ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠣᠶᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠱᠠᠩᠳᠤ ᠬᠤᠳᠡ ᠶᠢᠨ ᠬᠠᠶᠢᠭᠤᠯ ᠬᠤᠳᠠ᠂ ᠬᠠᠷᠡᠭᠤᠯ ᠤᠨ ᠤᠪᠤᠭ᠎ᠠ ᠬᠢᠬᠡᠤᠨ ᠤᠩᠭᠤᠨ ᠪᠤᠯᠠᠰᠢ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2018/6/11
                                    ᠪᠦ᠊ ·  ᠲᠡᠮᠤᠷ                                       ᠨᠢᠬᠡ᠂  ᠱᠠᠩᠳᠤ ᠬᠤᠳᠠ ᠶᠢᠨ ᠬᠠᠶᠢᠭᠤᠯ ᠬᠤᠳᠠ — ᠠᠯᠳᠠᠨ ᠤᠯᠤᠰ ᠤᠨ ᠦᠶ᠎ᠡ ᠰᠢᠨ᠎ᠡ  ᠬᠤᠸᠠᠩᠵᠸᠤ ᠬᠤᠲᠠ                                                                           ᠰᠢᠨ᠎ᠡ ᠬᠤᠸᠠᠩᠵᠸᠤ  ᠬᠤᠳᠠ ᠶᠢᠨ ᠪᠠᠭᠤᠷᠢ ᠨᠢ  ᠰᠢᠯᠤᠭᠤᠨ ᠬᠦᠬᠡ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠤᠷᠳᠤᠨ ᠰᠠᠭᠤᠷᠢᠰᠢᠵᠤ ᠪᠠᠶᠢᠭ᠎ᠠ ᠱᠠᠩᠳᠤ ᠪᠠᠯᠭᠠᠰᠣᠨ ᠠᠴᠠ ᠬᠤᠶᠢᠰᠢ ᠭᠤᠷᠪᠠᠨ ᠺᠢᠯᠤᠮᠧᠲᠷ ᠵᠠᠶᠢᠳᠠᠢ᠂ ᠱᠠᠩᠳᠣ  ᠶᠢᠨ ᠭᠤᠤᠯ ︵ᠯᠤᠸᠠᠨ ᠾᠧ︶ ᠤᠨ ᠬᠤᠶᠢᠳᠤ ᠬᠦᠪᠡᠭᠡᠨ ᠠᠴᠠ 600 ᠮᠧᠲᠷ ᠵᠠᠶᠢᠳᠠᠢ ᠪᠠᠶᠢᠷᠢᠰᠢᠵᠤ ᠪᠠᠶᠢᠨ᠎ᠠ᠃ ᠬᠤᠳᠠ ᠶᠢᠨ ᠪᠠᠷᠠᠭᠤᠨ ᠳᠠᠯ᠎ᠠ ᠪᠠᠷ ᠨᠢ ᠰᠢᠯᠢ ᠶᠢᠨ ᠬᠤᠳᠠ ᠠᠴᠠ ᠴᠢᠭᠤᠯᠤᠯᠳᠣ ᠬᠠᠭᠠᠯᠭ᠎ᠠ ᠬᠦᠷᠬᠦ ᠵᠠᠰᠠᠮᠠᠯ ᠵᠠᠮ ᠦᠩᠭᠡᠷᠡᠵᠤ ᠪᠠᠶᠢᠨ᠎ᠠ᠃ ᠬᠤᠲᠠ ᠶᠢᠨ ᠵᠡᠭᠦᠨ ᠲᠠᠯ᠎ᠠ ᠪᠠᠷ ᠰᠠᠩ ᠤᠨ ᠳᠠᠯᠠᠢ  ᠪᠠᠯᠭᠠᠰᠣ᠂ ᠬᠠᠭᠤᠴᠢᠨ  ᠬᠠᠳᠠᠨᠬᠤᠰᠢᠭᠤ  ᠬᠦᠷᠬᠦ ᠬᠤᠰᠢᠭᠤᠨ ᠠᠴᠠ ᠵᠠᠰᠠᠭᠰᠠᠨ ᠰᠢᠷᠤᠢ ᠶᠢᠨ ᠵᠠᠮ ᠦᠩᠭᠡᠷᠡᠨ᠎ᠡ᠃ ᠳᠣᠰ ᠬᠤᠳᠠ ᠨᠢ ᠠᠷᠤ  ᠪᠠᠷ ᠢᠶᠠᠨ ᠪᠠᠷᠠᠭᠤᠨ ᠠᠴᠠ ᠵᠡᠭᠦᠨᠰᠢ ᠦᠷᠭᠦᠯᠵᠢᠯᠡᠭᠰᠡᠨ ᠬᠤᠷᠠᠬᠤ ᠶᠢᠨ ᠦᠨᠳᠤᠷ ᠠᠭᠤᠯᠨ ᠨᠢᠷᠤᠭᠤᠳ ᠢ ᠲᠦᠰᠢᠵᠤ ᠤᠷᠢᠳᠤᠭᠤᠷ ᠪᠠᠨ ᠤᠭᠠᠯᠵᠠᠯᠠᠨ ᠤᠷᠤᠰᠬᠤ ᠱᠠᠩᠳᠤ ᠶᠢᠨ ᠭᠤᠤᠯ ᠢ ᠢᠰᠭᠦᠯᠡᠵᠤ ᠰᠠᠷᠠᠭᠤᠯ ᠠᠭᠤᠳᠠᠮ ᠰᠢᠷ᠎ᠠ ᠲᠠᠯ᠎ᠠ  ᠶᠢᠨ ᠳᠡᠨᠵᠢ ᠶᠢ ᠪᠠᠷᠠᠯᠠᠨ᠂ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠨᠡᠯᠥᠶᠢᠭᠰᠡᠨ ᠬᠠᠷᠠᠭ᠎ᠠ ᠮᠤᠬᠤᠭᠠᠮ᠎ᠠ ᠠᠭᠤᠳᠠᠮ ᠰᠠᠶᠢᠬᠠᠨ ᠳᠠᠯ᠎ᠠ  ᠶᠢᠨ ᠳᠤᠮᠳᠠ᠂ ᠳᠡᠭᠰᠢ ᠰᠠᠶᠢᠬᠠᠨ ᠭᠠᠵᠠᠷ ᠤᠨ ᠠᠰᠢᠢᠭ ᠢ ᠰᠣᠩᠭᠤᠨ ᠪᠠᠶᠢᠭᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃ ᠬᠤᠳᠠ ᠶᠢᠨ ᠵᠠᠬ᠎ᠠ ᠪᠠᠷ ᠳᠡᠷᠡᠰᠦᠨ ᠳᠤᠬᠤᠢ ᠬᠠᠯᠢᠭᠤᠷᠠᠨ ᠰᠢᠷ᠎ᠠ ᠯᠢᠩᠬᠤᠸ᠎ᠠ᠂ ᠬᠦᠬᠡ ᠴᠠᠬᠢᠷᠮ᠎ᠠ᠂ ᠤᠯᠠᠭᠠᠨ ᠴᠠᠭᠠᠨ ᠳᠠᠯᠠᠨ ᠲᠦᠷᠦᠭᠦᠦ ᠶᠢᠨ ᠴᠡᠴᠡᠭ ᠮᠢᠷᠠᠯᠵᠠᠨ᠂ ᠳᠠᠴᠢᠷᠬᠠᠭ ᠮᠦᠷᠳᠡᠭᠡᠨ ᠬᠦᠷᠦᠰᠦ ᠰᠢᠷᠤᠢ ᠰᠠᠶᠢᠳᠠᠢ ᠭᠠᠵᠠᠷ ᠢ ᠰᠣᠩᠭᠤᠭᠰᠠᠨ  ᠨᠢ ᠦᠨᠡᠭᠡᠷ ᠭᠠᠶᠢᠬᠠᠯᠳᠠᠢ ᠠᠵᠠᠢ᠃          ᠠᠳᠡ ᠠᠯᠳᠠᠨ ᠤᠯᠤᠰ ᠤᠨ ᠦᠶ᠎ᠡ ᠳᠤ  ᠬᠤᠸᠠᠩᠵᠸᠤ ᠬᠤᠶᠢᠳᠤ  ᠬᠢᠵᠠᠭᠠᠷ   ᠤᠨ ᠬᠢᠯᠢ ᠶᠢᠨ ᠵᠠᠬ᠎ᠠ ᠵᠠᠭᠠᠭ ᠤᠨ ᠭᠠᠵᠠᠷ ᠪᠠᠶᠢᠵᠠᠢ᠃ ᠠᠯᠳᠠᠨ ᠤᠯᠤᠰ ᠨᠢ ᠱᠠᠩᠳᠤ ᠶᠢᠨ ᠭᠤᠤᠯ ︵ ᠯᠤᠸᠠᠨ ᠾᠧ︶ ᠤᠨ ᠬᠤᠶᠠᠷ ᠬᠦᠪᠡᠭᠡ ᠶᠢ  ᠳᠠᠭᠠᠵᠤ ᠤᠷᠢᠳ ᠬᠤᠵᠢᠳ ᠬᠤᠶᠠᠷ ᠶᠡᠭᠡ ᠬᠤᠳᠠ ᠴᠤᠭᠴᠠᠯᠠᠵᠠᠢ᠃ ᠨᠢᠬᠡ ᠨᠢ ᠬᠠᠭᠤᠴᠢᠨ ᠬᠤᠳᠠ  ︵ᠪᠤᠷᠤᠬᠤᠳᠠ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠶᠢᠨ ᠵᠡᠭᠦᠨᠳᠠᠢ︶ ᠪᠤᠢ᠃ ᠨᠦᠬᠦᠬᠡ ᠨᠢ ᠰᠢᠨ᠎ᠠ ᠬᠤᠸᠠᠩᠵᠸᠤ ᠬᠤᠳᠠ ᠪᠤᠯᠤᠨ᠎ᠠ᠃ ᠠᠳᠡᠬᠢ ᠶᠢᠨ  ᠠᠷᠠᠳ ᠢᠷᠭᠡᠳ ᠳᠣᠰ ᠬᠤᠳᠠ ᠶᠢ ᠰᠧᠯᠠᠩᠴᠧᠩ ᠬᠤᠳᠠ ᠭᠡᠵᠤ ᠳᠠᠭᠤᠳᠠᠳᠠᠭ ᠪᠦᠭᠡᠳ ᠭᠠᠴᠠᠭ᠎ᠠ ᠨᠢ ᠴᠦ ᠳᠣᠰ ᠨᠡᠷ᠎ᠡ ᠪᠠᠷ ᠨᠡᠷᠡᠶᠢᠳᠦᠭᠳᠡᠨ ᠰᠧᠯᠠᠩᠴᠧᠩ ᠭᠠᠴᠠᠭ᠎ᠠ ᠭᠡᠳᠡᠭ ᠶᠤᠮ᠃ ᠠᠷᠠᠳ ᠤᠳ ᠡᠨᠡᠬᠦ ᠰᠧᠯᠠᠩᠴᠧᠩ ᠬᠤᠳᠠ ᠶᠢᠨ  ᠪᠠᠭᠤᠷᠢ ᠶᠢ ᠶᠠᠨ ᠰᠧ ᠯᠠᠩ ᠤᠨ ᠬᠤᠳᠠ ᠭᠡᠵᠤ ᠳᠣᠮᠣᠭᠴᠢᠯᠠᠵᠤ ᠳᠠᠭᠤᠳᠠᠭᠰᠠᠭᠠᠷ ᠢᠷᠡᠪᠡ᠃ ᠳᠡᠦᠬᠡᠨ ᠳᠡᠭᠡᠷ᠎ᠡ ᠶᠠᠨ ᠰᠧ ᠯᠠᠩ ᠤᠨ ᠦᠯᠢᠭᠡᠷ ᠪᠠᠶᠢᠳᠠᠭ ᠪᠤᠯᠪᠠᠴᠣ ᠲᠡᠷᠨ ᠨᠢ ᠠᠷᠤ ᠭᠠᠵᠠᠷ ᠪᠠᠶᠢᠵᠤ ᠪᠤᠯᠤᠰᠢ ᠦᠭᠡᠢ ᠨᠢ ᠮᠡᠳᠡᠭᠡᠵᠢ ᠶᠢᠨ ᠬᠡᠷᠡᠭ ᠶᠤᠮ᠃ ᠰᠦᠩ ᠤᠯᠤᠰ ᠤᠨ ᠦᠶ᠎ᠡ ᠶᠢᠨ  ᠶᠠᠨ ᠵᠢᠶᠠ ᠶᠢᠨ ᠦᠯᠢᠭᠡᠷ ᠶᠠᠨ ᠰᠧ  ᠯᠠᠨ ᠨᠢ ᠤᠳᠤ ᠶᠢᠨ ᠱᠠᠨ ᠰᠢ ᠮᠤᠵᠢ ᠶᠢᠨ  ᠤᠷᠴᠢᠮ ᠳᠤ ᠭᠠᠷᠣᠭᠰᠠᠨ  ᠶᠤᠮ᠃ ᠳᠡᠭᠡᠬᠦ ᠪᠠᠷ ᠶᠠᠭᠠᠬᠢᠨ ᠠᠳᠡ  ᠪᠠᠶᠢᠵᠤ ᠪᠤᠯᠬᠤ ᠠᠵᠠᠢ᠃ ᠳᠡᠭᠡᠪᠡᠯ ᠡᠨᠡ ᠦᠯᠢᠭᠡᠷ ᠪᠠᠷ ᠶᠠᠨ ᠰᠧ ᠯᠠᠩ ᠬᠤᠳᠠ ᠭᠡᠵᠤ ᠳᠤᠮᠤᠭᠴᠢᠯᠠᠭᠳᠠᠭᠰᠠᠨ ᠨᠢ ᠶᠠᠭᠤᠨ ᠪᠤᠯᠪᠠ︖ ᠪᠢᠳᠡ ᠲᠡᠦᠬᠡ ᠪᠢᠴᠢᠭ ᠤᠨ ᠡᠰᠢ ᠪᠠᠷᠢᠮᠳᠠ ᠠᠴᠠ ᠳᠣᠳᠣᠷᠬᠠᠢ ᠬᠠᠷᠢᠭᠤᠯᠳᠠ ᠤᠯᠵᠤ ᠪᠤᠯᠤᠨ᠎ᠠ᠃           ᠠᠯᠳᠠᠨ ᠤᠯᠤᠰ ᠤᠨ ᠳᠡᠦᠬᠡ ᠪᠢᠴᠢᠭ ᠤᠨ ᠲᠦᠴᠢᠨ ᠲᠦᠷᠪᠡᠳᠦᠭᠡᠷ ᠪᠤᠳᠢ   ᠶᠢᠨ ᠬᠤᠷᠢᠨ ᠳᠠᠪᠤᠳᠤᠭᠠᠷ ︽ ᠴᠡᠷᠢᠭ︾ ᠭᠡᠰᠡᠨ ᠪᠦᠯᠦᠭ ᠪᠠ ᠬᠤᠷᠢᠨ ᠲᠦᠷᠪᠡᠳᠦᠭᠡᠷ ᠪᠤᠳᠢ ᠶᠢᠨ ︽ᠭᠠᠵᠠᠷ ᠵᠦᠢ ᠶᠢᠨ ᠳᠡᠮᠳᠡᠭᠯᠡᠯ︾ ᠬᠡᠮᠡᠬᠦ ᠪᠦᠯᠦᠭ ᠤᠳ ᠲᠤ ︽ ᠬᠢᠯᠢ ᠶᠢᠨ ᠱᠤᠭᠤᠮ ᠢ ᠰᠠᠬᠢᠨ ᠳᠠᠷᠤᠩᠭᠤᠶᠢᠯᠠᠬᠤ ᠭᠤᠴᠢᠨ ᠨᠠᠢᠮᠠᠨ ᠵᠸᠦ ᠶᠢᠨ ᠨᠢᠭᠡᠨ ᠠᠨᠤ ᠬᠤᠸᠠᠩᠵᠸᠤ ᠪᠤᠯᠤᠮᠤᠢ᠃ ᠵᠸᠤ ᠶᠢᠨ ᠵᠠᠬᠢᠷᠭ᠎ᠠ ᠶᠢ ᠤᠮᠠᠷᠠᠳᠣ ᠬᠢᠯᠢ ᠶᠢᠨ ᠬᠠᠭᠤᠴᠢᠨ ᠬᠡᠷᠡᠮ  ᠠᠴᠠ ᠡᠮᠦᠨ᠎ᠡ ᠭᠠᠵᠠᠷ ᠬᠠᠭᠠᠰ ᠤᠨ ᠵᠠᠢ ᠳᠤ ᠪᠠᠶᠢᠭᠤᠯᠪᠠᠢ︾ ᠭᠡᠵᠤ ᠬᠠᠭᠤᠴᠢᠨ ᠬᠤᠸᠠᠩᠵᠸᠤ ᠶᠢᠨ ᠪᠠᠶᠢᠷᠢᠰᠢᠯ ᠢ ᠳᠤᠩ ᠳᠤᠳᠤᠷᠬᠠᠢ ᠳᠡᠮᠳᠡᠭᠯᠡᠵᠠᠢ᠃ ᠠᠯᠳᠠᠨ ᠤᠯᠤᠰ ᠤᠨ  ︽ᠳ᠋ᠠ ᠳ᠋ᠢᠩ ᠤᠨ ᠳᠠᠪᠤᠳᠤᠭᠠᠷ ᠤᠨ ᠪᠤᠶᠤ 1165 ᠤᠨ ᠳᠤ ᠶᠢᠨ ᠯᠢᠶᠠᠨ ᠴᠤᠸᠠᠨ ᠵᠤᠰᠠᠯᠠᠩ ᠨᠢ ︵ ᠰᠣᠯᠨ ᠤᠷᠳᠤᠨ᠂ ᠠᠳᠡ ᠰᠢᠨ᠎ᠡ  ᠬᠤᠸᠠᠩᠵᠸᠤ ᠶᠢ ᠵᠢᠭᠠᠵᠤ ᠪᠠᠶᠢᠨ᠎ᠠ︶ ᠪᠠᠷᠠᠭᠤᠨ ᠬᠤᠶᠢᠳᠤ ᠵᠠᠮ ᠢ ᠲᠦᠪᠰᠢᠳᠬᠡᠬᠦ ᠶᠠᠮᠤᠨ ᠤ ᠰᠠᠭᠤᠭ᠎ᠠ ᠶᠠᠨ ᠽᠠᠢ ᠴᠧᠩ ︵ ᠬᠤᠷᠢᠮ ᠰᠣᠶᠣᠷᠬᠠᠯ ᠤᠨ ᠬᠤᠳᠠ ᠭᠡᠰᠡᠨ ᠬᠢᠳᠡᠳ ᠦᠬᠡᠨ ᠠᠴᠠ ᠢᠷᠡᠯᠳᠠᠢ︶ ᠶᠢᠨ ᠭᠠᠳᠠᠨ᠎ᠠ ᠤᠷᠤᠰᠢᠵᠤ ᠪᠠᠶᠢᠭᠰᠠᠨ ᠠᠴᠠ  ᠠᠯᠳᠠᠨ ᠤᠯᠤᠰ ᠤᠨ ᠶᠡᠭᠡ ᠳᠦᠰᠢᠮᠡᠳ ᠬᠠᠭᠠᠨ ᠤ ᠠᠮᠤᠷ ᠢ ᠪᠤᠳᠤᠵᠤ ᠪᠠᠷᠠᠭᠤᠨ ᠬᠤᠶᠢᠳᠤ ᠵᠠᠮ ᠢ ᠲᠦᠪᠰᠢᠳᠬᠡᠬᠦ ᠶᠠᠮᠤᠨ ᠢ ᠤᠮᠠᠷᠠᠰᠢ ᠬᠢᠯᠢ ᠶᠢᠨ ᠬᠡᠷᠡᠮ ᠳᠡᠰᠢ ᠰᠢᠯᠵᠢᠭᠦᠯᠪᠡ᠃ ᠳ᠋ᠦ᠋  ᠵᠢᠶᠠ ︵ ᠬᠢᠨᠠᠭᠴᠢ︶ ᠳᠦᠰᠢᠮᠡᠯ ᠰᠠᠪᠠ ᠶᠢ ᠶᠠᠨ ᠽᠠᠢ ᠴᠧᠩ ᠳᠤ ᠦᠯᠡᠳᠡᠭᠡᠵᠤ ᠵᠦᠷᠴᠢᠨ ᠮᠧᠩ ᠠᠨ ᠮᠤᠤ ᠺᠧ ᠶᠢᠨ ᠬᠡᠷᠡᠭ ᠢ ᠮᠡᠳᠡᠭᠦᠯᠪᠡ︾ ᠬᠡᠮᠡᠵᠦᠬᠦᠢ᠃ ᠡᠬᠦᠨ ᠠᠴᠠ ᠦᠵᠡᠬᠦᠯ᠎ᠡ᠂ ᠶᠠᠨ ᠰᠧ ᠯᠠᠩ ᠤᠨ ᠬᠤᠳᠠ ᠭᠡᠳᠡᠭ ᠨᠢ ᠡᠨᠡᠬᠦ ᠶᠠᠨ ᠽᠠᠢ ᠴᠧᠩ  ᠬᠤᠳᠠ ᠶᠢᠨ ᠭᠠᠳᠠᠨ᠎ᠠ ᠤᠷᠤᠰᠢᠵᠤ ᠪᠠᠶᠢᠭᠰᠠᠨ ᠭᠡᠰᠡᠨ ᠦᠭᠡᠨ ᠠᠴᠠ ᠬᠠᠯᠠᠭᠤᠳᠠᠵᠤ ᠢᠷᠡᠭᠰᠡᠨ ᠳᠣᠮᠤᠭ ᠪᠣᠯᠣᠭᠰᠠᠨ ᠨᠢ ᠮᠡᠳᠡᠭᠡᠵᠢ  ᠶᠢᠨ ᠭᠡᠷᠡᠭ ᠪᠢᠯᠨ᠃          ᠰᠢᠨ᠎ᠡ ᠬᠤᠸᠠᠩᠵᠸᠤ ᠪᠤᠯ ᠤᠤᠯ ᠨᠢ ᠬᠢᠳᠡᠨ ᠬᠠᠭᠠᠨ ᠤ ᠵᠤᠨ ᠤ ᠤᠷᠳᠤᠨ ᠪᠠᠶᠢᠵᠠᠢ᠃   ᠲᠠᠨ ᠱᠠᠨ ᠠᠭᠤᠯᠠ ᠲᠠᠢ᠂  ᠬᠢᠳᠠᠨ  ᠦᠬᠡᠨ ᠳᠤ ︽ ᠸᠠᠩ ᠭᠦᠸᠧ ᠠᠢ︾ ᠭᠡᠳᠡᠭ᠃ ᠠᠭᠤᠯᠠᠨ ᠠᠷᠤ ᠶᠢ ᠯᠢᠶᠠᠨ ᠰᠢᠩ  ︵ ᠰᠡᠷᠢᠬᠦᠨ ᠬᠦᠨᠳᠡᠢ︶ ᠭᠡᠵᠤ ᠵᠤᠰᠠᠯᠠᠩ ᠤᠨ ᠭᠠᠵᠠᠷ ᠪᠤᠯᠭᠠᠵᠤ ᠪᠠᠶᠢᠵᠠᠢ᠃  ᠠᠯᠳᠠᠨ ᠤᠯᠤᠰ ᠤᠨ  ᠱᠾᠼᠦ᠋ᠩ ᠬᠠᠭᠠᠨ ᠮᠦᠨ ᠲᠠᠨ ᠱᠠᠨ ᠠᠭᠤᠯᠨ ᠶᠢᠨ ᠠᠷᠤ  ᠾᠧ ᠯᠠᠢ ᠭᠸᠦ ᠶᠢᠨ ᠵᠡᠭᠦᠨ ᠬᠦᠨᠳᠡᠢ ᠶᠢ ᠵᠤᠰᠠᠯᠠᠩ ᠤᠨ ᠭᠠᠵᠠᠷ  ᠢᠶᠠᠷ ᠰᠣᠩᠭᠤᠵᠤ ᠪᠢᠯᠨ᠃ ᠬᠦᠨᠳᠡᠢ ᠳᠤᠨᠢ ᠠᠯᠳᠠᠨ ᠯᠢᠩᠬᠤᠸ᠎ᠠ ᠴᠡᠴᠡᠭ ᠳᠡᠯᠭᠡᠷᠡᠳᠡᠭ ᠤᠨ ᠳᠤᠯᠨ ᠳ᠋ᠠ  ᠳ᠋ᠢᠩ ᠤᠨ ᠨᠠᠢᠮᠠᠳᠤᠭᠠᠷ ᠤᠨ᠂︵1168︶ ᠳᠤ ᠨᠡᠷ᠎ᠡ ᠶᠢ ᠨᠢ ᠶᠢᠨ ᠯᠢᠶᠠᠨ  ᠴᠣᠸᠠᠨ ︵ ᠠᠯᠳᠠᠨ ᠯᠢᠩᠬᠤᠸ᠎ᠠ ᠶᠢᠨ ᠬᠦᠨᠳᠡᠢ ᠭᠤᠪᠢ︶ ᠭᠡᠵᠤ ᠬᠡᠯᠡᠪᠡ᠃ ᠤᠳᠤ ᠶᠢᠨ ᠪᠤᠷᠤᠬᠤᠳᠠ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠶᠢᠨ ᠪᠠᠷᠠᠭᠤᠨ ᠬᠤᠶᠢᠳᠤᠬᠢ ᠳᠡᠭᠡᠳᠦ ᠡᠬᠢᠨ ᠠᠴᠠ ᠠᠪᠤᠭᠠᠳ ᠱᠠᠩᠳᠤ ᠶᠢᠨ ᠭᠤᠤᠯ ︵ ᠯᠤᠸᠠᠨ ᠾᠧ︶ ᠤᠨ ᠬᠤᠶᠠᠷ ᠬᠦᠪᠡᠭᠡ ᠶᠢ ᠲᠠᠭᠠᠨ ᠬᠠᠭᠤᠴᠢᠨ ᠪᠠ ᠰᠢᠨ᠎ᠡ ᠬᠤᠸᠠᠩᠵᠸᠤ ᠶᠢ ᠳᠠᠮᠵᠢᠨ᠂ ᠱᠠᠩᠳᠤ ᠨᠡᠶᠢᠰᠯᠡᠯ ︵ᠺᠠᠢ ᠫᠢᠩ ᠹᠦ᠋︶ ᠢ ᠳᠠᠭᠠᠷᠢᠨ᠂ ᠵᠡᠭᠦᠨ ᠡᠮᠦᠨᠡᠰᠢ ᠵᠢᠷᠦᠬᠡ ᠶᠢᠨ ᠠᠭᠤᠯᠨ ᠶᠢᠨ ᠳᠣᠣᠷᠠᠳᠣ ᠡᠬᠢ ᠬᠦᠷᠳᠡᠯᠡᠬᠢ᠂ ᠬᠠᠮᠢᠭ᠎ᠠ ᠬᠠᠮᠢᠭᠠᠰᠢ   ᠳᠠᠭᠠᠨ ᠵᠠᠭᠤᠨ ᠭᠠᠵᠠᠷ ᠤᠨ ᠨᠠᠭᠠᠨ᠎ᠠ ᠴᠠᠭᠠᠨ᠎ᠠ ᠦᠷᠭᠦᠯᠵᠢᠯᠡᠭᠰᠡᠨ᠂ ᠠᠭᠤᠳᠠᠮ ᠰᠠᠷᠠᠭᠤᠯ ᠭᠤᠤᠯ ᠤᠨ ᠬᠦᠨᠳᠡᠢ ᠶᠢ ᠵᠢᠭᠠᠵᠤ ᠪᠠᠶᠢᠨ᠎ᠠ᠃   ᠱᠾᠼᠦ᠋ᠩ ᠬᠠᠭᠠᠨ ᠨᠢ ᠪᠠᠰᠨ ᠰᠡᠷᠢᠭᠦᠨ ᠬᠦᠨᠳᠡᠢ ᠶᠢᠨ ᠰᠢᠨ᠎ᠡ ᠬᠤᠸᠠᠩᠵᠸᠤ ᠬᠤᠳᠠᠨ ᠳᠤ᠄ ︽ ᠵᠢᠩ ᠮᠢᠩ ᠭᠦᠩ  ᠤᠷᠳᠤᠨ᠂ ᠶᠠᠨ ᠡᠦ ᠳ᠋ᠢᠶᠠᠨ ᠬᠠᠷᠰᠢ ︵ ᠳᠠᠭᠳᠤ︶︾ ᠵᠡᠷᠭᠡ ᠰᠦᠷᠯᠢᠭ ᠰᠠᠶᠢᠬᠠᠨ ᠤᠷᠳᠤᠨ ᠬᠠᠷᠰᠢ ᠶᠢ ᠴᠤᠭᠴᠠᠯᠠᠵᠤ᠂ ᠵᠤᠰᠠᠯᠠᠩ ᠤᠨ ᠭᠠᠵᠠᠷ ᠪᠤᠯᠭᠠᠵᠤ ᠪᠠᠶᠢᠵᠠᠢ᠃ ᠪᠠᠷᠠᠭᠤᠨ ᠬᠤᠶᠢᠳᠤ ᠵᠠᠮ ᠢ ᠲᠦᠪᠰᠢᠳᠬᠡᠬᠦ ᠶᠠᠮᠤᠨ ᠨᠢ ᠠᠳᠡ ᠰᠢᠯᠵᠢᠨ  ᠪᠠᠶᠢᠭᠰᠠᠨ ᠤ  ᠤᠴᠢᠷ ᠬᠤᠸᠠᠩᠵᠸᠤ ᠨᠢ ᠠᠯᠳᠠᠨ ᠤᠯᠤᠰ ᠤᠨ ᠨᠢᠭᠡᠨ ᠵᠦᠭ ᠢ ᠳᠠᠷᠤᠵᠤ ᠰᠠᠭᠤᠭᠰᠠᠨ᠂ ᠴᠡᠷᠢᠭ   ᠤᠨ ᠶᠠᠪᠤᠳᠠᠯ ᠤᠨ ᠴᠢᠬᠤᠯᠨ ᠬᠤᠳᠠ ᠪᠤᠯᠵᠤᠬᠤᠢ᠃ ᠳᠡᠮᠳᠡᠭᠯᠡᠯ ᠢ ᠦᠨᠳᠦᠰᠦᠯᠡᠪᠡᠯ ᠳᠤᠬᠠᠢ  ᠶᠢᠨ ᠦᠶ᠎ᠡ 578 ᠡᠷᠦᠬᠡ ᠲᠠᠢ᠂ ᠵᠸᠤ ᠶᠢᠨ ᠲᠦᠪ ᠤᠨ ᠰᠠᠭᠤᠭ᠎ᠠ᠂ ᠴᠧᠩ ᠰᠢ ᠰᠢᠶᠠᠨ ᠢ ᠬᠠᠷᠢᠶᠠᠯᠠᠨ᠎ᠠ᠃ ᠳᠤᠰ ᠰᠢᠶᠠᠨ ᠨᠢ ᠮᠢᠩ ᠴᠠᠩ ᠤᠨ ᠲᠦᠷᠪᠡᠳᠦᠭᠡᠷ ᠣᠨ ᠳᠤ ᠪᠠᠶᠢᠭᠤᠯᠪᠠᠢ᠃ 1196 ᠤᠨ ᠳᠤ ᠼᠠᠱᠢ ᠶᠢᠨ ᠳᠡᠰ ᠤᠨ ᠵᠸᠤ ᠪᠤᠯᠭᠠᠪᠠ ᠭᠡᠵᠠᠢ᠃ ᠠᠯᠳᠠᠨ ᠤᠯᠤᠰ ᠤᠨ ᠲᠡᠦᠬᠡ ᠳᠡᠮᠳᠡᠭᠯᠡᠯ  ︵ ᠬᠢᠳᠡᠳ ᠬᠡᠪᠯᠡᠯ︶ ᠤᠨ ᠬᠤᠷᠢᠨ ᠲᠦᠷᠪᠡᠳᠦᠭᠡᠷ ᠪᠤᠳᠢ ᠶᠢᠨ ︽ ᠭᠠᠵᠠᠷ ᠵᠦᠢ ᠶᠢᠨ ᠳᠡᠮᠳᠡᠭᠯᠡᠯ︾ ᠤᠨ ᠳᠡᠭᠡᠳᠦ ᠪᠦᠯᠦᠭ ᠲᠤ ᠪᠤᠢ᠃  ᠳᠠᠬᠢᠪᠠᠯ ᠵᠢᠷᠭᠤᠳᠤᠭᠠᠷ   ᠳᠡᠪᠳᠡᠷ ᠤᠨ ︽ ᠱᠾᠼᠦ᠋ᠩ︾ ᠤᠨ ᠳᠡᠭᠡᠳᠦ ᠪᠦᠯᠦᠭ ᠲᠤ ︽ᠵᠧᠩ ᠯᠦᠩ ᠤᠨ ᠲᠠᠪᠤᠳᠤᠭᠠᠷ ᠤᠨ ︵1160︶ ᠳᠤ ᠠᠯᠳᠠᠨ ᠤᠯᠤᠰ ᠤᠨ ᠬᠠᠢ ᠯᠢᠩ ᠸᠠᠩ᠂ ᠡᠮᠦᠨᠡᠳᠦ ᠰᠦᠩ ᠣᠯᠣᠰ ᠲᠠᠢ  ᠶᠡᠭᠡ ᠪᠠᠷ ᠳᠠᠶᠢᠯᠠᠯᠳᠣᠵᠣ ᠤᠮᠠᠷ᠎ᠠ ᠳᠠᠯ᠎ᠠ ᠳᠤ ᠬᠢᠳᠠᠨ ᠢ ᠳᠠᠷᠤᠩᠭᠤᠶᠢᠯᠠᠪᠠ  ᠃ ᠲᠤᠬᠠᠢ ᠶᠢᠨ ᠦᠶ᠎ᠡ ᠳᠤ ᠠᠯᠳᠠᠨ ᠤᠯᠤᠰ ᠤᠨ ᠬᠤᠶᠢᠳᠤ ᠬᠢᠯᠢ   ᠳᠤ ᠬᠡᠷᠡᠭ ᠤᠴᠢᠷ ᠡᠳᠦᠷ ᠢᠷᠡᠬᠦᠶ᠎ᠡ ᠤᠯᠠᠳᠠᠵᠤ᠂ ᠳᠠᠭᠠᠭᠤᠯᠤᠭᠰᠠᠨ ᠡᠯ᠎ᠡ ᠪᠠᠭ᠎ᠠ ᠠᠶᠢᠮᠠᠭ ᠪᠦᠯᠦᠭ ᠦᠷᠭᠦᠯᠵᠢ ᠠᠯᠳᠠᠨ ᠤᠯᠤᠰ ᠲᠠᠢ ᠳᠠᠶᠢᠳᠣᠵᠤ᠂ ᠵᠦᠷᠢᠴᠡᠯ ᠶᠠᠪᠤᠬᠤ ᠳᠤᠳᠤᠮ ᠬᠤᠷᠴᠠᠳᠤᠨ ᠠᠷᠭ᠎ᠠ ᠪᠤᠰᠣ ᠴᠡᠷᠢᠭ ᠳᠠᠶᠢᠨ ᠢᠶᠠᠷ ᠵᠦᠷᠢᠴᠡᠯ ᠢ ᠰᠢᠢᠳᠪᠦᠷᠢᠯᠡᠬᠦ ᠦᠭᠡᠢ ᠪᠠᠶᠢᠬᠤ ᠶᠢᠨ ᠠᠷᠭ᠎ᠠ ᠦᠭᠡᠢ ᠪᠤᠯᠪᠠ᠃ ᠠᠯᠳᠠᠨ ᠤᠯᠤᠰ ᠤᠨ ᠳᠠᠶᠢᠳᠤᠯᠭ᠎ᠠ ᠨᠢ ᠬᠢᠳᠠᠨᠴᠤᠳ   ᠲᠤ ᠬᠦᠨᠳᠦ ᠰᠦᠷᠬᠡᠢ ᠴᠤᠬᠢᠯᠳᠠ ᠪᠤᠯᠵᠤ ᠬᠢᠳᠠᠨ ᠬᠦᠮᠦᠨ ᠦᠪᠡᠷ ᠢ   ᠪᠠᠨ ᠬᠠᠮᠠᠭᠠᠯᠠᠵᠤ ᠤᠷᠤᠰᠢᠨ ᠲᠤᠭᠳᠠᠨᠢᠬᠤ ᠶᠢᠨ ᠲᠦᠯᠦᠭᠡ ︽ᠵᠧᠨ ᠯᠦᠩ ᠤᠨ ᠵᠢᠷᠭᠤᠳᠤᠭᠠᠷ ᠤᠨ ︵1161︶   ᠳᠤ ᠦᠸᠧ ᠬᠠᠨ ᠦᠪᠡᠷ ᠢ ᠪᠠᠨ ᠬᠠᠭᠠᠨ ᠡᠷᠭᠦᠮᠵᠢᠯᠡᠨ ᠪᠤᠰᠣᠯᠭ᠎ᠠ ᠶᠢᠨ ᠶᠡᠭᠡ ᠴᠡᠷᠢᠭ ᠢ ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠤ ᠠᠯᠳᠠᠨ ᠤᠯᠤᠰ ᠲᠠᠢ ᠠᠮᠢ ᠴᠦᠯᠡᠨ ᠪᠠᠶᠢᠯᠳᠤᠪᠠ᠃ ᠳᠡᠭᠦᠨ ᠤ ᠵᠢᠯᠤᠭᠤᠳᠤᠯᠭ᠎ᠠ ᠳᠣᠣᠷ᠎ᠠ ᠨᠠᠢᠮᠠᠨ ᠲᠦᠮᠡᠨ ᠴᠡᠷᠢᠭ ᠮᠤᠷᠢ ᠬᠦᠳᠡᠯᠵᠤ᠂ ᠠᠯᠳᠠᠨ ᠣᠯᠣᠰ ᠲᠠᠢ ᠲᠦᠷᠪᠡᠨ ᠵᠢᠯ ᠤᠨ ᠬᠠᠳᠠᠭᠤ ᠰᠢᠷᠦᠬᠦᠨ ᠳᠠᠶᠢᠯᠠᠯᠳᠣᠭᠠᠨ ᠢ ᠦᠷᠭᠦᠯᠵᠢᠯᠡᠭᠦᠯᠪᠡ︾ ᠭᠡᠵᠠᠢ  ᠃ ᠡᠨᠡᠬᠦ ᠳᠠᠶᠢᠯᠠᠯᠳᠤᠭᠠᠨ   ᠨᠢ ᠠᠯᠳᠠᠨ ᠤᠯᠤᠰ ᠲᠤ ᠬᠦᠮᠦᠨ ᠮᠤᠷᠢ ᠡᠳ᠋ ᠪᠤᠳᠠᠰ᠂ ᠴᠡᠷᠢᠭ ᠤᠨ ᠶᠠᠪᠤᠳᠠᠯ  ᠤᠨ ᠲᠠᠯ᠎ᠠ ᠪᠠᠷ ᠳᠤᠩ ᠶᠡᠭᠡ ᠬᠤᠬᠢᠷᠠᠯ ᠠᠪᠴᠢᠷᠠᠪᠠ᠃ ︽ᠳ᠋ᠠ ᠳ᠋ᠢᠩ ᠤᠨ ᠬᠤᠶᠠᠳᠤᠭᠠᠷ ᠣᠨ ᠤ ᠶᠢᠰᠦᠨ ᠰᠠᠷ᠎ᠠ ᠳᠤ ︵1164︶ ᠪᠣᠰᠣᠯᠭ᠎ᠠ ᠶᠢᠨ ᠴᠡᠷᠢᠭ ᠨᠢ ᠳᠤᠳᠤᠭᠠᠳᠤ ᠠᠴᠠ ᠪᠠᠨ ᠬᠠᠭᠠᠴᠠᠯ ᠡᠭᠦᠰᠦᠭᠰᠡᠨ ᠠᠴᠠ ᠪᠤᠯᠵᠤ ᠦᠸᠧ ᠬᠠᠨ ᠲᠦᠷᠦᠭᠦᠳᠠᠢ ᠶᠡᠭᠡ ᠴᠡᠷᠢᠭ ᠨᠢ ᠠᠯᠳᠠᠨ ᠤᠯᠤᠰ ᠲᠤ ᠪᠦᠷᠢᠮᠦᠰᠦᠨ ᠳᠠᠷᠤᠩᠭᠤᠶᠢᠯᠠᠭᠳᠠᠪᠠ︾᠃ ᠠᠯᠳᠠᠨ ᠤᠯᠤᠰ ᠨᠢ ᠡᠨᠡ ᠤᠳᠠᠭᠠᠨ ᠤ ᠬᠡᠳᠦᠨ ᠵᠢᠯ ᠤᠨ ᠳᠠᠶᠢᠨ ᠵᠢᠭᠤᠷᠭᠠᠨ ᠠᠴᠠ  ᠰᠣᠷᠭᠠᠮᠵᠢ ᠠᠪᠴᠤ ᠬᠢᠯᠢ ᠬᠢᠵᠠᠭᠠᠷ  ᠢᠶᠠᠨ ᠪᠠᠬᠢᠯᠡᠨ  ᠰᠡᠷᠭᠡᠶᠢᠯᠡᠬᠦ ᠠᠷᠭ᠎ᠠ ᠬᠡᠮᠵᠢᠶ᠎ᠡ ᠠᠪᠤᠪᠠ᠃ ᠳᠡᠳᠡ ᠬᠢᠯᠢ ᠳᠠᠭᠠᠤ ᠳᠠᠪᠬᠤᠷ ᠳᠠᠪᠬᠤᠷ ᠦᠨᠳᠦᠷ ᠬᠡᠷᠡᠮ᠂ ᠫᠤᠤᠳᠠᠢ ᠴᠤᠭᠴᠠᠯᠠᠵᠤ᠂ ᠭᠦᠨ  ᠭᠤᠤ ᠮᠠᠯᠳᠠᠨ ᠬᠤᠶᠢᠳᠤ ᠪᠡᠶ᠎ᠡ ᠠᠴᠠ ᠨᠡᠭᠦᠳᠡᠯᠴᠢᠨ ᠠᠠᠶᠢᠮᠠᠭ ᠪᠦᠯᠦᠭ ᠤᠨ ᠴᠡᠷᠢᠭ ᠮᠤᠷᠢ  ᠴᠦᠮᠦᠷᠡᠨ ᠤᠷᠤᠵᠤ ᠢᠷᠡᠬᠦ ᠶᠢ  ᠰᠡᠷᠭᠡᠶᠢᠯᠡᠵᠤ ᠶᠡᠭᠡ ᠬᠡᠮᠵᠢᠶ᠎ᠡ ᠪᠠᠷ ᠴᠡᠷᠢᠭ ᠮᠤᠷᠢ ᠳᠠᠳᠠᠨ  ᠨᠡᠮᠡᠵᠤ ᠬᠢᠯᠢ ᠳᠠᠭᠠᠤ ᠰᠠᠭᠤᠯᠭᠠᠪᠠ᠃ ᠡᠨᠡ ᠤᠳᠠᠭᠠᠨ ᠤ ᠪᠠᠶᠢᠭᠤᠯᠤᠭᠰᠠᠨ ᠬᠢᠯᠢ ᠶᠢᠨ ᠬᠡᠷᠡᠮ᠂ ᠤᠨᠤᠭᠤᠯᠢ ᠭᠤᠤ ᠨᠢ ᠤᠳᠤ ᠶᠢᠨ ᠱᠠᠩᠳᠣ ᠰᠢᠶᠠᠨ ᠠᠴᠠ ᠡᠬᠢᠯᠡᠨ᠂ ᠬᠦᠪᠡᠭᠡᠳᠦ ᠰᠢᠷ᠎ᠠ  ᠂ ᠰᠢᠯᠤᠭᠤᠨ ᠬᠦᠬᠡ᠂ ᠬᠡᠰᠢᠭᠳᠡᠨ ᠵᠡᠷᠭᠡ ᠬᠤᠰᠢᠭᠤᠳ ᠢ ᠳᠠᠮᠵᠢᠨ ᠤᠷᠳᠤ ᠪᠠᠷ ᠢᠶᠠᠨ600 ᠭᠠᠷᠤᠢ ᠭᠠᠵᠠᠷ  ᠦᠷᠭᠦᠯᠵᠢᠯᠡᠭᠰᠡᠨ ᠪᠠᠶᠢᠨ᠎ᠠ᠃ ᠡᠭᠦᠨ ᠤ ᠬᠠᠮᠳᠣ ︽ᠳ᠋ᠠ ᠳ᠋ᠢᠩ  ᠤᠨ ᠳᠠᠪᠤᠳᠤᠭᠠᠷ ᠤᠨ ︵1165︶ ᠳᠤ  ᠵᠤᠤ   ᠲᠠᠢ ᠵᠸᠤ᠂ ᠯᠢᠨ ᠬᠤᠸᠠᠩ ᠵᠡᠷᠭᠡ ᠬᠢᠯᠢ ᠶᠢᠨ ᠵᠠᠭᠠᠭ  ᠬᠢᠵᠠᠭᠠᠷ  ᠲᠤ ᠰᠡᠷᠭᠡᠶᠢᠯᠡᠯᠳᠡ ᠶᠢᠨ ᠫᠤᠤᠲᠠᠢ 70 ᠶᠢ ᠵᠠᠰᠠᠵᠤ᠂ ᠰᠠᠭᠤᠭ᠎ᠠ ᠴᠡᠷᠢᠭ ᠮᠤᠷᠢ 13000 ᠪᠠᠷ ᠨᠡᠮᠡᠭᠳᠡᠭᠦᠯᠪᠡ︾ ᠭᠡᠵᠡᠢ᠃ ᠢᠩᠭᠢᠭᠡᠳ ᠬᠢᠯᠢ ᠬᠢᠵᠠᠭᠠᠷ ᠤᠨ ᠠᠷᠠᠳ   ᠢᠶᠠᠷ ᠭᠤᠤᠯ ᠪᠤᠯᠭᠠᠨ ᠰᠡᠷᠭᠡᠶᠢᠯᠡᠵᠤ ᠪᠠᠶᠢᠭᠰᠠᠨ   ᠢᠶᠠᠨ ᠦᠭᠡᠷᠡᠴᠢᠯᠡᠵᠤ ᠴᠡᠷᠢᠭ ᠠᠩᠭᠢ ᠪᠠᠷ ᠰᠡᠷᠭᠡᠶᠢᠯᠡᠬᠦ ᠶᠢ ᠭᠤᠤᠯ ᠪᠤᠯᠭᠠᠪᠠ᠃ ᠮᠦᠨ ᠳᠣᠰ ᠵᠢᠯ ᠳᠤ ᠠᠯᠳᠠᠨ ᠤᠯᠤᠰ  ᠤᠨ  ᠱᠾᠼᠦ᠋ᠩ ᠬᠠᠭᠠᠨ᠂ ᠵᠤᠤ ᠲᠤᠤ ᠰᠧ  ︵ᠵᠤᠴᠢᠯᠠᠨ ᠶᠠᠷᠢᠯᠴᠠᠬᠤ︶ ᠶᠠᠮᠤᠨ ᠬᠤᠶᠠᠷ ᠢ ᠨᠡᠮᠡᠵᠤ  ᠪᠠᠶᠢᠭᠤᠯᠪᠠ᠃ ᠨᠢᠭᠡ ᠠᠨᠤ ᠪᠠᠷᠠᠭᠤᠨ ᠵᠠᠮ ᠤᠨ ᠹᠠᠩᠵᠸᠤ  ︵ ᠬᠦᠬᠡᠬᠤᠳᠠ ᠶᠢᠨ ᠡᠮᠦᠨ᠎ᠡ︶᠂ ᠨᠦᠬᠦᠬᠡ ᠨᠢ ᠠᠷᠤ ᠬᠢᠵᠠᠭᠠᠷ ᠤᠨ ᠰᠢᠨ᠎ᠡ ᠬᠤᠸᠠᠩᠵᠸᠤ ᠪᠤᠯᠤᠨ᠎ᠠ᠃ ᠠᠯᠳᠠᠨ ᠤᠯᠤᠰ ᠤᠨ ᠳᠡᠦᠬᠡ ᠪᠢᠴᠢᠭ  ︵ ᠬᠢᠳᠠᠳ ᠬᠡᠪᠯᠡᠯ︶ ᠤᠨ ᠲᠦᠴᠢᠨ ᠲᠦᠷᠪᠡᠳᠦᠭᠡᠷ  ᠪᠤᠳᠢ ᠶᠢᠨ ᠬᠤᠷᠢᠨ ᠳᠠᠪᠤᠳᠤᠭᠠᠷ ︽ᠴᠡᠷᠢᠭ︾ ᠭᠡᠰᠡᠨ ᠪᠦᠯᠦᠭ ᠲᠤ ᠪᠤᠢ᠃ ᠢᠯᠠᠩᠭᠤᠶ᠎ᠠ ᠵᠢᠷᠭᠤᠳᠤᠭᠠᠷ ᠪᠤᠳᠢ ᠶᠢᠨ ︽ᠱᠾᠼᠦ᠋ᠩ ᠤᠨ ᠳᠡᠮᠳᠡᠭᠯᠡᠯ ᠪᠦᠯᠦᠭ ᠤᠨ ᠳᠡᠭᠡᠳᠦ︾  ᠬᠡᠮᠡᠬᠦ ᠪᠦᠯᠦᠭ ᠲᠤ  ︽ᠱᠾᠼᠦ᠋ᠩ ᠬᠠᠭᠠᠨ ᠳ᠋ᠠ ᠳ᠋ᠢᠩ ᠤᠨ ᠠᠷᠪᠠᠨ ᠬᠤᠶᠠᠳᠤᠭᠠᠷ ᠤᠨ ︵1172︶   ᠠᠴᠠ ᠡᠬᠢᠯᠡᠨ ᠶᠢᠨ ᠯᠢᠶᠠᠨ ᠴᠤᠸᠠᠨ ︵ ᠰᠡᠷᠢᠭᠦᠨ ᠬᠦᠨᠳᠡᠢ︶ ᠳᠤ ᠰᠢᠨ᠎ᠡ ᠪᠠᠷᠢᠭᠰᠠᠨ ᠵᠤᠰᠠᠯᠠᠩ ᠤᠨ ᠤᠷᠳᠤᠨ ᠰᠢᠨ᠎ᠡ ᠬᠤᠸᠠᠩᠵᠸᠤ ᠳᠤ ᠠᠩᠬ᠎ᠠ ᠤᠳᠠᠭ᠎ᠠ ᠵᠤᠰᠠᠪᠠ᠃ ᠡᠨᠡ ᠦᠶ᠎ᠡ ᠰᠢᠨ᠎ᠡ ᠬᠤᠸᠠᠩᠵᠸᠤ ᠬᠤᠳᠠ  ᠪᠠᠶᠢᠭᠤᠯᠤᠭᠳᠠᠭᠠᠳ ᠨᠢᠭᠡᠨᠳᠡ ᠳᠤᠯᠤᠭᠠᠨ ᠵᠢᠯ ᠪᠤᠯᠵᠤᠬᠤᠢ  ︾ ᠬᠡᠵᠤ ᠳᠤᠳᠤᠷᠬᠠᠢ ᠳᠡᠮᠳᠡᠭᠯᠡᠵᠤ ᠪᠤᠢ᠃ ᠡᠭᠦᠨ ᠢᠶᠠᠷ ᠦᠵᠡᠬᠦ ᠳᠤ ᠰᠢᠨ᠎ᠡ ᠬᠤᠸᠠᠩᠵᠸᠤ ᠬᠤᠳᠠ ᠨᠢ ᠱᠾᠼᠦ᠋ᠩ ᠬᠠᠭᠠᠨ ᠤ ᠳ᠋ᠠ ᠳ᠋ᠢᠩ ᠤᠨ ᠳᠠᠪᠤᠳᠤᠭᠠᠷ ᠤᠨ ︵1165︶ ᠳᠤ ᠨᠢᠭᠡᠨᠳᠡ ᠪᠠᠶᠢᠭᠤᠯᠤᠭᠳᠠᠭᠠᠳ ᠪᠠᠶᠢᠵᠠᠢ ᠃      ᠰᠢᠨ᠎ᠡ ᠬᠤᠸᠠᠩᠵᠸᠤ ᠬᠤᠳᠠ ᠶᠢᠨ ᠬᠡᠪᠴᠢᠶ᠎ᠡ ᠨᠢ ᠨᠡᠯᠢᠶᠡᠳ ᠦᠷᠭᠡᠨ ᠠᠭᠤᠳᠠᠮ᠂ ᠬᠤᠳᠠ ᠶᠢᠨ ᠬᠡᠯᠪᠡᠷᠢ   ᠨᠢ ᠤᠷᠳᠤ ᠲᠦᠷᠪᠡᠯᠵᠢᠨ ᠶᠤᠮ᠃ ᠠᠩᠬ᠎ᠠ ᠬᠠᠶᠢᠨ ᠬᠡᠮᠵᠢᠭᠰᠡᠨ ᠢᠶᠠᠷ ᠬᠤᠶᠢᠰᠢ ᠤᠷᠤᠭᠰᠢ 1106 ᠮᠧᠲᠷ᠂ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ1050 ᠮᠧᠲᠷ  ᠂ ᠦᠷᠭᠡᠷᠢᠭ ᠤᠷᠳᠤᠷᠢᠭ   ᠢᠶᠠᠷ ᠪᠠᠷᠠᠭᠤᠨᠰᠢ  ᠵᠢᠰᠢᠬᠦᠦ ᠬᠤᠶᠠᠷ ᠭᠷᠠᠳᠦ᠋ᠰ ᠪᠠᠶᠢᠨ᠎ᠠ᠃ ᠬᠤᠳᠠ ᠶᠢᠨ ᠭᠡᠷᠡᠮ ᠢ ᠮᠤᠳᠤᠨ ᠬᠠᠪᠳᠠᠰᠣ ᠬᠠᠪᠴᠢᠵᠤ ᠪᠠᠶᠢᠭᠠᠳ᠂ ᠳᠠᠪᠬᠤᠷ ᠳᠠᠪᠬᠤᠷ ᠭᠡᠰᠡᠭᠯᠡᠨ ᠰᠢᠷᠤᠢ ᠪᠠᠷ  ᠬᠠᠩᠳᠠᠵᠤ ᠭᠠᠷᠭᠠᠭᠰᠠᠨ ᠪᠠᠶᠢᠨ᠎ᠠ᠃ ᠬᠠᠩᠳᠠᠮᠠᠯ ᠤᠨ ᠵᠤᠵᠠᠭᠠᠨ ᠨᠢᠭᠡ ᠲᠦᠬᠡ ᠪᠠᠶᠢᠵᠤ ᠮᠤᠳᠤᠨ ᠳ᠋ᠦᠩᠰᠦ  ︵ ᠯᠠᠨᠲᠸᠤ︶ ᠪᠠᠷ ᠳᠠᠭᠰᠢᠷᠠᠭᠤᠯᠤᠨ ᠴᠤᠬᠢᠭᠰᠠᠨ ᠤᠷᠤ ᠮᠦᠷᠦ ᠳᠤᠳᠤᠷᠬᠠᠢ ᠪᠠᠶᠢᠯ᠎ᠠ᠃ ᠬᠤᠳᠠ ᠶᠢᠨ ᠬᠡᠷᠡᠮ ᠢ ᠲᠠᠭᠠᠨ ᠭᠠᠳᠠᠭᠰᠢ ᠲᠦᠷᠦᠨ ᠭᠠᠷᠤᠭᠰᠠᠨ ᠪᠠᠶᠢᠯᠳᠤᠭᠠᠨ ᠤ ᠬᠠᠯᠬᠠᠪᠴᠢ ᠬᠡᠷᠡᠮ ︵ ᠫᠤᠤᠲᠠᠢ︶ ᠨᠢ ᠳᠠᠪᠢᠨ ᠮᠧᠲᠷ ᠪᠦᠷᠢ ᠳᠤ ᠨᠢᠬᠡ ᠠᠯᠤᠰᠯᠠᠨ ᠪᠠᠷᠢᠵᠠᠢ᠃ ᠲᠦᠷᠪᠡᠨ ᠦᠨᠴᠦᠭ ᠲᠡᠭᠡᠨ ᠪᠦᠷ ᠦᠨᠴᠦᠭ ᠤᠨ ᠠᠰᠠᠷ ᠳᠠᠭᠳᠤ  ᠶᠢᠨ ᠪᠠᠭᠤᠷᠢ ᠲᠠᠢ᠃ ᠬᠤᠳᠠ ᠶᠢᠨ ᠵᠡᠭᠦᠨ ᠪᠠ ᠪᠠᠷᠠᠭᠤᠨ ᠡᠮᠦᠨ᠎ᠡ ᠬᠡᠷᠡᠮ   ᠳᠡᠭᠡᠨ ᠳᠣᠰ ᠪᠦᠷᠢ ᠨᠢᠭᠡ ᠡᠭᠦᠳᠡ ᠵᠤᠬᠢᠶᠠᠵᠤ ᠬᠠᠭᠠᠯᠭ᠎ᠠ ᠪᠦᠷᠢ ᠶᠢᠨ ᠭᠠᠳᠠᠭᠤᠷ ᠢᠶᠠᠨ ᠪᠦᠷ ᠮᠤᠷᠢᠨ ᠳᠤᠭᠤᠷᠠᠢ ᠶᠢᠨ ᠬᠡᠯᠪᠡᠷᠢ ᠶᠢᠨ ᠬᠠᠯᠬᠠᠪᠴᠢ ᠬᠡᠷᠡᠮ  ᠲᠠᠢ  ᠃ ᠪᠠᠷᠠᠭᠤᠨ ᠬᠡᠷᠡᠮ ᠤᠨ ᠳᠤᠮᠳᠠ ᠬᠠᠪᠢ ᠳᠤ  ᠨᠢᠬᠡ ᠶᠡᠭᠡ ᠰᠡᠳᠡᠷᠬᠡᠢ ᠪᠤᠢ᠃ ᠤᠤᠯ ᠨᠢ ᠡᠭᠦᠳᠡ ᠪᠠᠶᠢᠵᠤ᠂ ᠤᠨ ᠵᠢᠯ ᠤᠨ ᠤᠳᠠᠭᠠᠨ ᠠᠴᠠ ᠪᠤᠯᠵᠤ  ᠴᠤᠴᠠᠷᠠᠭᠰᠠᠨ ᠪᠠᠶᠢᠵᠤ ᠮᠠᠭᠠᠳ᠃ ᠬᠤᠶᠢᠳᠤ ᠬᠡᠷᠡᠮ ᠳᠡᠭᠡᠨ ᠡᠭᠦᠳᠡ ᠦᠭᠡᠢ᠃ ᠬᠤᠳᠠ ᠶᠢᠨ ᠭᠠᠳᠠᠷ ᠬᠡᠷᠡᠮ ᠢ ᠠᠰᠢᠭᠯᠠᠨ ᠬᠤᠳᠠ ᠶᠢᠨ ᠵᠡᠭᠦᠨ ᠬᠤᠶᠢᠨ᠎ᠠ ᠦᠨᠴᠦᠭ ᠲᠤ ᠨᠢᠭᠡ ᠳᠡᠭ ᠲᠦᠷᠪᠡᠯᠵᠢᠨ ᠬᠡᠯᠪᠡᠷᠢ ᠶᠢᠨ ᠳᠤᠳᠤᠷ᠎ᠠ ᠬᠤᠳᠠ  ᠪᠠᠶᠢᠵᠤ ᠳᠠᠯᠠᠪᠠᠢ ᠨᠢ 7600 ᠳᠡᠭᠰᠢ ᠲᠦᠷᠪᠡᠯᠵᠢᠨ ᠮᠧᠲᠷ ᠪᠤᠢ᠃ ᠳᠡᠭᠦᠨ ᠳᠤ ᠡᠮᠦᠨ᠎ᠡ ᠪᠠ ᠪᠠᠷᠠᠭᠤᠨ  ᠬᠤᠶᠠᠷ ᠲᠠᠯ᠎ᠠ ᠶᠢᠨ ᠬᠡᠷᠡᠮ ᠲᠠᠢ᠃ ᠵᠡᠭᠦᠨ ᠪᠠ ᠬᠤᠶᠢᠳᠤ ᠬᠡᠷᠡᠮ ᠨᠢ ᠶᠡᠭᠡ ᠬᠤᠳᠠ ᠶᠢᠨ ᠬᠡᠷᠡᠮ ᠢ ᠠᠰᠢᠭᠯᠠᠵᠤᠬᠤᠢ᠃ ᠡᠮᠦᠨ᠎ᠡ ᠬᠡᠷᠡᠮ ᠳᠡᠭᠡᠨ ᠨᠢᠬᠡ ᠡᠭᠦᠳᠡ ᠲᠠᠢ  ᠃ ᠬᠤᠳᠠᠨ ᠳᠤᠳᠤᠷ᠎ᠠ ᠤᠷᠳᠤᠨ ᠬᠠᠷᠰᠢ ᠶᠢᠨ ᠪᠠᠭᠤᠷᠢ ᠮᠡᠳᠡᠭᠳᠡᠬᠦᠶᠢᠴᠡ ᠪᠠᠶᠢᠭ᠎ᠠ ᠨᠢ ᠲᠦᠷᠪᠡ ᠪᠠᠶᠢᠨ᠎ᠠ᠃ ᠤᠷᠳᠤᠨ ᠬᠠᠷᠰᠢ ᠶᠢᠨ ᠬᠡᠪᠴᠢᠶ᠎ᠡ ᠨᠢ ᠬᠠᠮᠢᠭ᠎ᠠ ᠬᠠᠮᠢᠭᠠᠰᠢ ᠳᠤ ᠪᠠᠨ ᠬᠤᠷᠢᠨ ᠨᠠᠢᠮᠠᠨ ᠮᠧᠲᠷ ᠪᠠᠶᠢᠨ᠎ᠠ᠃ ᠪᠠᠭᠤᠷᠢ ᠶᠢᠨ  ᠳᠡᠭᠡᠷ᠎ᠡ ᠪᠠᠷᠢᠯᠭ᠎ᠠ  ᠶᠢᠨ ᠸᠠᠭᠠᠷ ᠳᠣᠭᠤᠰᠬ᠎ᠠ ᠶᠢᠨ ᠬᠡᠮᠬᠡᠷᠬᠡᠢ ᠭᠠᠵᠠᠷ ᠰᠠᠢ ᠦᠭᠡᠢ ᠪᠤᠳᠠᠷᠠᠨ ᠬᠠᠷᠠᠭᠳᠠᠨ᠎ᠠ᠃ ᠪᠠᠷᠢᠯᠭ᠎ᠠ ᠳᠤ ᠬᠡᠷᠡᠭᠰᠡᠬᠦ ᠰᠡᠶᠢᠯᠤᠮᠡᠯ ᠴᠢᠯᠠᠭᠤ᠂ ᠰᠢᠷᠳᠡᠮᠡᠯ ᠭᠠᠳᠠᠷ ᠲᠠᠢ ᠸᠠᠭᠠᠷ ᠵᠡᠷᠭᠡ ᠪᠠᠶᠢᠬᠤ ᠠᠴᠠ ᠦᠵᠡᠬᠦ ᠳᠤ ᠯᠤᠳᠤ ᠶᠡᠭᠡ ᠤᠷᠳᠤᠨ ᠬᠠᠷᠰᠢ ᠪᠤᠯᠤᠯᠳᠠᠢ᠃ ᠡᠨᠡᠬᠦ ᠳᠤᠳᠤᠷ᠎ᠠ ᠬᠤᠳᠠ ᠶᠢᠨ ᠤᠷᠢᠳᠤᠭᠤᠷ ᠬᠢᠬᠡᠳ ᠪᠠᠷᠠᠭᠤᠨ ᠬᠡᠷᠡᠮ ᠤᠨ ᠭᠠᠳᠠᠭᠤᠷ ᠬᠤᠳᠠ ᠬᠠᠮᠠᠭᠠᠯᠠᠬᠤ ᠭᠤᠤᠯ ᠤᠨ ᠰᠣᠪᠠᠭ ᠪᠠᠶᠢᠬᠤ ᠪᠠᠷ ᠦᠵᠡᠬᠦᠶ᠎ᠡ ᠡᠨᠡ ᠨᠢ ᠵᠸᠤ ᠶᠢᠨ ᠶᠠᠮᠤᠨ ᠤ ᠨᠤᠶᠠᠳ ᠲᠦᠰᠢᠮᠡᠳ ᠤᠨ ᠰᠠᠭᠤᠭ᠎ᠠ ᠨᠤᠶᠠᠯᠠᠬᠤ ᠪᠠᠶᠢᠷᠢ ᠶᠢ ᠡᠵᠡᠯᠡᠭᠰᠡᠨ ᠳᠤᠳᠤᠷ᠎ᠠ ᠤᠷᠳᠤᠨ ᠬᠤᠳᠠ ᠪᠤᠯᠬᠤ ᠨᠢ ᠵᠠᠶᠢᠯᠠᠰᠢ ᠦᠬᠡᠢ ᠪᠢᠯᠨ᠃ ᠶᠡᠭᠡ ᠬᠤᠳᠠ ᠶᠢᠨ ᠲᠦᠷᠪᠡᠨ ᠳᠠᠯ᠎ᠠ ᠶᠢᠨ ᠭᠠᠳᠠᠭᠤᠷ᠂ ᠤᠶᠢᠷ᠎ᠠ ᠬᠠᠪᠢ ᠪᠠᠷ ᠢᠶᠠᠨ ᠳᠡᠩᠴᠡᠬᠦᠦ ᠳᠤᠪᠤ ᠨᠤᠭᠤᠳ ︵ ᠫᠤᠤᠳᠠᠢ ᠮᠠᠶ᠋ᠢᠭᠳᠠᠢ︶  ᠲᠦᠡᠭᠳᠦᠶᠢᠵᠤ ᠬᠠᠷᠠᠭᠳᠠᠬᠤ ᠨᠢ ᠴᠠᠭ ᠦᠶ᠎ᠡ ᠶᠢᠨ ᠤᠨᠴᠠᠯᠢᠭ ᠲᠠᠢ ᠪᠠᠷᠢᠯᠭ᠎ᠠ ᠶᠢᠨ ᠬᠡᠯᠪᠡᠷᠢ ᠪᠤᠯᠬᠤ ᠮᠦᠷᠳᠡᠬᠡᠨ᠂ ᠮᠦᠨ ᠴᠦ ᠬᠤᠳᠠ ᠪᠠᠨ ᠬᠠᠮᠠᠭᠠᠯᠠᠬᠤ ᠪᠠᠶᠢᠯᠳᠤᠭᠠᠨ ᠤ ᠴᠢᠬᠤᠯᠨ ᠪᠠᠬᠢᠯᠡᠯᠳᠡ ᠪᠤᠯᠤᠨ᠎ᠠ᠃ ᠶᠡᠭᠡ ᠬᠤᠳᠠ ᠶᠢᠨ  ᠳᠤᠳᠤᠷ᠎ᠠ ᠡᠮᠦᠨ᠎ᠡ ᠳᠠᠯ᠎ᠠ ᠶᠢᠨ ᠭᠤᠤᠯ ᠱᠤᠭᠤᠮ ᠢ ᠪᠠᠷᠢᠵᠤ ᠵᠤᠬᠢᠬᠤ ᠨᠢᠭᠡᠨ ᠳᠡᠩᠭᠡᠯᠢᠭ ᠳᠡᠭᠡᠷ᠎ᠡ ᠬᠠᠷᠢᠯᠴᠠᠨ ᠡᠰᠡᠷᠭᠦᠯᠡᠭᠰᠡᠨ ᠶᠡᠭᠡ ᠤᠷᠳᠤᠨ ᠬᠠᠷᠰᠢ ᠶᠢᠨ ᠬᠡᠳᠦᠨ ᠪᠠᠭᠤᠷᠢ ᠨᠢ ᠭᠠᠵᠠᠷ ᠤᠨ ᠲᠦᠪᠰᠢᠨ ᠠᠴᠠ ᠲᠠᠪᠤᠨ  ᠮᠧᠲᠷ ᠤᠷᠴᠢᠮ ᠳᠤᠪᠤᠶᠢᠵᠤ ᠪᠠᠶᠢᠨ᠎ᠠ᠃ ᠡᠳᠡᠭᠡᠷ ᠤᠷᠳᠤᠨ ᠬᠠᠷᠰᠢ ᠶᠢᠨ ᠰᠣᠶᠣᠯ ᠤᠨ ᠪᠤᠯᠠᠭᠳᠠᠴᠨ ᠨᠢ ᠨᠡᠯᠢᠶᠡᠳ ᠭᠦᠨ ᠶᠤᠮ᠃ ᠡᠨᠡᠬᠦ ᠪᠠᠭᠤᠷᠢ ᠶᠢᠨ ᠳᠡᠭᠡᠷ᠎ᠡ ᠠᠴᠠ ᠰᠢᠷ᠎ᠠ ᠨᠤᠭᠤᠭᠠᠨ ᠰᠢᠷᠡᠮᠡᠯ ᠸᠠᠭᠠᠷ᠂ ᠪᠠᠷᠢᠯᠭ᠎ᠠ ᠶᠢᠨ ᠦᠨᠴᠦᠭ ᠲᠤ ᠳᠤᠬᠢᠷᠠᠭᠤᠯᠤᠭᠰᠠᠨ ᠪᠤᠳᠤᠭ ᠲᠠᠢ ᠬᠠᠷᠴᠠᠭᠠᠢ ᠰᠢᠪᠠᠭᠤᠨ ᠤ ᠱᠤᠭᠤᠮᠠᠯ ᠤᠨ ᠵᠦᠢᠯᠡᠰ ᠨᠢ ᠰᠢᠵᠢᠷ ᠤᠷᠤᠢ ᠲᠠᠢ ᠤᠷᠳᠤᠨ ᠬᠠᠷᠰᠢ ᠪᠠᠶᠢᠭᠰᠠᠨ ᠢ ᠬᠠᠷᠠᠭᠤᠯᠵᠤ ᠪᠠᠶᠢᠨ᠎ᠠ᠃ ︵ᠪᠤᠳᠠᠰ ᠨᠢ ᠬᠦᠬᠡᠬᠤᠳᠠ ᠶᠢᠨ ᠮᠦᠽᠸᠢ ᠳᠤ ᠪᠤᠢ  ︶ ᠪᠠᠷᠤᠭᠯᠠᠪᠠᠰᠣ ᠵᠢᠩ ᠮᠢᠩ ᠭᠦᠩ ᠤᠷᠳᠤᠨ᠂  ᠶᠠᠩ ᠡᠦ ᠳ᠋ᠢᠶᠠᠨ ᠳᠠᠭᠳᠤ ᠵᠡᠷᠭᠡ ᠰᠦᠷᠯᠢᠭ ᠰᠠᠶᠢᠬᠠᠨ ᠤᠷᠳᠤᠨ ᠬᠠᠷᠰᠢ ᠨᠢ ᠴᠦ ᠡᠨᠡ ᠬᠠᠪᠢ ᠪᠠᠷ ᠪᠠᠶᠢᠭᠰᠠᠨ ᠪᠤᠯᠤᠯᠳᠠᠢ᠃ ᠡᠳᠡᠭᠡᠷ ᠪᠠᠭᠤᠷᠢ ᠶᠢᠨ ᠳᠡᠭᠡᠷᠡᠬᠢ ᠱᠠᠭᠠᠵᠠᠩ ᠰᠠᠪᠠ ᠪᠠ ᠸᠠᠭᠠᠷ ᠤᠨ ᠭᠡᠯᠳᠡᠷᠬᠡᠢ   ᠨᠦᠭᠦᠳ ᠢ ᠳᠡᠭᠦᠵᠤ ᠦᠵᠡᠬᠦᠶ᠎ᠡ᠂ ᠠᠯᠳᠠᠨ ᠤᠯᠤᠰ ᠬᠢᠭᠡᠳ ᠶᠤᠸᠠᠨ ᠤᠯᠤᠰ  ᠤᠨ ᠬᠤᠶᠠᠷ ᠦᠶ᠎ᠡ ᠶᠢᠨ  ᠶᠠᠭᠤᠮ᠎ᠠ ᠪᠤᠯᠤᠨ᠎ᠠ᠃ ᠲᠡᠷᠨ ᠨᠢ ᠠᠯᠳᠠᠨ ᠤᠯᠤᠰ ᠠᠴᠠ ᠬᠤᠶᠢᠰᠢ᠂ ᠶᠤᠸᠠᠨ ᠤ ᠦᠶ᠎ᠡ  ᠳᠤ ᠳᠣᠰ ᠬᠤᠳᠠ ᠶᠢ ᠬᠠᠶᠢᠭᠤᠯ ᠬᠤᠳᠠ ᠪᠤᠯᠭᠠᠨ ᠦᠷᠭᠦᠯᠵᠢᠯᠡᠨ ᠬᠡᠷᠡᠭᠯᠡᠭᠰᠡᠨ ᠢ ᠬᠠᠷᠠᠭᠤᠯᠵᠤ ᠪᠠᠶᠢᠨ᠎ᠠ᠃        ᠪᠦᠬᠦ ᠬᠤᠳᠠ ᠶᠢᠨ ᠲᠦᠪ ᠳᠤᠮᠳᠠ᠂ ᠬᠤᠳᠠ ᠶᠢᠨ ᠪᠦᠬᠦᠯᠢ ᠦᠵᠡᠮᠵᠢ ᠪᠠᠶᠢᠳᠠᠯ ᠢ ᠪᠦᠷᠢᠨ ᠰᠠᠶᠢᠬᠠᠨ ᠠᠵᠢᠮᠠᠷ᠂ ᠨᠡᠯᠢᠶᠡᠳ ᠶᠡᠭᠡ ᠤᠷᠳᠤᠯᠵᠢᠨ ᠬᠡᠯᠪᠡᠷᠢ ᠲᠠᠢ ᠬᠤᠶᠠᠷ ᠶᠡᠭᠡ ᠳᠠᠶᠢᠵᠨ ᠮᠠᠶ᠋ᠢᠭ ᠤᠨ ᠳᠠᠯᠠᠪᠠᠢ ᠪᠤᠢ᠃ ᠡᠩ  ᠤᠨ  ᠭᠠᠵᠠᠷ ᠠᠴᠠ ᠠᠴᠠ ᠬᠡᠳᠦᠨ ᠮᠧᠲᠷ ᠦᠨᠳᠦᠷ ᠬᠠᠷᠠᠭᠳᠠᠵᠤ ᠳᠠᠯᠠᠪᠠᠢ ᠶᠢᠨ ᠬᠡᠪᠴᠢᠶ᠎ᠡ 2600  ᠳᠡᠭᠰᠢ ᠲᠦᠷᠪᠡᠯᠵᠢᠨ ᠮᠧᠲᠷ ᠪᠠᠶᠢᠨ᠎ᠠ᠃ ᠳᠡᠭᠦᠨ ᠤ ᠲᠦᠷᠪᠡᠨ ᠲᠠᠯ᠎ᠠ ᠳᠤ ᠪᠦᠷ ᠤᠷᠳᠤᠨ ᠬᠠᠷᠰᠢ ᠶᠢᠨ ᠪᠠᠭᠤᠷᠢ ᠵᠠᠯᠭᠠᠯᠳᠤᠨ᠎ᠠ᠃ ᠰᠢᠨᠵᠢᠯᠡᠨ ᠠᠵᠢᠭᠯᠠᠪᠠᠰᠣ ᠨᠢᠬᠡ ᠶᠡᠭᠡ ᠴᠣᠭᠯᠠᠭᠠᠨ ᠤ ᠳᠠᠯᠠᠪᠠᠢ ᠬᠡᠮᠡᠷ᠂ ᠬᠠᠵᠠᠭᠤ ᠳᠤᠨᠢ ᠨᠢᠭᠡ ᠴᠢᠯᠠᠭᠤᠨ ᠤᠩᠭᠤᠴᠠ ᠬᠠᠶᠠᠭᠠᠰᠣᠳᠠᠢ᠃ ᠶᠠᠫᠤᠨ ᠢ ᠡᠰᠡᠷᠭᠦᠴᠡᠬᠦ ᠳᠠᠶᠢᠨ ᠤ ᠦᠶ᠎ᠡ  ᠶᠠᠫᠤᠨ ᠡᠵᠡᠷᠬᠡᠭ ᠲᠦᠷᠢᠮᠡᠭᠡᠶᠢᠳᠡᠨ ᠤ ᠰᠣᠶᠤᠯ ᠤᠨ ᠳᠠᠩᠨᠠᠭᠤᠯ ᠨᠢ  ᠡᠨᠡᠬᠦ ᠰᠢᠷᠤᠢ ᠶᠢᠨ ᠳᠠᠶᠢᠵᠨ ᠪᠠ ᠤᠷᠳᠤᠨ ᠬᠠᠷᠰᠢ ᠶᠢᠨ ᠶᠡᠭᠡ ᠪᠠᠭᠤᠷᠢ ᠶᠢ ᠶᠡᠬᠡᠪᠡᠷ ᠬᠤᠯᠠᠭᠠᠶᠢᠯᠠᠨ ᠬᠡᠴᠢᠨᠡᠨ ᠡᠳᠦᠷ ᠬᠤᠨᠤᠭ ᠢᠶᠠᠷ ᠠᠭᠤᠳᠠᠯᠠᠨ ᠮᠠᠯᠳᠠᠬᠤ ᠳᠠᠭᠠᠨ ᠮᠠᠰᠢᠨ ᠳᠡᠷᠬᠡ  ᠨᠦᠭᠦᠳ ᠢ ᠬᠤᠶᠢᠨ᠎ᠠ ᠬᠤᠶᠢᠨ᠎ᠠ ᠠᠴᠠ ᠨᠢ ᠤᠭᠰᠠᠷᠠᠭᠤᠯᠤᠨ ᠭᠠᠳᠠᠭᠤᠷ ᠨᠢ ᠬᠦᠰᠢᠬᠡ ᠳᠠᠳᠠᠵᠤ ᠬᠦᠷᠢᠶᠡᠯᠡᠨ᠂ ᠪᠠᠰᠨ ᠤᠶᠢᠷ᠎ᠠ ᠬᠠᠪᠢ ᠪᠠᠷ ᠨᠢ ᠫᠤᠤ ᠵᠡᠪᠰᠡᠭ ᠲᠠᠢ ᠬᠠᠷᠠᠭᠤᠯ ᠮᠠᠨᠠᠭᠠᠨ ᠤ ᠴᠡᠷᠢᠭ ᠵᠤᠭᠰᠤᠭᠠᠵᠤ᠂ ᠠᠷᠠᠳ ᠢᠷᠭᠡᠳ ᠢ ᠬᠠᠵᠠᠭᠤ ᠳᠤᠨᠢ ᠬᠠᠪᠢᠳᠠᠭᠤᠯᠬᠤ ᠦᠭᠡᠢ ᠪᠠᠷ ᠰᠠᠷ᠎ᠠ ᠰᠢᠬᠠᠮ ᠮᠠᠯᠳᠠᠵᠤ᠂ ᠡᠳᠦᠷ ᠰᠦᠨᠢ ᠦᠭᠡᠢ  ᠭᠠᠳᠠᠭᠰᠢ ᠵᠦᠭᠡᠭᠡᠪᠦᠷᠢᠯᠡᠭᠰᠡᠨ ᠢ ᠭᠠᠵᠠᠷ ᠤᠷᠤᠨ ᠤ ᠠᠷᠠᠳ ᠤᠳ ᠪᠦᠷ ᠮᠡᠳᠡᠳᠡᠭ ᠪᠤᠯᠪᠠᠴᠣ ᠳᠡᠳᠡ ᠠᠳᠡ ᠠᠴᠠ ᠴᠣᠬᠤᠮ  ᠶᠠᠭᠤ ᠠᠪᠠᠴᠢᠭᠰᠠᠨ ᠢ ᠮᠡᠳᠡᠬᠦ ᠶᠢᠨ ᠠᠷᠭ᠎ᠠ ᠦᠭᠡᠢ ᠪᠠᠶᠢᠵᠠᠢ᠃  ᠤᠳᠤ ᠵᠦᠪᠬᠡᠨ ᠳᠡᠳᠡᠨ ᠤ ᠮᠠᠯᠳᠠᠭᠠᠳ ᠬᠠᠶᠠᠭᠰᠠᠨ ᠬᠦᠨ ᠨᠦᠬᠡ ᠨᠢ ᠦᠷᠭᠡᠨ ᠢᠶᠠᠷ 16 ᠮᠧᠲᠷ  ᠤᠩᠭᠤᠶᠢᠵᠤ ᠯᠨ ᠪᠠᠶᠢᠨ᠎ᠠ᠃        ᠬᠤᠳᠠ ᠶᠢᠨ ᠳᠤᠳᠤᠷᠠᠬᠢ ᠤᠷᠳᠤᠨ ᠬᠠᠷᠰᠢ᠂ ᠠᠰᠠᠷ ᠳᠠᠭᠳᠣ ᠶᠢᠨ ᠪᠠᠭᠤᠷᠢ ᠨᠢ ᠳᠣᠩ ᠡᠮᠬᠢ ᠵᠠᠮᠪᠠᠷᠠᠭ᠎ᠠ  ᠲᠠᠢ᠂ ᠬᠤᠳᠠ ᠶᠢᠨ ᠳᠤᠳᠤᠷᠠᠬᠢ ᠶᠡᠭᠡ ᠵᠡᠭᠡᠯᠢ ᠨᠢ ᠬᠤᠳᠠ ᠠᠴᠠ ᠭᠠᠷᠬᠤ ᠶᠡᠭᠡ ᠬᠠᠭᠠᠯᠭ᠎ᠠ ᠵᠦᠭ ᠰᠢᠭᠤᠳ ᠨᠡᠪᠳᠡᠷᠡᠵᠤ᠂ ᠬᠤᠶᠠᠷ ᠳᠠᠯ᠎ᠠ ᠪᠠᠷ ᠨᠢ ᠪᠠᠷᠢᠯᠭ᠎ᠠ ᠳᠠᠭᠳᠤ ᠶᠢᠨ ᠪᠠᠭᠤᠷᠢ ᠦᠷᠭᠦᠯᠵᠢᠯᠡᠨ᠎ᠡ᠃ ᠪᠠᠭᠤᠷᠢ ᠨᠤᠭᠤᠳ ᠤᠨ ᠳᠡᠭᠡᠷᠡᠬᠢ ᠡᠳ᠋ ᠪᠤᠳᠠᠰ ᠤᠨ ᠦᠯᠡᠳᠡᠭᠳᠡᠯ ᠨᠢ ᠪᠦᠷ ᠯᠨ ᠠᠯᠳᠠᠨ ᠤᠯᠤᠰ ᠪᠤᠯᠤᠨ ᠶᠤᠸᠠᠨ ᠤᠯᠤᠰ ᠤᠨ ᠬᠤᠶᠠᠷ ᠦᠶ᠎ᠡ ᠶᠢᠨ ᠶᠠᠭᠤᠮᠠᠰ ᠪᠠᠶᠢᠯ᠎ᠠ᠃ ᠡᠭᠦᠨ ᠢᠶᠠᠷ ᠦᠵᠡᠬᠦᠯ᠎ᠡ᠂ ᠶᠤᠸᠠᠨ ᠤ ᠳᠡᠦᠬᠡᠨ ᠳᠤ ᠳᠡᠮᠳᠡᠭᠯᠡᠭᠰᠡᠨ᠄ ︽ᠶᠤᠸᠠᠨ ᠤᠯᠤᠰ ᠤᠨ ᠦᠶ᠎ᠡ   ᠳᠤ ᠬᠤᠸᠠᠩᠵᠸᠤ ᠨᠢ ᠪᠠᠷᠠᠭᠤᠨ ᠬᠤᠶᠢᠨ᠎ᠠ ᠵᠤᠪᠬᠢᠰ ᠢ ᠰᠠᠬᠢᠨ ᠰᠠᠭᠤᠭᠰᠠᠨ ᠴᠢᠬᠤᠯᠨ  ᠬᠤᠳᠠ  ᠶᠢᠨ ᠨᠢᠭᠡᠨ ᠪᠤᠯᠠᠢ ᠁︾ ᠭᠡᠳᠡᠭ ᠨᠢ ᠳᠤᠩ ᠦᠨᠡᠨ ᠪᠢᠯᠨ᠃        ᠠᠯᠳᠠᠨ ᠤᠯᠤᠰ ᠤᠨ ᠡᠨᠡᠬᠦ ᠬᠤᠸᠠᠩᠵᠸᠤ  ᠬᠤᠳᠠ ᠶᠢᠨ ᠪᠠᠭᠤᠷᠢ ᠠᠴᠠ ᠰᠦᠩ ᠤᠯᠤᠰ ᠤᠨ  ᠭᠠᠤᠯᠢᠨ ᠵᠤᠭᠤᠰ᠂ ᠠᠯᠳᠠᠨ ᠤᠯᠤᠰ ᠤᠨ  ᠳ᠋ᠠ ᠳ᠋ᠢᠩ ᠤᠨ  ᠭᠠᠤᠯᠢᠨ ᠵᠤᠭᠤᠰ ᠬᠡᠳᠦ ᠤᠯᠳᠠᠭᠰᠠᠨ ᠠᠴᠠ ᠭᠠᠳᠠᠨ᠎ᠠ᠂ ᠰᠢᠷ᠎ᠠ ᠬᠦᠷᠡᠩ ᠦᠩᠭᠡ ᠶᠢᠨ ᠱᠤᠪᠳᠤᠩ ᠢᠷᠤᠭᠠᠷ ᠲᠠᠢ ᠯᠤᠩᠬᠤ ᠬᠡᠳᠦ ᠤᠯᠳᠠᠵᠠᠢ᠃ ᠨᠡᠯᠢᠶᠡᠳ ᠤᠨᠴᠠᠯᠢᠭ ᠲᠠᠢ ᠠᠴᠠ ᠳᠡᠮᠦᠷ ᠰᠦᠬᠡ ᠨᠢᠭᠡ ᠪᠤᠢ᠃ ᠦᠷᠭᠡᠨ ᠠᠷᠤ ᠲᠠᠢ᠂ ᠳᠤᠳᠤᠭᠰᠢ ᠢᠷᠯᠡᠭᠰᠡᠨ ᠢᠶᠠᠷ ᠦᠵᠡᠬᠦ ᠳᠤ  ᠴᠠᠪᠴᠢᠬᠤ ᠳᠤᠷ ᠬᠡᠷᠡᠭᠯᠡᠮᠤᠢ᠃ ᠤᠷᠳᠤ ᠠᠨᠤ 3  ᠰᠡᠨᠲ᠋ᠢᠮᠧᠲᠷ  ᠂ ᠦᠷᠭᠡᠨ   ᠨᠢ 5 ᠰᠡᠨᠲ᠋ᠢᠮᠧᠲᠷ᠂ ᠵᠤᠵᠠᠭᠠᠨ ᠨᠢ 2.5 ᠰᠡᠨᠲ᠋ᠢᠮᠧᠲᠷ ᠪᠠᠶᠢᠵᠤᠬᠤᠢ᠃ ︵ ᠬᠦᠬᠡᠬᠤᠳᠠᠨ᠎ᠠ ᠠᠪᠠᠴᠢᠪᠠ︶ ᠡᠭᠦᠨ ᠠᠴᠠ ᠭᠠᠳᠠᠨ᠎ᠠ ᠴᠢᠯᠠᠭᠤᠨ ᠤᠭᠤᠷ᠂ ᠨᠦᠳᠦᠭᠦᠷ᠂  ᠯᠢᠩᠬᠤᠸ᠎ᠠ ᠴᠡᠴᠡᠭ ᠤᠨ ᠰᠡᠶᠢᠯᠤᠮᠠᠯ ᠲᠠᠢ ᠪᠠᠷᠢᠯᠭ᠎ᠠ ᠶᠢᠨ ᠲᠦᠷᠪᠡᠯᠵᠢᠨ ᠴᠢᠯᠠᠭᠤ᠂ ᠵᠠᠷᠢᠮ ᠨᠢ ᠨᠠᠷᠢᠯᠢᠭ ᠬᠢᠴᠨ ᠲᠠᠢ ᠭᠠᠨᠳᠢᠭ ᠴᠠᠭᠠᠨ ᠴᠢᠯᠠᠭᠤ ᠴᠦ ᠪᠠᠶᠢᠪᠠ᠃ ᠪᠦᠷ ᠯᠨ ᠠᠯᠳᠠᠨ ᠤᠯᠤᠰ ᠶᠤᠸᠠᠨ ᠤᠯᠤᠰ ᠤᠨ ᠰᠣᠶᠣᠯ ᠤᠨ ᠨᠡᠶᠢᠳᠡᠯᠢᠭ ᠤᠨᠴᠠᠯᠢᠭ ᠢ ᠬᠠᠷᠠᠭᠤᠯᠵᠤᠬᠤᠢ᠃        ᠳᠡᠦᠬᠡ ᠪᠢᠴᠢᠭ  ︽ᠪᠤᠭᠤᠮᠳᠠ ᠶᠢᠨ ᠭᠠᠳᠠᠨᠠᠬᠢ  ᠭᠤᠷᠪᠠᠨ ᠲᠢᠩᠬᠢᠮ ᠤᠨ ᠲᠡᠮᠳᠡᠭᠯᠡᠯ  ︾  ︵ᠺᠸᠦ ᠪᠸᠢ ᠰᠠᠨ ᠲᠢᠩ  ᡁᠢ  ︶ ᠳᠤᠷ ︽ᠵᠢᠢ ᠹᠧᠩ ᠲᠦ᠋ ᠺᠦ᠋︾ ᠬᠡᠮᠡᠬᠦ ᠪᠢᠴᠢᠭ   ᠠᠴᠠ ᠡᠰᠢ  ᠳᠠᠳᠠᠵᠤ ᠪᠢᠴᠢᠬᠦ ᠳᠡᠭᠡᠨ ︽ᠺᠠᠶᠢᠫᠢᠩ ᠱᠠᠩᠳᠤ ᠬᠤᠳᠠ ᠠᠨᠤ ᠳᠦᠰᠢ ᠴᠢᠯᠠᠭᠤᠨ ᠠᠮᠠᠨ ᠠᠴᠠ ᠭᠤᠷᠪᠠᠨ ᠵᠠᠭᠤᠨ ᠭᠠᠵᠠᠷ ᠪᠤᠢ᠃ ᠠᠯᠳᠠᠨ ᠤᠯᠤᠰ  ᠤᠨ ᠦᠶ᠎ᠡ  ᠠᠳᠡ  ᠬᠤᠸᠠᠩᠵᠸᠤ ᠶᠠᠮᠤᠨ ᠢ ᠪᠠᠶᠢᠭᠤᠯᠪᠠᠢ᠃ ᠬᠤᠶᠠᠷ ᠬᠤᠳᠠ ᠪᠠᠶᠢᠵᠤᠬᠤᠢ᠃ ᠵᠡᠭᠦᠨ ᠠᠨᠤ ᠰᠢᠨ᠎ᠡ ᠬᠤᠳᠠ᠂ ᠪᠠᠷᠠᠭᠤᠨ ᠠᠨᠤ ᠬᠠᠭᠤᠴᠢᠨ ᠬᠤᠳᠠ᠂ ᠬᠤᠭᠤᠷᠤᠨᠳᠤ ᠪᠠᠨ ᠭᠤᠴᠢᠨ ᠭᠠᠵᠠᠷ ᠵᠠᠶᠢᠳᠠᠢ᠃ ᠬᠠᠨ ᠤᠯᠤᠰ  ᠤᠨ ᠦᠶ᠎ᠡ ᠳᠤ ᠦᠬᠤᠸᠠᠨ ᠤ ᠭᠠᠵᠠᠷ ᠪᠠᠶᠢᠪᠠᠢ᠃ ᠶᠤᠸᠠᠨ ᠤᠯᠤᠰ ᠤᠨ ᠱᠢᠽᠦ ᠬᠠᠭᠠᠨ ᠁ ᠰᠢᠨ᠎ᠡ ᠬᠤᠸᠠᠩᠵᠸᠤ ᠠᠴᠠ ᠵᠡᠭᠦᠨᠰᠢ ᠲᠦᠴᠢᠨ ᠭᠠᠵᠠᠷ ᠲᠤ ᠺᠠᠶᠢᠫᠢᠩ ᠹᠦ᠋ ᠢ  ︵ ᠶᠠᠮᠤᠨ︶ ᠪᠠᠶᠢᠭᠤᠯᠪᠠᠢ︾   ᠬᠡᠮᠡᠨ ᠳᠤᠳᠤᠷᠬᠠᠢ ᠳᠡᠮᠳᠡᠭᠯᠡᠭᠰᠡᠨ ᠪᠠᠶᠢᠨ᠎ᠠ᠃ ᠪᠠᠰᠨ ᠶᠤᠸᠠᠨ ᠣᠯᠣᠰ ᠤᠨ ᠳᠡᠦᠬᠡ ᠪᠢᠴᠢᠭ ᠤᠨ ︽ᠭᠠᠵᠠᠷ ᠵᠦᠢ ᠶᠢᠨ ᠳᠡᠮᠳᠡᠭᠯᠡᠯ︾ ᠳᠤ  ︽ᠱᠠᠩᠳᠣ ᠮᠤᠵᠢ ᠠᠨᠤ ᠳᠠᠩ ᠤᠯᠤᠰ ᠤᠨ ᠦᠶ᠎ᠡ ᠳᠤ ᠬᠢᠳᠠᠨ ᠤ ᠭᠠᠵᠠᠷ ᠪᠠᠶᠢᠪᠠᠢ᠃ ᠠᠯᠳᠠᠨ ᠤᠯᠤᠰ ᠬᠢᠳᠠᠨ ᠢ ᠮᠦᠬᠦᠭᠡᠵᠤ᠂   ᠰᠢᠨ᠎ᠡ ᠬᠤᠸᠠᠩᠵᠸᠤ ᠶᠠᠮᠤᠨ ᠢ ᠠᠳᠡ ᠪᠠᠶᠢᠭᠤᠯᠪᠠᠢ  ︾ ᠭᠡᠵᠠᠢ᠃        ᠠᠯᠳᠠᠨ ᠤᠯᠤᠰ ᠤᠨ ᠳᠡᠦᠬᠡ ᠪᠢᠴᠢᠭ ︽ᠵᠠᠨᠽᠦ᠋ᠩ ᠤᠨ ᠪᠦᠯᠦᠭ︾ ᠲᠤ᠄ ︽ᠴᠢᠩᠭᠢᠰ ᠬᠠᠭᠠᠨ ᠬᠡᠷᠡᠶᠢᠳ ᠂ ᠨᠠᠢᠮᠠᠨ ᠬᠤᠶᠠᠷ ᠠᠶᠢᠮᠠᠭ ᠢ  ᠬᠤᠷᠢᠶᠠᠭᠰᠠᠨ ᠤ ᠳᠠᠷᠠᠭ᠎ᠠ᠂ ᠳ᠋ᠠ ᠠᠨ ᠤ ᠭᠤᠷᠪᠠᠳᠤᠭᠠᠷ ᠤᠨ ︵1211︶   ᠳᠤ ᠮᠣᠬᠤᠯᠠᠢ ᠪᠠᠷ ᠬᠤᠰᠢᠭᠤᠴᠢ ᠴᠡᠷᠢᠭ ᠢ ᠵᠠᠬᠢᠷᠠᠭᠤᠯᠵᠤ ᠠᠯᠳᠠᠨ ᠤᠯᠤᠰ ᠤᠨ ᠬᠤᠶᠢᠳᠤ ᠵᠠᠬ᠎ᠠ ᠬᠢᠯᠢ ᠶᠢᠨ ᠳᠠᠪᠬᠤᠷ ᠬᠡᠷᠡᠮ ᠢ ᠳᠠᠭᠠᠷᠢᠨ᠂ ᠴᠡᠷᠢᠭ  ᠤᠷᠤᠭᠤᠯᠵᠤ ᠤᠷᠢᠳᠠᠪᠠᠷ ᠵᠧᠩ ᠵᠸᠤ ᠬᠢᠬᠡᠳ ᠰᠢᠤᠸᠠᠨ ᠳ᠋ᠧ ᠹᠦ᠋ ᠢ ᠴᠤᠬᠢᠭᠤᠯᠪᠠ᠃ ᠮᠤᠬᠤᠯᠠᠢ ᠭᠠᠷ ᠳᠤᠤᠷᠠᠬᠢ ᠵᠠᠩᠵᠤᠨ ᠶᠧᠯᠤᠶᠢᠳᠤᠭᠸ᠎ᠠ ︵ ᠬᠢᠳᠠᠨ ᠬᠦᠮᠦᠨ︶ ᠢ  ᠵᠠᠷᠯᠢᠭᠳᠠᠵᠤ  ᠬᠤᠸᠠᠩᠵᠸᠤ ᠶᠢᠨ ᠣᠷᠴᠢᠮ ᠳᠠᠬᠢ ᠬᠠᠭᠠᠨ ᠤ ᠠᠭᠳᠠ ᠶᠢᠨ ᠰᠦᠷᠦᠭ ᠢ ᠳᠠᠭᠠᠷᠢᠵᠤ᠂ ᠬᠡᠳᠦᠨ ᠵᠠᠭᠤᠨ ᠲᠦᠮᠡᠨ ᠴᠡᠷᠢᠭ ᠤᠨ ᠠᠭᠳᠠ ᠤᠯᠵᠠᠯᠠᠵᠤ ᠠᠯᠳᠠᠨ ᠤᠯᠤᠰ ᠢ ᠶᠡᠬᠡᠳᠡ ᠰᠦᠷᠳᠡᠭᠦᠯᠪᠡ᠃ ᠳᠠᠶᠢᠽᠤ   ᠶᠢᠨ  ᠳᠤᠯᠤᠳᠤᠭᠠᠷ ᠤᠨ ︵1212︶ ᠤ ᠡᠬᠢᠨ ᠢᠶᠠᠷ ᠴᠢᠩᠭᠢᠰ ᠤᠨ ᠶᠡᠭᠡ ᠴᠡᠷᠢᠭ   ᠨᠢ ᠪᠠᠷᠠᠭᠤᠨ ᠬᠤᠶᠢᠳᠤ ᠶᠢ ᠳᠠᠷᠤᠩᠭᠤᠶᠢᠯᠠᠨ ᠰᠠᠭᠤᠭᠰᠠᠨ ᠬᠤᠸᠠᠩᠵᠸᠤ ᠬᠤᠳᠠ ᠶᠢ ᠪᠦᠰᠡᠯᠡᠨ ᠴᠤᠬᠢᠪᠠ᠃ ᠬᠤᠶᠠᠷ ᠳᠠᠯ᠎ᠠ ᠶᠢᠨ ᠬᠤᠷᠴᠨ ᠰᠢᠷᠦᠭᠦᠨ ᠳᠠᠶᠢᠯᠠᠯᠳᠤᠭᠠᠨ ᠤ ᠳᠤᠮᠳᠠ᠂  ᠵᠠᠭᠤᠳᠤ ᠶᠢᠨ ᠳᠠᠷᠤᠭ᠎ᠠ ᠰᠦᠪᠡᠭᠡᠳᠠᠢ ᠤᠷᠢᠳᠠᠪᠠᠷ ᠱᠠᠯᠠᠮᠠᠭᠠᠶᠢᠯᠠᠨ ᠱᠠᠳᠤ ᠶᠢ ᠳᠠᠪᠠᠨ ᠬᠤᠸᠠᠩᠵᠸᠤ ᠬᠤᠳᠠ ᠶᠢᠨ ᠬᠡᠷᠡᠮ ᠳᠡᠭᠡᠷ᠎ᠡ ᠳᠠᠶᠢᠰᠣᠨ ᠢ ᠴᠠᠪᠴᠢᠯᠠᠭᠰᠠᠨ᠎ᠠ᠂ ᠬᠡᠷᠡᠮ ᠰᠠᠬᠢᠭᠰᠠᠨ ᠴᠡᠷᠢᠭ ᠤᠳ ᠬᠤᠶᠠᠭ ᠵᠡᠪᠰᠡᠭ ᠢᠶᠠᠨ ᠬᠠᠶᠠᠵᠤ᠂ ᠬᠤᠸᠠᠩᠵᠸᠤ ᠬᠤᠳᠠ  ᠤᠯᠵᠠᠯᠠᠭᠳᠠᠪᠠ  ︾ ᠭᠡᠵᠠᠢ᠃ ᠡᠭᠦᠨ ᠠᠴᠠ ᠬᠤᠶᠢᠰᠢ ᠬᠤᠸᠠᠩᠵᠸᠤ ᠬᠤᠳᠠ ᠶᠢᠨ ᠡᠵᠡᠨ ᠰᠣᠯᠢᠭᠳᠠᠵᠤ᠂ ᠶᠡᠭᠡ ᠮᠤᠩᠭᠤᠯ ᠤᠨ ᠬᠠᠮᠢᠶᠠᠳᠠᠢ  ᠪᠤᠯᠵᠤᠬᠤᠢ᠃ ᠡᠭᠦᠨ ᠠᠴᠠ ᠦᠵᠡᠬᠦ ᠳᠤ ᠰᠢᠨ᠎ᠡ ᠬᠤᠸᠠᠩᠵᠸᠤ ᠬᠤᠳᠠ ᠨᠢ ᠴᠢᠩᠭᠢᠰ ᠬᠠᠭᠠᠨ ᠤ ᠮᠤᠬᠤᠯᠠᠢ ᠶᠢᠨ ᠶᠡᠭᠡ ᠴᠡᠷᠢᠭ ᠲᠤ ᠴᠤᠬᠢᠭᠳᠠᠨ ᠴᠤᠴᠡᠷᠡᠨ ᠰᠦᠢᠷᠡᠭᠰᠡᠨ ᠪᠠᠶᠢᠨ᠎ᠠ᠃         ᠰᠢᠨ᠎ᠡ ᠬᠤᠸᠠᠩᠵᠸᠤ ᠬᠤᠳᠠ ᠶᠢᠨ ᠪᠠᠭᠤᠷᠢ ᠨᠢ ᠨᠡᠯᠢᠶᠡᠳ ᠰᠠᠶᠢᠬᠠᠨ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠶᠢᠭ᠎ᠠ ᠠᠯᠳᠠᠨ ᠤᠯᠤᠰ ᠤᠨ ᠦᠶ᠎ᠡ ᠶᠢᠨ ᠰᠣᠶᠣᠯ ᠳᠡᠦᠬᠡ ᠶᠢᠨ ᠤᠨᠴᠠᠯᠢᠭ ᠢ ᠭᠦᠢᠴᠡᠳ ᠬᠠᠳᠠᠭᠠᠯᠠᠭᠰᠠᠨ ᠬᠤᠳᠠ ᠶᠢᠨ ᠪᠠᠭᠤᠷᠢ ᠪᠤᠯᠬᠤ ᠶᠤᠮ᠃ ᠳᠡᠷᠨ ᠨᠢ 1986 ᠤᠨ ᠳᠤ ᠨᠡᠶᠢᠳᠡᠯᠡᠭᠳᠡᠭᠰᠡᠨ᠂ ᠦᠪᠡᠷᠳᠡᠭᠡᠨ  ᠵᠠᠰᠠᠬᠤ ᠤᠷᠤᠨ ᠤ ᠳᠡᠰ ᠤᠨ ᠭᠤᠤᠯᠳᠠᠯᠭ᠎ᠠ ᠲᠠᠢ ᠬᠠᠮᠠᠭᠠᠯᠠᠬᠤ ᠳᠡᠦᠬᠡ ᠶᠢᠨ ᠳᠤᠷᠠᠰᠬᠠᠯᠳᠤ ᠬᠤᠳᠠ ᠪᠠᠯᠭᠠᠳ ᠤᠨ ᠨᠢᠭᠡ ᠪᠤᠯᠤᠨ᠎ᠠ᠃ ᠳᠡᠷᠨ ᠨᠢ ᠬᠡᠳᠦᠶᠢᠪᠡᠷ ᠪᠠᠭᠤᠷᠢ ᠳᠡᠳᠦᠢ ᠪᠠᠯᠭᠠᠰᠣ ᠪᠤᠯᠤᠭᠰᠠᠨ ᠴᠦ ᠮᠠᠨ ᠤ ᠤᠯᠤᠰ ᠤᠨ ᠤᠮᠠᠷᠠᠳᠣ ᠬᠢᠵᠠᠭᠠᠷ ᠤᠷᠤᠨ ᠤ ᠲᠡᠦᠬᠡ  ᠶᠢᠨ ᠳᠡᠮᠳᠡᠭᠯᠡᠯ ᠳᠤ ᠬᠤᠪᠤᠷ ᠨᠠᠨᠳᠢᠨ ᠨᠢᠭᠡᠨ  ᠬᠠᠭᠤᠳᠠᠰᠣ   ᠶᠢ ᠨᠡᠮᠡᠷᠢᠯᠡᠵᠤ  ᠂  ᠰᠤᠶᠤᠯ ᠳᠡᠦᠬᠡ ᠪᠤᠯᠤᠨ ᠦᠯᠡᠳᠡᠭᠡᠳ᠂ ᠨᠡᠭᠦᠳᠡᠯᠴᠢᠨ ᠠᠶᠢᠮᠠᠭ ᠤᠨ ᠤᠷᠤᠭ᠎ᠠ ᠪᠤᠰᠤᠭ᠎ᠠ ᠴᠠᠭ ᠦᠶ᠎ᠡ ᠬᠢᠭᠡᠳ ᠴᠡᠷᠢᠭ ᠳᠠᠶᠢᠨ ᠤ ᠰᠣᠶᠣᠯ ᠳᠡᠮᠳᠡᠭᠯᠡᠯ ᠢ ᠲᠤᠭᠠᠴᠢᠵᠤ ᠳᠡᠦᠬᠡ ᠰᠣᠶᠣᠯ ᠤᠨ ᠭᠠᠶᠢᠬᠠᠮᠰᠢᠭ ᠢᠶᠠᠷ ᠢᠶᠠᠨ ᠳᠤᠳᠤᠭᠠᠳᠤ ᠭᠠᠳᠠᠭᠠᠳᠣ ᠶᠢᠨ ᠵᠤᠭᠠᠴᠠᠭᠴᠢ ᠪᠠ ᠬᠠᠭᠤᠴᠢ ᠰᠤᠳᠤᠯᠤᠯ ᠤᠨ ᠡᠷᠳᠡᠮᠳᠡᠳ ᠤᠨ ᠳᠤᠷ᠎ᠠ ᠪᠠᠭ᠋ᠠᠷᠤᠯ ᠢ ᠳᠠᠳᠠᠵᠤ᠂ ᠬᠤᠪᠤᠷ ᠴᠤᠬᠠᠭ ᠲᠡᠦᠬᠡ ᠶᠢᠨ ᠳᠤᠷᠠᠰᠬᠠᠯᠳᠤ ᠦᠯᠡᠳᠡᠭᠳᠡᠯ ᠪᠤᠯᠤᠭᠰᠠᠭᠠᠷ ᠪᠠᠶᠢᠨ᠎ᠠ᠃        ᠬᠤᠶᠠᠷ᠂ ᠱᠠᠩᠳᠤ ᠬᠤᠳᠡ ᠶᠢᠨ ᠬᠠᠷᠡᠭᠤᠯ ᠤᠨ ᠤᠪᠤᠭ᠎ᠠ        ᠲᠡᠬᠡᠳᠤ ᠨᠡᠶᠢᠰᠯᠠᠯ  — ᠱᠠᠩᠳᠤ ᠬᠤᠳᠡ ᠶᠢᠨ ᠡᠷᠬᠢᠨ ᠲᠤᠭᠤᠷᠢᠨ ᠬᠤᠯᠠ ᠦᠢᠷ᠎ᠡ  ᠶᠢᠨ ᠠᠭᠤᠯᠠᠰ ᠤᠨ ᠤᠷᠤᠢ ᠪᠠᠷ ᠠᠯᠤᠰ ᠠᠴᠠ ᠤᠪᠤᠭ᠎ᠠ ᠬᠡᠮᠡᠷ ᠬᠠᠷᠡᠭ᠌ᠳᠡᠵᠤ ᠪᠠᠶᠢᠭ᠎ᠠ  ᠪᠤᠮᠪᠤᠭᠠᠷ ᠤᠷᠤᠢ ᠲᠠᠢ ᠠᠭᠤᠯᠠ ᠪᠤᠯ ᠲᠤᠰᠬᠠᠶᠢᠯᠠᠨ ᠴᠢᠯᠠᠭᠤ ᠪᠠᠷ ᠵᠢᠷᠬᠡᠯᠠᠨ ᠭᠠᠷᠭᠠᠭᠰᠠᠨ ᠶᠤᠸᠠᠨ ᠤ ᠦᠶ᠎ᠡ ᠶᠢᠨ ᠭᠠᠯ ᠤᠨ ᠲᠤᠬᠢᠶ᠎ᠡ ᠲᠡᠯᠪᠢᠬᠤ ᠬᠠᠷᠡᠭᠤᠯ ᠤᠨ ᠤᠪᠤᠭ᠎ᠠ ᠨᠤᠭᠤᠳ ᠪᠤᠯᠤᠨ᠎ᠡ᠃ ᠡᠳᠡᠬᠡᠷ ᠤᠪᠤᠭ᠎ᠠ ᠲᠠᠢ ᠠᠭᠤᠯᠠ ᠶᠢᠨ ᠡᠩᠬᠡᠷ ᠪᠤᠶᠤ ᠬᠠᠵᠠᠭᠤ ᠪᠠᠯ ᠢᠶᠠᠷ ᠪᠦᠷ ᠶᠡᠭᠡ ᠪᠠᠭ᠎ᠠ ᠬᠦᠷᠢᠶ᠎ᠡ ᠬᠡᠷᠡᠮ ᠲᠠᠢ ᠪᠠᠷᠢᠯᠭ᠎ᠠ ᠶᠢᠨ ᠪᠠᠭᠤᠷᠢ ᠤᠳ ᠪᠡᠶᠢᠨ᠎ᠡ᠃ ᠡᠬᠦᠨ ᠠᠴᠠ ᠦᠵᠠᠬᠦ ᠳᠤ ᠬᠤᠶᠠᠭ ᠴᠡᠷᠢᠭ ᠰᠠᠭᠤᠯᠭᠠᠨ‌‍ᠰᠠᠬᠢᠭᠤᠯᠵᠤ ᠪᠠᠶᠢᠭᠰᠠᠨ ᠠᠵᠠᠢ᠃ ᠵᠢᠱᠢᠶᠠᠯᠠᠪᠡᠯ ᠬᠠᠳᠡᠨᠳᠡᠢ ᠠᠭᠤᠯᠠ ᠶᠢᠨ ᠪᠠᠷᠡᠭᠤᠨ ᠲᠤᠤᠷ᠎ᠡ᠂ ᠵᠠᠬᠦᠨᠰᠢ ᠪᠠᠷᠡᠭᠤᠨᠰᠢ 100 ᠮᠧᠲᠷ᠂ ᠤᠷᠤᠭᠰᠢ ᠬᠤᠶᠢᠰᠢ 68 ᠮᠧᠲᠷ ᠤᠨ ᠤᠷᠳᠤ ᠲᠦᠷᠪᠠᠯᠵᠢᠨ ᠬᠦᠷᠢᠶ᠎ᠡ ᠪᠡᠷᠢᠵᠤ᠂ ᠬᠦᠷᠢᠶᠡᠨ ᠤ ᠡᠬᠦᠳᠡ ᠶᠢ ᠶᠠᠭ ᠭᠤᠤᠯ ᠳᠤᠨᠢ ᠭᠠᠷᠭᠠᠵᠠᠢ᠃ ᠬᠦᠷᠢᠶ᠎ᠡ ᠶᠢᠨ ᠲᠤᠳᠤᠷ᠎ᠡ ᠬᠤᠶᠠᠷ ᠶᠡᠭᠡ ᠪᠠᠷᠢᠯᠭ᠎ᠠ ᠶᠢᠨ ᠪᠠᠭᠤᠷᠢ ᠨᠢᠬᠡ ᠱᠤᠭᠤᠮ ᠲᠡᠬᠡᠷ᠎ᠡ ᠪᠠᠶᠢᠨ᠎ᠡ᠃ ᠲᠡᠬᠡᠷ᠎ᠡ ᠨᠢ ᠡᠩ ᠤᠨ ᠬᠦᠬᠡ ᠲᠤᠭᠤᠰᠬ᠎ᠠ ᠬᠢᠬᠡᠤᠨ ᠸᠠᠭᠠᠷ ᠤᠳ ᠪᠤᠳᠡᠷᠡᠵᠤ ᠪᠠᠶᠢᠳᠠᠭ᠃ ᠡᠨᠡ ᠨᠢ  ᠬᠡᠯᠡᠯᠬᠡᠨ‌ᠦᠬᠡᠢ ᠰᠠᠬᠢᠭᠤᠯ ᠴᠡᠷᠢᠭ ᠠᠩᠬᠢ ᠶᠢᠨ ᠪᠠᠶᠢᠷᠢ ᠪᠡ ᠠᠵᠢᠯᠯᠠᠬᠤ ᠦᠷᠳᠡᠭᠡ ᠪᠤᠯᠤᠨ ᠪᠠᠶᠢᠭᠤᠯᠤᠮᠵᠢ ᠪᠤᠯᠬᠤ ᠶᠤᠰᠤᠳᠡᠢ᠃ ᠬᠡᠷ ᠪᠡᠷᠢᠯᠭ᠎ᠠ ᠶᠢᠨ ᠪᠠᠭᠤᠷᠢ ᠶᠢᠨ ᠠᠷᠤ ᠪᠠᠷ ᠶᠡᠭᠡ ᠬᠦᠷᠢᠶᠡᠨ ᠤ ᠬᠡᠷᠡᠮ ᠢᠶᠠᠨ ᠠᠰᠢᠭᠯᠠᠨ᠂ ᠴᠢᠯᠠᠭᠤᠨ ᠬᠤᠷᠢᠶ᠎ᠡ ᠶᠢᠨ ᠪᠠᠭᠤᠷᠢ ᠪᠠᠶᠢᠬᠤ ᠨᠢ ᠮᠤᠷᠢᠤᠨ ᠤᠨᠤᠭ᠎ᠠ ᠪᠠᠨ ᠲᠡᠵᠢᠬᠡᠵᠤ ᠬᠤᠷᠢᠳᠠᠭ ᠬᠤᠷᠤᠭ᠎ᠠ ᠬᠦᠷᠢᠶ᠎ᠡ ᠪᠤᠯᠤᠨ᠎ᠡ᠃ ᠭᠠᠳᠡᠨ᠎ᠡ ᠠᠴᠠ ᠶᠠᠮᠠᠷ ᠨᠢᠬᠡᠨ ᠪᠠᠴᠢᠮ ᠪᠠᠶᠢᠳᠡᠯ ᠭᠠᠷᠪᠠᠯ᠂ ᠠᠭᠤᠯᠠᠨ ᠳᠤ ᠪᠠᠶᠢᠭᠰᠠᠨ ᠬᠠᠷᠡᠭᠤᠯ ᠤᠨ ᠴᠡᠷᠢᠭ ᠤᠪᠤᠭᠠᠨ ᠲᠡᠬᠡᠷ᠎ᠡ ᠭᠠᠷᠴᠤ ᠪᠠᠯᠠᠤᠨᠬᠡᠯ ᠲᠠᠢ ᠪᠠᠶᠢᠭ᠎ᠠ ᠭᠠᠯ ᠤᠨ ᠤᠪᠤᠭ᠎ᠠ ᠶᠢ ᠨᠤᠴᠤᠭᠠᠵᠤ᠂ ᠬᠠᠷᠢᠯᠴᠠᠨ ᠲᠤᠬᠢᠶ᠎ᠡ ᠦᠭᠳᠡᠭ ᠪᠡᠶᠢᠨ᠎ᠡ᠃ ᠡᠳᠡᠬᠡᠷ ᠤᠪᠤᠭ᠎ᠠ  ᠨᠤᠭᠤᠳ ᠲᠤᠰ ᠲᠤᠰ ᠲᠠᠭᠠᠨ ᠭᠠᠵᠠᠷ ᠭᠠᠵᠠᠷ ᠤᠨ ᠠᠰᠢᠭ᠂ ᠴᠢᠬᠤᠯᠠ ᠪᠤᠭᠤᠮᠳᠡ ᠪᠠᠶᠢᠴᠠ ᠶᠢ ᠡᠵᠡᠯᠠᠵᠤ ᠪᠡᠶᠢᠨ᠎ᠡ᠃  ᠬᠤᠯᠠ ᠦᠢᠷ᠎ᠡ ᠶᠢᠨ ᠵᠠᠢ ᠴᠤ ᠬᠡᠤᠨ ᠠᠳᠡᠯᠢ ᠦᠬᠡᠢ᠃ ᠬᠠᠮᠤᠭ ᠬᠤᠯᠠ ᠶᠢᠨ ᠬᠠᠷᠡᠭᠤᠯ ᠤᠨ ᠤᠪᠤᠭ᠎ᠠ ᠱᠠᠩᠳᠤ ᠠᠴᠠ 60 — 70  ᠭᠠᠵᠠᠷ ᠤᠨ ᠦᠵᠤᠬᠦᠷ ᠲᠤ ᠪᠤᠢ᠃ ᠪᠢᠳᠡ ᠬᠠᠭᠤᠴᠢᠨ ᠬᠠᠳᠡᠬᠤᠰᠢᠭᠤ ᠶᠢᠨ ᠪᠠᠷᠡᠭᠤᠨ ᠬᠤᠶᠢᠨ᠎ᠡ ᠪᠠᠶᠢᠭ᠎ᠠ ᠲᠡᠷᠡ ᠤᠷᠴᠢᠮ ᠤᠨ ᠬᠠᠮᠤᠭ ᠤᠨ ᠦᠨᠳᠤᠷ ᠠᠭᠤᠯᠠ ᠶᠢᠨ ᠤᠷᠤᠢ ᠳᠤ ᠪᠠᠶᠢᠭ᠎ᠠ ᠴᠢᠯᠠᠭᠤᠨ ᠤᠪᠤᠭᠠᠨ ᠲᠡᠬᠡᠷ᠎ᠡ ᠭᠠᠷᠤᠭᠰᠠᠨ ᠳᠤ ᠤᠷᠤᠢ ᠲᠡᠬᠡᠷ᠎ᠡ ᠪᠠᠨ ᠴᠤ ᠴᠢᠯᠠᠭᠤᠨ ᠬᠦᠷᠢᠶ᠎ᠡ ᠪᠠᠷᠢᠯᠭ᠎ᠠ ᠲᠠᠢ ᠪᠡᠶᠢᠵᠤ ᠪᠢᠯᠠ᠃ ᠡᠬᠦᠨ ᠠᠴᠠ ᠦᠵᠠᠬᠦ ᠳᠤ ᠲᠤᠬᠠᠢ ᠶᠢᠨ ᠦᠶ᠎ᠡ ᠶᠢᠨ ᠬᠠᠷᠡᠭᠤᠯ ᠤᠨ ᠤᠪᠤᠭ᠎ᠠ ᠨᠤᠭᠤᠳ ᠨᠢ ᠲᠡᠷᠡ ᠦᠶ᠎ᠡ ᠳᠡᠭᠡᠨ ᠲᠤᠶᠢᠯ ᠤᠨ ᠶᠡᠭᠡ ᠴᠢᠬᠤᠯᠠ ᠦᠢᠯᠠᠳᠤᠯ ᠦᠵᠠᠬᠦᠯᠵᠤ ᠪᠠᠶᠢᠭᠰᠠᠨ ᠪᠡᠶᠢᠨ᠎ᠡ᠃ ᠵᠠᠷᠢᠮ ᠬᠠᠭᠤᠴᠢ ᠰᠤᠳᠤᠯᠤᠭᠴᠢᠤᠨ ᠤᠨ ᠬᠡᠯᠡᠬᠦ ᠪᠠᠷ ︽ ᠤᠪᠤᠭᠠᠨ ᠲᠡᠬᠡᠷ᠎ᠡ ᠪᠠᠯᠠᠤᠨᠬᠡᠭᠰᠠᠨ ᠭᠠᠯ ᠢ ᠨᠤᠴᠤᠭᠠᠬᠤ ᠳᠤ ᠪᠠᠭ᠎ᠠ ᠪᠤᠰᠤ ᠴᠢᠨ᠋ᠸ᠎ᠠ ᠪᠤᠶᠤ ᠨᠤᠬᠠᠢ ᠶᠢᠨ ᠪᠠᠭᠠᠰᠤ ᠶᠢ ᠲᠡᠬᠡᠷ᠎ᠡ ᠨᠢ ᠬᠢᠳᠡᠭ ᠬᠡᠨ᠎ᠡ᠃ ᠲᠡᠷᠡ ᠨᠢ  ᠭᠠᠯ ᠤᠨ ᠤᠳᠤᠭ᠎ᠠ ᠶᠢ ᠠᠰ ᠲᠡᠬᠡᠭᠰᠢ ᠰᠤᠭᠤᠨᠠᠭᠯᠠᠨ ᠪᠤᠰᠬᠠᠳᠠᠭ ᠦᠢᠯᠠᠳᠤᠯ ᠲᠠᠢ︾ ᠬᠡᠵᠤ ᠲᠡᠶᠢᠯᠪᠤᠷᠢᠯᠠᠵᠤ ᠦᠩᠬᠡᠷᠡᠪᠡ᠃ ᠵᠦᠭ ᠪᠦᠷᠢ ᠳᠤ ᠬᠠᠷᠡᠭᠤᠯ ᠤᠨ ᠤᠪᠤᠭ᠎ᠠ ᠪᠠᠶᠢᠬᠤ ᠠᠴᠠ ᠦᠵᠠᠬᠦ ᠳᠤ ᠠᠯᠢ ᠵᠦᠭ ᠠᠴᠠ ᠲᠤᠬᠢᠶ᠎ᠡ ᠲᠡᠯᠪᠢᠪᠡᠯ ᠲᠡᠷᠡ ᠵᠦᠭ ᠠᠴᠠ ᠴᠢᠮᠡᠭᠡ ᠢᠷᠡᠳᠡᠭ ᠠᠵᠠᠢ᠃          ᠱᠠᠩᠳᠤ ᠬᠤᠳᠡ ᠠᠴᠠ ᠵᠠᠬᠦᠨ  ᠂ ᠰᠢᠶᠤᠤ ᠶᠤᠸᠠᠨ ᠱᠠᠨ ︵ ᠬᠤᠬᠢᠨ ᠲᠤᠯᠤᠭᠠᠢ︶ ᠠᠭᠤᠯᠠ ᠶᠢᠨ ᠪᠠᠷᠡᠭᠤᠨ ᠲᠤᠤᠷ᠎ᠡ ᠶᠡᠭᠡ ᠬᠡᠮᠵᠢᠶᠡᠨ ᠤ ᠪᠠᠷᠢᠯᠭ᠎ᠠ ᠶᠢᠨ ᠰᠠᠭᠤᠷᠢ  ︵ ᠪᠠᠭᠤᠷᠢ︶ ᠦᠷᠬᠦᠯᠵᠢᠯᠠᠵᠤ ᠪᠡᠶᠢᠨ᠎ᠡ᠃ ᠪᠠᠷᠢᠯᠭ᠎ᠠ ᠶᠢᠨ ᠪᠠᠭᠤᠷᠢ ᠶᠢᠨ ᠭᠤᠤᠯ ᠬᠠᠪᠢ ᠪᠠᠷ ᠨᠢᠬᠡᠨ ᠶᠠᠬᠡᠬᠡᠨ ᠬᠠᠩᠳᠡᠮᠡᠯ ᠰᠢᠷᠤᠢ ᠶᠢᠨ ᠲᠠᠶᠢᠰᠠ ᠭᠠᠷᠭᠠᠵᠤ ᠲᠡᠷᠡ  ᠨᠢ ᠬᠤᠶᠢᠰᠢ ᠤᠷᠤᠭᠰᠢ 150 ᠮᠧᠲᠷ᠂ ᠵᠠᠬᠦᠨᠰᠢ ᠪᠠᠷᠡᠭᠤᠨᠰᠢ 100 ᠮᠧᠲᠷ ᠪᠤᠢ᠃ ︽ ᠡᠨᠡ ᠨᠢ ᠱᠠᠩᠳᠤ ᠬᠤᠳᠡ ᠶᠢᠨ ᠶᠡᠭᠡ ᠴᠡᠷᠢᠭ ᠤᠨ ᠬᠤᠸᠠᠷᠡᠨ ᠤ ᠭᠠᠵᠠᠷ ᠪᠦᠬᠡᠤᠨ ᠴᠡᠷᠢᠭ ᠪᠤᠯᠪᠠᠰᠤᠷᠡᠭᠤᠯᠬᠤ ᠲᠡᠶᠢᠰᠠ︾ ᠬᠡᠵᠤ  ᠢ ᠶᠢᠤ ᠪᠠᠭᠰᠢ ᠠᠴᠠ ᠲᠡᠶᠢᠯᠪᠤᠷᠢᠯᠠᠵᠤ ᠦᠩᠬᠡᠷᠡᠭᠰᠠᠨ ᠶᠤᠮ᠃ ᠤᠳᠤ ᠦᠵᠠᠬᠦ ᠠᠴᠠ  ᠪᠠᠷᠢᠯᠭ᠎ᠠ ᠶᠢᠨ ᠪᠠᠭᠤᠷᠢ ᠨᠤᠭᠤᠳ ᠲᠦᠷᠪᠡᠨ ᠲᠡᠯ᠎ᠡ ᠠᠴᠠ ᠡᠰᠠᠷᠬᠦᠯᠡᠭᠰᠠᠨ᠂ ᠲᠡᠶᠢᠰᠠ ᠶᠢᠨ ᠲᠡᠯᠠᠪᠠᠢ ᠲᠤᠮᠳᠡ ᠨᠢ ᠪᠠᠶᠢᠬᠤ ᠠᠴᠠ ᠦᠵᠠᠬᠦ ᠳᠤ ᠦᠨᠡᠬᠡᠷ ᠪᠤᠯᠪᠠᠰᠤᠷᠡᠯ ᠤᠨ ᠲᠠᠯᠠᠪᠡᠢ ᠪᠠᠶᠢᠵᠤ ᠮᠠᠭᠠᠤᠨ᠃ ᠪᠢᠳᠡ ᠪᠠᠷᠢᠯᠭ᠎ᠠ ᠶᠢᠨ ᠪᠠᠭᠤᠷᠢ ᠲᠡᠬᠡᠷ᠎ᠡ ᠠᠴᠠ ᠨᠢᠬᠡ ᠬᠢᠳᠡᠤᠨ ᠰᠢᠳᠡᠷ᠎ᠡ ᠤᠯᠵᠠᠢ ︵ᠬᠢᠳᠡᠤᠨ ᠰᠢᠳᠡᠷ᠎ᠡ  ᠶᠢᠨ ᠫᠤᠤ᠂  ᠬᠦᠬᠡᠬᠤᠳᠡ ᠳᠤ ᠪᠤᠢ︶  ᠃ ᠡᠨᠡ ᠨᠢ ᠲᠤᠬᠠᠢ ᠶᠢᠨ ᠦᠶ᠎ᠡ ᠶᠢᠨ ᠴᠡᠷᠢᠭ ᠤᠳ ᠤᠨ ᠨᠠᠭᠠᠳᠤᠳᠠᠭ ᠰᠢᠳᠡᠷ᠎ᠠ ᠪᠤᠯᠤᠯᠳᠡᠢ᠃ ᠡᠳᠡᠬᠡᠷ ᠪᠠᠶᠢᠳᠡᠯ ᠠᠴᠠ ᠦᠵᠠᠪᠡᠯ᠂ ᠱᠠᠩᠳᠤ ᠬᠤᠳᠡ ᠶᠢᠨ ᠴᠡᠷᠢᠭ ᠠᠩᠬᠢ ᠨᠢ ᠲᠦᠪᠯᠠᠷᠡᠵᠤ ᠪᠤᠯᠪᠠᠰᠤᠷᠡᠬᠤ᠂ ᠬᠡᠬᠡᠷᠡᠯᠠᠵᠤ ᠪᠡᠶᠢᠯᠳᠤᠬᠤ ᠰᠢᠯᠢᠳᠡᠭᠴᠢᠯᠡᠭᠰᠠᠨ ᠪᠤᠯᠪᠠᠰᠤᠷᠡᠩᠭᠤᠢ ᠭᠠᠪᠰᠢᠭᠠᠢ ᠪᠠᠭᠠᠳᠤᠷᠯᠢᠭ ᠬᠤᠶᠠᠭ᠂ ᠴᠡᠷᠢᠭ  ᠪᠠᠶᠢᠯᠳᠠᠢ ᠬᠡᠳᠡᠭ ᠢ ᠲᠤᠳᠤ ᠬᠠᠷᠢᠭᠤᠯᠵᠤ ᠪᠡᠶᠢᠨ᠎ᠡ᠃      ᠭᠤᠷᠪᠠ᠂ ᠱᠠᠩᠳᠤ ᠬᠤᠳᠡ ᠶᠢᠨ ᠤᠩᠭᠤᠨ ᠪᠤᠯᠠᠰᠢ       ᠱᠠᠩᠳᠤ ᠬᠤᠳᠡ ᠶᠢᠨ ᠤᠩᠭᠤᠨ ᠪᠤᠯᠠᠰᠢ ᠶᠢᠨ ᠭᠠᠵᠠᠷ ᠨᠢ ᠨᠢᠬᠡᠳᠤᠯᠳᠡᠢ ᠪᠡ ᠨᠢᠬᠡᠳᠤᠮᠠᠯ ᠪᠤᠰᠤ ᠪᠠᠷ ᠪᠦᠷᠢᠯᠳᠤᠭ᠍ᠰᠠᠨ ᠪᠠᠶᠢᠨ᠎ᠠ᠃ ᠱᠠᠩᠳᠤ ᠬᠤᠳᠡ ᠠᠴᠠ ᠡᠮᠤᠨᠠᠰᠢ ᠬᠠᠷᠡᠭ᠌ᠳᠡᠵᠤ ᠪᠠᠶᠢᠭ᠎ᠠ ᠶᠡᠭᠡ ᠠᠭᠤᠯᠠ ᠶᠢ ᠲᠦᠱᠢ ᠬᠠᠶᠢᠷᠬᠠᠨ ︵ᠵᠸᠠ ᠽᠢ ᠱᠠᠨ︶  ᠭᠡᠳᠡᠭ᠃  ᠱᠠᠩᠳᠤ ᠬᠤᠳᠡ ᠠᠴᠠ ᠬᠤᠷᠢᠭᠠᠤᠨ ᠭᠠᠵᠠᠷ ᠤᠨ ᠵᠠᠢ ᠲᠠᠢ ᠪᠡᠶᠢᠨ᠎ᠡ᠃ ᠲᠤᠰ ᠠᠭᠤᠯᠠ ᠶᠢᠨ ᠡᠩᠬᠡᠷ ᠪᠠᠯ ᠢᠶᠠᠷ ᠤᠩᠭᠤᠨ ᠪᠤᠯᠠᠰᠢ ᠦᠷᠬᠦᠯᠵᠢᠯᠠᠵᠤ ᠪᠤᠢ᠃ ᠡᠨᠡ ᠨᠢ ᠱᠠᠩᠳᠤ ᠬᠤᠳᠡ ᠶᠢᠨ ᠬᠠᠮᠳᠤ ᠶᠢᠨ ᠤᠩᠭᠤᠨ ᠤ ᠭᠠᠵᠠᠷ ᠪᠤᠯᠤᠨ᠎ᠡ᠃ ᠪᠤᠯᠠᠰᠢ ᠤᠩᠭᠤᠨ ᠤ ᠭᠤᠤᠯ ᠲᠤᠮᠳᠡ ᠬᠠᠪᠢ ᠪᠠᠷ ᠨᠢᠬᠡ ᠰᠤᠪᠤᠷᠭ᠎ᠠ ᠶᠢᠨ ᠪᠠᠭᠤᠷᠢ ᠪᠤᠢ᠃ ᠰᠤᠪᠤᠷᠭᠠᠨ ᠤ ᠪᠠᠷᠡᠭᠤᠨ ᠲᠠᠯ᠎ᠠ ᠠᠷᠤ ᠪᠠᠷ ᠪᠠᠶᠢᠭ᠎ᠠ ᠤᠩᠭᠤᠨ ᠪᠤᠯᠠᠰᠢ ᠨᠢ ᠬᠠᠷᠡᠴᠤ ᠠᠷᠡᠤᠨ ᠤᠨ ᠪᠤᠯᠠᠰᠢᠨ ᠭᠠᠵᠠᠷ ᠪᠢᠯᠠ᠃ ᠵᠠᠬᠦᠨ ᠲᠡᠯ᠎ᠡ ᠪᠡ ᠠᠭᠤᠯᠠ ᠶᠢᠨ ᠡᠩᠬᠡᠷ ᠪᠠᠯ ᠢᠶᠠᠷ ᠪᠠᠶᠢᠭ᠎ᠠ ᠨᠢ ᠪᠠᠶᠠᠴᠤᠤᠯ ᠤᠨ ᠪᠤᠯᠠᠰᠢᠨ ᠭᠠᠵᠠᠷ ᠪᠤᠯᠬᠤ ᠶᠢ ᠦᠪᠤᠷ ᠮᠤᠩᠭᠤᠯ ᠤᠨ ᠲᠠᠤᠬᠡ ᠬᠠᠭᠤᠴᠢ ᠰᠤᠳᠤᠯᠤᠯ ᠤᠨ ᠠᠩᠬᠢ ᠶᠢᠨ ᠬᠡᠳᠤᠨ ᠵᠢᠯ ᠲᠡᠷᠡᠭᠠᠯᠠᠨ ᠶᠤᠸᠠᠨ ᠤ ᠤᠩᠭᠤᠨ ᠪᠤᠯᠠᠰᠢ ᠴᠠᠪᠡᠷᠯᠠᠬᠦ ᠠᠵᠢᠯ ᠠᠴᠠ ᠮᠠᠳᠡᠵᠤ ᠤᠯᠪᠡ᠃ ᠪᠠᠶᠠᠴᠤᠤᠯ ᠤᠨ ᠪᠤᠯᠠᠰᠢ ᠨᠢ ᠦᠪᠡᠷ ᠦᠪᠡᠷᠰᠠᠤᠨ ᠤᠨ  ᠬᠡᠷ ᠪᠦᠯᠢ ᠪᠠᠷ ᠢᠶᠠᠨ ᠨᠢᠬᠡ ᠭᠠᠵᠠᠷ ᠠᠪᠤᠭᠠᠤᠨ ᠡᠷᠬᠢᠨ ᠲᠤᠭᠤᠷᠢᠨ ᠴᠢᠯᠠᠭᠤᠨ ᠬᠦᠷᠢᠶ᠎ᠡ ᠪᠠᠷᠢᠵᠤ᠂ ᠬᠦᠷᠢᠶᠡᠨ ᠤ ᠪᠠᠨ ᠲᠤᠳᠤᠷ᠎ᠡ ᠲᠡᠬᠡᠷ᠎ᠡ ᠲᠤᠤᠷ᠎ᠡ᠂ ᠤᠷᠤᠨ ᠪᠠᠶᠢᠷᠢ ᠤᠯᠭᠤᠨ᠂ ᠤᠩᠭᠤᠨ ᠪᠤᠯᠠᠰᠢ ᠪᠠᠨ ᠪᠤᠰᠬᠠᠭᠰᠠᠨ ᠪᠠᠶᠢᠳᠠᠭ᠃ ᠪᠠᠭ᠎ᠠ ᠪᠤᠰᠤ ᠨᠡᠷ᠎ᠡ ᠲᠦᠷᠤ ᠲᠠᠢ ᠨᠢ ᠪᠤᠯᠠᠰᠢ ᠶᠢᠨ ᠡᠮᠤᠨ᠎ᠡ ᠴᠢᠯᠠᠭᠤᠨ ᠬᠦᠰᠢᠶ᠎ᠡ ᠪᠤᠰᠬᠠᠵᠤ ᠬᠦᠰᠢᠶᠡᠨ ᠲᠡᠬᠡᠷ᠎ᠡ  ︽ᠬᠡᠨ ᠬᠡᠨ ᠤ ᠤᠩᠭᠤᠨ︾ ᠬᠡᠮᠡᠨ ᠰᠠᠶᠢᠯᠤᠭ᠍ᠰᠠᠨ ᠪᠠᠶᠢᠨ᠎ᠡ᠃ ᠵᠠᠷᠢᠮ ᠨᠢ ᠬᠡᠳᠤᠨ ᠲᠠᠪᠬᠤᠷ ᠬᠦᠷᠢᠶ᠎ᠡ ᠬᠡᠷᠡᠮ ᠪᠤᠰᠬᠠᠭᠰᠠᠨ ᠴᠤ ᠪᠤᠢ᠃ ᠬᠡᠪᠡᠴᠤ ᠶᠠᠷᠤᠨᠢ ᠰᠦᠮ᠎ᠡ  ᠰᠤᠪᠤᠷᠭ᠎ᠠ  ᠬᠡᠷ ᠪᠠᠶᠢᠰᠢᠩ ᠤᠨ ᠤᠷᠤ ᠮᠦᠷ  ᠬᠡᠵᠤ ᠬᠠᠷᠡᠭ᠌ᠳᠠᠬᠤ ᠦᠬᠡᠢ ᠶᠤᠮ᠃ ᠡᠨᠡ ᠨᠢ ᠶᠤᠸᠠᠨ ᠤᠯᠤᠰ ᠤᠨ ᠦᠶ᠎ᠡ ᠶᠢᠨ  ︽ ᠬᠡᠬᠦᠷ ᠤᠩᠭᠤᠨ ᠨᠤᠭᠤᠳ ᠤᠨ ᠲᠡᠬᠡᠷ᠎ᠡ ᠬᠡᠷ ᠪᠠᠶᠢᠰᠢᠩ᠂ ᠰᠦᠮ᠎ᠡ ᠰᠤᠪᠤᠷᠠᠭ᠎ᠠ ᠪᠤᠰᠬᠠᠬᠤ ᠶᠢ  ᠴᠠᠭᠠᠵᠠᠯᠠᠯ᠎ᠠ︾ ᠬᠡᠳᠡᠭ ᠲᠠᠢ  ᠬᠤᠯᠪᠤᠭ᠎ᠠ ᠲᠠᠢ ᠪᠡᠶᠢᠵᠤ ᠮᠡᠳᠡᠬᠦ ᠶᠤᠮ᠃ ᠤᠯᠠᠩᠬᠢ ᠨᠢ ᠴᠦᠮ ᠭᠠᠯ ᠤᠷᠤᠰᠢᠭᠤᠯᠭ᠎ᠠ ᠪᠤᠯᠬᠤ ᠶᠢ ᠪᠤᠯᠠᠰᠢ ᠴᠠᠪᠠᠷᠯᠠᠬᠦ ᠠᠵᠢᠯ ᠠᠴᠠ ᠬᠠᠶᠢᠵᠤ ᠮᠡᠳᠡᠪᠡ᠃ ᠪᠤᠯᠠᠰᠢ ᠨᠢ ᠴᠢᠯᠠᠭᠤᠨ ᠬᠠᠶᠢᠷᠴᠠᠭ ᠪᠤᠶᠤ ᠮᠤᠳᠤᠨ ᠬᠠᠶᠢᠷᠴᠠᠭ ᠲᠤ ᠶᠠᠰᠤ ᠶᠢ ᠬᠢᠵᠤ᠂ ᠴᠢᠯᠠᠭᠤ ᠪᠤᠶᠤ ᠲᠤᠭᠤᠰᠬ᠎ᠠ ᠪᠠᠷ ᠵᠢᠷᠬᠢᠯᠠᠨ ᠲᠡᠯᠪᠢᠵᠠᠢ᠃ ᠤᠯᠠᠩᠬᠢ ᠨᠢ ᠡᠪᠳᠡᠭᠳᠡᠨ  ᠠᠭᠤᠳᠠᠯᠠᠭᠳᠠᠭᠠᠳ ᠦᠯᠠᠳᠡᠭᠰᠠᠨ ᠶᠠᠭᠤᠮ᠎ᠠ ᠲᠤᠩ ᠴᠦᠬᠡᠬᠡᠨ ᠪᠤᠯᠵᠠᠢ᠃  ᠪᠠᠶᠠᠴᠤᠤᠯ ᠤᠨ ᠪᠤᠯᠠᠰᠢᠨ ᠠᠴᠠ ᠵᠢᠶᠦ᠋ᠨ ᠶᠤᠤ ᠶᠢᠨ ᠭᠤᠷᠪᠡᠨ ᠬᠦᠯᠳᠤ᠂ ᠰᠢᠷ᠎ᠡ ᠨᠤᠭᠤᠭᠠᠨ ᠰᠢᠷᠳᠡᠮᠠᠯ ᠲᠠᠢ  ᠬᠦᠯᠢᠰ ᠪᠤᠶᠤ᠂ ᠬᠦᠵᠢ ᠱᠢᠳᠠᠭᠠᠯᠭ᠎ᠠ ᠶᠢᠨ  ᠱᠠᠭᠠᠵᠠᠩ ᠰᠠᠪᠠ  ᠨᠤᠭᠤᠳ ᠭᠠᠷᠤᠭᠰᠠᠨ ᠠᠴᠠ ᠭᠠᠳᠡᠨ᠎ᠡ᠂ ᠶᠤᠸᠠᠨ ᠤ ᠦᠶ᠎ᠡ ᠶᠢᠨ  ᠴᠠᠩᠬᠡᠷ ᠴᠠᠭᠠᠨ ᠦᠩᠬᠡ ᠶᠢᠨ  ᠱᠠᠭᠠᠵᠠᠩ ᠪᠤᠮᠪᠤ᠂ ᠪᠢᠴᠢᠬᠠᠨ ᠪᠤᠳᠤᠩ ᠵᠠᠷᠬᠡ ᠭᠠᠷᠴᠠᠢ᠃ ᠤᠨᠴᠠ ᠵᠠᠷᠢᠮ ᠪᠠᠶᠠᠤᠨ ᠡᠷᠬᠢᠮᠳᠡᠨ ᠤ ᠪᠤᠯᠠᠰᠢ ᠠᠴᠠ ᠠᠯᠳᠡᠨ ᠬᠠᠤᠨᠬᠠᠭᠤᠷ᠂ ᠠᠯᠳᠡᠨ ᠵᠤᠭᠤᠰ᠂ ᠮᠦᠩᠬᠦᠨ ᠬᠤᠨᠳᠠᠭ᠎ᠠ ᠪᠤᠶᠤ ᠮᠦᠩᠬᠦᠨ ᠵᠤᠭᠤᠰ᠂ ᠵᠠᠰ ᠵᠤᠭᠤᠰ ᠵᠠᠷᠬᠡ ᠶᠢᠨ ᠶᠠᠭᠤᠮ᠎ᠠ ᠭᠠᠷᠴᠠᠢ᠃ ᠶᠠᠳᠡᠭᠤᠴᠤᠤᠨ ᠤᠨ ᠤᠩᠭᠤᠨ ᠠᠴᠠ ᠦᠨᠠᠰᠤᠨ ᠴᠠᠶᠢᠪᠤᠷ ᠦᠩᠬᠡ ᠶᠢᠨ ᠭᠠᠯᠠᠭᠤᠨ ᠬᠦᠵᠤᠬᠦᠤ ᠲᠠᠢ ᠨᠡᠷᠢᠨ ᠯᠤᠩᠬᠤ᠂ ᠯᠢᠶᠤᠤ ᠤᠯᠤᠰ ᠤᠨ ᠦᠶ᠎ᠡ ᠶᠢᠨ ᠲᠡᠬᠢᠶᠡᠨ ᠬᠤᠩᠰᠢᠶᠠᠷ  ᠲᠠᠢ  ᠱᠠᠭᠠᠵᠠᠩ ᠯᠤᠩᠬᠤ ᠨᠢᠬᠡ ᠪᠤᠶᠤ ᠵᠠᠷᠢᠮ ᠠᠴᠠ ᠨᠢ ᠬᠤᠶᠠᠷ ᠭᠠᠷᠴᠤ᠂ ᠤᠨᠴᠠ ᠵᠠᠷᠢᠮ ᠠᠴᠠ ᠨᠢ ᠴᠦᠬᠡᠬᠡᠨ ᠲᠤᠭᠠᠨ ᠤ  ᠭᠠᠤᠯᠢᠨ ᠵᠤᠭᠤᠰ ᠰᠤᠬᠤᠷ ᠵᠠᠤᠭᠤᠰ ᠤᠳ ᠭᠠᠷᠤᠭᠰᠠᠨ ᠪᠠᠶᠢᠯ᠎ᠠ᠃ ᠡᠨᠡ ᠨᠢ ᠲᠤᠬᠠᠢ ᠶᠢᠨ ᠴᠠᠭ ᠤᠨ ᠠᠵᠤ ᠠᠮᠢᠳᠤᠷᠡᠯ ᠤᠨ ᠨᠢᠮᠬᠡᠨ ᠵᠤᠵᠠᠭᠠᠨ᠂ ᠨᠡᠶᠢᠬᠡᠮ ᠲᠡᠬᠡᠷᠡᠬᠢ ᠵᠠᠷᠬᠡ ᠲᠠᠰ ᠨᠡᠷ᠎ᠡ ᠲᠦᠷᠤ ᠶᠢ ᠲᠤᠰᠬᠠᠵᠤ ᠪᠠᠶᠢᠭ᠎ᠠ ᠶᠢᠨ ᠢᠯᠠᠷᠡᠯ ᠪᠤᠯᠤᠨ᠎ᠡ᠃            ᠡᠬᠦᠨ ᠠᠴᠠ ᠭᠠᠳᠡᠨ᠎ᠡ ᠬᠠᠮᠤᠭ ᠤᠨ ᠶᠡᠭᠡ ᠬᠦᠮᠤᠰ ᠤᠨ ᠠᠩᠬᠠᠷᠤᠯ ᠲᠡᠳᠡᠮᠠᠷ ᠪᠤᠯᠠᠰᠢ ᠪᠤᠯ ᠱᠠᠩᠳᠤ ᠬᠤᠳᠡ ᠠᠴᠠ ᠬᠤᠶᠢᠰᠢ 60 ᠭᠠᠵᠠᠷ ᠠᠶᠠᠯᠠᠪᠠᠯ ᠬᠠᠭᠤᠴᠢᠨ  ᠬᠠᠳᠠᠨᠬᠤᠰᠢᠭᠤ ᠰᠦᠮ᠎ᠡ ᠶᠢᠨ ᠪᠠᠷᠡᠭᠤᠨ ᠡᠮᠤᠨ᠎ᠡ ᠠᠭᠤᠯᠠ ᠶᠢᠨ ᠨᠠᠷᠢᠨ ᠡᠩᠬᠡᠷ᠂ ᠠᠭᠤᠯᠠᠨ ᠪᠠᠯ᠂ ᠲᠡᠷᠭᠤᠨ ᠰᠢᠯᠢ ᠵᠠᠷᠬᠡ ᠭᠠᠵᠠᠷ ᠤᠨ ᠤᠩᠭᠤᠨ ᠪᠤᠯᠠᠰᠢ ᠨᠢ ᠶᠡᠭᠡ ᠶᠡᠭᠡ ᠴᠢᠯᠠᠭᠤᠨ ᠬᠦᠷᠢᠶ᠎ᠡ ᠲᠠᠢ ᠪᠤᠯᠠᠰᠢ ᠶᠢᠨ  ᠤᠪᠤᠭ᠎ᠠ ᠨᠢ ᠴᠤ ᠲᠤᠮᠤ ᠪᠦᠳᠤᠬᠦᠨ᠂ ᠦᠪᠡᠷ ᠦᠪᠡᠷᠰᠠᠤᠨ ᠢᠶᠠᠨ ᠭᠠᠵᠠᠷ ᠦᠵᠠᠨ ᠰᠤᠩᠭᠤᠵᠤ᠂ ᠵᠦᠭ ᠴᠢᠭ ᠭᠠᠵᠠᠷ ᠤᠨ ᠪᠠᠶᠢᠴᠠ ᠶᠢ ᠤᠨᠴᠠ ᠠᠩᠬᠠᠷᠴᠤ  ᠤᠷᠤᠰᠢᠭᠤᠯᠤᠭᠰᠠᠨ ᠮᠦᠷᠳᠡᠬᠡᠨ‌ᠤᠯᠠᠩᠬᠢ ᠪᠤᠯᠠᠰᠢ ᠶᠢᠨ ᠡᠮᠤᠨ᠎ᠡ ᠬᠦᠮᠤᠨ ᠴᠢᠯᠠᠭᠤᠨ ᠬᠦᠰᠢᠶ᠎ᠡ ᠪᠤᠰᠬᠠᠭᠰᠠᠨ ᠪᠠᠶᠢᠳᠠᠭ᠃ ᠡᠳᠡᠬᠡᠷ ᠬᠦᠮᠤᠨ ᠴᠢᠯᠠᠭᠤᠨ ᠤ ᠲᠤᠳᠤᠷ᠎ᠡ ᠭᠠᠩᠳᠢᠭ ᠴᠠᠭᠠᠨ ᠴᠢᠯᠠᠭᠤ ᠶᠢ ᠴᠦᠴᠠᠳᠡᠵᠤ ᠪᠦᠳᠤᠬᠡᠬᠡᠤᠨ  ᠨᠠᠷᠢᠯᠢᠭ ᠰᠠᠶᠢᠬᠠᠨ ᠰᠠᠶᠢᠯᠪᠤᠷᠢ  ᠲᠠᠢ ᠨᠢ 4 ᠪᠡᠶᠢᠨ᠎ᠡ᠃ ᠪᠠᠬᠢᠯᠢᠭ ᠪᠤᠷᠤ ᠴᠢᠯᠠᠭᠤ ᠶᠢ ᠴᠦᠴᠢᠳᠡᠨ ᠰᠠᠶᠢᠯᠤᠨ ᠭᠠᠷᠭᠠᠭᠰᠠᠨ ᠨᠢ 8 ᠪᠡᠶᠢᠨ᠎ᠡ᠃ ᠬᠠᠪᠳᠡᠭᠠᠢ ᠬᠦᠬᠡ ᠴᠢᠯᠠᠭᠤᠨ ᠲᠡᠬᠡᠷ᠎ᠡ ᠲᠦᠷᠢ ᠰᠠᠶᠢᠮᠤᠯᠠᠯ ᠭᠠᠷᠭᠠᠭᠰᠠᠨ ᠨᠢ 7 ᠪᠠᠶᠢᠳᠠᠭ᠃ ᠴᠢᠯᠠᠭᠤᠨ ᠬᠦᠮᠤᠰ ᠤᠨ ᠰᠠᠶᠢᠯᠤᠮᠠᠯ ᠲᠦᠷᠢ ᠠᠪᠤᠷᠢ ᠤᠳ ᠨᠢ ᠬᠤᠭᠤᠷ ᠬᠤᠭᠤᠷᠤᠨᠳᠤ ᠪᠠᠨ ᠠᠳᠡᠯᠢ ᠦᠬᠡᠢ᠃ ᠬᠡᠷᠡᠭᠯᠡᠭᠰᠠᠨ ᠮᠠᠲ᠋ᠧᠷᠢᠶᠡᠯ ᠤᠳ  ᠨᠢ ᠴᠤ ᠠᠳᠡᠯᠢ ᠦᠬᠡᠢ᠃ ᠡᠨᠡ ᠨᠢ ᠬᠡᠯᠡᠯᠬᠡᠨ ᠦᠬᠡᠢ ᠠᠳᠡᠯᠢ ᠪᠤᠰᠤ ᠴᠠᠭ ᠦᠶ᠎ᠡ ᠶᠢᠨ ᠠᠳᠡᠯᠢ ᠪᠤᠰᠤ ᠲᠠᠤᠬᠡ ᠰᠤᠶᠤᠯ᠂ ᠡᠷᠬᠢᠮ ᠲᠡᠬᠡᠳᠤ  ᠂ ᠡᠬᠡᠯ ᠲᠤᠤᠷᠡᠳᠤ ᠨᠡᠶᠢᠬᠡᠮ ᠤᠨ ᠢᠯᠠᠭᠠᠯ᠂ ᠠᠮᠢᠳᠤᠷᠡᠯ᠂ ᠰᠤᠶᠤᠯ ᠤᠨ ᠤᠨᠴᠠᠯᠢᠭ ᠢ ᠬᠠᠷᠠᠭᠤᠯᠤᠭᠰᠠᠨ ᠲᠠᠤᠬᠡ ᠰᠤᠶᠤᠯ ᠤᠨ ᠦᠯᠠᠳᠡᠴᠠ ᠪᠤᠯᠤᠨ᠎ᠡ᠃ ᠴᠢᠯᠠᠭᠤᠨ ᠬᠦᠮᠤᠨ ᠤ ᠤᠯᠠᠩᠬᠢ ᠨᠢ  ᠲᠦᠰᠢᠯᠭᠡᠳᠤ ᠰᠠᠨᠳᠡᠯᠢ ᠲᠡᠬᠡᠷ᠎ᠡ ᠲᠦᠪ ᠰᠠᠭᠤᠵᠤ᠂ ᠪᠠᠷᠠᠭᠤᠨ ᠭᠠᠷ ᠲᠠᠭᠠᠨ ᠰᠠᠷᠵᠢᠮ ᠤᠨ ᠬᠤᠨᠳᠠᠭ᠎ᠠ ᠪᠤᠶᠤ ᠠᠶᠠᠭᠠᠨ ᠬᠡᠯᠪᠡᠷᠢ ᠶᠢᠨ ᠵᠦᠢᠯ ᠠᠤᠨᠬᠤᠵᠤ᠂ ᠵᠢᠷᠤᠬᠡᠨ ᠬᠠᠪᠢ ᠳᠠᠭᠠᠨ ᠪᠡᠷᠢᠨ ᠲᠦᠪ ᠰᠠᠭᠤᠵᠤᠬᠤᠢ᠂ ᠵᠠᠬᠦᠨ ᠭᠠᠷ ᠢᠶᠠᠨ ᠡᠪᠤᠳᠤᠭ᠌ ᠲᠡᠬᠡᠷ᠎ᠡ  ᠪᠠᠨ ᠲᠠᠯᠪᠢᠵᠤᠬᠤᠢ᠃ ᠵᠠᠷᠢᠮ ᠨᠢ ᠰᠠᠨᠳᠡᠯᠢ ᠰᠢᠷᠡᠬᠡᠨ ᠤ ᠠᠷᠤ ᠳᠠᠭᠠᠨ  ᠲᠦᠰᠢᠯᠭᠡ ᠲᠠᠢ ᠮᠦᠷᠳᠡᠬᠡᠨ ᠬᠤᠶᠠᠷ ᠲᠤᠬᠤᠢ ᠬᠠᠪᠢ ᠳᠠᠭᠠᠨ ᠴᠤ ᠲᠡᠷ᠎ᠡ ᠲᠦᠰᠢᠯᠬᠡ ᠲᠠᠢ  ᠰᠠᠶᠢᠯᠡᠵᠠᠢ᠃ ᠰᠠᠨᠳᠡᠯᠢ ᠰᠢᠷᠡᠬᠡᠨ ᠤ ᠬᠢᠨᠢ ᠠᠷᠤ ᠪᠡ ᠬᠠᠵᠠᠭᠤ ᠬᠠᠪᠢᠷᠭᠠᠨ ᠲᠡᠯ᠎ᠡ ᠳᠠᠭᠠᠨ ᠡᠬᠦᠯᠠᠨ ᠬᠤᠸᠠᠷ  ᠂ ᠬᠡ ᠤᠭᠠᠯᠵᠠ᠂ ᠯᠢᠩᠬᠤᠸ᠎ᠠ ᠬᠤᠸᠠᠷ ᠤᠨ ᠰᠠᠶᠢᠯᠤᠮᠠᠯ ᠲᠠᠢ᠃ ᠡᠬᠦᠨᠳᠤ ᠲᠡᠷᠭᠤᠨ ᠰᠢᠯᠢ ᠶᠢᠨ ᠤᠩᠭᠤᠨ ᠪᠤᠯᠠᠰᠢ ᠶᠢᠨ ᠡᠮᠤᠨᠡᠬᠢ ᠭᠠᠩᠳᠢᠭ ᠴᠠᠭᠠᠨ ᠬᠦᠮᠤᠨ ᠴᠢᠯᠠᠭᠤ  ᠶᠢᠨ ᠰᠠᠶᠢᠯᠤᠮᠠᠯ ᠨᠢ  ᠨᠡᠷᠢᠯᠢᠭ᠋ ᠮᠦᠷᠳᠡᠬᠡᠨ ᠠᠮᠢᠳᠤᠯᠢᠭ ᠭᠤᠴᠤ᠂ ᠭᠠᠶᠢᠬᠠᠯᠳᠡᠢ ᠰᠠᠶᠢᠬᠠᠨ ᠪᠢᠯᠠ᠃ ᠲᠤᠰ ᠴᠢᠯᠠᠭᠤᠨ ᠬᠦᠮᠤᠨ ᠢ ᠲᠦᠰᠢᠯᠬᠡᠳᠤ ᠰᠠᠨᠳᠡᠯᠢ ᠰᠢᠷᠡᠬᠡᠨ ᠲᠡᠬᠡᠷ᠎ᠡ ᠲᠦᠪ ᠶᠠᠬᠡᠮᠰᠤᠭ᠌ ᠲᠦᠷᠢ ᠠᠪᠤᠷᠢ ᠶᠢ ᠠᠪᠤᠭᠤᠯᠤᠨ᠂ ᠠᠮᠤᠭᠤᠯᠠᠩ ᠲᠡᠶᠢᠪᠤᠩ᠂ ᠰᠦᠷ ᠵᠢᠪᠬᠤᠭ᠎ᠠ ᠲᠠᠢ ᠰᠠᠭᠤᠯᠭᠠᠨ ᠰᠠᠶᠢᠯᠡᠵᠠᠢ᠃ ᠴᠠᠬᠡᠵᠢᠨ ᠪᠠᠶ᠎ᠠ  ᠂ ᠨᠢᠷᠤᠭᠤᠨ ᠪᠠᠶ᠎ᠠ᠂ ᠲᠡᠯᠤ ᠮᠦᠷᠤ ᠪᠠᠷ ᠨᠢ ᠡᠬᠦᠯᠠ ᠡᠪᠬᠡᠷᠡᠬᠦᠯᠤᠨ᠂ ᠯᠤᠤ ᠤᠷᠢᠶᠡᠯᠭᠠᠨ ᠮᠠᠭᠰᠢᠭᠤᠯᠵᠤ᠂ ᠪᠠᠶ᠎ᠠ ᠳᠡᠭᠡᠨ ᠬᠤᠶᠠᠭ ᠲᠤᠭᠤᠯᠭ᠎ᠠ  ᠬᠡᠳᠡᠷᠡᠭᠦᠯᠦᠨ  ᠂ ᠬᠠᠰ ᠤᠨ  ᠪᠦᠰᠠ ᠪᠦᠰᠠᠯᠠᠬᠦᠯᠤᠨ᠂ ᠲᠡᠰᠢᠶᠡᠨ ᠳᠠᠭᠠᠨ ᠬᠡᠳᠡ ᠬᠢᠳᠤᠭ᠎ᠠ᠂ ᠰᠤᠶᠤᠭ᠎ᠠ ᠂ ᠲᠤᠤᠬᠠᠢ ᠵᠠᠬᠦᠵᠤ᠂ ᠪᠠᠷᠡᠭᠤᠨ ᠭᠠᠷ ᠲᠠᠭᠠᠨ ᠰᠠᠷᠵᠢᠮ ᠤᠨ ᠬᠤᠨᠳᠠᠭ᠎ᠠ  ᠠᠤᠨᠬᠤᠨ ᠵᠢᠷᠤᠬᠡᠨ ᠬᠠᠪᠢ ᠳᠠᠭᠠᠨ ᠪᠠᠷᠢᠵᠤ᠂ ᠵᠠᠬᠦᠨ ᠭᠠᠷ ᠢᠶᠠᠨ ᠡᠪᠤᠳᠤᠭ᠌ ᠲᠦᠰᠢᠶ᠎ᠡ ᠲᠡᠯᠪᠢᠵᠤᠬᠤᠢ᠃ ᠲᠤᠮᠳᠡᠭᠤᠷ ᠢᠶᠠᠨ ᠬᠠᠤᠨᠬᠤᠮᠠᠯ ᠬᠤᠸᠠᠷ ᠲᠠᠢ ᠲᠦᠷᠪᠠᠯᠵᠢᠨ ᠪᠦᠰᠠ ᠪᠦᠰᠠᠯᠠᠵᠤ ᠨᠢᠷᠤᠭᠤᠨ ᠠᠷᠤ ᠶᠢᠨ  ᠪᠦᠰᠠᠨ ᠤ ᠭᠤᠤᠯ ᠲᠤᠮᠳᠡ ᠲᠦᠷᠪᠠᠯᠵᠢᠨ ᠰᠠᠭᠤᠷᠢ ᠭᠠᠷᠭᠠᠵᠤ᠂ ᠲᠡᠬᠡᠷ᠎ᠡ ᠨᠢ ᠮᠠᠨᠳᠡᠷᠸ᠎ᠠ ᠬᠤᠸᠠᠷ ᠤᠨ  ︵ ᠮᠤᠳᠤᠨ ᠪᠠᠷ︶ ᠬᠦᠳᠤᠬᠡᠷ ᠰᠠᠶᠢᠯᠤᠮᠠᠯ ᠭᠠᠷᠭᠠᠵᠠᠢ᠃ ᠡᠨᠡ ᠴᠢᠯᠠᠭᠤᠨ ᠬᠦᠮᠤᠨ ᠤ ᠦᠨᠳᠤᠷ ᠬᠤᠶᠠᠷ ᠮᠧᠲᠷ᠂ ᠦᠷᠬᠡᠨ ᠨᠢ ᠨᠢᠬᠡ ᠮᠧᠲᠷ ᠬᠢᠷᠳᠡᠢ᠃ ᠬᠦᠮᠤᠨ ᠴᠢᠯᠠᠭᠤᠨ ᠤ ᠮᠠᠲ᠋ᠧᠷᠢᠶᠡᠯ ᠪᠡ ᠬᠢᠴᠠ ᠨᠢ ᠲᠤᠩ ᠨᠡᠷᠢᠯᠢᠭ᠋᠂ ᠬᠦᠮᠤᠨ ᠴᠢᠯᠠᠭᠤᠨ ᠤ ᠠᠷᠤ ᠳᠤ ᠪᠠᠷᠢᠭᠰᠠᠨ ᠪᠠᠷᠢᠯᠭ᠎ᠠ ᠨᠢ ᠬᠠᠩᠳᠡᠮᠠᠯ ᠰᠢᠷᠤᠢ ᠶᠢᠨ ᠰᠠᠭᠤᠷᠢ ᠴᠤᠭᠴᠠᠯᠠᠵᠤ᠂ ᠲᠦᠷᠪᠡᠨ ᠦᠨᠴᠤᠭ᠌ ᠲᠤᠨᠢ ᠲᠤᠯᠠᠭᠠᠭᠤᠷᠢ ᠶᠢᠨ ᠰᠠᠭᠤᠷᠢ ᠴᠢᠯᠠᠭᠤ ᠪᠠᠶᠢᠬᠤ ᠠᠴᠠ ᠦᠵᠠᠬᠦ ᠳᠤ ᠨᠠᠯᠢᠶᠠᠤᠨ ᠠᠭᠤᠳᠡᠮ ᠲᠡᠬᠢᠯᠭ᠎ᠠ ᠶᠢᠨ ᠲᠠᠩᠬᠢᠮ ᠪᠠᠶᠢᠵᠠᠢ᠃ ᠠᠳᠡᠬᠢ ᠪᠤᠯᠠᠰᠢᠨ ᠤ ᠤᠯᠠᠩᠬᠢ ᠬᠦᠮᠤᠨ ᠴᠢᠯᠠᠭᠤ ᠨᠢ ᠲᠤᠯᠤᠭᠠᠢ ᠦᠬᠡᠢ᠂ ᠡᠨᠡ ᠨᠢ ᠬᠡᠯᠡᠯᠬᠡᠨ ᠦᠬᠡᠢ ᠲᠡᠤᠬᠡᠨ ᠬᠤᠪᠢᠰᠤᠯ ᠲᠠᠢ ᠬᠠᠷᠢᠴᠠᠭ᠎ᠠ ᠲᠠᠢ ᠪᠢᠯᠠ᠃ ᠮᠢᠩ ᠤᠯᠤᠰ᠂ ᠶᠤᠸᠠᠨ ᠢ ᠮᠦᠬᠦᠬᠡᠬᠦ ᠦᠶ᠎ᠡ᠂ ᠨᠡᠶᠢᠰᠯᠠᠯ ᠬᠤᠳᠡ ᠶᠢ ᠬᠡᠳᠤᠨ ᠬᠤᠨᠤᠭ ᠭᠠᠯᠳᠡᠵᠤ᠂ ᠦᠢᠷ᠎ᠡ ᠤᠷᠴᠢᠮ ᠤᠨ ᠤᠩᠭᠤᠨ ᠪᠤᠯᠠᠰᠢ ᠶᠢ ᠲᠠᠯᠠᠨ ᠠᠭᠤᠳᠡᠯᠠᠵᠤ᠂ ᠠᠪᠴᠤ ᠪᠤᠯᠬᠤ ᠶᠢ ᠨᠢ ᠠᠪᠴᠤ᠂ ᠡᠰᠠ ᠪᠤᠯᠬᠤ ᠦᠬᠡᠢ ᠶᠢ  ᠪᠠᠯᠪᠠᠴᠢᠵᠤ᠂ ᠲᠡᠷᠢᠬᠦᠨ ᠢᠶᠠᠷ ᠠᠨᠤ ᠭᠠᠪᠢᠶ᠎ᠠ ᠲᠡᠮᠳᠡᠭᠯᠠᠵᠤ᠂ ᠡᠳ᠋ ᠡᠷᠳᠡᠨᠢᠰ ᠤᠨ ᠲᠤᠨᠤᠭᠰᠠᠨ ᠤ ᠶᠡᠭᠡ ᠪᠠᠭ᠎ᠠ ᠪᠠᠷ ᠨᠡᠷ᠎ᠡ ᠵᠠᠷᠬᠡ᠂ ᠴᠤᠯᠠ ᠡᠷᠬᠢᠮ ᠤᠯᠭᠤᠵᠤ ᠪᠠᠶᠢᠭᠰᠠᠨ ᠲᠠᠢ ᠰᠢᠭᠤᠤᠨ ᠬᠤᠯᠪᠤᠭ᠎ᠠ  ᠲᠠᠢ ᠶᠤᠮ᠃ ᠡᠳᠡᠬᠡᠷ ᠬᠦᠮᠤᠨ ᠴᠢᠯᠠᠭᠤ ᠲᠠᠢ ᠪᠤᠯᠠᠰᠢ ᠤᠩᠭᠤᠨ ᠤ ᠤᠯᠠᠩᠬᠢ ᠨᠢ ᠶᠤᠸᠠᠨ ᠤ ᠦᠶ᠎ᠡ ᠶᠢᠨ ᠪᠤᠯᠤᠨ᠎ᠡ᠃ ᠯᠤᠤ  ᠭᠠᠷᠤᠳᠢ ᠶᠢᠨ ᠰᠠᠶᠢᠯᠤᠮᠠᠯ ᠲᠠᠢ ᠭᠠᠩᠳᠢᠭ ᠬᠦᠮᠤᠨ ᠴᠢᠯᠠᠭᠤ ᠨᠢ ᠬᠡᠯᠡᠯᠬᠡᠨ ᠦᠬᠡᠢ ᠮᠤᠩᠭᠤᠯ ᠬᠠᠭᠠᠤᠨ ᠤᠭᠰᠠᠭᠠᠨ ᠤ ᠤᠩᠭᠤᠨ ᠪᠤᠯᠠᠰᠢ ᠪᠤᠯᠤᠯᠳᠡᠢ᠃ ᠬᠦᠮᠤᠨ ᠴᠢᠯᠠᠭᠤᠨ ᠤ ᠰᠠᠶᠢᠯᠤᠮᠠᠯ ᠲᠦᠷᠢ ᠠᠪᠤᠷᠢ᠂ ᠬᠡᠳᠡ ᠲᠤᠤᠬᠠᠢ  ᠂ ᠬᠢᠳᠤᠭ᠎ᠠ ᠰᠤᠶᠤᠭ᠎ᠠ᠂  ᠤᠭᠤᠳᠡ ᠬᠠᠪᠳᠠᠭ᠎ᠠ ᠵᠠᠷᠬᠡ ᠨᠢ ᠮᠤᠩᠭᠤᠯᠴᠤᠤᠨ ᠤᠨ ᠰᠤᠶᠤᠯ ᠠᠮᠢᠳᠤᠷᠡᠯ ᠵᠠᠩ ᠵᠠᠩᠰᠢᠯ ᠢ ᠰᠢᠭᠤᠤᠨ ᠢᠯᠠᠤᠨᠬᠡᠵᠠᠢ᠃ ᠢᠯᠩᠭᠤᠶ᠎ᠠ ᠯᠤᠤ ᠶᠢᠨ ᠰᠠᠶᠢᠯᠤᠮᠠᠯ᠂  ᠡᠬᠦᠯᠠᠨ  ᠬᠤᠸᠠᠷ  ᠂ ᠮᠠᠨᠳᠡᠷᠸ᠎ᠠ ᠴᠠᠴᠡᠭ ᠤᠨ ᠰᠠᠶᠢᠯᠤᠮᠠᠯ ᠨᠢ ᠹᠸᠤᠳᠡᠯ ᠨᠡᠶᠢᠬᠡᠮ ᠤᠨ ᠬᠠᠭᠠᠨᠳᠤ ᠢᠵᠠᠭᠤᠷᠳᠡᠤᠨ ᠤᠨ ᠬᠦᠰᠠᠯ ᠮᠦᠷᠤᠬᠡᠳᠤᠯ ᠢ ᠬᠠᠷᠠᠭᠤᠯᠤᠭᠰᠠᠨ ᠨᠢ ᠲᠤᠳᠤᠷᠬᠠᠢ ᠪᠢᠯᠠ᠃ ᠡᠳᠡᠬᠡᠷ ᠪᠤᠳᠡᠳᠤ ᠵᠦᠢᠯᠠᠰ ᠠᠴᠠ ᠰᠤᠳᠤᠯᠤᠨ ᠰᠢᠨᠵᠢᠪᠡᠯ  ᠡᠨᠡᠬᠦ ᠤᠩᠭᠤᠨ ᠤ ᠭᠠᠵᠠᠷ ᠨᠢ ᠶᠤᠸᠠᠨ ᠤᠯᠤᠰ ᠤᠨ ᠬᠠᠭᠠᠤᠨ ᠢᠵᠠᠭᠤᠷᠳᠡᠤᠨ ᠤᠨ ᠤᠩᠭᠤᠨ ᠪᠤᠯᠠᠰᠢ ᠤᠨ ᠭᠠᠵᠠᠷ ᠪᠤᠯᠬᠤ  ᠨᠢ ᠵᠠᠶᠢᠯᠠᠰᠢ ᠦᠬᠡᠢ ᠪᠢᠯᠠ᠃         ᠬᠦᠮᠤᠨ ᠲᠦᠷᠤᠯᠬᠢᠳᠡᠨ ᠶᠠᠷᠤᠨᠢ ᠲᠡᠤᠬᠡ ᠠᠴᠠ ᠠᠪᠤᠭᠠᠤᠨ ᠲᠦᠷᠤ ᠲᠦᠷᠤ ᠶᠢᠨ ᠠᠷᠡᠤᠨ ᠢᠷᠬᠡᠤᠨ ᠲᠡᠬᠡᠳᠤᠰ ᠤᠨ ᠢᠶᠠᠨ ᠤᠩᠭᠤᠨ ᠪᠤᠯᠠᠰᠢ ᠶᠢ ᠬᠦᠨᠳᠤᠤᠨᠬᠡᠵᠤ᠂ ᠦᠶ᠎ᠡ ᠤᠯᠠᠷᠢᠨ ᠰᠢᠳᠤᠬᠡᠨ ᠪᠤᠯᠭᠠᠨ ᠲᠡᠬᠢᠳᠠᠭ ᠶᠤᠮ᠃ ᠶᠠᠭ ᠡᠶᠢᠮᠤ ᠤᠴᠢᠷ ᠠᠴᠠ ᠴᠢᠩ ᠤᠯᠤᠰ ᠤᠨ ᠦᠶ᠎ᠡ ᠳᠤ ᠴᠤ ᠬᠡᠰᠡᠨ ᠦᠶ᠎ᠡ ᠦᠶ᠎ᠡ ᠶᠢᠨ ᠬᠤᠶᠢᠴᠢᠰ ᠨᠢ ᠮᠦᠨ ᠬᠦ᠋ ᠲᠡᠬᠡᠳᠤᠰ ᠤᠨ ᠢᠶᠠᠨ ᠤᠩᠭᠤᠨ ᠪᠤᠯᠠᠰᠢ ᠶᠢ ᠦᠷᠬᠦᠯᠵᠢᠯᠠᠨ ᠲᠡᠬᠢᠵᠤ ᠪᠠᠶᠢᠵᠠᠢ᠃ ᠪᠢᠳᠡ ᠭᠠᠩᠳᠢᠭ ᠴᠢᠯᠠᠭᠤᠨ ᠬᠦᠮᠤᠨ  ᠲᠠᠢ ᠤᠩᠭᠤᠨ ᠢ ᠴᠠᠪᠠᠷᠯᠠᠬᠦ ᠶᠠᠪᠤᠴᠠ ᠳᠤ ᠪᠤᠯᠠᠰᠢ ᠠᠴᠠ ᠴᠢᠩ ᠤᠯᠤᠰ ᠤᠨ ᠵᠢᠶᠠ ᠴᠢᠩ ᠤᠨ ᠦᠶ᠎ᠡ ᠶᠢᠨ ᠭᠠᠤᠯᠢᠨ ᠵᠤᠭᠤᠰ ᠪᠤᠯᠤᠨ ᠲᠦᠷᠪᠠᠨ ᠨᠤᠭᠤᠭᠠᠨ ᠫᠢᠯᠠ ︵ ᠢᠷᠤᠭᠠᠯ ᠳᠠᠭᠠᠨ ᠵᠢᠶᠠ ᠴᠢᠩ ᠤᠨ ᠤᠨ ᠳᠤ ᠦᠢᠯᠠᠤᠨᠪᠡ ᠬᠡᠰᠡᠨ ᠦᠰᠤᠭ᠌ ᠲᠠᠢ ᠪᠠᠶᠢᠯ᠎ᠠ︶ ᠭᠠᠷᠪᠡ᠃ ᠡᠨᠡᠬᠦ ᠲᠡᠬᠢᠯᠭ᠎ᠠ ᠶᠢᠨ ᠶᠠᠭᠤᠮ᠎ᠠ ᠶᠢ ᠲᠤᠭᠤᠰᠬ᠎ᠠ ᠪᠠᠷ  ᠵᠢᠷᠬᠢᠯᠠᠵᠤ ᠪᠦᠳᠤᠬᠡᠨ ᠲᠡᠯᠪᠢᠭ᠌ᠰᠠᠨ ᠪᠠᠶᠢᠵᠠᠢ᠃ ᠪᠠᠰᠠ ᠨᠢᠬᠡ ᠴᠦᠯᠠᠬᠡᠷ ᠬᠡᠳᠡᠰᠤ ᠲᠠᠢ  ᠱᠠᠭᠠᠵᠠᠩ ᠪᠤᠷᠬᠠᠨ ᠪᠠᠶᠢᠭᠰᠠᠨ ᠶᠤᠮ᠃ ᠡᠬᠦᠨ ᠠᠴᠠ ᠦᠵᠠᠪᠡᠯ ᠲᠡᠬᠡᠳᠤᠰ ᠤᠨ ᠤᠩᠭᠤᠨ ᠢ  ᠪᠤᠷᠬᠠᠨ ᠰᠢᠳᠤᠬᠡᠨ ᠪᠤᠯᠭᠠᠨ ᠦᠶ᠎ᠡ ᠲᠡᠮᠵᠢᠨ ᠲᠡᠬᠢᠵᠤ ᠪᠠᠶᠢᠭᠰᠠᠨ ᠨᠢ ᠲᠤᠩ ᠢᠯᠠᠷᠬᠡᠢ ᠶᠤᠮ᠃         ︽ᠲᠡᠬᠡᠳᠤ ᠨᠡᠶᠢᠰᠯᠠᠯ ᠱᠠᠩᠳᠤ ᠶᠢᠨ ᠬᠦᠮᠤᠨ ᠠᠮᠠ ᠠᠷᠪᠡᠨ ᠬᠤᠶᠠᠷ ᠲᠦᠮᠠ ᠪᠠᠶᠢᠭᠰᠠᠨ ᠤ ᠲᠡᠬᠡᠷ᠎ᠡ ᠬᠠᠮᠤᠭ ᠦᠨᠳᠤᠷ ᠤᠷᠬᠢᠯ ᠳᠠᠭᠠᠨ ᠠᠷᠪᠡᠨ ᠵᠢᠷᠭᠤᠭᠠᠨ ᠲᠦᠮᠠ ᠬᠦᠷᠤᠯ᠎ᠡ︾ ᠬᠡᠰᠡᠠ ᠲᠡᠮᠳᠡᠭᠯᠠᠯ ᠪᠠᠶᠢᠳᠠᠭ᠃ ᠡᠶᠢᠮᠤ ᠠᠴᠠ ᠱᠠᠩᠳᠤ ᠨᠡᠶᠢᠰᠯᠠᠯ ᠤᠨ ᠤᠷᠴᠢᠨ ᠲᠤᠭᠤᠷᠢᠨ ᠤ ᠤᠩᠭᠤᠨ ᠪᠤᠯᠠᠰᠢ ᠨᠢ ᠬᠡᠯᠡᠯᠬᠡᠨ ᠦᠬᠡᠢ ᠨᠠᠯᠢᠶᠠᠤᠨ ᠦᠷᠬᠡᠨ ᠬᠡᠪᠴᠢᠶᠡᠨ ᠳᠤ ᠲᠡᠷᠬᠠᠵᠤ ᠪᠠᠶᠢᠳᠠᠭ᠃ ᠵᠢᠱᠢᠶᠠᠯᠠᠪᠡᠯ ᠪᠢᠳᠡᠨ ᠤ ᠢᠯᠠᠷᠡᠬᠦᠯᠤᠭ᠍ᠰᠠᠨ ᠢᠶᠠᠷ ᠴᠠᠭᠠᠨ ᠤᠪᠤᠭᠠᠨ ᠤ ᠡᠩᠬᠡᠷ᠂ ᠰᠤᠭᠤ ᠶᠢᠨ ᠬᠤᠤᠨᠳᠤᠭ ᠤᠨ ᠡᠩᠬᠡᠷ  ᠂ ᠬᠡᠬᠡᠨ ᠤᠪᠤᠭᠠᠨ ᠤ ᠡᠩᠬᠡᠷ  ᠂ ᠡᠵᠢ ᠠᠭᠤᠯᠠ ᠶᠢᠨ ᠡᠩᠬᠡᠷ᠂ ᠴᠢᠨ᠋ᠸ᠎ᠠ ᠶᠢᠨ ᠭᠤᠤ ᠶᠢᠨ ᠡᠩᠬᠡᠷ᠂ ᠪᠦᠳᠤᠬᠦᠨ ᠤ ᠡᠩᠬᠡᠷ ᠁ ᠬᠡᠬᠦ ᠮᠠᠳᠤ ᠲᠤᠩ ᠤᠯᠠᠨ ᠭᠠᠵᠠᠷ ᠢᠶᠠᠷ ᠲᠡᠷᠬᠠᠵᠤ ᠪᠡᠶᠢᠨ᠎ᠡ᠃ ᠡᠬᠦᠨᠳᠤ ᠵᠢᠱᠢᠶᠠᠯᠠᠪᠡᠯ᠄ ᠴᠠᠭᠠᠨ ᠤᠪᠤᠭᠠᠨ ᠤ ᠡᠩᠬᠡᠷ ᠤᠨ ᠤᠩᠭᠤᠨ ᠢ ᠴᠠᠪᠠᠷᠯᠠᠬᠦ ᠶᠠᠪᠤᠴᠠ ᠳᠤ ᠬᠦᠬᠡ ᠲᠤᠭᠤᠰᠬ᠎ᠠ ᠪᠠᠷ ᠰᠠᠭᠤᠷᠢ ᠶᠢ ᠲᠡᠪᠢᠰᠴᠤ᠂ ᠲᠦᠷᠪᠡᠨ ᠲᠡᠯ᠎ᠡ ᠶᠢ ᠲᠡᠩ ᠲᠤᠭᠤᠰᠬ᠎ᠠ ᠪᠠᠷ ᠴᠤᠬᠤᠢ ᠬᠠᠪᠴᠢᠭᠤᠯᠤᠨ ᠵᠢᠷᠬᠢᠯᠡᠭᠰᠠᠨ ᠢᠶᠠᠷ ᠲᠤᠩ ᠴᠠᠪᠠᠷᠬᠡᠨ ᠮᠦᠷᠳᠡᠬᠡᠨ ᠪᠦᠳᠤᠨ ᠪᠠᠶᠢᠵᠠᠢ᠃ ᠤᠯᠠᠩᠬᠢ ᠶᠢ ᠨᠢ ᠠᠭᠤᠳᠡᠯᠠᠵᠤ ᠦᠩᠬᠡᠷᠡᠭᠰᠠᠨ ᠪᠤᠯᠪᠠᠴᠤ ᠴᠦᠬᠡᠪᠳᠤᠷ ᠨᠢ ᠬᠠᠷᠢᠨ ᠡᠪᠳᠡᠭᠳᠡᠭᠰᠠᠨ ᠦᠬᠡᠢ ᠪᠡᠶᠢᠪᠡ᠃ ᠪᠦᠳᠤᠨ ᠤᠩᠭᠤᠨ ᠠᠴᠠ ᠮᠦᠩᠬᠦᠨ ᠲᠡᠪᠤᠷ᠎ᠡ᠂ ᠵᠠᠰ ᠲᠤᠯᠢ ᠵᠠᠷᠬᠡ ᠶᠠᠭᠤᠮ᠎ᠠ ᠭᠠᠷᠤᠭᠰᠠᠨ ᠨᠢ ᠶᠠᠳᠡᠭᠤᠯᠢᠭ ᠠᠮᠢᠳᠤᠷᠡᠯ ᠲᠠᠢ ᠠᠷᠡᠤᠨ ᠤᠨ ᠤᠩᠭᠤᠨ ᠪᠤᠯᠤᠨ᠎ᠡ᠃         ᠱᠠᠩᠳᠤ ᠬᠤᠳᠡ ᠶᠢᠨ ᠡᠷᠬᠢᠨ ᠲᠤᠭᠤᠷᠢᠨ ᠳᠤ ᠡᠳᠤᠢ ᠲᠡᠳᠤᠢ ᠤᠩᠭᠤᠨ ᠪᠤᠯᠠᠰᠢ ᠶᠢᠨ ᠭᠠᠵᠠᠷ ᠪᠠᠶᠢᠳᠠᠭ  ᠨᠢ ᠠᠯᠢ ᠡᠷᠳᠡ ᠯᠢᠶᠤᠤ᠂ ᠶᠢᠨ ᠤ ᠦᠶ᠎ᠡ ᠶᠢᠨ ᠤᠩᠭᠤᠨ ᠪᠤᠯᠠᠰᠢ ᠴᠤ ᠪᠠᠶᠢᠭ᠎ᠠ ᠶᠤᠮ᠃ ᠡᠨᠡᠬᠦ ᠭᠤᠶᠤ ᠰᠠᠶᠢᠬᠠᠨ  ᠭᠠᠵᠠᠷ ᠤᠷᠤᠨ ᠳᠤ ᠬᠡᠴᠢᠨᠠᠨ ᠲᠦᠷᠤ ᠬᠦᠷᠤᠨ᠂ ᠬᠡᠴᠢᠨᠠᠨ ᠲᠡᠤᠬᠡᠨ ᠦᠶ᠎ᠡ ᠶᠢ ᠦᠩᠬᠡᠷᠡᠬᠡᠨ ᠲᠡᠬᠦᠨ ᠤ ᠰᠤᠶᠤᠯ ᠤᠨ ᠤᠯᠠ ᠮᠦᠷ ᠦᠯᠠᠳᠡᠭᠳᠡᠵᠤ ᠪᠡᠶᠢᠬᠤ ᠨᠢ ᠮᠡᠳᠡᠬᠡᠵᠢ ᠶᠢᠨ ᠬᠡᠷᠡᠭ ᠪᠢᠯᠠ᠃            ᠵᠤᠬᠢᠨᠶ᠋ᠭᠴᠢ ᠶᠢᠨ ᠬᠠᠶ᠋ᠢᠭ᠄ ᠰᠢᠯᠤᠭᠤᠨ ᠬᠦᠬᠡ ᠬᠤᠰᠢᠭᠤᠨ ᠤ ᠲᠡᠤᠬᠡᠨ ᠲᠤᠷᠠᠰᠬᠠᠯᠳᠤ ᠵᠦᠢᠯ ᠤᠨ ᠲᠤᠪᠴᠢᠶ᠎ᠠ
  
ᠢᠷᠡᠯᠲᠡ᠄ ᠰᠢᠯᠤᠭᠤᠨ ᠬᠥᠬᠡ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠮᠤᠩᠭᠤᠯ ᠰᠥᠯᠵᠢᠶ᠎ᠡ
 
 
ᠬᠠᠮᠢᠶ᠎ᠠ ᠪᠥᠬᠦᠢ ᠰᠤᠨᠢᠨ
  
ᠡᠵᠡᠨ ᠳᠡᠭᠡᠨ ᠡᠭᠡᠭᠰᠡᠨ ᠪᠡᠯᠡᠭ
ᠬᠠᠭᠤᠴᠢᠨ ᠣᠨ ᠤ ᠪᠣᠱᠣᠭᠠᠨ ᠳᠤ
ᠠᠯᠳᠡᠨᠪᠢᠯᠢᠭ
ᠲᠠᠭᠣᠣ _ᠱᠠᠩᠳᠣ ᠶᠢᠨ ᠭᠣᠣᠯ
ᠨᠠᠢᠮᠠᠨ ᠰᠢᠷᠭ᠎ᠠ
ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠠᠴᠠ ᠭᠤᠤᠯᠴᠢᠯᠠᠨ ᠡᠷᠬᠢᠯᠡᠪᠡ ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠠᠯᠪᠠᠨ ᠲᠢᠩᠬᠢᠮ ᠠᠴᠠ ᠲᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠪᠡ ᠃ ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠮᠡᠷᠭᠡᠵᠢᠯ ᠬᠠᠩᠭᠠᠪᠠ᠃ ᠰᠢᠤᠳᠠᠨ ᠳ᠋ᠤᠭᠠᠷ: 010098    蒙ICP备05000248号