| — ᠮᠠᠯᠴᠢᠨ ᠰᠤᠶᠤᠯᠳᠤ ᠶᠢᠨ ᠬᠢ ᠶᠢ ᠰᠤᠷᠪᠤᠯᠵᠢᠯᠠᠭᠰᠠᠨ ᠳᠡᠮᠳᠡᠭᠯᠡᠯ | ᠴᠢᠮᠡᠭᠡᠯᠡᠭᠴᠢ ᠲᠤ᠋ ᠤᠶᠤᠨᠪᠢᠯᠢᠭ᠌ | | | ᠵᠤᠷᠢᠭᠰᠠᠨ ᠦᠢᠯᠡᠰ ᠤᠨ ᠢᠶᠠᠨ ᠲᠦᠯᠦᠭᠡ ᠵᠤᠷᠢᠭᠳᠠᠢ ᠴᠢᠷᠮᠠᠶᠢᠵᠦ᠂ ᠬᠤᠶᠠᠷ ᠭᠠᠷ ᠬᠦᠳᠡᠯᠮᠦᠷᠢ ᠵᠢᠳᠬᠦᠯ | ᠢᠶᠠᠷ ᠪᠤᠰᠬᠠᠭᠰᠠᠨ ᠠᠮᠢᠳᠤᠷᠠᠯ ᠤᠨ ᠳᠠᠭᠳᠤ ᠦᠵᠡᠰᠭᠦᠯᠡᠩ ᠮᠦᠷᠳᠡᠭᠡᠨ ᠪᠠᠬᠢᠯᠢᠭ᠌ ᠪᠠᠶᠢᠳᠠᠭ ᠪᠢᠯᠡ︕ | ᠰᠢᠯᠤᠭᠤᠨ ᠬᠦᠭᠡ ᠬᠤᠰᠢᠭᠤᠨ ᠤ ᠨᠠᠷᠠᠳᠤ ᠰᠤᠮᠤᠨ ᠤ ᠮᠠᠯᠴᠢᠨ ᠰᠤᠶᠤᠯᠳᠤ ᠨᠠᠷᠠᠨᠳᠤᠶᠠᠭᠠ ᠬᠤᠶᠠᠷ ᠤᠨ | ᠠᠶᠢᠯ ᠭᠡᠷ ᠪᠤᠯᠤᠭᠰᠠᠨ ᠠᠴᠠ ᠪᠠᠨ ᠠᠪᠤᠭᠠᠳ ᠠᠮᠵᠢᠯᠳᠠ ᠳᠤ ᠬᠦᠷᠦᠭᠰᠡᠨ ᠦᠨᠦᠳᠦᠷ ᠬᠦᠷᠳᠡᠯᠡᠭᠢ ᠵᠠᠮ ᠮᠦᠷ ᠤᠨ | ᠡᠩᠭᠦᠯ ᠲᠤᠩᠬᠤᠯ ᠪᠡᠷᠭᠡ ᠪᠠᠷᠳᠠᠭᠠ ᠶᠢ ᠶᠠᠷᠢᠬᠤ ᠳᠤ ᠤᠯᠠᠨ ᠦᠯᠢᠭᠡᠷ ᠠᠭᠤᠯᠤᠭᠳᠠᠭᠰᠠᠨ ᠪᠠᠶᠢᠳᠠᠭ᠃ | | | | | | | ᠳᠡᠳᠡ ᠬᠤᠶᠠᠷ 1990 ᠤᠨ ᠳᠤ ᠠᠶᠢᠯ ᠪᠤᠯᠬᠤ ᠦᠶᠡ ᠳᠤ ᠲᠤᠰᠬᠠᠢ ᠤᠷᠤᠨ ᠰᠠᠭᠤᠴᠠ ᠦᠭᠡᠢ᠂ ᠮᠠᠯ | ᠤᠨᠤᠭᠠ ᠨᠢ ᠴᠦᠭᠡᠭᠡᠨ ᠠᠮᠢᠳᠤᠷᠠᠯ ᠤᠨ ᠰᠠᠭᠤᠷᠢ ᠠᠨᠠᠢ ᠪᠠᠶᠢᠵᠦ᠂ ᠬᠤᠪᠢᠳᠠᠵᠤ ᠤᠯᠤᠭᠰᠠᠨ ᠭᠠᠭᠴᠠ ᠬᠦᠮᠦᠨ ᠤ | ᠭᠠᠵᠠᠷ ᠨᠢ 260 ᠮᠤ᠋ ᠯᠡ ᠨᠤᠳᠤᠭ ᠪᠤᠯᠬᠤᠷ ᠠᠷᠭᠠ ᠪᠤᠰᠤ ᠰᠤᠮᠤᠨ ᠤ ᠲᠦᠪ ᠲᠤ ᠬᠡᠷ ᠲᠦᠷᠢᠶᠡᠰᠦᠯᠡᠨ ᠨᠢᠯᠬᠠ | ᠬᠡᠦᠬᠡᠳ ᠢᠶᠠᠨ ᠬᠠᠷᠠᠵᠤ ᠬᠠᠷᠠᠭᠠᠯᠵᠠᠬᠤ ᠶᠢᠨ ᠳᠠᠭᠠᠤ ᠬᠦᠴᠦᠨ ᠤ ᠠᠵᠢᠯ ᠬᠢᠵᠦ ᠪᠠᠭᠠ ᠰᠠᠭᠠ ᠮᠦᠩᠭᠦ ᠲᠦᠭᠦᠷᠢᠭ | ᠤᠯᠤᠨ ᠡᠳᠦᠷ ᠬᠤᠨᠤᠭ ᠢ ᠦᠩᠭᠡᠷᠡᠭᠦᠯᠵᠦ ᠪᠠᠶᠢᠵᠠᠢ᠃ ᠰᠤᠮᠤᠨ ᠤ ᠲᠦᠪ ᠭᠡᠵᠦ ᠠᠶᠢᠯ ᠴᠦᠭᠡᠨ ᠤᠯᠢᠭᠳᠠᠶᠢᠬᠠᠨ | ᠬᠦᠯᠦᠰᠦ ᠵᠤᠭᠤᠰ ᠤᠯᠴᠢᠬᠠᠮᠠᠷ ᠠᠵᠢᠯ ᠴᠦ ᠦᠭᠡᠢ ᠪᠤᠯᠬᠤᠷ ᠰᠤᠶᠤᠯᠳᠤ ᠨᠠᠷᠠᠨᠳᠤᠶᠠᠭᠠ ᠬᠤᠶᠠᠭᠤᠯᠠ ᠬᠡᠳᠦᠨ ᠮᠠᠯ | ᠢᠶᠠᠨ ᠡᠭᠡᠴᠢ ᠬᠦᠷᠭᠡᠨ ᠠᠬᠠ ᠶᠢᠨ ᠳᠠᠭᠠᠨ ᠨᠡᠶᠢᠳᠠᠵᠤ ᠦᠭᠭᠦᠭᠡᠳ ᠵᠤᠷᠢᠭ ᠢᠶᠠᠨ ᠬᠦᠪᠴᠢᠯᠡᠨ ᠨᠢᠯᠬᠠ ᠪᠠᠨ | ᠳᠠᠭᠠᠭᠤᠯᠵᠤ ᠠᠯᠤᠰ ᠬᠤᠯᠠ ᠬᠦᠬᠡᠬᠤᠳᠠ ᠶᠢ ᠵᠤᠷᠢᠵᠦ ᠨᠢᠭᠡᠨ ᠰᠢᠨᠡ ᠠᠮᠢᠳᠤᠷᠠᠯ ᠤᠨ ᠵᠠᠮ ᠢ ᠡᠯᠭᠦᠭᠰᠡᠨ ᠪᠠᠶᠢᠨᠠ᠃ | | | | | ᠠᠯᠤᠰ ᠤᠨ ᠨᠤᠳᠤᠭ ᠲᠤ ᠢᠷᠡᠭᠡᠳ ᠠᠮᠤᠷ ᠰᠠᠭᠤᠵᠤ ᠨᠡᠩ ᠴᠦ ᠪᠤᠯᠬᠤ ᠦᠭᠡᠢ ᠪᠤᠯᠬᠤᠷ ᠰᠦᠨ ᠤ | ᠦᠢᠯᠡᠳᠪᠦᠷᠢ᠂ ᠠᠷᠢᠬᠢᠨ ᠤ ᠦᠢᠯᠡᠳᠪᠦᠷᠢ᠂ ᠰᠠᠭᠠᠯᠢ ᠶᠢᠨ ᠦᠨᠢᠶᠠᠨ ᠤ ᠲᠤᠰᠬᠤᠨ ᠢᠶᠠᠷ ᠬᠡᠦᠬᠡᠳ ᠢᠶᠠᠨ ᠡᠭᠦᠷᠦᠨ | ᠬᠦᠴᠦ ᠶᠠᠪᠤᠵᠤ᠂ ᠠᠴᠢᠶᠠᠨ ᠤ ᠮᠠᠰᠢᠨ ᠠᠴᠠ ᠼᠧᠮᠧᠨ᠋ᠲ ᠡᠭᠦᠷᠴᠦ ᠪᠠᠭᠤᠯᠭᠠᠬᠤ᠂ ᠠᠷᠢᠬᠢᠨ ᠯᠤᠩᠬᠤ ᠳᠡᠭᠦᠭᠦ᠂ | ᠯᠤᠩᠬᠤᠨ ᠬᠠᠪᠬᠠᠭᠠᠰᠤ ᠳᠡᠭᠦᠭᠦ ᠵᠡᠷᠭᠡ ᠠᠵᠢᠯ ᠪᠤᠯᠭᠠᠨ ᠢ ᠭᠤᠯᠤᠯ ᠦᠭᠡᠢ ᠬᠢᠳᠡᠭ ᠪᠠᠶᠢᠯᠠ᠃1996 ᠤᠨ ᠳᠤ | ᠵᠢᠷᠭᠤᠭᠠᠨ ᠵᠢᠯ ᠬᠦᠴᠦᠨ ᠤ ᠠᠵᠢᠯ ᠬᠢᠭᠰᠡᠨ ᠳᠡᠷᠡ ᠬᠤᠶᠠᠭᠤᠯᠠ ᠬᠦᠦ ᠨᠢ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠬᠤ ᠪᠤᠯᠤᠭᠰᠠᠨ | ᠪᠤᠯᠬᠤᠷ ᠲᠦᠷᠦᠭᠰᠡᠨ ᠨᠤᠳᠤᠭ ᠰᠢᠯᠤᠭᠤᠨ ᠬᠦᠭᠡ ᠬᠤᠰᠢᠭᠤᠨ ᠤ ᠪᠠᠨ ᠨᠠᠷᠠᠳᠤ ᠰᠤᠮᠤᠨ ᠳᠠᠭᠠᠨ ᠪᠤᠴᠠᠨ ᠢᠷᠡᠵᠦ᠂ | ᠳᠠᠬᠢᠨᠳᠠ ᠮᠠᠯ ᠠᠵᠤ ᠠᠬᠤᠢ ᠲᠠᠢ ᠪᠠᠨ ᠵᠤᠯᠭᠠᠵᠠᠢ᠃ | ᠥᠪᠡᠷᠳᠡᠭᠡᠨ ᠲᠤᠰᠬᠠᠢ ᠤᠷᠤᠨ ᠰᠠᠭᠤᠴᠠ ᠪᠠᠶᠢᠬᠤ ᠦᠭᠡᠢ ᠪᠤᠯᠬᠤᠷ ᠡᠬᠢᠯᠡᠭᠡᠳ ᠭᠤᠭᠤᠰᠤᠳᠠᠢ ᠭᠠᠴᠠᠭᠠᠨ ᠳᠤ | ᠪᠠᠶᠢᠭᠠ ᠡᠬᠡᠴᠢ ᠬᠦᠷᠭᠡᠨ ᠠᠬᠠ ᠶᠢᠨ ᠢᠶᠠᠨ ᠮᠠᠯ ᠤᠨᠤᠭᠠ ᠶᠢ ᠠᠷᠠᠴᠢᠯᠠᠨ ᠳᠤᠳᠤᠮᠳᠠᠬᠤ ᠶᠢᠨ ᠬᠠᠮᠳᠤ ᠪᠤᠰᠤᠳ | ᠠᠴᠠ ᠨᠤᠳᠤᠭ ᠲᠦᠷᠢᠶᠡᠰᠦᠯᠡᠨ ᠥᠪᠡᠷ ᠤᠨ ᠬᠡᠳᠦᠨ ᠮᠠᠯ ᠢᠶᠠᠨ ᠦᠰᠭᠡᠵᠦ᠂ ᠡᠨᠡ ᠬᠤᠭᠤᠷᠤᠨᠳᠤ ᠰᠤᠶᠤᠯᠳᠤ | ᠳᠤᠭᠤᠭᠠᠴᠢ ᠶᠢᠨ ᠮᠡᠷᠭᠡᠵᠢᠯ ᠤᠨ ᠠᠩᠬᠢ ᠳᠤ ᠰᠤᠷᠤᠯᠴᠠᠨ ᠬᠦᠷᠭᠡᠨ ᠠᠬᠠ ᠶᠢᠨ ᠢᠶᠠᠨ ᠡᠷᠬᠢᠯᠡᠵᠦ ᠪᠠᠶᠢᠬᠤ ᠵᠤᠭᠠᠴᠠᠯ | ᠤᠨ ᠭᠠᠵᠠᠷ ᠲᠤ ᠨᠢ ᠬᠠᠮᠵᠢᠯᠴᠠᠨ ᠲᠤᠰᠬᠠᠢ ᠲᠤᠭᠤᠭᠠᠴᠢ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | 2020 ᠤᠨ ᠳᠤ ᠬᠦᠦ ᠨᠢ ᠶᠡᠭᠡ ᠰᠤᠷᠭᠠᠭᠤᠯᠢ ᠪᠠᠨ ᠳᠡᠭᠦᠰᠭᠡᠵᠦ ᠤᠯᠠᠨ ᠵᠢᠯ ᠭᠠᠳᠠᠭᠤᠷ ᠶᠠᠪᠤᠭᠰᠠᠨ | ᠰᠤᠶᠤᠯᠳᠤ ᠨᠠᠷᠠᠨᠳᠤᠶᠠᠭᠠ ᠬᠤᠶᠠᠷ ᠴᠦ ᠨᠤᠳᠤᠭ ᠪᠤᠴᠠᠵᠤ ᠥᠪᠡᠷ ᠤᠨ ᠬᠡᠰᠡᠨ ᠠᠮᠢᠳᠤᠷᠠᠯ ᠲᠠᠢ ᠠᠶᠢᠯ ᠪᠤᠯᠬᠤ | ᠭᠡᠰᠡᠨ ᠡᠷᠡᠮᠡᠯᠵᠡᠯ ᠢᠶᠠᠨ ᠬᠦᠢᠴᠡᠳᠭᠡᠭᠦ ᠪᠠᠷ ᠨᠠᠷᠠᠳᠤ ᠰᠤᠮᠤᠨ ᠤ ᠳᠠᠭᠤᠳᠤᠨᠠᠭᠤᠷ ᠭᠠᠴᠠᠭᠠᠨ ᠳᠤ ᠪᠠᠨ ᠢᠷᠡᠵᠦ᠂ | ᠤᠳᠤᠬᠢᠴᠢᠯᠠᠭᠰᠠᠨ ᠮᠠᠶ᠋ᠢᠭ ᠤᠨ ᠰᠢᠨᠡ ᠪᠠᠶᠢᠰᠢᠩ ᠬᠦᠮᠦᠷᠭᠡ᠂ ᠴᠤᠯ ᠳᠤᠭᠤᠰᠬᠠᠨ ᠪᠦᠲᠦᠴᠡ ᠲᠠᠢ ᠲᠤᠯᠠᠭᠠᠨ ᠫᠧᠩ | ᠬᠤᠷᠤᠭᠠ ᠪᠠᠷᠢᠵᠦ᠂ ᠬᠤᠷᠢᠨ ᠵᠢᠯ ᠤᠨ ︽ᠲᠤᠭᠤᠷᠢᠨ ᠵᠢᠭᠤᠯᠴᠢᠯᠠᠭᠰᠠᠨ︾ ᠠᠮᠢᠳᠤᠷᠠᠯ ᠢᠶᠠᠨ ᠪᠦᠷᠢᠨ ᠪᠦᠲᠦᠨ | ᠰᠠᠭᠤᠷᠢᠰᠢᠭᠰᠠᠨ ᠠᠮᠢᠳᠤᠷᠠᠯ ᠢᠶᠠᠷ ᠰᠤᠯᠢᠵᠦ ᠠᠪᠴᠢᠷᠠᠯᠠ᠃ | | | | | ᠡᠨᠡ ᠵᠢᠯ ᠡᠳᠡᠨᠡᠶᠢᠬᠢ ᠥᠪᠡᠷ ᠤᠨ ᠬᠢ ᠠᠴᠠ ᠪᠠᠨ ᠭᠠᠳᠠᠨᠠ ᠪᠤᠰᠤᠳ ᠠᠴᠠ ᠳᠠᠭᠠᠭᠠᠴᠢᠯᠠᠭᠰᠠᠨ ᠮᠠᠯ ᠲᠠᠢ | ᠪᠠᠨ ᠨᠡᠶᠢᠳᠡ 80 ᠭᠠᠷᠤᠢ ᠦᠭᠡᠷ᠂ ᠬᠤᠷᠢᠭᠠᠳ ᠬᠤᠨᠢ᠂ ᠴᠦᠭᠡᠪᠦᠷᠢ ᠠᠳᠤᠭᠤ ᠮᠠᠯᠵᠢᠵᠦ᠂ ᠥᠪᠡᠷ ᠤᠨ ᠬᠠᠳᠤᠯᠠᠩ | ᠲᠦᠴᠢᠭᠡᠳ ᠲᠤᠨ ᠡᠪᠡᠰᠦ᠂ 50 ᠲᠤᠨ ᠨᠤᠭᠤᠭᠠᠨ ᠳᠠᠷᠤᠰᠢ ᠶᠢᠨ ᠳᠡᠭᠡᠷᠡ ᠭᠠᠳᠠᠨᠠ ᠠᠴᠠ 15 ᠲᠤᠨ ᠨᠠᠷᠢᠯᠢᠭ | ᠪᠤᠷᠳᠤᠭᠠ᠂ 200 ᠭᠠᠷᠤᠢ ᠲᠤᠨ ᠨᠤᠭᠤᠭᠠᠨ ᠲᠠᠷᠤᠰᠢ ᠠᠪᠴᠤ ᠮᠠᠯ ᠤᠨ ᠳᠠᠷᠭᠤ ᠬᠦᠴᠦ ᠶᠢ ᠪᠠᠳᠤᠯᠠᠬᠤ ᠳᠡᠭᠡᠷᠡ | ᠶᠡᠬᠡᠭᠡᠨ ᠰᠠᠨᠠᠭᠠ ᠳᠠᠯᠪᠢᠵᠦ᠂ ᠬᠠᠪᠤᠷ ᠤᠨ ᠬᠠᠰᠢᠶᠠᠯᠠᠭᠠ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠬᠡᠷᠡᠭᠰᠡᠬᠦ ᠡᠪᠡᠰᠦ ᠪᠤᠷᠳᠤᠭᠠ ᠪᠠᠨ | ᠪᠦᠷᠢᠨ ᠬᠦᠢᠴᠡᠳ ᠪᠡᠯᠡᠳᠭᠡᠭᠰᠡᠨ ᠪᠠᠶᠢᠨᠠ᠃ ᠰᠤᠶᠤᠯᠳᠤ ᠮᠠᠯ ᠤᠨ ᠡᠭᠦᠯᠳᠡᠷ ᠰᠠᠶᠢᠵᠢᠷᠠᠭᠤᠯᠬᠤ ᠶᠢ ᠴᠢᠬᠤᠯᠠᠴᠢᠯᠠᠨ | ᠭᠠᠳᠠᠨᠠ ᠭᠠᠵᠠᠷ ᠠᠴᠠ ᠰᠠᠶᠢᠨ ᠡᠭᠦᠯᠳᠡᠷ ᠤᠨ ᠪᠤᠬᠠ ᠬᠤᠳᠠᠯᠳᠤᠨ ᠠᠪᠴᠢᠷᠠᠭᠰᠠᠨ ᠪᠦᠭᠡᠳ ᠬᠦᠦ ᠰᠦᠷᠯᠢᠭ ᠨᠢ | ᠢᠴᠡᠭᠡᠯ ᠦᠷᠡ ᠶᠢᠨ ᠭᠡᠭᠡᠯᠳᠦᠭᠦᠯᠭᠡ ᠶᠢᠨ ᠮᠡᠷᠭᠡᠵᠢᠯ ᠡᠵᠡᠮᠰᠢᠵᠦ᠂ ᠤᠳᠤᠬᠠᠨ ᠪᠤᠯᠳᠠᠯᠠ ᠭᠤᠴᠢ ᠤᠷᠴᠢᠮ ᠡᠷᠳᠡ | ᠶᠢᠨ ᠲᠤᠭᠤᠯ᠂ ᠬᠤᠷᠢᠭᠠᠳ ᠬᠤᠷᠠᠭᠠ ᠲᠠᠢ ᠳᠤᠰᠤᠭᠠᠳ ᠪᠤᠶᠢᠵᠢᠯᠳᠠ ᠶᠢᠨ ᠨᠤᠷᠮᠠ ᠲᠤᠩ ᠰᠠᠶᠢᠨ ᠪᠠᠶᠢᠨᠠ᠃ | ᠰᠤᠶᠤᠯᠳᠤ ᠶᠢᠨ ᠬᠢ ᠤᠳᠤ ᠠᠶᠢᠯᠴᠢᠯᠠᠨ ᠬᠡᠶᠢᠴᠢᠯᠡᠬᠦ ᠠᠴᠠ ᠬᠡᠬᠡᠨᠴᠢᠷ ᠮᠠᠰᠢᠨ᠂ ᠠᠵᠢᠯ ᠳᠤ ᠬᠡᠷᠡᠭᠯᠡᠬᠦ ᠠᠴᠠ | ᠮᠤᠲ᠋ᠤᠷ᠂ ᠭᠤᠷᠪᠠᠨ ᠬᠦᠷᠳᠦᠳᠦ ᠲᠡᠷᠭᠡ᠂ ᠲᠠᠷᠠᠺᠲ᠋ᠤᠷ᠂ ᠡᠪᠡᠰᠦ ᠬᠠᠳᠤᠵᠤ ᠬᠠᠮᠤᠬᠤ ᠮᠠᠰᠢᠨ᠂ ᠡᠪᠡᠰᠦ ᠪᠤᠷᠳᠤᠭᠠ | ᠵᠢᠭᠤᠷᠠᠬᠤ ᠮᠠᠰᠢᠨ᠂ ᠠᠴᠢᠵᠦ ᠪᠠᠭᠤᠯᠭᠠᠬᠤ ᠮᠠᠰᠢᠨ ᠤ ᠠᠯᠢᠨ ᠢ ᠨᠢ ᠴᠦ ᠳᠤᠳᠠᠯ ᠦᠭᠡᠢ ᠪᠦᠷᠢᠳᠦᠭᠦᠯᠵᠦ᠂ ᠰᠢᠨᠡ | ᠢᠷᠡᠭᠡᠳᠦᠢ ᠶᠢᠨ ᠵᠠᠮ ᠢᠶᠠᠷ ᠢᠳᠡᠭᠡᠯ ᠲᠦᠭᠦᠷᠡᠩ ᠵᠠᠮᠨᠠᠵᠤ ᠶᠠᠪᠤᠨᠠ᠃ | | |