| | ᠵᠤᠨ ᠤ ᠬᠠᠯᠠᠭᠤᠨ ᠪᠤᠯᠬᠤ ᠪᠠᠷ ᠬᠤᠳᠠ ᠶᠢᠨ ᠬᠦᠮᠦᠰ ᠬᠦᠳᠡᠭᠡ ᠶᠢᠨ ᠰᠠᠯᠬᠢᠨ ᠳᠤ ᠭᠠᠷᠴᠦ ᠠᠮᠠᠷᠠᠯᠳᠠ ᠠᠪᠬᠤ | ᠨᠢ ᠣᠯᠠᠨ ᠪᠤᠯᠵᠦ ᠪᠠᠶᠢᠨᠠ᠃ ᠡᠨᠡ ᠪᠠᠶᠢᠳᠠᠯ ᠳᠤ ᠦᠪᠦᠷ ᠮᠣᠩᠭᠤᠯ ᠤᠨ ᠡᠯᠡ ᠭᠠᠵᠠᠷ ᠤᠨ ᠬᠢᠨ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠤᠨ | ᠦᠢᠯᠡᠰ ᠢ ᠡᠷᠬᠢᠯᠡᠨ ᠤᠷᠤᠯᠭᠠ ᠪᠠᠨ ᠨᠡᠮᠡᠭᠳᠡᠬᠦᠯᠬᠦ ᠪᠤᠯᠵᠠᠢ᠃ ᠣᠶᠢᠷᠡ ᠶᠢᠨ ᠵᠢᠯ ᠠᠴᠠ ᠳᠣᠷᠠᠳᠣᠭᠳᠠᠵᠦ ᠪᠠᠶᠢᠭᠠ ᠪᠦᠬᠦ | ᠣᠷᠣᠨ ᠪᠦᠰᠡ ᠶᠢᠨ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠤᠨ ᠳᠦᠷᠦ ᠶᠢᠨ ᠪᠤᠳᠤᠯᠭᠠ ᠨᠢ ᠡᠨᠡ ᠳᠠᠯᠠ ᠶᠢᠨ ᠬᠦᠭᠵᠢᠯᠳᠡ ᠶᠢ ᠣᠯᠠᠮ | ᠢᠳᠡᠪᠬᠢᠳᠡᠢ ᠪᠤᠯᠭᠠᠭᠰᠠᠨ ᠪᠠᠶᠢᠳᠠᠭ᠃ | ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠰᠢᠯᠤᠭᠤᠨ ᠬᠦᠬᠡ ᠬᠤᠰᠢᠭᠤ ᠶᠤᠸᠠᠨ ᠤ ᠳᠡᠬᠡᠳᠦ ᠨᠡᠶᠢᠰᠯᠡᠯ ᠤᠨ ᠪᠠᠭᠤᠷᠢ | ᠪᠠᠷ ᠢᠶᠠᠨ ᠳᠡᠯᠡᠬᠡᠢ ᠳ᠋ᠠᠬᠢᠨᠠ ᠠᠯᠳᠠᠷᠰᠢᠭᠰᠠᠨ ᠪᠠᠶᠢᠳᠠᠭ ᠪᠤᠯ ᠤᠶᠢᠷᠠ ᠶᠢᠨ ᠵᠢᠯ ᠠᠴᠠ ᠡᠯᠡᠰᠦ ᠮᠠᠩᠬᠠᠨ ᠤ ᠦᠷᠦᠴᠡᠨ ᠳᠤ | ᠪᠠᠶᠢᠳᠠᠭ ᠬᠡᠶᠢᠪᠤᠩ ᠭᠤᠤᠯ ᠤᠨ ᠵᠤᠰᠠᠭᠠᠯ ᠵᠢᠭᠤᠯᠴᠢᠳ ᠤᠨ ᠠᠩᠬᠠᠷᠣᠯ ᠳᠤ ᠣᠷᠣᠵᠦ᠂ ᠠᠳᠡ ᠢᠷᠡᠬᠦ ᠬᠦᠮᠦᠨ ᠵᠢᠯ ᠠᠴᠠ | ᠵᠢᠯ ᠳᠤ ᠨᠡᠮᠡᠭᠳᠡᠵᠦ ᠪᠠᠶᠢᠭᠠ ᠶᠤᠮ᠃ ᠰᠢᠯᠤᠭᠤᠨ ᠬᠦᠬᠡ ᠬᠤᠰᠢᠭᠤ ᠨᠢ ︽ᠶᠤᠸᠠᠨ ᠤ ᠳᠡᠬᠡᠳᠦ ᠨᠡᠶᠢᠰᠯᠡᠯ︾ ︽ᠬᠤᠯᠠᠨ | ᠰᠢᠷᠭᠠ ᠳᠠᠭᠠ ᠶᠢᠨ ᠡᠯᠡᠰᠦ︾ ᠬᠤᠶᠠᠷ ᠳᠣᠮᠣ ᠰᠣᠶᠣᠯ ᠵᠢᠭᠤᠯᠴᠢᠯᠠᠯ ᠤᠨ ᠨᠡᠷᠡᠳᠦ ᠳᠡᠮᠳᠡᠭ ᠢ ᠭᠤᠤᠯᠳᠠᠯᠭᠠ ᠲᠠᠢ | ᠠᠳᠬᠤᠵᠦ ᠤᠷᠤᠨ ᠨᠤᠳᠤᠭ ᠤᠨ ᠵᠢᠭᠤᠯᠴᠢᠯᠠᠯ ᠢ ᠡᠷᠴᠢᠳᠠᠢ ᠬᠦᠭᠵᠢᠬᠦᠯᠬᠦ ᠪᠠᠷ ᠴᠢᠷᠮᠠᠶᠢᠵᠦ ᠪᠠᠶᠢᠳᠠᠭ᠃ ᠪᠡᠬᠡᠵᠢᠩ ᠬᠤᠳᠠ | ᠠᠴᠠ ᠣᠶᠢᠷᠬᠠᠨ᠂ ᠵᠠᠮ ᠬᠠᠷᠢᠯᠴᠠᠭᠠ ᠳᠦᠬᠦᠮ ᠪᠠᠶᠢᠳᠠᠭ ᠠᠴᠠ ᠵᠤᠨ ᠤ ᠬᠠᠯᠠᠭᠤᠨ ᠠᠴᠠ ᠵᠠᠶᠢᠯᠠᠬᠤ ᠬᠤᠳᠠ ᠶᠢᠨ ᠬᠦᠮᠦᠰ | ᠠᠳᠡ ᠶᠡᠭᠡ ᠢᠷᠡᠬᠦ ᠪᠤᠯᠵᠠᠢ᠃ ᠡᠬᠦᠨ ᠠᠴᠠ ᠭᠠᠳᠠᠨᠠ ᠤᠶᠢᠷᠡ ᠳᠦᠰᠦᠷ ᠤᠨ ᠬᠢᠨ ᠴᠦ ᠬᠡᠶᠢᠪᠤᠩ ᠭᠤᠤᠯ᠂ ᠶᠡᠭᠡ ᠪᠠᠭᠠ | ᠵᠢᠭᠠᠰᠣᠳᠠᠢ ᠨᠠᠭᠤᠷ ᠤᠨ ᠦᠵᠡᠮᠵᠢ ᠳᠤ ᠳᠠᠳᠠᠭᠳᠠᠨ ᠢᠷᠡᠵᠦ ᠶᠠᠪᠤᠬᠤ ᠨᠢ ᠢᠯᠡᠷᠬᠡᠢ ᠤᠯᠠᠰᠢᠷᠠᠭᠰᠠᠨ ᠪᠠᠶᠢᠨᠠ᠃ ᠬᠡᠶᠢᠪᠡᠩ | ᠭᠤᠤᠯ ᠤᠨ ᠵᠢᠭᠤᠯᠴᠢᠯᠠᠯ ᠤᠨ ᠵᠤᠰᠠᠯᠠᠩ ᠨᠢ ᠰᠠᠩ ᠤᠨ ᠳᠠᠯᠠᠢ ᠪᠠᠯᠭᠠᠰᠣᠨ ᠤ ᠠᠯᠳᠠᠢ ᠭᠠᠴᠠᠭᠠᠨ ᠤ ᠮᠠᠯᠴᠢᠳ ᠤᠨ | ᠬᠠᠮᠳᠣᠷᠠᠨ ᠡᠵᠡᠩᠨᠡᠵᠦ ᠪᠠᠶᠢᠭᠠ ᠵᠢᠭᠤᠯᠴᠢᠯᠠᠯ ᠤᠨ ᠭᠠᠵᠠᠷ ᠶᠤᠮ᠃ ᠨᠢᠬᠡᠳᠦᠯᠳᠠᠢ ᠨᠡᠬᠡᠬᠡᠨ ᠠᠰᠢᠭᠯᠠᠭᠰᠠᠨ ᠳᠣᠮᠣ | ᠬᠡᠪᠴᠢᠶᠠᠨ ᠤ ᠵᠢᠭᠤᠯᠴᠢᠯᠠᠯ ᠤᠨ ᠤᠷᠤᠨ ᠪᠤᠯᠤᠭᠠ ᠦᠬᠡᠢ ᠤᠴᠢᠷ ᠠᠴᠠ ᠪᠤᠰᠤᠳ ᠳᠣᠮᠣ ᠵᠢᠭᠤᠯᠴᠢᠯᠠᠯ ᠤᠨ ᠤᠷᠤᠨ ᠢ | ᠪᠤᠳᠤᠪᠠᠯ ᠠᠳᠡᠬᠢ ᠶᠢ ᠮᠡᠳᠡᠬᠦ ᠬᠦᠮᠦᠨ ᠬᠠᠷᠠ ᠬᠠᠷᠢᠴᠠᠩᠭᠤᠢ ᠴᠦᠬᠡᠨ ᠪᠠᠶᠢᠳᠠᠭ ᠠᠴᠠ ᠤᠳᠤᠬᠠᠨ ᠳᠠᠭᠠᠨ ᠪᠠᠶᠢᠭᠠᠯᠢ ᠶᠢᠨ | ᠦᠵᠡᠮᠵᠢ ᠤᠤᠯ ᠳᠦᠷᠬᠦ ᠪᠠᠷ ᠢᠶᠠᠨ ᠪᠡᠶᠢᠵᠦ᠂ ᠬᠦᠮᠦᠨ ᠤ ᠬᠦᠯ ᠳᠤ ᠳᠠᠯᠬᠢᠭᠳᠠᠵᠦ ᠰᠦᠢᠳᠦᠭᠰᠡᠨ ᠨᠢ ᠠᠷᠠᠢ ᠭᠠᠶᠢᠭᠤᠢ | ᠪᠠᠶᠢᠨᠠ᠃ | ᠰᠢᠯᠤᠭᠤᠨ ᠬᠦᠬᠡ ᠬᠤᠰᠢᠭᠤᠨ ᠤ ᠰᠠᠩ ᠤᠨ ᠳᠠᠯᠠᠢ ᠪᠠᠯᠭᠠᠰᠣᠨ ᠠᠴᠠ ᠵᠡᠬᠦᠨᠰᠢ ᠪᠠᠨ ᠵᠢᠭᠠᠬᠠᠨ ᠶᠠᠪᠤᠪᠠᠯ | ᠪᠠᠭᠠ ᠵᠢᠭᠠᠰᠣᠳᠠᠢ ᠬᠦᠷᠬᠦ ᠳᠣᠰᠣᠨ ᠵᠠᠮ ᠢ ᠡᠯᠬᠦᠬᠡᠳ ᠵᠠᠮ ᠳᠠᠭᠠᠤ ᠡᠯᠡᠰᠦ ᠮᠠᠩᠬᠠ ᠪᠤᠳᠠ ᠪᠤᠷᠣᠯᠵᠢ᠂ ᠬᠠᠶᠢᠯᠠᠰᠣ ᠮᠤᠳᠤᠨ | ᠰᠢᠭᠤᠢ᠂ ᠨᠠᠭᠤᠷ ᠤᠰᠤ ᠲᠠᠢ ᠡᠳᠡᠭᠡᠳ ᠰᠣᠨᠢᠨ ᠦᠩᠬᠡ ᠦᠵᠡᠮᠵᠢ ᠶᠢ ᠪᠦᠷᠢᠳᠦᠬᠦᠯᠦᠭᠰᠡᠨ ᠪᠠᠶᠢᠳᠠᠭ᠃ ᠠᠳᠡ ᠪᠠᠭᠠ | ᠵᠢᠭᠠᠰᠣᠳᠠᠢ᠂ ᠮᠤᠬᠤᠷ ᠪᠤᠯᠠᠭ᠂ ᠬᠡᠶᠢᠪᠤᠩ ᠭᠤᠤᠯ ᠬᠡᠳ ᠬᠤᠯᠠᠨ ᠰᠢᠷᠭᠠ ᠳᠠᠭᠠ ᠶᠢᠨ ᠡᠯᠡᠰᠦᠨ ᠤ ᠬᠦᠨ ᠳᠤ ᠳᠣᠨᠣᠷᠠᠭᠰᠠᠨ | ᠳᠣᠩᠭᠠᠯᠠᠭ ᠤᠰᠤ ᠭᠤᠤᠯ᠂ ᠠᠮᠢᠳᠦ ᠪᠤᠯᠠᠭ ᠲᠠᠢ ᠪᠠᠶᠢᠳᠠᠭ ᠨᠢ ᠬᠠᠯᠠᠭᠤᠨ ᠠᠴᠠ ᠵᠠᠶᠢᠯᠠᠬᠤ ᠬᠦᠮᠦᠰ ᠤᠨ ᠢᠷᠡᠬᠦ ᠳᠣᠷᠠᠳᠠᠢ | ᠭᠠᠵᠠᠷ ᠪᠣᠯᠵᠤ ᠪᠠᠶᠢᠨᠠ᠃ ᠠᠳᠡᠬᠢ ᠴᠡᠪᠡᠷ ᠰᠠᠯᠬᠢ᠂ ᠡᠷᠡᠬᠦᠯ ᠠᠭᠠᠷ ᠠᠴᠠ ᠦᠬᠡᠷᠡ ᠪᠠᠰᠠ ᠴᠣᠯ ᠪᠠᠶᠢᠭᠠᠯᠢᠯᠢᠭ ᠮᠠᠯᠵᠢᠬᠤ | ᠠᠮᠢᠳᠣᠷᠠᠯ᠂ ᠮᠣᠩᠭᠤᠯ ᠤᠨᠴᠠᠯᠢᠭᠳᠦ ᠢᠳᠡᠭᠡᠨ ᠤᠮᠳᠠᠭᠠᠨ ᠵᠢᠭᠤᠯᠴᠢᠳ ᠢ ᠳᠠᠳᠠᠵᠦ ᠪᠠᠶᠢᠳᠠᠭ᠃ | ᠠᠯᠳᠠᠢ ᠭᠠᠴᠠᠭᠠ ᠲᠠᠢ ᠵᠠᠬᠠ ᠨᠡᠶᠢᠯᠡᠳᠡᠭ ᠡᠷᠳᠡᠨᠢᠳᠠᠯᠠᠢ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠳᠠᠩᠬᠢᠰ ᠤᠨ ᠬᠢ 2004 | ᠣᠨ ᠠᠴᠠ ᠨᠠᠰᠢ ᠮᠣᠩᠭᠤᠯ ᠭᠡᠷ ᠢᠶᠠᠨ ᠪᠤᠰᠬᠠᠵᠦ ᠵᠢᠭᠤᠯᠴᠢᠯᠠᠯ ᠤᠨ ᠦᠢᠯᠡᠰ ᠡᠷᠬᠢᠯᠡᠭᠰᠡᠭᠡᠷ ᠢᠷᠡᠭᠰᠡᠨ ᠶᠤᠮ᠃ | ᠣᠶᠢᠷᠡ ᠶᠢᠨ ᠵᠢᠯ ᠠᠴᠠ ᠵᠢᠭᠤᠯᠴᠢᠯᠠᠯ ᠬᠥᠭᠵᠢᠶᠡᠨ ᠲᠠᠢ ᠪᠤᠯᠤᠭᠰᠠᠨ ᠠᠴᠠ ᠳᠡᠳᠡᠨ ᠤ ᠬᠢ 2017 ᠤᠨ ᠳᠤ ᠮᠤᠩᠭᠤᠯ | ᠭᠡᠷ ᠢᠶᠠᠨ ᠨᠡᠮᠡᠵᠦ ᠰᠢᠨᠡᠳᠬᠡᠨ᠂ ᠤᠳᠤ ᠳᠠᠪᠢ ᠵᠢᠷᠠᠭᠠᠳ ᠵᠢᠭᠤᠯᠴᠢᠳ ᠢ ᠴᠤᠭ ᠵᠤᠴᠢᠯᠠᠵᠦ ᠴᠢᠳᠠᠬᠤ ᠬᠤᠷᠢᠭᠠᠳ ᠮᠣᠩᠭᠤᠯ | ᠭᠡᠷ ᠲᠠᠢ ᠠᠪᠰᠠᠷᠬᠠᠨ ᠵᠢᠭᠤᠯᠴᠢᠯᠠᠯ ᠤᠨ ᠭᠠᠵᠠᠷ ᠢ ᠠᠵᠢᠯᠯᠠᠭᠤᠯᠵᠦ ᠪᠠᠶᠢᠨᠠ᠃ ᠳᠡᠬᠦᠨ ᠤ ᠳᠠᠨᠢᠯᠴᠠᠭᠤᠯᠬᠤ ᠪᠠᠷ᠂ | ᠶᠡᠷᠦ ᠳᠡᠭᠡᠨ ᠵᠢᠯ ᠪᠤᠯᠭᠠᠨ ᠤ ᠬᠠᠪᠤᠷ ᠡᠬᠢᠯᠡᠮᠡᠭᠴᠡ ᠯᠡ ᠵᠢᠭᠤᠯᠴᠢᠳ ᠴᠣᠪᠣᠵᠦ ᠡᠬᠢᠯᠡᠳᠡᠭ ᠠᠴᠠ 5 ᠳ᠋ᠣᠭᠠᠷ ᠰᠠᠷᠠ ᠠᠴᠠ | ᠡᠮᠦᠨᠡ ᠡᠬᠦᠳᠡ ᠪᠠᠨ ᠨᠡᠬᠡᠬᠡᠵᠦ᠂ 7᠂ 8 ᠳ᠋ᠣᠭᠠᠷ ᠰᠠᠷᠠ ᠳᠤ ᠣᠷᠬᠢᠯ ᠦᠶᠡ ᠳᠡᠭᠡᠨ ᠬᠦᠷᠳᠡᠭ ᠶᠤᠮ ᠪᠠᠶᠢᠨᠠ᠃ | ᠦᠪᠡᠷ ᠤᠨ ᠨᠤᠳᠤᠭ ᠪᠤᠯᠬᠤᠷ ᠮᠠᠯ ᠢᠶᠠᠨ ᠮᠠᠯᠵᠢᠬᠤ ᠶᠢᠨ ᠳᠠᠭᠠᠤ ᠵᠢᠭᠤᠯᠴᠢᠳ ᠢ ᠵᠤᠴᠢᠯᠠᠳᠠᠭ᠃ ᠣᠶᠢᠷᠡ ᠶᠢᠨ ᠵᠢᠯ ᠠᠴᠠ | ᠪᠤᠷᠣᠭᠠᠨ ᠬᠤᠷᠠ ᠡᠯᠪᠡᠭ᠂ ᠡᠪᠡᠰᠦ ᠪᠡᠯᠴᠢᠬᠡᠷ ᠦᠳᠬᠡᠨ᠂ ᠦᠩᠬᠡ ᠦᠵᠡᠮᠵᠢ ᠰᠠᠶᠢᠬᠠᠨ᠂ ᠬᠡᠳᠦᠶᠢᠪᠡᠷ ᠬᠡᠪᠴᠢᠶᠠ ᠪᠠᠭᠠ | ᠴᠦ ᠴᠣᠯ ᠪᠠᠶᠢᠭᠠᠯᠢᠯᠢᠭ ᠤᠷᠴᠢᠨ ᠳᠣᠭᠤᠷᠢᠨ ᠳᠤ ᠢᠳᠡᠵᠦ ᠤᠤᠭᠤᠬᠤ᠂ ᠬᠤᠨᠤᠵᠦ ᠠᠮᠠᠷᠠᠬᠤ ᠨᠠᠭᠠᠳᠴᠦ ᠨᠠᠷᠬᠢᠬᠤ | ᠶᠠᠭᠤᠮᠠ ᠪᠦᠬᠦᠨ ᠪᠡᠯᠡᠨ ᠪᠠᠶᠢᠭᠠ᠃ ᠨᠢᠳᠣᠨᠣᠨ ᠤᠷᠬᠢᠯ ᠦᠶᠡ ᠳᠡᠭᠡᠨ ᠵᠢᠭᠤᠯᠴᠢᠳ ᠪᠠᠷᠤᠭ ᠳᠠᠰᠣᠷᠠᠭᠠ ᠦᠬᠡᠢ᠂ | ᠬᠤᠷᠢᠭᠠᠳ ᠳᠦᠮᠡᠨ ᠳᠦᠬᠦᠷᠢᠭ ᠤᠨ ᠣᠷᠣᠯᠭᠠ ᠣᠯᠣᠭᠰᠠᠨ᠂ ᠡᠨᠡ ᠵᠢᠯ ᠬᠢᠵᠢᠭ ᠤᠨ ᠨᠦᠯᠦᠬᠡᠯᠡᠯ ᠢᠶᠠᠷ ᠣᠷᠣᠶᠢᠳᠠᠵᠦ | ᠨᠡᠬᠡᠬᠡᠭᠰᠡᠨ ᠠᠴᠠ ᠠᠰᠢᠭ ᠣᠷᠣᠯᠭᠠ ᠶᠢᠨ ᠳᠠᠯᠠ ᠪᠠᠷ ᠨᠢᠳᠣᠨᠣᠨ ᠢᠶᠠᠨ ᠠᠷᠠᠢ ᠬᠦᠷᠦᠬᠡ ᠦᠬᠡᠢ ᠪᠤᠯᠪᠠᠴᠦ ᠤᠳᠤ ᠬᠦᠮᠦᠨ | ᠬᠠᠷᠠ ᠢᠯᠡᠷᠬᠡᠢ ᠤᠯᠠᠰᠢᠷᠠᠵᠦ ᠣᠷᠣᠯᠭᠠ ᠴᠦ ᠠᠭᠠᠵᠢᠮ ᠢᠶᠠᠨ ᠨᠡᠮᠡᠭᠳᠡᠵᠦ ᠡᠬᠢᠯᠡᠯᠡ ᠭᠡᠵᠦ ᠪᠠᠶᠢᠯᠠ᠃ | ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠤᠨ ᠦᠢᠯᠡᠰ ᠨᠢ ᠮᠠᠯᠴᠢᠳ ᠤᠨ ᠠᠰᠢᠭ ᠣᠷᠣᠯᠭᠠ ᠶᠢᠨ ᠠᠷᠭᠠ ᠵᠠᠮ ᠪᠤᠯᠵᠦ ᠪᠠᠶᠢᠨᠠ᠃ | ᠬᠡᠬᠦ ᠳᠡᠭᠡᠨ ᠡᠬᠦᠨ ᠤ ᠳᠠᠭᠠᠤ ᠪᠠᠶᠢᠭᠠᠯᠢ ᠤᠷᠴᠢᠨ ᠢᠶᠠᠨ ᠬᠢᠮᠠᠭᠠᠳᠠᠨ ᠭᠠᠮᠨᠠᠬᠤ ᠨᠢ ᠪᠠᠰᠠ ᠴᠢᠬᠤᠯᠠ ᠶᠤᠮ᠃ ᠪᠠᠶᠢᠭᠠᠯᠢ ᠪᠠᠨ | ᠳᠦᠰᠢᠭᠰᠡᠨ ᠠᠮᠢᠳᠣᠷᠠᠯ ᠳᠠᠭᠠᠨ ᠤᠷᠤᠰᠢᠨ ᠰᠠᠭᠤᠭᠴᠢᠳ ᠨᠢ ᠤᠷᠴᠢᠨ ᠠᠬᠤᠢ ᠳᠠᠭᠠᠨ ᠡᠬᠡᠯᠢᠳᠡᠢ᠂ ᠵᠢᠭᠤᠯᠴᠢᠳ ᠨᠢ ᠬᠤᠭ | ᠨᠤᠪᠰᠢ ᠪᠠᠨ ᠴᠢᠷᠣᠬᠦ ᠦᠬᠡᠢ ᠪᠠᠶᠢᠪᠠᠯ ᠡᠯᠡᠰᠦ ᠮᠠᠩᠬᠠ ᠤᠰᠤ ᠪᠦᠷᠢᠳᠦ ᠴᠡᠪᠡᠷ ᠴᠡᠮᠴᠡᠭᠡᠷ ᠢᠶᠠᠷ ᠢᠶᠠᠨ ᠪᠠᠶᠢᠬᠤ ᠪᠤᠯᠤᠨᠠ᠃ | ᠬᠡᠶᠢᠪᠤᠩ ᠭᠤᠤᠯ ᠤᠨ ᠵᠤᠰᠠᠭᠠᠯ ᠤᠨ ᠭᠤᠶᠣ ᠦᠵᠡᠮᠵᠢ ᠶᠢ ᠰᠣᠨᠢᠷᠬᠠᠨᠠ ᠦᠦ︖ | | |