| ᠴᠠᠬᠠᠷ ᠯᠢᠭᠳᠡᠨ ᠬᠠᠭᠠᠨ ᠬᠥᠬᠡᠨᠠᠭᠤᠷ ᠤᠨ ᠰᠢᠷᠠ ᠲᠠᠯᠠ ᠳᠤ ᠡᠪᠡᠳᠴᠢᠨ ᠢᠶᠠᠷ ᠨᠠᠰᠤ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ᠂ | ᠴᠢᠩ ᠤᠯᠤᠰ ᠤᠨ ᠪᠥᠬᠦ ᠴᠡᠷᠢᠭ ᠪᠥᠬᠦ ᠮᠣᠩᠭᠤᠯ ᠤᠯᠣᠰ ᠢ ᠳᠠᠶᠢᠯᠠᠨ ᠳᠠᠭᠠᠭᠤᠯᠵᠤ᠂ ᠮᠣᠩᠭᠤᠯ ᠬᠦᠮᠦᠨ ᠤ ᠠᠯᠢ ᠣᠯᠠᠨ | ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠬᠠᠮᠢᠶᠠᠷᠣᠯᠲᠠ ᠶᠢᠨ ᠵᠠᠭᠪᠣᠷ ᠢ ᠡᠪᠳᠡᠨ᠂ ᠮᠣᠩᠭᠤᠯ ᠣᠷᠣᠨ ᠳᠤ ᠬᠤᠰᠢᠭᠤ ᠴᠢᠭᠤᠯᠭᠠᠨ ᠤ ᠳᠥᠷᠢᠮ ᠢ | ᠬᠡᠷᠡᠭᠵᠢᠭᠦᠯᠪᠡ᠃ ᠲᠡᠭᠡᠬᠦ ᠳᠡᠭᠡᠨ ᠲᠡᠳᠡ ᠪᠥᠬᠦ ᠮᠣᠩᠭᠤᠯ ᠤᠨ ᠡᠰᠡᠷᠭᠦᠴᠡᠯ ᠢ ᠪᠥᠷᠢᠮᠦᠰᠦᠨ ᠳᠠᠷᠣᠩᠭᠤᠶᠢᠯᠠᠶᠠ ᠭᠡᠪᠡᠯ ᠤᠷᠢᠳ | ᠢᠶᠠᠷ ᠬᠠᠭᠠᠨ ᠲᠥᠪᠯᠡᠵᠦ ᠪᠠᠶᠢᠭᠰᠠᠨ ᠴᠠᠬᠠᠷ ᠤᠨ ᠡᠰᠡᠷᠭᠦᠴᠡᠯ ᠢ ᠲᠣᠶᠢᠯᠪᠦᠷᠢᠲᠠᠢ ᠪᠣᠲᠠ ᠨᠢᠷᠭᠡᠬᠦ ᠬᠡᠷᠡᠭᠲᠡᠢ ᠭᠡᠳᠡᠭ ᠢ | ᠭᠦᠢᠴᠡᠳ ᠣᠶᠢᠯᠭᠠᠵᠤ ᠪᠠᠶᠢᠭᠰᠠᠨ ᠶᠣᠮ᠃ ᠲᠡᠭᠡᠭᠡᠳ ᠴᠠᠬᠠᠷ ᠮᠣᠩᠭᠤᠯᠴᠣᠳ ᠢ ᠮᠥᠴᠢᠯᠡᠨ ᠰᠠᠯᠭᠠᠬᠤ᠂ ᠡᠯᠡᠰᠦ ᠬᠤᠯᠢᠬᠤ᠂ | ᠬᠡᠰᠡᠭᠯᠡᠨ ᠵᠠᠬᠢᠷᠬᠤ᠂ ᠵᠡᠷᠭᠡ ᠣᠯᠠᠨ ᠬᠠᠷᠠ ᠬᠤᠣᠷᠲᠠᠢ ᠠᠷᠭᠠ ᠬᠡᠮᠵᠢᠶᠡ ᠶᠢ ᠠᠪᠣᠭᠰᠠᠨ ᠶᠣᠮ᠃ | 1636 ᠣᠨ ᠳᠤ᠂ ᠴᠢᠩ ᠤᠯᠤᠰ ᠤᠨ ᠳᠣᠲᠣᠭᠠᠳᠤ ᠪᠢᠴᠢᠭ ᠤᠨ ᠶᠠᠮᠣᠨ ᠤ ᠡᠷᠬᠢᠨ ᠰᠠᠶᠢᠳ ᠰᠢᠹᠦ᠋᠂ | ᠮᠣᠩᠭᠤᠯ ᠤᠨ ᠶᠠᠮᠣᠨ ᠤ ᠵᠠᠰᠠᠭ ᠡᠷᠬᠢᠯᠡᠭᠴᠢ ᠨᠢᠺᠡᠨ᠂ ᠲᠠᠪᠣᠨᠠᠩ ᠳ᠋ᠠᠶᠠᠴᠢ ᠨᠠᠷ ᠤᠨ ᠵᠠᠷᠯᠢᠭ ᠢᠶᠠᠷ ᠴᠠᠬᠠᠷ ᠤᠨ ᠡᠷᠦᠬᠡ ᠠᠮᠠ | ᠶᠢ ᠪᠥᠷᠢᠳᠬᠡᠨ ᠪᠠᠶᠢᠴᠠᠭᠠᠵᠤ ᠬᠤᠰᠢᠭᠤ ᠰᠣᠮᠤ ᠭᠡᠵᠦ ᠡᠬᠢᠯᠡᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠪᠠ᠃ ᠣᠯᠠᠨ ᠣᠳᠠᠭᠠᠨ ᠤ ᠪᠠᠶᠢᠴᠠᠭᠠᠯᠲᠠ | ᠥᠭᠡᠷᠡᠴᠢᠯᠡᠯᠲᠡ ᠪᠠᠷ ᠳᠠᠮᠵᠢᠨ ᠣᠣᠯ ᠤᠨ ᠴᠠᠬᠠᠷ ᠨᠠᠢᠮᠠᠨ ᠣᠲᠤᠭ ᠤᠨ ᠪᠠᠶᠢᠭᠤᠯᠣᠮᠵᠢ ᠶᠢ ᠪᠥᠷᠢᠮᠦᠰᠦᠨ ᠦᠭᠡᠶᠢᠰᠭᠡᠵᠦ᠂ | ᠨᠠᠢᠮᠠᠨ ᠵᠠᠰᠠᠭ ᠬᠤᠰᠢᠭᠤ ᠪᠣᠯᠭᠠᠨ ᠰᠠᠯᠭᠠᠵᠤ ᠪᠠᠶᠢᠭᠤᠯᠣᠭᠠᠳ᠂ ᠪᠣᠰᠣᠳ ᠬᠡᠳᠦᠨ ᠵᠠᠰᠠᠭ ᠬᠤᠰᠢᠭᠤ ᠲᠠᠢ ᠬᠠᠮᠲᠤ ᠨᠢᠭᠡᠨ | ᠴᠢᠭᠤᠯᠭᠠᠨ ᠳᠤ ᠬᠠᠷᠢᠶᠠᠯᠠᠭᠤᠯᠣᠭᠰᠠᠨ ᠶᠣᠮ᠃ ᠲᠡᠭᠡᠬᠦ ᠳᠡᠭᠡᠨ ᠣᠣᠯ ᠤᠨ ᠨᠡᠢᠮᠠᠨ ᠣᠲᠤᠭ ᠢ ᠬᠡᠰᠡᠭᠯᠡᠨ ᠪᠣᠲᠠᠷᠠᠭᠠᠵᠤ | ᠪᠣᠰᠣᠳ ᠬᠤᠰᠢᠭᠤᠨ ᠳᠤ ᠨᠡᠭᠦᠯᠭᠡᠬᠦ ᠪᠣᠶᠤ ᠪᠣᠰᠣᠳ ᠮᠣᠩᠭᠤᠯ ᠣᠪᠣᠭ ᠠᠶᠢᠮᠠᠭ ᠤᠨ ᠪᠥᠷᠢᠯᠳᠦᠭᠦᠨ ᠢ ᠴᠠᠬᠠᠷ ᠤᠨ ᠡᠯᠡ | ᠬᠤᠰᠢᠭᠤᠳ ᠲᠤ ᠬᠤᠯᠢᠵᠤ ᠣᠷᠣᠭᠤᠯᠵᠠᠢ᠃ ᠬᠤᠰᠢᠭᠤᠳ ᠪᠠᠶᠢᠭᠤᠯᠣᠭᠳᠠᠬᠤ ᠶᠢ ᠳᠠᠭᠠᠯᠳᠣᠨ ᠣᠣᠯ ᠤᠨ ᠨᠠᠢᠮᠠᠨ ᠣᠲᠤᠭ | ᠤᠨ ᠵᠠᠬᠠ ᠵᠠᠭᠠᠭ᠂ ᠬᠠᠷᠢᠶᠠ ᠬᠡᠪᠴᠢᠶᠡ᠂ ᠪᠠᠶᠢᠭᠤᠯᠣᠮᠵᠢ ᠶᠢᠨ ᠬᠡᠯᠪᠡᠷᠢ ᠵᠡᠷᠭᠡ ᠨᠢ ᠲᠣᠶᠢᠯᠪᠣᠷᠢᠲᠠᠢ ᠡᠪᠳᠡᠭᠳᠡᠭᠡᠳ ᠰᠢᠨᠡ | ᠪᠠᠷ ᠪᠠᠶᠢᠭᠤᠯᠣᠭᠰᠠᠨ ᠬᠤᠰᠢᠭᠤᠨ ᠵᠠᠬᠠ ᠵᠠᠭᠠᠭ᠂ ᠬᠠᠮᠢᠶᠠᠷᠣᠯᠲᠠ ᠶᠢᠨ ᠠᠷᠭᠠ ᠬᠡᠯᠪᠡᠷᠢ ᠶᠢ ᠰᠢᠨᠡ ᠪᠠᠷ ᠲᠣᠭᠲᠠᠭᠠᠵᠠᠢ᠃ | ᠡᠩᠬᠡ ᠠᠮᠣᠭᠤᠯᠠᠩ ᠬᠠᠭᠠᠨ ᠤ ᠨᠠᠢᠮᠠᠳᠣᠭᠠᠷ ᠣᠨ ︵1669 ᠣᠨ︶ ᠳᠤ ᠴᠠᠬᠠᠷ ᠯᠢᠭᠳᠡᠨ ᠬᠠᠭᠠᠨ ᠤ | ᠣᠳᠬᠤᠨ ᠬᠥᠪᠡᠭᠦᠨ ᠠᠪᠠᠨᠢ ᠴᠢᠨ ᠸᠠᠩ ᠢ ᠨᠠᠢᠮᠠᠨ ᠵᠢᠯ ᠲᠥᠷᠦ ᠳᠤ ᠪᠠᠷᠠᠯᠬᠠᠭᠰᠠᠨ ᠦᠭᠡᠢ ᠪᠥᠭᠡᠳ ᠭᠦᠷᠦᠨ ᠤ ᠶᠡᠭᠡ | ᠭᠦᠩᠵᠦ ᠶᠢᠨ ᠬᠥᠪᠡᠭᠦᠨ ᠢ ᠬᠥᠲᠦᠳᠭᠡᠭᠰᠡᠨ ᠦᠭᠡᠢ ᠬᠡᠮᠡᠨ ᠰᠢᠯᠲᠠᠭ ᠪᠠᠷᠢᠵᠤ ᠮᠥᠭᠳᠡᠨ ᠬᠤᠲᠠᠨᠠ ᠠᠪᠠᠴᠢᠵᠤ ᠭᠢᠨᠳᠠᠯᠠᠵᠠᠢ᠃ | ᠡᠩᠬᠡ ᠠᠮᠣᠭᠤᠯᠠᠩ ᠬᠠᠭᠠᠨ ᠤ ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠣᠨ ︵1675 ᠣᠨ︶ ᠳᠤ ᠯᠢᠭᠳᠡᠨ ᠬᠠᠭᠠᠨ ᠤ ᠠᠴᠢ ᠪᠣᠷᠠᠨᠠᠢ | ᠴᠢᠨ ᠸᠠᠩ᠂ ᠳᠡᠭᠦᠦ ᠯᠣᠪᠰᠠᠩ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠵᠠᠮᠰᠦ᠋ᠷᠣᠩ ᠭᠦᠩ ᠲᠠᠢ ᠬᠠᠮᠲᠣ ᠴᠠᠬᠠᠷ ᠨᠠᠢᠮᠠᠨ ᠬᠤᠰᠢᠭᠤ ᠪᠠᠨ | ᠳᠠᠭᠠᠭᠤᠯᠣᠨ ᠴᠢᠩ ᠣᠯᠣᠰ ᠤᠨ ᠬᠠᠷᠭᠢᠰ ᠬᠠᠷᠠᠩᠭᠤᠢ ᠳᠠᠷᠣᠯᠠᠯ ᠬᠢᠲᠣᠯᠭᠠ ᠶᠢᠨ ᠡᠰᠡᠷᠭᠦ ᠪᠣᠰᠣᠯᠭᠠ ᠶᠢᠨ ᠶᠡᠭᠡ ᠲᠤᠭ ᠢ | ᠡᠷᠭᠦᠪᠡ᠃ ᠡᠩᠬᠡ ᠠᠮᠣᠭᠤᠯᠠᠩ ᠬᠠᠭᠠᠨ ᠳᠠᠷᠣᠶᠢᠬᠠᠨ ᠬᠤᠷᠴᠢᠨ ᠵᠡᠷᠭᠡ ᠮᠣᠩᠭᠤᠯ ᠬᠤᠰᠢᠭᠤᠳ ᠤᠨ ᠴᠡᠷᠢᠭ ᠢ ᠳᠠᠶᠢᠴᠢᠯᠠᠨ | ᠪᠣᠰᠣᠯᠭᠠ ᠶᠢ ᠳᠠᠷᠣᠩᠭᠤᠶᠢᠯᠠᠪᠠ᠃ ᠳᠠᠷᠣᠶᠢᠩᠭᠤᠶᠢᠯᠠᠬᠤ ᠳᠣᠮᠳᠠ ᠪᠣᠷᠠᠨᠠᠢ ᠴᠢᠨ ᠸᠠᠩ ᠪᠠᠭᠠᠲᠣᠷᠯᠢᠭ ᠢᠶᠠᠷ ᠪᠠᠶᠡ ᠦᠷᠡᠭᠳᠡᠵᠦ | ᠂ ᠳᠡᠭᠦᠦ ᠯᠣᠪᠰᠠᠩ ᠨᠢ ᠲᠥᠮᠡ ᠭᠠᠷᠣᠢ ᠴᠡᠷᠢᠭ ᠲᠠᠢ ᠪᠠᠨ ᠪᠠᠭᠤᠵᠤ ᠥᠭᠭᠦᠭᠡᠳ ᠪᠣᠰᠣᠯᠭᠠ ᠬᠠᠷᠠᠰᠠᠯᠲᠠᠢ ᠪᠠᠷ | ᠢᠯᠠᠭᠳᠠᠭᠰᠠᠨ ᠶᠣᠮ᠃ ᠢᠩᠭᠢᠭᠰᠡᠨ ᠢᠶᠠᠷ ᠣᠣᠯ ᠠᠴᠠ ᠮᠣᠩᠭᠤᠯ ᠠᠶᠢᠮᠠᠭ᠂ ᠢᠯᠠᠩᠭᠤᠶᠠ ᠴᠠᠬᠠᠷᠴᠣᠳ ᠲᠤ ᠶᠡᠬᠡᠳᠡ | ᠰᠡᠵᠢᠭ ᠲᠠᠢ ᠪᠠᠶᠢᠭᠰᠠᠨ ᠴᠢᠩ ᠣᠯᠣᠰ ᠤᠨ ᠨᠣᠶᠠᠷᠬᠠᠭᠴᠢᠳ᠂ ᠴᠠᠬᠠᠷ ᠤᠨ ᠪᠣᠰᠣᠯᠭᠠ ᠶᠢ ᠳᠠᠷᠣᠩᠭᠤᠶᠢᠯᠠᠭᠰᠠᠨ ᠤ ᠳᠠᠷᠠᠭᠠ | ᠡᠷᠬᠡ ᠶᠢ ᠨᠢ ᠪᠠᠭᠤᠷᠠᠭᠤᠯᠵᠤ᠂ ᠨᠣᠲᠤᠭ ᠢ ᠨᠢ ᠬᠤᠷᠢᠶᠠᠨ᠂ ᠠᠷᠠᠳ ᠢ ᠨᠢ ᠨᠡᠭᠦᠯᠭᠡᠬᠦ ᠰᠠᠶᠢᠬᠠᠨ ᠳᠣᠬᠢᠶᠠᠯ ᠣᠯᠣᠭᠰᠠᠨ ᠢᠶᠠᠷ | ᠴᠠᠬᠠᠷ ᠢ ︽ᠨᠣᠲᠤᠭ ᠢ ᠨᠢ ᠰᠣᠯᠠᠯᠠᠵᠤ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠪᠣᠯᠭᠠᠨ᠂ ᠳᠣᠲᠣᠭᠠᠳᠤ ᠬᠡᠷᠡᠭ ᠢ ᠪᠥᠭᠦᠳᠡ ᠵᠠᠬᠢᠷᠬᠤ ᠶᠠᠮᠣᠨ | ᠤ ᠠᠳᠣᠭᠤᠨ ᠶᠠᠮᠣᠨ ᠳᠤ ᠬᠠᠷᠢᠶᠠᠯᠠᠭᠤᠯᠣᠨ᠂ ᠠᠷᠠᠳ ᠢ ᠨᠢ ᠰᠢᠤᠸᠠᠨ ᠬᠤᠸᠠ ︵ᠪᠠᠶᠠᠨᠰᠣᠮᠣ︶᠂ ᠳᠠᠶᠢᠲ᠋ᠦ᠋ᠩ ᠤᠨ | ᠬᠢᠵᠠᠭᠠᠷ ᠤᠨ ᠭᠠᠳᠠᠨᠠ ᠨᠡᠭᠦᠯᠭᠡᠵᠦ ᠮᠠᠯᠵᠢᠭᠤᠯᠣᠭᠰᠠᠨ︾ ᠪᠢᠯᠡ᠃ ᠴᠠᠬᠠᠷ ᠤᠨ ᠵᠠᠰᠠᠭ ᠬᠤᠰᠢᠭᠤᠨ ᠤ ᠳᠥᠷᠢᠮ ᠢ | ᠬᠠᠰᠣᠵᠤ᠂ ᠠᠮᠪᠠᠨ ᠬᠤᠰᠢᠭᠤᠨ ᠤ ᠳᠥᠷᠢᠮ ᠢ ᠬᠡᠷᠡᠭᠵᠢᠭᠦᠯᠵᠦ᠂ ᠮᠠᠨᠵᠤ ᠳᠤ ᠪᠠᠭᠤᠵᠤ ᠥᠭᠭᠦᠭᠰᠡᠨ ᠥᠭᠡᠯᠡᠳ᠂ | ᠲᠣᠷᠭᠤᠳ᠂ ᠬᠠᠯᠬᠠ᠂ ᠰᠣᠯᠣᠨ ᠪᠠᠷᠭᠤ᠂ ᠬᠤᠷᠴᠢᠨ ᠠᠶᠢᠮᠠᠭ ᠤᠳ ᠠᠴᠠ ᠰᠣᠮᠣ ᠨᠢᠭᠡᠴᠡ ᠪᠠᠷ ᠴᠠᠬᠠᠷ ᠨᠠᠢᠮᠠᠨ ᠬᠤᠰᠢᠭᠤᠨ | ᠳᠤ ᠨᠡᠭᠦᠯᠭᠡᠨ ᠣᠷᠣᠭᠤᠯᠵᠤ ᠰᠢᠨᠡ ᠴᠠᠬᠠᠷ ᠨᠠᠢᠮᠠᠨ ᠬᠤᠰᠢᠭᠤ ᠶᠢ ᠪᠥᠷᠢᠯᠳᠦᠭᠦᠯᠦᠭᠡᠳ ᠪᠠᠰᠠ ᠵᠡᠭᠦᠨ ᠪᠠᠷᠠᠭᠤᠨ ᠬᠤᠶᠠᠷ | ᠭᠠᠷ ᠪᠣᠯᠭᠠᠨ ᠬᠤᠪᠢᠶᠠᠭᠰᠠᠨ ᠠᠴᠠ ᠭᠠᠳᠠᠨᠠ᠂ ᠴᠠᠬᠠᠷ ᠬᠤᠰᠢᠭᠤᠳ ᠠᠴᠠ ᠠᠶᠢᠯ ᠡᠷᠦᠬᠡ ᠳᠠᠲᠠᠵᠤ᠂ ᠳᠥᠷᠪᠡᠨ ᠰᠦᠷᠦᠭ | ᠬᠤᠰᠢᠭᠤ ᠭᠠᠷᠭᠠᠨ᠂ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠪᠠᠶᠢᠭᠤᠯᠵᠠᠢ᠃ ᠲᠡᠭᠷᠢ ᠲᠡᠳᠬᠦᠭᠴᠢ ᠶᠢᠨ ᠬᠤᠷᠢᠨ ᠵᠢᠷᠭᠤᠳᠣᠭᠠᠷ ᠣᠨ | ︵1761 ᠣᠨ︶ ᠳᠤ ᠴᠢᠩ ᠣᠯᠣᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠠᠴᠠ ᠮᠠᠨᠵᠣ ᠠᠮᠪᠠᠨ ᠲᠣᠮᠢᠯᠠᠵᠤ᠂ ᠴᠢᠭᠤᠯᠣᠯᠲᠣ ᠬᠠᠭᠠᠯᠭᠠ | ᠳᠤ ᠳ᠋ᠦᠲ᠋ᠦ᠋ᠩ ᠶᠠᠮᠣᠨ ᠭᠡᠵᠦ ᠪᠠᠶᠢᠭᠤᠯᠣᠨ᠂ ᠴᠠᠬᠠᠷ ᠨᠠᠢᠮᠠᠨ ᠬᠤᠰᠢᠭᠤ ᠪᠠ ᠳᠥᠷᠪᠡᠨ ᠰᠦᠷᠦᠭ ᠬᠤᠰᠢᠭᠤ ᠶᠢ | ᠵᠠᠬᠢᠷᠣᠭᠤᠯᠪᠠ᠃ ᠴᠠᠬᠠᠷ ᠤᠨ ᠪᠣᠰᠣᠳ ᠭᠡᠰᠡᠭ ᠢ ᠯᠢᠶᠣᠣᠨᠢᠩ ᠤᠨ ᠢᠵᠸᠤ ᠠᠴᠠ ᠨᠡᠭᠦᠯᠭᠡᠨ ᠥᠷᠦᠭᠡᠰᠦᠨ ᠴᠢᠯᠠᠭᠤᠨ | ᠬᠠᠭᠠᠯᠭᠠ᠂ ᠴᠢᠭᠤᠯᠣᠯᠲᠤ ᠬᠠᠭᠠᠯᠭᠠ᠂ ᠳᠠᠶᠢᠲ᠋ᠦ᠋ᠩ ᠹᠦ᠋᠂ ᠱᠦᠷᠬᠡᠢ ᠴᠢᠯᠠᠭᠤᠨ ᠬᠠᠭᠠᠯᠭᠠ ᠶᠢᠨ ᠬᠢᠵᠠᠭᠠᠷ ᠤᠨ ᠭᠠᠳᠠᠨᠠ | ᠨᠣᠲᠤᠭ ᠳᠣᠬᠢᠷᠠᠭᠤᠯᠵᠠᠢ᠃ | 1914 ᠣᠨ ᠳᠤ ᠳᠣᠮᠳᠠᠳᠤ ᠢᠷᠭᠡᠨ ᠣᠯᠣᠰ ᠥᠪᠦᠷ ᠮᠣᠩᠭᠤᠯ ᠢ ᠭᠤᠷᠪᠠᠨ ᠳᠣᠰᠬᠠᠢ ᠣᠷᠣᠨ ᠪᠣᠯᠭᠠᠵᠤ | ᠬᠤᠪᠢᠶᠠᠬᠤ ᠦᠶᠡᠰ ᠲᠤ᠂ ᠴᠠᠬᠠᠷ ᠳᠣᠰᠬᠠᠢ ᠣᠷᠣᠨ ᠪᠠᠶᠢᠭᠤᠯᠣᠭᠳᠠᠵᠤ᠂ ᠣᠣᠯ ᠤᠨ ᠰᠢᠯᠢ ᠶᠢᠨ ᠭᠤᠣᠯ ᠴᠢᠭᠤᠯᠭᠠᠨ ᠤ | ᠠᠷᠪᠠᠨ ᠬᠤᠰᠢᠭᠤ᠂ ᠴᠠᠬᠠᠷ ᠤᠨ ᠠᠷᠪᠠᠨ ᠬᠤᠶᠠᠷ ᠰᠦᠷᠦᠭ ᠵᠢᠴᠢ ᠾᠧᠪᠸᠢ ᠮᠣᠵᠢ ᠶᠢᠨ ᠪᠠᠷᠠᠭᠤᠨ ᠭᠡᠰᠡᠭ ᠤᠨ ᠪᠣᠭᠤᠮᠲᠠ | ᠶᠢᠨ ᠭᠠᠳᠠᠨᠠᠬᠢ ᠠᠷᠪᠠᠨ ᠲᠠᠪᠣᠨ ᠰᠢᠶᠠᠨ ᠢ ᠬᠠᠷᠢᠶᠠᠯᠠᠭᠤᠯᠪᠠ᠃1928 ᠣᠨ ᠳᠤ ᠴᠠᠬᠠᠷ ᠳᠣᠰᠬᠠᠢ ᠣᠷᠣᠨ ᠢ ᠮᠣᠵᠢ | ᠪᠣᠯᠭᠠᠨ ᠥᠭᠡᠷᠡᠴᠢᠯᠡᠨ ᠴᠠᠬᠠᠷ ᠮᠣᠵᠢ ᠬᠡᠮᠡᠵᠦ᠂ ᠣᠣᠯ ᠤᠨ ᠪᠠᠷᠠᠭᠤᠨ ᠴᠠᠬᠠᠷ ᠤᠨ ᠭᠦᠯᠦ ᠰᠢᠷᠠ᠂ ᠭᠦᠯᠦ ᠣᠯᠠᠭᠠᠨ᠂ | ᠬᠥᠪᠡᠭᠡᠲᠦ ᠣᠯᠠᠭᠠᠨ᠂ ᠬᠥᠪᠡᠭᠡᠲᠦ ᠬᠥᠬᠡ ᠬᠤᠰᠢᠭᠤᠳ ᠢ ᠰᠣᠶᠢᠶᠣᠸᠠᠨ ᠮᠣᠵᠢ ᠳᠤ ᠬᠤᠪᠢᠶᠠᠷᠢᠯᠠᠨ ᠬᠠᠷᠢᠶᠠᠯᠠᠭᠤᠯᠵᠠᠢ᠃ | 1947 ᠣᠨ ᠳᠤ ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠲᠡᠭᠡᠨ ᠵᠡᠰᠠᠬᠤ ᠣᠷᠣᠨ ᠪᠠᠶᠢᠭᠤᠯᠣᠭᠳᠠᠵᠤ᠂ ᠣᠣᠯ ᠤᠨ | ᠴᠠᠬᠠᠷ ᠠᠷᠪᠠᠨ ᠬᠤᠶᠠᠷ ᠰᠦᠷᠦᠭ ᠢ ᠴᠠᠬᠠᠷ ᠠᠶᠢᠮᠠᠭ ᠪᠠ ᠬᠤᠰᠢᠭᠤ ᠪᠣᠯᠭᠠᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠤ᠂ ᠳᠥᠷᠪᠡᠨ ᠮᠠᠯᠵᠢᠯ | ᠰᠦᠷᠦᠭ ᠢ ᠪᠥᠬᠦᠨ ᠢ ᠬᠤᠰᠢᠭᠤ ᠪᠣᠯᠭᠠᠨ ᠥᠭᠡᠷᠡᠴᠢᠯᠡᠵᠠᠢ᠃ | 1958 ᠣᠨ ᠤ 9 ᠰᠠᠷᠠ ᠳᠤ ᠴᠠᠬᠠᠷ ᠠᠶᠢᠮᠠᠭ ᠤᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠪᠠᠶᠢᠭᠤᠯᠣᠮᠵᠢ ᠶᠢ ᠬᠠᠰᠣᠵᠤ᠂ | ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠲᠠᠢ ᠨᠡᠶᠢᠯᠡᠭᠦᠯᠦᠨ᠂ ᠦᠨᠢ ᠣᠳᠠᠭᠠᠨ ᠲᠡᠦᠬᠡ ᠲᠠᠢ ᠴᠠᠬᠠᠷ ᠮᠣᠩᠭᠤᠯ ᠤᠨ ᠪᠡᠶᠡ ᠪᠠᠨ | ᠳᠠᠭᠠᠭᠠᠭᠰᠠᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠪᠠᠶᠢᠭᠤᠯᠣᠮᠵᠢ ᠶᠢᠨ ᠲᠡᠦᠬᠡ ᠢᠩᠭᠢᠵᠦ ᠡᠴᠦᠰᠯᠡᠵᠡᠢ᠃ | ᠢᠷᠡᠯᠳᠡ᠄ ︽ᠴᠠᠬᠠᠷ ᠵᠠᠩ ᠦᠢᠯᠡ︾ ᠭᠡᠬᠦ ᠨᠤᠮ ᠠᠴᠠ ᠮᠠᠶᠢᠯᠠᠰᠣ ᠰᠡᠶᠢᠷᠡᠬᠦᠯᠪᠡ |