| ᠭᠠᠯ ᠳᠠᠬᠢᠯᠭᠠ ᠪᠤᠯ ᠮᠤᠩᠭᠤᠯ ᠰᠤᠶᠤᠯ ᠤᠨ ᠨᠢᠭᠡᠨ ᠴᠢᠬᠤᠯᠠ ᠪᠦᠷᠢᠯᠳᠦᠬᠦᠨ᠂ ᠬᠢᠯᠠᠰ ᠴᠡᠭ ᠶᠤᠮᠰᠠᠨ᠃ | ᠠᠩᠬᠠ ᠡᠬᠢᠨ ᠳᠡᠭᠡᠨ ᠮᠤᠩᠭᠤᠯᠴᠤᠳ ᠭᠠᠯ ᠢ ᠰᠢᠳᠦᠬᠦ᠂ ᠭᠠᠯ ᠠᠴᠠ ᠰᠦᠷᠳᠡᠬᠦ ᠰᠡᠳᠬᠢᠯᠭᠡᠨ ᠠᠴᠠ ᠪᠤᠯᠤᠭᠠᠳ ᠭᠠᠯ | ᠳᠠᠬᠢᠳᠠᠭ ᠪᠤᠯᠤᠭᠰᠠᠨ ᠭᠡᠳᠡᠭ᠃ ᠭᠠᠯ ᠬᠦᠮᠦᠨ ᠳᠦᠷᠦᠯᠬᠢᠳᠡᠨ ᠳᠤ ᠢᠯᠴᠢ ᠭᠡᠷᠡᠯ ᠬᠠᠨᠭ᠍ᠭᠠᠳᠠᠭ ᠪᠤᠯᠬᠤᠷ ᠬᠦᠮᠦᠨ ᠭᠠᠯ ᠢ | ᠬᠠᠮᠤᠭ ᠠᠩᠬᠠ ᠰᠢᠳᠦᠵᠦ ᠡᠬᠢᠯᠡᠵᠠᠢ᠃ ᠳᠠᠬᠢᠪᠠᠯ ᠪᠦᠭᠡ ᠶᠢᠨ ᠱᠠᠰᠢᠨ ᠤ ᠤᠨᠤᠯ ᠳᠤ ᠭᠠᠯ ᠤᠰᠤ ᠰᠠᠯᠬᠢᠨ ᠳᠡᠭᠷᠢ ᠪᠤᠯ | ᠶᠢᠷᠳᠢᠨᠴᠦ ᠶᠢ ᠪᠤᠢ ᠪᠤᠯᠭᠠᠬᠤ ᠡᠬᠢ ᠰᠤᠷᠪᠤᠯᠵᠢ ᠭᠡᠵᠦ ᠦᠵᠡᠳᠡᠭ᠃ ᠭᠠᠯ ᠬᠦᠮᠦᠨ ᠢ ᠪᠠᠶᠠᠵᠢᠭᠤᠯᠵᠦ ᠪᠠᠶᠠᠷᠯᠠᠭᠤᠯᠵᠦ | ᠴᠢᠳᠠᠬᠤ ᠮᠦᠷᠳᠡᠭᠡᠨ ᠦᠭᠡᠶᠢᠷᠡᠬᠦᠯᠵᠦ ᠴᠤ ᠴᠢᠳᠠᠨᠠ᠃ ᠳᠡᠶᠢᠮᠦ ᠪᠤᠯᠬᠤᠷ ᠭᠠᠯ ᠢ ᠠᠷᠭᠠᠳᠠᠬᠤ ᠦᠢᠯᠡ ᠡᠬᠢᠯᠡᠵᠦ ᠪᠤᠢ | ᠪᠤᠯᠵᠠᠢ᠃ ᠢᠡᠭᠬᠢᠵᠦ ᠪᠤᠢ ᠪᠤᠯᠤᠭᠰᠠᠨ ᠭᠠᠯ ᠢ ᠠᠷᠭᠠᠳᠠᠬᠤ ᠦᠢᠯᠡ ᠨᠢ ᠦᠶᠡ ᠶᠢᠨ ᠦᠶᠡ ᠤᠯᠠᠮᠵᠢᠯᠠᠭᠳᠠᠬᠤ ᠶᠢ | ᠳᠠᠭᠠᠯᠳᠤᠭᠠᠳ ᠤᠳᠤ ᠪᠤᠯᠬᠤ ᠳᠤ ᠰᠤᠶᠤᠯ ᠤᠨ ᠴᠢᠬᠤᠯᠠ ᠠᠴᠢᠶᠠᠯᠠᠪᠤᠷᠢ ᠶᠢᠨ ᠡᠬᠦᠷᠭᠡ ᠪᠦᠬᠦᠢ ᠠᠵᠢᠯᠯᠠᠭᠠ ᠪᠤᠯᠤᠭᠰᠠᠨ | ᠮᠦᠷᠳᠡᠭᠡᠨ ᠮᠤᠩᠭᠤᠯᠴᠤᠳ ᠤᠨ ᠡᠭᠡ ᠪᠠᠶᠢᠭᠠᠯᠢ ᠶᠢᠨ ᠠᠮᠢᠳᠠᠨ ᠵᠢᠷᠭᠤᠭᠠᠨ ᠵᠦᠢᠯ ᠲᠠᠢ ᠪᠠᠨ ᠵᠦᠪ ᠬᠠᠷᠢᠴᠠᠬᠤ ᠶᠢᠨ ᠨᠢᠭᠡᠨ | ᠠᠷᠭᠠ ᠬᠡᠯᠪᠡᠷᠢ ᠭᠡᠬᠦ ᠪᠤᠶᠤ ᠦᠷᠡ ᠬᠡᠤᠬᠡᠳ ᠲᠡᠭᠡᠨ ᠡᠶᠡ ᠵᠤᠬᠢᠴᠠᠯ ᠤᠨ ᠤᠬᠠᠭᠠᠨ ᠢ ᠦᠪᠯᠡᠬᠦᠯᠵᠦ ᠵᠠᠯᠭᠠᠮᠵᠢᠯᠠᠬᠤ ᠨᠢᠭᠡᠨ | ᠰᠠᠶᠢᠬᠠᠨ ᠠᠵᠢᠯᠯᠠᠭᠠ ᠭᠡᠭᠳᠡᠬᠦ ᠪᠤᠯᠤᠭᠰᠠᠨ ᠶᠤᠮ᠃ ᠤᠴᠢᠷ ᠨᠢ ᠭᠠᠯ ᠳᠠᠬᠢᠯᠭᠠ ᠶᠢᠨ ᠪᠦᠬᠦ ᠦᠢᠯᠡ ᠪᠠᠷ ᠳᠠᠮᠵᠢᠨ | ᠠᠬᠠᠮᠠᠳ ᠨᠢ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳ ᠲᠠᠭᠠᠨ ᠵᠦᠪ ᠰᠠᠶᠢᠬᠠᠨ ᠵᠠᠩ ᠦᠢᠯᠡ ᠶᠢ ᠳᠠᠨᠢᠭᠤᠯᠵᠦ ᠮᠡᠳᠡᠬᠦᠯᠵᠦ ᠪᠠᠶᠢᠳᠠᠭ ᠢᠶᠠᠷ | ᠪᠠᠷᠠᠬᠤ ᠦᠭᠡᠢ ᠬᠠᠮᠤᠭ ᠤᠨ ᠭᠤᠤᠯ ᠨᠢ ᠭᠠᠯ ᠤᠨ ᠪᠤᠷᠬᠠᠨ ᠢ ᠳᠡᠭᠡᠳᠦᠯᠡᠬᠦ᠂ ᠪᠠᠶᠢᠭᠠᠯᠢ ᠶᠢᠨ ᠨᠢᠭᠡᠨ ᠦᠵᠡᠭᠳᠡᠯ ᠪᠤᠯᠤᠭᠰᠠᠨ | ᠭᠠᠯ ᠢ ᠠᠷᠭᠠᠳᠠᠵᠦ ᠡᠷᠬᠢᠮᠯᠡᠬᠦ᠂ ᠭᠠᠯ ᠢ ᠡᠷᠬᠢᠮᠯᠡᠵᠦ ᠳᠡᠭᠡᠳᠦᠯᠡᠬᠦ ᠪᠠᠷ ᠳᠠᠮᠵᠢᠨ ᠬᠤᠷᠸᠠ ᠶᠢᠨ ᠪᠦᠬᠦ ᠵᠦᠢᠯ ᠲᠠᠢ ᠡᠶᠡ | ᠵᠤᠬᠢᠴᠠᠯ ᠲᠠᠢ᠂ ᠬᠡᠮ ᠬᠡᠮᠨᠡᠯ ᠲᠠᠢ ᠤᠷᠤᠰᠢᠬᠤ ᠵᠡᠷᠭᠡ ᠤᠯᠠᠨ ᠳᠠᠯᠠ ᠶᠢᠨ ᠤᠬᠠᠭᠠᠨ ᠢ ᠵᠢᠭᠠᠵᠦ᠂ ᠵᠦᠪ ᠰᠡᠷᠡᠭᠳᠡᠯ | ᠰᠡᠳᠬᠢᠬᠦᠢ ᠲᠠᠢ ᠪᠤᠯᠭᠠᠵᠦ ᠬᠦᠮᠦᠵᠢᠬᠦᠯᠳᠡᠭ ᠲᠤ ᠪᠠᠶᠢᠬᠤ ᠶᠤᠮ᠃ | ᠮᠤᠩᠭᠤᠯᠴᠤᠳ ᠪᠤᠯ ᠡᠶᠡ ᠵᠤᠬᠢᠴᠠᠯ ᠤᠨ ᠤᠬᠠᠭᠠᠨ ᠢ ᠳᠡᠭᠡᠳᠦᠯᠡᠳᠡᠭ ᠦᠨᠳᠦᠰᠦᠳᠡᠨ᠃ ᠠᠮᠢᠳᠤᠷᠠᠯ | ᠦᠢᠯᠡᠳᠪᠤᠷᠢᠯᠡᠯ ᠤᠨ ᠵᠠᠩ ᠦᠢᠯᠡ ᠪᠤᠯᠭᠠᠨ ᠳᠤᠨᠢ ᠪᠠᠷᠤᠭ ᠪᠦᠷ ᠡᠶᠡ ᠵᠤᠬᠢᠴᠠᠯ ᠤᠨ ᠤᠬᠠᠭᠠᠨ ᠨᠡᠪᠳᠡᠷᠡᠨ ᠰᠢᠩᠬᠡᠭᠰᠡᠨ | ᠪᠠᠶᠢᠳᠠᠭ᠃ ᠮᠤᠩᠭᠤᠯ ᠬᠦᠮᠦᠨ ᠤ ᠰᠡᠳᠬᠢᠬᠦᠢ ᠳᠤ ᠡᠶᠡ ᠵᠤᠬᠢᠴᠠᠯ ᠭᠡᠳᠡᠭ ᠪᠤᠯ ᠵᠦᠭᠡᠷ ᠯᠡ ᠨᠢᠭᠡ ᠡᠪ ᠡᠩ ᠤᠨ | ᠤᠬᠠᠭᠳᠠᠬᠤᠨ ᠪᠢᠰᠢ᠂ ᠬᠠᠷᠢᠨ ᠡᠶᠡ ᠵᠤᠬᠢᠴᠠᠯ ᠲᠠᠢ ᠪᠠᠶᠢᠬᠤ ᠳᠤ ᠠᠯᠢᠪᠡ ᠵᠦᠢᠯ ᠳᠠᠶᠢᠪᠤᠡᠭ ᠳᠤᠭᠳᠠᠭᠤᠨ ᠪᠠᠶᠢᠵᠦ᠂ ᠮᠦᠨ | ᠳᠡᠭᠡᠭᠡᠳ ᠡᠶᠡ ᠵᠤᠬᠢᠴᠠᠯ ᠤᠨ ᠰᠠᠭᠤᠷᠢᠨ ᠳᠡᠭᠡᠷᠡ ᠰᠠᠶ᠋ᠢ ᠵᠢᠪ ᠵᠢᠩᠬᠢᠨᠢ ᠠᠮᠵᠢᠯᠳᠠ ᠳᠤ ᠬᠦᠷᠴᠦ ᠴᠢᠳᠠᠳᠠᠭ ᠭᠡᠳᠡᠭ | ᠤᠢᠢᠯᠠᠭᠠᠯᠳᠠ ᠪᠠᠶᠢᠳᠠᠭ᠃ ᠶᠠᠭᠤᠨ ᠳᠤ ᠭᠠᠯ ᠳᠠᠬᠢᠳᠠᠭ ᠤᠨ ᠳᠤᠬᠠᠢ ᠤᠴᠢᠷᠯᠠᠬᠤ ᠳᠤ ᠭᠠᠯ ᠭᠡᠳᠡᠭ ᠬᠦᠮᠦᠨ ᠢ | ᠪᠠᠶᠠᠵᠢᠭᠤᠯᠵᠦ ᠪᠠᠶᠠᠷᠯᠠᠭᠤᠯᠵᠦ ᠴᠢᠳᠠᠬᠤ ᠮᠦᠷᠳᠡᠭᠡᠨ ᠦᠭᠡᠶᠢᠷᠡᠬᠦᠯᠵᠦ ᠵᠤᠪᠠᠭᠠᠵᠦ ᠴᠢᠳᠠᠬᠤ ᠪᠠᠶᠢᠭᠠᠯᠢ ᠶᠢᠨ ᠦᠵᠡᠭᠳᠡᠯ ᠲᠠᠢ | ᠡᠶᠡ ᠵᠤᠬᠢᠴᠠᠯ ᠲᠠᠢ ᠪᠠᠶᠢᠬᠤ ᠶᠢᠨ ᠯᠡ ᠳᠦᠯᠦᠭᠡ ᠶᠤᠮ᠃ ᠳᠡᠶᠢᠮᠦ ᠪᠠᠷ ᠭᠠᠯ ᠳᠠᠬᠢᠯᠭᠠ ᠨᠢ ᠡᠶᠡ ᠵᠤᠬᠢᠴᠠᠯ ᠤᠨ | ᠳᠦᠯᠦᠭᠡᠨ ᠤ ᠠᠵᠢᠯ ᠮᠦᠷᠳᠡᠭᠡᠨ ᠡᠶᠡ ᠵᠤᠬᠢᠴᠠᠯ ᠢᠶᠠᠷ ᠢᠶᠠᠨ ᠳᠠᠮᠵᠢᠭᠤᠯᠤᠨ ᠬᠦᠮᠦᠨ ᠤ ᠰᠡᠳᠬᠢᠬᠦᠢ ᠳᠤ ᠵᠦᠪ ᠵᠦᠢᠯ ᠢ | ᠦᠭᠴᠦ ᠴᠢᠳᠠᠳᠠᠭ ᠨᠢ ᠶᠠᠭᠤᠨ ᠠᠴᠠ ᠢᠯᠡᠬᠦᠦ ᠦᠨᠡᠳᠠᠢ ᠪᠠᠶᠢᠳᠠᠭ ᠪᠢᠯᠢᠤ⁈ | ︵ᠱᠢᠷᠦᠨᠴᠢᠮᠡᠭ︶ | |