| ᠨᠠ᠊· ᠭᠠᠷᠤᠳᠢᠨᠤᠷᠪᠤ | ᠠᠮᠤᠷ ᠤᠤ︖ ᠰᠠᠶᠢᠨ ᠤᠤ︖ ᠠᠨᠲᠠ ᠮᠢᠨᠢ︕ | ᠠᠳᠬᠤᠭᠰᠠᠨ ᠭᠠᠷ ᠤᠨ ᠴᠢᠩᠭᠠ ᠨᠢ | ᠠᠵᠠ ᠶᠢᠨ ᠲᠡᠭᠷᠢ ᠶᠢ ᠬᠠᠮᠲᠤᠷᠠᠭᠤᠯᠤᠭᠰᠠᠨ | ᠠᠨᠲᠠ ᠶᠢᠨ ᠵᠢᠷᠤᠮ ᠢᠶᠠᠷ ᠠᠭᠤᠯᠵᠠᠯᠠ︕ | ᠠᠷᠢᠭᠤᠨ ᠴᠠᠭᠠᠨ ᠰᠦ ᠪᠠᠷ ᠡᠵᠢ ᠨᠢᠬᠡᠲᠡᠢ ᠪᠤᠯᠤᠭᠰᠠᠨ | ᠠᠮᠢᠯᠠᠯ ᠤᠨ ᠤᠯᠠᠭᠠᠨ ᠴᠢᠰᠤ ᠪᠠᠷ ᠠᠪᠦ ᠨᠢᠬᠡ ᠪᠤᠯᠵᠤ | ᠠᠯᠲᠠᠨ ᠭᠤᠯᠤᠮᠲᠠ ᠳᠠᠭᠠᠨ ᠮᠦᠷᠬᠦᠬᠡᠳ | ᠠᠮᠠᠯᠠᠵᠤ ᠠᠨᠲᠠᠭᠠᠶᠢᠯᠠᠭᠰᠠᠨ ᠲᠠᠩᠭᠠᠷᠢᠭ ᠢᠶᠠᠷ | ᠠᠬᠠ ᠲᠡᠬᠦᠤ ᠪᠤᠯᠤᠭᠰᠠᠨ ᠲᠠᠨᠠᠷ ᠮᠢᠨᠢ | ᠠᠰ ᠤᠨ ᠪᠡᠶᠡ ᠴᠢᠨᠢ ᠮᠡᠨᠲᠤ ᠤᠤ︖ | ᠠᠵᠤ ᠠᠮᠢᠲᠤᠷᠠᠯ ᠴᠢᠨᠢ ᠰᠠᠶᠢᠨ ᠤᠤ︖ | ᠁ | ᠤᠷᠲᠤᠰ ᠮᠤᠩᠭᠤᠯᠴᠤᠳ ᠤᠨ ᠠᠨᠲᠠᠯᠠᠬᠤ ᠶᠤᠰᠤᠨ ᠲᠡᠭᠡᠷᠠ ᠵᠠᠭᠤᠨ ᠤ ᠲᠠᠪᠢᠭᠠᠳ ᠤᠨ ᠠᠴᠠ | ᠬᠡᠬᠡᠭᠳᠡᠨ ᠠᠷᠢᠯᠵᠦ᠂ ︽ᠠᠨᠲᠠ ︾ ᠶᠢᠨ ᠤᠬᠠᠭᠲᠠᠬᠤᠨ ᠶᠠᠪᠤᠬᠤ ᠲᠤᠲᠤᠮ ᠪᠠᠯᠠᠷᠠᠵᠤ ᠡᠬᠢᠯᠡᠭᠰᠡᠨ ᠨᠢ ᠬᠠᠷᠠᠮᠰᠠᠯᠳᠠᠢ ᠠᠵᠢ᠃ | ︽ᠨᠠᠷᠠᠲᠤ ᠶᠢᠨ ᠵᠠᠶᠠᠭᠠ︾ ᠠᠨᠲᠠ ᠶᠢᠨ ᠬᠤᠯᠪᠤᠭᠠ ᠪᠠᠶᠢᠭᠤᠯᠤᠬᠳᠠᠭᠰᠠᠨ | ︽ᠠᠨᠲᠠ︾ ᠬᠡᠲᠡᠭ ᠤᠬᠠᠭᠲᠠᠬᠤᠨ ᠬᠦᠨᠲᠦ ᠪᠠᠨ ᠠᠯᠲᠠᠵᠤ᠂ ᠬᠡᠮ ᠦᠭᠡᠢ ᠬᠡᠷᠡᠭᠯᠡᠭᠲᠡᠬᠡᠳ ᠬᠠᠭᠠᠰ | ᠵᠠᠭᠤᠨ ᠵᠢᠯ ᠪᠤᠯᠤᠭᠰᠠᠨ ᠤ ᠲᠠᠷᠠᠭᠠ ︽ᠨᠠᠷᠠᠲᠤ ᠶᠢᠨ ᠵᠠᠶᠠᠭᠠ︾ ᠠᠨᠲᠠ ᠶᠢᠨ ᠬᠤᠯᠪᠤᠭᠠᠨ ᠤ ᠠᠬᠠᠯᠠᠭᠴᠢ | ᠬᠦᠭᠵᠢᠯᠴᠡᠴᠡᠭ ᠬᠡᠲᠡᠭ ᠪᠦᠰᠡᠬᠦᠢ ᠬᠦᠭᠡᠭᠴᠢᠨ ᠬᠤᠨᠢᠨ ᠵᠢᠯ ᠤᠨ ᠴᠠᠭᠠᠨ ᠰᠠᠷᠠ ᠶᠢᠨ ᠠᠷᠪᠠᠨ ᠲᠠᠪᠤᠨ ︵2015.3. | 5︶ ᠳᠤ ᠭᠡᠷ ᠲᠤ ᠮᠢᠨᠢ ᠢᠷᠡᠵᠤ᠂ ᠠᠨᠲᠠ ᠪᠠᠷᠢᠯᠲᠤᠬᠤ ᠵᠠᠩ ᠦᠢᠯᠡ ᠶᠢᠨ ᠲᠤᠬᠠᠢ ᠠᠰᠠᠭᠤᠨ ᠰᠤᠷᠪᠤᠯᠵᠢᠯᠠᠨ᠂ | ᠠᠨᠲᠠ ᠶᠢᠨ ᠬᠤᠯᠪᠤᠭᠠ ᠪᠠᠶᠢᠭᠤᠯᠬᠤ ᠲᠤᠬᠠᠢ ᠵᠦᠪᠲᠡᠯᠴᠡᠭᠡᠳ᠂ ᠨᠠᠮ ᠠ ᠶᠢ ᠠᠨᠲᠠ ᠶᠢᠨ ᠪᠠᠭᠰᠢ ᠪᠠᠷ ᠤᠷᠢᠬᠤ | ᠰᠠᠨᠠᠭᠠ ᠪᠠᠨ ᠢᠯᠡᠳᠭᠡᠭᠰᠡᠨ ᠶᠤᠮ᠃ ᠤᠷᠲᠤᠰ ᠮᠤᠩᠭᠤᠯᠴᠤᠳ ᠤᠨ ᠡᠷᠬᠢᠮ ᠨᠠᠨᠳᠢᠨ ᠠᠨᠲᠠ ᠶᠢᠨ ᠰᠤᠶᠤᠯ ᠢ ᠠᠪᠤᠷᠠᠨ | ᠤᠯᠠᠮᠵᠢᠯᠠᠬᠤ ᠳᠤ ᠨᠢᠬᠡᠨ ᠮᠦᠷᠦᠨ ᠤ ᠬᠦᠴᠦ ᠪᠠᠨ ᠡᠷᠬᠦᠬᠦ ᠶᠢ ᠰᠠᠨᠠᠵᠦ᠂ ᠡᠨᠡᠬᠦ ︽ᠠᠨᠲᠠ ᠶᠢᠨ ᠪᠠᠭᠰᠢ︾ ᠶᠢᠨ | ᠬᠠᠲᠠᠭᠤ ᠴᠢᠩᠭᠠ ᠡᠬᠦᠷᠭᠡ ᠶᠢ ᠬᠦᠯᠢᠶᠡᠨ ᠠᠪᠤᠬᠰᠠᠨ ᠪᠢᠯᠡ᠃ | ᠬᠦᠬᠡᠭᠴᠢᠨ ᠬᠤᠨᠢᠨ ᠵᠢᠯ ᠤᠨ ᠴᠠᠭᠠᠨ ᠰᠠᠷᠠ ᠶᠢᠨ ᠠᠷᠪᠠᠨ ᠵᠢᠷᠭᠤᠭᠠᠨ ︵2015.3.6︶ ᠤ ᠡᠲᠦᠷ | ︽ᠨᠠᠷᠠᠲᠤ ᠶᠢᠨ ᠵᠠᠶᠠᠭᠠ︾ ᠠᠨᠲᠠ ᠶᠢᠨ ᠬᠤᠯᠪᠤᠭᠠ ᠬᠡᠲᠡᠭ ᠰᠢᠨᠡ ᠡᠷᠡᠨ ᠤ ᠦᠨᠦᠷ ᠠᠮᠲᠠ ᠲᠠᠢ ︽ᠠᠨᠲᠠ ᠶᠢᠨ | ᠵᠢᠷᠤᠮ ᠤᠨ ᠬᠤᠯᠪᠤᠭᠠ︾ ᠪᠠᠶᠢᠭᠤᠯᠤᠭᠲᠠᠭᠰᠠᠨ ᠢ ᠤᠲᠤᠭ ᠬᠤᠰᠢᠭᠤᠨ ᠤ ᠤᠯᠠᠭᠠᠨ ᠪᠠᠯᠭᠠᠰᠤᠨ ᠳᠤ ᠲᠤᠩᠬᠠᠭᠯᠠᠯᠠ᠃ ᠡᠶᠢᠨ | ᠬᠦ ᠤᠷᠲᠤᠰ ᠮᠤᠩᠭᠤᠯᠴᠤᠳ ᠤᠨ ᠠᠨᠲᠠᠯᠠᠬᠤ ᠶᠤᠰᠤᠨ ᠤ ᠰᠤᠶᠤᠯ ᠳᠤ ᠰᠢᠨᠡ ᠴᠠᠭ ᠦᠶᠡ ᠶᠢᠨ ᠬᠡᠪ ᠨᠠᠮᠪᠠ ᠨᠡᠮᠡᠷᠢᠯᠡᠭᠰᠡᠨ | ᠠᠨᠲᠠ ᠶᠢᠨ ᠰᠢᠨᠡ ᠰᠤᠶᠤᠯ ᠦᠷᠦᠬᠡ ᠪᠠᠨ ᠰᠡᠬᠦᠵᠤ ᠡᠬᠦᠲᠡ ᠪᠠᠨ ᠨᠡᠬᠡᠬᠡᠭᠰᠡᠨ ᠶᠤᠮ᠃ ᠡᠨᠡ ᠬᠦ ︽ᠨᠡᠷᠡᠲᠤ ᠶᠢᠨ ᠵᠠᠶᠠᠭᠠ︾ | ᠠᠨᠲᠠ ᠶᠢᠨ ᠬᠤᠯᠪᠤᠭᠠ ᠨᠢ ᠬᠤᠶᠠᠷ ᠤᠲᠤᠭ ᠪᠤᠯᠤᠨ ᠬᠠᠩᠬᠢᠨ᠂ ᠦᠤᠰᠢᠨ ᠬᠤᠰᠢᠭᠤ ᠵᠡᠷᠭᠡ ᠭᠠᠵᠠᠷ ᠤᠨ ᠠᠷᠪᠠᠨ | ᠬᠦᠮᠦᠨ ᠢᠶᠠᠷ ᠪᠦᠷᠢᠯᠲᠦᠭᠰᠠᠨ ᠶᠤᠮ᠃ ᠬᠤᠯᠪᠤᠭᠠᠨ ᠤ ᠠᠬᠠᠯᠠᠭᠴᠢ ᠬᠦᠭᠵᠢᠯᠴᠡᠴᠡᠭ ᠬᠡᠭᠴᠢ ᠬᠠᠩᠬᠢᠨ ᠬᠤᠰᠢᠭᠤᠨ ᠤ | ᠬᠦᠲᠡᠭᠡ ᠶᠢᠨ ᠨᠢᠬᠡᠨ ᠰᠤᠶᠤᠯᠵᠢᠬᠰᠡᠨ ᠮᠠᠯᠴᠢᠨ᠃ ᠡᠳᠡᠭᠡᠷ ᠬᠦᠮᠦᠰ ︽ᠠᠷᠪᠠᠨ ᠠᠨᠲᠠ ᠨᠢᠬᠡ ᠪᠠᠭᠰᠢ ᠲᠠᠢ︾ ᠰᠢᠨᠡ | ᠴᠠᠭ ᠦᠶᠡ ᠶᠢᠨ ᠰᠢᠨᠠᠷᠭᠡᠤ ᠮᠠᠶ᠋ᠢᠭ ᠤᠨ ᠤᠨᠴᠠᠭᠠᠢ ᠨᠢᠬᠡᠨ ᠠᠨᠲᠠ ᠶᠢᠨ ᠰᠤᠶᠤᠯ ᠢ ᠢᠩᠬᠢᠵᠦ ᠪᠤᠢ ᠪᠤᠯᠭᠠᠬᠰᠠᠨ ᠪᠢᠯᠡ᠃ | ᠡᠶᠢᠨᠬᠦ ᠪᠢ ︽ᠨᠠᠷᠠᠲᠤ ᠶᠢᠨ ᠵᠠᠶᠠᠭᠠ︾ ᠠᠨᠲᠠ ᠠᠬᠠ ᠲᠡᠬᠦᠤ ᠨᠡᠷ ᠲᠤ ᠮᠤᠩᠭᠤᠯᠴᠤᠳ ᠤᠨ ᠠᠨᠲᠠᠯᠠᠬᠤ ᠶᠤᠰᠤᠨ ᠢ | ᠶᠠᠷᠢᠵᠤ ᠰᠠᠭᠤᠬᠤ ᠪᠤᠯᠤᠬᠰᠠᠨ ᠶᠤᠮ᠃ | ᠮᠤᠩᠭᠤᠯᠴᠤᠳ ᠤᠨ ︽ᠠᠨᠲᠠᠯᠠᠬᠤ ᠶᠤᠰᠤᠨ︾ | ︽ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠤ 116 — 117 ᠳ᠋ᠤᠭᠠᠷ ᠵᠦᠢᠯ ᠤᠨ | ᠲᠡᠮᠲᠡᠭᠯᠡᠯ ᠳᠤ᠄ ᠲᠡᠮᠦᠵᠢᠨ ᠵᠠᠮᠤᠬᠠ ᠬᠤᠶᠠᠷ ᠬᠤᠷᠬᠤᠨᠠᠭ ᠵᠦᠪᠦᠷ ᠲᠤ ᠨᠡᠶᠢᠯᠡᠨ ᠪᠠᠭᠤᠵᠤ᠂ ᠡᠷᠲᠡᠨ ᠤ ᠠᠨᠲᠠ | ᠪᠤᠯᠤᠯᠴᠠᠭᠰᠠᠨ ᠢᠶᠠᠨ ᠲᠤᠷᠠᠲᠤᠯᠴᠠᠨ᠂ ᠠᠨᠲᠠ ᠰᠡᠷᠬᠦᠬᠡᠵᠤ ᠠᠮᠠᠷᠠᠯᠲᠤᠶᠠ ᠬᠡᠪᠡ᠃ | ᠠᠩᠬᠠ ᠤᠷᠢᠲᠤ ᠠᠨᠲᠠ ᠪᠤᠯᠤᠯᠴᠠᠬᠤ ᠳᠤ᠂ ᠲᠡᠮᠤᠵᠢᠨ ᠠᠷᠪᠠᠨ ᠨᠢᠬᠡᠨ ᠨᠠᠰᠤᠲᠠᠢ ᠪᠠᠶᠢᠪᠠ᠃ ᠵᠠᠮᠤᠬᠠ | ᠡᠷᠡ ᠵᠦᠷ ᠤᠨ ᠱᠠᠭᠠ ᠶᠢ ᠲᠡᠮᠦᠵᠢᠨ ᠳᠤ ᠦᠭᠪᠡ᠃ ᠲᠡᠮᠦᠵᠢᠨ ᠭᠠᠤᠯᠢ ᠴᠢᠳᠬᠤᠭᠰᠠᠨ ᠱᠠᠭᠠ ᠶᠢ ᠬᠠᠷᠢᠭᠤ ᠦᠭᠴᠤ | ᠠᠨᠲᠠ ᠪᠤᠯᠤᠯᠴᠠᠪᠠ᠃ ᠤᠨᠤᠨ ᠮᠦᠷᠡᠨ ᠤ ᠮᠦᠰᠦᠨ ᠲᠡᠭᠡᠷᠡ ᠱᠠᠭᠠ ᠨᠠᠭᠠᠳᠬᠤ ᠳᠤ ᠠᠨᠲᠠ ᠭᠡᠪᠡ᠃ ᠲᠡᠬᠦᠨ ᠤ ᠬᠤᠶᠢᠲᠤ | ᠬᠠᠪᠤᠷ ᠠᠯᠠᠩᠬᠢᠷ ᠨᠤᠮᠤ ᠬᠠᠷᠪᠤᠯᠴᠠᠨ ᠪᠠᠶᠢᠬᠤ ᠳᠤ ᠵᠠᠮᠤᠬᠠ ᠪᠢᠷᠠᠭᠤ ᠶᠢᠨ ᠬᠤᠶᠠᠷ ᠡᠪᠡᠷ ᠢ ᠨᠠᠭᠠᠵᠤ ᠨᠦᠬᠡᠯᠡᠵᠤ ᠬᠢᠭᠰᠡᠨ | ᠲᠠᠭᠤᠲᠤ ᠰᠤᠮᠤ ᠪᠠᠨ ᠲᠡᠮᠦᠵᠢᠨ ᠳᠤ ᠦᠭᠪᠡ᠃ ᠲᠡᠮᠦᠵᠢᠨ ᠠᠷᠴᠠ ᠮᠤᠲᠤᠨ ᠭᠤᠲᠤᠯᠢ ᠪᠠᠨ ᠬᠠᠷᠢᠭᠤ ᠦᠭᠴᠤ ᠲᠡᠬᠢᠨ | ᠠᠨᠲᠠ ᠪᠤᠯᠤᠯᠴᠠᠪᠠ᠃ ᠬᠤᠶᠠᠲᠠᠬᠢ ᠤᠲᠠᠭᠠ ᠠᠨᠲᠠ ᠬᠡᠰᠡᠨ ᠤ ᠶᠤᠰᠤ ᠲᠡᠶᠢᠮᠦ ᠪᠤᠯᠠᠢ᠃ | ᠤᠷᠲᠤᠰ ᠲᠡᠭᠡᠲᠦᠰ ᠤᠨ ᠦᠬᠡ ᠶᠢ ᠰᠤᠨᠤᠰᠪᠠᠯ᠄ ︽ᠠᠨᠲᠠ ᠬᠦᠮᠦᠨ ᠠᠮᠢᠨ ᠨᠢᠬᠡ ᠲᠠᠢ᠂ ᠦᠯᠦ | ᠲᠠᠪᠴᠢᠯᠲᠤᠨ᠂ ᠠᠮᠢᠨ ᠥᠮᠦᠭᠯᠡᠭᠴᠢ ᠪᠤᠯᠤᠶᠤ︾ ᠬᠡᠵᠤ ᠠᠮᠠᠷᠠᠯᠲᠤᠬᠤ ᠶᠤᠰᠤᠨ ᠲᠡᠶᠢᠮᠦ ᠪᠢᠯᠡ᠂ ᠡᠲᠦᠬᠡ ᠪᠠᠰᠠ ᠠᠨᠲᠠ | ᠰᠡᠷᠬᠦᠬᠡᠵᠤ ᠠᠮᠠᠷᠠᠯᠲᠤᠶᠠ ᠬᠡᠪᠡ᠃ | ᠲᠡᠮᠦᠵᠢᠨ ᠮᠡᠷᠭᠡᠳ ᠤᠨ ᠲᠤᠭᠲᠤᠭᠠ ᠠᠴᠠ ᠤᠯᠵᠠᠯᠠᠵᠤ ᠠᠪᠤᠭᠰᠠᠨ ᠠᠯᠲᠠᠨ ᠪᠦᠰᠡ ᠶᠢ | ᠵᠠᠮᠤᠬᠠ ᠠᠨᠲᠠ ᠳᠤ ᠪᠦᠰᠡᠯᠡᠬᠦᠯᠪᠡ᠃ ᠲᠤᠭᠲᠤᠭᠠ ᠶᠢᠨ ᠡᠰᠬᠡᠯ ᠬᠠᠯᠢᠭᠤ ᠶᠢ ᠵᠠᠮᠤᠬᠠ ᠠᠨᠲᠠ ᠳᠤ ᠤᠨᠤᠭᠤᠯᠪᠠ᠃ | ᠵᠠᠮᠤᠬᠠ᠂ ᠤᠸᠠᠰ ᠮᠡᠷᠭᠡᠳ ᠤᠨ ᠲᠠᠶᠢᠷ ᠤᠰᠤᠨ ᠠᠴᠠ ᠤᠯᠵᠠᠯᠠᠵᠤ ᠠᠪᠤᠭᠰᠠᠨ ᠠᠯᠲᠠᠨ ᠪᠦᠰᠡ ᠶᠢ | ᠲᠡᠮᠤᠵᠢᠨ ᠳᠤ ᠪᠦᠰᠡᠯᠡᠬᠦᠯᠪᠡ᠃ ᠪᠠᠰᠠ ᠲᠠᠶᠢᠷ ᠤᠰᠤᠨ ᠤ ᠡᠪᠡᠷ ᠲᠤ ᠦᠨᠦᠬᠦᠨ ᠴᠠᠭᠠᠨ ᠢ ᠲᠡᠮᠤᠵᠢᠨ ᠳᠤ ᠤᠨᠤᠭᠤᠯᠪᠠ᠃ | ᠬᠤᠷᠬᠤᠨᠠᠭ ᠵᠤᠪᠤᠷ ᠤᠨ | ᠬᠤᠲᠠᠯᠠᠭᠠᠷ ᠬᠠᠲᠠᠨ ᠤ ᠦᠪᠦᠷ ᠲᠤ | ᠰᠠᠭᠯᠠᠭᠠᠷ ᠮᠤᠲᠤᠨ ᠳᠤ | ᠠᠨᠲᠠ ᠬᠡᠮᠡᠯᠲᠤᠨ ᠠᠮᠠᠷᠠᠯᠲᠤᠵᠤ | ᠬᠤᠷᠢᠮᠯᠠᠨ ᠲᠦᠢᠯᠡᠨ ᠵᠢᠷᠭᠠᠯᠲᠤᠪᠠ᠃ | ᠰᠦᠨᠢ ᠭᠠᠭᠴᠠ ᠬᠦᠨᠵᠢᠯᠡᠨ ᠳᠤ ᠬᠤᠨᠤᠬᠤ ᠪᠢᠯᠡ ᠬᠡᠵᠡᠢ᠃ ᠡᠨᠡ ᠪᠤᠯ ︽ᠮᠤᠩᠭᠤᠯ ᠤᠨ ᠨᠢᠭᠤᠴᠠ | ᠲᠤᠪᠴᠢᠶᠠᠨ︾ ᠳᠤ᠂ ᠲᠡᠮᠦᠵᠢᠨ᠂ ᠵᠠᠮᠤᠬᠠ ᠬᠤᠶᠠᠭᠤᠯᠠ ᠤᠷᠢᠳ ᠬᠤᠵᠢᠳ ᠭᠤᠷᠪᠠ ᠤᠲᠠᠭᠠ ᠲᠠᠩᠭᠠᠷᠢᠬᠯᠠᠵᠤ᠂ ᠠᠨᠲᠠ | ᠪᠠᠷᠢᠯᠲᠤᠭᠰᠠᠨ ᠲᠤᠬᠠᠢ ᠨᠠᠷᠢᠨ ᠲᠡᠮᠲᠡᠭᠯᠡᠯ ᠪᠤᠯᠤᠨᠠ᠃ ᠲᠤᠰ ᠲᠡᠮᠲᠡᠭᠯᠡᠯ ᠳᠤ᠂ ︽ᠤᠷᠲᠤᠰ ᠲᠡᠭᠡᠲᠦᠰ ᠤᠨ ᠦᠬᠡ ᠶᠢ | ᠰᠤᠨᠤᠰᠪᠠᠯ᠄ ︿ ᠠᠨᠲᠠ ᠬᠦᠮᠦᠨ ᠠᠮᠢᠨ ᠨᠢᠬᠡ ᠲᠠᠢ᠂ ᠦᠯᠦ ᠲᠠᠪᠴᠢᠯᠲᠤᠨ᠂ ᠠᠮᠢᠨ ᠦᠮᠦᠭᠯᠡᠭᠴᠢ ᠪᠤᠯᠤᠶᠤ︾ ᠬᠡᠵᠤ | ᠪᠠᠶᠢᠬᠤ ᠠᠴᠠ ᠦᠵᠡᠪᠡᠯ ᠮᠤᠩᠭᠤᠯᠴᠤᠳ ᠤᠨ ᠠᠨᠲᠠᠯᠠᠬᠤ ᠶᠤᠰᠤᠨ ᠨᠢ ᠠᠷᠪᠠᠨ ᠭᠤᠷᠪᠠᠲᠤᠭᠠᠷ ᠵᠠᠭᠤᠨ ᠠᠴᠠ ᠶᠡᠭᠡ ᠡᠮᠦᠨᠡ | ᠪᠠᠶᠢᠭᠰᠠᠨ ᠬᠡᠰᠡᠨ ᠢ ᠦᠵᠡᠵᠤ ᠭᠠᠷᠬᠤ ᠶᠤᠮ᠃ ᠮᠦᠨᠴᠤ ︽ᠦᠯᠦ ᠲᠠᠪᠴᠢᠯᠲᠤᠨ᠂ ᠠᠮᠢᠨ ᠦᠮᠦᠭᠯᠡᠭᠴᠢ ᠪᠤᠯᠤᠶᠤ︾ | ᠬᠡᠲᠡᠭ ᠨᠢ ᠬᠠᠷᠢᠯᠴᠠᠨ ᠲᠡᠮᠡᠴᠡᠯᠲᠤᠨ ᠲᠠᠩᠭᠠᠷᠢᠭ ᠠᠴᠠ ᠪᠠᠨ ᠲᠠᠷᠰᠯᠡᠪᠡᠯ ᠠᠮᠢ ᠪᠠᠷ ᠢᠶᠠᠨ ᠠᠨᠲᠠ ᠶᠢᠨ ᠲᠠᠩᠭᠠᠷᠢᠭ ᠢᠶᠠᠨ | ᠬᠦᠢᠴᠡᠳᠬᠡᠨᠡ ᠬᠡᠰᠡᠨ ᠰᠠᠨᠠᠭᠠ ᠮᠦᠨ᠃ | ︽ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠤ 200 ᠳ᠋ᠤᠭᠠᠷ ᠵᠦᠢᠯ ᠳᠤ᠄ ︽ᠨᠠᠢᠮᠠᠨ ᠮᠡᠷᠭᠡᠳ ᠢ ᠮᠦᠬᠦᠬᠡᠵᠤ᠂ | ᠨᠠᠢᠮᠠᠨ ᠯᠤᠭᠠ ᠬᠠᠮᠲᠤ ᠪᠠᠶᠢᠭᠰᠠᠨ ᠵᠠᠮᠤᠬᠠ ᠤᠯᠤᠰ ᠢᠶᠠᠨ ᠠᠯᠲᠠᠵᠤ ᠲᠠᠪᠤᠨ ᠨᠦᠬᠦᠳ ᠲᠠᠢ ᠪᠠᠨ ᠲᠤᠨᠤᠭᠠᠴᠢ ᠪᠤᠯᠵᠤ | ᠲᠠᠩᠨᠤ ᠠᠭᠤᠯᠠᠨ ᠳᠤ ᠤᠭᠠᠯᠵᠠ ᠠᠯᠠᠵᠤ ᠰᠢᠷᠠᠵᠤ ᠢᠲᠡᠬᠦ ᠵᠠᠪᠰᠠᠷᠠ ᠲᠠᠪᠤᠨ ᠨᠦᠬᠦᠳ ᠨᠢ ᠵᠠᠮᠤᠬᠠ ᠶᠢ ᠪᠠᠷᠢᠵᠤ ᠴᠢᠩᠬᠢᠰ | ᠬᠠᠭᠠᠨ ᠳᠤ ᠬᠦᠷᠭᠡᠵᠤ ᠢᠷᠡᠪᠡ︾᠃ ᠢᠩᠬᠢᠬᠡᠳ ᠴᠢᠩᠬᠢᠰ ᠬᠠᠭᠠᠨ ︽ᠲᠤᠰ ᠬᠠᠨ ᠳᠠᠭᠠᠨ ᠭᠠᠷ ᠬᠦᠷᠦᠭᠰᠡᠨ ᠬᠦᠮᠦᠨ ᠢ | ᠬᠡᠷᠬᠢᠨ ᠠᠬᠤᠭᠤᠯᠵᠤ ᠪᠤᠯᠬᠤ ᠪᠤᠢ︖ ᠲᠡᠶᠢᠮᠦ ᠬᠦᠮᠦᠨ ᠲᠠᠢ ᠬᠡᠷᠬᠢᠨ ᠨᠦᠬᠦᠷᠯᠡᠬᠦ ᠪᠤᠢ︖ ᠬᠠᠨ ᠳᠠᠭᠠᠨ ᠭᠠᠷ | ᠬᠦᠷᠦᠭᠰᠡᠨ ᠠᠷᠠᠳ ᠢ ᠤᠷᠤᠭ ᠲᠦᠷᠦᠯ ᠢ ᠨᠢ ᠬᠦᠷᠲᠡᠯᠡ ᠴᠠᠪᠴᠢᠨ ᠠᠯᠠᠭᠲᠤᠨ︾ ᠬᠡᠵᠤ ᠵᠠᠷᠯᠢᠭ ᠪᠤᠯᠵᠤ᠂ ᠵᠠᠮᠤᠬᠠ ᠶᠢᠨ | ᠨᠢᠲᠤᠨ ᠡᠮᠦᠨᠡ ᠲᠡᠬᠦᠨ ᠳᠤ ᠭᠠᠷ ᠬᠦᠷᠦᠭᠰᠡᠨ ᠠᠷᠠᠳ ᠢ ᠠᠯᠠᠪᠠ᠃ ᠪᠠᠰᠠ ᠴᠢᠩᠬᠢᠰ ᠬᠠᠭᠠᠨ ᠵᠠᠮᠤᠬᠠ ᠲᠠᠢ ᠲᠠᠬᠢᠨ | ᠨᠦᠬᠦᠷᠯᠡᠶᠡ ᠬᠡᠬᠦ ᠳᠤ ᠵᠠᠮᠤᠬᠠ᠄ ︽ᠨᠦᠬᠦᠷᠯᠡᠬᠦ ᠴᠠᠭ ᠲᠤ ᠪᠢ ᠨᠦᠬᠦᠷᠯᠡᠭᠰᠡᠨ ᠦᠭᠡᠢ ᠪᠢᠯᠡ᠃ ᠡᠲᠦᠬᠡ ᠠᠨᠲᠠ ᠮᠢᠨᠢ | ᠦᠷᠦᠰᠢᠶᠡᠪᠡᠯ ᠨᠠᠮᠠᠢᠢ ᠦᠬᠦᠬᠦᠯᠵᠤ ᠦᠪᠡᠷ ᠤᠨ ᠰᠡᠳᠬᠢᠯ ᠢᠶᠠᠨ ᠠᠮᠤᠷᠵᠢᠭᠤᠯᠳᠤᠭᠠᠢ᠃ ᠠᠨᠲᠠ ᠲᠠ ᠰᠤᠶᠤᠷᠬᠠᠵᠤ | ᠠᠯᠠᠬᠤ ᠳᠤ ᠬᠦᠷᠪᠡᠯ ᠴᠢᠰᠤ ᠭᠠᠷᠭᠠᠯ ᠦᠭᠡᠢ ᠦᠬᠦᠬᠦᠯᠬᠦ ᠪᠤᠯᠪᠠᠤ︖︾ ᠬᠡᠵᠤ ᠠᠨᠲᠠ ᠶᠢᠨ ᠲᠠᠩᠭᠠᠷᠢᠭ ᠢᠶᠠᠨ | ᠬᠦᠢᠴᠡᠳᠬᠡᠭᠰᠡᠨ ᠪᠠᠶᠢᠨᠠ᠃ ᠡᠨᠡ ᠬᠦ ᠲᠡᠮᠲᠡᠭᠯᠡᠯ ᠨᠢ ᠮᠤᠩᠭᠤᠯᠴᠤᠳ ᠤᠨ ᠠᠨᠲᠠ ᠶᠢᠨ ᠶᠤᠰᠤᠨ ᠤ ᠲᠠᠩᠭᠠᠷᠢᠭ ᠨᠢ ᠬᠠᠲᠠᠭᠤ | ᠴᠢᠩᠭᠠ ᠵᠢᠷᠤᠮ ᠶᠤᠰᠤ ᠶᠢᠨ ᠬᠡᠷᠡᠴᠢ ᠪᠤᠯᠵᠤ ᠦᠯᠡᠲᠡᠵᠡᠢ᠃ | ᠤᠷᠲᠤᠰ ᠮᠤᠩᠭᠤᠯ ᠤᠨ ᠠᠨᠲᠠᠯᠠᠬᠤ ᠶᠤᠰᠤᠨ | ᠨᠢᠬᠡ᠂ ᠠᠨᠲᠠ ᠬᠡᠲᠡᠭ ᠦᠬᠡ ᠶᠢᠨ ᠤᠬᠠᠭᠲᠠᠬᠤᠨ | ᠠᠨᠲᠠ ᠬᠡᠲᠡᠭ ᠦᠬᠡ ᠪᠤᠯ ︽ᠠᠨᠲᠠᠭᠠᠢ᠂ ᠠᠨᠲᠠᠭᠠᠶᠢᠯᠠᠬᠤ︾ ᠬᠡᠲᠡᠭ ᠦᠬᠡ ᠶᠢᠨ ᠢᠵᠠᠭᠤᠷ ᠪᠤᠯᠤᠨᠠ᠃ | ᠦᠬᠡᠷᠡ ᠪᠠᠷ ᠬᠡᠯᠡᠪᠡᠯ᠂ ᠲᠠᠩᠭᠠᠷᠢᠬᠯᠠᠬᠤ ᠬᠡᠰᠡᠨ ᠰᠠᠨᠠᠭᠠ ᠲᠠᠢ ᠦᠬᠡ ᠮᠦᠨ᠃ ᠡᠶᠢᠮᠦ ᠠᠴᠠ ︽ᠠᠨᠲᠠ ᠠᠬᠠ ᠲᠠᠬᠦᠤ︾ | ᠬᠡᠲᠡᠭ ᠨᠢ ᠲᠡᠭᠷᠢ ᠳᠤ ᠮᠦᠷᠬᠦᠵᠤ ᠲᠡᠩᠭᠠᠷᠢᠬᠯᠠᠭᠰᠠᠨ ᠠᠬᠠ ᠲᠡᠬᠦᠤ ᠬᠡᠰᠡᠨ ᠤᠳᠬᠠ ᠲᠠᠢ᠃ | ᠬᠤᠶᠠᠷ᠂ ᠠᠨᠲᠠ ᠠᠬᠠ ᠲᠡᠬᠦᠤ ᠪᠠᠷᠢᠯᠲᠤᠬᠤ ᠶᠢ ᠬᠡᠷᠡᠴᠢᠯᠡᠬᠦ ᠤᠩᠭᠤᠳ ᠰᠢᠲᠦᠬᠡᠨ | ᠠᠨᠲᠠ ᠠᠬᠠ ᠲᠡᠬᠦᠤ ᠪᠠᠷᠢᠯᠲᠤᠬᠤ ᠳᠤ᠂ ᠬᠦᠬᠡ ᠮᠦᠩᠬᠡ ᠲᠡᠭᠷᠢ᠂ ᠬᠦᠷᠦᠰᠦᠲᠤ ᠠᠯᠲᠠᠨ | ᠲᠡᠯᠡᠬᠡᠢ ᠳᠤ ᠲᠠᠭᠠᠳᠬᠠᠵᠤ ᠬᠡᠷᠡᠴᠢᠯᠡᠬᠦᠯᠤᠨ ᠲᠡᠭᠷᠢ ᠳᠤ ᠠᠮᠠᠯᠲᠤᠬᠤ᠂ ᠤᠪᠤᠭᠠ ᠤᠷᠤᠳ᠂ ᠤᠩᠭᠤᠳ ᠪᠠᠭᠤᠮᠠᠯ | ᠰᠢᠲᠤᠭᠡᠨ ᠢᠶᠠᠷ ᠭᠡᠷᠡᠴᠢᠯᠡᠬᠦᠯᠦᠨ ᠲᠠᠩᠭᠠᠷᠢᠬᠯᠠᠨ ᠠᠮᠠᠯᠲᠤᠬᠤ᠂ ᠰᠠᠭᠯᠠᠭᠠᠷ ᠮᠤᠲᠤᠨ ᠤᠩᠭᠤᠳ ᠢᠶᠠᠷ ᠬᠡᠷᠡᠴᠢᠯᠡᠬᠦᠯᠦᠨ | ᠲᠠᠩᠭᠠᠷᠢᠬᠯᠠᠵᠤ ᠠᠮᠠᠯᠲᠤᠬᠤ ᠵᠡᠷᠭᠡ ᠭᠤᠷᠪᠠᠨ ᠵᠦᠢᠯ ᠠᠴᠠ ᠠᠯᠢ ᠨᠢᠬᠡ ᠶᠢ ᠨᠢ ᠰᠤᠩᠭᠤᠵᠤ᠂ ᠲᠡᠭᠷᠢ ᠳᠤ ᠮᠦᠷᠬᠦᠵᠤ | ᠲᠠᠩᠭᠠᠷᠢᠬᠯᠠᠨ ᠪᠠᠶᠢᠵᠦ ᠠᠬᠠ ᠲᠠᠬᠦᠤ ᠪᠠᠷᠢᠯᠲᠤᠨᠠ᠃ | ᠭᠤᠷᠪᠠ᠂ ᠲᠠᠩᠭᠠᠷᠢᠭ ᠤᠨ ᠦᠴᠢᠭ ᠪᠠ ᠠᠭᠤᠯᠭᠠ | ᠴᠢᠰᠤᠨ ᠲᠠᠩᠭᠠᠷᠢᠭ | ᠴᠢᠰᠤᠨ ᠲᠠᠩᠭᠠᠷᠢᠭ ᠬᠡᠲᠡᠭ ᠨᠢ ᠲᠠᠷᠤᠢ ᠠᠨᠲᠠ ᠠᠬᠠ ᠲᠡᠬᠦᠤ ᠪᠤᠯᠤᠯᠴᠠᠬᠤ ᠬᠦᠮᠦᠰ ᠨᠢ ᠵᠡᠬᠦᠨ | ᠭᠠᠷ ᠤᠨ ᠡᠷᠡᠬᠡᠢ ᠬᠤᠷᠤᠭᠤ ᠪᠠᠨ ᠵᠡᠬᠦᠤ ᠪᠠᠷ ᠰᠢᠪᠡᠵᠤ ᠴᠢᠰᠤ ᠭᠠᠷᠭᠠᠭᠠᠳ ᠨᠢᠬᠡ ᠠᠶᠠᠭᠠ ᠠᠷᠢᠬᠢ ᠳᠤ ᠲᠤᠰᠬᠠᠵᠤ᠂ | ᠪᠦᠬᠦᠲᠠ ᠪᠠᠷ ᠢᠶᠠᠨ ᠬᠤᠪᠢᠶᠠᠯᠴᠠᠨ ᠤᠤᠭᠤᠭᠠᠳ᠄ ︽ᠪᠢᠲᠠ ᠡᠴᠢᠬᠡ ᠲᠡᠭᠷᠢ ᠳᠤ ᠮᠦᠷᠬᠦᠵᠤ᠂ ᠬᠦᠬᠡ ᠮᠦᠩᠬᠡ ᠲᠡᠭᠷᠢ ᠪᠠᠷ | ᠡᠴᠢᠬᠡ ᠬᠢᠵᠤ᠂ ᠬᠦᠷᠦᠰᠤᠲᠤ ᠠᠯᠲᠠᠨ ᠲᠡᠯᠡᠬᠡᠢ ᠪᠠᠷ ᠡᠬᠡ ᠪᠤᠯᠭᠠᠵᠤ᠂ ᠠᠬᠠ ᠲᠡᠬᠦᠤ ᠪᠠᠷᠢᠯᠲᠤᠵᠤ ᠪᠠᠶᠢᠨᠠ᠃ ᠡᠨᠡ | ᠡᠲᠦᠷ ᠤᠨ ᠡᠨᠡ ᠴᠠᠭ ᠠᠴᠠ ᠡᠬᠢᠯᠡᠨ ᠪᠢᠲᠠ ᠵᠢᠷᠭᠠᠯ ᠵᠤᠪᠠᠯ ᠢᠶᠠᠨ ᠬᠠᠮᠲᠤᠳᠬᠠᠵᠤ᠂ ᠬᠠᠷᠢᠯᠴᠠᠨ ᠨᠢᠬᠡ ᠨᠢᠬᠡᠨ ᠢᠶᠠᠨ | ᠲᠡᠮᠵᠢᠵᠤ᠂ ᠡᠯᠢᠬᠡᠴᠢᠯᠡᠨ ᠶᠠᠪᠤᠬᠤ ᠪᠠᠷ ᠲᠠᠩᠭᠠᠷᠢᠬᠯᠠᠵᠤ ᠪᠠᠶᠢᠨᠠ᠃ ᠬᠡᠷᠪᠡ ᠬᠡᠯᠡᠭᠰᠡᠨ ᠢᠶᠠᠨ ᠵᠠᠯᠬᠢᠵᠤ᠂ ᠬᠡᠬᠡᠷᠡᠭᠰᠡᠨ ᠢᠶᠠᠨ | ᠢᠲᠡᠪᠡᠯ᠂ ᠡᠴᠢᠬᠡ ᠲᠡᠭᠷᠢ ᠨᠢᠷᠭᠡᠲᠤᠭᠡᠢ︕︾ ᠬᠡᠵᠤ ᠲᠠᠩᠭᠠᠷᠢᠬᠯᠠᠭᠠᠳ᠂ ᠲᠡᠭᠷᠢ ᠳᠤ ᠭᠤᠷᠪᠠᠨᠳᠡ ᠮᠦᠷᠬᠦᠨᠡ᠃ ᠡᠬᠦᠨ ᠢ | ᠪᠠᠰᠠ ︽ᠰᠠᠪᠠ︾ ᠲᠠᠩᠭᠠᠷᠢᠭ ᠬᠡᠲᠡᠭ᠃ ᠡᠨᠡ ᠨᠢ ᠴᠢᠰᠤᠨ ᠤᠲᠤᠮ ᠢᠶᠠᠨ ᠨᠢᠬᠡᠳᠬᠡᠭᠰᠡᠨ ᠬᠡᠷᠡᠴᠢ ᠪᠠᠲᠤᠯᠠᠪᠤᠷᠢ ᠪᠤᠯᠲᠠᠭ᠃ | ︵ᠡᠨᠡ ᠴᠢᠰᠤ ᠶᠢ ᠬᠠᠷᠠ ᠢᠮᠠᠭᠠ ᠪᠤᠶᠤ ᠬᠦᠬᠡ ᠢᠮᠠᠭᠠᠨ ᠠᠮᠢᠲᠤ ᠴᠢᠰᠤ ᠪᠠᠷ ᠤᠷᠤᠯᠠᠭᠤᠯᠵᠤ ᠪᠤᠯᠲᠠᠭ ᠬᠡᠨᠡ᠃ | ᠬᠡᠷᠪᠡ ᠢᠮᠠᠭᠠ ᠠᠯᠠᠵᠤ ᠲᠠᠩᠭᠠᠷᠢᠬᠯᠠᠪᠠᠯ᠂ ᠢᠮᠠᠭᠠᠨ ᠤ ᠮᠢᠬᠠ ᠪᠠᠨ ᠠᠨᠲᠠ ᠶᠢᠨ ᠨᠠᠶᠢᠷ ᠲᠤ ᠬᠡᠷᠡᠭᠯᠡᠵᠤ ᠲᠠᠶᠠᠭᠠᠷ | ᠬᠤᠪᠢᠶᠠᠯᠴᠠᠨ ᠢᠲᠡᠨᠡ︶᠃ | ᠡᠵᠢ ᠶᠢᠨ ᠰᠦᠨ ᠤ ᠲᠠᠩᠭᠠᠷᠢᠭ | ︽ᠡᠵᠢ ᠶᠢᠨ ᠰᠦᠨ ᠤ ᠲᠠᠩᠭᠠᠷᠢᠭ︾ ᠬᠡᠲᠡᠭ ᠨᠢ ᠨᠢᠬᠡ ᠭᠠᠲᠤᠷᠠ ᠤᠰᠤᠨ ᠳᠤ ᠰᠦ ᠲᠤᠰᠬᠠᠵᠤ᠂ ᠠᠨᠲᠠ | ᠠᠬᠠ ᠲᠡᠬᠦᠤ ᠪᠠᠷᠢᠯᠲᠤᠬᠤ ᠬᠦᠮᠦᠰ ᠨᠢ ᠨᠢᠭᠤᠷ ᠭᠠᠷ ᠢᠶᠠᠨ ᠤᠬᠢᠶᠠᠭᠠᠳ ᠬᠠᠮᠤᠭ ᠪᠠᠭᠠ ᠲᠡᠬᠦᠤ ᠨᠢ ᠵᠢᠯ ᠤᠨ ᠰᠠᠶᠢᠨ | ᠵᠦᠭ ᠲᠤ ᠠᠰᠬᠠᠭᠠᠳ ᠬᠡᠷ ᠲᠤ ᠤᠷᠤᠵᠤ ᠢᠷᠡᠭᠡᠳ ᠤᠯᠠᠨ ᠠᠬᠠ ᠲᠡᠬᠦᠤ ᠨᠠᠷ ᠲᠠᠭᠠᠨ ︽ᠶᠤᠰᠤᠴᠢᠯᠠᠨ ᠶᠠᠪᠤᠬᠤ | ᠪᠤᠯᠲᠤᠭᠠᠢ︾ ᠬᠡᠵᠤ ᠨᠢᠬᠡ ᠲᠤᠯᠤᠭᠠᠢ ᠮᠦᠷᠬᠦᠬᠦ ᠳᠤ ᠲᠠᠶᠠᠭᠠᠷ ᠢᠶᠠᠨ ︽ᠲᠡᠷᠡ ᠪᠢᠯᠢᠭ ᠢᠶᠠᠷ ᠪᠤᠯᠲᠤᠭᠠᠢ︾ ᠬᠡᠵᠤ ᠬᠡᠯᠡᠬᠡᠳ | ᠠᠨᠲᠠ ᠲᠡᠬᠦᠤ ᠶᠢᠨ ᠢᠶᠠᠨ ᠭᠠᠲᠤᠷᠠ ᠳᠤ ᠬᠡᠰᠢᠭ ᠰᠤᠶᠤᠷᠬᠠᠯ ᠬᠢᠵᠤ ᠦᠭᠲᠡᠭ᠃ | ᠭᠠᠯ ᠭᠤᠯᠤᠮᠲᠠ ᠨᠢᠬᠡᠳᠬᠡᠬᠦ ᠲᠠᠩᠭᠠᠷᠢᠭ | ︽ᠭᠠᠯ ᠭᠤᠯᠤᠮᠲᠠ ᠨᠢᠬᠡᠳᠬᠡᠬᠦ ᠲᠠᠩᠭᠠᠷᠢᠭ︾ ᠬᠡᠲᠡᠭ ᠨᠢ ᠶᠡᠭᠡ ᠠᠬᠠ ᠶᠢᠨ ᠢᠶᠠᠨ ᠭᠤᠯᠤᠮᠲᠠ ᠶᠢ | ᠲᠠᠬᠢᠵᠤ᠂ ᠭᠠᠯ ᠳᠤ ᠮᠦᠷᠬᠦᠬᠡᠳ ᠨᠢᠬᠡ ᠠᠶᠢᠯ ︵ᠨᠢᠬᠡ ᠬᠡᠷ︶ ᠤᠨ ᠬᠦᠮᠦᠨ ᠪᠤᠯᠤᠭᠰᠠᠨ ᠢᠶᠠᠨ ᠮᠡᠲᠡᠷᠡᠲᠡᠭ᠃ | ᠠᠨᠲᠠ ᠶᠢᠨ ᠠᠪᠤ ᠡᠵᠢ ᠳᠤ ᠮᠦᠷᠬᠦᠵᠤ ᠲᠠᠩᠭᠠᠷᠢᠬᠯᠠᠬᠤ | ︽ᠠᠨᠲᠠ ᠶᠢᠨ ᠠᠪᠤ ᠡᠵᠢ ᠳᠤ ᠮᠦᠷᠬᠦᠵᠤ ᠲᠠᠩᠭᠠᠷᠢᠬᠯᠠᠬᠤ︾ ᠬᠡᠲᠡᠭ ᠨᠢ ᠲᠡᠭᠡᠷᠡᠬᠢ ᠭᠤᠷᠪᠠᠨ ᠵᠦᠢᠯ ᠤᠨ | ᠲᠠᠩᠭᠠᠷᠢᠭ ᠢ ᠬᠢᠵᠤ ᠪᠠᠷᠠᠭᠰᠠᠨ ᠤ ᠲᠠᠷᠠᠭᠠ ᠠᠨᠲᠠ ᠶᠢᠨ ᠠᠪᠤ ᠡᠵᠢ ᠳᠡᠭᠡᠨ ᠮᠦᠷᠬᠦᠵᠤ ︽ᠪᠢᠲᠠ ᠲᠡᠭᠷᠢ ᠳᠤ ᠮᠦᠷᠬᠦᠵᠤ ᠠᠬᠠ | ᠲᠡᠬᠦᠤ ᠪᠠᠷᠢᠯᠲᠤᠯᠠ᠂ ᠠᠴᠢᠲᠤ ᠪᠤᠭᠤᠷᠤᠯ ᠨᠠᠰᠤᠲᠠᠳ ᠪᠢᠲᠠᠨ ᠢ ᠲᠦᠷᠦᠭᠰᠡᠨ ᠠᠬᠠ ᠲᠡᠬᠦᠤ ᠮᠡᠲᠦ ᠠᠳᠠᠯᠢᠬᠠᠨ ᠡᠨᠡᠷᠢᠵᠤ | ᠶᠠᠪᠤᠬᠤ ᠪᠤᠯᠲᠤᠭᠠᠢ︾᠂ ︽ᠲᠡᠭᠷᠢ ᠶᠢᠨ ᠰᠤᠶᠤᠷᠬᠠᠯ ᠢᠶᠠᠷ ᠪᠢᠲᠠ ᠠᠪᠤ ᠡᠵᠢ ᠲᠠᠨ ᠤ ᠲᠠᠪᠠᠯ ᠲᠠᠢ ᠬᠦᠪᠡᠬᠦᠨ ᠪᠤᠯᠵᠤ | ᠲᠦᠷᠦᠯᠠ᠂ ᠬᠤᠵᠢᠮ ᠬᠦᠯ ᠢ ᠴᠢᠨᠢ ᠬᠤᠴᠢᠵᠤ᠂ ᠬᠦᠷᠰᠢ ᠶᠢ ᠴᠢᠨᠢ ᠠᠰᠠᠷᠠᠨ ᠲᠡᠳᠬᠦᠵᠤ ᠶᠠᠪᠤᠶᠠ︕︾ ᠬᠡᠵᠤ | ᠲᠠᠩᠭᠠᠷᠢᠬᠯᠠᠭᠠᠳ ᠭᠤᠷᠪᠠᠨ ᠲᠤᠯᠤᠭᠠᠢ ᠮᠦᠷᠬᠦᠨᠡ᠃ | ᠲᠦᠷᠪᠡ᠂ ᠠᠨᠲᠠ ᠠᠬᠠ ᠲᠡᠬᠦᠤ ᠶᠢ ᠬᠡᠷᠡᠴᠢᠯᠡᠬᠦ ᠪᠠ ᠰᠦᠢ ᠰᠤᠯᠢᠯᠴᠠᠬᠤ ᠶᠤᠰᠤᠨ | ᠠᠨᠲᠠ ᠠᠬᠠ ᠲᠡᠬᠦᠤ ᠪᠠᠷᠢᠯᠲᠤᠭᠰᠠᠨ ᠬᠦᠮᠦᠰ ᠬᠠᠷᠢᠯᠴᠠᠨ ᠠᠨᠲᠠ ᠠᠬᠠ ᠲᠡᠬᠦᠤ ᠪᠠᠨ ᠬᠡᠷᠡᠴᠢᠯᠡᠬᠦ ᠪᠡᠯᠡᠭ | ᠬᠦᠷᠭᠡᠲᠡᠭ ᠶᠤᠰᠤᠨ ᠪᠤᠢ᠃ ᠡᠬᠦᠨ ᠢ ᠠᠨᠲᠠ ᠶᠢᠨ ᠰᠦᠢ ᠰᠤᠯᠢᠯᠴᠠᠬᠤ ᠶᠤᠰᠤᠨ ᠬᠡᠨᠡ᠃ ᠪᠡᠯᠡᠭ ᠨᠢ ᠶᠡᠭᠡ ᠪᠠᠭᠠ | ᠪᠠᠶᠢᠭᠰᠠᠨ ᠴᠤ ᠬᠠᠮᠢᠶᠠ ᠦᠭᠡᠢ ᠨᠠᠨᠳᠢᠩᠨᠠᠨ ᠬᠦᠷᠭᠡᠵᠤ᠂ ᠡᠷᠬᠢᠮᠨᠠᠨ ᠬᠠᠲᠠᠭᠠᠯᠠᠵᠤ᠂ ᠬᠤᠵᠢᠮ ᠬᠤᠶᠢᠴᠢ ᠶᠢᠨ ᠦᠶᠡ ᠳᠤ | ᠠᠨᠲᠠ ᠠᠬᠠ ᠲᠡᠬᠦᠤ ᠶᠢᠨ ᠬᠡᠷᠡᠴᠢ ᠪᠤᠯᠭᠠᠲᠠᠭ ᠶᠤᠰᠤᠳᠠᠢ᠃ | ᠲᠠᠪᠤ᠂ ᠠᠨᠲᠠ ᠶᠢᠨ ᠬᠠᠷᠢᠴᠠᠭᠠ ᠬᠤᠯᠪᠤᠭᠠ | ᠠᠨᠲᠠ ᠠᠬᠠ ᠲᠡᠬᠦᠤ ᠶᠢᠨ ᠨᠠᠰᠤ ᠵᠢᠯ ᠨᠢ ᠡᠷᠬᠡᠪᠰᠢ ᠤᠶᠢᠷᠠᠯᠴᠠᠭᠠ ᠨᠠᠰᠤᠲᠠᠢ ᠬᠦᠮᠦᠰ ᠢᠶᠠᠷ | ᠪᠦᠷᠢᠯᠲᠦᠬᠦ ᠬᠡᠷᠡᠭᠲᠡᠢ᠃ ᠬᠡᠬᠦ ᠳᠡᠭᠡᠨ ᠡᠷᠬᠡᠪᠰᠢ ᠶᠡᠷᠦ ᠪᠤᠰᠤ ᠶᠢᠨ ᠬᠦᠨ ᠵᠤᠵᠠᠭᠠᠨ ᠬᠠᠶᠢᠷᠠ ᠰᠡᠳᠬᠢᠯᠬᠡ ᠲᠠᠢ ᠢᠨᠠᠭ | ᠲᠤᠲᠤᠨᠤ ᠬᠦᠮᠦᠰ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ᠠᠨᠲᠡ ᠠᠬᠠ ᠲᠡᠬᠦᠤ ᠪᠠᠷᠢᠯᠲᠤᠮᠠᠭᠴᠠ ᠡᠩ ᠤᠨ ᠨᠦᠬᠦᠷ ᠤᠨ ᠬᠠᠷᠢᠴᠠᠭᠠ ᠠᠴᠠ | ᠲᠠᠪᠠᠵᠤ᠂ ᠲᠦᠷᠦᠭᠰᠡᠨ ᠠᠬᠠ ᠲᠡᠬᠦᠤ ᠶᠢᠨ ᠬᠠᠷᠢᠴᠠᠭᠠ ᠪᠤᠯᠵᠤ ᠬᠤᠪᠢᠷᠠᠲᠠᠭ᠃ ᠡᠶᠢᠮᠦ ᠠᠴᠠ ᠠᠨᠲᠠ ᠠᠬᠠ ᠲᠡᠬᠦᠤ ᠶᠢᠨ | ᠦᠷᠡ ᠬᠤᠶᠢᠴᠢᠰ ᠨᠢ ᠴᠤ ᠡᠴᠢᠬᠡ ᠶᠢᠨ ᠢᠶᠠᠨ ᠠᠨᠲᠠ ᠠᠬᠠ ᠲᠡᠬᠦᠤ ᠶᠢ ᠪᠦᠷ ︽ᠠᠨᠲᠠ ᠠᠪᠠᠢ᠂ ᠠᠨᠲᠠ ᠮᠦᠮᠦ︾ | ᠲᠠᠭᠤᠲᠠᠵᠤ ᠬᠠᠷᠢᠯᠴᠠᠨ ᠬᠦᠨᠳᠦᠳᠬᠡᠨ ᠶᠠᠪᠤᠬᠤ ᠬᠠᠷᠢᠴᠠᠭᠠ ᠪᠤᠢ ᠪᠤᠯᠲᠠᠭ᠃ | ᠵᠢᠷᠭᠤᠭᠠ᠂ ᠠᠨᠲᠠ ᠶᠢᠨ ᠡᠬᠦᠷᠭᠡ ᠬᠠᠷᠢᠭᠤᠴᠠᠯᠭᠠ | ᠠᠨᠲᠠᠯᠠᠭᠰᠠᠨ ᠬᠦᠮᠦᠨ ᠵᠠᠪᠠᠯ ᠦᠪᠡᠷ ᠤᠨ ᠢᠶᠠᠨ ᠠᠮᠠᠨ ᠲᠠᠩᠭᠠᠷᠢᠭ ᠢ ᠰᠠᠬᠢᠵᠤ᠂ ᠠᠨᠲᠠ ᠶᠢᠨ ᠵᠢᠷᠤᠮ | ᠶᠤᠰᠤ ᠶᠢ ᠦᠨᠡᠨᠴᠢ ᠰᠢᠲᠤᠷᠭᠤ ᠪᠠᠷ ᠬᠦᠢᠴᠡᠳᠭᠡᠵᠤ᠂ ᠠᠬᠠ ᠲᠡᠬᠦᠤ ᠶᠢᠨ ᠡᠬᠦᠷᠬᠡ ᠬᠠᠷᠢᠭᠤᠴᠠᠯᠭᠠ ᠶᠢ ᠬᠦᠢᠴᠡᠳᠬᠡᠬᠦ | ᠬᠡᠷᠡᠭᠲᠡᠢ᠃ ᠡᠨᠡ ᠪᠤᠯ ᠠᠨᠲᠠ ᠠᠬᠠ ᠲᠡᠬᠦᠤ ᠶᠢᠨ ᠬᠠᠮᠤᠭ ᠨᠠᠭᠠᠲᠤ ᠵᠠᠬᠠ ᠶᠢᠨ ᠱᠠᠭᠠᠷᠲᠠᠯᠭᠠ ᠮᠦᠨ᠃ | ︽ᠠᠨᠲᠠ ᠬᠦᠮᠦᠨ ᠠᠮᠢᠨ ᠨᠢᠬᠡ︾ ᠪᠤᠯᠲᠠᠭ᠂ ᠠᠨᠲᠠ ᠠᠬᠠ ᠲᠡᠬᠦᠤ ᠪᠠᠷᠢᠯᠲᠤᠭᠰᠠᠨ ᠤ ᠲᠠᠷᠠᠭᠠ ᠵᠤᠯ | ᠵᠢᠷᠭᠠᠯ᠂ ᠵᠤᠪᠠᠯᠠᠩ ᠵᠦᠲᠡᠬᠦᠷᠢ ᠪᠠᠨ ᠬᠠᠮᠲᠤᠳᠬᠠᠬᠤ ᠬᠡᠷᠡᠭᠲᠡᠢ᠂ ᠡᠨᠡ ᠪᠤᠯ ᠠᠨᠲᠠᠯᠠᠬᠤ ᠶᠢᠨ ᠬᠠᠮᠤᠭ ᠴᠢᠬᠤᠯᠠ ᠠᠨᠲᠠ ᠶᠢᠨ | ᠵᠢᠷᠤᠮ ᠮᠦᠨ᠃ | ᠬᠡᠷᠪᠡ ᠠᠨᠲᠠᠯᠠᠭᠰᠠᠳ ᠤᠨ ᠨᠢᠬᠡ ᠨᠢ ᠡᠴᠢᠬᠡ ᠶᠢᠨ ᠭᠠᠭᠴᠠ ᠬᠦᠤ ᠪᠠᠶᠢᠭᠠᠳ ᠡᠷᠲᠡ ᠨᠠᠰᠤ ᠪᠠᠷᠠᠭᠰᠠᠨ | ᠪᠠᠶᠢᠪᠠᠯ ᠨᠦᠬᠦᠬᠡ ᠨᠢᠬᠡ ᠨᠢ ᠠᠨᠲᠠ ᠶᠢᠨ ᠢᠶᠠᠨ ᠡᠵᠢ ᠠᠪᠤ᠂ ᠦᠷᠡ ᠬᠡᠤᠬᠡᠳ ᠢ ᠠᠰᠠᠷᠠᠨ ᠲᠡᠳᠬᠦᠬᠦ ᠬᠠᠷᠢᠭᠤᠴᠠᠯᠭᠠ ᠶᠢ | ᠪᠡᠶᠡᠯᠡᠬᠦᠯᠬᠦ ᠬᠡᠷᠡᠭᠲᠡᠢ᠃ | ︽ᠲᠡᠭᠡᠷᠡ ᠦᠶᠡ ᠶᠢᠨ ᠠᠨᠲᠠ ᠠᠬᠠ ᠲᠡᠬᠦᠤ᠂ ᠲᠡᠷᠠᠭᠠ ᠦᠶᠡ ᠳᠤ ᠲᠦᠷᠦᠭᠰᠡᠨ ᠠᠬᠠ ᠲᠡᠬᠦᠤ︾ ᠬᠡᠵᠤ | ᠬᠡᠯᠡᠲᠡᠭ ᠪᠤᠯᠬᠤᠷ ᠬᠠᠮᠤᠭ ᠲᠤᠲᠤᠨᠤ ᠲᠦᠷᠦᠯ ᠰᠠᠲᠤᠨ ᠤ ᠬᠠᠷᠢᠴᠠᠭᠠ ᠶᠢᠨ ᠬᠠᠷᠢᠭᠤᠴᠠᠯᠭᠠ ᠶᠢ ᠬᠦᠢᠴᠡᠳᠬᠡᠬᠦ ᠬᠡᠷᠡᠭᠲᠡᠢ᠃ | ᠠᠨᠲᠠ ᠶᠢᠨ ᠠᠬᠠ ᠲᠡᠬᠦᠤ ᠨᠢ ᠬᠦᠪᠡᠬᠦᠨ ᠦᠭᠡᠢ ᠵᠠᠭᠤᠷᠮᠠᠭ ᠨᠠᠰᠤᠯᠠᠭᠰᠠᠨ ᠪᠤᠯ᠂ ᠠᠨᠲᠠ ᠶᠢᠨ | ᠭᠤᠯᠤᠮᠲᠠ ᠶᠢ ᠵᠠᠯᠭᠠᠮᠵᠢᠯᠠᠭᠤᠯᠲᠠᠭ ᠶᠤᠰᠤ ᠪᠤᠢ᠃ ᠡᠨᠡ ᠬᠦ ᠶᠤᠰᠤ ᠶᠢ ᠠᠨᠲᠠ ᠶᠢᠨ ᠡᠬᠡᠨᠡᠷ ᠬᠡᠤᠬᠡᠳ ᠨᠢ ᠪᠠᠰᠠ | ᠠᠨᠲᠠ ᠶᠢᠨ ᠲᠠᠩᠭᠠᠷᠢᠭ ᠡᠬᠦᠷᠬᠡ ᠬᠠᠷᠢᠭᠤᠴᠠᠯᠭᠠ ᠶᠤᠰᠤᠭᠠᠷ ᠦᠬᠡ ᠲᠠᠭᠤᠨ ᠦᠭᠡᠢ ᠪᠠᠷ ᠬᠦᠢᠴᠡᠳᠬᠡᠬᠦ ᠬᠡᠷᠡᠭᠲᠡᠢ᠃ | ᠲᠤᠯᠤᠭᠠ᠂ ᠠᠨᠲᠠ ᠶᠢᠨ ᠴᠡᠬᠡᠷ ᠶᠤᠰᠤᠨ | ︽ᠠᠮᠠᠨ ᠲᠠᠩᠭᠠᠷᠢᠭ ᠮᠠᠰᠢ ᠠᠶᠤᠯᠲᠠᠢ ᠪᠠᠶᠢᠲᠠᠭ ᠪᠤᠯᠬᠤᠷ ᠬᠠᠭᠤᠷᠮᠠᠭ ᠢᠶᠠᠷ ᠲᠠᠩᠭᠠᠷᠢᠬᠯᠠᠬᠤ ᠶᠢ | ᠴᠡᠬᠡᠷᠯᠡᠵᠤ᠂ ᠨᠢᠬᠡᠨᠲᠡ ᠲᠠᠩᠭᠠᠷᠢᠬᠯᠠᠪᠠᠯ᠂ ᠦᠬᠦᠪᠡᠴᠤ ᠪᠤᠴᠠᠬᠤ ᠦᠭᠡᠢ︾ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ | ᠠᠨᠲᠠ ᠠᠬᠠ ᠲᠡᠬᠦᠤ ᠶᠢᠨ ᠬᠦᠮᠦᠰ ᠬᠤᠭᠤᠷᠤᠨᠲᠤ ᠪᠠᠨ ᠡᠨᠡᠷᠢᠬᠦ᠂ ᠲᠡᠬᠢᠮᠲᠠᠬᠤ ᠵᠢᠷᠤᠮ ᠢ ᠡᠪᠲᠡᠯᠡᠨ | ᠲᠡᠮᠡᠴᠡᠯᠲᠤᠵᠤ᠂ ᠰᠠᠲᠤᠷ ᠰᠠᠮᠠᠭᠤᠨ ᠶᠠᠪᠤᠯᠴᠠᠭᠠ ᠶᠢ ᠴᠡᠭᠡᠷᠯᠡᠬᠦ ᠬᠡᠷᠡᠭᠲᠡᠢ᠃ | ᠠᠮᠢᠲᠤᠷᠠᠯ ᠤᠨ ᠶᠠᠪᠤᠴᠠ ᠳᠤ ᠶᠠᠮᠠᠷ ᠨᠢᠬᠡᠨ ᠤᠴᠢᠷ ᠰᠢᠯᠲᠠᠭᠠᠨ ᠠᠴᠠ ᠪᠤᠯᠵᠤ ᠠᠨᠲᠠ ᠠᠬᠠ | ᠲᠡᠬᠦᠤ ᠶᠢᠨ ᠬᠠᠷᠢᠴᠠᠭᠠ ᠡᠪᠲᠡᠷᠡᠬᠦ ᠳᠤ ᠬᠦᠷᠪᠡᠯ᠂ ᠠᠨᠲᠠ ᠶᠢᠨ ᠠᠬᠠᠯᠠᠭᠴᠢ ᠨᠢ ᠰᠢᠯᠲᠠᠭᠠᠨ ᠢ ᠡᠷᠢᠵᠤ᠂ ᠠᠩᠬᠠ | ᠠᠨᠲᠠᠯᠠᠬᠤ ᠦᠶᠡ ᠶᠢᠨ ᠲᠠᠩᠭᠠᠷᠢᠭ ᠤᠨ ᠶᠤᠰᠤᠭᠠᠷ ᠰᠢᠳᠬᠡᠬᠦ ᠶᠤᠰᠤᠲᠠᠢ᠃ | ᠠᠨᠲᠠ ᠶᠢᠨ ᠲᠠᠩᠭᠠᠷᠢᠭ ᠢ ᠬᠦᠨᠳᠦ ᠤᠴᠢᠲᠠᠢ ᠡᠪᠲᠡᠭᠰᠡᠳ ᠢ ︽ᠡᠵᠡᠨ ᠰᠠᠩ︾ ᠳᠤ ︽ᠲᠠᠩᠭᠠᠷᠢᠬᠯᠠᠨ | ᠪᠤᠴᠠᠭᠰᠠᠳ ᠢ ᠬᠦᠯᠢᠨ ᠬᠦᠯᠢᠨ ᠡᠴᠦᠯᠬᠡ︾ ᠬᠡᠲᠡᠭᠴᠢᠯᠡᠨ ᠪᠤᠬᠠ ᠶᠢᠨ ᠠᠷᠠᠰᠤᠨ ᠰᠤᠷ ᠢᠶᠠᠷ ᠬᠦᠯᠢᠵᠤ᠂ ᠡᠵᠡᠬᠦᠢ ᠴᠦᠯ ᠳᠤ | ᠴᠦᠯᠡᠵᠤ ᠬᠠᠶᠠᠲᠠᠭ ᠶᠤᠰᠤᠨ ᠪᠤᠢ᠃ | ᠠᠨᠲᠠ ᠠᠬᠠ ᠲᠡᠬᠦᠤ ᠬᠤᠭᠤᠷᠤᠨᠲᠤ ᠪᠠᠨ ᠬᠤᠪ ᠱᠤᠪ ᠬᠡᠯᠡᠵᠤ ᠠᠲᠠᠭᠠᠷᠬᠠᠨ ᠲᠡᠮᠡᠴᠡᠯᠲᠤᠬᠦ ᠶᠢ ᠴᠡᠬᠡᠷᠯᠡᠨᠡ᠃ | | ᠨᠠᠢᠮᠠ᠂ ᠠᠨᠲᠠ ᠶᠢᠨ ᠵᠦᠩᠨᠡᠯ | ᠠᠷᠢᠭᠤᠨ ᠴᠠᠭᠠᠨ ᠰᠦ ᠪᠠᠷ ᠡᠵᠢ ᠨᠢᠬᠡᠲᠡᠢ ᠪᠤᠯᠤᠭᠰᠠᠨ | ᠠᠮᠢᠯᠠᠯ ᠤᠨ ᠤᠯᠠᠭᠠᠨ ᠴᠢᠰᠤ ᠪᠠᠷ ᠠᠪᠦ ᠨᠢᠬᠡ ᠪᠤᠯᠵᠤ | ᠠᠯᠲᠠᠨ ᠭᠤᠯᠤᠮᠲᠠ ᠳᠠᠭᠠᠨ ᠮᠦᠷᠬᠦᠬᠡᠳ ' | ᠠᠮᠠᠯᠠᠵᠤ ᠠᠨᠲᠠᠭᠠᠶᠢᠯᠠᠭᠰᠠᠨ ᠲᠠᠩᠭᠠᠷᠢᠭ ᠢᠶᠠᠷ | ᠠᠬᠠ ᠲᠡᠬᠦᠤ ᠪᠤᠯᠤᠭᠰᠠᠨ ᠲᠠᠨᠠᠷ ᠮᠢᠨᠢ | ᠠᠰ ᠤᠨ ᠪᠡᠶᠡ ᠴᠢᠨᠢ ᠮᠡᠨᠲᠤ ᠪᠠᠶᠢᠲᠤᠭᠠᠢ | ᠠᠵᠤ ᠠᠮᠢᠲᠤᠷᠠᠯ ᠴᠢᠨᠢ ᠪᠠᠶᠠᠯᠢᠭ ᠪᠠᠶᠢᠲᠤᠭᠠᠢ | ᠁ | ᠮᠤᠩᠭᠤᠯᠴᠤᠳ ᠤᠨ ᠠᠨᠲᠠᠯᠠᠬᠤ ᠶᠤᠰᠤᠨ ᠡᠯᠪᠡᠭ ᠪᠠᠶᠠᠯᠢᠭ ᠰᠤᠶᠤᠯ ᠤᠨ ᠠᠭᠤᠯᠤᠭᠳᠠᠴᠡ ᠲᠠᠢ | ᠮᠦᠷᠳᠡᠬᠡᠨ ᠠᠨᠳᠠ ᠨᠦᠬᠦᠳ ᠤᠨ ᠬᠤᠭᠤᠷᠤᠨᠳᠤᠬᠢ ᠬᠠᠷᠢᠴᠠᠭᠠ ᠶᠢ ᠵᠤᠬᠢᠴᠠᠭᠤᠯᠤᠨ ᠨᠢᠭᠳᠠᠷᠠᠭᠤᠯᠬᠤ ᠲᠠᠯᠠ ᠪᠠᠷ | ᠮᠠᠰᠢ ᠶᠡᠭᠡ ᠠᠬᠤᠢᠢᠴᠢ ᠠᠴᠢ ᠬᠤᠯᠪᠤᠭᠳᠠᠯ ᠲᠠᠢ ᠶᠤᠮ᠃ ︽ᠨᠠᠷᠠᠲᠤ ᠶᠢᠨ ᠵᠠᠶᠠᠭᠠ︾ ᠠᠨᠲᠠ ᠶᠢᠨ ᠬᠤᠯᠪᠤᠭᠠ ᠨᠢ | ᠮᠤᠩᠭᠤᠯᠴᠤᠳ ᠤᠨ ᠠᠮᠢ ᠨᠢᠬᠡ ᠲᠠᠢ ᠠᠨᠲᠠ ᠶᠢᠨ ᠶᠤᠰᠤ ᠶᠢ ᠤᠯᠠᠮᠵᠢᠯᠠᠨ ᠭᠦᠭᠵᠢᠬᠦᠯᠬᠦ ᠶᠢ ᠵᠤᠷᠢᠬᠰᠠᠨ ᠨᠢ ᠦᠨᠡᠳᠡᠢ | ᠠᠵᠢ᠃ | |