| ᠬᠠᠮ ᠵᠠᠭᠤᠴᠢᠯᠠᠭᠤᠷ ᠤᠨ ᠰᠤᠷᠪᠤᠯᠵᠢᠯᠠᠭᠴᠢ ᠤᠶᠤᠩᠭᠤᠸᠠ | ᠰᠢᠯᠤᠭᠤᠨ ᠭᠦᠭᠡ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠦᠨᠳᠤᠰᠤᠳᠡᠨ ᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠨᠢ ᠨᠤᠮ ᠤᠩᠰᠢᠯᠭᠠ | ᠶᠢᠨ ᠠᠵᠢᠯ ᠢ ᠲᠤᠶᠢᠯ ᠤᠨ ᠴᠢᠩᠭᠠ ᠠᠳᠬᠤᠭᠰᠠᠭᠠᠷ ᠢᠷᠡᠵᠤ᠂ ᠨᠡᠩ ᠴᠦ 2018 ᠤᠨ ᠳᠤ ᠨᠤᠮ ᠤᠩᠰᠢᠯᠭᠠ ᠶᠢᠨ | ᠤᠨᠴᠠᠯᠢᠬᠳᠤ ᠰᠤᠷᠭᠠᠭᠤᠯᠢ ᠪᠤᠯᠤᠭᠰᠠᠨ ᠠᠴᠠ ᠬᠤᠶᠢᠰᠢ᠂ ᠡᠨᠡᠭᠦ ᠢᠷᠠᠭᠤ ᠠᠯᠳᠠᠷ ᠢᠶᠠᠷ ᠠᠵᠠ ᠲᠤᠬᠢᠶᠠᠯ ᠪᠤᠯᠭᠠᠨ᠂ ᠨᠤᠮ | ᠤᠩᠰᠢᠯᠭᠠ ᠶᠢᠨ ᠠᠵᠢᠯ ᠢᠶᠠᠨ ᠲᠦᠯᠦᠪᠯᠡᠭᠡ ᠲᠠᠢ᠂ ᠰᠢᠰᠲ᠋ᠧᠮ ᠲᠠᠢ ᠶᠠᠪᠤᠭᠳᠠᠭᠤᠯᠤᠨ᠂ ᠰᠤᠷᠤᠭᠴᠢᠤᠨ ᠤᠨ ᠨᠤᠮ | ᠤᠩᠰᠢᠬᠤ ᠲᠤᠷᠠ ᠪᠠᠬᠠ ᠶᠢ ᠭᠦᠪᠴᠢᠯᠡᠨ᠂ ᠰᠤᠷᠭᠠᠭᠤᠯᠢ ᠶᠢᠨ ᠭᠦᠷᠢᠶᠡᠨ ᠤ ᠤᠬᠢ ᠰᠠᠶᠢᠨ ᠨᠤᠮ ᠤᠩᠰᠢᠬᠤ ᠤᠷᠴᠢᠨ ᠢ | ᠡᠭᠦᠳᠴᠤ ᠪᠠᠶᠢᠨᠠ᠃ | ᠰᠤᠷᠪᠤᠯᠵᠢᠯᠠᠭᠴᠢ ᠰᠢᠯᠤᠭᠤᠨ ᠭᠦᠭᠡ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠦᠨᠳᠤᠰᠤᠳᠡᠨ ᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ | ᠠᠩᠭᠢ ᠶᠢᠨ ᠭᠤᠳᠤᠮᠵᠢ ᠪᠠᠷ ᠶᠠᠪᠤᠬᠤ ᠳᠤ ᠰᠤᠷᠤᠭᠴᠢᠤᠨ ᠤᠨ ᠨᠤᠮ ᠤᠩᠰᠢᠬᠤ ᠲᠠᠭᠤᠨ ᠰᠤᠨᠤᠰᠳᠠᠨ᠂ ᠭᠡᠷᠡᠮ ᠬᠠᠨᠠ | ᠲᠡᠭᠡᠷᠡ ᠪᠠᠨ ᠨᠤᠮ ᠤᠩᠰᠢᠬᠤ ᠶᠢ ᠤᠷᠢᠶᠠᠯᠠᠭᠰᠠᠨ ᠵᠤᠶᠢᠷ ᠰᠠᠴᠡᠨ ᠦᠭᠡ ᠶᠢ ᠪᠢᠴᠢᠵᠤ᠂ ᠭᠤᠳᠤᠮᠵᠢᠨ ᠤ ᠨᠤᠮ ᠤᠨ | ᠬᠤᠷᠭᠤ ᠳᠤ ᠤᠯᠠᠨ ᠲᠦᠷᠤᠯ ᠤᠨ ᠨᠤᠮ ᠲᠠᠯᠪᠢᠭᠠᠰᠤᠳᠠᠢ ᠬᠠᠷᠠᠬᠳᠠᠨᠠ᠃ ᠰᠤᠷᠤᠭᠴᠢᠤᠨ ᠤᠨ ᠨᠤᠮ ᠤᠩᠰᠢᠯᠭᠠ ᠶᠢᠨ | ᠲᠠᠭᠤᠨ ᠢᠶᠠᠷ ᠠᠩᠭᠢ ᠶᠢᠨ ᠭᠡᠷ ᠲᠤᠨᠢ ᠤᠷᠤᠪᠠᠯ ᠬᠤᠶᠠᠷ ᠤᠨ ᠵᠢᠷᠭᠤᠭᠠ ᠠᠩᠭᠢ ᠶᠢᠨ ᠡᠷᠬᠢᠯᠡᠭᠴᠢ ᠪᠠᠭᠰᠢ ᠠᠯᠳᠠᠨᠴᠢᠮᠡᠭ | ᠶᠠᠭ ᠠᠩᠭᠢ ᠶᠢᠨ ᠰᠤᠷᠤᠭᠴᠢᠤᠨ ᠢᠶᠠᠨ ᠵᠢᠯᠤᠭᠤᠳᠤᠨ ᠤᠩᠰᠢᠯᠭᠠ ᠬᠢᠵᠤ ᠪᠠᠶᠢᠯᠠ᠃ ᠰᠤᠷᠤᠭᠴᠢᠤᠨ ︽ᠮᠤᠩᠭᠤᠯ ᠠᠷᠠᠤᠨ | ᠤᠨ ᠰᠢᠯᠢᠳᠡᠭ ᠦᠯᠢᠭᠡᠷ ᠤᠳ︾᠂ ︽ᠲᠡᠯᠡᠭᠡᠢ ᠶᠢᠨ ᠭᠡᠤᠭᠡᠤᠨ ᠤᠨ ᠦᠯᠢᠭᠡᠷ ᠤᠨ ᠰᠠᠩ︾᠂ ︽ᠬᠠᠴᠢᠨ ᠵᠢᠭᠳᠡᠢ ᠦᠯᠢᠭᠡᠷ︾᠂ | ︽ᠲᠤᠯᠤᠭᠠᠨ ᠦᠨᠳᠡᠭᠡ ᠲᠠᠢ ᠱᠠᠭᠠᠵᠠᠭᠠᠢ︾᠂ ︽ᠲᠤᠪᠤᠴᠠᠭ ᠤᠨ ᠲᠤᠯᠤᠭᠠᠨ ᠭᠡᠤᠭᠡᠤᠨ︾ ᠵᠡᠷᠭᠡ ᠦᠯᠢᠭᠡᠷ ᠤᠨ ᠨᠤᠮ ᠢ | ᠶᠡᠭᠡᠩᠭᠢ ᠭᠡᠤᠭᠡᠤᠨ ᠤᠳ ᠪᠦᠷ ᠪᠦᠭᠦᠯᠢ ᠪᠠᠷ ᠤᠷᠤᠰᠤᠮᠠ ᠰᠠᠶᠢᠬᠠᠨ ᠤᠩᠰᠢᠵᠤ ᠪᠠᠶᠢᠯᠠ᠃ ᠠᠩᠭᠢ ᠶᠢᠨ ᠭᠡᠷ ᠲᠤᠨᠢ ᠴᠦ | ᠨᠤᠮ ᠤᠨ ᠬᠤᠷᠭᠤ ᠲᠠᠢ ᠪᠠᠶᠢᠵᠤ᠂ ︽ᠪᠠᠭᠠᠴᠤᠤᠨ ᠤᠨ ᠰᠤᠨᠢᠨ︾᠂ ︽ᠴᠤᠮᠤᠷᠯᠢᠭ︾᠂ ︽ᠨᠠᠬᠢᠶᠠ︾ ᠵᠡᠷᠭᠡ ᠰᠤᠨᠢᠨ | ᠰᠡᠳᠭᠦᠯ ᠢ ᠦᠷᠤᠵᠤ᠂ ᠰᠤᠷᠤᠭᠴᠢᠤᠨ ᠠᠩᠭᠢ ᠶᠢᠨ ᠭᠡᠷ ᠲᠡᠭᠡᠨ ᠴᠦ ᠲᠡᠷᠡ᠂ ᠭᠤᠳᠤᠮᠵᠢᠨ ᠳᠤ ᠴᠦ ᠲᠡᠷᠡ᠂ ᠨᠤᠮ ᠢ | ᠶᠠᠮᠠᠷ ᠴᠠᠭ ᠲᠤ ᠴᠦ ᠦᠵᠡᠵᠤ ᠪᠤᠯᠬᠤ ᠨᠦᠭᠦᠴᠡᠯ ᠢ ᠪᠦᠷᠢᠨ ᠬᠠᠩᠭᠠᠵᠤ᠂ ᠭᠡᠤᠭᠡᠤᠨ ᠢ ᠨᠤᠮ ᠳᠤ ᠪᠠᠭ᠋ᠠᠳᠠᠢ ᠪᠤᠯᠭᠠᠨ | ᠭᠦᠮᠤᠵᠢᠭᠦᠯᠵᠤ ᠪᠠᠶᠢᠨᠠ᠃ ᠲᠤᠰ ᠰᠤᠷᠭᠠᠭᠤᠯᠢ ᠶᠢᠨ ᠲᠠᠪᠤ ᠶᠢᠨ ᠲᠠᠪᠤ ᠠᠩᠭᠢ ᠶᠢᠨ ᠰᠤᠷᠤᠭᠴᠢ ᠠᠮᠢᠨᠰᠤᠨᠳᠤᠷ | ᠬᠤᠶᠠᠳᠤᠭᠠᠷ ᠤᠨ ᠠᠴᠠ ᠪᠠᠨ ᠡᠬᠢᠯᠡᠭᠡᠤᠨ ᠶᠡᠭᠡ ᠨᠤᠮ ᠤᠩᠰᠢᠬᠤ ᠪᠠᠬᠠ ᠲᠠᠢ ᠪᠠᠶᠢᠵᠤ᠂ ᠤᠳᠤ ᠪᠤᠯᠬᠤ ᠳᠤ | ︽ᠰᠤᠷᠬᠠᠬᠳᠠᠨᠢ ᠪᠠᠬᠢ ᠬᠠᠳᠤᠨ︾᠂ ︽ᠨᠠᠫᠤᠯᠢᠶᠤᠨ ᠡᠾᠧᠯ ᠤᠨ ᠠᠮᠵᠢᠯᠳᠠ ᠤᠯᠬᠤ ᠡᠷᠳᠡᠮ︾᠂ ︽ᠲᠢᠳᠢᠮ ᠦᠭᠡ︾᠂ | ︽ᠰᠤᠷᠤᠭᠴᠢᠤᠨ ᠤᠨ ᠵᠤᠬᠢᠶᠠᠯ ᠤᠨ ᠰᠤᠩᠭᠤᠮᠠᠯ︾᠂ ︽ᠬᠤᠷᠸᠠ ᠲᠠᠢ ᠲᠠᠨᠢᠯᠴᠠᠭᠰᠠᠨ ᠲᠡᠤᠭᠡ︾ ᠵᠡᠷᠭᠡ 60 ᠭᠠᠷᠤᠢ ᠲᠡᠪᠳᠡᠷ | ᠨᠤᠮ ᠤᠩᠰᠢᠵᠤ ᠤᠯᠤᠯᠳᠠ ᠲᠦᠷᠦᠭᠳᠡᠯ ᠶᠡᠭᠡ ᠪᠠᠶᠢᠯᠠ᠃ | ᠰᠢᠯᠤᠭᠤᠨ ᠭᠦᠭᠡ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠦᠨᠳᠤᠰᠤᠳᠡᠨ ᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠨᠢ ᠤᠯᠠᠨ ᠵᠤᠶᠢᠯ ᠤᠨ | ᠠᠷᠭᠠ ᠠᠪᠴᠠᠯ ᠢᠶᠠᠷ ᠰᠤᠷᠤᠭᠴᠢᠤᠨ ᠤᠨ ᠨᠤᠮ ᠤᠩᠰᠢᠬᠤ ᠪᠠᠬᠠ ᠶᠢ ᠭᠦᠭᠵᠢᠭᠡᠵᠤ ᠪᠠᠶᠢᠨᠠ᠃ ᠡᠳᠤᠷ ᠲᠤ ᠬᠤᠶᠠᠷ | ᠤᠳᠠᠭᠠ ᠲᠤᠰᠬᠠᠢ ᠤᠩᠰᠢᠯᠭᠠ ᠲᠤᠬᠢᠷᠠᠭᠤᠯᠵᠤ᠂ ᠭᠡᠯᠡ ᠪᠢᠴᠢᠭ ᠤᠨ ᠪᠠᠭᠰᠢᠨᠠᠷ ᠦᠪᠡᠷ ᠦᠪᠡᠷ ᠤᠨ ᠠᠩᠭᠢ ᠶᠢᠨ | ᠰᠤᠷᠤᠭᠴᠢᠤᠨ ᠤᠨ ᠤᠨᠴᠠᠯᠢᠭ ᠲᠤ ᠲᠤᠬᠢᠷᠠᠭᠤᠯᠤᠨ᠂ ᠰᠤᠷᠬᠤ ᠨᠤᠮ᠂ ᠤᠩᠰᠢᠬᠤ ᠪᠢᠴᠢᠭ ᠠᠴᠠ ᠭᠠᠳᠠᠨᠠ ᠤᠬᠤᠷ | ᠠᠪᠰᠠᠷᠬᠠᠨ ᠦᠯᠢᠭᠡᠷ᠂ ᠰᠢᠯᠦᠭ᠂ ᠵᠤᠶᠢᠷ ᠰᠡᠴᠡᠨ ᠦᠭᠡ᠂ ᠭᠡᠯᠡ ᠵᠦᠭᠰᠢᠷᠡᠭᠦᠯᠭᠦ ᠦᠭᠡ ᠵᠡᠷᠭᠡ ᠶᠢ ᠵᠢᠯᠤᠭᠤᠳᠤᠨ | ᠤᠩᠰᠢᠭᠤᠯᠵᠤ᠂ ᠵᠢᠯ ᠪᠤᠯᠭᠠᠨ ᠤ ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠨᠢᠭᠡᠨ ᠳᠤ ᠨᠤᠮ ᠲᠠᠢ ᠮᠤᠩᠭᠤᠯ ᠪᠠᠭᠠᠴᠤᠤᠨ᠂ ᠨᠤᠮ ᠰᠠᠶᠢᠨ | ᠤᠩᠰᠢᠭᠰᠠᠨ ᠠᠶᠢᠯ ᠡᠷᠤᠭᠡ ᠶᠢ ᠱᠠᠩᠨᠠᠨ ᠭᠦᠭᠢᠭᠦᠯᠵᠤ᠂ ᠨᠤᠮ ᠤᠩᠰᠢᠯᠭᠠ ᠶᠢᠨ ᠭᠦᠷᠢᠶᠡ ᠴᠠᠷᠠ ᠪᠠᠨ ᠦᠷᠭᠡᠳᠭᠡᠵᠤ | ᠪᠠᠶᠢᠨᠠ᠃ ᠤᠷᠠᠨ ᠤᠩᠰᠢᠯᠭᠠ ᠶᠢᠨ ᠤᠷᠤᠯᠳᠤᠭᠠᠨ᠂ ᠰᠢᠯᠦᠭ ᠤᠨ ᠤᠷᠤᠯᠳᠤᠭᠠᠨ᠂ ᠦᠯᠢᠭᠡᠷ ᠤᠨ ᠤᠷᠤᠯᠳᠤᠭᠠᠨ ᠭᠡᠵᠤ | ᠤᠯᠠᠨ ᠵᠤᠶᠢᠯ ᠤᠨ ᠤᠷᠤᠯᠳᠤᠭᠠᠨ ᠢ ᠤᠳᠠᠭᠠ ᠲᠠᠷᠠᠭᠠᠯᠠᠨ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠨ ᠶᠠᠪᠤᠭᠳᠠᠭᠤᠯᠵᠤ᠂ ᠨᠤᠮ ᠤᠩᠰᠢᠬᠤ | ᠲᠤᠷᠠ ᠪᠠᠬᠠ ᠶᠢ ᠲᠠᠶᠢᠴᠢᠯᠠᠪᠠ᠃ ᠡᠭᠦᠨ ᠤ ᠬᠠᠮᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠨᠤᠮ ᠤᠨ ᠦᠷᠤᠭᠡ ᠳᠤ ᠠᠩᠭᠢ ᠪᠠᠷ ᠢᠶᠠᠨ | ᠨᠢᠭᠡᠴᠡ ᠪᠤᠯᠭᠠᠨ ᠤᠴᠢᠵᠤ᠂ ᠦᠪᠡᠷ ᠤᠨ ᠲᠤᠷᠠ ᠪᠠᠬᠠ ᠲᠠᠢ ᠨᠤᠮ ᠢᠶᠠᠨ ᠤᠩᠰᠢᠵᠠᠭᠠᠨ᠂ ᠨᠤᠮ ᠤᠨ ᠰᠠᠩ ᠳᠤ ᠤᠴᠢᠵᠤ᠂ | ᠦᠪᠡᠷ ᠦᠪᠡᠷ ᠤᠨ ᠲᠤᠷᠠᠳᠠᠢ ᠨᠤᠮ ᠢᠶᠠᠨ ᠵᠢᠭᠡᠯᠡᠵᠤ ᠤᠩᠰᠢᠳᠠᠭ᠃ | ᠲᠤᠰ ᠰᠤᠷᠭᠠᠭᠤᠯᠢ ᠶᠢᠨ ᠭᠡᠯᠡ ᠪᠢᠴᠢᠭ ᠤᠨ ᠪᠠᠭᠰᠢ ᠨᠠᠷ ᠰᠤᠷᠤᠭᠴᠢᠤᠨ ᠢ ᠤᠩᠰᠢᠯᠭᠠ ᠶᠢᠨ ᠴᠠᠭ᠂ | ᠬᠢᠴᠢᠶᠡᠯ ᠤᠨ ᠭᠠᠳᠠᠭᠤᠷᠬᠢ ᠰᠤᠯᠠ ᠰᠡᠯᠡᠭᠦᠤ ᠴᠠᠭ ᠢᠶᠠᠷ ᠢᠶᠠᠨ ᠨᠤᠮ ᠤᠩᠰᠢᠬᠤ ᠪᠠ ᠴᠢᠯᠤᠭᠡᠨ ᠤ ᠬᠤᠭᠤᠴᠠᠭᠠᠨ ᠳᠠᠭᠠᠨ | ᠨᠤᠮ ᠤᠩᠰᠢᠬᠤ ᠶᠢ ᠵᠤᠷᠢᠭᠵᠢᠭᠤᠯᠤᠨ᠂ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠨᠢ ᠨᠤᠮ ᠤᠩᠰᠢᠬᠤ ᠤᠷᠮᠠ ᠪᠠᠬᠠ ᠶᠢ ᠭᠦᠮᠤᠵᠢᠭᠦᠯᠤᠨ᠂ | ᠦᠨᠳᠤᠰᠤᠳᠡᠨ ᠤ ᠰᠤᠶᠤᠯ ᠤᠨ ᠭᠦᠭᠵᠢᠯᠳᠡ ᠳᠤ ᠭᠦᠴᠤᠨ ᠢᠶᠠᠨ ᠡᠷᠭᠦᠵᠤ ᠪᠠᠶᠢᠨᠠ᠃ | ᠭᠤᠷᠪᠠ ᠶᠢᠨ ᠭᠤᠷᠪᠠ ᠠᠩᠭᠢ ᠶᠢᠨ ᠡᠷᠬᠢᠯᠡᠭᠴᠢ ᠪᠠᠭᠰᠢ ᠬᠠᠰᠴᠠᠴᠡᠭ᠄ ᠮᠠᠨ ᠤ ᠠᠩᠭᠢ ᠨᠢ ᠨᠢᠭᠡᠳᠤᠭᠡᠷ ᠤᠨ | ᠠᠴᠠ ᠡᠬᠢᠯᠡᠭᠡᠤᠨ ᠨᠤᠮ ᠤᠩᠰᠢᠬᠤ ᠠᠵᠢᠯ ᠢ ᠲᠤᠩ ᠴᠢᠩᠭᠠ ᠠᠳᠬᠤᠭᠰᠠᠭᠠᠷ ᠢᠷᠡᠵᠠᠢ᠃ ᠭᠠᠷᠠᠭ ᠪᠤᠯᠭᠠᠨ ᠤᠩᠰᠢᠯᠭᠠ | ᠶᠢᠨ ᠤᠷᠤᠯᠳᠤᠭᠠᠨ ᠶᠠᠪᠤᠭᠳᠠᠭᠤᠯᠵᠤ᠂ ᠭᠡᠤᠭᠡᠤᠨ ᠤᠳ ᠢᠶᠠᠨ ᠨᠤᠮ ᠤᠩᠰᠢᠬᠤ ᠲᠠᠯᠠ ᠪᠠᠷ ᠵᠤᠷᠢᠭᠵᠢᠭᠤᠯᠳᠠᠭ᠃ ᠤᠳᠤ | ᠪᠤᠯᠬᠤ ᠳᠤ ᠭᠡᠤᠭᠡᠤᠨ ᠤᠳ ᠨᠤᠮ ᠤᠩᠰᠢᠬᠤ ᠲᠠᠯᠠ ᠪᠠᠷ ᠲᠤᠶᠢᠯ ᠤᠨ ᠲᠡᠭᠡᠭᠰᠢᠯᠡᠯᠳᠡ ᠲᠠᠢ ᠪᠤᠯᠤᠭᠰᠠᠨ ᠮᠦᠷᠳᠡᠭᠡᠨ ᠨᠤᠮ | ᠤᠩᠰᠢᠬᠤ ᠪᠠᠭ᠋ᠠᠳᠠᠢ ᠪᠤᠯᠵᠠᠢ᠃ ᠮᠠᠨ ᠤ ᠠᠩᠭᠢ ᠨᠢ ᠡᠳᠤᠷ ᠪᠤᠯᠭᠠᠨ ᠨᠤᠮ ᠤᠩᠰᠢᠬᠤ ᠠᠴᠠ ᠭᠠᠳᠠᠨᠠ ᠨᠤᠮ ᠤᠩᠰᠢᠭᠰᠠᠨ | ᠲᠦᠷᠦᠭᠳᠡᠯ ᠪᠢᠴᠢᠭᠦᠯᠵᠤ᠂ ᠨᠤᠮ ᠤᠩᠰᠢᠭᠰᠠᠨ ᠲᠡᠮᠳᠡᠭᠯᠡᠯ ᠬᠢᠳᠡᠭ᠃ ᠤᠳᠤ ᠪᠤᠯᠬᠤ ᠳᠤ ᠮᠠᠨ ᠤ ᠠᠩᠭᠢ ᠶᠢᠨ ᠭᠡᠤᠭᠡᠤᠨ | ᠤᠳ ᠤᠬᠤᠷ ᠠᠪᠰᠠᠷᠬᠠᠨ ᠰᠢᠯᠦᠭ᠂ ᠦᠯᠢᠭᠡᠷ ᠢ ᠪᠠᠷᠢᠨ ᠪᠤᠯᠪᠠᠰᠤᠷᠠᠩᠭᠤᠢ ᠰᠠᠶᠢᠬᠠᠨ ᠤᠩᠰᠢᠵᠤ ᠴᠢᠳᠠᠬᠤ ᠪᠤᠯᠤᠭᠰᠠᠨ ᠭᠡᠵᠤ | ᠪᠠᠶᠢᠯᠠ᠃ | |