᠠᠶᠠᠯᠠᠭᠤ | ᠶᠠᠭ ᠡᠨᠡ ᠯᠠ ᠭᠱᠠᠨ ᠳᠤ ᠪᠢ ᠵᠢᠷᠦᠬᠡᠨ ᠤ ᠪᠠᠨ ᠲᠤᠭᠳᠤᠯᠤᠯ ᠢ ᠮᠡᠳᠡᠷᠡᠵᠦ | ᠶᠠᠳᠤᠭᠠ ᠶᠢᠨ ᠤᠶᠠᠬᠠᠨ ᠴᠢᠪᠬᠠᠳᠠᠰᠤᠨ ᠠᠴᠠ | ᠶᠠᠮᠠᠷᠬᠠᠨ ᠠᠶᠠᠰ ᠬᠦᠪᠦᠷᠡᠬᠦ ᠶᠢ ᠰᠤᠨᠤᠰᠤᠮᠠᠷ ᠪᠠᠶᠢᠨᠠ | ᠶᠠᠯᠢᠩ ᠮᠦᠩᠬᠦᠨ ᠰᠠᠷᠠᠨ | ᠢᠷᠭᠤᠢ ᠶᠢᠨ ᠴᠡᠩᠭᠡᠷ ᠲᠡᠯᠪᠡᠭᠡ | ᠶᠠᠮᠠᠷᠬᠠᠨ ᠴᠡᠯᠮᠡᠭ ᠲᠡᠭᠷᠢ | ᠶᠠᠮᠠᠷᠬᠠᠨ ᠴᠡᠴᠡᠭ ᠤᠨ ᠰᠤᠳᠤᠨ ᠦᠨᠦᠷ ᠢ ᠰᠠᠨᠠᠭᠳᠠᠭᠤᠯᠤᠨᠠ ᠪᠤᠢ | ᠲᠤᠪ ᠲᠤᠩᠭᠠᠯᠠᠭ ᠠᠭᠠᠷ | ᠴᠡᠭᠡᠵᠢ ᠶᠢ ᠮᠢᠨᠢ ᠠᠷᠢᠭᠤᠰᠬᠠᠵᠦ | ᠲᠤᠤᠱᠳᠠᠢ ᠬᠠᠶᠢᠷᠠ ᠶᠢᠨ ᠰᠡᠳᠬᠢᠯ | ᠬᠡᠨ ᠳᠤ ᠴᠦ ᠶᠤᠮ ᠪᠤᠦ ᠮᠡᠳᠡ᠂ ᠲᠠᠲᠠᠭᠳᠠᠨᠠ | ᠲᠤᠷᠠᠯᠠᠯ ᠤᠨ ᠬᠠᠨ ᠬᠦᠪᠡᠭᠦᠨ ᠮᠢᠨᠢ ᠺᠢᠲ᠋ᠠᠷ ᠲᠤᠭᠯᠠᠭᠠ ᠴᠦ ᠶᠤᠮ ᠰᠢᠭ᠋ | ᠲᠤᠯᠬᠢᠶᠠ ᠨᠠᠮᠤᠭᠤᠬᠠᠨ ᠮᠦᠷᠡᠨ ᠤᠶᠢᠯᠤᠨ ᠲᠠᠪᠠᠯᠭᠠᠯᠠᠬᠤ ᠰᠢᠭ᠋᠂᠂᠂ | ᠵᠦᠬᠡᠯᠡᠬᠡᠨ ᠬᠠᠷᠠᠴᠠ ᠪᠠᠷ ᠰᠢᠷᠳᠡᠭᠰᠡᠭᠡᠷ | ᠡᠨᠡ ᠬᠠᠪᠤᠷ ᠨᠠᠮᠠ ᠶᠢ ᠤᠭᠳᠤᠬᠤ ᠨᠢ ᠳ᠋ᠧ | ᠵᠢᠷᠦᠬᠡ ᠮᠢᠨᠢ ᠲᠠᠩᠴᠢ | ᠲᠠᠶᠢᠪᠤᠩ ᠪᠠᠶᠢᠵᠦ ᠴᠢᠳᠠᠬᠤ ᠦᠬᠡᠢ ᠨᠢ ᠡ | ᠵᠡᠷᠭᠡᠯᠭᠡᠳᠡᠭᠰᠡᠨ ᠬᠦᠬᠡ ᠠᠭᠤᠯᠠᠰ ᠬᠦᠷᠳᠡᠯᠡ ᠴᠤᠤᠷᠢᠶᠠᠳᠤᠨ | ᠵᠦᠩ ᠪᠢᠯᠢᠭ ᠣᠨᠮᠠᠨᠠᠨ ᠬᠦᠰᠢᠬᠡᠯᠡᠨᠡ | ᠡᠷᠭᠡᠰ ᠤᠨ ᠴᠡᠩᠬᠡᠷ ᠤᠳᠤᠳ ᠤᠨ ᠲᠤᠶᠠᠭᠠᠨ ᠳᠤ | ᠡᠷᠳᠡᠨ ᠤ ᠰᠤᠩᠭᠤᠳᠠᠭ ᠷᠤᠮᠠᠨ ᠰᠢᠭ᠋ | ᠡᠭᠡᠯ ᠦᠬᠡᠢ ᠴᠢ ᠯᠠ | ᠲᠠᠭᠠᠯᠠᠰᠢ ᠦᠬᠡᠢ ᠡᠷᠬᠢᠮᠰᠦᠭ ᠡ | ᠦᠨᠡᠨ ᠳᠡᠭᠡᠨ ᠴᠢ ᠠᠷᠢᠭᠤᠰᠤᠯ ᠤᠨ ᠬᠡᠬᠡᠨᠰᠤᠳᠤᠷ ᠶᠤᠮ | ᠤᠨᠳᠤᠷᠬᠤ ᠦᠬᠡᠰ ᠤᠨ ᠮᠢᠨᠢ ᠬᠠᠯᠬᠢᠶᠠ ᠶᠤᠮ ᠡ | ᠦᠵᠦᠭ ᠮᠢᠨᠢ ᠴᠢᠨᠤ ᠵᠢᠷᠤᠭᠠᠴᠢ ᠶᠤᠮ | ᠦᠪᠡᠷ ᠢᠶᠠᠨ ᠪᠢ ᠨᠢᠯ ᠶᠠᠭᠠᠨ ᠰᠠᠷᠠᠨᠠᠢ | ᠬᠤᠭᠤᠷ ᠤᠨ ᠡᠭᠡᠰᠢᠭ ᠰᠤᠨᠤᠷ ᠮᠢᠯᠢᠶᠠᠵᠦ | ᠬᠦᠬᠡᠮᠳᠦᠭ ᠤᠭᠳᠠᠷᠭᠤᠢ ᠲᠡᠭᠡᠪᠦᠷ ᠮᠢᠨᠢ ᠪᠤᠯᠵᠦ | ᠬᠠᠳᠠᠭ ᠤᠨ ᠰᠠᠬᠢᠭᠤᠰᠤ ᠲᠠᠢ ᠲᠤᠭᠤᠨᠤ ᠪᠠᠷ ᠨᠠᠷᠠᠨ ᠬᠡᠶᠢᠵᠦ | ᠬᠦᠬᠡ ᠲᠤᠷᠭᠠᠨ ᠲᠡᠷᠯᠢᠭ ᠤᠨ ᠨᠢᠮᠬᠡᠨ ᠬᠡ ᠲᠤᠷᠠᠶᠢᠬᠤ ᠳᠤ | ᠴᠡᠴᠡᠭᠡᠰ ᠤᠨ ᠮᠡᠯᠮᠡᠢ ᠶᠢ ᠵᠠᠶᠢᠷᠳᠠᠭᠤᠯᠤᠨ | ᠴᠡᠪᠡᠷᠬᠡᠨ ᠦᠷᠯᠦᠬᠡᠨ ᠤ ᠰᠢᠬᠦᠳᠡᠷᠢ ᠲᠠᠭᠤᠴᠢᠵᠦ | ᠲᠤᠪᠯᠠᠭᠠ ᠦᠬᠡᠢ ᠪᠤᠯᠵᠤᠭᠠᠨ ᠳᠤ ᠬᠡᠵᠢᠬᠡ ᠪᠠᠨ ᠭᠤᠶᠤᠭᠠᠳ | ᠲᠡᠪᠡᠯ ᠮᠠᠯᠠᠭᠠᠢ ᠳᠤ ᠴᠢᠨᠢ ᠭᠤᠨᠢᠭ ᠤᠨ ᠬᠢᠷᠠᠭᠤ ᠤᠨᠠᠭᠠᠯ ᠦᠬᠡᠢ | ᠡᠷᠬᠡ ᠦᠬᠡᠢ ᠵᠠᠳᠠᠯᠤᠭᠰᠠᠨ ᠬᠠᠶᠢᠷᠠ ᠪᠠᠨᠡᠩᠭᠡᠷ ᠲᠤ ᠴᠢᠨᠢ ᠲᠤᠪᠴᠢᠯᠠᠭᠠᠳ | ᠠᠳᠡᠭᠦᠷᠡᠵᠦ ᠲᠠᠨᠢᠭᠠ ᠦᠬᠡᠢ ᠴᠢᠮᠠ ᠳᠠᠭᠠᠨ ᠯᠠ ᠪᠢ ᠤᠴᠢᠨᠠ ᠡ︕ | | | | | | | | ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶ᠋ᠢᠭ᠄ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠲᠧᠯᠸᠢᠰ ᠬᠤᠷᠢᠶᠠ | | | |