ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠣᠶᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠱᠠᠩᠳᠤ ᠶᠢᠨ ᠭᠤᠣᠯ 
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2018/6/11
                               ᠡ᠊ · ᠤᠷᠬᠢᠯ                                                                                                              ᠡᠴᠢᠨ᠎ᠠ ᠬᠤᠯᠠ ᠠᠴᠠ ᠤᠷᠤᠰᠤᠨ ᠢᠷᠠᠨ᠎ᠠ᠃ ᠡᠷᠲᠡᠨ ᠤ ᠪᠠᠭᠠᠳᠤᠷᠴᠤᠳ ᠤᠨ ᠵᠢᠷᠤᠭᠡᠨ ᠲᠤᠮᠳᠠᠭᠤᠷ ᠤᠷᠤᠰᠤᠨ ᠢᠷᠡᠭᠰᠡᠨ ᠶᠤᠮ ᠁  ᠦᠨᠤᠳᠤᠷ ᠪᠠᠰᠠ ᠯᠠ ᠡᠴᠢᠨ᠎ᠠ ᠬᠤᠯᠠ ᠠᠴᠠ ᠢᠷᠡᠭᠡᠳ ᠪᠢᠳᠡᠨ ᠤ ᠴᠢᠰᠤᠨ ᠰᠤᠳᠠᠯ ᠢᠶᠠᠷ ᠣᠷᠣᠰᠣᠨ ᠦᠩᠬᠡᠷᠡᠬᠦ ᠡᠬᠡ ᠮᠤᠩᠭᠤᠯ ᠨᠤᠲᠤᠭ ᠤᠨ  ᠮᠢᠨᠢ ᠡᠭᠡᠯ ᠨᠢᠭᠡᠨ ᠭᠤᠣᠯ ᠪᠢᠯᠡ᠃ ᠲᠡᠭᠷᠢ ᠭᠠᠵᠠᠷ ᠤᠨ ᠲᠤᠮᠳᠠᠭᠤᠷ ᠲᠠᠪᠬᠢᠨ ᠦᠩᠭᠡᠷᠡᠬᠦ ᠣᠨ ᠵᠢᠯ ᠢ ᠤᠰᠤᠨ ᠲᠡᠭᠡᠷ᠎ᠡ ᠪᠠᠨ ᠪᠢᠴᠢᠭᠰᠡᠭᠡᠷ ᠯᠡ ᠤᠷᠤᠰᠤᠨ᠎ᠡ᠃ ᠰᠢᠷᠭᠠᠯᠬᠠᠨ ᠬᠤᠷᠸ᠎ᠠ ᠶᠢᠨ ᠠᠮᠢᠳᠠᠨ ᠵᠢᠷᠭᠤᠭᠠᠨ ᠵᠦᠢᠯ ᠢ ᠤᠮᠳᠠᠯᠠᠵᠦ ᠤᠷᠤᠰᠤᠭᠰᠠᠨ ᠡᠭᠡᠯ ᠤᠨ ᠡᠭᠡᠯᠭᠡᠨ ᠱᠠᠩᠳᠦ  ᠶᠢᠨ ᠭᠤᠤᠯ  ᠬᠤᠷᠸ᠎ᠠ ᠶᠢᠨ ᠳᠡᠤᠬᠡ ᠶᠢ ᠴᠠᠭ ᠢᠮᠠᠭᠳᠠ ᠪᠢᠴᠢᠭᠯᠡᠭᠰᠡᠭᠡᠷ ᠯᠡ ᠤᠷᠤᠰᠤᠨ᠎ᠡ᠃ ᠦᠪᠤᠷ ᠮᠤᠩᠭᠤᠯ  ᠤᠷᠤᠨ   ᠤ ᠮᠠᠨᠢ ᠭᠠᠳᠠᠭᠠᠳᠤ ᠤᠷᠤᠰᠬᠠᠯᠳᠤ ᠵᠢᠷᠭᠤᠭᠠᠨ ᠶᠡᠭᠡ ᠭᠤᠣᠯ ᠲᠠᠯᠠᠢ ᠳᠤ ᠴᠢᠳᠬᠤᠳᠠᠭ᠃ ᠦᠪᠤᠷ ᠮᠤᠩᠭᠤᠯ ᠤᠨ ᠵᠡᠭᠦᠨ ᠭᠡᠰᠡᠭ ᠠᠴᠠ ᠡᠷᠭᠦᠨ᠎ᠡ ᠭᠤᠣᠯ᠂ ᠨᠤᠨ ᠮᠦᠷᠡᠨ᠂ ᠯᠢᠶᠤᠤᠾᠧ ᠭᠤᠣᠯ᠂ ᠯᠤᠸᠠᠨ ᠾᠧ ᠭᠤᠣᠯ ᠂ ᠶᠦᠨ ᠳ᠋ᠢᠩ ᠾᠧ ᠭᠤᠣᠯ᠂ ᠬᠠᠳᠤᠨ ᠭᠤᠣᠯ ᠵᠡᠷᠭᠡ ᠶᠢ ᠵᠢᠷᠭᠤᠭᠠᠨ ᠭᠠᠳᠠᠭᠠᠳᠤ ᠤᠷᠤᠰᠬᠠᠯᠳᠤ ᠤᠰᠤᠨ ᠤ ᠰᠢᠰᠲ᠋ᠧᠮ ᠭᠡᠵᠤ ᠦᠵᠡᠳᠡᠭ᠃ ᠡᠳᠡᠭᠡᠷ ᠭᠤᠣᠯ ᠤᠳ ᠤᠬᠤᠼᠺ ᠲᠠᠩᠬᠢᠰ᠂ ᠪᠦᠸᠧᠬᠠᠢ ᠲᠠᠩᠬᠢᠰ ᠳᠤ  ᠴᠢᠳᠬᠤᠳᠠᠭ ᠠᠵᠢ᠃  ᠱᠠᠩᠳᠦ ᠶᠢᠨ ᠭᠤᠤᠯ ᠮᠠᠨᠢ ᠯᠤᠸᠠᠨ ᠾᠧ  ᠭᠤᠤᠯ ᠮᠦᠨ ᠪᠠᠶᠢᠭᠰᠠᠨ ᠢᠶᠠᠷ ᠢᠶᠠᠨ ᠵᠢᠷᠭᠤᠭᠠᠨ ᠭᠠᠳᠠᠭᠠᠳᠤ ᠤᠷᠤᠰᠬᠠᠯᠳᠦ ᠤᠰᠤᠨ ᠤ ᠰᠢᠰᠲ᠋ᠧᠮ ᠳᠤ ᠶᠠᠷᠢᠶᠠᠨ ᠦᠭᠡᠢ ᠪᠠᠭᠳᠠᠬᠤ ᠠᠵᠢ᠃        ᠬᠦᠷᠦᠰᠦᠳᠦ ᠠᠯᠳᠠᠨ ᠳᠡᠯᠡᠭᠡᠢ ᠶᠢᠨ ᠢᠶᠠᠨ ᠴᠢᠰᠤᠨ ᠰᠤᠳᠠᠰᠤ ᠪᠤᠯᠵᠦ᠂ ᠬᠦᠮᠦᠨ ᠵᠤᠨ   ᠤ ᠪᠠᠨ ᠰᠦᠨ ᠳᠡᠵᠢᠭᠡᠯ ᠪᠤᠯᠤᠭᠰᠠᠨ ᠱᠠᠩᠳᠦ ᠶᠢᠨ ᠭᠤᠤᠯ ᠮᠢᠨᠢ ᠰᠤᠳᠤᠷ ᠤᠨ ᠠᠯᠳᠠᠨ ᠬᠠᠭᠤᠳᠠᠰᠤᠨ ᠳᠤ ᠳᠡᠮᠳᠡᠭᠯᠡᠯ ᠲᠠᠢ᠃  ︽ᠬᠠᠨ ᠤᠯᠤᠰ ᠤᠨ ᠰᠤᠳᠤᠷ︾ ᠲᠤ ᠱᠠᠩᠳᠤ ᠶᠢᠨ ᠭᠤᠣᠯ ᠤᠨ ᠡᠷᠲᠡᠨ ᠤ ᠨᠡᠷ᠎ᠡ ᠨᠢ ᠬᠢᠳᠡᠳ ᠢᠶᠠᠷ渜水 ᠪᠤᠶᠤ濡（nuán）水 ᠭᠡᠮᠡᠨ ᠲᠡᠮᠳᠡᠭᠯᠡᠵᠦ ᠪᠠᠶᠢᠨ᠎ᠠ᠃ ᠲᠤᠯᠠᠭᠠᠨ ᠣᠰᠣ᠂ ᠬᠠᠯᠠᠭᠤᠨ ᠭᠤᠣᠯ ᠭᠡᠰᠡᠨ ᠤᠳᠬ᠎ᠠ ᠲᠠᠢ ᠠᠵᠢ᠃ ᠡᠬᠢ ᠠᠪᠴᠤ ᠪᠠᠶᠢᠭ᠎ᠠ ᠤᠨᠳᠤᠷᠤᠭ᠎ᠠ ᠭᠠᠵᠠᠷ ᠨᠢ ᠮᠠᠰᠢ ᠤᠯᠠᠨ ᠬᠠᠯᠠᠭᠤᠨ ᠷᠠᠰᠢᠶᠠᠨ ᠪᠤᠯᠠᠭ ᠲᠠᠢ ᠪᠠᠶᠢᠳᠠᠭ  ᠃  ᠷᠠᠰᠢᠶᠠᠨ ᠪᠤᠯᠠᠭ ᠤᠨ ᠡᠬᠢ ᠤᠨᠳᠤᠷᠤᠭ᠎ᠠ ᠲᠠᠢ᠂ ᠠᠮᠢᠨ ᠳᠡᠮ ᠤᠨ ᠳᠠᠩᠰᠤᠭ ᠰᠢᠮ᠎ᠡ ᠲᠠᠢ ᠱᠠᠩᠳᠦ ᠶᠢᠨ ᠭᠤᠤᠯ ᠢ ᠮᠠᠨᠢ ᠳᠠᠩ ᠤᠯᠤᠰ ᠤᠨ ᠡᠬᠢᠨ ᠤ ᠦᠶᠠᠰ ᠯᠤᠸᠠᠨ ᠾᠧ ᠭᠤᠣᠯ  ᠭᠡᠵᠤ ᠨᠡᠷᠡᠯᠡᠨ᠂ ᠡᠨᠡ ᠨᠢ ᠤᠯᠠᠨ ᠭᠤᠣᠯ ᠭᠡᠰᠡᠨ ᠤᠳᠬ᠎ᠠ ᠲᠠᠢ  ᠠᠵᠢ᠃ ᠡᠨᠡ ᠨᠢ ᠶᠡᠭᠡ ᠵᠦᠪ ᠤᠨᠤᠪᠴᠢᠳᠠᠢ ᠨᠡᠷᠡᠯᠡᠭᠰᠡᠨ ᠡᠷᠲᠡ ᠶᠢᠨ ᠨᠡᠷ᠎ᠡ  ᠪᠤᠯᠬᠤ ᠶᠤᠮ᠃ ᠡᠷᠲᠡᠨ ᠤ ᠭᠦᠮᠤᠰ ᠱᠠᠩᠳᠤ ᠶᠢᠨ ᠭᠤᠣᠯ ᠤᠨ ᠪᠦᠬᠦ ᠤᠷᠤᠰᠬᠠᠯ ᠢ ᠯᠤᠸᠠᠨ ᠾᠧ ᠭᠤᠣᠯ ᠭᠡᠵᠤ ᠲᠠᠭᠤᠳᠠᠳᠠᠭ ᠪᠠᠶᠢᠵᠠᠢ᠃ ᠶᠤᠸᠠᠨ ᠤᠯᠤᠰ ᠤᠨ ᠦᠶᠠᠰ ᠢᠦᠢ ᠾᠧ  ᠭᠤᠤᠯ  ︵御河︶ ᠪᠤᠯᠵᠤ᠂ ᠡᠨᠡ ᠨᠢ ᠬᠠᠭᠠᠨ ᠭᠤᠣᠯ ᠪᠤᠶᠤ ᠬᠠᠰᠢᠯᠭ᠎ᠠ ᠭᠤᠣᠯ᠂ ᠲᠡᠭᠡᠳᠤ ᠨᠡᠶᠢᠰᠯᠠᠯ ᠤᠨ ᠭᠤᠣᠯ ᠭᠡᠳᠡᠭ ᠤᠳᠬ᠎ᠠ ᠲᠠᠢ᠃ ᠰᠡᠭᠦᠯ ᠤᠨ ᠦᠶ᠎ᠠ ᠶᠢᠨ ᠭᠦᠮᠤᠰ上都河 ᠭᠡᠳᠡᠭ ᠬᠢᠳᠡᠳ ᠦᠭᠡ ᠶᠢ ᠰᠢᠭᠤᠳ ᠱᠠᠩᠳᠤ ᠶᠢᠨ ᠭᠤᠣᠯ ᠪᠤᠯᠭᠠᠨ ᠲᠠᠭᠤᠳᠠᠭᠰᠠᠨ ᠨᠢ ᠲᠤᠳᠤᠷᠬᠠᠢ ᠪᠠᠶᠢᠨ᠎ᠠ᠃ ᠮᠠᠨᠠᠶᠢᠬᠢᠨ ᠤ ᠱᠠᠩᠳᠤ ᠶᠢᠨ ᠭᠤᠣᠯ ᠶᠢ ᠱᠠᠩᠳᠠ ᠶᠢᠨ ᠭᠤᠣᠯ ᠭᠡᠳᠡᠭ ᠨᠡᠷ᠎ᠡ ᠲᠠᠢ ᠪᠠᠶᠢᠵᠤ ᠮᠠᠭᠠᠳ ᠬᠡᠮᠡᠨ ᠲᠠᠭᠠᠮᠠᠭᠯᠠᠳᠠᠭ᠃ ᠡᠨᠡ ᠲᠠᠭᠠᠮᠠᠭ ᠤᠨᠤᠪᠴᠢ ᠦᠭᠡᠢ ᠶᠤᠮ᠃ ᠱᠠᠩᠳᠤ ᠭᠡᠳᠡᠭ ᠦᠭᠡ ᠨᠢ ᠮᠤᠩᠭᠤᠯ ᠦᠭᠡ ᠪᠢᠰᠢ᠃上都 ᠬᠡᠰᠡᠨ ᠬᠢᠳᠡᠳ ᠦᠭᠡ ᠶᠢᠨ  ᠮᠢᠬᠠᠴᠢᠯᠠᠭᠰᠠᠨ ᠮᠤᠩᠭᠤᠯ ᠦᠭᠡ᠃ ᠱᠠᠩᠳᠦ ᠶᠢᠨ ᠭᠤᠤᠯ ᠡᠯᠡᠰᠦ ᠮᠠᠩᠬᠠᠨ ᠤ ᠡᠭᠡ ᠨᠤᠲᠤᠭ ᠤᠨ ᠮᠢᠨᠢ ᠠᠮᠢᠨ ᠰᠤᠳᠠᠰᠤ ᠪᠤᠯᠵᠦ ᠦᠶ᠎ᠡ ᠶᠢᠨ ᠦᠶ᠎ᠡ ︽ᠦᠭᠡ ᠳᠠᠭᠤ ᠦᠭᠡᠢ︾ ᠤᠷᠤᠰᠤᠭᠰᠠᠭᠠᠷ  ᠁  ᠦᠯᠢᠭᠡᠷ ᠬᠦᠤᠷᠨᠢᠨ ᠤᠷᠤᠰᠤᠭᠰᠠᠭᠠᠷ  ᠁                 ᠲᠤᠬᠠᠢ  ᠶᠢᠨ ᠴᠠᠭ ᠦᠶ᠎ᠠ ᠠᠴᠠ ᠪᠠᠨ ᠪᠤᠯᠤᠭᠠᠳ ᠭᠠᠵᠠᠷ ᠤᠨ ᠨᠡᠷ᠎ᠡ ᠶᠢᠨ ᠬᠤᠪᠢᠷᠠᠯᠳᠠ ᠠᠴᠠ ᠰᠢᠯᠳᠠᠭᠠᠯᠠᠵᠤ ᠯᠤᠸᠠᠨ ᠾᠧ ᠭᠤᠣᠯ ᠤᠨ ᠡᠯ᠎ᠡ ᠭᠡᠰᠡᠭ ᠢ ᠶᠠᠩᠵᠤ ᠶᠠᠩᠵᠤ ᠪᠠᠷ ᠨᠡᠷᠡᠯᠡᠵᠤ ᠪᠠᠶᠢᠵᠠᠢ᠃ ᠾᠧᠪᠸᠢ ᠮᠤᠵᠢ ᠶᠢᠨ ᠹᠧᠩᠨᠢᠩ ᠤᠨ ᠮᠠᠨᠵᠤ᠂ ᠮᠤᠩᠭᠤᠯ ᠦᠨᠳᠤᠰᠤᠳᠠᠨ ᠤ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠰᠢᠶᠠᠨ ᠤ ᠢᠮᠠᠭᠠᠳᠤ ᠠᠭᠤᠯᠠ᠂ ᠬᠠᠯᠢᠭᠤᠨ ᠠᠭᠤᠯᠠ ᠶᠢᠨ ᠠᠷᠤ ᠬᠤᠷᠮᠤᠢ ᠠᠴᠠ ᠡᠭᠢ ᠠᠪᠴᠤ ᠡᠮᠤᠨ᠎ᠡ ᠠᠴᠠ ᠬᠤᠶᠢᠰᠢ ᠤᠷᠤᠰᠴᠤ᠂ ᠭᠦᠶᠤᠸᠠᠨ ᠰᠢᠶᠠᠨ ᠤ ᠭᠡᠰᠡᠭ ᠢ闪电河 ᠭᠡᠵᠤ᠂ ᠰᠢᠯᠤᠭᠤᠨ ᠬᠥᠬᠡ ᠬᠤᠰᠢᠭᠤ ᠪᠠᠷ ᠦᠩᠭᠡᠷᠡᠬᠦ ᠭᠡᠰᠡᠭ ᠢ ᠱᠠᠩᠳᠤ ᠶᠢᠨ ᠭᠤᠣᠯ ᠭᠡᠵᠤ᠂ ᠵᠡᠭᠦᠨᠰᠢ ᠡᠷᠬᠢᠵᠤ᠂ ᠲᠤᠯᠤᠭᠠᠨ ᠨᠠᠭᠤᠷ ᠰᠢᠶᠠᠨ ᠤ ᠬᠡᠰᠡᠭ ᠢ ᠯᠤᠸᠠᠨ ᠾᠧ ᠭᠤᠣᠯ ᠭᠡᠵᠤ᠂ ᠴᠠᠭᠠᠰᠢ ᠨᠢ ᠲᠠᠯᠠᠢ ᠳᠤ ᠴᠢᠳᠬᠤᠳᠠᠯ᠎ᠠ ᠡᠶᠢᠮᠤ ᠨᠡᠷ᠎ᠡ ᠲᠠᠢ᠃ ᠡᠬᠢ ᠠᠪᠤᠭᠰᠠᠨ ᠠᠴᠠ ᠪᠠᠨ ᠠᠪᠤᠭᠠᠳ ᠲᠤᠯᠤᠭᠠᠨ ᠨᠠᠭᠤᠷ ᠤᠨ ᠨᠤᠲᠤᠭ ᠦᠩᠬᠡᠷᠡᠨ ᠲᠠᠬᠢᠨ ᠾᠧᠪᠸᠢ ᠮᠤᠵᠢ ᠤᠨ ᠨᠤᠲᠤᠭ ᠬᠦᠷᠳᠡᠯᠡᠬᠢ ᠬᠡᠰᠡᠭ ᠨᠢ ᠮᠤᠷᠢᠨ ᠲᠤᠭᠤᠷᠠᠢ ᠶᠢᠨ ᠬᠡᠯᠪᠡᠷᠢ ᠲᠠᠢ ᠨᠠᠷᠠ ᠵᠦᠪ ᠡᠷᠬᠢᠨ ᠤᠷᠤᠰᠳᠠᠭ ᠃ ᠨᠠᠷᠠ ᠵᠦᠪ ᠡᠷᠬᠢᠨ᠎ᠡ ᠭᠡᠳᠡᠭ ᠠᠯᠢᠪᠠ ᠵᠦᠢᠯ ᠵᠦᠪ ᠪᠠᠶᠢᠬᠤ ᠶᠢᠨ᠂ ᠡᠶᠡᠷᠬᠦ ᠦᠨᠡᠨ ᠪᠠᠶᠢᠬᠤ ᠶᠢᠨ᠂  ᠡᠷᠴᠢᠰ ᠡᠨᠧᠷᠬᠢ ᠪᠠᠷ ᠳᠦᠬᠦᠷᠡᠩ ᠪᠠᠶᠢᠬᠤ ᠶᠢᠨ ᠪᠡᠯᠭᠡᠳᠡᠯ ᠪᠤᠯᠳᠠᠭ ᠃ ᠭᠤᠤᠯ ᠮᠦᠷᠡᠨ ᠳᠠᠪᠬᠢᠵᠦ ᠪᠠᠶᠢᠭ᠎ᠠ ᠠᠵᠢᠨᠠᠢ ᠬᠦᠯᠦᠭ ᠰᠢᠭ ᠪᠠᠶᠢᠳᠠᠭ ᠶᠤᠮ᠃ ᠯᠤᠸᠠᠨ ᠾᠧ ᠭᠤᠤᠯ ᠾᠧᠪᠸᠢ ᠮᠤᠵᠢ᠂ ᠥᠪᠤᠷ ᠮᠤᠩᠭᠤᠯ ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ᠂ ᠯᠢᠶᠣᠤᠨᠢᠩ ᠮᠤᠵᠢ ᠪᠠᠷ ᠲᠡᠮᠵᠢᠵᠤ ᠪᠦᠬᠦ ᠤᠷᠳᠤ  ᠨᠢ 880kmᠪᠠᠶᠢᠵᠤ᠂ 44945 ᠠᠮᠠ ᠲᠦᠷᠪᠡᠯᠵᠢᠨ ᠭᠠᠵᠠᠷ ᠨᠤᠲᠤᠭ ᠢ ᠡᠵᠡᠯᠡᠬᠦ ᠰᠠᠪᠠ ᠭᠠᠵᠠᠷ ᠤᠨ ᠲᠠᠯᠠᠪᠠᠢ  ᠲᠠᠢ ᠪᠠᠶᠢᠵᠦ᠂ ᠦᠪᠤᠷ ᠮᠤᠩᠭᠤᠯ ᠤᠨ ᠨᠤᠲᠤᠭ ᠲᠠᠬᠢ ᠤᠷᠤᠰᠬᠠᠯ ᠨᠢ 254km᠂ ᠰᠠᠪᠠ ᠭᠠᠵᠠᠷ ᠤᠨ ᠲᠠᠯᠠᠪᠠᠢ  ᠨᠢ 0.69 ᠲᠦᠮᠠᠨ ᠠᠮᠠ ᠲᠦᠷᠪᠡᠯᠵᠢᠨ ᠺᠢᠯᠤᠮᠧᠲᠷ ᠪᠠᠶᠢᠳᠠᠭ ᠠᠵᠢ᠃  ᠯᠤᠸᠠᠨ ᠾᠧ ᠭᠤᠣᠯ ᠨᠢ ᠾᠧᠪᠸᠢ ᠮᠤᠵᠢ ᠶᠢᠨ ᠬᠤᠶᠠᠳᠠᠬᠢ ᠶᠡᠭᠡ ᠭᠤᠣᠯ ᠪᠠᠶᠢᠵᠤ᠂ ᠤᠲᠤ ᠪᠡᠭᠡᠵᠢᠩ᠂ ᠲᠢᠶᠠᠨᠵᠢᠨ ᠤ ᠭᠤᠣᠯ ᠴᠢᠬᠤᠯᠡ ᠴᠡᠪᠡᠷ ᠤᠰᠤᠨ ᠤ ᠡᠬᠢ ᠰᠤᠷᠪᠤᠯᠵᠢ ᠪᠣᠯᠣᠭᠠᠳ ᠪᠠᠶᠢᠨ᠎ᠠ  ᠃ ᠳᠦᠭ ᠳᠦᠮᠡᠨ ᠬᠦᠮᠦᠨ ᠠᠮᠢᠳᠠᠨ ᠢ ᠤᠮᠳᠠᠯᠠᠵᠦ  ᠪᠠᠶᠢᠨ᠎ᠠ ᠭᠡᠳᠡᠭ ᠡᠨᠡ ᠭᠤᠤᠯ ᠤᠨ ᠯᠡ ᠪᠤᠶᠠᠨ᠃ ᠢᠪᠡᠭᠡᠯ ᠳᠤᠨᠢ ᠪᠠᠭᠳᠠᠬᠤ ᠶᠢᠨ ᠴᠢᠨᠡᠭᠡ ᠭᠤᠤᠯ ᠤᠰᠤ ᠪᠠᠨ ᠬᠠᠶᠢᠷᠠᠯᠠᠨ ᠰᠠᠨᠠᠬᠤ ᠰᠡᠳᠬᠢᠯ ᠬᠦᠮᠦᠨ ᠳᠤ ᠬᠡᠷᠡᠭᠳᠠᠢ ᠪᠠᠶᠢᠳᠠᠭ᠂ ᠤᠰᠤ ᠦᠭᠡᠢ ᠪᠤᠯ ᠠᠮᠢᠳᠠᠨ ᠵᠢᠷᠭᠤᠭᠠᠨ ᠵᠦᠢᠯ ᠤᠨ ᠠᠯᠢ ᠨᠢ ᠴᠦ ᠤᠷᠤᠰᠢᠨ ᠳᠤᠭᠳᠠᠨᠢᠬᠤ ᠶᠢᠨ ᠪᠤᠯᠤᠮᠵᠢ ᠦᠭᠡᠢ᠃ ᠤᠰᠤᠨ ᠤ ᠨᠠᠨᠳᠢᠨ ᠴᠢᠨᠠᠷ ᠢ ᠮᠡᠳᠡᠷᠡᠬᠦ ᠶᠠᠭ ᠦᠨᠡᠨ ᠳᠡᠭᠡᠨ ᠠᠮᠢᠳᠤ ᠶᠠᠪᠤᠬᠤ ᠬᠤᠪᠢ ᠵᠠᠶᠠᠭ᠎ᠠ ᠪᠠᠨ ᠮᠡᠳᠡᠷᠡᠬᠦ‍ ᠰᠢᠭ ᠨᠠᠨᠳᠢᠨ᠃                     ᠯᠤᠸᠠᠨ ᠾᠧ ᠭᠤᠣᠯ ᠤᠨ ᠡᠬᠢ ᠤᠨᠳᠤᠷᠤᠭ᠎ᠠ ᠶᠢᠨ ᠲᠤᠬᠠᠢ ᠤᠯᠠᠨ ᠲᠡᠮᠳᠡᠭᠯᠡᠯ ᠪᠠᠶᠢᠳᠠᠭ᠃ ᠲᠡᠭᠡᠳᠤ ᠤᠷᠤᠰᠬᠠᠯ ᠳᠤ大古道沟水 ᠭᠡᠳᠡᠭ ᠭᠠᠵᠠᠷ ᠪᠤᠢ᠂ ᠡᠨᠡ ᠨᠢ ᠶᠡᠭᠡ ᠡᠷᠲᠡᠨ ᠠᠴᠠ ᠨᠡᠷᠡᠯᠡᠵᠤ ᠢᠷᠡᠭᠰᠡᠨ ᠵᠠᠮ ᠶᠢᠨ ᠤᠰᠤ ᠪᠤᠶᠤ ᠵᠢᠯᠠᠭᠠᠳᠤ ᠶᠢᠨ ᠤᠰᠤ ᠭᠡᠳᠡᠭ ᠪᠤᠯᠠᠭ ᠤᠰᠤᠨ ᠤ ᠤᠨᠳᠤᠷᠤᠭ᠎ᠠ ᠶᠢᠨ ᠭᠠᠵᠠᠷ ᠶᠤᠮ ᠃ ᠯᠤᠸᠠᠨ ᠾᠧ ᠭᠤᠣᠯ ᠤᠨ ᠲᠡᠭᠡᠳᠤ ᠡᠬᠢ ᠤᠨᠳᠤᠷᠤᠭ᠎ᠠ ᠶᠢᠨ ᠭᠠᠵᠠᠷ ᠲᠤ ᠵᠢᠯᠠᠭ᠎ᠠ ᠭᠡᠳᠡᠭ ᠨᠡᠷ᠎ᠡ ᠲᠠᠢ ᠭᠠᠵᠠᠷ ᠤᠯᠠᠨ ᠪᠠᠶᠢᠨ᠎ᠠ᠃ ᠬᠤᠶᠠᠷ ᠵᠢᠯᠠᠭᠠᠳᠤ᠂ ᠭᠤᠷᠪᠡᠨ ᠵᠢᠯᠠᠭᠠᠳᠤ᠂ ᠲᠦᠷᠪᠡᠨ ᠵᠢᠯᠠᠭᠠᠳᠤ ᠬᠡᠬᠦ ᠨᠡᠷ᠎ᠡ ᠲᠠᠢ ᠭᠠᠵᠠᠷ ᠲᠤᠰᠬᠤᠨ ᠤᠯᠠᠨ ᠪᠠᠶᠢᠨ᠎ᠠ᠃ ᠪᠢᠳᠡ ᠬᠠᠷ᠎ᠠ ᠶᠠᠷᠢᠶᠠᠨ ᠳᠤ ᠭᠤᠤ ᠵᠢᠯᠠᠭ᠎ᠠ ᠭᠡᠵᠤ ᠶᠠᠷᠢᠳᠠᠭ᠃ 大古道沟水 ᠭᠡᠳᠡᠭ ᠲᠠᠢ ᠶᠠᠭ ᠨᠢᠭᠡᠳᠤᠵᠤ ᠪᠠᠶᠢᠭ᠎ᠠ ᠪᠢᠵᠡ᠃ ᠲᠤᠤᠷᠠᠳᠤ ᠡᠬᠢ ᠤᠨᠳᠤᠷᠤᠭ᠎ᠠ ᠶᠢᠨ ᠭᠠᠵᠠᠷ ᠨᠢ ᠢᠮᠠᠭᠠᠳᠤ ᠠᠭᠤᠯᠠᠨ ᠳᠤ ᠪᠠᠶᠢᠳᠠᠭ᠃  ᠱᠠᠩᠳᠤ ᠶᠢᠨ ᠭᠤᠣᠯ ᠤᠨ ᠡᠬᠢ ᠠᠪᠤᠭᠰᠠᠨ ᠭᠠᠵᠠᠷ ᠨᠢ ᠶᠡᠭᠡ ᠠᠳᠤᠭᠤᠳᠤ ᠶᠢᠨ ᠨᠢᠷᠤᠭᠤ ᠬᠡᠮᠡᠬᠦ ᠬᠦᠨᠳᠡᠯᠡᠨ ᠠᠭᠤᠯᠠ ᠶᠢᠨ ᠠᠷᠤ ᠬᠤᠷᠮᠤᠢ ᠶᠢᠨ ᠠᠭᠤᠯᠠᠰ ᠤᠨ ᠲᠤᠤᠷ᠎ᠠ ᠠᠴᠠ ᠤᠨᠳᠤᠷᠴᠤ ᠪᠠᠶᠢᠨ᠎ᠠ᠃ ᠡᠳᠡᠭᠡᠷ ᠠᠭᠤᠯᠠᠰ ᠤᠨ ᠡᠩᠭᠡᠷ ᠠᠴᠠ ᠡᠬᠢ ᠠᠪᠴᠤ ᠡᠮᠤᠨᠡᠰᠢ ᠤᠷᠤᠰᠴᠤ ᠪᠠᠶᠢᠭ᠎ᠠ ᠲᠦᠷᠪᠡᠨ ᠭᠤᠣᠯ ᠪᠤᠢ᠃ ᠡᠨᠡ ᠨᠢ ᠴᠤ ᠮᠤᠩᠭᠤᠯ ᠨᠡᠷ᠎ᠡ ᠠᠴᠠ ᠤᠯᠠᠷᠢᠵᠤ ᠢᠷᠡᠭᠰᠡᠨ ᠭᠡᠳᠡᠭ ᠨᠢ ᠲᠤᠳᠤᠷᠬᠠᠢ ᠪᠠᠶᠢᠨ᠎ᠠ᠃ ᠵᠢᠯᠠᠭᠠᠳᠤ ᠳᠤ ᠠᠯᠳᠠᠨᠴᠡᠴᠡᠭ ︵ᠠᠯᠳᠠᠩᠬᠤᠸ᠎ᠠ︶ ᠴᠡᠴᠡᠭ ᠠᠯᠳᠠᠷᠠᠩᠬᠠᠨ ᠤᠷᠭᠤᠨ᠎ᠡ᠃ ᠠᠯᠳᠠᠩᠬᠤᠸ᠎ᠠ ᠭᠡᠳᠡᠭ ᠪᠣᠯ ᠠᠯᠳᠠᠩᠯᠢᠩᠬᠤᠸ᠎ᠡ ᠭᠡᠳᠡᠭ ᠦᠭᠡᠨ ᠤ ᠬᠠᠯᠠᠭᠤ ᠪᠢᠴᠢᠯᠭᠡ ᠶᠤᠮ᠃ ᠠᠯᠳᠠᠨᠴᠡᠴᠡᠭ ᠢ ᠲᠥᠪᠡᠳ ᠢᠶᠠᠷ ᠰᠡᠷᠵᠢᠮᠢᠳᠠᠭ ᠭᠡᠳᠡᠭ᠃ ᠠᠯᠳᠠᠩᠬᠤᠸ᠎ᠠ ᠴᠡᠴᠡᠭ ᠱᠠᠩᠳᠦ ᠭᠤᠣᠯ ᠢ ᠭᠦᠪᠡᠭᠡᠳᠡᠨ ᠤᠷᠭᠤᠳᠠᠭ᠃ ᠡᠬᠡ ᠭᠠᠵᠠᠷ ᠢ ᠡᠮᠵᠢᠵᠤ ᠠᠯᠳᠠᠳᠠᠨ ᠤᠷᠭᠤᠳᠠᠭ᠃ ᠵᠣᠨ ᠳᠠᠭᠠᠨ ᠠᠯᠳᠠᠩᠬᠤᠸ᠎ᠠ ᠴᠡᠴᠡᠭᠲᠦ ᠲᠡᠷᠯᠢᠭ ᠢᠶᠠᠷ ᠢᠶᠠᠨ ᠭᠤᠶᠤᠳᠠᠭ  ᠪᠤᠯᠬᠤᠷ ᠱᠠᠩᠳᠦ ᠶᠢᠨ ᠭᠤᠤᠯ ᠵᠠᠯᠠᠭᠤᠬᠠᠨ ᠭᠤᠣᠯ ᠶᠤᠮ ᠡ᠃                 ᠬᠤᠶᠢᠳᠤ ᠸᠧᠢ ᠤᠯᠤᠰ ᠤᠨ ︽ᠤᠰᠤᠨ ᠤ ᠲᠤᠬᠠᠢ ᠰᠤᠲᠤᠷ ᠲᠡᠮᠳᠡᠭᠯᠡᠯ︾ ᠳᠤ ︽ᠯᠤᠸᠠᠨ ᠾᠧ ᠭᠤᠣᠯ ᠨᠢ御夷镇 ᠤᠨ ᠵᠡᠭᠦᠨ ᠡᠮᠤᠨ᠎ᠡ ᠠᠴᠠ ᠤᠨᠳᠤᠷᠴᠤ᠂ ᠬᠤᠶᠠᠷ ᠡᠬᠢ ᠲᠠᠢ ᠬᠤᠣᠰ ᠭᠤᠣᠯ ᠶᠤᠮ ᠃ ᠠᠭᠤᠯᠠ ᠶᠢ ᠤᠷᠢᠶᠠᠨ ᠪᠠᠷᠠᠭᠤᠨ ᠬᠤᠶᠢᠰᠢ ᠤᠷᠤᠰᠤᠭᠠᠳ᠂ ᠠᠭᠤᠯᠠ ᠠᠴᠠ ᠭᠠᠷᠤᠭᠠᠳ ᠨᠢᠭᠡ ᠭᠤᠣᠯ ᠪᠣᠯᠣᠮᠣᠢ︾ ᠬᠡᠮᠡᠨ ᠲᠡᠮᠳᠡᠭᠯᠡᠵᠡᠢ᠃ ᠡᠬᠦᠨ ᠢ ᠤᠲᠤ ᠰᠠᠨᠰᠠᠷ ᠤᠨ ᠵᠢᠷᠤᠭ ᠠᠴᠠ ᠦᠵᠡᠬᠦ ᠳᠤ ᠳᠤᠪ ᠲᠤᠳᠤᠬᠠᠨ ᠬᠤᠶᠠᠷ ᠭᠤᠣᠯ ᠤᠨ ᠡᠬᠢ ᠤᠨᠳᠤᠷᠤᠭ᠎ᠠ᠂ ᠤᠷᠤᠰᠬᠠᠯ ᠭᠤᠯᠳᠤᠷᠢᠯ ᠬᠠᠷᠠᠭᠳᠠᠨ᠎ᠠ᠃ ︽ᠶᠤᠸᠠᠨ ᠤᠯᠤᠰ ᠤᠨ ᠰᠤᠳᠤᠷ︾ ᠲᠤ  ︽ᠯᠤᠸᠠᠨ ᠾᠧ ᠭᠤᠣᠯ ᠨᠢ ᠠᠯᠳᠠᠩᠬᠤᠸ᠎ᠠ ᠶᠢᠨ ᠲᠠᠯ᠎ᠠ ᠠᠴᠠ ᠤᠨᠳᠤᠷᠴᠤ ᠪᠠᠶᠢᠨ᠎ᠠ︾ ᠬᠡᠮᠡᠨ ᠲᠡᠮᠳᠡᠭᠯᠡᠵᠡᠢ᠃ ᠰᠢᠷ᠎ᠠ ᠲᠠᠯ᠎ᠠ ᠠᠴᠠ ᠤᠲᠤ ᠪᠠᠭ᠎ᠠ ᠰᠠᠭ᠎ᠠ ᠨᠠᠮᠤᠭ ᠤᠨ ᠪᠤᠯᠠᠭ ᠤᠨᠳᠤᠷᠴᠤ ᠪᠠᠶᠢᠨ᠎ᠠ᠃ ᠡᠷᠲᠡᠨ ᠳᠤ ᠶᠡᠭᠡ ᠤᠨᠳᠤᠷᠴᠤ ᠪᠠᠶᠢᠭᠰᠠᠨ ᠪᠣᠯᠣᠯᠴᠠᠭ᠎ᠠ ᠲᠠᠢ᠃ ᠪᠤᠯᠠᠭ ᠠᠴᠠ ᠡᠬᠢ ᠲᠠᠢ ᠭᠡᠳᠡᠭ ᠡᠭᠡ ᠳᠡᠯᠡᠭᠡᠢ ᠲᠠᠢ ᠪᠠᠨ ᠬᠦᠢ ᠪᠠᠷ ᠢᠶᠠᠨ ᠬᠤᠯᠪᠤᠭ᠎ᠠ ᠲᠠᠢ ᠠᠮᠢ ᠲᠠᠢ ᠯᠡ ᠭᠡᠰᠡᠨ ᠦᠭᠡ᠃ ᠪᠤᠯᠠᠭ ᠢ ᠮᠤᠩᠭᠤᠯᠴᠤᠳ ᠠᠮᠢ ᠲᠠᠢ ᠭᠡᠵᠦ ᠳᠡᠭᠡᠳᠦᠯᠡᠨ ᠰᠢᠳᠦᠳᠡᠭ ᠡᠷᠳᠡ ᠳᠡᠭᠡᠳᠦ ᠶᠢᠨ ᠤᠯᠠᠮᠵᠢᠯᠠᠯ ᠲᠠᠢ᠃  ᠴᠢᠩ ᠤᠯᠤᠰ ᠤᠨ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠤ ᠴᠢᠳᠠᠭ ᠲᠠᠬᠢ ︽ᠯᠤᠸᠠᠨ ᠾᠧ ᠭᠤᠣᠯ ᠤᠨ ᠡᠬᠢ ᠶᠢ ᠬᠠᠶᠢᠭᠰᠠᠨ ᠲᠡᠮᠳᠡᠭᠯᠡᠯ︾ ᠤᠨ ᠡᠬᠢᠨ ᠳᠤ ︽ᠯᠤᠸᠠᠨ ᠾᠧ ᠭᠤᠣᠯ ᠦᠷᠤᠭᠡᠰᠤᠨ ᠴᠢᠯᠠᠭᠤᠨ ᠬᠠᠭᠠᠯᠭ᠎ᠠ ᠶᠢᠨ ᠭᠠᠳᠠᠨ᠎ᠠ ᠠᠴᠠ ᠡᠬᠢ ᠠᠪᠴᠤ᠂ ᠵᠡᠭᠦᠨ ᠬᠤᠶᠢᠨᠠᠬᠢ ᠵᠠᠭᠤ ᠭᠠᠷᠤᠢ ᠭᠠᠵᠠᠷ ᠤᠨ ᠵᠠᠶᠢᠳᠠᠢ ᠪᠠᠶᠢᠭ᠎ᠠ ᠪᠠᠲᠤ — ᠲᠦᠨᠳᠤᠭᠡᠷ ᠠᠭᠤᠯᠠ ᠶᠢ ᠴᠢᠭᠯᠡᠨ ᠤᠷᠤᠰᠤᠨ᠎ᠡ  ᠁︾ ᠬᠡᠮᠡᠨ ᠲᠡᠮᠳᠡᠭᠯᠡᠵᠡᠢ᠃ ᠡᠨᠡᠬᠦ ᠪᠠᠲᠤ — ᠲᠦᠨᠳᠤᠭᠡᠷ ᠠᠭᠤᠯᠠ ᠨᠢ ᠤᠲᠤ ᠶᠢᠨ ᠹᠧᠩᠨᠢᠩ ᠰᠢᠶᠠᠨ ᠤ ᠳ᠋ᠠ ᠲᠠᠩ ᠪᠠᠯᠭᠠᠰᠤᠨ ᠤ ᠲᠡᠮᠡᠭᠡᠳᠤ ᠭᠤᠣ ᠰᠢᠶᠠᠩ ᠤᠨ ᠦᠷᠤᠭᠡᠰᠤᠨ ᠴᠢᠯᠠᠭᠤ ᠲᠤᠰᠬᠤᠨ ᠤ ᠵᠡᠭᠦᠨ ᠡᠮᠤᠨ᠎ᠡ ᠪᠠᠶᠢᠭ᠎ᠠ ᠲᠠᠯᠠᠢ ᠶᠢᠨ ᠲᠦᠪᠰᠢᠨ ᠠᠴᠠ ᠲᠡᠭᠡᠭᠰᠢ 2206 ᠮᠧᠲᠷ ᠡᠷᠭᠦᠭᠳᠡᠭᠰᠡᠨ ᠬᠢᠩᠭ᠎ᠠ ᠨᠢᠷᠤᠭᠤ ᠠᠭᠤᠯᠠ ᠶᠢ ᠬᠡᠯᠡᠨ᠎ᠡ᠃ ᠵᠠᠷᠢᠮ ᠲᠡᠤᠬᠡ ᠶᠢᠨ ᠨᠣᠮ ᠦᠭᠦᠯᠡᠯ ᠳᠤ小梁山 ᠭᠡᠵᠤ ᠲᠡᠮᠳᠡᠭᠯᠡᠨ᠎ᠡ᠂ ᠡᠨᠡ ᠨᠢ ᠬᠢᠩᠭᠠᠨ ᠠᠭᠤᠯᠠ᠂ ᠬᠢᠩᠭ᠎ᠠ ᠨᠢᠷᠤᠭᠤ᠂ ᠬᠢᠷ᠎ᠠ ᠨᠢᠷᠤᠭᠤ ᠲᠠᠢ ᠠᠭᠤᠯᠠ ᠭᠡᠰᠡᠨ ᠤᠳᠬ᠎ᠠ ᠲᠠᠢ᠃ ᠠᠭᠤᠯᠠ ᠠᠭᠤᠯᠠ ᠶᠢ ᠤᠷᠤᠰᠬᠠᠯ ᠢᠶᠠᠷ ᠢᠶᠠᠨ ᠬᠤᠯᠪᠤᠵᠦ᠂ ᠨᠤᠲᠤᠭ ᠨᠤᠲᠤᠭ ᠢ ᠵᠢᠷᠤᠭ ᠤᠨ ᠪᠤᠯᠭᠠᠵᠦ ᠴᠢᠮᠡᠭᠰᠡᠨ ᠱᠠᠩᠲᠤ ᠶᠢᠨ ᠭᠤᠣᠯ ᠡᠷᠲᠡᠨ ᠤ ᠭᠦᠮᠤᠰ ᠢ ᠤᠮᠳᠠᠯᠠᠵᠤ ᠪᠠᠶᠢᠭᠰᠠᠨ ᠠᠴᠢᠳᠠᠢ ᠭᠤᠣᠯ ᠡ᠃ ᠰᠠᠶᠢᠷ ᠳᠡᠭᠡᠷ᠎ᠡ ᠴᠢᠨᠢ ᠦᠳᠦᠯᠡᠬᠦ ᠰᠢᠪᠠᠭᠤᠨ ᠤ ᠳᠡᠭᠳᠡᠭᠡᠭᠡᠢ ᠰᠢᠭ ᠬᠦᠮᠦᠨ ᠠᠷᠠᠳ ᠴᠢᠨᠢ ᠳᠠᠨ ᠤ ᠪᠠᠨ ᠰᠦᠨ ᠢᠪᠡᠭᠡᠯ ᠳᠤ ᠡᠩᠭᠡ ᠵᠢᠷᠭᠠᠯ᠂  ᠡᠷᠴᠢ ᠬᠦᠴᠦ ᠪᠠᠷ ᠳᠦᠬᠦᠷᠡᠩ ᠵᠢᠷᠭᠠᠨ᠎ᠠ  ᠃ ᠨᠤᠲᠤᠭ ᠡᠵᠡᠨ ᠬᠤᠶᠠᠷ ᠰᠠᠯᠬᠤ ᠶᠢᠨ ᠵᠠᠢ ᠦᠭᠡᠢ ᠤᠷᠴᠢᠯᠠᠩ ᠳᠡᠭᠡᠷ᠎ᠡ  ᠳᠠᠨ ᠢ   ᠪᠠᠨ ᠰᠠᠨᠠᠬᠤ ᠦᠭᠡᠢ ᠶᠠᠪᠤᠴᠢᠬᠠᠬᠤ ᠵᠠᠮ ᠤᠯᠳᠠᠬᠤ ᠦᠭᠡᠢ ᠡ᠃                      ᠲᠤᠯᠤᠨᠨᠠᠭᠤᠷ ᠤᠨ ᠪᠠᠶᠠᠨᠪᠤᠯᠠᠭ ᠤᠨ ᠲᠠᠯ᠎ᠠ ᠲᠡᠭᠡᠷ᠎ᠡ ᠱᠠᠩᠳᠤ ᠶᠢᠨ ᠭᠤᠣᠯ ᠤᠨ ᠶᠡᠭᠡ ᠤᠰᠤᠨ ᠤ ᠪᠡᠯᠴᠢᠷ ᠪᠠᠶᠢᠳᠠᠭ᠃ ᠠᠳᠠ ᠨᠠᠶᠢᠳᠡᠮ ᠳᠠᠭᠠᠨ ᠨᠠᠮᠤᠭ ᠭᠠᠵᠠᠷ ᠶᠡᠭᠡᠳᠡᠢ᠃ ᠶᠡᠭᠡ ᠭᠤᠷᠤᠬᠠᠨ ︵ᠮᠤᠭᠠᠶᠢᠳᠤ ᠶᠢᠨ ᠭᠤᠣᠯ︶᠂ ᠪᠠᠭ᠎ᠠ ᠭᠤᠷᠤᠬᠠᠨ᠂ ᠢᠵᠠᠷ ᠤᠨ ᠭᠤᠣᠯ᠂ ᠨᠠᠷᠠᠨᠪᠤᠯᠠᠭ ᠤᠨ ᠭᠤᠣᠯ᠂ ᠸᠠᠳ ᠤᠨ ᠭᠤᠣᠯ ᠂ ᠬᠠᠪᠴᠢᠯ ᠤᠨ ᠭᠤᠣᠯ ᠵᠡᠷᠬᠡ ᠭᠤᠣᠯ ᠤᠨ ᠴᠢᠳᠬᠤᠯᠠᠩ ᠨᠡᠶᠢᠯᠡᠭᠰᠡᠨ ᠬᠡᠶᠢᠪᠤᠩ ᠭᠤᠣᠯ ᠪᠠᠶᠠᠨᠪᠤᠯᠠᠭ ᠤᠨ ᠲᠠᠯ᠎ᠠ ᠲᠡᠭᠡᠷ᠎ᠡ ᠱᠠᠩᠳᠤ ᠶᠢᠨ ᠭᠤᠣᠯ ᠳᠤ ᠴᠢᠳᠬᠤᠳᠠᠭ᠃ ᠡᠬᠦᠨ ᠠᠴᠠ ᠴᠠᠭᠠᠰᠢ ᠲᠦᠷᠭᠡᠨ ᠭᠤᠣᠯ᠂ ᠦᠷᠳᠡᠭᠡᠨ ᠭᠤᠣᠯ᠂ ᠨᠠᠷᠢᠨ ᠭᠤᠣᠯ ᠁ ᠴᠢᠳᠬᠤᠨ᠎ᠠ᠃ ᠲᠣᠯᠣᠭᠠᠨ ᠨᠠᠭᠤᠷ ᠠᠴᠠ ᠴᠠᠭᠠᠰᠢ ᠲᠠᠯᠠᠢ ᠳᠤ ᠴᠢᠳᠬᠤᠳᠠᠯ᠎ᠠ ᠤᠷᠤᠰᠬᠠᠯ ᠤᠰᠤ ᠨᠢ 1000 ᠠᠮᠠ ᠲᠦᠷᠪᠡᠯᠵᠢᠨ ᠺᠢᠯᠤᠮᠧᠲᠷ ᠠᠴᠠ ᠢᠯᠡᠭᠦᠤ  ᠠᠷᠪᠠᠨ ᠨᠢᠭᠡᠨ ᠶᠡᠭᠡ ᠭᠤᠣᠯ ᠱᠠᠩᠳᠤ ᠶᠢᠨ ᠭᠤᠣᠯ ᠳᠤ ᠤᠷᠤᠰᠬᠠᠯ ᠨᠠᠶᠢᠯᠠᠵᠤ ᠪᠠᠶᠢᠨ᠎ᠠ᠃ ᠡᠭᠦᠨ ᠳᠤ ᠪᠠᠭ᠎ᠠ ᠯᠤᠸᠠᠨ ᠾᠧ᠂ ᠬᠤᠶᠢᠭ ᠤᠨ ᠭᠤᠣᠯ᠂ ᠶᠢᠰᠤᠨ ᠭᠤᠣᠯ ︵ᠣᠣᠯ ᠨᠡᠷ᠎ᠡ ᠨᠢ ᠶᠢᠰᠤᠨ ᠴᠠᠭᠠᠨ ᠴᠢᠯᠠᠭᠤᠳᠤ ᠶᠢᠨ ᠭᠤᠣᠯ ᠭᠡᠳᠡᠭ ᠨᠡᠷ᠎ᠡ ᠲᠠᠢ ᠪᠠᠶᠢᠵᠠᠢ᠃︶ ᠬᠠᠯᠠᠭᠤᠨ ᠭᠤᠣᠯ᠂  ᠦᠬᠡᠷ ᠤᠨ ᠭᠤᠣᠯ᠂ ᠪᠤᠷᠭᠠᠰᠤᠳᠠᠢ ᠶᠢᠨ ᠭᠤᠣᠯ᠂ ᠢᠮᠠᠭᠠᠳᠤ ᠶᠢᠨ ᠭᠤᠣᠯ᠂ ᠲᠤᠳᠢ ᠶᠢᠨ ᠭᠤᠣᠯ᠂ ᠪᠤᠤ ᠾᠧ᠂ ᠰᠠ ᠾᠧ᠂ ᠬᠥᠬᠡ ᠯᠤᠤᠲᠤ ᠶᠢᠨ ᠭᠤᠣᠯ ᠵᠡᠷᠭᠡ ᠴᠢᠳᠬᠤᠨ᠎ᠠ᠃ ᠡᠬᠦᠨ ᠳᠤ ᠶᠡᠭᠡ ᠪᠠᠭ᠎ᠠ ᠭᠤᠣᠯ ᠭᠤᠷᠤᠬ᠎ᠠ ᠶᠢᠨ ᠤᠯᠠᠨ ᠤᠷᠤᠰᠬᠠᠯ ᠨᠠᠶᠢᠯᠡᠭᠰᠡᠨ ᠶᠡᠭᠡ ᠤᠰᠤ ᠲᠠᠢ ᠭᠤᠣᠯ ᠨᠢ ᠶᠢᠰᠤᠨ ᠭᠤᠣᠯ᠂ ᠬᠡᠶᠢᠪᠤᠩ ᠭᠤᠣᠯ᠂ ᠲᠦᠷᠭᠡᠨ ᠭᠤᠣᠯ ᠪᠠᠶᠢᠵᠤ᠂ ᠬᠠᠮᠤᠭ ᠤᠨ ᠤᠷᠳᠤ ᠮᠦᠷᠳᠡᠭᠡᠨ ᠤᠰᠤ ᠶᠡᠭᠡᠳᠠᠢ ᠭᠤᠣᠯ ᠨᠢ ᠬᠥᠬᠡ ᠯᠤᠤᠲᠤ ᠶᠢᠨ ᠭᠤᠣᠯ ᠪᠣᠯᠣᠨ᠎ᠠ᠃  ᠤᠲᠤ ᠱᠠᠩᠲᠤ ᠶᠢᠨ ᠭᠤᠣᠯ ᠲᠤᠯᠤᠭᠠᠨ ᠨᠠᠭᠤᠷ ᠤᠨ ᠨᠤᠲᠤᠭ ᠲᠡᠭᠡᠷ᠎ᠡ ᠭᠦᠷᠴᠦ ᠢᠷᠡᠭᠡᠳ ᠯᠡ ᠰᠠᠶ᠋ᠢ ᠤᠷᠤᠰᠬᠠᠯ ᠲᠠᠢ ᠪᠤᠯᠳᠠᠭ᠃ ᠭᠦᠶᠤᠸᠠᠨ ᠰᠢᠶᠠᠨ ᠤ ᠭᠠᠵᠠᠷ ᠲᠡᠭᠡᠷ᠎ᠡ ᠬᠤᠶᠠᠷ ᠤᠰᠤᠨ ᠴᠦᠭᠦᠷᠤᠮ ᠪᠠᠶᠢᠭᠤᠯᠤᠭᠰᠠᠨ ᠠᠴᠠ ᠬᠤᠶᠢᠰᠢ ᠱᠠᠩᠲᠤ ᠬᠤᠳᠠ ᠶᠢ ᠡᠮᠵᠢᠶᠡᠷᠢᠯᠡᠨ ᠤᠷᠤᠰᠳᠠᠭ ᠱᠠᠩᠲᠤ ᠶᠢᠨ ᠭᠤᠣᠯ ᠤᠨ ᠴᠡᠭᠡᠯ ᠤᠰᠤ ᠲᠠᠢ ᠪᠠᠶᠢᠬᠤ ᠯᠡ ᠲᠡᠳᠤᠢ ᠪᠤᠯᠤᠭᠠᠳ ᠣᠨ ᠤᠳᠠᠵᠠᠢ᠃ ᠯᠤᠸᠠᠨ ᠾᠧ ᠭᠤᠣᠯ ᠤᠨ ᠨᠢᠭᠡ ᠵᠢᠯ ᠳᠤ ᠲᠠᠯᠠᠢ ᠳᠤ ᠴᠢᠳᠬᠤᠬᠤ ᠡᠯᠡᠰᠤ ᠰᠢᠪᠡᠷ ᠤᠨ ᠬᠡᠮᠵᠢᠶ᠎ᠠ ᠨᠢ ᠪᠠᠷᠤᠭ 2270 ᠲᠦᠮᠠᠨ ᠲᠤᠨ ᠪᠠᠶᠢᠳᠠᠭ᠃ ᠱᠠᠩᠳᠦ ᠶᠢᠨ ᠭᠤᠤᠯ ᠮᠢᠨᠢ ᠨᠤᠲᠤᠭ ᠤᠰᠤᠨ ᠤ ᠬᠡᠶᠢᠮᠤᠷᠢ ᠶᠢᠨ ᠭᠤᠣᠯ᠂ ᠠᠮᠢᠳᠠᠨ ᠵᠢᠷᠭᠤᠭᠠᠨ ᠵᠦᠢᠯ ᠤᠨ ᠠᠮᠢᠨ ᠳᠡᠮ ᠪᠣᠯᠣᠭᠰᠠᠨ ᠦᠨᠢ ᠮᠦᠩᠬᠡ ᠶᠢᠨ ᠡᠵᠢ ᠣᠰᠣᠨ ᠪᠢᠯᠡ᠃                    ᠲᠡᠯᠡᠬᠡᠢ ᠶᠢᠨ ᠪᠣᠯᠪᠠᠰᠤᠨ ᠰᠤᠶᠤᠯ ᠤᠨ ᠰᠠᠭᠤᠷᠢᠨ ᠨᠠᠶᠢᠰᠯᠠᠯ ᠤᠳ ᠢ ᠠᠯᠳᠠᠷᠳᠤ ᠭᠤᠣᠯ ᠮᠦᠷᠡᠨ ᠤ ᠰᠠᠪᠠ ᠭᠠᠵᠠᠷ ᠤᠨ ᠥᠩ ᠰᠢᠮᠡᠯᠢᠭ᠂ ᠥᠶᠥᠭ ᠲᠠᠭᠠᠳᠠᠢ ᠭᠠᠵᠠᠷ ᠤᠰᠤᠨ ᠢ ᠰᠤᠩᠭᠤᠵᠤ ᠪᠠᠶᠢᠭᠤᠯᠤᠭᠰᠠᠨ  ᠨᠢ ᠤᠯᠠᠨ᠃ ᠡᠷᠲᠡᠨ ᠠᠴᠠ ᠠᠪᠤᠭᠠᠳ ᠦᠶ᠎ᠡ ᠦᠶ᠎ᠡ ᠶᠢᠨ ᠤᠯᠤᠰ ᠬᠦᠷᠤᠨ ᠤ ᠠᠷᠠᠳ ᠲᠦᠮᠠᠨ ᠱᠠᠩᠳᠤ ᠶᠢᠨ ᠭᠤᠣᠯ ᠤᠨ ᠰᠠᠪᠠ ᠭᠠᠵᠠᠷ ᠲᠠᠭᠠᠤ ᠳᠤ ︽ᠱᠠᠩᠳᠤ ᠶᠢᠨ ᠭᠤᠣᠯ ᠤᠨ ᠪᠣᠯᠪᠠᠰᠤᠨ ᠰᠤᠶᠤᠯ︾ ᠢ ᠪᠤᠢ ᠪᠤᠯᠭᠠᠵᠠᠢ᠃ ᠡᠬᠦᠨ ᠢ ᠤᠲᠤ ᠱᠠᠩᠳᠤ ᠶᠢᠨ ᠭᠤᠣᠯ ᠤᠨ ᠰᠠᠪᠠ ᠭᠠᠵᠠᠷ ᠲᠠᠬᠢ ᠡᠷᠲᠡᠨ ᠤ ᠬᠤᠳᠠ ᠶᠢᠨ ᠪᠠᠭᠤᠷᠢ ᠲᠠᠭᠤᠷᠢ ᠠᠴᠠ ᠲᠤᠳᠤ ᠦᠵᠡᠵᠤ ᠭᠠᠷᠤᠨ᠎ᠠ᠃ ᠭᠤᠤᠯ ᠢᠶᠠᠨ ᠳᠠᠭᠠᠵᠦ ᠠᠮᠢᠳᠤᠷᠠᠳᠠᠭ ᠨᠢ ᠤᠰᠤ ᠤᠮᠳᠠ ᠶᠢᠨ ᠭᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭ᠎ᠠ ᠪᠠᠨ ᠬᠠᠩᠭᠠᠵᠤ ᠪᠠᠶᠢᠳᠠᠭ᠃ ᠬᠦᠮᠦᠨ ᠤ ᠰᠡᠳᠬᠢᠯ ᠢ ᠭᠤᠤᠯ ᠦᠪᠡᠷᠳᠡᠭᠡᠨ ᠰᠤᠷᠢᠨᠵᠢᠨᠳᠠᠨ ᠳᠠᠳᠠᠵᠦ ᠴᠢᠳᠠᠳᠠᠭ ᠷᠢᠳᠢ ᠰᠢᠳᠢ ᠲᠠᠢ᠃ ᠱᠠᠩᠳᠦ ᠶᠢᠨ ᠭᠤᠤᠯ ᠤᠨ ᠡᠬᠢ ᠠᠪᠤᠭᠰᠠᠨ ᠭᠠᠵᠠᠷ ᠠᠴᠠ ᠠᠪᠤᠭᠠᠳ ᠤᠷᠤᠰᠬᠠᠯ ᠲᠠᠭᠠᠤ ᠬᠡᠯᠡᠬᠦ ᠳᠤ᠂ ᠶᠤᠸᠠᠨ ᠤᠯᠤᠰ ᠤᠨ ᠴᠠᠭᠠᠨᠨᠠᠭᠤᠷ ᠤᠷᠳᠤᠨ — 1261 ᠣᠨ ᠠᠴᠠ ᠡᠬᠢᠯᠡᠵᠤ ᠪᠠᠶᠢᠭᠤᠯᠪᠠ᠃ ᠡᠬᠦᠨ ᠢ ᠪᠠᠷᠠᠭᠤᠨ ᠰᠡᠷᠢᠭᠦᠨ ᠤᠷᠳᠤᠨ ᠬᠡᠮᠡᠳᠡᠭ᠃ ᠶᠤᠸᠠᠨ ᠤᠯᠤᠰ ᠤᠨ ᠪᠤᠷᠤᠬᠤᠳᠠ᠃ ᠶᠤᠸᠠᠨ ᠤᠯᠤᠰ ᠤᠨ ᠳᠤᠮᠳᠠ ᠨᠠᠶᠢᠰᠯᠠᠯ ᠬᠠᠷ᠎ᠠ ᠪᠠᠯᠭᠠᠰᠤ — 1307 ᠣᠨ ᠠᠴᠠ ᠡᠬᠢᠯᠡᠵᠤ ᠪᠠᠶᠢᠭᠤᠯᠪᠠ᠃  ᠡᠳᠤᠭᠡ ᠶᠢᠨ ᠰᠢᠯᠤᠭᠤᠨ ᠬᠥᠬᠡ ᠬᠤᠰᠢᠭᠤᠨ ᠤ ᠱᠠᠩᠲᠤ ᠪᠠᠯᠭᠠᠰᠤᠨ ᠤ ᠠᠷᠤ ᠳᠤ ᠪᠠᠶᠢᠭ᠎ᠠ ᠠᠯᠳᠠᠨ ᠤᠯᠤᠰ ᠤᠨ ᠬᠤᠸᠠᠩᠵᠸᠤ ᠬᠤᠳᠠ᠃ ᠮᠤᠩᠭᠤᠯ ᠤᠨ ᠡᠵᠡᠨᠳᠤ ᠬᠦᠷᠤᠨ ᠤ ᠶᠡᠭᠡ ᠶᠤᠸᠠᠨ ᠤᠯᠤᠰ ᠤᠨ ᠲᠡᠭᠡᠳᠤ ᠨᠠᠶᠢᠰᠯᠠᠯ ᠱᠠᠩᠳᠤ ᠬᠤᠳᠠ — 1256 ᠣᠨ ᠠᠴᠠ ᠡᠬᠢᠯᠡᠵᠤ ᠪᠠᠶᠢᠭᠤᠯᠪᠠ᠃ ᠶᠤᠸᠠᠨ ᠤᠯᠤᠰ ᠴᠠᠭᠠᠨ ᠬᠤᠳᠠ — ᠡᠬᠦᠨ ᠢ ᠵᠡᠭᠦᠨ ᠰᠡᠷᠢᠭᠦᠨ ᠤᠷᠳᠤᠨ ᠬᠡᠮᠡᠳᠡᠭ᠃ ᠡᠳᠡᠭᠡᠷ ᠡᠷᠲᠡᠨ ᠤ ᠬᠤᠳᠠ ᠤᠳ ᠪᠦᠭᠦᠳᠡ ᠱᠠᠩᠳᠤ ᠶᠢᠨ ᠭᠤᠣᠯ ᠤᠨ ᠰᠠᠪᠠ ᠭᠠᠵᠠᠷ ᠢ ᠰᠤᠩᠭᠤᠵᠤ᠂ ᠭᠤᠣᠯ ᠢᠰᠭᠦᠯᠤᠨ᠂ ᠠᠭᠤᠯᠠ ᠲᠦᠰᠢᠵᠤ ᠪᠠᠶᠢᠭᠤᠯᠤᠭᠰᠠᠨ ᠪᠠᠶᠢᠳᠠᠭ᠃ ᠠᠳᠡ ᠲᠡᠮᠳᠡᠭᠯᠡᠭᠡ ᠦᠭᠡᠢ ᠪᠠᠭ᠎ᠠ ᠬᠤᠳᠠ ᠪᠠᠰᠠ ᠪᠠᠶᠢᠨ᠎ᠠ᠃ ᠲᠡᠭᠡᠪᠡᠯ ᠶᠠᠭᠠᠬᠢᠭᠠᠳ ᠱᠠᠩᠳᠤ ᠶᠢᠨ ᠭᠤᠣᠯ ᠤᠨ ᠰᠠᠪᠠ ᠭᠠᠵᠠᠷ ᠲᠠᠭᠠᠤ ᠡᠶᠢᠮᠤ ᠤᠯᠠᠨ ᠬᠤᠳᠠ ᠶᠢ ᠪᠠᠶᠢᠭᠤᠯᠤᠭᠰᠠᠨ ᠪᠤᠢ︖ ᠡᠨᠡ ᠨᠢ ᠬᠦᠮᠤᠨ ᠮᠠᠯ ᠤᠨ ᠤᠤᠭᠤᠬᠤ ᠤᠰᠤ᠂ ᠬᠡᠷᠡᠭᠯᠡᠬᠦ ᠤᠰᠤᠨ ᠤ ᠠᠰᠠᠭᠤᠳᠠᠯ ᠢ ᠰᠢᠳᠪᠤᠷᠢᠯᠡᠬᠦ ᠶᠢᠨ ᠲᠦᠯᠤᠭᠡ ᠶᠤᠮ᠃ ᠮᠤᠩᠭᠤᠯ ᠤᠨ ᠲᠡᠤᠭᠡ ᠶᠢ ᠱᠠᠩᠳᠤ ᠶᠢᠨ ᠭᠤᠣᠯ ᠠᠴᠠ ᠰᠠᠯᠭᠠᠵᠤ ᠶᠠᠷᠢᠬᠤ ᠳᠤ ᠪᠡᠷᠬᠡ ᠶᠤᠮ᠃ ᠶᠤᠸᠠᠨ ᠤᠯᠤᠰ ᠤᠨ ᠬᠤᠷᠢᠨ ᠲᠦᠮᠠᠨ ᠴᠡᠷᠢᠭ ᠮᠤᠷᠢ ᠱᠠᠩᠳᠤ ᠶᠢᠨ ᠭᠤᠣᠯ ᠠᠴᠠ ᠤᠮᠳᠠᠯᠠᠵᠤ ᠪᠠᠶᠢᠭᠰᠠᠨ ᠶᠤᠮ᠃ ᠠᠮᠠᠷᠠᠵᠤ ᠰᠡᠯᠡᠭᠦᠴᠡᠨ ᠰᠠᠭᠤᠬᠤ ᠳᠤ ᠪᠡᠶ᠎ᠡ ᠳᠤ ᠲᠠᠭᠠᠳᠠᠢ᠂ ᠵᠦᠪ ᠰᠠᠶᠢᠨ ᠡᠨᠧᠷᠭᠢ ᠲᠠᠢ ᠭᠠᠵᠠᠷ ᠭᠡᠳᠡᠭ ᠨᠢ ᠠᠵᠢᠭᠯᠠᠭᠳᠠᠨ᠎ᠠ᠃ ᠱᠠᠩᠲᠤ ᠶᠢᠨ ᠭᠤᠣᠯ ᠤᠨ ᠤᠰᠤ ᠶᠢ ᠱᠠᠩᠲᠤ ᠬᠤᠳᠠ ᠶᠢᠨ ᠬᠠᠭᠠᠨ ᠤ ᠬᠤᠳᠠ᠂ ᠲᠤᠳᠤᠷ ᠬᠤᠳᠠ᠂ ᠭᠠᠳᠠᠷ ᠬᠤᠳᠠ ᠢ ᠪᠦᠭᠦᠳᠠ ᠶᠢ ᠨᠢᠭᠡ ᠲᠤᠭᠤᠷᠢᠭᠤᠯᠤᠨ ᠤᠷᠤᠰᠤᠭᠤᠯᠤᠭᠰᠡᠨ ᠲᠠᠳᠠᠮᠠᠯ ᠭᠤᠣᠯ ᠢ ᠪᠠᠶᠢᠭᠤᠯᠵᠠᠢ᠃ ᠡᠨᠡ ᠨᠢ ᠬᠤᠳᠠ ᠶᠢᠨ ᠠᠭᠠᠷ ᠢ ᠴᠡᠪᠡᠷᠰᠢᠭᠦᠯᠵᠤ᠂ ᠦᠵᠡᠮᠵᠢ ᠲᠠᠢ ᠬᠠᠷᠠᠭᠳᠠᠭᠤᠯᠬᠤ ᠦᠢᠯᠡᠳᠤᠯ ᠲᠠᠢ ᠪᠠᠶᠢᠵᠠᠢ᠃ ᠰᠠᠶᠢᠬᠠᠨ ᠨᠤᠲᠤᠭ ᠤᠨ ᠪᠤᠶᠠᠨ ᠳᠤ ᠢᠪᠡᠭᠡᠭᠳᠡᠵᠦ ᠶᠠᠪᠤᠬᠤ ᠳᠤ ᠬᠦᠮᠦᠨ ᠤ ᠰᠡᠳᠬᠢᠯ ᠦᠶᠦᠭ ᠳᠠᠩᠰᠤᠭ ᠂  ᠰᠠᠨᠠᠭ᠎ᠠ ᠳᠡᠨᠢᠬᠦᠨ ᠪᠠᠶᠢᠳᠠᠭ ᠢᠶᠠᠷ  ᠵᠤᠷᠢᠭᠰᠠᠨ ᠬᠢᠭᠰᠡᠨ ᠦᠢᠯᠡᠰ ᠨᠢ ᠪᠦᠳᠦᠮᠵᠢᠳᠠᠢ ᠪᠠᠶᠢᠳᠠᠭ  ᠤᠴᠢᠷᠳᠠᠢ᠃ ᠶᠡᠭᠡ ᠤᠬᠠᠭᠠᠨᠳᠦ ᠳᠡᠭᠡᠳᠦᠰ ᠮᠢᠨᠢ ᠡᠨᠡ ᠯᠡ ᠪᠤᠶᠠᠨ ᠢᠶᠠᠷ ᠱᠠᠩᠳᠦ ᠶᠢᠨ ᠭᠤᠤᠯ ᠤᠨ ᠬᠦᠪᠡᠭᠡᠨ ᠳᠤ ᠭᠠᠶᠢᠬᠠᠮᠰᠢᠭᠳᠦ ᠳᠡᠤᠬᠡ ᠶᠢ ᠪᠢᠴᠢᠵᠦ ᠦᠯᠡᠳᠡᠭᠡᠭᠰᠡᠨ᠃                   ᠱᠠᠩᠳᠤ ᠶᠢᠨ ᠭᠤᠣᠯ ᠤᠨ ᠪᠤᠯᠪᠠᠰᠤᠨ ᠪᠣᠯ ᠮᠣᠩᠭᠤᠯ ᠤᠨ ᠪᠤᠯᠪᠠᠰᠤᠨ ᠤ ᠦᠨᠳᠤᠰᠤᠯᠠᠨ ᠮᠠᠨᠳᠤᠭᠰᠠᠨ ᠭᠠᠵᠠᠷ ᠪᠢᠯᠡ᠃ ᠱᠠᠩᠳᠤ ᠶᠢᠨ ᠭᠤᠣᠯ ᠭᠦᠭᠵᠢᠮ ᠶᠤᠮ ᠡ᠂  ᠬᠦᠭᠵᠢᠮ ᠤᠨ ᠤᠶᠠᠩᠭᠠᠲᠤ ᠠᠶᠠᠯᠭᠤ  ᠠᠴᠠ ᠨᠢ ᠳᠡᠯᠡᠭᠡᠢ ᠶᠢᠨ ᠪᠤᠯᠪᠠᠰᠤᠨ ᠤ ᠭᠡᠭᠡᠨ ᠡᠭᠡᠰᠢᠭ ᠰᠢᠷᠦᠩᠬᠠᠶᠢᠯᠠᠵᠦ᠂ ᠮᠤᠩᠭᠤᠯ ᠤᠨ ᠮᠠᠨᠳᠤᠭᠰᠠᠨ ᠳᠦᠷᠦ ᠶᠢᠨ ᠲᠡᠤᠭᠡ ᠶᠢ  ᠰᠢᠩᠭᠡᠭᠡᠨ ᠦᠯᠡᠳᠡᠭᠰᠡᠨ ᠱᠠᠩᠳᠤ ᠶᠢᠨ ᠭᠤᠣᠯ ᠡᠴᠢᠨ᠎ᠠ ᠬᠤᠯᠠ ᠠᠴᠠ ᠤᠷᠤᠰᠤᠨ ᠢᠷᠡᠭᠡᠳ᠂ ᠦᠨᠢ ᠮᠦᠡᠭᠭᠡ ᠶᠢᠨ ᠡᠴᠢᠨ᠎ᠠ ᠬᠤᠯᠠ ᠤᠷᠤᠭᠤ ᠤᠷᠤᠰᠤᠨ ᠤᠷᠤᠰᠤᠭᠰᠠᠭᠠᠷ  ᠁  ᠃       ᠲᠠᠶᠢᠯᠪᠤᠷᠢ᠄         ᠤᠬᠤᠼᠺ ᠲᠠᠩᠬᠢᠰ — ᠳᠠᠩ ᠤᠯᠤᠰ ᠤᠨ ᠦᠶᠠᠰ ᠡᠯᠡᠰᠤᠳᠤ ᠲᠠᠩᠬᠢᠰ ᠪᠣᠶᠣ ᠬᠤᠶᠢᠳᠤ ᠲᠠᠯᠠᠢ ᠭᠡᠳᠡᠭ ᠪᠠᠶᠢᠵᠠᠢ᠃           ᠶᠢᠰᠤᠨ ᠭᠤᠣᠯ — ᠣᠣᠯ ᠨᠡᠷ᠎ᠡ ᠨᠢ ᠶᠢᠰᠤᠨ ᠴᠠᠭᠠᠨ ᠴᠢᠯᠠᠭᠤᠳᠤ ᠶᠢᠨ ᠭᠤᠣᠯ ︵伊逊察罕齐老图河︶ ᠭᠡᠳᠡᠭ ᠨᠡᠷ᠎ᠡ ᠲᠠᠢ ᠪᠠᠶᠢᠵᠠᠢ᠃ ᠬᠢᠳᠡᠳ ᠬᠦᠮᠤᠰ ᠡᠨᠡᠬᠦ ᠭᠤᠣᠯ ᠤᠨ ᠤᠷᠤᠰᠬᠠᠯ ᠲᠠᠭᠠᠤ ᠰᠠᠭᠤᠷᠢᠰᠢᠨ ᠰᠠᠭᠤᠭᠠᠳ ᠡᠨᠡ ᠭᠤᠣᠯ ᠢ ᠲᠦᠭᠦᠮᠴᠢᠯᠡᠨ伊逊河 ᠭᠡᠵᠤ ᠲᠠᠭᠤᠳᠠᠳᠠᠭ ᠪᠣᠯᠵᠠᠢ᠃ ᠡᠨᠡ ᠭᠤᠣᠯ ᠴᠡᠩᠳᠧ ᠬᠤᠳᠠ ᠶᠢᠨ ᠪᠠᠷᠠᠭᠤᠨ ᠲᠡᠭᠡᠷ᠎ᠡ ᠯᠤᠸᠠᠨ ᠾᠧ ᠳᠤ ︵滦河︶ ᠴᠢᠳᠬᠤᠨ᠎ᠠ᠃ ᠤᠷᠤᠰᠬᠠᠯ ᠲᠠᠭᠠᠤ ᠳᠤ ᠰᠢᠯᠤᠭᠤᠨ ᠬᠥᠬᠡ᠂ ᠰᠢᠯᠤᠭᠤᠨ ᠴᠠᠭᠠᠨ ᠵᠡᠷᠭᠡ ᠨᠡᠷ᠎ᠡ ᠲᠠᠢ ᠭᠠᠵᠠᠷ ᠤᠳ ᠪᠠᠶᠢᠨ᠎ᠠ᠃           ᠦᠬᠡᠷ ᠤᠨ ᠭᠤᠣᠯ — ᠦᠬᠡᠷ ᠴᠢᠯᠠᠭᠤᠨ ᠪᠤᠯᠠᠭ ᠠᠴᠠ ᠡᠬᠢ ᠠᠪᠴᠤ ᠪᠠᠶᠢᠭ᠎ᠠ ᠪᠣᠯᠬᠤᠷ ᠢᠩᠬᠢᠵᠤ ᠨᠡᠷᠡᠯᠡᠵᠡᠢ᠃           ᠢᠮᠠᠭᠠᠳᠤ ᠠᠭᠤᠯᠠ᠂ ᠬᠠᠷ᠎ᠠ ᠠᠭᠤᠯᠠ ᠶᠢᠨ ᠠᠷᠤ ᠬᠤᠷᠮᠤᠢ — ᠬᠠᠷ᠎ᠠ ᠠᠭᠤᠯᠠ ᠶᠢ ᠡᠷᠲᠡᠨ ᠳᠡᠭᠡᠨ炭山 ᠭᠡᠳᠡᠭ ᠪᠠᠶᠢᠵᠠᠢ᠂ ᠤᠲᠤ黑山 ᠭᠡᠵᠤ ᠨᠡᠷᠡᠯᠡᠵᠤ ᠪᠠᠶᠢᠨ᠎ᠠ᠃ ᠬᠠᠷᠢᠶᠠᠴᠠᠶᠢᠳᠤ ᠨᠢᠷᠤᠭᠤ（燕山） ᠤᠨ ᠲᠤᠳᠤᠷᠠᠬᠢ ᠶᠡᠭᠡ ᠠᠳᠤᠭᠤᠳᠤ ᠶᠢᠨ ᠨᠢᠷᠤᠭᠤ ᠬᠡᠮᠡᠬᠦ ᠬᠦᠨᠳᠡᠯᠡᠨ ᠠᠭᠤᠯᠠ ᠶᠢᠨ ᠨᠢᠭᠡ ᠭᠡᠰᠡᠭ ᠲᠤ ᠪᠠᠭᠳᠠᠨ᠎ᠠ᠃ ᠠᠳᠠ ᠱᠠᠩᠳᠤ ᠶᠢᠨ ᠭᠤᠣᠯ ᠨᠢ ᠬᠤᠶᠠᠷ ᠶᠡᠭᠡ ᠡᠬᠢ ᠠᠪᠤᠭᠰᠠᠨ ᠪᠤᠯᠠᠭ ᠤᠨ ᠭᠤᠣᠯ ᠲᠠᠢ᠃         ᠬᠠᠶ᠋ᠢᠭ᠄ ᠰᠢᠯᠤᠭᠤᠨ ᠭᠦᠬᠡ ᠬᠤᠰᠢᠭᠤᠨ ᠤ ᠰᠢᠤᠳᠠᠨ ᠲᠤᠪᠴᠢᠶᠠᠨ ᠤ 3 — 009 ᠳ᠋ᠤᠭᠠᠷ ᠵᠠᠬᠢᠳᠠᠯ ᠤᠨ ᠬᠠᠶᠢᠷᠴᠠᠭ    
  
ᠢᠷᠡᠯᠲᠡ᠄ ᠰᠢᠯᠤᠭᠤᠨ ᠬᠥᠬᠡ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠮᠤᠩᠭᠤᠯ ᠰᠥᠯᠵᠢᠶ᠎ᠡ
 
 
ᠬᠠᠮᠢᠶ᠎ᠠ ᠪᠥᠬᠦᠢ ᠰᠤᠨᠢᠨ
  
ᠡᠵᠡᠨ ᠳᠡᠭᠡᠨ ᠡᠭᠡᠭᠰᠡᠨ ᠪᠡᠯᠡᠭ
ᠬᠠᠭᠤᠴᠢᠨ ᠣᠨ ᠤ ᠪᠣᠱᠣᠭᠠᠨ ᠳᠤ
ᠠᠯᠳᠡᠨᠪᠢᠯᠢᠭ
ᠲᠠᠭᠣᠣ _ᠱᠠᠩᠳᠣ ᠶᠢᠨ ᠭᠣᠣᠯ
ᠨᠠᠢᠮᠠᠨ ᠰᠢᠷᠭ᠎ᠠ
ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠠᠴᠠ ᠭᠤᠤᠯᠴᠢᠯᠠᠨ ᠡᠷᠬᠢᠯᠡᠪᠡ ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠠᠯᠪᠠᠨ ᠲᠢᠩᠬᠢᠮ ᠠᠴᠠ ᠲᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠪᠡ ᠃ ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠮᠡᠷᠭᠡᠵᠢᠯ ᠬᠠᠩᠭᠠᠪᠠ᠃ ᠰᠢᠤᠳᠠᠨ ᠳ᠋ᠤᠭᠠᠷ: 010098    蒙ICP备05000248号