| ᠰ᠊ · ᠦᠯᠵᠡᠶᠢᠪᠠᠳᠦ | | | — ︽ᠰᠢᠯᠤᠭᠤᠨ ᠬᠦᠬᠡ᠂ ᠰᠠᠩ ᠤᠨ ᠳᠠᠯᠠᠢ ᠮᠤᠩᠭᠤᠯ | ᠪᠠᠭᠠ ᠰᠤᠷᠭᠠᠭᠤᠯᠢ︾ ᠭᠡᠬᠦ ᠨᠤᠮ ᠢ ᠤᠩᠰᠢᠭᠠᠳ | ᠰᠤᠷᠭᠠᠭᠤᠯᠢ ᠪᠤᠯ ᠰᠤᠶᠤᠯ ᠤᠨ ᠦᠯᠦᠬᠡᠢ᠂ ᠰᠤᠷᠭᠠᠭᠤᠯᠢ ᠶᠢᠨ ᠳᠡᠤᠬᠡ ᠪᠤᠯ ᠰᠤᠶᠤᠯ ᠤᠨ ᠳᠡᠤᠬᠡ᠃ | ᠨᠦᠬᠦᠷ ᠳᠤ᠋ · ᠰᠤᠳᠤᠰᠡᠴᠢᠨ᠂ ᠰᠧᠳᠡᠩᠨᠤᠷᠪᠤ ᠨᠠᠷ ᠤᠨ ᠡᠷᠬᠢᠯᠡᠨ ᠨᠠᠶᠢᠷᠠᠭᠤᠯᠤᠭᠰᠡᠨ ︽ᠰᠢᠯᠤᠭᠤᠨ | ᠬᠦᠬᠡ᠂ ᠰᠠᠩ ᠤᠨ ᠳᠠᠯᠠᠢ ᠮᠤᠩᠭᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ︾ ᠬᠡᠬᠦ ᠨᠤᠮ ᠬᠡᠪᠯᠡᠭᠳᠡᠭᠡᠳ᠂ ᠰᠤᠷᠭᠠᠭᠤᠯᠢ ᠶᠢᠨ ᠳᠡᠤᠬᠡ᠂ | ᠰᠤᠶᠤᠯ ᠤᠨ ᠳᠡᠤᠬᠡᠨ ᠳᠤ ᠨᠢᠭᠡ ᠬᠤᠪᠢ ᠨᠡᠮᠡᠷᠢ ᠬᠠᠨᠳᠢᠪ ᠡᠷᠬᠦᠯᠡ᠃ | ᠰᠤᠷᠭᠠᠭᠤᠯᠢ ᠭᠡᠵᠦ ᠦᠨᠡᠭᠡᠷ ᠨᠢᠭᠡᠨ ᠤᠨᠴᠠᠭᠠᠢ ᠭᠠᠵᠠᠷ ᠶᠤᠮ᠃ ᠰᠤᠷᠭᠠᠭᠤᠯᠢ ᠶᠢ ᠵᠦᠪᠬᠡᠨ ᠬᠡᠳᠦᠨ | ᠬᠡᠤᠬᠡᠳ ᠲᠤ ᠬᠡᠳᠦᠨ ᠦᠰᠦᠭ ᠳᠠᠨᠢᠭᠤᠯᠳᠠᠭ ᠭᠠᠵᠠᠷ ᠳᠡᠳᠦᠢ ᠪᠠᠷ ᠦᠵᠡᠪᠡᠯ ᠱᠠᠯ ᠪᠤᠷᠤᠭᠤ᠃ ᠨᠢᠭᠡ | ᠦᠨᠳᠦᠰᠦᠳᠡᠨ ᠢ ᠮᠠᠨᠳᠤᠭᠤᠯᠤᠶᠠ ᠭᠡᠪᠡᠯ ᠰᠤᠷᠭᠠᠭᠤᠯᠢ ᠠᠴᠠ ᠡᠬᠢᠯᠡᠵᠦ᠂ ᠨᠢᠭᠡ ᠦᠨᠳᠦᠰᠦᠳᠡᠨ ᠢ ᠮᠦᠬᠦᠭᠡᠶᠡ ᠭᠡᠪᠡᠯ | ᠪᠠᠰᠠ ᠰᠤᠷᠭᠠᠭᠤᠯᠢ ᠠᠴᠠ ᠡᠬᠢᠯᠡᠳᠡᠭ ᠢ ᠳᠡᠤᠬᠡ ᠪᠢᠳᠡᠨ ᠳᠤ ᠬᠡᠯᠡᠵᠦ ᠦᠭᠴᠠᠢ᠃ | ︽ᠰᠢᠯᠤᠭᠤᠨ ᠬᠦᠬᠡ᠂ ᠰᠠᠩ ᠤᠨ ᠳᠠᠯᠠᠢ ᠮᠤᠩᠭᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ︾ ᠭᠡᠬᠦ ᠨᠤᠮ ᠳᠤ ᠨᠢᠭᠡ | ᠰᠤᠷᠭᠠᠭᠤᠯᠢ ᠶᠢᠨ ᠨᠢᠭᠡ ᠵᠢᠷᠠᠨ ᠤ ᠳᠡᠤᠬᠡ ᠶᠢ ᠪᠢᠴᠢᠭᠰᠡᠨ ᠳᠡᠳᠦᠢ ᠪᠢᠰᠢ᠂ ᠤᠷᠴᠢᠨ ᠦᠶᠡ ᠶᠢᠨ ᠴᠠᠬᠠᠷ ᠨᠤᠳᠤᠭ | ᠤᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠳᠡᠤᠬᠡᠨ ᠤᠯᠠ ᠮᠦᠷ ᠢ ᠳᠤᠳᠤᠷᠠᠭᠤᠯᠵᠦ ᠭᠠᠷᠭᠠᠵᠠᠢ᠃ | ᠤᠳᠤ ᠠᠴᠠ 100 ᠵᠢᠯ ᠤᠨ ᠡᠮᠦᠨᠡ᠂ ᠳᠤᠮᠳᠠᠳᠦ ᠢᠷᠭᠡᠨ ᠤᠯᠤᠰ ᠤᠨ ᠦᠶᠡ ᠳᠤ ᠡᠨᠡ ᠬᠠᠪᠢ ᠶᠢᠨ | ᠨᠤᠳᠤᠭ ᠲᠤ ᠠᠯᠪᠠᠨ ᠠᠴᠠ ᠡᠷᠬᠢᠯᠡᠭᠰᠡᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠪᠠᠶᠢᠭᠤᠯᠤᠭᠳᠠᠭᠰᠡᠨ ᠪᠤᠯᠪᠠᠴᠦ ᠴᠠᠬᠠᠷ ᠳᠤᠰᠬᠠᠢ | ᠤᠷᠤᠨ ᠠᠴᠠ ᠬᠢᠳᠠᠳ ᠪᠠᠭᠰᠢ ᠳᠤᠮᠢᠯᠠᠵᠦ᠂ ᠴᠤᠯ ᠬᠢᠳᠠᠳ ᠢᠶᠠᠷ ᠬᠢᠴᠢᠶᠡᠯᠯᠡᠵᠦ᠂ ᠰᠤᠷᠤᠭᠴᠢᠳ ᠲᠤ ᠬᠢᠳᠠᠳ ᠨᠡᠷᠡ | ᠦᠭᠴᠦ᠂ ᠲᠦᠷᠦᠯᠬᠢ ᠮᠤᠩᠭᠤᠯ ᠬᠡᠯᠡ ᠪᠠᠷ ᠢᠶᠠᠨ ᠶᠠᠷᠢᠯᠴᠠᠬᠤ ᠶᠢ ᠬᠢᠵᠠᠭᠠᠷᠯᠠᠵᠦ᠂ ᠮᠤᠩᠭᠤᠯ ᠢᠶᠠᠷ ᠢᠶᠠᠨ ᠶᠠᠷᠢᠭᠰᠡᠨ | ᠰᠤᠷᠤᠭᠴᠢ ᠶᠢ ᠭᠤᠷᠪᠠᠨ ᠡᠳᠦᠷ ᠬᠠᠷᠠ ᠤᠰᠤᠨ ᠬᠤᠭᠤᠯᠠ ᠢᠳᠡᠭᠦᠯᠵᠦ ᠵᠠᠯᠬᠠᠭᠠᠳᠠᠭ ᠪᠠᠶᠢᠵᠠᠢ᠃ ᠶᠡᠭᠡ ᠰᠢᠯᠦᠭᠴᠢ | ᠨᠠ᠊ · ᠰᠠᠶᠢᠨᠴᠤᠭᠳᠦ ᠠᠷᠪᠠᠨ ᠳᠠᠪᠤᠳᠠᠢ ᠳᠠᠭᠠᠨ ᠤᠷᠤᠭᠰᠡᠨ ᠨᠠᠷᠠᠳᠦ ᠶᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠳᠤᠬᠠᠢ ᠪᠢᠴᠢᠬᠦ | ᠳᠡᠭᠡᠨ᠄ ︽ᠡᠨᠡ ᠰᠤᠷᠭᠠᠭᠤᠯᠢ ᠪᠤᠯ ᠮᠤᠩᠭᠤᠯ ᠬᠡᠯᠡ ᠮᠡᠳᠡᠬᠦ ᠦᠬᠡᠢ ᠬᠢᠳᠠᠳ ᠪᠠᠭᠰᠢ᠂ ᠬᠢᠳᠠᠳ ᠬᠡᠯᠡ ᠮᠡᠳᠡᠬᠦ | ᠦᠬᠡᠢ ᠮᠤᠩᠭᠤᠯ ᠬᠡᠤᠬᠡᠳ ᠢ ᠰᠤᠷᠭᠠᠵᠦ ᠪᠠᠶᠢᠭᠰᠡᠨ ᠪᠦᠭᠡᠳ ᠲᠡᠷᠡ ᠦᠶᠡ ᠶᠢᠨ ᠵᠢᠭᠠᠵᠦ ᠪᠠᠶᠢᠭᠰᠡᠨ ᠬᠢᠴᠢᠶᠡᠯ ᠨᠢ | ᠮᠠᠯᠴᠢᠨ ᠤ ᠬᠡᠤᠬᠡᠳ ᠤᠨ ᠦᠵᠡᠬᠦ ᠴᠦ ᠪᠠᠶᠢᠳᠤᠭᠠᠢ ᠰᠤᠨᠤᠰᠤᠭᠠᠳᠤᠢ ᠡᠯᠵᠢᠬᠡ ᠭᠠᠭ᠋ᠠᠢ ᠳᠠᠬᠢᠶᠠ ᠶᠢᠨ ᠵᠢᠷᠤᠭ ᠲᠠᠢ | ᠬᠢᠳᠠᠳ ᠬᠡᠯᠡᠨ ᠤ ᠪᠢᠴᠢᠭ ᠵᠢᠭᠠᠵᠦ ᠪᠠᠶᠢᠭᠰᠡᠨ︾ ᠭᠡᠵᠦ ᠪᠢᠴᠢᠭᠰᠡᠨ ᠪᠠᠶᠢᠳᠠᠭ᠃ ᠲᠡᠷᠡ ᠦᠶᠡ ᠶᠢᠨ ᠠᠯᠪᠠᠨ ᠤ | ᠰᠤᠷᠭᠠᠭᠤᠯᠢ ᠪᠦᠷ ᠢᠢᠮᠦ ᠪᠠᠶᠢᠭᠰᠡᠨ ᠠᠵᠠᠢ᠃ ᠡᠭᠦᠨ ᠠᠴᠠ ᠦᠵᠡᠭᠦᠯᠡ ᠦᠨᠳᠦᠰᠦᠳᠡᠨ ᠤ ᠳᠠᠷᠤᠯᠠᠯ ᠡᠩ | ᠳᠦᠷᠦᠬᠦᠨ ᠳᠤ ᠰᠤᠷᠭᠠᠭᠤᠯᠢ ᠪᠠ ᠰᠤᠷᠤᠭᠴᠢ ᠳᠤ ᠳᠤᠯᠭᠠᠷᠠᠵᠦ᠂ ᠦᠨᠳᠦᠰᠦᠳᠡᠨ ᠢ ᠳᠤᠷᠤᠶᠢᠳᠠᠭᠤᠯᠬᠤ ᠮᠦᠬᠦᠬᠡᠬᠦ | ᠠᠵᠢᠯᠯᠠᠭᠠ ᠨᠢ ᠡᠩ ᠳᠦᠷᠦᠭᠦᠨ ᠳᠤ ᠰᠤᠷᠭᠠᠭᠤᠯᠢ ᠠᠴᠠ ᠡᠬᠢᠯᠡᠵᠦ᠂ ᠰᠤᠷᠤᠭᠴᠢᠳ ᠤᠨ ᠳᠦᠷᠦᠯᠬᠢ ᠬᠡᠯᠡ ᠶᠢ | ᠴᠠᠭᠠᠵᠠᠯᠠᠵᠦ᠂ ᠳᠡᠭᠡᠷᠡᠩᠭᠦᠶᠢᠴᠤᠳ ᠦᠪᠡᠷ ᠤᠨ ᠦᠨᠳᠦᠰᠦᠳᠡᠨ ᠤ ᠬᠡᠯᠡ ᠪᠠᠨ ᠰᠤᠷᠤᠭᠴᠢᠳ ᠲᠤ ᠠᠯᠪᠠᠳᠠᠨ | ᠳᠤᠯᠭᠠᠳᠠᠭ ᠠᠴᠠ ᠡᠬᠢᠯᠡᠳᠡᠭ ᠨᠢ ᠦᠨᠡᠨ ᠪᠠᠶᠢᠨᠠ᠃ | ᠬᠡᠪᠡᠴᠦ ᠳᠡᠷᠡᠬᠦ ᠶᠤᠰᠦ ᠪᠤᠰᠤ ᠦᠨᠳᠦᠰᠦᠳᠡᠨ ᠤ ᠳᠠᠷᠤᠯᠠᠯ ᠤᠨ ᠡᠰᠡᠷᠬᠦ ᠮᠤᠩᠭᠤᠯᠴᠤᠳ ᠡᠰᠡᠷᠭᠦᠴᠡᠯ | ᠳᠡᠮᠡᠴᠡᠯ ᠶᠠᠪᠤᠭᠤᠯᠵᠦ ᠪᠠᠶᠢᠭᠰᠡᠨ ᠢ ︽ᠰᠢᠯᠤᠭᠤᠨ ᠬᠦᠬᠡ᠂ ᠰᠠᠩ ᠤᠨ ᠳᠠᠯᠠᠢ ᠮᠤᠩᠭᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ︾ | ᠭᠡᠬᠦ ᠨᠤᠮ ᠠᠴᠠ ᠪᠢᠳᠡ ᠤᠯᠵᠦ ᠬᠠᠷᠠᠨᠠ᠃ ᠶᠠᠭ ᠲᠡᠷᠡ ᠦᠶᠡ ᠶᠢᠨ ᠮᠤᠩᠭᠤᠯ ᠬᠡᠯᠡ ᠪᠠᠷ ᠢᠶᠠᠨ ᠶᠠᠷᠢᠯᠴᠠᠬᠤ ᠶᠢ | ᠴᠠᠭᠠᠵᠠᠯᠠᠵᠦ᠂ ᠵᠦᠷᠢᠴᠡᠪᠡᠯ ᠵᠠᠯᠬᠠᠭᠠᠵᠦ ᠪᠠᠶᠢᠭᠰᠡᠨ ︽ᠠᠯᠪᠠᠨ ᠤ ᠰᠤᠷᠭᠠᠭᠤᠯᠢ︾ ᠳᠤ ᠬᠢᠳᠠᠳ ᠪᠢᠴᠢᠭ ᠰᠤᠷᠴᠦ᠂ | ᠬᠢᠳᠠᠳ ᠪᠠᠭᠰᠢ ᠠᠴᠠ ᠪᠠᠨ ︽ᠵᠤᠤ ᠴᠧᠩ ᠪᠢ︾ ᠭᠡᠳᠡᠭ ᠬᠢᠳᠠᠳ ᠨᠡᠷᠡ ᠤᠯᠤᠭᠰᠡᠨ ᠤᠶᠤᠨᠪᠢᠯᠢᠭ᠌ ᠭᠡᠳᠡᠭ | ᠰᠤᠷᠤᠭᠴᠢ ᠬᠤᠵᠢᠮ ᠨᠢ ᠳᠤᠳᠤᠭᠠᠳᠦ ᠭᠠᠳᠠᠭᠠᠳᠦ ᠪᠠᠷ ᠶᠠᠪᠤᠵᠦ᠂ ᠡᠷᠳᠡᠮ ᠮᠡᠳᠡᠯᠭᠡ ᠲᠠᠢ ᠪᠤᠯᠤᠭᠠᠳ᠂ 1929 | ᠤᠨ ᠳᠤ ᠬᠠᠳᠠᠨ ᠬᠤᠰᠢᠭᠤ ᠰᠤᠷᠭᠠᠭᠤᠯᠢ ᠳᠤ ᠪᠠᠭᠰᠢᠯᠠᠵᠦ᠂ ᠮᠤᠩᠭᠤᠯ ᠤᠯᠤᠰ ᠲᠤ ᠰᠤᠷᠤᠯᠴᠠᠭᠰᠨᠨ ᠳᠤᠷᠰᠢᠯᠭᠠ | ᠪᠠᠨ ᠦᠨᠳᠦᠰᠦᠯᠡᠨ᠂ ᠮᠤᠩᠭᠤᠯ ᠪᠢᠴᠢᠭ ᠤᠨ ᠴᠠᠭᠠᠨ ᠳᠤᠯᠤᠭᠠᠢ ᠨᠠᠶᠢᠷᠠᠭᠤᠯᠵᠦ ᠰᠤᠷᠤᠭᠴᠢᠳ ᠲᠠᠭᠠᠨ ᠵᠢᠭᠠᠭᠠᠳ᠂ | ᠴᠤᠯ ᠬᠢᠳᠠᠳ ᠢᠶᠠᠷ ᠬᠢᠴᠢᠶᠡᠯᠯᠡᠳᠡᠭ ᠪᠠᠶᠢᠳᠠᠯ ᠢ ᠬᠤᠪᠢᠷᠠᠭᠤᠯᠵᠦ᠂ ᠲᠦᠷᠦᠯᠬᠢ ᠮᠤᠩᠭᠤᠯ ᠬᠡᠯᠡ ᠪᠠᠷ ᠢᠶᠠᠨ | ᠬᠢᠴᠢᠶᠡᠯᠯᠡᠬᠦ ᠠᠩᠬᠠᠨ ᠤ ᠬᠠᠭᠤᠳᠠᠰᠦ ᠶᠢ ᠨᠡᠭᠡᠭᠡᠵᠠᠢ᠃ ᠤᠶᠤᠨᠪᠢᠯᠢᠭ᠌ ᠪᠠᠭᠰᠢ ᠶᠢᠨ ᠨᠠᠶᠢᠷᠠᠭᠤᠯᠤᠭᠰᠡᠨ ᠴᠠᠭᠠᠨ | ᠳᠤᠯᠤᠭᠠᠢ ᠨᠢ ᠴᠢᠯᠠᠭᠤᠨ ᠪᠠᠷ ᠢᠶᠠᠷ ᠬᠡᠪᠯᠡᠭᠳᠡᠵᠦ ︽ᠤᠶᠤᠨᠪᠢᠯᠢᠭ᠌ ᠤᠨ ᠴᠠᠭᠠᠨ ᠳᠤᠯᠤᠭᠠᠢ︾ ᠭᠡᠵᠦ ᠠᠯᠳᠠᠷᠰᠢᠭᠠᠳ᠂ | ᠮᠤᠩᠭᠤᠯ ᠬᠡᠯᠡ ᠪᠢᠴᠢᠭ ᠤᠨ ᠵᠢᠭᠠᠨ ᠰᠤᠷᠭᠠᠯᠳᠠ ᠳᠤ ᠶᠡᠬᠡᠬᠡᠨ ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠵᠠᠢ᠃ ᠮᠠᠨ ᠤ ᠮᠤᠩᠭᠤᠯ | ᠰᠤᠷᠭᠠᠭᠤᠯᠢ ᠨᠤᠭᠤᠳ ᠲᠤ ᠤᠶᠤᠨᠪᠢᠯᠢᠭ᠌ ᠰᠢᠭ ᠢᠢᠮᠦ ᠪᠠᠭᠰᠢ ᠦᠶᠡ ᠵᠠᠯᠭᠠᠨ ᠭᠠᠷᠤᠭᠰᠡᠨ ᠢᠶᠠᠷ ᠮᠤᠩᠭᠤᠯ ᠬᠡᠯᠡ | ᠪᠢᠴᠢᠭ ᠤᠨ ᠵᠢᠭᠠᠨ ᠰᠤᠷᠭᠠᠯᠳᠠ ᠤᠳᠤ ᠡᠨᠡ ᠬᠢᠷᠢ ᠲᠠᠢ ᠶᠠᠪᠤᠵᠦ ᠪᠠᠶᠢᠨᠠ᠃ ᠮᠤᠩᠭᠤᠯ ᠬᠡᠯᠡ ᠪᠢᠴᠢᠭ ᠤᠨ ᠵᠢᠭᠠᠨ | ᠰᠤᠷᠭᠠᠯᠳᠠ ᠪᠤᠯ ᠡᠩ ᠤᠨ ᠨᠢᠭᠡᠨ ᠮᠡᠳᠡᠯᠭᠡ ᠮᠡᠷᠭᠡᠵᠢᠯ ᠤᠨ ᠵᠢᠭᠠᠨ ᠰᠤᠷᠭᠠᠯᠳᠠ ᠳᠡᠳᠦᠢ ᠪᠢᠰᠢ᠂ ᠮᠤᠩᠭᠤᠯ | ᠦᠨᠳᠦᠰᠦᠳᠡᠨ ᠤ ᠤᠷᠤᠰᠢᠯ ᠳᠤᠭᠳᠠᠨᠢᠯ ᠤᠨ ᠲᠦᠯᠦᠭᠡᠨ ᠤ ᠳᠡᠮᠡᠴᠡᠯ ᠶᠤᠮ ᠪᠠᠶᠢᠨᠠ᠃ | ᠤᠳᠤ ᠠᠴᠠ ᠵᠢᠷᠠᠨ ᠵᠢᠯ ᠤᠨ ᠡᠮᠦᠨᠡ ᠨᠠᠭᠤᠷ ᠤᠰᠤ ᠤᠯᠠᠨ ᠲᠠᠢ᠂ ᠨᠠᠮᠤᠭ ᠵᠦᠯᠭᠡ ᠶᠡᠬᠡᠳᠠᠢ᠂ ᠡᠪᠡᠰᠦ | ᠮᠤᠳᠤ ᠵᠤᠵᠠᠭᠠᠯᠢᠭ᠂ ᠡᠷᠬᠢᠨ ᠳᠤᠭᠤᠷᠢᠨ ᠢᠶᠠᠷ ᠢᠶᠠᠨ ᠬᠠᠶᠢᠯᠠᠰᠤᠨ ᠰᠢᠭᠤᠢ ᠪᠠᠷ ᠪᠦᠷᠭᠦᠭᠳᠡᠭᠰᠡᠨ ᠮᠠᠩᠬᠠ ᠲᠠᠢ ᠤᠯᠠᠨ | ᠨᠠᠭᠤᠷ ᠤᠨ ᠬᠡᠭᠡᠷᠡ ᠳᠠᠯᠠ ᠳᠡᠭᠡᠷᠡ ᠷᠠᠰᠢᠸᠠᠩᠴᠤᠭ ᠭᠡᠳᠡᠭ ᠪᠠᠭᠰᠢ ᠵᠠᠮᠪᠠ ᠪᠠᠷ ᠳᠠᠷᠤᠵᠦ ᠡᠪᠡᠰᠦ ᠪᠠᠷ ᠪᠦᠷᠢᠭᠰᠡᠨ | ᠦᠪᠦᠩ ᠳᠤ ᠰᠠᠭᠤᠵᠦ ᠪᠠᠶᠢᠵᠦ᠂ ᠰᠤᠷᠭᠠᠭᠤᠯᠢ ᠶᠢᠨ ᠭᠡᠷ ᠪᠠᠶᠢᠰᠢᠩ ᠢ ᠪᠠᠷᠢᠭᠤᠯᠤᠭᠠᠳ᠂ ︽ᠤᠯᠠᠨᠨᠠᠭᠤᠷ ᠪᠠᠭᠠ | ᠰᠤᠷᠭᠠᠭᠤᠯᠢ︾ ᠶᠢᠨ ᠳᠤᠯᠭᠠ ᠶᠢ ᠳᠤᠯᠵᠦ᠂ ᠡᠯᠡᠰᠦ ᠮᠠᠩᠬᠠᠨ ᠤ ᠡᠬᠡ ᠨᠤᠳᠤᠭ ᠲᠠᠭᠠᠨ ᠡᠷᠳᠡᠮ ᠰᠤᠶᠤᠯ ᠤᠨ | ᠭᠤᠯᠤᠮᠳᠠ ᠶᠢ ᠪᠤᠰᠬᠠᠭᠰᠡᠨ ᠳᠡᠤᠬᠡ ᠶᠢ ᠳᠤᠰ ᠨᠤᠮ ᠳᠤ ᠦᠨᠡᠨ ᠪᠤᠳᠠᠳᠠᠢ ᠳᠡᠮᠳᠡᠭᠯᠡᠵᠠᠢ᠃ | ᠮᠠᠩᠬᠠᠨ ᠨᠤᠳᠤᠭ ᠲᠤ ᠪᠠᠶᠢᠭᠤᠯᠤᠭᠳᠠᠭᠰᠡᠨ ᠡᠨᠡᠬᠦ ᠰᠤᠷᠭᠠᠭᠤᠯᠢ ᠳᠠᠭᠠᠨ᠂ ᠮᠠᠯᠴᠢᠨ ᠠᠷᠠᠳ ᠦᠬᠡᠷ ᠮᠠᠯ | ᠬᠠᠨᠳᠢᠪᠯᠠᠵᠦ ᠢᠳᠡᠪᠬᠢᠳᠠᠢ ᠳᠡᠮᠵᠢᠵᠦ ᠪᠠᠶᠢᠵᠠᠢ᠃ ᠳᠤᠩᠷᠤᠪ ᠭᠡᠳᠡᠭ ᠮᠠᠯᠴᠢᠨ ᠤ ᠬᠠᠨᠳᠢᠪᠯᠠᠭᠰᠡᠨ ᠬᠢᠵᠠᠯᠠᠩ ᠭᠤᠨᠵᠢ | ᠨᠢᠭᠡ ᠶᠢ ᠮᠠᠰᠢᠪᠠᠶᠠᠷ ᠭᠡᠳᠡᠭ ᠪᠠᠭᠰᠢ ᠬᠦᠯᠢᠶᠡᠵᠦ ᠠᠪᠤᠭᠰᠡᠨ ᠭᠡᠷᠡᠴᠢ ᠪᠠᠷᠢᠮᠳᠠ ᠶᠢᠨ ᠤᠭ ᠪᠠᠷᠢᠮᠳᠠ ᠶᠢ ᠤᠯᠵᠦ | ᠠᠪᠤᠭᠠᠳ ᠳᠤᠰ ᠨᠤᠮ ᠳᠤ ᠤᠷᠤᠭᠤᠯᠤᠭᠰᠡᠨ ᠪᠠᠶᠢᠨᠠ᠃ ᠠᠷᠠᠳ ᠤᠨ ᠬᠡᠤᠬᠡᠳ ᠢ ᠬᠦᠮᠦᠵᠢᠭᠦᠯᠬᠦ ᠶᠠᠪᠤᠳᠠᠯ ᠳᠤ | ᠵᠦᠪᠬᠡᠨ ᠠᠯᠪᠠᠨ ᠤ ᠳᠠᠯᠠ ᠳᠤ ᠨᠠᠶᠢᠳᠠᠬᠤ ᠪᠢᠰᠢ᠂ ᠠᠷᠠᠳ ᠲᠦᠮᠡᠨ ᠦᠪᠡᠷ ᠢᠶᠠᠨ ᠬᠦᠳᠡᠯᠤᠯᠴᠡᠵᠦ ᠪᠠᠶᠢᠭᠰᠡᠨ ᠢ | ᠡᠨᠡ ᠭᠡᠷᠡᠴᠢ ᠪᠠᠷᠢᠮᠳᠠ ᠬᠠᠷᠠᠭᠤᠯᠵᠦ ᠪᠠᠶᠢᠨᠠ᠃ | ︽ᠰᠢᠯᠤᠭᠤᠨ ᠬᠦᠬᠡ᠂ ᠰᠠᠩ ᠤᠨ ᠳᠠᠯᠠᠢ ᠮᠤᠩᠭᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ︾ ᠭᠡᠬᠦ ᠨᠤᠮ ᠳᠤ ᠳᠤᠰ | ᠰᠤᠷᠭᠠᠭᠤᠯᠢ ᠶᠢᠨ ᠵᠢᠷᠠᠨ ᠵᠢᠯ ᠤᠨ ᠳᠡᠤᠬᠡ ᠶᠢ ᠨᠠᠷᠢᠨ ᠳᠤᠳᠤᠷᠬᠠᠢ ᠳᠡᠤᠬᠡᠴᠢᠯᠡᠨ ᠳᠡᠮᠳᠡᠭᠯᠡᠭᠰᠡᠨ ᠪᠦᠭᠡᠳ ᠳᠤᠰ | ᠰᠤᠷᠭᠠᠭᠤᠯᠢ ᠳᠤ ᠠᠵᠢᠯᠯᠠᠵᠦ ᠪᠠᠶᠢᠭᠰᠡᠨ ᠪᠤᠶᠤ ᠰᠤᠷᠤᠯᠴᠠᠵᠦ ᠪᠠᠶᠢᠭᠰᠡᠨ ᠳᠠᠪᠢᠭᠠᠳ ᠬᠦᠮᠦᠨ ᠤ ᠳᠤᠷᠠᠰᠤᠮᠵᠢ ᠶᠢ | ᠨᠠᠶᠢᠷᠠᠭᠤᠯᠵᠦ ᠤᠷᠤᠭᠤᠯᠤᠭᠰᠡᠨ ᠢᠶᠠᠷ ᠳᠡᠤᠬᠡᠨ ᠳᠡᠮᠳᠡᠭᠯᠡᠯ ᠨᠢ ᠨᠡᠩ ᠦᠨᠡᠨ ᠪᠤᠳᠠᠳᠠᠢ᠂ ᠨᠠᠷᠢᠨ ᠳᠤᠳᠤᠷᠬᠠᠢ᠂ | ᠠᠮᠢᠳᠤᠯᠢᠭ ᠦᠨᠡᠮᠰᠢᠯᠳᠠᠢ᠂ ᠤᠩᠰᠢᠭᠤᠷᠢᠳᠠᠢ ᠰᠠᠶᠢᠬᠠᠨ ᠪᠤᠯᠵᠠᠢ᠃ | ︽ᠰᠢᠯᠤᠭᠤᠨ ᠬᠦᠬᠡ᠂ ᠰᠠᠩ ᠤᠨ ᠳᠠᠯᠠᠢ ᠮᠤᠩᠭᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ︾ ᠭᠡᠬᠦ ᠨᠤᠮ ᠰᠢᠯᠤᠭᠤᠨ | ᠬᠦᠬᠡ ᠬᠤᠰᠢᠭᠤᠨ ᠤ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠳᠡᠤᠬᠡ ᠶᠢᠨ ᠨᠢᠭᠡ ᠭᠡᠰᠡᠭ ᠢ ᠳᠡᠮᠳᠡᠭᠯᠡᠵᠦ ᠮᠦᠩᠬᠡᠷᠡᠭᠦᠯᠦᠭᠰᠡᠨ | ᠪᠠᠶᠢᠨᠠ᠃ ᠡᠨᠡ ᠰᠤᠷᠭᠠᠭᠤᠯᠢ ᠵᠢᠷᠠᠨ ᠵᠢᠯ ᠤᠨ ᠰᠠᠯᠬᠢᠨ ᠪᠤᠷᠤᠭᠠᠨ ᠢ ᠳᠤᠭᠤᠯᠵᠦ᠂ ᠤᠳᠤ ᠰᠢᠯᠤᠭᠤᠨ ᠬᠦᠬᠡ | ᠬᠤᠰᠢᠭᠤᠨ ᠤ ᠴᠤᠷ ᠤᠨ ᠭᠠᠭᠴᠠ ᠰᠤᠮᠤᠨ ᠤ ᠮᠤᠩᠭᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ ᠪᠤᠯᠵᠦ ᠦᠯᠡᠳᠡᠭᠡᠳ ᠦᠤᠬᠡ ᠳᠡᠤᠬᠡ | ᠪᠠᠨ ᠦᠷᠭᠦᠯᠵᠢᠯᠡᠭᠦᠯᠵᠦ ᠪᠠᠶᠢᠨᠠ᠃ | ᠭᠡᠬᠦ ᠳᠡᠭᠡᠨ ︽ᠴᠤᠷ ᠤᠨ ᠭᠠᠭᠴᠠ︾ ᠭᠡᠳᠡᠭ ᠨᠢᠭᠡ ᠦᠬᠡ ᠶᠢ ᠦᠵᠡᠭᠡᠳ ᠰᠡᠳᠬᠢᠯ ᠡᠮᠵᠡᠭᠯᠡᠵᠦ | ᠪᠠᠶᠢᠨᠠ᠃ ᠡᠨᠡ ᠬᠠᠪᠢ ᠶᠢᠨ ᠨᠤᠳᠤᠭ ᠲᠤ ᠪᠠᠰᠠ ᠵᠢᠭᠠᠰᠤᠳᠠᠢ ᠰᠤᠷᠭᠠᠭᠤᠯᠢ᠂ ᠨᠠᠷᠠᠳᠦ ᠰᠤᠷᠭᠠᠭᠤᠯᠢ ᠪᠠ ᠪᠦᠬᠦ | ᠤᠷᠤᠨ ᠳᠤ ᠠᠯᠳᠠᠷᠳᠠᠢ ᠪᠤᠱᠣᠣᠳᠠᠢ ᠰᠤᠷᠭᠠᠭᠤᠯᠢ ᠭᠡᠵᠦ ᠪᠠᠶᠢᠭᠰᠡᠨ ᠪᠢᠰᠢᠤ︖ ᠳᠡᠳᠡᠭᠡᠷ ᠰᠤᠷᠠᠭᠭᠤᠯᠢ ᠤᠳᠤ | ᠤᠷᠤ ᠮᠦᠷ ᠦᠬᠡᠢ ᠪᠤᠯᠤᠭᠰᠡᠨ ᠢᠶᠠᠷ ᠰᠠᠩ ᠤᠨ ᠳᠠᠯᠠᠢ ᠮᠤᠩᠭᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ ︽ᠴᠤᠷ ᠤᠨ ᠭᠠᠭᠴᠠ︾ | ᠪᠤᠯᠤᠭᠰᠡᠨ ᠪᠠᠶᠢᠬᠠ ᠳ᠋ᠠ᠃ ᠰᠤᠮᠤᠨ ᠤ ᠰᠤᠷᠭᠠᠭᠤᠯᠢ ᠶᠢ ᠢᠩᠬᠢᠵᠦ ᠶᠡᠬᠡᠪᠡᠷ ᠬᠠᠰᠤᠵᠦ ᠬᠤᠰᠢᠭᠤᠨ ᠳᠤ | ᠨᠡᠶᠢᠯᠡᠭᠦᠯᠦᠭᠰᠡᠨ ᠤ ᠦᠷᠡ ᠳ᠋ᠦᠩ ᠶᠠᠮᠠᠷ ᠪᠤᠯᠬᠤ ᠨᠢ ᠤᠳᠤ ᠪᠠᠷ ᠢᠶᠠᠨ ᠮᠡᠳᠡᠭᠳᠡᠬᠦ ᠦᠬᠡᠢ᠂ ᠤᠴᠢᠷ ᠨᠢ ᠰᠤᠷᠭᠠᠭᠤᠯᠢ | ᠶᠢᠨ ᠦᠷᠡ ᠠᠰᠢᠭ ᠬᠡᠳᠦᠨ ᠵᠢᠯ ᠳᠤ ᠢᠯᠡᠷᠡᠵᠦ ᠭᠠᠷᠳᠠᠭ ᠦᠬᠡᠢ᠂ ᠬᠡᠳᠦᠨ ᠠᠷᠪᠠᠨ ᠵᠢᠯ ᠦᠩᠭᠡᠷᠡᠵᠦ ᠪᠠᠶᠢᠵᠦ ᠰᠠᠶ᠋ᠢ | ᠢᠯᠡᠷᠡᠵᠦ ᠭᠠᠷᠳᠠᠭ ᠶᠤᠮ᠃ ᠤᠳᠤ ᠮᠠᠯᠵᠢᠬᠤ ᠰᠤᠮᠤ ᠭᠠᠴᠠᠭᠠᠨ ᠤ ᠮᠤᠩᠭᠤᠯ ᠬᠡᠤᠬᠡᠳ ᠴᠡᠴᠡᠷᠯᠢᠭ ᠠᠴᠠ ᠪᠠᠨ | ᠬᠤᠰᠢᠭᠤ ᠪᠠᠯᠭᠠᠰᠤᠨ ᠳᠤ ᠰᠠᠭᠤᠵᠦ᠂ ᠬᠢᠳᠠᠳ ᠬᠡᠯᠡᠨ ᠤ ᠤᠷᠴᠢᠨ ᠳᠤᠭᠤᠷᠢᠨ ᠳᠤ ᠦᠰᠴᠦ ᠪᠤᠶᠢᠵᠢᠵᠦ ᠪᠠᠶᠢᠨᠠ᠃ | ᠠᠮᠢᠳᠤᠷᠠᠯ ᠨᠢ ᠶᠠᠷᠢᠶᠠᠨ ᠦᠬᠡᠢ ᠰᠠᠶᠢᠵᠢᠷᠠᠵᠠᠢ᠂ ᠭᠡᠪᠡᠴᠦ ᠬᠡᠳᠦᠨ ᠠᠷᠪᠠᠨ ᠵᠢᠯ ᠤᠨ ᠳᠠᠷᠠᠭᠠ ᠮᠤᠩᠭᠤᠯ ᠬᠡᠯᠡᠨ ᠤ | ᠪᠠᠷᠢᠮᠵᠢᠶᠠ ᠠᠪᠢᠶᠠ ᠰᠢᠯᠤᠭᠤᠨ ᠬᠦᠬᠡ ᠳᠤ ᠪᠠᠶᠢᠵᠦ ᠴᠢᠳᠠᠬᠤ ᠡᠰᠡᠬᠦ ᠶᠢ ᠳᠦᠰᠦᠬᠡᠯᠡᠭᠦᠶᠡ ᠪᠡᠷᠬᠡ ᠡ᠃ | ᠰᠤᠷᠭᠠᠭᠤᠯᠢ ᠭᠡᠳᠡᠭ ᠪᠤᠯ ᠦᠪᠡᠷ ᠤᠨ ︽ᠠᠮᠢ ᠠᠬᠤᠢ︾ ᠶᠢᠨ ᠤᠷᠴᠢᠨ ᠳᠤᠭᠤᠷᠢᠨ ᠪᠠᠶᠢᠬᠤ ᠰᠢᠭ᠋ | ᠰᠠᠨᠠᠭᠳᠠᠨᠠ᠃ ᠤᠶᠢᠷᠠ ᠬᠠᠪᠢ ᠶᠢᠨ ᠬᠢᠨᠢ ᠠᠷᠠᠳ ᠤᠯᠠᠨ᠂ ᠪᠠᠶᠢᠭᠠᠯᠢ ᠤᠷᠴᠢᠨ᠂ ᠠᠵᠦ ᠠᠮᠢᠳᠤᠷᠠᠯ᠂ ᠵᠠᠩ | ᠤᠶᠢᠯᠡ᠂ ᠢᠯᠠᠩᠭᠤᠶᠠ ᠦᠬᠡ ᠬᠡᠯᠡ ᠨᠢ ᠰᠤᠷᠭᠠᠭᠤᠯᠢ ᠶᠢᠨ ︽ᠠᠮᠢ ᠠᠬᠤᠢ︾ ᠶᠢ ᠪᠦᠷᠢᠯᠳᠦᠭᠦᠯᠵᠦ᠂ ᠲᠡᠷᠡ | ᠰᠤᠷᠭᠠᠭᠤᠯᠢ ᠳᠤ ᠬᠦᠮᠦᠵᠢᠭᠳᠡᠭᠰᠡᠨ ᠰᠤᠷᠤᠭᠴᠢ ᠶᠢᠨ ᠤᠶᠤᠨ ᠰᠠᠨᠠᠭᠠ᠂ ᠬᠡᠪ ᠪᠤᠯᠪᠠᠰᠤᠷᠠᠯ ᠢ ᠨᠦᠯᠦᠭᠡᠯᠡᠳᠡᠭ ᠪᠤᠯᠪᠠᠤ | ᠭᠡᠵᠦ ᠪᠢ ᠪᠤᠳᠤᠨᠠ᠃ ᠤᠳᠤᠬᠢ ᠰᠤᠷᠭᠠᠭᠤᠯᠢ ᠶᠢᠨ ᠬᠦᠷᠢᠶᠡᠨ ᠳᠤ ᠬᠢᠮᠡᠯ ᠬᠢᠪᠢᠰ ᠳᠡᠪᠢᠰᠦᠭᠰᠡᠨ ᠪᠤᠯᠪᠠᠴᠦ | ᠨᠤᠭᠤᠭᠠᠨ ᠵᠦᠯᠭᠡᠳᠦ ᠳᠡᠨᠵᠢ ᠪᠢᠰᠢ᠃ ᠤᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠬᠦᠷᠢᠶᠡᠨ ᠳᠤ ᠮᠤᠩᠭᠤᠯ ᠭᠡᠷ ᠪᠤᠰᠬᠠᠭᠠᠳ | ᠵᠢᠭᠠᠵᠦ ᠰᠤᠷᠭᠠᠵᠦ ᠪᠠᠶᠢᠪᠠᠴᠦ ᠳᠡᠭᠦᠨ ᠳᠤ ᠠᠮᠢᠳᠤᠯᠢᠭ ᠤᠷᠤᠩᠭᠠ ᠦᠬᠡᠢ ᠪᠤᠯᠬᠤᠷ ᠰᠦᠭ ᠰᠦᠨᠡᠰᠦ ᠦᠬᠡᠢ ᠶᠤᠮ᠃ | ᠨᠤᠳᠤᠭ ᠤᠰᠤᠨ ᠤ ᠬᠠᠶᠢᠷᠠ ᠰᠡᠳᠬᠢᠯᠭᠡ᠂ ᠮᠠᠯᠵᠢᠬᠤ ᠠᠮᠢᠳᠤᠷᠠᠯ ᠤᠨ ᠪᠠᠶᠠᠷ ᠪᠠᠶᠠᠰᠤᠯ᠂ ᠤᠯᠠᠮᠵᠢᠯᠠᠯᠳᠦ ᠰᠠᠶᠢᠬᠠᠨ | ᠶᠤᠰᠦ ᠵᠠᠩᠰᠢᠯ᠂ ᠢᠷᠠᠭᠤ ᠪᠠᠶᠠᠯᠢᠭ ᠬᠡᠯᠡ ᠬᠡᠯᠡᠯᠭᠡ ᠪᠤᠯ ᠬᠠᠮᠢᠶᠠ ᠬᠠᠮᠢᠶᠠ ᠦᠬᠡᠢ ᠭᠠᠵᠠᠷ ᠠᠴᠠ ᠤᠯᠴᠢᠬᠠᠳᠠᠭ ᠪᠢᠰᠢ | ᠡ᠃ ᠮᠤᠩᠭᠤᠯ ᠠᠮᠢ ᠠᠬᠤᠢ ᠠᠴᠠ ᠪᠠᠨ ᠰᠠᠯᠤᠭᠰᠡᠨ ᠮᠤᠩᠭᠤᠯ ᠰᠤᠷᠭᠠᠭᠤᠯᠢ ᠠᠴᠠ ᠬᠦᠮᠦᠵᠢᠭᠳᠡᠭᠰᠡᠨ ᠰᠤᠷᠤᠭᠴᠢ | ᠶᠠᠮᠠᠷ ᠪᠤᠯᠬᠤ ᠶᠢ ᠠᠷᠪᠠᠨ ᠬᠡᠳᠦᠨ ᠵᠢᠯ ᠤᠨ ᠳᠠᠷᠠᠭᠠ ᠪᠤᠶᠤ ᠬᠡᠳᠦᠨ ᠠᠷᠪᠠᠨ ᠵᠢᠯ ᠤᠨ ᠳᠠᠷᠠᠭᠠ ᠰᠠᠶ᠋ᠢ ᠮᠡᠳᠡᠬᠦ | ᠪᠠᠶᠢᠬᠠ᠃ | ᠰᠤᠮᠤ ᠶᠢ ᠬᠠᠰᠤᠪᠠᠯ ᠰᠤᠷᠭᠠᠭᠤᠯᠢ ᠶᠢ ᠬᠠᠰᠤᠵᠦ᠂ ᠰᠤᠮᠤ ᠶᠢ ᠨᠡᠶᠢᠯᠡᠭᠦᠯᠪᠡᠯ ᠰᠤᠷᠭᠠᠭᠤᠯᠢ ᠶᠢ | ᠨᠡᠶᠢᠯᠡᠭᠦᠯᠳᠡᠭ ᠨᠢ ᠳᠡᠮᠡᠢ ᠰᠠᠶᠢᠨ ᠶᠠᠪᠤᠳᠠᠯ ᠪᠢᠰᠢ᠃ ᠰᠤᠮᠤ ᠪᠤᠯ ᠵᠠᠰᠠᠭ ᠤᠨ ᠪᠠᠶᠢᠭᠤᠯᠤᠯᠭᠠ᠂ ᠵᠠᠰᠠᠭ ᠶᠠᠪᠤᠭᠤᠯᠬᠤ | ᠦᠷᠡ ᠠᠰᠢᠭ ᠢᠶᠠᠨ ᠦᠵᠡᠵᠦ ᠪᠠᠶᠢᠭᠠᠳ ᠨᠡᠶᠢᠯᠡᠭᠦᠯᠦᠨᠡ ᠤᠤ᠂ ᠰᠠᠯᠭᠠᠨᠠ ᠤᠤ᠂ ᠵᠠᠰᠠᠭ ᠶᠠᠪᠤᠭᠤᠯᠬᠤ ᠬᠡᠷᠡᠭᠴᠡᠭᠡ | ᠪᠠᠷ ᠰᠢᠢᠳᠪᠦᠷᠢᠯᠡᠭᠳᠡᠨᠡ᠃ ᠭᠡᠪᠡᠴᠦ ᠰᠤᠷᠭᠠᠭᠤᠯᠢ ᠪᠤᠯ ᠰᠤᠷᠭᠠᠭᠤᠯᠢ ᠶᠢᠨ ︽ᠠᠮᠢ ᠠᠬᠤᠢ︾ ᠭᠡᠵᠦ ᠪᠤᠢ᠂ | ᠰᠤᠷᠭᠠᠭᠤᠯᠢ ᠡᠷᠬᠢᠯᠡᠬᠦ ᠵᠢᠮᠡ ᠶᠤᠰᠦ ᠪᠤᠢ᠂ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠪᠠᠶᠢᠭᠤᠯᠤᠯᠭᠠ ᠲᠠᠢ ᠠᠳᠠᠯᠢ ᠪᠢᠰᠢ᠃ | ᠰᠤᠨᠤᠰᠤᠬᠤᠯᠠ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠲᠤ ᠰᠤᠮᠤᠨ ᠤ ᠮᠤᠩᠭᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ | ᠬᠤᠶᠠᠷᠬᠠᠨ ᠪᠠᠶᠢᠨᠠ ᠭᠡᠨᠡ ︵ᠨᠦᠭᠦᠬᠡ ᠨᠢ ᠵᠡᠬᠦᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠮᠠᠨᠳᠤᠬᠤᠪᠤᠯᠠᠭ ᠰᠤᠮᠤᠨ ᠳᠤ | ᠪᠠᠶᠢᠳᠠᠭ ᠭᠡᠨᠡ︶᠃ ᠬᠠᠷᠢᠨ ᠮᠢᠨᠦ ᠲᠦᠷᠦᠭᠰᠡᠨ ᠨᠤᠳᠤᠭ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠴᠠᠭᠠᠨᠮᠦ᠋ᠷᠡᠨ ᠰᠤᠮᠤᠨ | ᠳᠤ ᠮᠤᠩᠭᠤᠯ ᠪᠦᠷᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠬᠤᠶᠠᠷ ᠪᠠᠶᠢᠳᠠᠭ᠃ ᠰᠤᠮᠤ ᠬᠠᠰᠤᠭᠳᠠᠭᠰᠡᠨ ᠴᠦ ᠰᠤᠷᠭᠠᠭᠤᠯᠢ | ᠬᠠᠰᠤᠭᠳᠠᠭᠰᠡᠨ ᠦᠬᠡᠢ᠃ ᠤᠴᠢᠷ ᠨᠢ ᠳᠡᠨᠳᠡᠬᠢ ᠠᠷᠠᠳ ᠤᠯᠠᠨ ︽ᠰᠤᠮᠤ ᠶᠢ ᠬᠠᠰᠤᠪᠠᠴᠦ ᠰᠤᠷᠭᠠᠭᠤᠯᠢ ᠶᠢ | ᠬᠠᠰᠤᠵᠦ ᠪᠤᠯᠬᠤ ᠦᠬᠡᠢ︾ ᠭᠡᠵᠦ ᠴᠢᠩᠭᠠ ᠪᠠᠷᠢᠮᠳᠠᠯᠠᠭᠰᠡᠨ ᠢᠶᠠᠷ ᠮᠠᠨ ᠤ ᠭᠠᠴᠠᠭᠠᠨ ᠤ ᠳᠡᠰ ᠤᠨ ᠰᠤᠷᠭᠠᠭᠤᠯᠢ | ᠨᠢᠳᠤᠨᠦᠨ 80 ᠵᠢᠯ ᠤᠨ ᠤᠢ ᠪᠠᠨ ᠳᠡᠮᠳᠡᠭᠯᠡᠪᠡ᠃ ᠰᠤᠮᠤ ᠶᠢ ᠰᠠᠯᠭᠠᠨᠠ ᠤᠤ᠂ ᠨᠡᠶᠢᠯᠡᠭᠦᠯᠦᠨᠡ ᠤᠤ︖ ᠳᠡᠭᠡᠷᠡ | ᠱᠠᠳᠤᠨ ᠤ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠡᠷᠬᠡ᠃ ᠭᠡᠪᠡᠴᠦ ᠰᠤᠷᠭᠠᠭᠤᠯᠢ ᠪᠤᠯ ᠠᠷᠠᠳ ᠤᠨ ᠬᠡᠤᠬᠡᠳ ᠢ ᠬᠦᠮᠦᠵᠢᠭᠦᠯᠬᠦ | ᠭᠠᠵᠠᠷ ᠤᠴᠢᠷ ᠠᠴᠠ ᠠᠷᠠᠳ ᠲᠦᠮᠡᠨ ᠪᠠᠰᠠ ᠦᠬᠡ ᠬᠡᠯᠡᠬᠦ ᠡᠷᠬᠡ ᠲᠠᠢ᠃ ᠬᠤᠵᠢᠮ ᠨᠢᠭᠡᠨ ᠡᠳᠦᠷ ︽ᠰᠢᠯᠤᠭᠤᠨ | ᠬᠦᠬᠡ᠂ ᠰᠠᠩ ᠤᠨ ᠳᠠᠯᠠᠢ ᠮᠤᠩᠭᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ︾ ᠶᠢ ᠬᠠᠰᠤᠨᠠ ᠭᠡᠪᠡᠯ ᠳᠡᠨᠳᠡᠬᠢ ᠠᠷᠠᠳ ᠲᠦᠮᠡᠨ ︽ | ᠰᠤᠮᠤ ᠶᠢ ᠬᠠᠰᠤᠪᠠᠴᠦ ᠰᠤᠷᠭᠠᠭᠤᠯᠢ ᠶᠢ ᠬᠠᠰᠤᠵᠦ ᠪᠤᠯᠬᠤ ᠦᠬᠡᠢ︾ ᠭᠡᠵᠦ ᠴᠢᠩᠭᠠ ᠬᠡᠯᠡᠬᠡᠰᠠᠢ︕ | | 2017 ᠤᠨ ᠤ 8 ᠰᠠᠷᠠ ᠶᠢᠨ 25 ᠤ ᠡᠳᠦᠷ | ᠱᠠᠩᠳᠦ ᠶᠢᠨ | ᠵᠤᠰᠠᠯᠠᠩ ᠳᠤ | ᠵᠤᠬᠢᠶᠠᠭᠴᠢ ᠄ ᠲᠦᠪ ᠤᠨ ᠦᠨᠳᠦᠰᠦᠳᠡᠨ ᠤ ᠤᠷᠴᠢᠭᠤᠯᠭᠠ ᠶᠢᠨ ᠳᠤᠪᠴᠢᠶᠠᠨ ᠤ ᠬᠢᠨᠠᠨ | ᠤᠷᠴᠢᠭᠤᠯᠤᠭᠴᠢ |