| | ᠮᠢᠨᠤ ᠮᠤᠩᠭᠤᠯ ᠬᠡᠯᠡ | ᠤᠯᠠᠭᠠᠠᠬᠠᠳᠠ ᠬᠤᠲᠠ ᠶᠢᠨ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤ | ᠬᠠᠨ ᠰᠡᠳᠭᠢᠬᠦᠢ | | ᠨᠠᠷᠠ ᠡᠷᠭᠢᠬᠦᠯᠵᠦ ᠲᠠᠲᠠᠯᠠᠭᠰᠠᠨ ᠢᠷᠠᠭᠤ ᠬᠡᠯᠡ | ᠰᠠᠷᠠ ᠤᠷᠭᠠᠯᠠᠵᠤ ᠵᠢᠷᠪᠢᠯᠵᠡᠭᠰᠡᠨ ᠲᠤᠳᠤ ᠬᠡᠯᠡ | ᠤᠳᠤᠳ ᠱᠤᠬᠤᠭᠤᠷᠬᠠᠵᠤ ᠨᠤᠲᠤᠭᠯᠠᠭᠰᠠᠨ ᠴᠢᠮᠡᠭ ᠬᠡᠯᠡ | ᠤᠷᠴᠢᠯᠠᠩ ᠭᠡᠶᠢᠭᠦᠯᠵᠦ ᠲᠤᠨᠤᠷᠠᠭᠰᠠᠨ ᠮᠦᠩᠬᠡ ᠬᠡᠯᠡ | ᠮᠢᠨᠤ ᠮᠤᠩᠭᠤᠯ ᠬᠡᠯᠡ᠂ ᠠᠯᠲᠠᠨ ᠬᠡᠯᠡ | ᠮᠦᠩᠬᠡ ᠲᠡᠭᠷᠢ ᠠᠴᠠ ᠡᠰᠢᠲᠡᠢ ᠳᠠᠷᠬᠠᠨ ᠬᠡᠯᠡ | ᠳᠡᠯᠡᠬᠡᠢ ᠶᠢᠨ ᠨᠢᠷᠤᠭᠤᠨ ᠳᠤ ᠵᠠᠪᠢᠯᠠᠭᠰᠠᠨ ᠰᠦᠵᠢᠭ ᠬᠡᠯᠡ | ᠳᠡᠪᠡᠯ ᠲᠠᠢ ᠮᠤᠩᠭᠤᠯ ᠳᠤ ᠢᠪᠢᠯᠦᠭᠰᠡᠨ ᠰᠦᠨ ᠬᠡᠯᠡ | ᠲᠤᠭᠤᠨᠤ ᠲᠤᠰᠢᠶᠠ ᠶᠢᠷᠲᠢᠨᠴᠦ ᠶᠢᠨ ᠰᠤᠶᠤᠷᠬᠠᠯ ᠬᠡᠯᠡ | ᠲᠡᠭᠷᠢ ᠭᠠᠵᠠᠷ ᠢ ᠬᠤᠯᠪᠤᠭᠰᠠᠨ ᠪᠤᠰᠤᠭᠠ ᠬᠡᠯᠡ | ᠮᠢᠨᠤ ᠮᠤᠩᠭᠤᠯ ᠬᠡᠯᠡ᠂ ᠲᠤᠷᠭᠠᠨ ᠬᠡᠯᠡ | ᠮᠦᠩᠬᠡ ᠲᠡᠭᠷᠢ ᠠᠴᠠ ᠡᠰᠢᠲᠡᠢ ᠳᠠᠷᠬᠠᠨ ᠬᠡᠯᠡ | ᠬᠠᠭᠠᠨ ᠴᠢᠩᠭᠢᠰ ᠠᠴᠠ ᠤᠯᠠᠮᠵᠢᠯᠠᠭᠰᠠᠨ ᠦᠪ ᠬᠡᠯᠡ | ᠬᠠᠲᠤᠨ ᠮᠠᠨᠳᠤᠬᠠᠢ ᠶᠢᠨ ᠵᠠᠬᠢᠶᠠᠰᠤ ᠲᠠᠢ ᠴᠡᠴᠡᠨ ᠬᠡᠯᠡ | ᠬᠠᠮᠤᠭ ᠮᠤᠩᠭᠤᠯ ᠤᠨ ᠰᠢᠲᠦᠭᠡᠨ ᠲᠠᠢ ᠪᠤᠷᠬᠠᠨ ᠬᠡᠯᠡ | ᠬᠠᠰᠪᠤᠤ ᠡᠷᠳᠡᠨᠢ ᠲᠠᠮᠠᠭᠠ ᠲᠠᠢ ᠴᠠᠳᠢᠭ ᠬᠡᠯᠡ | ᠮᠢᠨᠤ ᠮᠤᠩᠭᠤᠯ ᠬᠡᠯᠡ᠂ ᠲᠠᠩᠰᠤᠭ ᠬᠡᠯᠡ | ᠮᠦᠩᠬᠡ ᠲᠡᠭᠷᠢ ᠠᠴᠠ ᠡᠰᠢᠲᠡᠢ ᠳᠠᠷᠬᠠᠨ ᠬᠡᠯᠡ | | |