| | ᠮᠢᠨᠤ ᠮᠤᠩᠭᠤᠯ ᠬᠡᠯᠡ | ᠲᠦᠩᠯᠢᠶᠤᠤ ᠬᠤᠳᠠ ᠶᠢᠨ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠲᠤᠮᠳᠠᠳᠤ ᠬᠤᠰᠢᠭᠤ | ᠬᠠᠨ ᠰᠧ ᠬᠠᠢ | ᠡᠷᠭᠦᠨᠡ ᠬᠤᠨ ᠤ ᠬᠦᠳᠡᠷ ᠰᠢᠭ ᠢᠶᠠᠨ ᠤᠶᠤᠨ ᠢ ᠭᠡᠷᠡᠯᠳᠦᠭᠦᠯᠦᠭᠰᠡᠨ | ᠠᠯᠳᠠ ᠬᠠᠰ ᠤᠨ ᠰᠤᠷᠭᠠᠯ ᠢᠶᠠᠷ ᠢᠶᠠᠨ ᠲᠦᠷᠦ ᠪᠠᠨ ᠪᠠᠬᠢᠯᠡᠭᠰᠡᠨ | ᠡᠴᠢᠨᠡ《 ᠨᠢᠭᠤᠴᠠ ᠲᠤᠪᠴᠢᠶᠠᠨ》 ᠢᠶᠠᠨ ᠦᠪᠯᠡᠵᠦ ᠦᠯᠡᠳᠡᠭᠡᠭᠰᠡᠨ | ᠡᠷᠳᠡᠮᠳᠤ ᠲᠠᠳᠠᠳᠤᠩᠭᠠ ᠶᠢᠨ ᠠᠪᠢᠶᠠᠰ ᠢᠶᠠᠷ ᠦᠨᠢ ᠠᠮᠢᠯᠠᠭᠰᠠᠨ | ᠦᠰᠬᠦ ᠠᠴᠠ ᠰᠤᠷᠤᠭᠰᠠᠨ ᠮᠤᠩᠭᠤᠯ ᠬᠡᠯᠡ | ᠦᠪ ᠶᠡᠭᠡ ᠡᠷᠳᠡᠨᠢᠳᠦ ᠰᠤᠶᠤᠯ ᠡ | ᠬᠠᠶᠢᠷᠠ ᠪᠠᠨ ᠪᠢ ᠲᠠᠨ ᠳᠤ ᠪᠠᠨ ᠡᠷᠭᠦᠶᠡ | ᠢᠳᠡᠭᠡᠯ ᠢᠶᠠᠨ ᠪᠢ ᠲᠠᠨ ᠳᠤ ᠪᠠᠨ ᠲᠡᠪᠰᠢᠭᠦᠯᠦᠶᠡ | ᠤᠳᠤᠮᠳᠤ ᠮᠤᠩᠭᠤᠯ ᠦᠷᠡᠰ ᠢᠶᠠᠨ ᠰᠢᠭ ᠴᠤᠭᠴᠠ ᠪᠦᠷᠢᠳᠦᠭᠰᠡᠨ | ᠤᠨᠴᠠ ᠶᠢᠨ ᠬᠦᠴᠢᠷ ᠪᠡᠷᠬᠡ ᠶᠢ ᠢᠯᠠᠨ ᠲᠤᠭᠤᠯᠤᠭᠰᠠᠨ | ᠡᠵᠡᠨ ᠴᠢᠩᠭᠢᠰ ᠲᠠᠢ ᠪᠠᠨ ᠬᠠᠮᠳᠤ ᠲᠡᠯᠡᠬᠡᠢ ᠳᠤ ᠲᠠᠭᠤᠷᠢᠰᠤᠭᠰᠠᠨ | ᠦᠨᠢᠷ ᠤᠯᠠᠨ ᠮᠤᠩᠭᠤᠯᠴᠤᠳ ᠲᠤ ᠪᠠᠨ ᠰᠢᠳᠤᠨ ᠪᠢᠰᠢᠷᠡᠭᠳᠡᠭᠰᠡᠨ | ᠦᠰᠬᠦ ᠠᠴᠠ ᠰᠤᠷᠤᠭᠰᠠᠨ ᠮᠤᠩᠭᠤᠯ ᠬᠡᠯᠡ | ᠦᠪ ᠶᠡᠭᠡ ᠡᠷᠳᠡᠨᠢᠳᠦ ᠰᠤᠶᠤᠯ ᠡ | ᠬᠠᠶᠢᠷᠠ ᠪᠠᠨ ᠪᠢ ᠲᠠᠨ ᠳᠤ ᠪᠠᠨ ᠡᠷᠭᠦᠶᠡ | ᠢᠳᠡᠭᠡᠯ ᠢᠶᠠᠨ ᠪᠢ ᠲᠠᠨ ᠳᠤ ᠪᠠᠨ ᠲᠡᠪᠰᠢᠭᠦᠯᠦᠶᠡ | ᠲᠠᠯᠠᠢ ᠪᠠᠶᠠᠨ ᠬᠡᠯᠡᠴᠡ ᠪᠠᠷ ᠢᠶᠠᠨ ᠤᠯᠠᠨᠠ ᠭᠠᠶᠢᠬᠠᠭᠳᠠᠭᠰᠠᠨ | ᠲᠠᠭᠤᠯᠠᠵᠤ ᠶᠠᠷᠢᠬᠤ ᠳᠤ ᠴᠢᠬᠢᠨ ᠤ ᠴᠢᠮᠡᠭ ᠪᠤᠯᠤᠭᠰᠠᠨ | ᠲᠡᠯᠭᠡᠷ ᠮᠤᠩᠭᠤᠯ ᠤᠯᠤᠰ ᠢᠶᠠᠨ ᠮᠠᠨᠳᠤᠭᠤᠯᠵᠤ ᠪᠤᠰᠬᠠᠭᠰᠠᠨ | ᠲᠡᠭᠵᠢᠷᠡᠨ ᠮᠠᠨᠳᠤᠬᠤ ᠶᠢᠨ ᠰᠢᠨᠵᠢ ᠲᠡᠭᠦᠰ ᠪᠦᠷᠢᠳᠦᠭᠰᠡᠨ | ᠦᠰᠬᠦ ᠠᠴᠠ ᠰᠤᠷᠤᠭᠰᠠᠨ ᠮᠤᠩᠭᠤᠯ ᠬᠡᠯᠡ | ᠦᠪ ᠶᠡᠭᠡ ᠡᠷᠳᠡᠨᠢᠳᠦ ᠰᠤᠶᠤᠯ ᠡ | ᠬᠠᠶᠢᠷᠠ ᠪᠠᠨ ᠪᠢ ᠲᠠᠨ ᠳᠤ ᠪᠠᠨ ᠡᠷᠭᠦᠶᠡ | ᠢᠳᠡᠭᠡᠯ ᠢᠶᠠᠨ ᠪᠢ ᠲᠠᠨ ᠳᠤ ᠪᠠᠨ ᠲᠡᠪᠰᠢᠭᠦᠯᠦᠶᠡ | |