| ᠮᠦᠨᠴᠢᠯᠠᠭᠤ | | | ᠬᠠᠭᠳᠠᠨ ᠤ ᠲᠤᠤᠷᠠ ᠠᠴᠠ ᠭᠦᠭᠡ ᠢᠷᠭᠤᠢ ᠴᠤᠬᠤᠶᠢᠬᠰᠠᠨ | ᠬᠠᠪᠦᠷ ᠤᠨ ᠤᠷᠢᠨ ᠳᠤ ᠱᠠᠩᠳᠤ ᠶᠢᠨ ᠬᠦᠪᠡᠭᠡᠨ ᠳᠤ ᠬᠦᠷᠤᠭᠡᠷᠠᠢ | ᠬᠤᠷᠠᠭᠠᠯᠵᠠᠨ ᠮᠡᠯᠡᠮᠡᠷᠡᠭᠦ ᠤᠰᠤᠨ ᠳᠤᠨᠢ ᠬᠤᠤᠰ ᠠᠩᠭᠢᠷ ᠪᠦᠵᠢᠭᠡᠯᠡᠵᠤ | ᠬᠤᠯᠠ ᠶᠢᠨ ᠴᠡᠩᠭᠡᠷ ᠠᠭᠤᠯᠠᠰ ᠨᠢ ᠵᠡᠷᠭᠡᠯᠭᠡ ᠲᠡᠯᠮᠡᠭᠦᠯᠤᠨ ᠤᠬᠳᠤᠨᠠ | ᠰᠢᠨᠡᠭᠡᠨ ᠨᠤᠭᠤᠭᠠᠨ ᠤ ᠦᠨᠤᠷ ᠰᠠᠮᠰᠠ ᠴᠤᠷᠭᠢᠮᠠ ᠰᠡᠩᠭᠢᠨᠡᠭᠡᠤᠨ | ᠰᠡᠪᠡᠯᠵᠡᠬᠦ ᠰᠠᠯᠭᠢᠨ ᠤ ᠠᠶᠠ ᠪᠠᠷ ᠴᠡᠭᠡᠵᠢᠨ ᠤ ᠭᠦᠨ ᠳᠤ ᠰᠢᠩᠭᠡᠨᠡ | ᠲᠡᠭᠷᠢ ᠶᠢᠨ ᠭᠤᠤᠯ ᠠᠴᠠ ᠪᠠᠭᠤᠬᠰᠠᠨ ᠰᠢᠭ᠋ ᠱᠠᠩᠳᠤ ᠶᠢᠨ ᠤᠰᠤᠨ | ᠲᠡᠭᠡᠳᠤ ᠨᠠᠶᠢᠰᠯᠠᠯ ᠤᠨ ᠮᠢᠨᠢ ᠡᠮᠵᠡᠭ ᠬᠠᠯᠠᠭᠤᠨ ᠰᠢᠷᠤᠢ | ᠲᠡᠭᠡᠳᠤᠰ ᠡᠪᠦᠭᠡᠤᠨ ᠤᠨ ᠮᠢᠨᠢ ᠰᠢᠳᠦᠭᠡᠨᠳᠤ ᠰᠠᠶᠢᠬᠠᠨ ᠤᠷᠤᠨ | ᠡᠯᠡᠰᠤ ᠮᠠᠩᠬᠠᠨ ᠤ ᠡᠬᠡ ᠨᠤᠲᠤᠭ ᠢ ᠤᠮᠳᠠᠯᠠᠬᠰᠠᠨ ᠷᠠᠰᠢᠶᠠᠨ | ᠡᠭᠡᠯ ᠲᠦᠮᠡᠨ ᠮᠠᠯᠴᠢᠤᠨ ᠤᠨ ᠵᠢᠷᠤᠭᠡᠨ ᠤ ᠲᠤᠯᠠᠭᠠᠬᠠᠨ ᠨᠤᠲᠤᠭ | ᠴᠡᠴᠡᠭᠡᠰ ᠤᠨ ᠳᠠᠯᠪᠢᠨ ᠳᠤ ᠪᠤᠯᠤᠷ ᠰᠢᠭᠦᠳᠡᠷᠢ ᠪᠦᠮᠪᠦᠭᠡᠨᠡᠭᠰᠡᠨ | ᠴᠡᠩᠭᠡᠯᠳᠤ ᠵᠤᠨ ᠤ ᠦᠳᠡᠰᠢ ᠪᠠᠷ ᠱᠠᠩᠳᠤ ᠶᠢᠨ ᠬᠦᠪᠡᠭᠡᠨ ᠳᠤ ᠤᠴᠢᠭᠠᠷᠠᠢ | ᠭᠡᠭᠡᠨ ᠰᠠᠷᠠᠨ ᠤᠰᠤᠨ ᠳᠤᠨᠢ ᠵᠢᠰᠤ ᠪᠠᠨ ᠲᠤᠯᠢᠳᠠᠭᠠᠤᠨ ᠢᠨᠢᠶᠡᠮᠰᠦᠭᠯᠡᠨᠡ | ᠭᠡᠷᠡᠯᠳᠤ ᠤᠳᠤᠤᠨ ᠬᠡᠪᠡᠯᠢ ᠳᠤᠨᠢ ᠴᠤᠯᠭᠢᠵᠤ ᠤᠮᠪᠠᠭᠠᠤᠨ ᠠᠯᠢᠶᠠᠷᠬᠠᠨᠠ | ᠱᠠᠩᠬᠤ ᠢᠯᠪᠢᠨ ᠦᠩᠭᠡᠷᠡᠬᠦ ᠰᠠᠯᠬᠢᠨ ᠠᠴᠠ ᠨᠢ ᠴᠤ | ᠱᠠᠨᠵᠠ ᠶᠢᠨ ᠠᠶᠠᠰ ᠰᠢᠭ᠋ ᠢᠷᠠᠭᠤ ᠡᠭᠡᠰᠢᠭ ᠤᠶᠠᠩᠭᠠᠷᠠᠨᠠ | ᠵᠠᠭᠤᠨ ᠵᠠᠭᠤᠨ ᠢ ᠲᠠᠮᠵᠢᠬᠰᠠᠭᠠᠷ ᠪᠢᠴᠢᠭᠡᠯᠡᠵᠤ ᠦᠯᠡᠳᠡᠭᠰᠡᠨ ᠲᠡᠤᠬᠡ | ᠵᠢᠷᠤᠭ ᠠᠴᠠ ᠦᠵᠡᠰᠭᠦᠯᠡᠩ ᠪᠠᠶᠢᠭᠠᠯᠢ ᠳᠤ ᠪᠠᠨ ᠤᠷᠤᠰᠴᠤ ᠢᠷᠡᠭᠰᠡᠨ ᠦᠨᠡᠨ | ᠡᠷᠳᠡᠨ ᠤ ᠨᠡᠭᠦᠳᠡᠯᠴᠢ ᠠᠶᠢᠮᠠᠭ ᠤᠨ ᠤᠮᠳᠠ ᠪᠤᠯᠤᠬᠰᠠᠨ ᠤᠰᠤᠨ | ᠡᠷᠭᠢᠮᠰᠦᠭ ᠬᠦᠷᠳᠤ ᠪᠠᠯᠭᠠᠰᠤᠨ ᠤ ᠡᠮᠤᠨᠡᠭᠦᠷ ᠨᠢ ᠤᠷᠤᠰᠤᠬᠰᠠ ᠭᠤᠤᠯ | ᠭᠠᠰᠢᠭᠤᠳᠠᠵᠤ ᠦᠯᠡᠳᠡᠭᠰᠡᠨ ᠬᠦᠮᠤᠨ ᠴᠢᠯᠠᠭᠤᠨ ᠤ ᠨᠢᠯᠪᠤᠰᠤ ᠶᠢ ᠤᠬᠢᠶᠠᠭᠰᠠᠨ ᠷᠠᠰᠢᠶᠠᠨ | ᠭᠠᠩᠰᠠᠷᠠᠵᠤ ᠵᠤᠪᠠᠭᠰᠠᠨ ᠲᠤᠭᠤᠨᠳᠡᠮᠤᠷ ᠬᠠᠭᠠᠨ ᠤ ᠬᠡᠮᠰᠢᠯ ᠤᠨᠠᠭᠰᠠᠨ ᠭᠤᠤᠯ | ᠨᠡᠭᠦᠳᠡᠯ ᠤᠨ ᠰᠢᠪᠠᠭᠤᠤᠨ ᠭᠠᠩᠭᠠᠨᠠᠨ ᠨᠦᠷᠭᠢᠯᠳᠦᠭᠰᠡᠨ | ᠨᠠᠮᠤᠷ ᠤᠨ ᠤᠯᠠᠷᠢᠯ ᠳᠤ ᠱᠠᠩᠳᠤ ᠶᠢᠨ ᠬᠦᠪᠡᠭᠡᠨ ᠳᠤ ᠢᠷᠡᠭᠡᠷᠠᠢ | ᠠᠯᠳᠠᠩᠬᠸᠠ ᠴᠡᠴᠡᠭ ᠤᠨ ᠠᠩᠭᠢᠯᠤᠮᠠ ᠦᠨᠤᠷ ᠠᠭᠤᠰᠬᠢ ᠨᠡᠪᠳᠡᠯᠤᠨ | ᠠᠷᠰᠢ ᠵᠢᠨᠤᠷᠤᠨ ᠰᠢᠭ᠋ ᠲᠠᠯᠠ ᠠᠯᠳᠠᠨ ᠰᠢᠷᠭᠠᠯ ᠢᠶᠠᠷ ᠦᠶᠡᠯᠵᠡᠨᠡ | ᠰᠢᠵᠢᠷ ᠨᠠᠷᠠᠨ ᠭᠡᠷᠡᠯ ᠢᠶᠠᠨ ᠰᠠᠴᠣᠵᠤ ᠤᠶᠢᠨᠠ | ᠰᠢᠷᠬᠡᠭ ᠰᠢᠷᠬᠡᠭ ᠰᠠᠴᠤᠷᠠᠭ ᠬᠢᠯᠠᠯᠵᠠᠨ ᠠᠷᠠᠯᠠᠨᠠ | ᠵᠦᠩ ᠪᠢᠯᠢᠭ ᠤᠨ ᠭᠡᠭᠡᠨ ᠠᠨᠢᠷ ᠲᠤ ᠨᠢ ᠪᠢ ᠠᠭᠤᠰᠤᠨᠠ | ᠵᠢᠷᠤᠭᠡᠨ ᠳᠤ ᠲᠤᠨᠤᠬᠤ ᠦᠭᠡᠰ ᠮᠢᠨᠢ ᠬᠠᠶᠢᠷᠠ ᠪᠠᠷ ᠠᠷᠢᠭᠤᠰᠴᠤ ᠰᠢᠯᠥᠭ ᠪᠤᠯᠤᠨᠠ | ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶ᠋ᠢᠭ᠄ ᠰᠢᠯᠤᠭᠤᠨ ᠬᠦᠪᠡᠭᠡᠳᠤ ᠬᠤᠰᠢᠭᠤᠨ ᠤ ᠮᠢᠩᠭᠠᠳᠤ ᠪᠠᠯᠭᠠᠰᠤ |