| | ᠮᠢᠨᠤ ᠮᠣᠩᠭᠤᠯ ᠬᠡᠯᠡ | ᠤᠯᠠᠭᠠᠨᠬᠠᠲᠠ ᠬᠤᠲᠠ ᠶᠢᠨ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤ | ᠰ᠊ · ᠳᠣᠯᠭᠢᠶᠠ | ᠠᠯᠲᠠᠨ ᠳᠡᠯᠡᠬᠡᠢ ᠶᠢᠨ ᠠᠭᠤᠯᠠ ᠬᠠᠶᠢᠷᠬᠠᠳ ᠤᠨ ᠠᠯᠳᠠᠷ ᠲᠤ ᠰᠢᠩᠭᠡᠭᠰᠡᠨ ᠢᠷᠠᠭᠤᠬᠠᠨ | ᠠᠽᠢᠶᠠ ᠡᠸᠦ᠋ᠷᠦᠫᠡ ᠶᠢᠨ ᠰᠡᠳᠬᠢᠯ ᠵᠢᠷᠦᠬᠡᠨ ᠳᠤ ᠠᠶᠠᠯᠭᠤ ᠨᠢ ᠴᠤᠤᠷᠢᠶᠠᠳᠤᠭᠰᠠᠨ ᠢᠯᠭᠤᠮᠬᠠᠨ | ᠠᠭᠲᠠ ᠶᠢᠨ ᠲᠣᠷᠭᠠᠨ ᠭᠦᠶᠦᠳᠡᠯ ᠳᠡᠭᠡᠷᠡ ᠠᠵᠠ ᠶᠢᠨ ᠵᠠᠶᠠᠭᠠ ᠲᠠᠢ ᠬᠡᠶᠢᠮᠥᠷᠢᠯᠢᠭ | ᠠᠯᠳᠠᠢ ᠶᠢᠨ ᠴᠡᠩᠬᠡᠷ ᠲᠡᠭᠷᠢ ᠶᠢᠨ ᠳᠣᠣᠷᠠ ᠠᠪᠢᠶᠠ ᠪᠦᠷᠢᠨ ᠮᠣᠩᠭᠤᠯ ᠬᠡᠯᠡ | ᠬᠡᠯᠡ ᠮᠢᠨᠢ ᠪᠠᠶᠢᠬᠤ ᠪᠠᠷ ᠢᠶᠠᠨ | ᠬᠡᠶᠢᠮᠤᠷᠢ ᠮᠢᠨᠢ ᠪᠣᠰᠤᠭᠠ | ᠬᠡᠯᠡ ᠮᠢᠨᠢ ᠪᠠᠶᠢᠬᠤ ᠪᠠᠷ ᠢᠶᠠᠨ | ᠮᠣᠩᠭᠤᠯ ᠮᠢᠨᠢ ᠵᠣᠭᠰᠤᠭᠠ | ᠨᠠᠷᠠᠨ ᠰᠠᠷᠠᠨ ᠣᠳᠣᠨ ᠤ ᠭᠡᠭᠡ ᠨᠢ ᠠᠭᠤᠰᠤᠭᠰᠠᠨ ᠥᠩᠭᠡ ᠲᠠᠢ | ᠨᠠᠮᠤᠷ ᠬᠠᠪᠤᠷ ᠳᠥᠷᠪᠡᠨ ᠴᠠᠭ ᠢᠶᠠᠷ ᠤᠰᠤ ᠪᠠᠨ ᠳᠠᠭᠠᠭᠰᠠᠨ ᠳᠠᠭᠤᠤ ᠲᠠᠢ | ᠨᠠᠪᠴᠢ ᠴᠡᠴᠡᠭ ᠵᠢᠮᠢᠰ ᠪᠦᠬᠦᠨ ᠬᠠᠶᠢᠷᠠ ᠪᠠᠨ ᠢᠪᠢᠯᠦᠭᠰᠡᠨ ᠰᠦ ᠲᠠᠢ | ᠨᠠᠯᠠᠭᠠᠷ ᠠᠭᠤᠳᠠᠮ ᠮᠣᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠠᠴᠠ ᠡᠭᠡᠰᠢᠭ ᠨᠢ ᠬᠠᠩᠭᠢᠨᠠᠭᠰᠠᠨ ᠰᠣᠳᠣᠨ ᠬᠡᠯᠡ | ︵ᠳᠠᠬᠢᠯᠲᠠ︶ | ᠡᠾᠥ᠋ᠩᠨᠦ ᠬᠥᠬᠡ ᠳᠣᠭᠰᠢᠳ ᠤᠨ ᠬᠦᠳᠦᠰᠦᠨ ᠳᠡᠪᠡᠯ ᠤᠨ ᠤᠷᠠᠩᠬᠠᠢ | ᠬᠥᠳᠡᠩᠲᠦ ᠪᠣᠭᠤᠷᠣᠯ ᠠᠭᠤᠯᠠ ᠣᠰᠣᠨ ᠤ ᠬᠢᠨᠢ ᠰᠦᠷ ᠬᠦᠴᠦᠨ ᠤ ᠲᠠᠰᠤᠷᠬᠠᠢ | ᠡᠭᠡᠰᠢᠭ ᠳᠣᠯᠣᠭᠠᠨ ᠠᠪᠢᠶᠠ ᠲᠠᠢ ᠢᠷᠠᠭᠤ ᠲᠠᠩᠰᠤᠭ ᠮᠣᠩᠭᠤᠯ ᠬᠡᠯᠡ | ᠶᠢᠷᠲᠢᠨᠴᠦ ᠶᠢᠨ ᠴᠢᠬᠢᠨ ᠳᠤ ᠳᠠᠭᠤᠷᠢᠰᠤᠭᠰᠠᠨ ᠮᠢᠨᠤ ᠰᠠᠶᠢᠬᠠᠨ ᠡᠬᠡ ᠬᠡᠯᠡ | ︵ᠳᠠᠬᠢᠯᠲᠠ︶ |