| ᠲᠥᠳ᠋ ᠭᠡᠬᠦ ᠡᠷᠲᠡ ᠦᠶᠡ ᠶᠢᠨ ᠴᠠᠭᠠᠨ ᠢᠳᠡᠭᠡᠨ ᠤ ᠤᠯᠠᠮᠵᠢᠯᠠᠯᠲᠤ ᠪᠥᠲᠦᠭᠡᠭᠳᠡᠭᠦᠨ ᠢ ᠴᠠᠬᠠᠷᠴᠤᠳ | ᠥᠨᠥᠳᠦᠷ ᠪᠣᠯᠲᠠᠯᠠ ᠳᠠᠰᠣᠯᠳᠠᠭᠤᠯᠣᠯ ᠦᠭᠡᠢ ᠤᠯᠠᠮᠵᠢᠯᠠᠨ ᠬᠢᠵᠦ ᠪᠠᠶᠢᠭᠠ ᠶᠤᠮ᠃ ᠲᠡᠷᠡ ᠨᠢ ᠲᠥᠪᠡᠳ ᠤᠨ ᠪᠣᠷᠬᠠᠨ ᠤ | ᠳᠠᠬᠢᠯ ᠠᠴᠠ ᠢᠷᠡᠯ ᠲᠠᠢ᠃ | ᠲᠥᠳ᠋ ᠬᠢᠬᠦ ᠳᠤ ᠰᠢᠷᠠ ᠳᠣᠰᠤ᠂ ᠭᠤᠯᠢᠷ᠂ ᠡᠯᠡᠰᠦᠨ ᠰᠢᠬᠢᠷ᠂ ᠴᠥᠴᠦᠬᠡᠢ᠂ ᠬᠠᠭᠤᠷᠣᠭᠰᠠᠨ ᠪᠣᠳᠠᠭᠠ᠂ | ᠮᠥᠰᠦᠨ ᠰᠢᠬᠢᠷ᠂ ᠦᠵᠦᠮ ᠵᠡᠷᠭᠡ ᠶᠢ ᠬᠡᠷᠡᠭᠯᠡᠳᠡᠭ᠃ ᠰᠢᠷᠠ ᠲᠣᠰᠤ᠂ ᠴᠥᠴᠦᠭᠡᠢ ᠪᠣᠯ ᠲᠣᠲᠠᠭᠳᠠᠵᠤ ᠪᠣᠯᠣᠰᠢ ᠦᠭᠡᠢ | ᠶᠣᠮ᠃ | ᠲᠥᠳ᠋ ᠬᠢᠬᠦ ᠳᠤ ᠣᠷᠢᠳ ᠢᠶᠠᠷ ᠴᠠᠭᠠᠨ ᠭᠤᠯᠢᠷ ᠢᠶᠠᠨ ᠪᠥᠰ ᠳᠡᠭᠡᠷᠡ ᠠᠰᠬᠠᠵᠣ ᠵᠢᠩᠨᠠᠨ ᠪᠣᠯᠭᠤᠭᠠᠳ | ᠬᠠᠶᠢᠯᠣᠭᠤᠯᠣᠭᠰᠠᠨ ᠴᠥᠴᠦᠭᠡᠢ ᠲᠠᠢ ᠪᠠᠨ ᠨᠡᠶᠢᠯᠡᠭᠦᠯᠦᠨ ᠨᠤᠬᠤᠵᠤ᠂ ᠳᠡᠭᠡᠷᠡ ᠨᠢ ᠰᠢᠷᠠ ᠳᠣᠰᠤ᠂ ᠡᠯᠡᠰᠦᠨ ᠰᠢᠬᠢᠷ ᠪᠣᠶᠤ | ᠳᠠᠯᠠᠭᠳᠠᠭᠰᠠᠨ ᠮᠥᠰᠦᠨ ᠰᠢᠬᠢᠷ ᠵᠡᠷᠭᠡ ᠶᠢ ᠬᠢᠵᠦ ᠰᠠᠶᠢᠲᠣᠷ ᠨᠡᠶᠢᠴᠡᠭᠦᠯᠦᠨ ᠪᠠᠵᠠᠭᠠᠭᠰᠠᠨ ᠤ ᠳᠠᠷᠠᠭᠠ᠂ ᠠᠳᠠᠯᠢ ᠪᠣᠰᠤ ᠶᠢᠨ | ᠵᠢᠷᠤᠭ ᠳᠥᠷᠰᠦ ᠲᠠᠢ ᠵᠢᠵᠢᠭ ᠬᠤᠷᠣᠭᠤᠪᠴᠢᠨ ᠬᠡᠪ ᠲᠤ ᠬᠡᠪᠯᠡᠨ ᠭᠠᠷᠭᠠᠵᠤ ᠥᠩᠭᠡᠨ ᠲᠠᠯᠠ ᠳᠤ ᠨᠢ ᠤᠯᠠᠭᠠᠨ ᠪᠣᠶᠤ | ᠥᠩᠭᠡ ᠶᠢᠨ ᠪᠣᠳᠤᠭ ᠲᠠᠯᠪᠢᠵᠣ ᠬᠠᠲᠠᠭᠠᠨᠠ᠃ | ᠪᠠᠰᠠ ᠨᠢᠭᠡ ᠬᠢᠬᠦ ᠠᠷᠭᠠ ᠨᠢ ᠬᠡᠪ ᠤᠨ ᠬᠤᠷᠣᠳ ᠢ ᠬᠡᠮᠬᠡᠯᠦᠨ ᠲᠠᠯᠬᠠ ᠪᠣᠯᠭᠠᠭᠠᠳ᠂ ᠳᠡᠭᠡᠷᠡ ᠨᠢ | ᠬᠠᠭᠤᠷᠣᠭᠰᠠᠨ ᠪᠣᠳᠠᠭᠠ ᠨᠡᠮᠡᠵᠦ᠂ ᠴᠥᠴᠦᠭᠡᠢ ᠪᠠᠨ ᠨᠣᠬᠤᠵᠤ ᠰᠢᠷᠠ ᠳᠣᠰᠤ ᠪᠠ ᠥᠪᠡᠷ ᠤᠨ ᠳᠣᠷᠠᠲᠠᠢ ᠠᠮᠲᠠᠲᠠᠨ ᠢᠶᠠᠨ | ᠨᠡᠮᠡᠵᠦ ᠬᠡᠪᠯᠡᠨ ᠭᠠᠷᠭᠠᠨᠠ᠃ | ᠭᠤᠷᠪᠠᠳᠡᠬᠢ ᠬᠢᠬᠦ ᠠᠷᠭᠠ ᠨᠢ ᠴᠠᠭᠠᠨ ᠪᠣᠳᠠᠭᠠ ᠪᠣᠶᠤ ᠬᠤᠨᠤᠭ ᠪᠣᠳᠠᠭᠠ ᠶᠢ ᠠᠭᠰᠢᠭᠠᠵᠤ᠂ ᠳᠠᠬᠢᠨ | ᠴᠦᠴᠦᠭᠡᠢ ᠲᠠᠢ ᠪᠠᠨ ᠬᠤᠯᠢᠨ ᠨᠣᠬᠤᠵᠤ᠂ ᠳᠡᠭᠡᠷᠡ ᠨᠢ ᠣᠬᠢᠶᠠᠵᠤ ᠳᠡᠪᠲᠦᠭᠡᠭᠰᠡᠨ ᠦᠵᠦᠮ᠂ ᠰᠢᠬᠢᠷ ᠢ ᠰᠢᠷᠠ ᠳᠣᠰᠤ | ᠲᠠᠢ ᠨᠡᠶᠢᠴᠡᠭᠦᠯᠵᠦ ᠨᠢᠭᠡ ᠴᠣᠭᠴᠠ ᠪᠣᠯᠭᠠᠨ ᠬᠡᠪᠯᠡᠵᠦ ᠭᠠᠷᠭᠠᠨᠠ᠃ | ᠲᠥᠳ᠋ ᠤᠨ ᠬᠡᠪ ᠢ ᠲᠣᠭᠤᠷ ᠬᠡᠯᠪᠡᠷᠢ᠂ ᠨᠡᠪᠴᠢᠨ ᠤ ᠬᠡᠯᠪᠡᠷᠢ᠂ ᠲᠣᠭᠤᠷᠢᠭ ᠬᠡᠯᠪᠡᠷᠢ᠂ ᠮᠣᠩᠭᠤᠯ ᠦᠰᠦᠭ | ᠰᠡᠶᠢᠯᠦᠭᠰᠡᠨ ᠬᠡᠯᠪᠡᠷᠢ ᠵᠡᠷᠭᠡ ᠣᠯᠠᠨ ᠶᠠᠩᠵᠤ ᠮᠠᠶ᠋ᠢᠭ ᠢᠶᠠᠷ ᠬᠢᠳᠡᠭ᠃ ᠳᠡᠭᠡᠬᠦ ᠳᠡᠭᠡᠨ ᠬᠡᠪ ᠤᠨ ᠶᠡᠭᠡ ᠪᠠᠭᠠ ᠶᠢ ᠶᠡᠷᠦᠩᠬᠡᠢ | ᠳᠡᠭᠡᠨ ᠬᠤᠨᠳᠠᠭᠠᠨ ᠤ ᠠᠮᠠᠰᠠᠷ ᠬᠢᠷᠢ ᠳᠤ ᠬᠢᠵᠠᠭᠠᠷᠯᠠᠳᠠᠭ᠃ ᠡᠭᠦᠨ ᠠᠴᠠ ᠶᠡᠬᠡᠳᠪᠡᠯ ᠨᠠᠷᠢᠯᠢᠭ ᠬᠡᠭᠡᠨᠴᠢᠷ ᠰᠢᠨᠵᠢ ᠪᠠᠨ | ᠠᠯᠳᠠᠳᠠᠭ᠃ | ᠢᠷᠡᠯᠳᠡ᠄ ︽ᠴᠠᠬᠠᠷ ᠵᠠᠩ ᠦᠢᠯᠡ︾ ᠭᠡᠬᠦ ᠨᠤᠮ ᠠᠴᠠ ᠮᠠᠶᠢᠯᠠᠰᠣ ᠰᠡᠶᠢᠷᠡᠬᠦᠯᠪᠡ |