ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠣᠶᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠴᠠᠭ ᠠᠭᠠᠷ ᠰᠢᠨᠵᠢᠬᠦ ᠮᠤᠩᠭᠤᠯ ᠠᠷᠭ᠎ᠠ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2016/7/22
      ᠮᠠᠨ ᠤ ᠡᠪᠦᠭᠡ ᠲᠡᠭᠡᠳᠤᠰ ᠪᠠᠶᠢᠭᠠᠯᠢ ᠶᠢᠨ ᠡᠯᠳᠡᠪ ᠶᠠᠭᠤᠮᠠᠰ ᠦᠵᠡᠭᠳᠡᠯ ᠤᠨ ᠬᠤᠯᠪᠤᠭ᠎ᠠ ᠬᠠᠷᠢᠴᠠᠭ᠎ᠠ ᠶᠢ ᠰᠤᠷᠭᠤᠭ ᠢᠶᠠᠷ ᠠᠵᠢᠭᠯᠠᠨ ᠡᠷᠬᠢᠴᠡᠭᠦᠯᠤᠨ ᠳ᠋ᠦᠩᠨᠡᠵᠤ᠂ ᠠᠮᠢᠳᠤᠷᠠᠯ ᠠᠬᠤᠢ ᠳᠠᠭᠠᠨ ᠮᠦᠷᠳᠡᠯᠭᠡ ᠪᠤᠯᠭᠠᠵᠤ ᠢᠷᠡᠭᠰᠡᠨ ᠪᠠᠶᠠᠯᠢᠭ ᠤᠯᠠᠮᠵᠢᠯᠠᠯ ᠲᠠᠢ᠃     ᠲᠡᠭᠦᠨ ᠤ ᠨᠢᠭᠡᠨ ᠵᠢᠱᠢᠶ᠎ᠡ ᠪᠤᠯ ᠨᠠᠷᠠ᠂ ᠰᠠᠷᠠ᠂ ᠤᠳᠤᠳ ᠤᠨ ᠲᠤᠬᠢᠶᠠᠯ᠂ ᠡᠭᠦᠯᠡ᠂ ᠠᠭᠠᠷ ᠰᠠᠯᠬᠢᠨ ᠤ ᠬᠤᠪᠢᠰᠤᠯ ᠬᠦᠳᠡᠯᠭᠡᠭᠡᠨ ᠢᠶᠠᠷ ᠢᠷᠡᠬᠦ ᠴᠠᠭ ᠤᠨ ᠲᠡᠭᠷᠢ ᠶᠢᠨ ᠠᠶᠠᠰ ᠢ ᠤᠷᠢᠳᠴᠢᠯᠠᠨ ᠮᠡᠳᠡᠵᠤ ᠪᠠᠶᠢᠭᠰᠠᠨ ᠶᠠᠪᠤᠳᠠᠯ ᠪᠢᠯᠡ᠃      ᠪᠡᠶ᠎ᠡ ᠨᠤᠵᠤᠭᠤᠷᠠᠨ ᠵᠠᠯᠬᠠᠭᠤ ᠬᠦᠷᠴᠤ ᠨᠦᠢᠷᠮᠤᠭᠯᠠᠪᠠᠯ ᠵᠤᠨ ᠤ ᠴᠠᠭ ᠲᠤ ᠪᠤᠷᠤᠭ᠎ᠠ ᠤᠷᠤᠬᠤ ᠶᠢᠨ ᠰᠢᠨᠵᠢ᠃      ᠪᠡᠶ᠎ᠡ ᠬᠦᠨᠳᠤᠷᠡᠨ ᠤᠭᠤᠴᠠ ᠪᠠᠷ ᠬᠦᠰᠢᠵᠤ ᠨᠢᠳᠤ ᠪᠦᠷᠤᠯᠵᠠᠨ ᠲᠠᠷᠢᠬᠢ ᠲᠤᠯᠤᠭᠠᠢ ᠲᠦᠨᠡᠷᠡᠬᠦ ᠨᠢ ᠲᠡᠭᠷᠢ ᠡᠪ ᠦᠭᠡᠶᠢᠷᠡᠬᠦ ᠶᠢᠨ ᠲᠡᠮᠳᠡᠭ᠃     ᠭᠠᠩᠰᠠᠨ ᠤ ᠪᠤᠬᠢ ᠲᠦᠭᠵᠢᠷᠡᠵᠤ ᠤᠰᠤᠳᠠᠵᠤ ᠢᠷᠡᠬᠦ ᠨᠢ ᠲᠡᠭᠷᠢ ᠮᠠᠭᠤᠳᠠᠵᠤ ᠪᠤᠷᠤᠭ᠎ᠠ ᠤᠷᠤᠬᠤ ᠶᠢᠨ ᠰᠢᠨᠵᠢ᠃     ᠤᠭᠤᠳᠠ ᠰᠠᠪᠠ ᠲᠠᠢ ᠲᠠᠮᠠᠬᠢ ᠲᠠᠪᠤᠰᠤ ᠴᠢᠭᠢᠭᠳᠡᠬᠦ ᠨᠢ ᠪᠤᠷᠤᠭ᠎ᠠ ᠤᠷᠤᠬᠤ ᠶᠢᠨ ᠰᠢᠨᠵᠢ᠃     ᠬᠡᠳᠦ᠋ᠢᠪᠡᠷ ᠰᠠᠷᠢᠭᠦᠪᠳᠤᠷ ᠬᠦᠢᠳᠡᠨ ᠪᠠᠶᠢᠪᠠᠴᠤ ᠪᠠᠶᠢᠰᠢᠩ ᠤᠨ ᠴᠤᠩᠬᠤ ᠬᠦᠯᠤᠷᠡᠬᠦ ᠨᠢ ᠲᠤᠯᠠᠭᠠᠷᠠᠬᠤ ᠶᠢᠨ ᠰᠢᠨᠵᠢ᠃     ᠬᠦᠭᠵᠢᠮ ᠤᠨ ᠤᠳᠠᠰᠤ ᠤᠷᠳᠤᠰᠤᠨ ᠮᠤᠯᠳᠤᠷᠠᠭᠠᠳ ᠪᠠᠶᠢᠪᠠᠯ ᠪᠤᠷᠤᠭ᠎ᠠ ᠤᠷᠤᠬᠤ᠂ ᠲᠠᠰᠤᠷᠠᠭᠠᠳ ᠪᠠᠶᠢᠪᠠᠯ ᠠᠭᠠᠷ ᠬᠠᠭᠤᠷᠠᠢ ᠲᠡᠭᠷᠢ ᠰᠠᠶᠢᠬᠠᠨ ᠪᠠᠶᠢᠬᠤ ᠶᠢᠨ ᠲᠡᠮᠳᠡᠭ᠃     ᠵᠣᠤᠬ᠎ᠠ᠂ ᠫᠢᠰᠢᠩ ᠳᠤ ᠬᠢᠭᠰᠡᠨ ᠮᠤᠳᠤ ᠶᠢ ᠠᠰᠠᠭᠠᠬᠤ ᠳᠤ ᠲᠦᠷᠡᠯᠵᠡᠨ ᠰᠢᠳᠠᠵᠤ ᠲᠦᠯᠤ ᠨᠢ ᠬᠦᠪᠡᠭᠡ ᠤᠷᠤᠭᠤ ᠪᠠᠨ ᠲᠠᠳᠠᠭᠳᠠᠵᠤ ᠪᠠᠶᠢᠪᠠᠯ ᠰᠠᠯᠬᠢ᠂ ᠰᠢᠭᠤᠷᠭ᠎ᠠ ᠪᠤᠯᠬᠤ᠂ ᠮᠤᠳᠤ ᠴᠠᠳ ᠫᠠᠳᠬᠢᠨ ᠲᠤᠤᠭᠠᠷᠤᠨ ᠤᠳᠤᠭ᠎ᠠ ᠰᠠᠪᠰᠠᠨ ᠮᠠᠭᠤ ᠰᠢᠳᠠᠵᠤ ᠪᠠᠶᠢᠪᠠᠯ ᠪᠤᠷᠤᠭ᠎ᠠ ᠬᠤᠷ᠎ᠠ ᠤᠷᠤᠬᠤ ᠪᠤᠶᠤ ᠲᠤᠯᠠᠭᠠᠨ ᠲᠤᠭᠳᠠᠭᠤᠨ ᠡᠳᠤᠷ ᠪᠤᠯᠬᠤ ᠶᠢᠨ ᠰᠢᠨᠵᠢ᠃     ᠠᠷᠭᠠᠯ ᠲᠦᠯᠡᠰᠢ ᠴᠢᠭᠢᠭᠳᠤᠪᠡᠯ ᠬᠤᠷ᠎ᠠ ᠤᠷᠤᠬᠤ ᠶᠢᠨ ᠲᠡᠮᠳᠡᠭ᠃     ᠶᠠᠨᠳᠤᠩ ᠤᠨ ᠤᠳᠤᠭ᠎ᠠ ᠡᠭ᠍ᠴᠡ ᠲᠡᠭᠡᠭᠰᠢ ᠪᠠᠨ ᠬᠦᠭᠡᠷᠴᠤ ᠪᠠᠶᠢᠪᠠᠯ ᠡᠳᠤᠷ ᠲᠡᠭᠡᠨ ᠰᠠᠯᠬᠢ ᠪᠠᠭ᠎ᠠ ᠲᠠᠢ᠂ ᠲᠤᠭᠳᠠᠭᠤᠨ ᠪᠠᠶᠢᠬᠤ᠂ ᠤᠳᠤᠭ᠎ᠠ ᠬᠦᠭᠡᠷᠬᠦ ᠦᠭᠡᠢ ᠬᠤᠷᠭᠤᠳᠠᠬᠤ ᠪᠤᠶᠤ ᠬᠠᠵᠠᠭᠤ ᠲᠡᠰᠢ ᠪᠠᠨ ᠬᠡᠶᠢᠰᠴᠤ ᠪᠠᠶᠢᠪᠠᠯ ᠰᠠᠯᠬᠢ ᠰᠢᠷᠤᠭᠦᠰᠴᠤ ᠲᠡᠭᠷᠢ ᠪᠦᠷᠬᠦᠵᠤ ᠬᠤᠷ᠎ᠠ ᠤᠷᠤᠬᠤ ᠶᠢᠨ ᠰᠢᠨᠵᠢ᠃     ᠲᠤᠭᠤᠭ᠎ᠠ ᠵᠤᠤᠬᠠᠨ ᠤ ᠬᠦ᠋ ᠰᠢᠳᠠᠵᠤ ᠢᠮᠠᠭᠠᠷᠠᠪᠠᠯ ᠰᠢᠭᠤᠷᠴᠤ ᠰᠠᠯᠬᠢᠯᠠᠬᠤ ᠶᠢᠨ ᠲᠡᠮᠳᠡᠭ᠃     ᠵᠤᠤᠬᠠᠨ ᠳᠤ ᠠᠰᠠᠵᠤ ᠪᠤᠢ ᠲᠦᠯᠤ ᠤᠯᠠᠭᠠᠨ ᠦᠩᠭᠡ ᠲᠠᠢ ᠬᠠᠷᠠᠭᠳᠠᠪᠠᠯ ᠬᠦᠢᠳᠡᠷᠡᠨ᠎ᠡ᠂ ᠴᠠᠶᠢᠪᠤᠷ ᠪᠤᠯ ᠲᠤᠯᠠᠭᠠᠷᠠᠨ᠎ᠠ ᠃     ᠬᠤᠪᠴᠠᠰᠤ᠂ ᠰᠤᠷ᠂ ᠪᠤᠰᠤᠳ ᠮᠠᠲ᠋ᠧᠷᠢᠶᠠᠯ ᠴᠢᠭᠢᠭ ᠲᠠᠭᠠᠭᠠᠪᠠᠯ ᠪᠤᠷᠤᠭ᠎ᠠ ᠤᠷᠤᠬᠤ ᠶᠢᠨ ᠰᠢᠨᠵᠢ᠃     ᠰᠢᠷᠢ ᠰᠠᠪᠬᠢᠨ ᠡᠳ᠋ᠯᠡᠯ ᠵᠦᠭᠡᠯᠡᠷᠡᠪᠡᠯ ᠬᠤᠷ᠎ᠠ ᠪᠤᠷᠤᠭ᠎ᠠ ᠤᠷᠤᠨ᠎ᠠ ᠭᠡᠵᠤ ᠮᠡᠳᠡ᠃     ᠢᠰᠡᠬᠡᠢ ᠲᠠᠪᠤᠤ ᠢᠯᠠᠩᠭᠤᠶ᠎ᠠ ᠪᠡᠷᠵᠡᠭᠡᠭᠡᠨ ᠪᠦᠷᠢᠶᠡᠰᠤ ᠭᠡᠷ ᠤᠨ ᠬᠢᠯᠭᠠᠰᠤᠨ ᠬᠤᠰᠢᠯᠠᠩ ᠪᠦᠰᠡ᠂ ᠲᠡᠭᠡᠰᠤᠨ ᠴᠤᠯᠪᠤᠭᠤᠷ ᠤᠯᠤᠰᠤ ᠠᠭᠰᠢᠵᠤ ᠴᠢᠩᠭᠠᠷᠠᠪᠠᠯ ᠲᠡᠭᠷᠢ ᠪᠦᠷᠬᠦᠵᠤ ᠪᠤᠷᠤᠭ᠎ᠠ ᠤᠷᠤᠬᠤ ᠶᠢᠨ ᠰᠢᠨᠵᠢ᠃      ᠰᠠᠪᠠᠯᠠᠭᠰᠠᠨ ᠬᠤᠷᠢᠶᠠᠭᠰᠠᠨ ᠨᠤᠤᠰᠤ ᠬᠢᠯᠭᠠᠰᠤ ᠴᠢᠭᠢᠭ ᠲᠠᠭᠠᠭᠠᠬᠤ ᠨᠢ ᠪᠤᠷᠤᠭ᠎ᠠ ᠬᠤᠷ᠎ᠠ ᠤᠷᠤᠬᠤ ᠶᠢᠨ ᠰᠠᠨᠠᠮᠵᠢ ᠭᠡᠵᠤ ᠪᠤᠳᠤ᠃      ᠠᠭᠠᠷ ᠤᠨ ᠲᠠᠷᠤᠯᠳᠠ ᠬᠡᠮᠵᠢᠬᠦ ᠪᠠᠭᠠᠵᠢ ᠦᠭᠡᠢ ᠪᠤᠯ ᠠᠷᠢᠬᠢᠨ ᠤ ᠰᠢᠯ ᠳᠤ ᠭᠤᠤᠯ ᠤᠨ ᠤᠰᠤᠨ ᠠᠴᠠ ᠲᠠᠯ᠎ᠠ ᠬᠤᠪᠢ ᠬᠦᠷᠳᠡᠯ᠎ᠡ ᠬᠢᠭᠡᠳ ᠰᠠᠶᠢᠳᠤᠷ ᠪᠦᠭᠯᠡᠵᠤ᠂ ᠠᠪᠳᠠᠷ᠎ᠠ ᠰᠢᠷᠡᠭᠡ ᠴᠤᠩᠬᠤᠨ ᠤ ᠲᠠᠪᠴᠠᠩ ᠳᠡᠭᠡᠷ᠎ᠡ ᠲᠠᠯᠪᠢᠭᠠᠳ ᠠᠰᠢᠭᠯᠠᠵᠤ ᠪᠤᠯᠤᠨ᠎ᠠ᠃ ᠰᠢᠯ ᠲᠠᠢ ᠤᠰᠤᠨ ᠤ ᠲᠡᠭᠡᠳᠤ ᠬᠡᠰᠡᠭ ᠤᠨ ᠰᠢᠯ ᠤᠨ ᠬᠠᠨᠠᠨ ᠳᠤ ᠤᠰᠤᠨ ᠤ ᠲᠤᠰᠤᠯ ᠲᠤᠭᠳᠠᠵᠤ ᠪᠠᠶᠢᠪᠠᠯ ᠲᠡᠭᠷᠢ ᠤᠳᠠᠯ ᠦᠭᠡᠢ ᠮᠠᠭᠤᠳᠠᠬᠤ ᠶᠢᠨ ᠰᠢᠠᠵᠢ᠂ ᠬᠡᠷᠪᠡ ᠲᠡᠭᠷᠢ ᠡᠪ ᠦᠭᠡᠶᠢᠳᠡᠭᠰᠡᠨ ᠦᠶ᠎ᠡ ᠳᠤ ᠰᠢᠯ ᠤᠨ ᠬᠠᠨᠠᠨ ᠳᠠᠬᠢ ᠤᠰᠤᠨ ᠲᠤᠰᠤᠯ ᠠᠷᠢᠯᠤᠭᠰᠠᠨ ᠪᠤᠯ ᠲᠡᠭᠷᠢ ᠰᠠᠶᠢᠵᠢᠷᠠᠬᠤ ᠶᠢᠨ ᠰᠢᠨᠵᠢ᠃      ᠰᠦᠨᠢ ᠬᠤᠳᠤᠭᠤᠷ ᠬᠦᠨᠳᠠᠢ ᠭᠠᠵᠠᠷ ᠬᠦᠢᠳᠡᠪᠳᠤᠷ᠂ ᠲᠤᠪᠤ ᠲᠤᠯᠤᠭᠠᠳ ᠦᠨᠳᠤᠷ ᠭᠠᠵᠠᠷ ᠢᠶᠠᠷ ᠲᠤᠯᠠᠭᠠᠪᠳᠤᠷ ᠪᠠᠶᠢᠪᠠᠯ ᠮᠠᠷᠭᠠᠰᠢ ᠨᠢ ᠲᠡᠭᠷᠢ ᠲᠤᠭᠳᠠᠭᠤᠨ ᠪᠠᠶᠢᠨ᠎ᠠ᠃      ᠬᠠᠪᠤᠷ ᠨᠤᠭᠤᠭ᠎ᠠ ᠭᠠᠷᠬᠤ ᠲᠠᠢ ᠵᠡᠷᠭᠡᠴᠡᠨ ᠮᠤᠳᠤ ᠨᠠᠪᠴᠢᠯᠠᠬᠤ ᠨᠢ ᠵᠤᠨ ᠳᠠᠭᠠᠨ ᠭᠠᠩᠳᠠᠬᠤ ᠶᠢᠨ ᠰᠢᠨᠵᠢ᠃      ᠡᠪᠤᠯ ᠮᠤᠳᠤ ᠱᠤᠤᠭᠢᠵᠤ ᠪᠠᠶᠢᠪᠠᠯ ᠲᠤᠯᠠᠭᠠᠷᠠᠬᠤ ᠶᠢᠨ ᠰᠢᠨᠵᠢ᠃      ᠠᠭᠤᠯᠠ ᠶᠢᠨ ᠮᠤᠳᠤ ᠲᠣᠣᠷ᠎ᠠ ᠲᠠᠯ᠎ᠠ ᠠᠴᠠ ᠪᠠᠨ ᠡᠬᠢᠯᠡᠨ ᠰᠢᠷᠠᠯᠠᠵᠤ᠂ ᠨᠠᠪᠴᠢ ᠰᠢᠯᠮᠤᠤᠰᠤ ᠨᠢ ᠲᠦᠷᠭᠡᠨ ᠤᠨᠠᠪᠠᠯ ᠴᠠᠰᠤ ᠪᠠᠭ᠎ᠠ ᠲᠠᠢ ᠲᠤᠯᠠᠭᠠᠨ ᠡᠪᠤᠯ ᠪᠤᠯᠤᠨ᠎ᠠ᠃      ᠤᠷᠤᠢ ᠪᠠᠷ ᠢᠶᠠᠨ ᠡᠬᠢᠯᠡᠨ ᠰᠢᠷᠠᠯᠠᠵᠤ ᠨᠠᠪᠴᠢ ᠰᠢᠯᠮᠤᠤᠰᠤ ᠨᠢ ᠤᠳᠠᠭᠠᠨ ᠤᠨᠠᠪᠠᠯ ᠵᠤᠳᠷᠠᠬᠤ ᠶᠢᠨ ᠰᠢᠨᠵᠢ᠃      ᠡᠪᠤᠯ ᠮᠤᠳᠤᠨ ᠤ ᠮᠦᠴᠢᠷ ᠳᠡᠭᠡᠷ᠎ᠡ ᠴᠠᠰᠤ ᠪᠠᠭ᠎ᠠ ᠪᠠᠶᠢᠪᠠᠯ ᠵᠤᠨ ᠨᠢ ᠤᠢ ᠳᠤ ᠮᠦᠬᠦ ᠵᠢᠮᠢᠰ ᠪᠠᠭ᠎ᠠ ᠪᠠᠶᠢᠨ᠎ᠠ᠃      ᠭᠠᠴᠣᠷ᠎ᠠ ᠶᠢᠨ ᠬᠠᠭᠤᠷᠠᠢ ᠮᠦᠴᠢᠷ ᠪᠦᠬᠦ᠋ᠢᠭᠰᠡᠨ ᠪᠠᠶᠢᠪᠠᠯ ᠰᠢᠭᠤᠷᠭ᠎ᠠ ᠪᠤᠯᠬᠤ ᠶᠢᠨ ᠳᠣᠬᠢᠶ᠎ᠠ᠃      ᠰᠠᠯᠬᠢᠨ ᠳᠤ ᠮᠤᠳᠤᠨ ᠨᠠᠪᠴᠢᠨ ᠤ ᠲᠡᠭᠡᠳᠤ ᠲᠠᠯ᠎ᠠ ᠨᠢ ᠲᠤᠭᠤᠭᠰᠢ ᠬᠠᠷᠠᠬᠤ ᠪᠤᠶᠤ ᠰᠠᠯᠬᠢ ᠦᠭᠡᠢ ᠡᠳᠤᠷ ᠤᠨᠠᠪᠠᠯ ᠪᠤᠷᠤᠭ᠎ᠠ ᠤᠷᠤᠨ᠎ᠠ᠃  
  
ᠢᠷᠡᠯᠲᠡ᠄ ᠲᠤᠳᠤᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠠ ᠪᠥᠬᠦᠢ ᠰᠤᠨᠢᠨ
  
ᠨᠢᠯᠬ᠎ᠠ ᠲᠦᠯ ᠤᠨ ᠰᠢᠩᠭᠡᠭᠡᠯᠳᠡ ᠶᠢᠨ ᠭᠡᠮ ᠢ ᠰᠡᠷᠬᠡᠶᠢᠯᠡᠨ ᠵᠠᠰᠠᠬᠤ ᠲᠤᠬᠠᠢ
ᠮᠠᠨ ᠤ ᠤᠷᠤᠨ ᠬᠤᠲᠠ ᠬᠦᠳᠡᠭᠡ ᠶᠢᠨ ᠰᠠᠭᠤᠭᠠᠯᠢ ᠠᠷᠠᠳ ᠤᠨ ᠡᠮᠨᠡᠯᠭᠡ ᠶᠢᠨ ᠳᠠᠭᠠᠳᠬᠠᠯ ᠤᠨ ᠨᠢᠭᠡᠳᠦᠯᠲᠠᠢ ᠳᠦᠷᠢᠮ ᠢ ᠁
ᠰᠢᠷ᠎ᠠ ᠲᠣᠰᠤᠨ ᠤ ᠰᠢᠮ᠎ᠡ ᠲᠡᠵᠢᠭᠡᠯ ᠪᠠ ᠡᠮᠲᠦ ᠬᠡᠷᠡᠭᠴᠡᠭᠡ
ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠠᠴᠠ ᠭᠤᠤᠯᠴᠢᠯᠠᠨ ᠡᠷᠬᠢᠯᠡᠪᠡ ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠠᠯᠪᠠᠨ ᠲᠢᠩᠬᠢᠮ ᠠᠴᠠ ᠲᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠪᠡ ᠃ ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠮᠡᠷᠭᠡᠵᠢᠯ ᠬᠠᠩᠭᠠᠪᠠ᠃ ᠰᠢᠤᠳᠠᠨ ᠳ᠋ᠤᠭᠠᠷ: 010098    蒙ICP备05000248号