| | ᠴᠠᠭᠠᠨ ᠬᠤᠷᠣᠳ ᠪᠣᠯ ᠴᠠᠭᠠᠨ ᠢᠳᠡᠭᠡᠨ ᠤ ᠳᠣᠲᠣᠷᠠᠬᠢ ᠬᠠᠮᠤᠭ ᠤᠨ ᠳᠡᠭᠡᠳᠦ ᠢᠳᠡᠭᠡᠨ ᠶᠣᠮ᠃ ᠴᠠᠭᠠᠨ | ᠬᠤᠷᠣᠳ ᠪᠣᠯ ᠠᠮᠲᠠᠲᠠᠢ᠂ ᠵᠥᠭᠡᠯᠡᠨ ᠪᠥᠭᠡᠳ ᠤᠳᠠᠭᠠᠨ ᠬᠠᠳᠠᠭᠠᠯᠠᠬᠤ ᠳᠤ ᠡᠪᠳᠡᠷᠡᠬᠦ ᠦᠭᠡᠢ᠃ ᠡᠶᠢᠮᠦ ᠠᠴᠠ | ᠬᠠᠶᠢᠷᠴᠠᠭᠯᠠᠭᠰᠠᠨ ᠴᠠᠭᠠᠨ ᠬᠤᠷᠣᠳ ᠢ ᠴᠢᠩ ᠤᠯᠤᠰ ᠤᠨ ᠦᠶᠡ ᠳᠤ ᠳᠣᠰᠠᠬᠠᠶᠢᠯᠠᠨ ᠬᠠᠭᠠᠨ ᠣᠷᠳᠣᠨ ᠳᠤ ᠬᠥᠷᠭᠡᠵᠦ | ᠬᠠᠭᠠᠳ ᠨᠣᠶᠠᠳ ᠤᠨ ᠴᠠᠢ ᠶᠢᠨ ᠵᠣᠭᠤᠭ ᠪᠣᠯᠭᠠᠳᠠᠭ᠃ | ᠴᠠᠭᠠᠨ ᠬᠤᠷᠣᠳ ᠢ ᠬᠢᠬᠦ ᠳᠡᠭᠡᠨ ᠡᠭᠡᠳᠡᠭᠰᠡᠨ ᠰᠦ ᠪᠠᠨ ᠬᠥᠰᠢᠭᠡᠵᠦ᠂ ᠰᠢᠷᠠᠰᠤ ᠶᠢ ᠢᠯᠭᠠᠷᠠᠭᠤᠯᠣᠭᠠᠳ | ᠮᠥᠰᠦᠨ ᠰᠢᠬᠢᠷ᠂ ᠴᠠᠭᠠᠨ ᠰᠢᠬᠢᠷ᠂ ᠪᠠᠯ ᠢ ᠵᠣᠬᠢᠬᠤ ᠬᠠᠷᠢᠴᠠᠯ ᠢᠶᠠᠷ ᠬᠤᠯᠢᠵᠤ ᠨᠡᠶᠢᠴᠡᠲᠡᠯᠡ ᠰᠠᠶᠢᠨ ᠨᠣᠬᠤᠵᠤ ᠳᠣᠰᠬᠠᠢ | ᠬᠡᠪ ︵ᠭᠠᠤᠯᠢ ᠪᠣᠶᠤ ᠽᠠᠨᠳᠠᠨ ᠮᠣᠳᠤ ᠪᠠᠷ ᠬᠢᠭᠰᠡᠨ ᠶᠠᠩᠵᠤ ᠪᠦᠷᠢ ᠶᠢᠨ ᠬᠡᠯᠪᠡᠷᠢᠲᠡᠢ᠂ ᠶᠠᠩᠵᠤ ᠪᠦᠷᠢ ᠶᠢᠨ ᠬᠡ ᠤᠭᠠᠯᠵᠠ | ᠪᠥᠬᠦᠢ ᠬᠡᠪ︶ ᠲᠤ ᠬᠢᠵᠦ ᠳᠡᠭᠰᠢ ᠴᠡᠪᠡᠷ ᠬᠠᠪᠲᠠᠰᠣᠨ ᠳᠡᠭᠡᠷᠡ ᠲᠠᠯᠪᠢᠨ ᠬᠡᠪᠰᠢᠭᠦᠯᠳᠡᠭ᠃ ᠬᠡᠪᠰᠢᠭᠰᠡᠨ ᠴᠠᠭᠠᠨ ᠬᠤᠷᠣᠳ | ᠢᠶᠠᠨ ᠰᠡᠭᠦᠳᠡᠷ ᠭᠠᠵᠠᠷ ᠲᠠᠯᠪᠢᠵᠤ᠂ ᠳᠠᠬᠢᠨ ᠳᠠᠪᠲᠠᠨ ᠡᠷᠭᠢᠭᠦᠯᠵᠦ ᠴᠡᠪᠡᠷ ᠣᠷᠴᠢᠨ ᠳᠤ ᠰᠠᠶᠢᠬᠠᠨ ᠬᠠᠲᠠᠭᠠᠳᠠᠭ᠃ | ᠬᠠᠲᠠᠭᠰᠠᠨ ᠬᠤᠷᠣᠳ ᠢᠶᠠᠨ ᠮᠣᠳᠣᠨ ᠬᠠᠶᠢᠷᠴᠠᠭ ᠲᠤ ᠰᠠᠪᠠᠯᠠᠵᠤ ᠭᠠᠳᠠᠭᠤᠷ ᠨᠢ ᠯᠡ ᠳᠦᠷᠬᠢᠪᠡᠯ ᠬᠡᠳᠦᠢ ᠣᠳᠠᠭᠠᠨ | ᠬᠠᠳᠠᠭᠠᠯᠠᠪᠠᠴᠤ ᠸᠠᠯᠠᠬᠤ ᠦᠭᠡᠢ᠃ | ︽ᠪᠣᠭᠤᠮᠲᠠ ᠶᠢᠨ ᠭᠠᠳᠠᠨᠠᠬᠢ ᠭᠤᠷᠪᠠᠨ ᠲᠠᠩᠬᠢᠮ ᠤᠨ ᠲᠡᠮᠳᠡᠭᠯᠡᠯ︾ ᠭᠡᠰᠡᠨ ᠨᠣᠮ ᠳᠤ ︽ᠭᠤᠷᠪᠠᠨ ᠬᠤᠰᠢᠭᠤ | ᠦᠬᠡᠷᠴᠢᠨ ᠰᠦᠷᠦᠭ ︵ᠳᠠᠷᠣᠢ ᠰᠢᠯᠣᠭᠤᠨ ᠴᠠᠭᠠᠨ ᠦᠬᠡᠷᠴᠢᠨ᠂ ᠰᠢᠯᠣᠭᠤᠨ ᠰᠢᠷᠠ ᠦᠬᠡᠷᠴᠢᠨ᠂ ᠬᠥᠪᠡᠭᠡᠲᠦ ᠰᠢᠷᠠ | ᠦᠬᠡᠷᠴᠢᠨ︶ ᠠᠴᠠ ᠵᠢᠯ ᠪᠦᠷᠢ ᠳᠣᠲᠣᠭᠠᠳᠤ ᠵᠣᠭᠤᠭ ᠤᠨ ᠭᠡᠷ ᠲᠤ ᠪᠦᠳᠦᠭᠦᠨ ᠬᠡᠪ ᠴᠠᠭᠠᠨ ᠬᠤᠷᠣᠳ ᠨᠢᠭᠡ ᠮᠢᠩᠭᠠᠨ | ᠵᠢᠩ ︵ᠳᠣᠬᠠᠢ ᠶᠢᠨ ᠦᠶᠡ ᠳᠤ ᠠᠷᠪᠠᠨ ᠵᠢᠷᠭᠤᠭᠠᠨ ᠯᠠᠩ ᠢ ᠨᠢᠭᠡ ᠵᠢᠩ ᠢᠶᠠᠷ ᠲᠣᠭᠠᠴᠠᠳᠠᠭ︶᠂ ᠵᠢᠵᠢᠭ ᠬᠡᠪ ᠴᠠᠭᠠᠨ | ᠬᠤᠷᠣᠳ ᠨᠢᠭᠡ ᠵᠠᠭᠤ ᠲᠠᠪᠢᠨ ᠨᠠᠢᠮᠠᠨ ᠵᠢᠩ ᠢ ᠳᠣᠭᠲᠠᠭᠠᠯ ᠶᠣᠰᠤ ᠪᠠᠷ ᠳᠣᠰᠢᠶᠠᠬᠤ ᠠᠯᠪᠠ ᠲᠠᠢ ᠪᠠᠶᠢᠵᠠᠢ᠃ ᠡᠭᠦᠨ ᠠᠴᠠ | ᠭᠠᠳᠠᠨᠠ᠂ ᠰᠢᠷᠠ ᠲᠣᠰᠤ ᠨᠢᠭᠡ ᠲᠥᠮᠡ ᠪᠥᠭᠡᠳ ᠶᠢᠰᠦᠨ ᠵᠠᠭᠤᠨ ᠵᠢᠩ᠂ ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠳᠥᠷᠪᠡᠨ ᠮᠢᠩᠭᠠ | ᠶᠢᠰᠦᠨ ᠵᠠᠭᠤ ᠬᠤᠷᠢᠨ ᠳᠣᠯᠣᠭᠠᠨ ᠵᠢᠩ ᠨᠠᠢᠮᠠᠨ ᠯᠠᠩ ᠳᠣᠰᠢᠶᠠᠬᠤ ᠠᠯᠪᠠ ᠶᠢ ᠭᠦᠢᠴᠡᠳᠭᠡᠳᠡᠭ︾ ᠭᠡᠵᠦ ᠲᠡᠮᠳᠡᠭᠯᠡᠵᠡᠢ᠃ | ᠵᠠᠷᠢᠮ ᠪᠣᠭᠤᠷᠣᠯᠴᠣᠳ ᠤᠨ ᠬᠡᠯᠡᠬᠦ ᠪᠠᠷ ︽ᠪᠣᠷᠣ ᠶᠢᠨ ᠰᠦᠮᠡ ︵ᠣᠳᠣᠬᠢ ᠾᠧᠪᠸᠢ ᠮᠣᠵᠢ ᠶᠢᠨ ᠵᠠᠩᠪᠸᠢ ᠰᠢᠶᠠᠨ ᠤ | ᠪᠣᠷᠣ ᠶᠢᠨ ᠰᠦᠮᠡ ᠶᠢᠨ ᠰᠢᠶᠠᠩ︶ ᠶᠢᠨ ᠪᠣᠷᠬᠠᠨ ᠳᠤ ᠭᠤᠴᠢᠨ ᠵᠢᠯ ᠳᠠᠬᠢᠵᠤ ᠲᠠᠯᠪᠢᠭᠠᠳ ᠨᠢᠭᠡ ᠣᠳᠠᠭᠠ ᠰᠣᠯᠢᠵᠤ | ᠳᠠᠬᠢᠬᠤ ᠶᠢᠨ ᠦᠶᠡ ᠳᠤ ᠠᠮᠰᠠᠵᠤ ᠦᠵᠡᠭᠰᠡᠨ ᠳᠤ ᠴᠠᠭᠠᠨ ᠥᠩᠭᠡ ᠨᠢ ᠪᠠᠭᠤᠷᠠᠭᠰᠠᠨ ᠦᠭᠡᠢ᠂ ᠭᠠᠰᠢᠯᠵᠤ ᠡᠪᠳᠡᠷᠡᠭᠰᠡᠨ | ᠦᠭᠡᠢ᠂ ᠳᠣᠰᠣᠯᠢᠭ ᠵᠥᠭᠡᠯᠡᠨ᠂ ᠰᠢᠬᠢᠷᠯᠢᠭ ᠠᠮᠲᠠᠲᠠᠢ᠂ ᠣᠭ ᠤᠨ ᠰᠢᠨᠡ ᠬᠡᠪ ᠢᠶᠠᠷ ᠪᠠᠶᠢᠪᠠ︾ ᠭᠡᠵᠡᠢ᠃ | ᠴᠠᠭᠠᠨ ᠬᠤᠷᠣᠳ ᠪᠣᠯ ᠴᠠᠬᠠᠷ ᠨᠣᠲᠤᠭ ᠲᠤ ᠯᠡ ᠬᠢᠳᠡᠭ᠂ ᠬᠠᠭᠠᠨ ᠣᠷᠳᠣᠨ ᠳᠤ ᠳᠣᠰᠢᠶᠠᠳᠠᠭ᠂ ᠨᠠᠷᠢᠯᠢᠭ | ᠬᠢᠴᠡᠲᠡᠢ᠂ ᠵᠥᠭᠡᠯᠡᠨ ᠠᠮᠲᠠᠲᠠᠢ᠂ ᠤᠳᠠᠭᠠᠨ ᠵᠢᠯ ᠬᠠᠳᠠᠭᠠᠯᠠᠬᠤ ᠳᠤ ᠴᠢᠨᠠᠷ ᠬᠤᠪᠢᠷᠠᠬᠤ ᠦᠭᠡᠢ ᠥᠪᠡᠷᠮᠢᠴᠡ ᠳᠡᠭᠡᠳᠦ | ᠢᠳᠡᠭᠡᠨ ᠪᠣᠯᠬᠤ ᠨᠢ ᠳᠠᠮᠵᠢᠭ ᠦᠭᠡᠢ᠃ ᠨᠡᠩ ᠴᠦ ᠡᠶᠢᠮᠦ ᠳᠡᠭᠡᠳᠦ ᠢᠳᠡᠭᠡᠨ ᠶᠢ ᠵᠣᠬᠢᠶᠠᠨ ᠪᠥᠲᠦᠭᠡᠭᠰᠡᠨ ᠴᠠᠬᠠᠷ ᠤᠨ | ᠳᠣᠯᠣᠭᠠᠨ ᠰᠦᠷᠦᠭ ᠤᠨ ᠮᠠᠯᠴᠢᠳ ᠤᠨ ᠣᠶᠣᠨ ᠬᠥᠳᠡᠯᠮᠦᠷᠢ ᠦᠨᠡᠬᠡᠷ ᠦᠨᠡᠯᠡᠭᠦᠰᠢᠲᠡᠢ ᠪᠢᠯᠡ᠃ | | | ᠢᠷᠡᠯᠳᠡ᠄ ︽ᠴᠠᠬᠠᠷ ᠵᠠᠩ ᠦᠢᠯᠡ︾ ᠭᠡᠬᠦ ᠨᠤᠮ ᠠᠴᠠ ᠮᠠᠶᠢᠯᠠᠰᠣ ᠰᠡᠶᠢᠷᠡᠬᠦᠯᠪᠡ |