| ᠪᠢᠰᠢᠯᠠᠭ ᠶᠢ ᠲᠥᠭᠦᠬᠡᠢ ᠰᠦᠨ ᠤ ᠪᠠ ᠪᠣᠯᠣᠭᠰᠠᠨ ᠰᠦᠨ ᠤ ᠭᠡᠵᠦ ᠬᠤᠶᠠᠷ ᠬᠤᠪᠢᠶᠠᠨᠠ᠃ ᠲᠣᠭᠤᠭᠠᠨ ᠳᠤ | ᠬᠢᠭᠰᠡᠨ ᠡᠭᠡᠳᠡᠭᠰᠡᠨ ᠰᠦᠨ ᠤ ᠪᠠᠨ ᠳᠣᠣᠷᠠ ᠠᠴᠠ ᠵᠥᠭᠡᠯᠡᠨ ᠭᠠᠯᠯᠠᠵᠤ ᠰᠢᠷᠠ ᠰᠢᠭᠦᠰᠦ ᠶᠢ ᠨᠢ ᠠᠪᠣᠭᠰᠠᠨ ᠤ ᠳᠠᠷᠠᠭᠠ᠂ | ᠡᠭᠡᠳᠡᠮ ᠢ ᠨᠢ ᠨᠣᠬᠤᠬᠤ ᠦᠭᠡᠢ ᠪᠠᠷ ᠰᠢᠭᠦᠨ ᠠᠪᠴᠤ᠂ ᠰᠡᠶᠢᠮᠡᠬᠡᠢ ᠴᠠᠭᠠᠨ ᠪᠥᠰ ᠲᠤ ᠳᠥᠷᠪᠡᠯᠵᠢᠨ ᠣᠷᠢᠶᠠᠵᠤ᠂ ᠴᠢᠯᠠᠭᠤ | ᠪᠠᠷ ᠳᠠᠷᠣᠨ ᠰᠢᠭᠦᠰᠦ ᠶᠢ ᠨᠢ ᠰᠢᠪᠬᠠᠷᠣᠨ ᠡᠭᠰᠢᠭᠡᠨᠡ᠃ ᠡᠭᠦᠨ ᠢ ᠪᠢᠰᠢᠯᠠᠭ ᠳᠠᠷᠣᠬᠤ ᠭᠡᠨᠡ᠃ ᠭᠠᠰᠢᠯᠣᠭᠰᠠᠨ ᠰᠦ ᠪᠠᠨ | ᠵᠥᠭᠡᠯᠡᠨ ᠭᠠᠯ ᠢᠶᠠᠷ ᠬᠥᠰᠢᠭᠡᠵᠦ᠂ ᠡᠭᠡᠳᠡᠮ ᠢ ᠨᠢ ᠰᠢᠭᠦᠨ ᠠᠪᠴᠤ ᠳᠠᠷᠣᠭᠰᠨ ᠢ ᠲᠦᠭᠦᠬᠡᠢ ᠰᠦᠨ ᠪᠢᠰᠢᠯᠠᠭ ᠭᠡᠨᠡ᠃ | ᠥᠷᠦᠮᠡ ᠬᠥᠭᠡᠷᠦᠭᠦᠯᠦᠭᠰᠡᠨ ᠰᠦ ᠪᠠᠨ ᠳᠠᠬᠢᠨ ᠬᠠᠯᠠᠭᠠᠵᠤ ᠡᠭᠡᠳᠡᠭᠦᠯᠦᠭᠰᠡᠨ ᠤ ᠳᠠᠷᠠᠭᠠ ᠰᠢᠭᠦᠨ ᠠᠪᠴᠤ ᠳᠠᠷᠣᠭᠰᠠᠨ | ᠪᠢᠰᠢᠯᠠᠭ ᠢ ᠪᠣᠯᠣᠭᠰᠠᠨ ᠰᠦᠨ ᠪᠢᠰᠢᠯᠠᠭ ᠭᠡᠨᠡ᠃ ᠡᠶᠢᠮᠦ ᠪᠢᠰᠢᠯᠠᠭ ᠨᠢ ᠢᠳᠡᠬᠦ ᠳᠤ ᠵᠥᠭᠡᠯᠡᠨ ᠪᠥᠭᠡᠳ ᠡᠶᠡᠷᠲᠡᠢ᠃ | ᠴᠠᠬᠠᠷ ᠳᠤ ᠴᠢᠯᠠᠭᠤᠨ ᠳᠤ ᠳᠠᠷᠣᠭᠰᠠᠨ ᠪᠢᠰᠢᠯᠠᠭ ᠢᠶᠠᠨ ᠨᠣᠶᠢᠲᠠᠨ ᠳᠡᠭᠡᠷᠡ ᠨᠢ ᠬᠢᠯᠭᠠᠰᠤ ᠪᠠᠷ ᠵᠦᠰᠦᠵᠦ ᠨᠢᠮᠬᠡᠨ ᠬᠠᠪᠲᠠᠭᠠᠢ | ᠪᠣᠶᠤ ᠵᠢᠵᠢᠭ ᠳᠥᠷᠪᠡᠯᠵᠢᠨ ᠪᠣᠯᠭᠠᠵᠤ ᠬᠠᠲᠠᠭᠠᠨᠠ᠃ ᠭᠦᠢᠴᠡᠳ ᠬᠠᠲᠠᠭᠠᠭᠰᠠᠨ ᠪᠢᠰᠢᠯᠠᠭ ᠨᠢ ᠬᠢᠯᠪᠠᠷᠬᠠᠨ ᠢᠯᠵᠠᠷᠠᠬᠤ | ᠦᠭᠡᠢ᠂ ᠤᠳᠠᠭᠠᠨ ᠬᠠᠳᠠᠭᠠᠯᠠᠬᠤ ᠶᠢ ᠳᠠᠭᠠᠭᠠᠳᠠᠭ᠃ | ᠢᠷᠡᠯᠳᠡ᠄ ︽ᠴᠠᠬᠠᠷ ᠵᠠᠩ ᠦᠢᠯᠡ︾ ᠭᠡᠬᠦ ᠨᠤᠮ ᠠᠴᠠ ᠮᠠᠶᠢᠯᠠᠰᠣ ᠰᠡᠶᠢᠷᠡᠬᠦᠯᠪᠡ |