| ᠮᠣᠩᠭᠤᠯᠴᠣᠳ ᠤᠨ ᠡᠪᠡᠳᠴᠢᠨ ᠡᠮᠭᠡᠭ ᠢ ᠰᠡᠷᠭᠡᠶᠢᠯᠡᠬᠦ ᠠᠷᠭᠠ ᠳᠣᠮ ᠮᠠᠰᠢ ᠣᠯᠠᠨ ᠪᠠᠶᠢᠳᠠᠭ᠃ ︽ᠵᠤᠷ | ᠪᠠᠷᠢᠭᠰᠠᠨ ᠡᠮᠴᠢ ᠠᠴᠠ ᠵᠣᠪᠠᠯᠠᠩ ᠦᠵᠡᠭᠰᠡᠨ ᠴᠢᠪᠠᠭᠠᠨᠴᠠ ᠳᠡᠭᠡᠷᠡ︾ ᠭᠡᠳᠡᠭᠴᠢᠯᠡᠨ ᠡᠷᠲᠡ ᠢᠵᠠᠭᠤᠷ ᠠᠴᠠ | ᠮᠣᠩᠭᠤᠯᠴᠣᠳ ᠥᠪᠡᠷ ᠤᠨ ᠪᠡᠶᠡ ᠪᠠᠨ ᠥᠪᠡᠷᠰᠡᠳ ᠢᠶᠠᠨ ᠡᠮᠴᠢᠯᠡᠨ᠂ ᠴᠡᠪᠡᠷ ᠠᠭᠠᠷ ᠢᠶᠠᠷ ᠰᠡᠳᠭᠢᠯ ᠢᠶᠠᠨ ᠠᠷᠢᠭᠤᠰᠬᠠᠵᠤ᠂ | ᠠᠵᠢᠯ ᠬᠦᠳᠡᠯᠮᠦᠷᠢ ᠪᠠᠷ ᠪᠡᠶᠡ ᠪᠠᠨ ᠴᠢᠬᠢᠷᠠᠭᠵᠢᠭᠤᠯᠵᠤ᠂ ᠤᠯᠠᠮᠵᠢᠯᠠᠯᠲᠤ ᠵᠠᠩ ᠳᠠᠳᠬᠠᠯ ᠢᠶᠠᠷ ᠢᠶᠠᠨ ᠴᠢᠬᠢᠷᠠᠭ ᠶᠠᠪᠤᠵᠤ | ᠢᠷᠡᠭᠰᠡᠨ ᠶᠤᠮ᠃ ᠡᠭᠦᠨ ᠳᠤ ᠴᠠᠭᠠᠨ ᠢᠳᠡᠭᠡᠨ ᠤ ᠨᠢᠭᠡ ᠪᠣᠯᠬᠤ ᠰᠢᠷᠠ ᠲᠣᠰᠤ ᠪᠣᠯ ᠬᠠᠯᠠᠭᠤᠨ ᠪᠦᠯᠢᠶᠡᠨ ᠴᠢᠨᠠᠷᠲᠠᠢ᠂ | ᠬᠡᠢ ᠶᠢ ᠳᠠᠷᠤᠵᠤ ᠲᠠᠮᠢᠷ ᠢ ᠰᠠᠶᠢᠵᠢᠷᠠᠭᠤᠯᠤᠨ᠂ ᠳᠥᠷᠢ ᠲᠦᠷᠬᠦ ᠶᠢ ᠭᠤᠶᠤ ᠦᠵᠡᠰᠭᠦᠯᠡᠩ ᠪᠣᠯᠭᠠᠳᠠᠭ᠃ ᠬᠦᠮᠦᠨ ᠤ | ᠪᠡᠶᠡ ᠶᠢᠨ ᠡᠷᠡᠭᠦᠯ ᠮᠡᠨᠳᠦ ᠳᠤ ᠣᠯᠠᠨ ᠬᠡᠷᠡᠭᠴᠡᠭᠡ ᠲᠠᠢ᠂ ᠡᠮᠲᠦ ᠴᠢᠨᠠᠷᠲᠠᠢ ᠡᠷᠬᠢᠮ ᠴᠢᠬᠤᠯᠠ ᠢᠳᠡᠭᠡᠨ ᠪᠣᠯᠣᠨᠠ᠃ | ᠭᠤᠣᠯᠳᠠᠭᠤ ᠭᠠᠳᠠᠷ ᠢᠯᠢᠵᠦ ᠨᠤᠬᠤᠯᠠᠬᠤ ᠳᠤ ᠬᠡᠷᠡᠭᠯᠡᠵᠦ᠂ ᠭᠠᠷ ᠬᠠᠭᠠᠷᠠᠬᠤ ᠳᠤ ᠲᠦᠷᠬᠢᠪᠡᠯ ᠰᠠᠶᠢᠨ ᠪᠦᠭᠡᠳ ᠭᠠᠳᠠᠷ | ᠪᠡᠶᠡ ᠳᠤ ᠲᠦᠷᠬᠢᠪᠡᠯ ᠭᠠᠶᠢᠬᠠᠮᠰᠢᠭᠲᠤ ᠦᠢᠯᠡᠳᠦᠯ ᠲᠠᠢ᠃ ᠨᠢᠯᠬᠠ ᠬᠡᠥᠬᠡᠳ ᠤᠨ ᠭᠡᠳᠡᠰᠦ᠂ ᠪᠡᠶᠡ ᠶᠢ ᠨᠢ ᠢᠯᠢᠬᠦ ᠳᠤ | ᠣᠨᠴᠠᠭᠠᠢ ᠲᠤᠰᠠᠲᠠᠢ᠂ ᠪᠡᠶᠡ ᠶᠢᠨ ᠲᠠᠮᠢᠷ ᠬᠦᠴᠦ ᠶᠢ ᠰᠠᠶᠢᠵᠢᠷᠠᠭᠤᠯᠤᠨ᠂ ᠡᠪᠡᠳᠴᠢᠨ ᠲᠠᠬᠤᠯ ᠢ ᠡᠰᠡᠷᠭᠦᠴᠡᠬᠦ ᠴᠢᠳᠠᠪᠤᠷᠢ ᠶᠢ | ᠨᠡᠮᠡᠭᠳᠡᠭᠦᠯᠦᠨ᠂ ᠨᠢᠯᠬᠠ ᠬᠡᠥᠬᠡᠳ ᠦᠭᠡ ᠬᠡᠯᠡᠵᠦ ᠴᠢᠳᠠᠬᠤ ᠦᠭᠡᠢ᠂ ᠡᠮ ᠤᠤᠭᠤᠵᠤ ᠳᠡᠶᠢᠯᠬᠦ ᠦᠭᠡᠢ ᠲᠤᠯᠠ ᠰᠢᠷᠠ | ᠲᠣᠰᠤ ᠲᠠᠢ ᠭᠠᠷ ᠢᠶᠠᠷ ᠢᠯᠢᠵᠦ ᠡᠳᠡᠭᠡᠷᠡᠭᠦᠯᠬᠦ ᠪᠣᠯ ᠬᠠᠮᠤᠭ ᠰᠠᠶᠢᠨ ᠠᠷᠭᠠ ᠳᠣᠮ ᠶᠤᠮ᠃ ᠰᠢᠷᠠ ᠲᠣᠰᠤ ᠶᠢ ᠲᠦᠷᠬᠢᠨ | ᠢᠯᠢᠭᠰᠡᠨ ᠬᠡᠥᠬᠡᠳ ᠰᠠᠯᠬᠢ ᠴᠢᠭᠢᠭ ᠠᠴᠠ ᠠᠶᠤᠬᠤ ᠦᠭᠡᠢ ᠲᠡᠰᠪᠦᠷᠢ ᠲᠠᠢ ᠪᠣᠯᠳᠠᠭ᠃ ᠰᠢᠷᠠ ᠲᠣᠰᠤ ᠲᠠᠢ ᠬᠠᠭᠤᠷᠠᠢ | ᠪᠤᠳᠠᠭᠠ ᠪᠤᠶᠤ ᠪᠣᠯᠣᠭᠰᠠᠨ ᠭᠤᠯᠢᠷ ᠢᠳᠡᠭᠰᠡᠨ ᠬᠦᠮᠦᠨ ᠪᠠᠷᠤᠭᠲᠠᠢ ᠳᠤ ᠦᠯᠦᠰᠬᠦ ᠦᠭᠡᠢ ᠪᠠᠶᠢᠳᠠᠭ᠃ ᠰᠢᠭᠡᠰᠦ ᠣᠯᠠᠨ | ᠬᠦᠷᠬᠦ᠂ ᠳᠠᠪᠤᠰᠠᠩ ᠡᠪᠡᠳᠬᠦ ᠳᠤ ᠳᠡᠭᠡᠷᠡ ᠨᠢ ᠲᠦᠷᠬᠢᠵᠦ ᠬᠠᠷᠠ ᠬᠦᠬᠡ ᠳᠠᠪᠤᠤ ᠪᠠᠷ ᠵᠢᠩ ᠲᠠᠯᠪᠢᠪᠠᠯ ᠶᠡᠭᠡ ᠲᠠᠭᠠᠲᠠᠢ | ᠪᠣᠯᠵᠤ ᠡᠪᠡᠳᠬᠦ ᠨᠢ ᠵᠣᠭᠰᠣᠨᠠ᠃ ᠰᠢᠷᠠ ᠲᠣᠰᠤ ᠨᠢᠯᠠᠭᠤᠨ ᠠᠮᠲᠠᠲᠠᠢ᠂ ᠢᠳᠡᠬᠦ ᠳᠤ ᠬᠤᠷᠴᠠ ᠥᠯ ᠰᠠᠶᠢᠲᠠᠢ ᠢᠳᠡᠭᠡᠨ | ᠶᠤᠮ᠃ ᠮᠣᠩᠭᠤᠯ ᠡᠮ ᠤᠨ ᠬᠥᠯᠭᠡ ᠪᠣᠯᠭᠠᠵᠤ᠂ ᠣᠯᠠᠨ ᠵᠦᠢᠯ ᠤᠨ ᠡᠪᠡᠳᠴᠢᠨ ᠡᠮᠭᠡᠭ ᠢ ᠵᠠᠰᠠᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠂ | ᠬᠦᠢᠲᠡᠨ ᠬᠡᠢ ᠶᠢ ᠲᠠᠭᠤᠵᠤ᠂ ᠢᠯᠴᠢ ᠨᠦᠬᠦᠪᠦᠷᠢᠯᠡᠵᠦ ᠦᠶᠡ ᠭᠡᠰᠢᠭᠦᠦ ᠬᠤᠶᠠᠩ ᠢ ᠵᠠᠰᠠᠬᠤ ᠳᠤ ᠮᠠᠰᠢ ᠰᠠᠶᠢᠨ | ᠦᠢᠯᠡᠳᠦᠯ ᠲᠠᠢ᠃ ᠢᠯᠠᠩᠭᠤᠶᠠ ᠡᠪᠦᠯ᠂ ᠬᠠᠪᠤᠷ ᠰᠢᠷᠠ ᠲᠣᠰᠤ ᠢᠳᠡᠪᠡᠯ ᠪᠡᠶᠡ ᠶᠢ ᠳᠤᠯᠠᠭᠠᠴᠠᠭᠤᠯᠬᠤ ᠶᠢᠨ ᠬᠠᠮᠲᠤ | ᠰᠠᠯᠬᠢᠨ ᠳᠤ ᠵᠢᠩᠭᠢᠨᠡᠵᠦ ᠳᠠᠭᠠᠷᠠᠭᠰᠠᠨ ᠠᠴᠠ ᠣᠯᠣᠭᠰᠠᠨ ᠭᠡᠮ ᠢ ᠵᠠᠰᠠᠳᠠᠭ᠂ ᠤᠳᠠᠭᠠᠨ ᠵᠢᠯ ᠬᠠᠳᠠᠭᠠᠯᠠᠭᠰᠠᠨ ᠰᠢᠷᠠ ᠲᠣᠰᠤ | ᠬᠦᠯᠳᠡᠭᠰᠡᠨ ᠰᠢᠷᠬᠠ᠂ ᠭᠡᠳᠡᠰᠦ ᠬᠥᠭᠡᠭᠡᠬᠦ ᠡᠪᠡᠳᠴᠢᠨ᠂ ᠰᠢᠷᠠ ᠤᠰᠤᠨ ᠤ ᠡᠪᠡᠳᠴᠢᠨ ᠵᠡᠷᠭᠡ ᠳᠤ ᠣᠨᠴᠠ ᠲᠣᠰᠠᠲᠠᠢ᠃ | ᠴᠢᠬᠢ ᠱᠤᠤᠭᠢᠵᠤ ᠪᠠᠶᠢᠪᠠᠯ ᠨᠢᠭᠡ ᠲᠤᠰᠤᠯ ᠰᠢᠷᠠ ᠲᠣᠰᠤ ᠬᠢᠵᠦ ᠵᠢᠭᠠᠬᠠᠨ ᠤᠳᠠᠪᠠᠯ ᠵᠦᠭᠡᠷ ᠪᠣᠯᠴᠢᠬᠠᠨᠠ᠃ ︵ᠴᠢᠮᠦᠭᠡ | ᠬᠦᠷᠦᠭᠰᠡᠨ ᠬᠦᠮᠦᠨ ᠳᠤ ᠰᠢᠷᠠ ᠲᠣᠰᠤ ᠲᠠᠢ ᠮᠣᠩᠭᠤᠯ ᠠᠷᠢᠬᠢ ᠤᠤᠭᠤᠯᠭᠠᠪᠠᠯ ᠲᠦᠷᠭᠡᠨ ᠲᠤᠰᠠᠯᠠᠵᠤ ᠴᠢᠳᠠᠨᠠ︶᠃ | ᠳᠠᠭᠠᠷᠠᠵᠤ ᠪᠡᠭᠡᠷᠡᠭᠰᠡᠨ ᠠᠴᠠ ᠬᠦᠢᠰᠦᠨ ᠳᠡᠭᠡᠷᠡ ᠡᠪᠡᠳᠴᠦ ᠬᠠᠳᠬᠤᠯᠠᠬᠤ ᠳᠤ ᠬᠠᠭᠤᠷᠤᠭᠰᠠᠨ ᠪᠤᠳᠠᠭᠠᠨ ᠤ ᠠᠭᠠᠭ ᠲᠠᠢ | ᠰᠢᠷᠠ ᠲᠣᠰᠤ ᠲᠠᠯᠪᠢᠪᠡᠯ ᠳᠠᠷᠤᠢ ᠳᠤ ᠨᠢ ᠡᠪᠡᠳᠬᠦ ᠶᠢ ᠨᠠᠮᠳᠠᠭᠠᠨᠠ᠃ ᠪᠦᠰᠡᠭᠦᠶᠢᠴᠦᠳ ᠰᠠᠪᠠᠨ ᠤ ᠰᠡᠷᠢᠭᠦᠨ ᠢᠶᠠᠷ | ᠰᠠᠷᠠ ᠶᠢᠨ ᠭᠭᠢᠷ ᠢᠷᠡᠬᠦ ᠳᠤ ᠡᠪᠡᠳᠪᠡᠯ ᠰᠢᠷᠠ ᠲᠣᠰᠤ ᠶᠢ ᠲᠦᠷᠬᠢᠵᠦ᠂ ᠴᠡᠪᠡᠷ ᠬᠠᠷᠠ ᠬᠦᠬᠡ ᠳᠠᠪᠤᠤ ᠳᠤ ᠰᠢᠩᠭᠡᠭᠡᠵᠦ ᠵᠢᠩ | ᠲᠠᠯᠪᠢᠪᠠᠯ ᠰᠠᠶᠢᠨ ᠪᠣᠯᠴᠢᠬᠠᠳᠠᠭ᠃ | |