| | | ᠴᠢᠮᠡᠭᠡᠯᠡᠭᠴᠢ ᠵᠢ᠊ ᠰᠤᠶᠤᠯᠳᠤ | | ᠦᠨᠳᠦᠰᠦᠳᠡᠨ ᠨᠦᠭᠦᠳ ᠪᠦᠯᠬᠦᠮᠳᠡᠵᠦ ᠡᠶᠡ ᠨᠠᠶᠢᠷ ᠲᠠᠢ᠂ ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠵᠤ ᠬᠠᠮᠳᠤ ᠪᠠᠷ | ᠳᠠᠪᠰᠢᠭᠰᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠨᠡᠶᠢᠭᠡᠮ ᠤᠨ ᠠᠭᠤᠷ ᠠᠮᠢᠰᠬᠤᠯ ᠢ ᠪᠤᠢ ᠪᠤᠯᠭᠠᠵᠤ᠂ ᠬᠠᠮᠳᠤᠷᠠᠨ ᠬᠤᠷᠰᠢᠵᠦ | ᠠᠵᠢᠯᠯᠠᠬᠤ ᠶᠢᠨ ᠳᠠᠪᠠᠭᠤᠯᠢᠭ ᠢ ᠪᠠᠳᠠᠷᠠᠭᠤᠯᠤᠨ ᠰᠢᠯᠤᠭᠤᠨ ᠬᠦᠭᠡ ᠬᠤᠰᠢᠭᠤᠨ ᠤ ᠰᠠᠶᠢᠨᠬᠤᠳᠳᠤᠭ ᠰᠤᠮᠤᠨ ᠤ | ᠪᠤᠷᠤᠬᠤᠵᠢᠷ ᠭᠠᠴᠠᠭᠠᠨ ᠤ ᠭᠡᠰᠡᠭ ᠮᠠᠯᠴᠢᠨ ᠵᠠᠯᠠᠭᠤᠰ ᠬᠠᠮᠳᠤᠷᠠᠯ ᠲᠤᠭᠤᠶᠢᠯᠠᠩ ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠤ ᠠᠵᠢᠯᠯᠠᠭᠠᠳ | ᠪᠤᠰᠤᠳ ᠲᠤ ᠲᠦᠭᠦᠮ ᠦᠵᠡᠭᠦᠯᠵᠦ ᠪᠠᠶᠢᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠥᠪᠡᠷᠰᠡᠳ ᠤᠨ ᠢᠶᠠᠨ ᠤᠷᠤᠯᠭᠠ ᠶᠢ | ᠨᠡᠮᠡᠭᠳᠡᠭᠦᠯᠵᠦ ᠬᠤᠯᠠ ᠤᠶᠢᠷᠠ ᠶᠢᠨ ᠬᠦᠮᠦᠰ ᠲᠤ ᠪᠠᠭ᠋ᠠᠷᠬᠠᠭᠳᠠᠵᠤ ᠶᠠᠪᠤᠨᠠ᠃ | | ᠬᠤᠨᠢ ᠬᠠᠶᠢᠴᠢᠯᠠᠬᠤ ᠲᠤᠭᠤᠶᠢᠯᠠᠩ | ᠭᠠᠷ ᠬᠠᠶᠢᠴᠢ ᠪᠠᠷ ᠡᠳᠦᠷ ᠤᠨ 30 ᠭᠠᠷᠤᠢ ᠬᠤᠨᠢ ᠬᠠᠶᠢᠴᠢᠯᠠᠳᠠᠭ ᠠᠯᠮᠠᠰ᠂ ᠪᠠᠶᠠᠷᠠ᠂ ᠮᠦᠷᠡᠨ᠂ ᠤᠷᠬᠢᠯ | ᠵᠡᠷᠭᠡ 11 ᠬᠦᠮᠦᠨ ᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠬᠤᠨᠢ ᠬᠠᠶᠢᠴᠢᠯᠠᠬᠤ ︽ᠬᠤᠷᠳᠤᠨ ᠭᠠᠷ︾ ᠳᠤᠭᠤᠶᠢᠯᠠᠩ ᠨᠢ 2024 | ᠤᠨ ᠤ 5 ᠰᠠᠷᠠ ᠠᠴᠠ ᠬᠤᠨᠢ ᠬᠠᠶᠢᠴᠢᠯᠠᠬᠤ ᠠᠵᠢᠯ ᠢᠶᠠᠨ ᠡᠬᠢᠯᠡᠭᠦᠯᠵᠦ᠂ ᠲᠤᠭᠤᠶᠢᠯᠠᠩ ᠤᠨ ᠢᠶᠠᠨ ᠠᠶᠢᠯ ᠤᠳ | ᠤᠨ ᠬᠤᠨᠢ ᠶᠢ ᠬᠡᠳᠦᠬᠡᠨ ᠬᠤᠨᠤᠭ ᠲᠤ ᠬᠠᠶᠢᠴᠢᠯᠠᠵᠤ ᠳᠠᠭᠤᠰᠬᠠᠭᠰᠠᠨ ᠤ ᠳᠠᠷᠠᠭᠠ ᠥᠪᠡᠷ ᠤᠨ ᠭᠠᠴᠠᠭᠠ ᠪᠠ | ᠦᠷᠦᠭᠡᠯ ᠭᠠᠴᠠᠭᠠᠨ ᠤ ᠬᠦᠳᠡᠯᠮᠦᠷᠢ ᠬᠦᠴᠦ ᠴᠦᠭᠡᠨ ᠮᠠᠯᠴᠢᠨ ᠠᠶᠢᠯ ᠤᠳ ᠤᠨ ᠤᠷᠢᠯᠭᠠ ᠪᠠᠷ ᠵᠦᠢ ᠵᠤᠬᠢᠰᠳᠠᠢ | ᠦᠨᠡ ᠬᠠᠩᠰᠢ ᠬᠡᠯᠡᠯᠴᠡᠨ ᠬᠤᠨᠢ ᠶᠢ ᠨᠢ ᠬᠠᠶᠢᠴᠢᠯᠠᠵᠤ ᠨᠢᠭᠡ ᠯᠡ ᠰᠠᠷᠠ ᠶᠢᠨ ᠳᠤᠳᠤᠷᠠ ᠬᠤᠶᠠᠷ ᠮᠢᠩᠭᠠ ᠭᠠᠷᠤᠢ | ᠬᠤᠨᠢ ᠬᠠᠶᠢᠴᠢᠯᠠᠵᠤ᠂ ᠬᠦᠮᠦᠨ ᠪᠦᠷᠢ ᠭᠤᠷᠪᠠᠨ ᠮᠢᠩᠭᠠᠨ ᠲᠦᠭᠦᠷᠢᠭ ᠤᠨ ᠤᠷᠤᠯᠭᠠ ᠤᠯᠤᠭᠰᠠᠨ ᠪᠠᠶᠢᠨᠠ᠃ | | ᠡᠪᠡᠰᠦ ᠬᠠᠳᠤᠬᠤ ᠲᠤᠭᠤᠶᠢᠯᠠᠩ | ᠰᠢᠷᠭᠠᠯ ᠨᠠᠮᠤᠷ ᠤᠨ ᠦᠳᠭᠡᠨ ᠬᠠᠳᠤᠯᠠᠩ ᠳᠤ ᠱᠠᠯᠠᠮᠠᠭᠠᠢ ᠪᠤᠰᠢᠭᠤ ᠬᠡᠳᠦᠨ ᠵᠠᠯᠠᠭᠤᠰ ᠬᠠᠳᠤᠬᠤ᠂ | ᠬᠠᠮᠤᠬᠤ᠂ ᠪᠤᠭᠤᠵᠢᠯᠠᠬᠤ ᠠᠵᠢᠯ ᠢᠶᠠᠨ ᠴᠠᠭ ᠲᠤᠬᠢᠷᠠᠭᠤᠯᠤᠨ ᠶᠠᠭᠠᠷᠠᠯᠳᠠᠶᠢᠬᠠᠨ ᠠᠵᠢᠯᠯᠠᠨᠠ᠃ ᠡᠨᠡ ᠪᠤᠯ | ᠪᠤᠷᠤᠬᠤᠵᠢᠷ ᠭᠠᠴᠠᠭᠠᠨ ᠤ ᠢᠷᠦᠭᠡᠯᠳᠦ᠂ ᠳᠡᠭᠦᠰ᠂ ᠳᠡᠮᠦᠷᠪᠤᠯᠤᠳ᠂ ᠴᠠᠶᠢᠯᠭᠠᠨ᠂ ᠪᠦᠲᠦᠭᠡᠯ ᠵᠡᠷᠭᠡ ᠬᠡᠳᠦᠨ | ᠵᠠᠯᠠᠭᠤᠰ ᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠡᠪᠡᠰᠦ ᠬᠠᠳᠤᠬᠤ ᠬᠠᠮᠳᠤᠷᠠᠯ ᠲᠤᠭᠤᠶᠢᠯᠠᠩ ᠪᠤᠯᠤᠨᠠ᠃ ᠳᠡᠳᠡ ᠬᠡᠳᠦᠨ ᠡᠷᠦᠭᠡ ᠶᠢᠨ | ᠢᠶᠠᠨ ᠡᠪᠡᠰᠦ ᠶᠢ ᠬᠤᠷᠠ ᠪᠤᠷᠤᠭᠠᠨ ᠳᠤ ᠨᠤᠷᠭᠠᠯ ᠦᠭᠡᠢ ᠬᠤᠷᠳᠤᠨ ᠪᠤᠰᠢᠭᠤ ᠬᠠᠳᠤᠵᠤ ᠳᠠᠭᠤᠰᠬᠠᠭᠰᠠᠨ ᠪᠦᠭᠡᠳ | ᠤᠶᠢᠷᠠ ᠵᠡᠷᠭᠡᠯᠳᠡᠭᠡ ᠬᠤᠳᠠ ᠤᠰᠤᠨ ᠤ ᠪᠠᠨ ᠬᠦᠳᠡᠯᠮᠦᠷᠢ ᠬᠦᠴᠦ ᠬᠦᠷᠦᠯᠴᠡᠭᠦ ᠦᠭᠡᠢ ᠠᠶᠢᠯ ᠤᠳ ᠤᠨ ᠡᠪᠡᠰᠦ ᠶᠢ | ᠨᠢ ᠬᠠᠳᠤᠵᠤ ᠠᠵᠢᠯ ᠤᠨ ᠳᠠᠷᠤᠭᠠᠰᠤ ᠶᠢ ᠨᠢ ᠬᠦᠩᠭᠡᠯᠡᠭᠰᠡᠨ ᠪᠠᠶᠢᠨᠠ᠃ | ᠡᠨᠡ ᠨᠠᠮᠤᠷ ᠠᠴᠠ ᠡᠬᠢᠯᠡᠵᠦ ᠬᠠᠮᠳᠤᠷᠠᠯ ᠪᠠᠶᠢᠭᠤᠯᠤᠭᠰᠠᠨ ᠡᠳᠡ ᠬᠡᠳᠦᠭᠦᠯᠡ ᠰᠠᠷᠠ ᠢᠯᠡᠭᠦᠦ ᠶᠢᠨ | ᠬᠤᠭᠤᠴᠠᠭᠠᠨ ᠳᠤ ᠠᠷᠪᠠᠭᠠᠳ ᠠᠶᠢᠯ ᠤᠨ 600 ᠭᠠᠷᠤᠢ ᠲᠤᠨ ᠡᠪᠡᠰᠦ ᠶᠢ ᠬᠠᠳᠤᠵᠤ ᠬᠠᠮᠤᠨ᠂ ᠬᠦᠮᠦᠨ ᠪᠦᠷᠢ | ᠲᠦᠮᠡ ᠭᠠᠷᠤᠢ ᠲᠦᠭᠦᠷᠢᠭ ᠤᠨ ᠤᠷᠤᠯᠭᠠ ᠤᠯᠵᠠᠢ᠃ | | ᠢᠳᠡᠰᠢ ᠵᠠᠷᠤᠬᠤ ᠲᠤᠭᠤᠶᠢᠯᠠᠩ | ᠬᠦᠢᠳᠡᠨ ᠨᠠᠭᠠᠰᠢᠯᠠᠵᠤ ᠡᠪᠦᠯ ᠪᠤᠯᠬᠤᠷ ᠬᠦᠮᠦᠰ ᠨᠢᠭᠡ ᠵᠢᠯ ᠤᠨ ᠢᠳᠡᠰᠢ ᠪᠠᠨ ᠪᠡᠯᠡᠳᠭᠡᠳᠡᠭ᠃ ᠤᠶᠢᠷᠠ | ᠶᠢᠨ ᠵᠢᠯ ᠠᠴᠠ ᠦᠭᠡᠷ ᠵᠠᠷᠤᠬᠤ᠂ ᠭᠡᠳᠡᠰᠦ ᠳᠤᠳᠤᠷ ᠠᠷᠢᠯᠭᠠᠬᠤ ᠬᠦᠮᠦᠰ ᠴᠦᠭᠡᠷᠡᠵᠦ᠂ ᠡᠪᠦᠯ ᠤᠨ ᠢᠳᠡᠰᠢ ᠪᠠᠨ | ᠲᠦᠭᠦᠭᠡᠷᠡᠭᠦ ᠳᠤ ᠤᠯᠠᠨ ᠬᠦᠮᠦᠰ ᠢ ᠵᠠᠯᠠᠵᠤ᠂ ᠪᠠᠭᠠ ᠨᠠᠶᠢᠷ ᠬᠡᠮᠡᠷ ︽ᠳᠡᠪᠵᠢᠶᠠᠨ︾ ᠪᠤᠯᠳᠠᠭ ᠪᠤᠯᠤᠯᠠ᠃ ᠶᠠᠭ | ᠡᠨᠡᠬᠦ ᠪᠠᠶᠢᠳᠠᠯ ᠳᠤᠤᠷᠠ ᠬᠦᠳᠡᠯᠮᠦᠷᠢ ᠬᠦᠴᠦ ᠬᠦᠷᠦᠯᠴᠡᠭᠦ ᠦᠭᠡᠢ᠂ ᠠᠵᠢᠯ ᠦᠢᠯᠡᠰ ᠶᠠᠭᠠᠷᠠᠤ ᠬᠦᠮᠦᠰ ᠲᠤ | ᠳᠡᠮᠵᠢᠯᠭᠡ ᠪᠤᠯᠬᠤ ᠡᠭᠦᠳᠡᠨ ᠠᠴᠠ ᠪᠤᠷᠤᠬᠤᠵᠢᠷ ᠭᠠᠴᠠᠭᠠᠨ ᠤ ᠠᠯᠠᠵᠤ ᠨᠢᠳᠤᠯᠵᠤ ᠶᠠᠰᠤ ᠰᠠᠯᠭᠠᠬᠤ ᠳᠠᠭᠠᠨ ᠪᠤᠰᠢᠭᠤ | ᠲᠦᠷᠭᠡᠨ ᠪᠠᠶᠢᠳᠠᠭ ᠪᠤᠯᠤᠳ᠂ ᠳᠡᠭᠦᠰ ᠬᠤᠶᠠᠷ ᠠᠶᠢᠯ ᠬᠡᠷ ᠢᠶᠠᠷ ᠢᠶᠠᠨ ᠢᠳᠡᠰᠢ ᠵᠠᠷᠤᠬᠤ ᠬᠠᠮᠳᠤᠷᠠᠯ ᠲᠤᠭᠤᠶᠢᠯᠠᠩ | ᠪᠠᠶᠢᠭᠤᠯᠵᠤ᠂ ᠨᠢᠳᠦᠨᠦᠨ ᠤ 11 ᠳ᠋ᠤᠭᠡᠷ ᠰᠠᠷᠠ ᠠᠴᠠ ᠡᠬᠢᠯᠡᠵᠦ ᠨᠢᠳᠤᠯᠵᠤ ᠰᠠᠯᠭᠠᠴᠠᠬᠤ᠂ ᠭᠡᠳᠡᠰᠦ ᠳᠤᠳᠤᠷ | ᠠᠷᠢᠯᠭᠠᠬᠤ ᠪᠦᠬᠦ ᠠᠵᠢᠯ ᠢ ᠳᠠᠭᠠᠭᠠᠴᠢᠯᠠᠨ ᠬᠦᠢᠴᠡᠳᠭᠡᠵᠦ᠂ ᠨᠢᠭᠡ ᠡᠪᠦᠯ ᠤᠨ ᠢᠳᠡᠰᠢᠨ ᠤ ᠬᠤᠭᠤᠴᠠᠭᠠᠨ ᠳᠤ | ᠬᠤᠷᠢᠭᠠᠳ ᠦᠭᠡᠷ ᠵᠠᠷᠤᠵᠤ᠂ ᠡᠷᠦᠭᠡ ᠪᠦᠷᠢ ᠳᠠᠪᠤᠨ ᠮᠢᠩᠭᠠ ᠭᠠᠷᠤᠢ ᠲᠦᠭᠦᠷᠢᠭ ᠤᠨ ᠴᠡᠪᠡᠷ ᠤᠷᠤᠯᠭᠠ | ᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠪᠤᠷᠤᠬᠤᠵᠢᠷ ᠭᠠᠴᠠᠭᠠᠨ ᠤ ᠡᠨᠡᠬᠦ ᠭᠤᠷᠪᠠᠨ ᠬᠠᠮᠳᠤᠷᠠᠯ ᠲᠤᠭᠤᠶᠢᠯᠠᠩ ᠨᠢ ᠮᠠᠯᠵᠢᠬᠤ ᠦᠢᠯᠡᠳᠪᠦᠷᠢᠯᠡᠯ ᠤᠨ | ᠶᠠᠭᠠᠷᠠᠯᠳᠠᠢ ᠬᠤᠭᠤᠴᠠᠭᠠᠨ ᠳᠤ ᠮᠠᠯᠴᠢᠳ ᠲᠤ ᠬᠠᠪᠰᠤᠷᠤᠨ ᠭᠤᠤᠯᠳᠠᠯᠭᠠ ᠲᠠᠢ ᠠᠵᠢᠯ ᠤᠳ ᠢ ᠨᠢ ᠭᠠᠷᠳᠠᠨ ᠬᠢᠵᠦ᠂ | ᠥᠪᠡᠷ ᠥᠪᠡᠷ ᠤᠨ ᠳᠠᠪᠠᠭᠤᠯᠢᠭ ᠲᠠᠯᠠ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠢᠶᠠᠨ ᠪᠠᠳᠠᠷᠠᠭᠤᠯᠤᠨ ᠮᠠᠯᠴᠢᠨ ᠲᠦᠮᠡᠨ ᠳᠡᠭᠡᠨ | ᠬᠠᠯᠠᠭᠤᠨ ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠥᠪᠡᠷ ᠤᠨ ᠤᠷᠤᠯᠭᠠ ᠪᠠᠨ ᠴᠦ ᠨᠡᠮᠡᠭᠳᠡᠭᠦᠯᠦᠨ᠂ | ᠪᠦᠯᠬᠦᠮᠳᠡᠯ ᠤᠨ ᠬᠦᠴᠦᠨ ᠳᠤ ᠦᠢᠯᠡᠰ ᠪᠤᠰᠬᠠᠬᠤ ᠬᠡᠪ ᠳᠠᠭᠤᠷᠢᠶᠠᠯ ᠢ ᠬᠠᠷᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃ | |