| | ᠮᠢᠨᠤ ᠮᠤᠩᠭᠤᠯ ᠬᠡᠯᠡ | ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ | ᠰᠢᠯᠤᠭᠤᠨ ᠬᠦᠪᠡᠭᠡᠲᠦ ᠴᠠᠭᠠᠨ ᠬᠤᠰᠢᠭᠤ | ᠲᠠᠮᠴᠤᠬᠳᠤᠩᠷᠤᠪ | | ᠤᠴᠠᠷᠠᠵᠤ ᠠᠭᠤᠯᠵᠠᠬᠤ ᠵᠤᠯᠭᠠᠯᠲᠠ ᠪᠦᠬᠦᠨ ᠳ᠋ᠡᠭᠡᠨᠰᠠᠶᠢᠨ ᠤᠤ ᠮᠡᠨᠲᠤ ᠤᠤ | ᠢᠷᠤᠭᠡᠯ ᠵᠦᠩᠨᠡᠯ ᠤᠨ ᠡᠬᠢᠯᠡᠯ ᠲᠠᠢ | ᠤᠴᠢᠷᠯᠠᠵᠤ ᠬᠡᠯᠡᠬᠦ ᠶᠠᠷᠢᠶᠠᠨ ᠪᠤᠯᠭᠠᠨ ᠳᠠᠭᠠᠨ ᠰᠠᠶᠢᠬᠠᠨ ᠰᠡᠳᠬᠢᠯ | ᠢᠪᠡᠭᠡᠯ ᠬᠠᠶᠢᠷᠠ ᠶᠢᠨ ᠡᠨᠡᠷᠢᠯ ᠲᠠᠢ | ᠤᠶᠠᠩᠭᠠᠯᠠᠵᠤ ᠡᠭᠦᠰᠬᠡᠬᠦ ᠦᠯᠢᠭᠡᠷ ᠬᠤᠯᠪᠤᠭᠠ ᠳ᠋ᠠᠭᠠᠨᠰᠠᠨᠠᠭᠠ ᠪᠤᠳᠤᠯ | ᠢᠳᠡᠬᠡᠯ ᠨᠠᠶᠢᠳᠠᠯ ᠤᠨ ᠡᠶᠡᠷᠯᠡᠯ ᠲᠠᠢ | ᠤᠷᠠᠯᠠᠵᠤ ᠪᠦᠲᠦᠭᠡᠬᠦ ᠠᠤᠭᠠ ᠤᠶᠢᠯᠡᠰ ᠲᠡᠭᠡᠨ ᠰᠠᠴᠤᠷᠠᠮᠠ ᠲᠤᠸᠠᠯᠠᠮᠠ | ᠢᠳᠡ ᠬᠦᠭᠵᠢᠯ ᠤᠨ ᠡᠷᠴᠢᠯᠡᠯ ᠲᠠᠢ | ᠮᠢᠨᠤ ᠮᠤᠩᠭᠤᠯ ᠬᠡᠯᠡ— | ᠪᠤᠶᠠᠨ ᠬᠡᠰᠢᠭ ᠤᠨ ᠰᠤᠶᠤᠷᠬᠠᠯ ᠲᠠᠢ | ᠮᠢᠨᠤ ᠮᠤᠩᠭᠤᠯ ᠬᠡᠯᠡ— | ᠪᠤᠮᠠᠨ ᠬᠡᠯᠲᠡᠰ ᠤᠨ ᠰᠤᠨᠢᠷᠬᠠᠯ ᠲᠠᠢ | ᠳᠠᠭᠤᠳᠠᠵᠤ ᠨᠡᠷᠡᠯᠡᠬᠦ ᠠᠯᠳᠠᠷ ᠴᠤᠯᠠ ᠳᠠᠭᠠᠨ ᠮᠦᠷᠦᠭᠡᠲᠤᠯ ᠪᠡᠯᠭᠡᠳᠡᠯ | ᠲᠤᠩᠭᠠᠯᠠᠭ ᠰᠠᠶᠢᠨ ᠤ ᠰᠢᠪᠰᠢᠭᠡ ᠲᠠᠢ | ᠳᠠᠭᠤᠯᠠᠵᠤ ᠰᠢᠯᠦᠭᠯᠡᠬᠦ ᠠᠶᠠᠯᠭᠤ ᠡᠬᠡᠰᠢᠭᠯᠡᠯ ᠳᠡᠭᠡᠨ ᠮᠦᠩᠬᠡ ᠠᠯᠳᠠᠷᠰᠢᠯ | ᠳᠠᠭᠤᠷᠢᠰᠬᠤ ᠰᠣᠳᠤᠨ ᠨᠤᠭᠤᠯᠤᠭᠠ ᠲᠠᠢ | ᠲᠠᠭᠠᠷᠠᠵᠤ ᠶᠠᠷᠢᠯᠴᠠᠬᠤ ᠠᠷᠢᠭᠤᠨ ᠵᠤᠭᠤᠭ ᠲᠠᠭᠠᠨ ᠮᠦᠨ ᠵᠦᠪ ᠦᠨᠡᠨ | ᠲᠤᠭᠤᠯᠭᠠᠬᠤ ᠰᠤᠶᠤᠨ ᠵᠠᠬᠢᠮᠵᠢ ᠲᠠᠢ | ᠳᠠᠶᠠᠭᠠᠷ ᠬᠦᠭᠵᠢᠬᠦᠯᠬᠦ ᠠᠭᠤᠤ ᠤᠯᠠᠮᠵᠢᠯᠠᠯ ᠳᠠᠭᠠᠨ ᠮᠦᠩᠬᠡᠲᠡ ᠢᠯᠡᠷᠡᠬᠦ | ᠲᠠᠷᠬᠠᠨ ᠬᠡᠯᠡᠨ ᠤ ᠪᠠᠶᠠᠯᠢᠭ ᠲᠠᠢ | ᠮᠢᠨᠤ ᠮᠤᠩᠭᠤᠯ ᠬᠡᠯᠡ— | ᠤᠷᠢᠬᠠᠨ ᠰᠠᠨᠨᠠᠭᠠᠨ ᠤ ᠡᠬᠡᠰᠢᠭ ᠲᠠᠢ | ᠮᠢᠨᠤ ᠮᠤᠩᠭᠤᠯ ᠬᠡᠯᠡ— | ᠤᠶᠠᠬᠠᠨ ᠰᠡᠳᠬᠢᠯ ᠤᠨ ᠲᠤᠤᠯᠢᠶᠠᠨ ᠲᠠᠢ | ᠰᠡᠷᠡᠯ ᠴᠤᠬᠯᠠᠬᠤ ᠰᠡᠳᠬᠢᠴᠡ ᠦᠨᠳᠤᠷ ᠲᠡᠭᠡᠨ ᠪᠠᠳᠠᠷᠠᠭᠤᠨ ᠲᠤᠷᠠᠶᠢᠬᠤ | ᠦᠰᠦᠭ ᠪᠤᠰᠤᠭᠠ ᠬᠡᠶᠢᠮᠤᠷᠢ ᠵᠤᠯᠪᠤᠭᠠ ᠲᠠᠢ | ᠰᠡᠷᠭᠦᠯᠡᠩ ᠬᠤᠷᠠᠬᠤ ᠪᠠᠶᠢᠭᠠᠯᠢᠯᠢᠭ ᠠᠪᠢᠶᠠᠨ ᠳᠠᠭᠠᠨ ᠪᠠᠶᠠᠨ ᠲᠠᠩᠰᠤᠭ | ᠦᠬᠡ ᠬᠡᠯᠡᠨ ᠤ ᠤᠶᠤᠨ ᠤᠨᠳᠤᠷᠭᠠ ᠲᠠᠢ | ᠰᠡᠳᠬᠢᠯ ᠪᠠᠶ᠋ᠰᠬᠠᠬᠤ ᠲᠡᠭᠷᠢᠯᠢᠭ ᠵᠠᠶᠠᠭᠠᠨ ᠳᠠᠭᠠᠨ ᠪᠠᠷᠳᠠᠮ ᠤᠮᠤᠭ | ᠦᠨᠳᠤᠰᠤ ᠤᠬᠰᠠᠭᠠᠨ ᠤ ᠵᠠᠯᠭᠠᠮᠵᠢ ᠲᠠᠢ | ᠰᠡᠷᠭᠦᠵᠦ ᠮᠠᠨᠳᠤᠬᠤ ᠬᠤᠶᠢᠰᠢᠲᠠ ᠬᠦᠰᠡᠯᠡᠩ ᠳᠡᠭᠡᠨ ᠪᠠᠭ᠋ᠠᠲᠤᠬᠤ ᠵᠤᠷᠢᠭ | ᠦᠨᠢᠲᠡ ᠮᠦᠩᠬᠡ ᠬᠦᠰᠡᠯ ᠤᠶᠠᠭᠠ ᠲᠠᠢ | ᠮᠢᠨᠤ ᠮᠤᠩᠭᠤᠯ ᠬᠡᠯᠡ— | ᠰᠤᠤ ᠬᠡᠶᠢᠮᠤᠷᠢ ᠶᠢᠨ ᠳᠠᠯᠠᠯᠭᠠ ᠲᠠᠢ | ᠮᠢᠨᠤ ᠮᠤᠩᠭᠤᠯ ᠬᠡᠯᠡ— | ᠰᠤᠶᠤᠯᠵᠢᠭᠤᠨ ᠲᠠᠮᠢᠷ ᠤᠨ ᠬᠤᠷᠤᠢ ᠲᠠᠢ | | |