ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠣᠶᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠴᠡᠭᠡᠷᠯᠡᠬᠦ ᠶᠣᠰᠣ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2016/8/24
       ᠮᠣᠩᠭᠤᠯᠴᠤᠳ ᠤᠨ ᠠᠮᠠᠨ ᠬᠠᠤᠯᠢ ᠨᠢ ᠵᠦᠭᠡᠷ ᠨᠢᠭᠡ ᠤᠯᠢᠭ ᠪᠣᠯᠣᠭᠰᠠᠨ ᠤᠴᠢᠷᠯᠠᠯ ᠪᠢᠰᠢ ᠪᠥᠭᠡᠳ ᠲᠣᠭᠯᠠᠭᠠᠮ ᠵᠤᠭ᠎ᠠ ᠪᠣᠯᠭᠠᠵᠤ ᠡᠯᠡᠷᠡᠵᠦ ᠬᠠᠭᠤᠴᠢᠷᠠᠭᠰᠠᠨ ᠦᠭᠡ ᠭᠡᠵᠦ ᠳᠤᠷᠤᠮᠵᠢᠯᠠᠬᠤ ᠶᠢ ᠬᠤᠷᠢᠭᠯᠠᠨ᠎ᠠ᠃ ᠡᠳᠡᠭᠡᠷ ᠴᠡᠭᠡᠷ ᠶᠣᠰᠣ ᠨᠢ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠦᠨᠳᠦᠰᠦᠯᠡᠯ ᠲᠠᠢ ᠪᠠᠷ ᠬᠦᠯᠢᠶᠡᠨ ᠵᠦᠪᠰᠢᠷᠡᠭᠳᠡᠵᠦ ᠪᠠᠶᠢᠭ᠎ᠠ ᠪᠥᠭᠡᠳ ᠶᠢᠷᠲᠢᠨᠴᠦ ᠶᠢᠨ ᠤᠴᠢᠷ ᠰᠢᠯᠲᠠᠭᠠᠨ ᠬᠢᠭᠡᠳ ᠡᠨᠧᠷᠭᠢ ᠶᠢᠨ ᠤᠷᠤᠰᠬᠠᠯ ᠢ ᠪᠢᠯᠢᠭ ᠣᠶᠤᠨ ᠢᠶᠠᠷ ᠢᠶᠠᠨ ᠲᠠᠨᠢᠨ ᠮᠡᠳᠡᠭᠰᠡᠨ ᠠᠷᠠᠳ ᠲᠦᠮᠡᠨ ᠤ ᠬᠠᠤᠯᠢ ᠪᠣᠯᠬᠤ ᠶᠢ ᠮᠡᠳᠡᠲᠦᠭᠡᠢ᠃ 　        — ᠠᠪᠤ᠂ ᠡᠵᠢ ᠶᠢᠨ ᠢᠶᠠᠨ ᠥᠭᠡᠳᠡ ᠠᠴᠠ ᠬᠢᠯᠠᠶᠢᠨ ᠬᠠᠷᠠᠬᠤ᠂ ᠬᠡᠳᠡᠷᠯᠡᠬᠦ᠂ ᠬᠠᠷᠢᠶᠠᠯ ᠬᠡᠯᠡᠬᠦ ᠶᠢ ᠴᠡᠭᠡᠷᠯᠡᠨ᠎ᠡ᠃ ᠵᠦᠷᠢᠴᠡᠪᠡᠰᠦ ᠠᠮᠢᠲᠠᠨ ᠤ ᠠᠮᠢ ᠪᠦᠷᠢᠯᠭᠡᠭᠰᠡᠨ ᠠᠴᠠ ᠳᠤᠲᠠᠭᠤ ᠦᠭᠡᠢ ᠨᠢᠭᠦᠯ ᠬᠢᠯᠢᠨᠴᠡ ᠪᠣᠯᠣᠨ᠎ᠠ᠃       — ᠵᠢᠩᠨᠡᠭᠰᠡᠨ ᠪᠢᠲᠡᠭᠦᠦ ᠬᠤᠭᠤᠯᠠ ᠢᠳᠡᠭᠡᠳ ᠳᠠᠷᠤᠢ ᠭᠠᠳᠠᠭᠰᠢ ᠶᠠᠪᠤᠬᠤ ᠶᠢ ᠴᠡᠭᠡᠷᠯᠡᠨ᠎ᠡ᠃ ᠤᠴᠢᠷ ᠨᠢ ᠵᠢᠩᠨᠡᠭᠰᠡᠨ ᠪᠢᠲᠡᠭᠦᠦ ᠬᠤᠭᠤᠯᠠ ᠢᠳᠡᠭᠰᠡᠨ ᠤ ᠳᠠᠷᠠᠭ᠎ᠠ ᠬᠡᠢ ᠳᠠᠷᠤᠭᠳᠠᠵᠤ᠂ ᠬᠥᠯᠥᠰᠦ ᠭᠠᠷᠴᠤ ᠪᠣᠯᠵᠣᠰᠢ ᠦᠭᠡᠢ ᠲᠤᠯᠠ ᠬᠦᠢᠲᠡᠨ ᠰᠡᠷᠢᠭᠦᠨ ᠤ ᠤᠯᠠᠷᠢᠯ ᠳᠤ ᠭᠠᠳᠠᠭ᠎ᠠ ᠭᠠᠷᠴᠤ ᠶᠠᠪᠤᠪᠠᠰᠤ ᠰᠠᠯᠬᠢ ᠴᠤᠬᠢᠭᠤᠯᠤᠨ᠎ᠠ᠃ ᠡᠪᠡᠳᠴᠢᠨ ᠣᠯᠣᠨ᠎ᠠ ᠬᠡᠮᠡᠨ ᠰᠡᠷᠡᠮᠵᠢᠯᠡᠳᠡᠭ ᠪᠥᠯᠦᠭᠡ᠃       — ᠠᠶᠢᠯ ᠤᠨ ᠭᠠᠳᠠᠭ᠎ᠠ ᠣᠴᠢᠭᠠᠳ ᠭᠡᠷ ᠲᠤ ᠣᠷᠣᠬᠤ ᠠᠴᠠ ᠡᠮᠦᠨ᠎ᠡ ᠪᠡᠶ᠎ᠡ ᠪᠠᠨ ᠬᠦᠩᠬᠡᠯᠡᠬᠦ ᠶᠢ ︵ᠮᠣᠷᠢ ᠬᠠᠷᠠᠬᠤ ᠶᠢ︶ ᠴᠡᠭᠡᠷᠯᠡᠨ᠎ᠡ᠃ ᠬᠡᠷᠪᠡ ᠦᠯᠦ ᠴᠡᠭᠡᠷᠯᠡᠨ ᠲᠡᠶᠢᠨ ᠦᠢᠯᠡᠳᠪᠡᠰᠦ ᠳᠡᠭᠡᠷᠡᠯᠬᠡᠨ ᠳᠤᠷᠤᠮᠵᠢᠯᠠᠯ᠎ᠠ ᠭᠡᠨ᠎ᠡ᠃       — ᠠᠶᠢᠯ ᠳᠤ ᠣᠷᠣᠭᠠᠳ ᠪᠠᠭᠠᠨ᠎ᠠ ᠶᠢᠨ ᠬᠤᠭᠤᠷᠣᠨᠳᠤᠭᠤᠷ ᠭᠠᠷᠬᠤ᠂ ᠴᠠᠢ ᠢᠳᠡᠭᠡ ᠠᠪᠴᠤ ᠦᠭᠬᠦᠯᠴᠡᠬᠦ ᠶᠢ ᠶᠣᠰᠣ ᠵᠢᠷᠤᠮ ᠦᠭᠡᠢ ᠬᠡᠮᠡᠨ ᠴᠡᠭᠡᠷᠯᠡᠨ᠎ᠡ᠃       — ᠠᠯᠠᠨ᠎ᠠ ᠭᠡᠳᠡᠭ ᠦᠭᠡ ᠶᠢ ᠬᠠᠮᠢᠶ᠎ᠠ ᠪᠤᠰᠤ ᠬᠡᠯᠡᠬᠦ ᠶᠢ ᠴᠡᠭᠡᠷᠯᠡᠳᠡᠭ᠃ ᠬᠤᠨᠢ ᠮᠠᠯ ᠮᠠᠭᠤᠴᠢᠯᠠᠬᠤ᠂ ᠭᠠᠷᠭᠠᠬᠤ ᠂ ᠮᠢᠬᠠᠯᠠᠬᠤ᠂ ᠲᠥᠬᠦᠭᠡᠷᠬᠦ ᠬᠡᠮᠡᠨ ᠴᠡᠭᠡᠷᠯᠡᠨ ᠬᠡᠯᠡᠳᠡᠭ ᠶᠣᠰᠣ ᠪᠤᠢ᠃       — ᠠᠮᠠ ᠬᠠᠮᠬᠢᠯ ᠦᠭᠡᠢ᠂ ᠠᠮᠠ ᠤᠷᠤᠯᠳᠤᠭᠤᠯᠤᠨ ᠬᠥᠮᠥᠨ ᠠᠴᠠ ᠦᠷᠢᠰᠦᠨ ᠶᠠᠷᠢᠬᠤ ᠶᠢ ᠤᠬᠠᠭᠠᠨ ᠮᠤᠩᠬᠠᠭ ᠴᠠᠯᠴᠢᠶ᠎ᠠ ᠶᠢᠨ ᠰᠢᠨᠵᠢ ᠬᠡᠮᠡᠨ ᠴᠡᠭᠡᠷᠯᠡᠨ᠎ᠡ᠃ ᠮᠥᠨ ᠶᠣᠰᠣ ᠵᠢᠷᠤᠮ ᠦᠭᠡᠢ ᠭᠡᠨ᠎ᠡ᠃ ᠴᠠᠯᠴᠢᠶ᠎ᠠ ᠬᠥᠮᠥᠨ ᠬᠦᠨᠳᠦ ᠦᠭᠡᠢ ᠪᠣᠯᠣᠨ᠎ᠠ᠃       — ᠠᠮᠤᠷ ᠮᠡᠨᠳᠦ ᠠᠰᠠᠭᠤᠵᠤ ᠪᠠᠶᠢᠬᠤ ᠳᠤ ᠬᠠᠷᠢᠭᠤ ᠡᠰᠡ ᠳᠤᠤᠭᠠᠷᠬᠤ ᠶᠢ ᠴᠡᠭᠡᠷᠯᠡᠨ᠎ᠡ᠃ ᠡᠰᠡ ᠳᠤᠤᠭᠠᠷᠪᠠᠰᠤ ᠶᠡᠬᠡᠷᠭᠡᠬᠦ᠂ ᠮᠤᠯᠭᠤ᠂ ᠶᠣᠰᠣ ᠦᠯᠦ ᠮᠡᠳᠡᠭᠴᠢ ᠭᠡᠭᠳᠡᠨ᠎ᠡ᠃       — ᠠᠬᠠᠮᠠᠳ ᠨᠠᠰᠤᠲᠠᠨ ᠤ ᠳᠡᠷᠭᠡᠳᠡ ᠬᠦᠨᠳᠦᠯᠡᠬᠦ ᠶᠢᠨ ᠤᠴᠢᠷ ᠡᠯᠳᠡᠪ ᠬᠠᠷᠢᠶᠠᠯ᠂ ᠵᠦᠬᠡᠯ ᠠᠯᠢᠶ᠎ᠠ ᠱᠠᠯᠢᠭ ᠦᠭᠡ ᠬᠡᠯᠡᠬᠦ ᠶᠢ ᠴᠡᠭᠡᠷᠯᠡᠨ᠎ᠡ᠃     — ᠠᠬᠠᠮᠠᠳ ᠬᠥᠮᠥᠨ ᠢ ᠨᠡᠷ᠎ᠡ ᠪᠠᠷ ᠨᠢ ᠳᠠᠭᠤᠳᠠᠬᠤ ᠶᠢ ᠴᠡᠭᠡᠷᠯᠡᠨ᠎ᠡ᠃ ᠵᠤᠬᠢᠰ ᠲᠤ ᠨᠡᠶᠢᠴᠡᠭᠦᠯᠦᠨ ᠨᠠᠰᠤᠨ ᠤ ᠬᠢ ᠨᠢ ᠨᠠᠮᠪᠠ ᠲᠥᠯᠥᠪ ᠲᠤ ᠲᠠᠭᠠᠷᠠᠭᠤᠯᠵᠤ ᠬᠦᠨᠳᠦᠯᠡᠨ ᠭᠤᠸᠠᠶᠢᠯᠠᠵᠤ ᠳᠠᠭᠤᠳᠠᠨ᠎ᠠ᠃ ᠵᠢᠱᠢᠶ᠎ᠡ ᠨᠢ᠄ ᠥᠨᠳᠥᠷ ᠠᠭᠤᠯᠠ ᠶᠢ ᠬᠠᠷᠠᠪᠠᠯ ᠬᠠᠶᠢᠷᠬᠠᠨ ᠭᠡᠵᠦ ᠳᠠᠭᠤᠳᠠ᠂ ᠡᠪᠦᠭᠡᠳ ᠨᠠᠰᠤᠳᠠᠨ ᠲᠠᠢ ᠵᠤᠯᠭᠠᠪᠠᠯ ᠠᠪᠤ ᠡᠵᠢ ᠭᠡᠵᠦ ᠳᠠᠭᠤᠳᠠ ᠬᠡᠮᠡᠨ ᠰᠤᠷᠭᠠᠳᠠᠭ᠃      — ᠠᠶᠠᠭᠠᠨ ᠤ ᠠᠮᠠᠰᠠᠷ ᠡᠮᠳᠡᠷᠬᠡᠢ ᠪᠤᠯ ᠠᠯᠢᠪ ᠬᠥᠮᠥᠨ ᠳᠤ ᠴᠠᠢ ᠤᠮᠳᠠ ᠬᠢᠵᠦ ᠪᠠᠷᠢᠬᠤ ᠶᠢ ᠴᠡᠭᠡᠷᠯᠡᠨ᠎ᠡ᠃ ᠬᠡᠷᠪᠡ ᠲᠡᠶᠢᠨ ᠦᠢᠯᠡᠳᠪᠡᠰᠦ ᠦᠯᠦ ᠬᠦᠨᠳᠦᠯᠡᠭᠰᠡᠨ ᠪᠣᠯᠣᠨ᠎ᠠ᠃       — ᠠᠶᠠᠭ᠎ᠠ ᠱᠠᠭᠠᠵᠠᠩ ᠢᠶᠠᠨ ᠬᠥᠮᠥᠷᠢᠵᠦ ᠲᠠᠯᠪᠢᠬᠤ ᠶᠢ ᠴᠡᠭᠡᠷᠯᠡᠨ᠎ᠡ᠃ ᠬᠡᠰᠢᠭ ᠪᠤᠶᠠᠨ ᠬᠦᠮᠦᠷᠢᠯ᠎ᠡ ᠭᠡᠬᠦ ᠪᠤᠶᠤ ︽ᠰᠠᠭᠠᠯᠢ ᠶᠢ ᠨᠢ ᠤᠤᠭᠤᠪᠠᠯ ︵ᠢᠳᠡᠪᠡᠯ︶ ᠰᠠᠪᠠ ᠶᠢ ᠨᠢ ᠬᠦᠨᠳᠦᠯᠡ︾ ᠭᠡᠬᠦ ᠶᠢᠨ ᠤᠴᠢᠷ ᠲᠡᠷᠡ ᠪᠣᠯᠠᠢ᠃       — ᠭᠤᠶᠤᠯᠭᠠᠴᠢᠨ ᠬᠥᠮᠥᠨ ᠳᠤ ᠥᠭᠯᠢᠭᠡ ᠥᠭᠬᠦ ᠳᠡᠭᠡᠨ ᠭᠠᠷ ᠠᠴᠠ ᠭᠠᠷ ᠲᠤ ᠠᠳᠬᠤᠭᠤᠯᠬᠤ ᠶᠢ ᠬᠤᠷᠢᠭᠯᠠᠨ᠎ᠠ ᠃ ᠵᠦᠷᠢᠴᠠᠪᠠᠰᠤ ᠭᠠᠷ ᠢᠶᠠᠷ ᠳᠡᠮᠵᠢᠨ ᠬᠡᠰᠢᠭ ᠪᠤᠶᠠᠨ ᠵᠠᠶᠢᠯᠠᠨ᠎ᠠ ᠭᠡᠨ᠎ᠡ᠃ ᠮᠥᠩᠭᠦ ᠵᠣᠭᠤᠰ ᠢ ᠠᠯᠠᠭ᠎ᠠ᠂ ᠡᠪᠤᠷ ᠳᠡᠭᠡᠷ᠎ᠡ ᠨᠢ ᠴᠢᠯᠠᠭᠤᠳᠠᠵᠤ ᠥᠭᠭᠦᠨ᠎ᠡ᠂ ᠬᠦᠨᠡᠰᠦ ᠡᠳ᠋ ᠵᠦᠢᠯᠡᠰ ᠢ ᠰᠢᠨᠠᠭ᠎ᠠ ᠠᠶᠠᠭ᠎ᠠ ᠪᠠᠷ ᠤᠭᠤᠲᠠ ᠰᠠᠪᠠᠨ ᠳᠤ ᠨᠢ ᠬᠢᠵᠦ ᠥᠭᠳᠡᠭ ᠵᠠᠩᠰᠢᠯ ᠲᠠᠢ᠃ ᠭᠤᠶᠤᠯᠭᠠᠴᠢᠨ ᠶᠠᠳᠠᠭᠤ ᠬᠥᠮᠥᠨ ᠢ ᠶᠠᠳᠠᠭᠤ ᠬᠤᠭᠤᠰᠤᠨ ᠢᠶᠠᠷ ᠨᠢ ᠳᠠᠭᠠᠷᠢᠵᠤ ᠳᠤᠷᠤᠮᠵᠢᠯᠠᠬᠤ ᠶᠢ ᠴᠡᠭᠡᠷᠯᠡᠨ᠎ᠡ᠃ ᠤᠷᠢᠳᠤ ᠨᠠᠰᠤᠨ ᠤ ᠯᠠᠨᠴᠢᠭ᠂ ᠡᠨᠡ ᠨᠠᠰᠤᠨ ᠤ ᠦᠢᠯᠡ ᠶᠢᠨ ᠦᠷ᠎ᠡ ᠪᠠᠷ ᠵᠣᠪᠠᠵᠤ ᠶᠠᠪᠤᠭ᠎ᠠ ᠬᠥᠮᠥᠨ ᠢ ᠳᠠᠭᠠᠷᠢᠵᠤ ᠳᠤᠷᠤᠮᠵᠢᠯᠠᠪᠠᠰᠤ ᠥᠪᠡᠷ ᠤᠨ ᠴᠢᠨᠢ ᠬᠠᠷ᠎ᠠ ᠲᠣᠯᠣᠭᠠᠢ ᠳᠡᠭᠡᠷ᠎ᠡ ᠬᠤᠵᠢᠮ ᠲᠡᠷᠡ ᠬᠦ ᠵᠣᠪᠠᠯᠠᠩ ᠪᠠᠭᠤᠨ᠎ᠠ᠂ ᠶᠠᠳᠠᠷᠠᠭᠰᠠᠨ ᠠᠮᠢᠲᠠᠨ ᠢ ᠭᠤᠮᠣᠳᠠᠭᠠᠬᠤ ᠶᠡᠭᠡ ᠨᠢᠭᠦᠯ ᠪᠣᠯᠣᠨ᠎ᠠ ᠭᠡᠨ᠎ᠡ᠃       — ᠶᠤᠷᠬᠢᠶ᠎ᠠ ᠠᠭᠠᠰᠢ ᠵᠠᠩ᠂ ᠰᠠᠭᠰᠠᠭᠤ ᠡᠷᠡᠯᠬᠡᠬᠦ ᠠᠪᠤᠷᠢ ᠭᠠᠷᠭᠠᠬᠤ ᠶᠢ ᠴᠡᠭᠡᠷᠯᠡᠨ᠎ᠡ᠃ ᠮᠣᠩᠭᠤᠯᠴᠤᠳ ᠡᠷᠲᠡᠨ ᠠᠴᠠ ᠨᠠᠭᠠᠰᠢ ᠳᠠᠷᠤᠤ ᠳᠥᠯᠭᠡᠨ ᠠᠭᠠᠰᠢ ᠵᠠᠩ ᠢ ᠡᠷᠬᠢᠮᠯᠡᠵᠦ ᠢᠷᠡᠭᠰᠡᠨ ᠤᠴᠢᠷ ᠠᠴᠠ ᠶᠤᠷᠬᠢᠶ᠎ᠠ ᠰᠠᠭᠰᠠᠭᠤ ᠠᠪᠤᠷᠢᠯᠠᠬᠤ ᠶᠢ ᠵᠢᠭᠰᠢᠨ ᠵᠢᠪᠡᠭᠦᠴᠡᠳᠡᠭ ᠪᠥᠯᠦᠭᠡ᠃       — ᠶᠣᠰᠣ ᠲᠥᠷᠥ᠂ ᠬᠠᠤᠯᠢ ᠴᠠᠭᠠᠵᠠ ᠶᠢ ᠦᠯᠦ ᠳᠠᠭᠠᠬᠤ ᠶᠢ ᠴᠡᠭᠡᠷᠯᠡᠨ᠎ᠡ᠃ ︽ᠶᠣᠰᠣ ᠠᠯᠳᠠᠪᠠᠯ ᠬᠦᠨᠳᠦ ᠦᠭᠡᠢ᠂ ᠬᠠᠤᠯᠢ ᠰᠦᠷᠪᠡᠯ ᠲᠣᠯᠣᠭᠠᠢ ᠦᠭᠡᠢ︾ ᠭᠡᠬᠦ ᠪᠤᠶᠤ ︽ᠶᠣᠰᠣ ᠶᠣᠮᠪᠣᠭᠤᠷ ᠲᠥᠷᠥ ᠲᠥᠮᠪᠥᠭᠡᠷ︾ ᠭᠡᠬᠦ ᠶᠢᠨ ᠤᠴᠢᠷ ᠵᠠᠪᠠᠯ ᠳᠠᠭᠠᠵᠤ ᠮᠦᠷᠳᠡᠬᠦ ᠶᠢ ᠬᠢᠴᠢᠶᠡᠨ᠎ᠡ᠃       — ᠮᠠᠯᠠᠭᠠᠢ ᠪᠠᠨ ᠪᠤᠷᠤᠭᠤ ᠬᠠᠷᠠᠭᠤᠯᠤᠨ ᠡᠮᠦᠰᠬᠡᠬᠦ ᠶᠢ ᠴᠡᠭᠡᠷᠯᠡᠨ᠎ᠡ᠃ ᠵᠣᠯᠢᠭ ᠲᠤ ᠭᠠᠷᠭᠠᠬᠤ ᠬᠥᠮᠥᠨ ᠤ ᠮᠠᠯᠠᠭᠠᠢ ᠶᠢ ᠲᠡᠶᠢᠨ ᠬᠦ ᠪᠤᠷᠤᠭᠤ ᠬᠠᠷᠠᠭᠤᠯᠤᠨ ᠡᠮᠦᠰᠦᠭᠦᠯᠳᠡᠭ ᠪᠠᠶᠢᠵᠠᠢ᠃       — ᠮᠠᠯᠠᠭᠠᠢ ᠪᠠᠨ ᠪᠤᠰᠤᠳ ᠬᠥᠮᠥᠨ ᠲᠠᠢ ᠰᠣᠯᠢᠵᠤ ᠡᠮᠦᠰᠬᠡᠬᠦ ᠶᠢ ᠴᠡᠭᠡᠷᠯᠡᠨ᠎ᠡ᠃ ᠰᠤᠯᠢᠪᠠᠰᠤ ᠰᠦᠯᠳᠡ ᠬᠡᠶᠢᠮᠣᠷᠢ ᠪᠠᠨ ᠰᠣᠯᠢᠭᠰᠠᠨ ᠠᠴᠠ ᠥᠭᠡᠷ᠎ᠡ ᠴᠦ ᠦᠭᠡᠢ ᠭᠡᠨ᠎ᠡ᠃ ᠮᠥᠨ ᠬᠥᠮᠥᠨ ᠤ ᠬᠥᠯᠥᠰᠦᠲᠡᠢ ᠮᠠᠯᠠᠭᠠᠢ ᠡᠮᠦᠰᠪᠠᠰᠤ ᠪᠤᠵᠠᠷᠳᠠᠨ᠎ᠠ ᠭᠡᠨ᠎ᠡ᠃       — ᠮᠠᠯᠠᠭᠠᠢ ᠪᠠᠨ ᠭᠠᠵᠠᠷ ᠬᠠᠶᠠᠬᠤ ᠪᠤᠶᠤ ᠬᠠᠮᠢᠶ᠎ᠠ ᠪᠤᠰᠤ ᠲᠠᠯᠪᠢᠬᠤ ᠶᠢ ᠴᠡᠭᠡᠷᠯᠡᠨ᠎ᠡ᠃ ︽ᠬᠤᠶᠠᠷ ᠬᠥᠮᠥᠨ ᠶᠠᠪᠤᠬᠤ ᠳᠤ ᠨᠢᠭᠡ ᠨᠢ ᠠᠬᠠᠯᠠᠳᠠᠭ᠂ ᠭᠠᠭᠴᠠᠭᠠᠷ ᠢᠶᠠᠷ ᠶᠠᠪᠤᠬᠤ ᠳᠤ ᠮᠠᠯᠠᠭᠠᠢ ᠨᠢ ᠠᠬᠠᠯᠠᠳᠠᠭ︾ ᠭᠡᠬᠦ ᠪᠤᠶᠤ ᠮᠠᠯᠠᠭᠠᠢ ᠰᠦᠯᠳᠡ ᠬᠡᠶᠢᠮᠣᠷᠢ ᠶᠢᠨ ᠪᠡᠯᠭᠡᠳᠡᠯ ᠲᠤᠯᠠ ᠬᠦᠨᠳᠦᠳᠬᠡᠨ ᠦᠵᠡᠨ᠎ᠡ᠃ 　       — ᠮᠣᠭᠠᠢ ᠤᠷᠢᠶᠠᠯᠳᠤᠨ ᠬᠤᠷᠢᠴᠠᠨ ᠪᠤᠢ ᠳᠤᠬᠢᠶᠠᠯᠳᠤᠬᠤ ᠶᠢ ᠴᠡᠭᠡᠷᠯᠡᠨ᠎ᠡ᠃ ᠳᠤᠬᠢᠶᠠᠯᠳᠤᠪᠠᠰᠤ ᠳᠡᠭᠡᠷ᠎ᠡ ᠨᠢ ᠠᠯᠴᠢᠭᠤᠷ᠂ ᠪᠦᠰᠡ ᠪᠠᠷ ᠪᠦᠲᠦᠭᠡᠭᠡᠳ ᠡᠷᠭᠢᠨ ᠬᠠᠷᠠᠯ ᠦᠭᠡᠢ ᠶᠠᠪᠤᠨ᠎ᠠ᠃ ᠮᠣᠭᠠᠢ ᠶᠢᠰᠦ ᠨᠢ ᠬᠤᠣᠷ᠂ ᠬᠤᠤᠷᠯᠠᠯ ᠲᠠᠢ ᠭᠡᠬᠦ ᠲᠤᠯᠠ ᠭᠠᠢ ᠬᠠᠷᠢᠶᠠᠯ ᠨᠢ ᠪᠡᠷᠬᠡ ᠭᠡᠳᠡᠭ᠃ 　       — ᠮᠣᠭᠠᠢ ᠠᠯᠠᠬᠤ ᠶᠢ ᠴᠡᠭᠡᠷᠯᠡᠨ᠎ᠡ᠃ ᠵᠦᠷᠢᠴᠡᠪᠡᠰᠤ ᠠᠮᠢ ᠨᠠᠰᠤᠨ ᠳᠤ ᠠᠶᠤᠯᠲᠠᠢ᠂ ᠭᠠᠵᠠᠷ ᠤᠰᠤᠨ ᠤ ᠡᠵᠡᠨ ᠬᠢᠯᠢᠩᠨᠡᠨ᠎ᠡ ᠭᠡᠨ᠎ᠡ᠃ ᠭᠡᠷ ᠲᠤ ᠮᠣᠭᠠᠢ ᠣᠷᠣᠪᠠᠯ ᠮᠣᠳᠣ᠂ ᠭᠠᠯ ᠤᠨ ᠬᠠᠶᠢᠴᠢ ᠪᠠᠷ ᠬᠠᠪᠴᠢᠨ ᠲᠣᠯᠣᠭᠠᠢ ᠳᠡᠭᠡᠷ᠎ᠡ ᠨᠢ ᠰᠦ ᠳᠤᠰᠤᠭᠠᠭᠠᠳ ᠬᠤᠯᠠ ᠬᠠᠶᠠᠨ᠎ᠠ᠃       — ᠨᠠᠷᠠ ᠰᠠᠷ᠎ᠠ ᠭᠬᠢᠷᠲᠦᠬᠦ ᠦᠶ᠎ᠡ ᠳᠤ ᠨᠠᠶᠢᠷᠯᠠᠨ ᠴᠡᠩᠭᠡᠬᠦ ᠬᠤᠷᠢᠴᠠᠯ ᠦᠢᠯᠡᠳᠬᠦ ᠶᠢ ᠴᠡᠭᠡᠷᠯᠡᠨ᠎ᠡ᠃ ᠡᠶᠢᠨ ᠬᠦ ᠦᠢᠯᠡᠳᠪᠡᠰᠦ ᠶᠡᠭᠡ ᠨᠢᠭᠦᠯ ᠬᠢᠯᠢᠨᠴᠡ ᠪᠣᠯᠣᠨ᠎ᠠ ᠭᠡᠬᠦ ᠪᠤᠶᠤ ᠬᠡᠷᠪᠡ ᠨᠠᠶᠢᠷ ᠴᠡᠩᠭᠡᠯ ᠳᠠᠪᠬᠤᠴᠠᠪᠠᠰᠤ ᠵᠠᠪᠰᠠᠷᠯᠠᠵᠤ ᠲᠦᠮᠫᠡᠨ ᠨᠢᠳᠦᠨ ᠳᠥᠷᠪᠡᠨ ᠨᠢᠳᠦᠲᠡᠢ ᠤᠯᠠᠭᠠᠨ ᠬᠠᠯᠲᠠᠷ ᠨᠣᠬᠠᠢ ᠪᠠᠨ ᠲᠤᠷᠬᠢᠷᠠᠵᠤ ᠪᠤᠷᠬᠢᠭᠤᠯᠤᠨ᠎ᠠ᠃       — ᠨᠣᠮ ᠪᠢᠴᠢᠭ ᠢ ᠬᠦᠨᠳᠦᠯᠡᠬᠦ ᠶᠢᠨ ᠤᠴᠢᠷ ᠳᠡᠭᠡᠳᠦ ᠲᠠᠯ᠎ᠠ ᠶᠢ ᠨᠢ ᠪᠤᠷᠤᠭᠤ ᠬᠠᠷᠠᠭᠤᠯᠬᠤ᠂ ᠳᠣᠷᠣᠭᠰᠢ ᠬᠠᠨᠳᠤᠭᠤᠯᠬᠤ ᠶᠢ ᠴᠡᠭᠡᠷᠯᠡᠨ᠎ᠡ᠃ ᠵᠦᠷᠢᠴᠡᠪᠡᠰᠦ ᠠᠯᠳᠠᠰ ᠪᠣᠯᠣᠨ᠎ᠠ᠃       — ᠨᠣᠮ ᠰᠤᠳᠤᠷ ᠢ ᠰᠡᠪᠳᠡᠭᠡᠬᠦ ᠤᠷᠠᠬᠤ ᠶᠢ ᠴᠡᠭᠡᠷᠯᠡᠨ᠎ᠡ᠃ ᠦᠯᠦ ᠬᠡᠷᠭᠯᠡᠪᠡᠰᠤ ᠡᠷᠳᠡᠮ ᠨᠣᠮ ᠰᠤᠷᠬᠤ ᠵᠠᠶᠠᠭ᠎ᠠ ᠪᠤᠶᠠᠨ ᠵᠠᠶᠢᠯᠠᠨ᠎ᠠ ᠭᠡᠨ᠎ᠡ᠃ 　       — ᠨᠣᠮ ᠪᠢᠴᠢᠭ ᠬᠥᠮᠥᠨ ᠳᠤ ᠥᠭᠬᠦ᠂ ᠤᠷᠢᠯᠭ᠎ᠠ ᠵᠠᠯᠠᠯᠤᠭ᠎ᠠ ᠶᠢᠨ ᠪᠢᠴᠢᠭ ᠭᠠᠷᠳᠠᠭᠤᠯᠬᠤ ᠳᠤ ᠪᠠᠨ ᠲᠣᠯᠣᠭᠠᠢ ᠲᠠᠯ᠎ᠠ ᠶᠢ ᠨᠢ ᠠᠪᠴᠤ ᠪᠤᠢ ᠬᠥᠮᠥᠨ ᠤ ᠥᠭᠡᠳᠡ ᠠᠴᠠ ᠬᠠᠨᠳᠤᠭᠤᠯᠬᠤ ᠶᠢ ᠴᠡᠭᠡᠷᠯᠡᠨ᠎ᠡ᠃ ᠵᠠᠪᠠᠯ ᠥᠪᠡᠷ ᠤᠨ ᠪᠡᠶ᠎ᠡ ᠥᠭᠡᠳᠡ ᠪᠠᠨ ᠬᠠᠨᠳᠤᠭᠤᠯᠵᠤ ᠥᠭᠳᠡᠭ ᠨᠢ ᠴᠠᠭᠠᠲᠤ ᠬᠥᠮᠥᠨ ᠢᠶᠠᠨ ᠬᠦᠨᠳᠦᠯᠡᠵᠦ ᠪᠤᠢ ᠶᠢᠨ ᠲᠡᠮᠳᠡᠭ ᠪᠥᠯᠦᠭᠡ᠃       — ᠨᠣᠮ ᠪᠢᠴᠢᠭ ᠦᠵᠡᠵᠦ ᠪᠠᠶᠢᠭᠠᠳ ᠳᠡᠯᠭᠡᠭᠡ ᠲᠠᠢ ᠤᠷᠬᠢᠬᠤ ᠶᠢ ᠴᠡᠭᠡᠷᠯᠡᠨ᠎ᠡ᠃ ᠵᠦᠷᠢᠴᠡᠪᠡᠰᠦ ᠮᠠᠷᠲᠠᠮᠠᠬᠠᠢ ᠪᠣᠯᠣᠨ᠎ᠠ ᠭᠡᠬᠦ ᠪᠤᠶᠤ ᠨᠣᠮ ᠮᠠᠭᠤ ᠰᠤᠷᠤᠨ᠎ᠠ ᠭᠡᠨ᠎ᠡ᠃
 
ᠢᠷᠡᠯᠲᠡ᠄ ︽ᠠᠯᠲᠠᠨ ᠬᠦᠷᠳᠦ︾
 
 
ᠬᠠᠮᠢᠶ᠎ᠠ ᠪᠥᠬᠦᠢ ᠰᠤᠨᠢᠨ
  
ᠮᠣᠩᠭᠤᠯᠴᠤᠳ ᠤᠨ ᠠᠮᠲᠠ ᠭᠠᠷᠭᠠᠬᠤ ᠶᠣᠰᠣᠨ
ᠠᠷᠢᠭᠤᠨ ᠴᠡᠪᠡᠷ ᠠᠶᠢᠯ ᠳᠤ ᠠᠵᠠ ᠵᠢᠷᠭᠠᠯ ᠲᠣᠭᠲᠠᠳᠠᠭ
ᠮᠤᠩᠭᠤᠯᠴᠤᠳ ᠤᠨ ᠰᠠᠭᠤᠬᠤ ᠰᠤᠶᠤᠯ ᠤᠨ ᠲᠤᠬᠠᠢ
ᠲᠠᠪᠤᠨ ᠥᠩᠭᠡ ᠶᠢᠨ ᠬᠠᠳᠠᠭ ᠨᠢ ᠶᠠᠭᠤ ᠶᠠᠭᠤ ᠶᠢ ᠪᠡᠯᠭᠡᠳᠡᠳᠡᠭ ᠪᠤᠢ︖
ᠮᠤᠩᠭᠤᠯᠴᠤᠳ ᠤᠨ ᠮᠡᠨᠳᠣᠯᠡᠬᠦ ᠶᠤᠰᠤᠨ ᠤ ᠲᠤᠬᠠᠢ ᠲᠤᠪᠴᠢ ᠲᠠᠶᠢᠯᠤᠮᠵᠢ
ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠠᠴᠠ ᠭᠤᠤᠯᠴᠢᠯᠠᠨ ᠡᠷᠬᠢᠯᠡᠪᠡ ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠠᠯᠪᠠᠨ ᠲᠢᠩᠬᠢᠮ ᠠᠴᠠ ᠲᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠪᠡ ᠃ ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠮᠡᠷᠭᠡᠵᠢᠯ ᠬᠠᠩᠭᠠᠪᠠ᠃ ᠰᠢᠤᠳᠠᠨ ᠳ᠋ᠤᠭᠠᠷ: 010098    蒙ICP备05000248号