| ᠮᠢᠨᠦ ᠮᠤᠩᠭᠤᠯ ᠬᠡᠯᠡ | ᠵᠠᠭᠠᠨᠠ | ᠬᠦᠬᠡ ᠲᠡᠭᠷᠢ ᠶᠢ ᠪᠠᠷᠠᠯᠠᠨ ᠪᠠᠭᠤᠳᠠᠯᠯᠠᠭᠰᠡᠨ ᠬᠡᠶᠢᠮᠤᠷᠢ ᠪᠤᠰᠤᠭᠠ ᠮᠤᠩᠭᠤᠯ ᠤᠨ ᠦᠷᠭᠦᠯᠵᠢᠯᠡᠯ | ᠬᠦᠷᠦᠰᠦᠲᠦ ᠳᠡᠯᠡᠬᠡᠢ ᠶᠢ ᠳᠦᠰᠢᠨ ᠨᠡᠭᠦᠳᠡᠯᠯᠡᠭᠰᠡᠨ ᠭᠡᠰᠢᠭ ᠪᠤᠶᠠᠨᠲᠦ ᠲᠡᠭᠷᠢᠯᠢᠭ ᠰᠤᠶᠤᠯ | ᠬᠦᠮᠦᠨ ᠭᠦᠷᠦᠨ ᠤ ᠲᠡᠦᠬᠡ ᠶᠢᠨ ᠤᠯᠪᠠᠭᠠ ᠲᠠᠢ ᠬᠠᠭᠠᠨ ᠤᠳᠤᠮ ᠤᠨ ᠬᠡᠯᠬᠢᠶᠡ ᠴᠠᠳᠢᠭ | ᠬᠦᠴᠦᠲᠦ ᠪᠠᠭᠠᠲᠤᠷ ᠤᠨ ᠴᠢᠰᠦᠨ ᠲᠠᠮᠠᠭᠠ ᠲᠠᠢ ᠬᠡᠳᠦᠨ ᠵᠠᠭᠤᠨ ᠤ ᠲᠡᠦᠬᠡ ᠶᠢᠨ ᠤᠯᠠ ᠮᠦᠷ | ᠨᠠᠷᠮᠠᠢ ᠮᠤᠩᠭᠤᠯ ᠢᠶᠠᠨ ᠪᠢᠰᠢᠷᠡᠨ ᠰᠢᠲᠦᠭᠰᠡᠨ ᠬᠦᠬᠡ ᠡᠪᠦᠭᠡᠳ ᠤᠨ ᠮᠢᠨᠢ ᠤᠩᠭᠤᠳ ᠳᠠᠭᠤᠳᠠᠯᠭᠠ | ᠨᠢᠭᠤᠴᠠ ᠳᠤᠪᠴᠢᠶᠠᠨ ᠢ ᠦᠷᠭᠦᠯᠵᠢᠯᠡᠨ ᠤᠩᠰᠢᠭᠤᠯᠤᠭᠰᠡᠨ ᠬᠦᠭᠰᠢᠳ ᠨᠠᠰᠤᠲᠠᠳ ᠤᠨ ᠮᠢᠨᠢ ᠨᠠᠨᠳᠢᠨ ᠰᠤᠷᠭᠠᠯ | ᠨᠤᠭᠤᠭᠠᠨ ᠲᠠᠯᠠ ᠪᠠᠨ ᠳᠦᠭᠦᠷᠭᠡᠨ ᠪᠡᠯᠴᠢᠭᠰᠡᠨ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠴᠢᠮᠡᠭᠡ | ᠨᠠᠶᠢᠷᠠᠭ ᠳᠠᠭᠤᠨ ᠳᠤ ᠪᠠᠨ ᠢᠷᠦᠭᠡᠯ ᠪᠡᠯᠭᠡᠳᠡᠯ ᠲᠠᠢ ᠠᠯᠲᠠᠨ ᠳᠡᠯᠡᠬᠡᠢ ᠶᠢᠨ ᠤᠶᠠᠩᠭᠠᠲᠦ ᠬᠡᠯᠡ | ᠮᠢᠨᠦ ᠮᠤᠩᠭᠤᠯ ᠬᠡᠯᠡ — | ᠲᠡᠭᠷᠢ ᠳᠤ ᠳᠡᠭᠦᠯᠢᠬᠦ ᠰᠢᠪᠠᠭᠤᠳ ᠤᠨ ᠲᠤᠩᠭᠤᠳᠤᠭᠠ ᠮᠢᠨᠦ ᠳᠠᠷᠬᠠᠨ ᠬᠡᠯᠡ | ᠳᠡᠷᠭᠡᠳᠡᠭᠦᠷ ᠨᠠᠶᠢᠭᠤᠬᠤ ᠤᠷᠭᠤᠮᠠᠯ ᠤᠨ ᠱᠤᠤᠬᠢᠶᠠ ᠮᠢᠨᠦ ᠰᠦᠯᠳᠡ ᠬᠡᠯᠡ | ᠲᠠᠯᠠ ᠳᠤ ᠦᠯᠢᠶᠡᠬᠦ ᠰᠠᠯᠬᠢᠨ ᠤ ᠬᠠᠤᠬᠢᠭᠠ ᠮᠢᠨᠦ ᠪᠤᠰᠤᠭᠠ ᠬᠡᠯᠡ | ᠲᠠᠶᠢᠪᠤᠩ ᠤᠷᠤᠰᠬᠤ ᠭᠤᠤᠯ ᠤᠨ ᠳᠤᠯᠭᠢᠶᠠ ᠮᠢᠨᠦ ᠠᠷᠢᠭᠤᠨ ᠬᠡᠯᠡ | ᠬᠤᠷᠸᠠ ᠶᠢ ᠳᠤᠩᠰᠤᠯᠭᠠᠨ ᠳᠠᠪᠬᠢᠭᠰᠡᠨ ᠤᠳᠤᠮᠲᠦ ᠮᠤᠩᠭᠤᠯ ᠬᠦᠯᠦᠭ ᠤᠨ ᠦᠦᠷᠰᠡᠭᠡ | ᠬᠤᠯᠠ ᠶᠢ ᠵᠤᠷᠢᠨ ᠲᠡᠮᠡᠤᠯᠡᠭᠰᠡᠨ ᠵᠤᠷᠢᠭ ᠬᠠᠲᠠᠭᠤ ᠦᠷᠡᠰ ᠤᠨ ᠠᠮᠠᠯᠠᠯ | ᠬᠤᠤᠰ ᠦᠭᠡᠢ ᠰᠤᠶᠤᠯ ᠤᠨ ᠦᠨᠡᠲᠦ ᠭᠡᠷᠡᠴᠢ ᠲᠠᠢ ᠪᠤᠰᠤᠭᠠ ᠦᠰᠦᠭ ᠤᠨ ᠰᠤᠳᠤᠷ ᠲᠡᠦᠬᠡ | ᠬᠤᠶᠢᠴᠢᠰ ᠦᠷᠡ ᠶᠢᠨ ᠵᠦᠩᠨᠡᠯ ᠪᠡᠯᠭᠡᠳᠡᠯ ᠲᠠᠢ ᠵᠦᠩ ᠪᠢᠯᠢᠭ ᠤᠨ ᠮᠡᠳᠡᠷᠡᠮᠵᠢ ᠲᠠᠶᠢᠯᠤᠮᠵᠢ | ᠱᠠᠰᠲᠢᠷ ᠲᠡᠦᠬᠡ ᠳᠤ ᠮᠦᠩᠭᠡᠯᠡᠭᠳᠡᠨ ᠲᠠᠮᠠᠭᠠᠯᠠᠭᠳᠠᠭᠰᠡᠨ ᠶᠡᠭᠡ ᠶᠤᠸᠠᠨ ᠤ ᠲᠤᠤᠯᠢ | ᠰᠢᠷᠠ ᠲᠠᠯᠠ ᠳᠤ ᠬᠦᠭᠯᠡᠭᠳᠡᠨ ᠤᠶᠠᠩᠭᠠᠯᠠᠭᠳᠠᠭᠰᠡᠨ ᠮᠤᠩᠭᠤᠯ ᠲᠦᠮᠡᠨ ᠤ ᠪᠠᠷᠢᠮᠵᠢᠶᠠ | ᠰᠢᠵᠢᠷ ᠠᠯᠲᠠᠨ ᠭᠤᠶᠤᠯᠠᠯ ᠵᠠᠰᠠᠯ ᠦᠭᠡᠢ ᠴᠦ ᠮᠦᠩᠭᠡᠳᠡ ᠠᠮᠢᠯᠠᠬᠤ ᠠᠮᠠᠨ ᠶᠠᠷᠢᠶᠠ | ᠰᠢᠪᠠᠭᠤᠨ ᠤ ᠵᠢᠭᠦᠷ ᠰᠢᠭ ᠳᠡᠪᠢᠨ ᠳᠡᠪᠢᠭᠰᠡᠭᠡᠷ ᠪᠦᠮᠪᠦᠷᠴᠡᠭ ᠢ ᠲᠤᠭᠤᠷᠢᠭᠰᠡᠨ ᠲᠤᠤᠯᠢᠰ ᠬᠡᠯᠡ | ᠮᠢᠨᠦ ᠮᠤᠩᠭᠤᠯ ᠬᠡᠯᠡ — | ᠲᠡᠭᠷᠢ ᠳᠤ ᠳᠡᠭᠦᠯᠢᠬᠦ ᠰᠢᠪᠠᠭᠤᠳ ᠤᠨ ᠲᠤᠩᠭᠤᠳᠤᠭᠠ ᠮᠢᠨᠦ ᠳᠠᠷᠬᠠᠨ ᠬᠡᠯᠡ | ᠳᠡᠷᠭᠡᠳᠡᠭᠦᠷ ᠨᠠᠶᠢᠭᠤᠬᠤ ᠤᠷᠭᠤᠮᠠᠯ ᠤᠨ ᠱᠤᠤᠬᠢᠶᠠ ᠮᠢᠨᠦ ᠰᠦᠯᠳᠡ ᠬᠡᠯᠡ | ᠲᠠᠯᠠ ᠳᠤ ᠦᠯᠢᠶᠡᠬᠦ ᠰᠠᠯᠬᠢᠨ ᠤ ᠬᠠᠤᠬᠢᠭᠠ ᠮᠢᠨᠦ ᠪᠤᠰᠤᠭᠠ ᠬᠡᠯᠡ | ᠲᠠᠶᠢᠪᠤᠩ ᠤᠷᠤᠰᠬᠤ ᠭᠤᠤᠯ ᠤᠨ ᠳᠤᠯᠭᠢᠶᠠ ᠮᠢᠨᠦ ᠠᠷᠢᠭᠤᠨ ᠬᠡᠯᠡ | | ᠬᠠᠷᠢᠯᠴᠠᠬᠤ ᠬᠠᠶ᠋ᠢᠭ᠄ ᠰᠢᠯᠤᠭᠤᠨ ᠬᠦᠬᠡ ᠬᠤᠰᠢᠭᠤᠨ ᠤ ᠱᠠᠩᠳᠦ ᠪᠠᠯᠭᠠᠰᠦ | ᠬᠠᠷᠢᠯᠴᠠᠬᠤ ᠤᠲᠠᠰᠦ᠄ 15847964443 |