| ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠤᠯᠠᠮᠵᠢᠯᠠᠯᠲᠦ ᠵᠢᠷᠤᠭ ᠤᠷᠠᠯᠢᠭ ᠤᠨ ᠠᠭᠤᠯᠬᠤᠨ ᠨᠢ ᠪᠠᠶᠠᠯᠢᠭ᠂ ᠲᠦᠷᠦᠯ ᠵᠦᠢᠯ ᠨᠢ | ᠤᠯᠠᠨ᠂ ᠲᠡᠭᠦᠨ ᠤ ᠲᠤᠲᠤᠷᠠᠬᠢ ᠬᠡ ᠤᠭᠠᠯᠵᠠ ᠪᠤᠯ ᠮᠤᠩᠭᠤᠯ ᠶᠤᠧᠠᠨ ᠤ ᠰᠤᠶᠤᠯ᠂ ᠲᠠᠯᠠ ᠨᠤᠲᠤᠭ ᠤᠨ ᠰᠤᠶᠤᠯ᠂ | ᠪᠤᠳ᠋ᠳ᠋ᠾᠠ ᠶᠢᠨ ᠱᠠᠰᠢᠨ ᠤ ᠰᠤᠶᠤᠯ ᠵᠡᠷᠭᠡ ᠤᠯᠠᠨ ᠵᠦᠢᠯ ᠤᠨ ᠰᠤᠶᠤᠯ ᠤᠨ ᠶᠡᠭᠡ ᠠᠭᠤᠰᠤᠯᠴᠠᠯ ᠮᠦᠨ᠃ ᠮᠤᠩᠭᠤᠯ | ᠦᠨᠳᠦᠰᠦᠲᠡᠨ ᠤ ᠤᠷᠴᠢᠨ ᠦᠶᠡ ᠶᠢᠨ ᠠᠯᠳᠠᠷᠲᠦ ᠵᠢᠷᠤᠭᠴᠢᠨ ᠠᠭᠸᠠᠩ ᠪᠤᠯ ᠲᠡᠳᠡᠨ ᠤ ᠲᠤᠲᠤᠷᠠᠬᠢ ᠨᠡᠶᠢᠲᠡᠯᠢᠭ | ᠲᠦᠯᠦᠭᠡᠯᠡᠭᠴᠢ ᠮᠦᠨ᠃ ᠠᠭᠸᠠᠩ 1914 ᠤᠨ ᠳᠤ ᠰᠢᠯᠤᠭᠤᠨ ᠬᠦᠭᠡ ᠬᠤᠰᠢᠭᠤᠨ ᠤ ᠪᠤᠱᠤᠤᠳᠠᠢ ᠰᠤᠮᠤ ᠶᠢᠨ | ᠪᠠᠶᠠᠨᠪᠤᠯᠠᠭ ᠭᠠᠴᠠᠭᠠ ︵ᠤᠤᠯ ᠤᠨ ᠰᠢᠯᠤᠭᠤᠨ ᠬᠦᠪᠡᠭᠡᠲᠦ ᠴᠠᠭᠠᠨ ᠬᠤᠰᠢᠭᠤᠨ ᠤ ᠬᠦᠯᠦ ᠴᠠᠭᠠᠨ ᠬᠤᠨᠢᠨ ᠰᠦᠷᠦᠭ︶ | ᠶᠢᠨ ᠮᠠᠯᠴᠢᠨ ᠪᠤᠷᠤᠦ᠋ᠬᠢᠨ ᠤ ᠭᠡᠷ ᠲᠤ ᠲᠦᠷᠦᠵᠠᠢ᠃ ᠲᠡᠷᠡ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠵᠢᠷᠤᠭ ᠵᠢᠷᠤᠬᠤ ᠠᠪᠢᠶᠠᠰ ᠲᠠᠢ᠂ | 5 ᠨᠠᠰᠤᠲᠠᠢ ᠳᠠᠭᠠᠨ ᠠᠭᠤᠯᠠ ᠤᠰᠤ᠂ ᠨᠠᠪᠴᠢ ᠴᠡᠴᠡᠭ ᠮᠤᠳᠦ ᠪᠤᠯᠤᠨ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢ ᠵᠢᠷᠤᠵᠦ ᠴᠢᠳᠠᠬᠤ | ᠪᠤᠯᠵᠠᠢ᠃ ᠬᠡᠤᠬᠡᠳ ᠤᠨ ᠦᠶᠡ ᠳᠡᠭᠡᠨ ᠠᠭᠸᠠᠩ ᠰᠢᠯᠤᠭᠤᠨ ᠬᠦᠬᠡ ᠬᠤᠰᠢᠭᠤᠨ ᠤ ᠬᠠᠳᠠᠨ ᠬᠤᠰᠢᠭᠤ ᠰᠦᠮᠡ ᠳᠤ ᠪᠠᠨᠳᠢ | ᠪᠤᠯᠵᠦ ᠪᠠᠶᠢᠬᠤ ᠳᠠᠭᠠᠨ ᠰᠦᠮᠡ ᠶᠢᠨ ᠲᠤᠭᠠᠩ ᠳᠠᠬᠢ ᠡᠯᠳᠡᠪ ᠶᠠᠩᠵᠦ ᠲᠦᠷᠬᠦ ᠶᠢᠨ ᠪᠤᠷᠬᠠᠳ ᠤᠨ ᠵᠢᠷᠤᠭ᠂ ᠪᠠᠭᠠᠨᠠ | ᠲᠤᠯᠭᠠᠭᠤᠷᠢ᠂ ᠬᠠᠨᠠ ᠭᠡᠷᠡᠮ ᠳᠡᠭᠡᠷᠡᠬᠢ ᠬᠡ ᠤᠭᠠᠯᠵᠠ ᠶᠢ ᠲᠤᠩ ᠪᠠᠭ᠋ᠠᠷᠠᠵᠦ᠂ ᠷᠠᠪᠵᠠᠮᠪᠠ ᠰᠠᠮᠪᠤᠤ ᠶᠢ ᠪᠠᠭᠰᠢ ᠪᠠᠷᠢᠵᠦ᠂ | ᠮᠤᠤᠲ᠋ᠤᠤ ᠴᠠᠭᠠᠰᠤ ᠪᠤᠶᠤ ᠲᠤᠰᠦᠯᠡᠵᠦ ᠦᠨᠡᠰᠦᠳᠡᠭᠰᠡᠨ ᠮᠤᠳᠤᠨ ᠬᠠᠪᠲᠠᠰᠤᠨ ᠳᠡᠭᠡᠷᠡ ᠵᠢᠷᠤᠭ ᠵᠢᠷᠤᠳᠠᠭ ᠪᠦᠭᠡᠳ ᠰᠡᠶᠢᠯᠬᠦ᠂ | ᠱᠤᠭᠤᠬᠤ ᠤᠷᠠ ᠮᠡᠷᠭᠡᠵᠢᠯ ᠢ ᠴᠦ ᠮᠠᠰᠢ ᠲᠦᠷᠭᠡᠨ ᠡᠵᠡᠮᠰᠢᠵᠠᠢ᠃ 13 ᠨᠠᠰᠤᠲᠠᠢ ᠪᠠᠶᠢᠬᠤ ᠳᠠᠭᠠᠨ ︽ᠴᠠᠭᠠᠨ ᠪᠠᠷᠰ ᠤᠨ | ᠰᠦᠭ ᠰᠦᠯᠲᠡ︾᠂ ︽ᠴᠠᠭᠠᠨ ᠡᠪᠤᠭᠡᠨ︾ ᠵᠡᠷᠭᠡ ᠬᠦᠷᠦᠭ ᠵᠢᠷᠤᠭ ᠪᠠ ︽ᠮᠤᠯᠤᠨ ᠲᠦᠢᠨ ᠡᠬᠡ ᠶᠢᠨ ᠢᠶᠠᠨ ᠠᠴᠢ ᠶᠢ | ᠬᠠᠷᠢᠭᠤᠯᠤᠭᠰᠠᠨ ᠠᠨᠤ︾ ᠭᠡᠳᠡᠭ ᠦᠯᠢᠭᠡᠷᠴᠢᠯᠡᠭᠰᠡᠨ ᠵᠢᠷᠤᠭ ᠤᠨ ᠲᠡᠪᠲᠡᠷ ᠢ ᠵᠢᠷᠤᠵᠦ ᠭᠠᠷᠭᠠᠵᠠᠢ᠂ 17 ᠨᠠᠰᠤᠲᠠᠢ | ᠪᠠᠶᠢᠬᠤ ᠳᠠᠭᠠᠨ ᠨᠠᠷᠠᠸᠠ ᠯᠠᠮᠠ ᠶᠢᠨ ᠰᠦᠮᠡ ᠳᠤ ᠴᠠᠮ ᠤᠨ ᠪᠠᠭ ᠴᠠᠷᠳᠠᠵᠦ ᠴᠠᠮ ᠤᠨ ᠬᠤᠪᠴᠠᠰᠦ ᠬᠢᠵᠦ ᠦᠭᠭᠦᠭᠡᠳ | ᠬᠦᠮᠦᠰ ᠤᠨ ᠮᠠᠭᠲᠠᠭᠠᠯ ᠰᠠᠶᠢᠰᠢᠶᠠᠯ ᠢ ᠤᠯᠵᠤ ᠪᠠᠶᠢᠪᠠ᠃ | ᠠᠭᠸᠠᠩ ᠪᠠᠨᠳᠢᠳᠠ ᠬᠡᠬᠡᠨ ᠬᠡᠶᠢᠳ ᠲᠤ ᠯᠠᠮᠠ ᠪᠤᠯᠵᠦ ᠪᠠᠶᠢᠬᠤ ᠳᠠᠭᠠᠨ ᠤᠷᠠᠯᠠᠵᠦ ᠪᠦᠲᠦᠭᠡᠭᠰᠡᠨ ᠬᠦᠷᠦᠭ ᠵᠢᠷᠤᠭ᠂ | ᠱᠤᠭᠤᠮᠠᠯ ᠴᠠᠷᠳᠠᠮᠠᠯ ᠵᠡᠷᠭᠡ ᠤᠷᠠᠨ ᠨᠠᠷᠢᠯᠢᠬ ᠤᠷᠠᠯᠢᠭ ᠤᠨ ᠪᠦᠲᠦᠭᠡᠯ ᠪᠤᠯᠤᠨ ᠬᠡ ᠤᠭᠠᠯᠵᠠ ᠨᠢ ᠮᠤᠩᠭᠤᠯ | ᠦᠨᠳᠦᠰᠦᠲᠡᠨ ᠤ ᠡᠳᠦᠷ ᠲᠤᠲᠤᠮ ᠤᠨ ᠠᠮᠢᠳᠤᠷᠠᠯ ᠳᠤ ᠦᠷᠭᠡᠨ ᠢᠶᠠᠷ ᠬᠡᠷᠡᠭᠯᠡᠭᠳᠡᠵᠦ᠂ ᠮᠠᠯᠴᠢᠳ ᠲᠤ ᠶᠡᠭᠡ ᠲᠤᠭᠤᠭᠳᠠᠵᠦ᠂ | ︽ᠴᠠᠬᠠᠷ ᠵᠢᠷᠣᠭᠴᠢᠨ︾ ᠭᠡᠵᠦ ᠠᠯᠳᠠᠷ ᠴᠤᠤ ᠨᠢ ᠶᠡᠬᠡᠪᠡᠷ ᠮᠠᠨᠳᠤᠵᠠᠢ᠃ 1843 ᠤᠨ ᠳᠤ᠂ ᠲᠡᠷᠡ ᠴᠢᠭᠤᠯᠤᠯᠲᠦ | ᠬᠠᠭᠠᠯᠭᠠ ᠳᠤ ᠤᠴᠢᠵᠦ ᠵᠢᠷᠤᠭ ᠤᠨ ᠪᠤᠯᠪᠠᠰᠤᠷᠠᠯ ᠤᠨ ᠠᠩᠬᠢ ᠳᠤ ᠰᠤᠷᠤᠯᠴᠠᠵᠦ ᠪᠠᠶᠢᠬᠤ ᠳᠠᠭᠠᠨ ᠶᠠᠫᠤᠨ ᠬᠦᠮᠦᠨ | ᠤᠤᠨᠢᠰᠢ ᠠᠴᠠ ᠤᠳᠤ ᠦᠶᠡ ᠶᠢᠨ ᠵᠢᠷᠤᠭ ᠵᠢᠷᠤᠬᠤ ᠮᠡᠷᠭᠡᠵᠢᠯ ᠢ ᠰᠤᠷᠤᠭᠠᠳ ᠤᠯᠠᠮᠵᠢᠯᠠᠯᠲᠦ ᠮᠤᠩᠭᠤᠯ ᠵᠢᠷᠤᠭ ᠤᠨ | ᠮᠡᠷᠭᠡᠵᠢᠯ ᠢᠶᠠᠨ ᠰᠢᠨᠡ ᠲᠦᠪᠰᠢᠨ ᠳᠤ ᠬᠦᠷᠭᠡᠪᠡ᠃ 1950 ᠤᠨ ᠳᠤ ᠬᠤᠪᠢᠰᠬᠠᠯ ᠳᠤ ᠤᠷᠤᠯᠴᠠᠵᠦ᠂ ᠤᠷᠢᠳ ᠬᠤᠵᠢᠳ | ᠴᠠᠬᠠᠷ ᠠᠶᠢᠮᠠᠭ ᠤᠨ ᠨᠠᠮ ᠤᠨ ᠬᠤᠷᠢᠶᠠᠨ ᠤ ᠤᠬᠠᠭᠤᠯᠬᠤ ᠬᠡᠯᠳᠡᠰ᠂ ᠴᠠᠬᠠᠷ ᠠᠢᠮᠠᠭ ᠤᠨ ᠤᠬᠠᠭᠤᠯᠬᠤ ᠠᠩᠭᠢ᠂ ᠰᠢᠯᠤᠭᠤᠨ | ᠬᠦᠬᠡ ᠬᠤᠰᠢᠭᠤᠨ ᠤ ᠰᠤᠶᠤᠯ ᠤᠨ ᠤᠷᠳᠤᠨ᠂ ᠤᠯᠠᠭᠠᠨᠮᠦ᠋ᠴᠢᠷ ᠵᠡᠷᠭᠡ ᠨᠢᠭᠡᠴᠡ ᠳᠤ ᠠᠵᠢᠯᠯᠠᠵᠦ᠂ ︽ᠭᠤᠤᠯ ᠤᠨ | ᠲᠤᠬᠤᠢ ᠳᠤ ᠪᠡᠯᠴᠢᠵᠦ ᠪᠠᠶᠢᠭᠠ ᠦᠬᠡᠷ ᠤᠨ ᠰᠦᠷᠦᠭ︾᠂ ︽ᠬᠤᠶᠠᠷ ᠪᠤᠤᠷᠠ ᠶᠢᠨ ᠲᠡᠮᠡᠴᠡᠭᠡᠨ︾᠂ ︽ᠲᠠᠯᠠ | ᠨᠤᠲᠤᠭ ᠤᠨ ᠮᠠᠯᠴᠢᠳ︾᠂ ︽ᠬᠤᠨᠢᠴᠢᠨ ᠬᠡᠤᠬᠡᠨ︾᠂ ︽ᠪᠠᠭᠠ ᠡᠷᠢᠶᠡᠨ ᠤ ᠪᠠᠶᠢᠯᠳᠤᠭᠠᠨ︾ ᠵᠡᠷᠭᠡ ᠰᠢᠯᠢᠳᠡᠭ ᠪᠦᠲᠦᠭᠡᠯ | ᠵᠤᠬᠢᠶᠠᠨ ᠪᠦᠲᠦᠭᠡᠵᠠᠢ᠃ | ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠦᠪ ᠢ ᠤᠷᠬᠢᠭᠳᠠᠭᠤᠯᠬᠤ ᠦᠭᠡᠢ ᠶᠢᠨ ᠲᠤᠯᠠᠳᠠ᠂ | 1962 ᠤᠨ ᠤ 2 ᠰᠠᠷᠠ ᠳᠤ ᠲᠡᠷᠡ ᠬᠤᠲᠠ ᠤᠰᠤ᠂ ᠮᠠᠯᠴᠢᠨ ᠠᠶᠢᠯ ᠢᠶᠠᠷ ᠲᠤᠭᠤᠷᠢᠨ ᠶᠠᠪᠤᠵᠦ ᠮᠠᠲ᠋ᠧᠷᠢᠶᠠᠯ | ᠴᠤᠭᠯᠠᠭᠤᠯᠤᠨ ᠡᠮᠬᠢᠳᠭᠡᠵᠦ ︽ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠬᠡ ᠤᠭᠠᠯᠵᠠ︾ ᠶᠢ ᠵᠤᠬᠢᠶᠠᠨ ᠪᠦᠲᠦᠭᠡᠪᠡ᠃ ᠲᠡᠷᠡ ᠪᠠᠷ ᠡᠨᠡᠬᠦ | ᠵᠢᠷᠤᠭᠲᠦ ᠲᠡᠪᠳᠡᠷ ᠤᠨ ᠢᠶᠠᠨ ᠡᠮᠤᠨᠡᠬᠢ ᠦᠭᠡ ᠳᠤ ︽ᠡᠨᠡᠬᠦ ᠬᠡ ᠤᠭᠠᠯᠵᠠ ᠶᠢᠨ ᠡᠮᠬᠢᠳᠭᠡᠯ ᠨᠢ ᠭᠤᠤᠯᠳᠠᠭᠤ ᠴᠠᠬᠠᠷ | ᠨᠤᠲᠤᠭ ᠤᠨ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠬᠤᠪᠴᠠᠰᠦ ᠵᠠᠰᠠᠯ ᠪᠤᠯᠤᠨ ᠠᠮᠢᠳᠤᠷᠠᠯ ᠤᠨ ᠬᠡᠷᠡᠭᠰᠡᠯ ᠳᠡᠭᠡᠷᠡᠬᠢ ᠬᠡ | ᠤᠭᠠᠯᠵᠠ ᠪᠠᠷ ᠪᠦᠷᠢᠯᠳᠦᠭᠰᠡᠨ ᠶᠤᠮ᠂ ᠵᠠᠷᠢᠮ ᠳᠤᠨᠢ ᠪᠠᠭᠠ ᠵᠠᠰᠠᠯᠲᠠ ᠤᠷᠤᠭᠤᠯᠪᠠ᠂ ᠵᠠᠷᠢᠮ ᠨᠢ ᠪᠤᠳᠠᠲᠠᠢ ᠶᠠᠭᠤᠮᠠ ᠶᠢ | ᠲᠡᠷᠡ ᠬᠡᠪ ᠢᠶᠠᠷ ᠨᠢ ᠵᠢᠷᠤᠵᠦ ᠪᠠᠭᠤᠯᠭᠠᠭᠰᠠᠨ ᠵᠦᠢᠯ ᠪᠤᠯᠤᠨᠠ︾ ᠭᠡᠵᠦ ᠲᠠᠨᠢᠯᠴᠠᠭᠤᠯᠵᠠᠢ᠃ ᠲᠤᠰ ᠨᠤᠮ ᠨᠢ ᠵᠢᠷᠤᠭ ᠤᠨ | ᠬᠡᠯᠪᠡᠷᠢ ᠪᠠᠷ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠤᠷᠠᠯᠢᠭ ᠤᠨ ᠰᠤᠶᠤᠯ ᠢ ᠦᠵᠡᠭᠦᠯᠥᠭᠰᠡᠨ ᠲᠤᠩ ᠶᠡᠭᠡ ᠮᠠᠲ᠋ᠧᠷᠢᠶᠠᠯ ᠤᠨ ᠦᠨᠡ | ᠴᠠᠨᠠ ᠲᠠᠢ ᠶᠤᠮ᠃ 1963 ᠤᠨ ᠳᠤ ᠦᠪᠤᠷ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ ᠠᠴᠠ ᠬᠡᠪᠯᠡᠭᠦᠯᠦᠨ | ᠲᠠᠷᠬᠠᠭᠠᠪᠠ᠃ ᠥᠪᠤᠷ ᠮᠤᠩᠭᠤᠯ ᠤᠨ ᠮᠦᠽᠧᠢ ᠶᠢ ᠠᠩᠬᠠ ᠪᠠᠶᠢᠭᠤᠯᠬᠤ ᠳᠤ᠂ ᠠᠭᠸᠠᠩ ᠬᠦᠬᠡᠬᠤᠲᠠ ᠳᠤ ᠤᠷᠢᠭᠳᠠᠨ | ᠢᠷᠡᠵᠦ ᠮᠦᠽᠧᠢ ᠶᠢᠨ ᠲᠤᠲᠤᠷᠠ ᠭᠠᠳᠠᠨᠠᠬᠢ ᠵᠢᠷᠤᠭ ᠤᠷᠠᠯᠠᠯ ᠱᠤᠭᠤᠮᠠᠯ ᠴᠠᠷᠳᠠᠮᠠᠯ ᠤᠨ ᠠᠵᠢᠯ ᠳᠤ ᠤᠷᠤᠯᠴᠠᠵᠠᠢ᠃ ᠲᠡᠷᠡ | ᠪᠠᠰᠠ ᠦᠪᠡᠷ ᠤᠨ ᠬᠢᠭᠰᠡᠨ ᠡᠳᠦᠢ ᠲᠡᠳᠦᠢ ᠪᠠᠭ ᠢᠶᠠᠨ ᠮᠦᠽᠧᠢ ᠳᠤ ᠪᠡᠯᠡᠭᠯᠡᠨ ᠦᠭᠭᠦᠭᠰᠡᠨ ᠪᠠᠶᠢᠨᠠ᠃ 1962 ᠤᠨ ᠳᠤ | ᠵᠢᠷᠤᠭᠴᠢᠨ ᠮᠠᠨᠢ ᠴᠢᠭᠤᠯᠤᠯᠲᠦ ᠬᠠᠭᠠᠯᠭᠠ ᠳᠤ ᠡᠪᠡᠳᠴᠢᠨ ᠢᠶᠠᠷ ᠨᠠᠰᠦ ᠪᠠᠷᠠᠵᠠᠢ᠂ ᠨᠠᠰᠤ ᠰᠡᠭᠦᠳᠡᠷ ᠨᠢ 49 ᠠᠵᠢ᠃ | 2014 ᠤᠨ ᠳᠤ᠂ ᠰᠢᠯᠤᠭᠤᠨ ᠬᠦᠬᠡ ᠬᠤᠰᠢᠭᠤ ᠳᠤᠮᠳᠠᠳᠦ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠭᠴᠢᠳ ᠤᠨ ᠵᠢᠷᠤᠭ ᠤᠨ | ᠦᠵᠡᠰᠭᠦᠯᠡᠩ᠂ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠰᠤᠳᠤᠯᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠡᠷᠬᠢᠯᠡᠬᠦ ᠵᠡᠷᠭᠡ ᠬᠡᠯᠪᠡᠷᠢ ᠪᠠᠷ ᠮᠤᠩᠭᠤᠯ | ᠦᠨᠳᠦᠰᠦᠲᠡᠨ ᠤ ᠤᠷᠴᠢᠨ ᠦᠶᠡ ᠶᠢᠨ ᠠᠯᠳᠠᠷᠲᠦ ᠵᠢᠷᠤᠭᠴᠢᠨ ᠠᠭᠸᠠᠩ ᠤᠨ ᠮᠡᠨᠳᠦᠯᠡᠭᠰᠡᠨ 100 ᠵᠢᠯ ᠤᠨ ᠤᠢ ᠶᠢ | ᠲᠤᠷᠠᠰᠬᠠᠪᠠ᠃ ᠤᠳᠤ ᠰᠢᠯᠤᠭᠤᠨ ᠬᠦᠭᠡ ᠬᠤᠰᠢᠭᠤᠨ ᠤ ᠰᠢᠨᠡ ᠦᠶᠡ ᠶᠢᠨ ᠠᠷᠠᠳ ᠤᠨ ᠤᠷᠠᠯᠢᠬᠴᠢᠳ ᠤᠨ ᠲᠤᠲᠤᠷᠠ | ᠠᠭᠸᠠᠩ ᠤᠨ ᠤᠭ ᠬᠡᠪᠯᠡᠯ ᠤᠨ ︽ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠬᠡ ᠤᠭᠠᠯᠵᠠ︾ ᠶᠢ ᠬᠠᠳᠠᠭᠠᠯᠠᠵᠦ ᠪᠠᠶᠢᠬᠤ ᠬᠦᠮᠦᠨ ᠪᠤᠢ᠂ | ᠡᠨᠡ ᠨᠢ ᠠᠭᠸᠠᠩ ᠤᠨ ᠵᠠᠰᠠᠯ ᠴᠢᠮᠡᠭᠯᠡᠯ ᠤᠨ ᠬᠡ ᠤᠭᠠᠯᠵᠠ ᠶᠢᠨ ᠪᠦᠲᠦᠭᠡᠯ ᠤᠨ ᠲᠦᠯᠦᠭᠡᠯᠡᠬᠦ ᠪᠦᠲᠦᠭᠡᠯ ᠪᠤᠯᠬᠤ ᠪᠠᠷ ᠪᠠᠷᠠᠬᠤ | ᠦᠭᠡᠢ᠂ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠤᠯᠠᠮᠵᠢᠯᠠᠯᠲᠦ ᠬᠡ ᠤᠭᠠᠯᠵᠠ ᠶᠢ ᠵᠠᠯᠭᠠᠮᠵᠢᠯᠠᠵᠦ ᠬᠦᠭᠵᠢᠬᠦᠯᠦᠭᠰᠡᠨ ᠭᠠᠷᠮᠠᠭᠠᠢ | ᠪᠦᠲᠦᠭᠡᠯ ᠮᠦᠨ᠂ ᠬᠦᠮᠦᠰ ᠡᠭᠦᠨ ᠢ ᠤᠯᠠᠮ ᠰᠠᠶᠢᠨ ᠰᠤᠷᠴᠤ ᠰᠤᠳᠤᠯᠤᠭᠤᠰᠢᠲᠠᠢ ᠶᠤᠮ᠃ |