| ᠳᠠᠯᠠᠯᠭᠠ ᠳᠠᠭᠤᠳᠠᠵᠤ ᠭᠠᠯ ᠲᠠᠬᠢᠭᠰᠠᠨ ᠠᠶᠢᠯ ᠭᠤᠷᠪᠠ ᠬᠤᠨᠤᠭ ᠤᠨ ᠳᠤᠲᠤᠷᠠ ᠭᠠᠯ ᠲᠠᠬᠢᠭᠰᠠᠨ ᠵᠤᠤᠬᠠᠨ ᠤ | ᠦᠨᠡᠰᠦ ᠴᠤᠭ ᠢ ᠬᠦᠨᠳᠡᠬᠦ ᠶᠢ ᠴᠡᠭᠡᠷᠯᠡᠳᠡᠭ᠃ ᠡᠨᠡ ᠭᠤᠷᠪᠠᠨ ᠬᠤᠨᠤᠭ ᠲᠤ ᠪᠤᠰᠤᠳ ᠲᠤ ᠡᠳ᠋ ᠪᠠᠷᠠᠭᠠ᠂ ᠮᠠᠯ ᠤᠨᠤᠭᠠ᠂ | ᠮᠦᠩᠭᠦ ᠵᠤᠭᠤᠰ ᠦᠭᠬᠦ ᠶᠢ ᠪᠠᠰᠠ ᠴᠡᠭᠡᠷᠯᠡᠳᠡᠭ᠃ ᠡᠴᠢᠭᠡ ᠡᠬᠡ ᠠᠬᠠ ᠵᠠᠬᠠᠰ ᠤᠨ ᠨᠠᠰᠤ ᠨᠦᠭᠴᠢᠭᠰᠡᠨ ᠡᠳᠦᠷ ᠲᠤ | ᠪᠤᠰᠤᠳ ᠲᠤ ᠶᠠᠭᠤᠮᠠ ᠦᠭᠬᠦ ᠶᠢ ᠪᠠᠰᠠ ᠴᠡᠭᠡᠷᠯᠡᠳᠡᠭ᠃ ᠡᠨᠡ ᠨᠢ ᠠᠶᠢᠯ ᠤᠨ ᠨᠠᠰᠤᠳᠠᠶᠢᠴᠤᠤᠯ ᠤᠨ ᠭᠡᠰᠢᠭ ᠪᠤᠶᠠᠨ | ᠵᠠᠶᠢᠯᠠᠨᠠ ᠭᠡᠵᠦ ᠦᠵᠡᠭᠰᠡᠨ ᠰᠡᠵᠢᠭᠯᠡᠯ ᠠᠴᠠ ᠪᠤᠯᠤᠭᠰᠠᠨ ᠴᠡᠭᠡᠷ ᠶᠤᠮ᠃ ᠬᠤᠯᠤᠭᠠᠨᠠ ᠡᠳᠦᠷ ᠪᠤᠶᠤ ᠨᠤᠬᠠᠢ ᠡᠳᠦᠷ | ᠦᠭᠡᠷᠡ ᠪᠤᠰᠤᠳ ᠲᠤ ᠶᠠᠭᠤᠮᠠ ᠪᠠᠨ ᠦᠭᠪᠡᠯ᠂ ᠬᠤᠯᠤᠭᠠᠨᠠ ᠡᠳᠦᠷ ᠦᠭᠭᠦᠭᠰᠡᠨ ᠨᠢ ᠬᠤᠭᠤᠰᠤᠷᠠᠵᠤ | ᠶᠠᠳᠠᠭᠤᠷᠠᠭᠠᠳ᠂ ᠨᠤᠬᠠᠢ ᠡᠳᠦᠷ ᠦᠭᠭᠦᠭᠰᠡᠨ ᠨᠢ ᠭᠠᠷᠤᠵᠠᠳᠠᠳᠠᠭ ᠭᠡᠳᠡᠭ᠃ ᠡᠶᠢᠮᠦ ᠠᠴᠠ ᠡᠨᠡ ᠬᠤᠶᠠᠷ ᠡᠳᠦᠷ | ᠪᠤᠰᠤᠳ ᠲᠤ ᠶᠠᠭᠤᠮᠠ ᠦᠭᠬᠦ ᠶᠢ ᠮᠠᠰᠢ ᠴᠡᠭᠡᠷᠯᠡᠳᠡᠭ ᠠᠵᠢ᠃ ᠡᠭᠦᠨ ᠳᠤ ᠪᠠᠰᠠ ᠭᠡᠷ ᠤᠨ ᠡᠵᠡᠨ ᠤ ᠵᠢᠯ ᠤᠷᠤᠵᠤ | ᠪᠠᠶᠢᠬᠤ ᠦᠶᠡ ᠳᠤ ᠶᠠᠭᠤᠮᠠ ᠭᠠᠷᠭᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠮᠠᠯ ᠤᠨ ᠬᠠᠰᠢᠶᠠ ᠶᠢ ᠱᠦᠭᠦᠷ ᠢᠶᠠᠷ ᠱᠦᠭᠦᠷᠳᠡᠬᠦ ᠶᠢ | ᠴᠡᠭᠡᠷᠯᠡᠨᠡ᠃ ᠡᠨᠡ ᠨᠢ ᠮᠠᠯ ᠤᠨ ᠬᠠᠰᠢᠶᠠᠨ ᠳᠤ ᠪᠤᠵᠠᠷ ᠪᠤᠯᠤᠨᠠ ᠭᠡᠵᠦ ᠦᠵᠡᠳᠡᠭ ᠠᠴᠠ ᠪᠤᠯᠵᠠᠢ᠃ ᠳᠡᠭᠡᠰᠦᠨ ᠤ | ᠳᠡᠭᠡᠭᠦᠷ ᠠᠯᠬᠤᠪᠠᠯ ᠡᠨᠡ ᠠᠶᠢᠯ ᠤᠨ ᠬᠡᠢ ᠮᠤᠷᠢ ᠬᠡᠪᠲᠡᠨᠡ ᠭᠡᠵᠦ ᠴᠡᠭᠡᠷᠯᠡᠳᠡᠭ᠃ | ᠲᠡᠮᠡᠭᠡ ᠮᠤᠷᠢ ᠪᠠᠨ ᠪᠤᠰᠤᠳ ᠲᠤ ᠬᠤᠳᠠᠯᠳᠤᠵᠤ ᠦᠭᠬᠦ ᠪᠤᠶᠤ ᠶᠠᠮᠠᠷ ᠨᠢᠭᠡᠨ ᠭᠡᠨᠡᠳᠡᠯ ᠢᠶᠠᠷ ᠮᠠᠯ | ᠤᠨᠤᠭᠠ ᠨᠢ ᠦᠬᠦᠭᠰᠡᠨ ᠪᠠᠶᠢᠪᠠᠯ ᠭᠡᠷ ᠤᠨ ᠡᠵᠡᠨ ᠨᠢ ᠨᠤᠭᠲᠤ᠂ ᠪᠤᠷᠠᠨᠲᠠᠭ᠂ ᠬᠠᠵᠠᠭᠠᠷ ᠢ ᠨᠢ ᠲᠠᠶᠢᠯᠵᠦ ᠠᠪᠴᠤ | ᠬᠤᠷᠢᠶᠠᠳᠠᠭ᠃ ᠡᠨᠡ ᠨᠢ ᠮᠠᠯ ᠳᠤ ᠪᠤᠶᠠᠨ ᠬᠢᠵᠤ ᠪᠠᠶᠢᠭᠠ ᠤᠴᠢᠷ ᠭᠡᠳᠡᠭ᠃ | ᠠᠯᠠᠱᠠ ᠬᠤᠱᠤᠳ ᠮᠤᠩᠭᠤᠯᠴᠤᠳ ᠵᠢᠩᠬᠢᠨᠢ ᠨᠠᠰᠤ ᠪᠠᠨ ᠪᠤᠰᠤᠳ ᠲᠤ ᠬᠡᠯᠡᠬᠦ ᠶᠢ ᠴᠡᠭᠡᠷᠯᠡᠳᠡᠭ᠃ ᠬᠦᠮᠦᠨ | ᠠᠰᠠᠭᠤᠪᠠᠯ ᠶᠠᠷᠤ ᠨᠢ ᠢᠯᠡᠭᠦᠤ ᠪᠤᠶᠤ ᠳᠤᠲᠠᠭᠤ ᠪᠠᠷ ᠬᠡᠯᠡᠳᠡᠭ᠃ ᠡᠨᠡ ᠨᠢ ᠦᠩᠭᠡᠷᠡᠭᠰᠡᠨ ᠴᠠᠭ ᠲᠤ ᠬᠠᠷᠢᠶᠠᠯ ᠬᠢᠵᠦ | ᠬᠤᠤᠷᠯᠠᠬᠤ ᠠᠴᠠ ᠰᠡᠷᠡᠮᠵᠢᠯᠡᠭᠰᠡᠠ ᠤᠯᠠᠮᠵᠢᠯᠠᠯ ᠭᠡᠳᠡᠭ᠃ ᠪᠠᠰᠠ ᠦᠷᠢ ᠳᠤ ᠤᠨᠠᠨᠠ ᠭᠡᠵᠦ ᠬᠤᠷᠤᠭᠤ ᠪᠠᠷ ᠭᠠᠵᠠᠷ | ᠵᠢᠷᠤᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠦᠭᠡᠶᠢᠷᠡᠬᠦ ᠪᠤᠯᠤᠨᠠ ᠭᠡᠵᠦ ᠱᠦᠭᠦᠷ ᠢᠶᠠᠷ ᠬᠦᠮᠦᠨ ᠮᠠᠯ ᠵᠤᠳᠤᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠶᠠᠪᠤᠳᠠᠯ | ᠤᠳᠠᠭᠠᠰᠢᠷᠠᠨᠠ ᠭᠡᠵᠦ ᠠᠶᠠᠨ ᠤ ᠪᠠᠭᠤᠷᠢ ᠳᠤ ᠰᠢᠯᠡᠭᠡᠪᠦᠷ ᠦᠯᠡᠳᠡᠭᠡᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠨᠠᠷᠠᠨ ᠤ ᠡᠰᠡᠷᠬᠦ ᠬᠠᠨᠳᠤᠵᠦ | ᠰᠢᠭᠡᠪᠡᠯ ᠨᠢᠭᠦᠯ ᠪᠤᠯᠳᠠᠭ ᠭᠡᠬᠦ ᠮᠡᠲᠤ ᠴᠡᠭᠡᠷ ᠬᠤᠷᠢᠭᠠ ᠲᠠᠢ᠃ | ᠤᠨᠤᠭᠠ ᠶᠢ ᠪᠤᠷᠤᠭᠤ ᠲᠠᠯᠠ ᠠᠴᠠ ᠤᠨᠤᠪᠠᠯ ᠨᠢᠭᠦᠯ ᠪᠤᠯᠤᠨᠠ ᠭᠡᠵᠦ ᠴᠡᠭᠡᠷᠯᠡᠳᠡᠭ᠃ ᠵᠠᠮ ᠤᠨ ᠰᠠᠯᠪᠤᠷᠢ ᠪᠤᠶᠤ | ᠬᠡᠳᠦᠨ ᠵᠠᠮ ᠤᠨ ᠠᠭᠤᠯᠵᠠᠭᠤᠷ ᠳᠡᠭᠡᠷᠡ ᠤᠨᠤᠭᠠ ᠠᠴᠠ ᠪᠠᠭᠤᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠪᠢᠲᠡᠭᠦᠨ ᠤ ᠤᠷᠤᠢ ᠠᠶᠢᠯ | ᠬᠡᠰᠦᠬᠦ᠂ ᠠᠮᠢ ᠬᠤᠷᠤᠭᠠᠬᠤ᠂ ᠡᠮ ᠤᠤᠭᠤᠬᠤ᠂ ᠬᠡᠤᠬᠡᠳ ᠢᠶᠠᠨ ᠬᠠᠷᠢᠶᠠᠵᠤ ᠵᠤᠳᠤᠬᠤ᠂ ᠤᠰᠤ ᠰᠠᠴᠤᠬᠤ᠂ ᠬᠤᠨᠢ | ᠮᠠᠯ ᠢᠶᠠᠨ ᠠᠯᠳᠠᠵᠤ ᠭᠡᠭᠡᠬᠦ᠂ ᠠᠶᠢᠯ ᠳᠤ ᠬᠤᠨᠤᠬᠤ᠂ ᠦᠨᠳᠦᠷ ᠳᠠᠭᠤᠨ ᠢᠶᠠᠷ ᠬᠠᠰᠭᠢᠴᠠᠬᠤ᠂ ᠥᠯᠥᠰᠭᠦᠯᠡᠩ ᠬᠤᠨᠤᠬᠤ | ᠵᠡᠷᠭᠡ ᠶᠢ ᠪᠦᠷ ᠨᠢᠭᠦᠯ ᠪᠤᠯᠳᠠᠭ ᠬᠡᠵᠦ ᠲᠠᠰᠤ ᠴᠡᠭᠡᠷᠯᠡᠳᠡᠭ᠃ ᠮᠦᠨ ᠪᠢᠲᠡᠭᠦᠨ ᠤ ᠰᠦᠨᠢ ᠬᠠᠷᠠᠩᠭᠤᠢ ᠪᠠᠶᠢᠬᠤ ᠶᠢ | ᠴᠡᠭᠡᠷᠯᠡᠵᠦ ᠰᠦᠨᠢ ᠲᠤᠷᠰᠢ ᠳ᠋ᠧᠩ ᠵᠤᠯᠠ ᠠᠰᠠᠭᠠᠵᠤ ᠭᠡᠷᠡᠯ ᠭᠡᠭᠡ ᠲᠠᠢ ᠪᠠᠶᠢᠯᠭᠠᠳᠠᠭ᠃ ᠡᠰᠡ ᠲᠡᠭᠡᠪᠡᠯ ︽ᠴᠢᠳᠬᠦᠷ | ᠢᠷᠡᠵᠦ ᠡᠵᠡᠯᠡᠨᠡ︾ ᠭᠡᠳᠡᠭ᠃ | ︵︽ᠠᠯᠠᠱᠠ ᠬᠤᠱᠤᠳ︾ ᠨᠤᠮ ᠠᠴᠠ︶ |