| | ᠮᠢᠨᠤ ᠮᠤᠩᠭᠤᠯ ᠬᠡᠯᠡ | ᠤᠯᠠᠭᠠᠨᠬᠠᠳᠠ ᠬᠤᠲᠠ | ᠪᠤᠷᠵᠢᠭᠢᠨ ᠰ᠊᠂ ᠳᠡᠯᠭᠡᠷ | ᠪᠠᠷᠠᠭᠤᠨ ᠬᠤᠶᠢᠰᠢ ᠪᠠᠨ ᠰᠦᠵᠢᠭᠯᠡᠭᠰᠡᠨ ᠠᠯᠲᠠᠢ ᠶᠢᠨ ᠴᠠᠭᠠᠨ ᠲᠤᠯᠤᠭᠠᠢ ᠲᠠᠢ | ᠪᠤᠷᠬᠠᠨ ᠲᠡᠭᠷᠢ ᠶᠢᠨ ᠪᠢᠴᠢᠭᠯᠡᠭᠰᠡᠨ ᠤᠳᠤᠨ ᠳᠤᠯᠤᠭᠠᠨ ᠡᠭᠡᠰᠢᠭ ᠲᠠᠢ | ᠦᠭᠡᠲᠡᠨ ᠬᠡᠯᠡᠲᠡᠨ ᠢ ᠰᠦᠬᠦᠭᠡᠭᠰᠡᠨ ᠰᠤᠶᠤᠨ ᠭᠡᠶᠢᠭᠦᠯᠦᠭᠴᠢ ᠠᠪᠢᠶᠠ ᠲᠠᠢ | ᠦᠷᠭᠡᠷᠢᠭ ᠤᠷᠲᠤᠷᠢᠭ ᠢ ᠮᠤᠬᠤᠭᠠᠭᠰᠠᠨ ᠨᠤᠲᠤᠭ ᠳᠡᠪᠢᠰᠭᠡᠷ ᠦᠰᠦᠭ ᠲᠠᠢ | ᠬᠤᠷᠤᠳ ᠤᠨ ᠬᠡᠪ ᠢᠶᠠᠷ ᠲᠠᠮᠠᠭᠠᠯᠠᠭᠰᠠᠨ ᠬᠤᠲᠤᠮ ᠪᠤᠰᠤᠭᠠ ᠵᠠᠷᠯᠢᠭ ᠲᠠᠢ | ᠬᠤᠭᠤᠷ ᠤᠨ ᠬᠦᠪᠴᠢ ᠪᠠᠷ ᠤᠷᠭᠠᠯᠠᠭᠰᠠᠨ ᠬᠤᠯᠪᠤᠭᠠ ᠰᠢᠯᠦᠭ ᠤᠨ ᠤᠩᠰᠢᠯᠭᠠ ᠲᠠᠢ | ᠲᠤᠷᠭᠠᠨ ᠵᠠᠮ ᠢᠶᠠᠷ ᠳᠠᠪᠬᠢᠭᠰᠠᠨ ᠤᠶᠢᠭᠤᠷᠵᠢᠨ ᠵᠤᠭᠰᠤᠭᠠ ᠵᠠᠬᠢᠶᠠ ᠲᠠᠢ | ᠲᠠᠪᠤᠨ ᠲᠢᠪ ᠢ ᠡᠪᠬᠡᠭᠰᠡᠨ ᠤᠷᠲᠤ ᠶᠢᠨ ᠳᠠᠭᠤᠤ ᠶᠢᠨ ᠪᠢᠴᠢᠯᠭᠡ ᠲᠠᠢ | ᠳᠠᠭᠤᠤ ᠳᠠᠭᠤᠨ ᠤ ᠨᠤᠭᠤᠯᠤᠭᠠ ᠪᠠᠷ ᠢᠶᠠᠨ ᠰᠡᠳᠭᠢᠯ ᠵᠦᠪᠯᠡᠭᠰᠡᠨ ᠬᠡᠯᠡ ᠮᠢᠨᠤ ᠳ᠋ᠧ | ᠰᠦ ᠰᠦᠨ ᠤ ᠰᠠᠴᠤᠯᠢ ᠪᠠᠷ ᠢᠶᠠᠨ ᠢᠲᠡᠭᠡᠯ ᠦᠪᠯᠡᠭᠰᠡᠨ ᠬᠡᠯᠡ ᠮᠢᠨᠤ ᠵᠧ | ᠡᠵᠢ ᠡᠵᠢ ᠶᠢᠨ ᠪᠦᠪᠡᠢ ᠪᠠᠷ ᠢᠶᠠᠨ ᠦᠯᠦᠭᠡᠢ ᠳᠤ ᠰᠤᠷᠭᠠᠭᠰᠠᠨ ᠬᠡᠯᠡ ᠮᠢᠨᠤ ᠳ᠋ᠧ | ᠡᠷᠢᠨ ᠡᠷᠢᠨ ᠤ ᠤᠤᠬᠠᠢ ᠪᠠᠷ ᠢᠶᠠᠨ ᠳᠡᠯᠡᠬᠡᠢ ᠳᠤ ᠲᠠᠷᠬᠠᠭᠰᠠᠨ ᠬᠡᠯᠡ ᠮᠢᠨᠤ ᠵᠧ | ᠦᠨᠳᠦᠷ ᠲᠡᠭᠷᠢ ᠲᠠᠢ ᠨᠡᠪᠲᠡᠷᠡᠭᠰᠡᠨ ᠤᠩᠭᠤᠳ ᠤᠨ ᠴᠠᠭᠠᠨ ᠪᠦᠭᠡᠯᠡᠯ ᠲᠠᠢ | ᠦᠷᠦᠨᠡ ᠳᠤᠷᠤᠨᠠ ᠶᠢ ᠨᠢᠭᠡᠳᠭᠡᠭᠰᠡᠨ ᠮᠤᠩᠭᠤᠯ ᠤᠨ ᠬᠠᠭᠠᠨ ᠦᠭᠦᠯᠡᠯ ᠲᠠᠢ | ᠬᠤᠷᠮᠤᠰᠲᠠ ᠶᠢᠨ ᠬᠦᠭ ᠢᠶᠠᠷ ᠤᠶᠠᠷᠠᠭᠠᠭᠰᠠᠨ ᠬᠤᠷᠸᠠ ᠠᠷᠭᠠᠳᠠᠬᠤ ᠠᠷᠠᠨᠰᠢᠨ ᠲᠠᠢ | ᠬᠤᠤᠰ ᠤᠨ ᠡᠭᠡᠰᠢᠭ ᠢᠶᠠᠷ ᠵᠢᠷᠭᠠᠭᠠᠭᠰᠠᠨ ᠬᠠᠶᠢᠷᠠ ᠬᠤᠷᠭᠤᠳᠠᠬᠤ ᠰᠤᠷᠢᠨᠵᠢᠨ ᠲᠠᠢ | ᠳᠠᠭᠤᠤ ᠳᠠᠭᠤᠨ ᠤ ᠨᠤᠭᠤᠯᠤᠭᠠ ᠪᠠᠷ ᠢᠶᠠᠨ ᠰᠡᠳᠭᠢᠯ ᠵᠦᠪᠯᠡᠭᠰᠡᠨ ᠬᠡᠯᠡ ᠮᠢᠨᠤ ᠳ᠋ᠧ | ᠰᠦ ᠰᠦᠨ ᠤ ᠰᠠᠴᠤᠯᠢ ᠪᠠᠷ ᠢᠶᠠᠨ ᠢᠲᠡᠭᠡᠯ ᠦᠪᠯᠡᠭᠰᠡᠨ ᠬᠡᠯᠡ ᠮᠢᠨᠤ ᠵᠧ | ᠡᠵᠢ ᠡᠵᠢ ᠶᠢᠨ ᠪᠦᠪᠡᠢ ᠪᠠᠷ ᠢᠶᠠᠨ ᠦᠯᠦᠭᠡᠢ ᠳᠤ ᠰᠤᠷᠭᠠᠭᠰᠠᠨ ᠬᠡᠯᠡ ᠮᠢᠨᠤ ᠳ᠋ᠧ | ᠡᠷᠢᠨ ᠡᠷᠢᠨ ᠤ ᠤᠤᠬᠠᠢ ᠪᠠᠷ ᠢᠶᠠᠨ ᠳᠡᠯᠡᠬᠡᠢ ᠳᠤ ᠲᠠᠷᠬᠠᠭᠰᠠᠨ ᠬᠡᠯᠡ ᠮᠢᠨᠤ ᠵᠧ | |