| ᠠᠭᠸᠠᠩ ︵1914～ 1981 ᠣᠨ︶᠂ ᠴᠠᠬᠠᠷ ᠳᠣᠰᠬᠠᠢ ᠣᠷᠣᠨ ᠤ ᠮᠢᠩᠭᠠᠨ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ | ᠶᠢᠨ ᠰᠢᠯᠣᠭᠤᠨ ᠴᠠᠭᠠᠨ ᠬᠤᠨᠢᠨ ᠰᠦᠷᠦᠭ ᠤᠨ ᠰᠦᠮᠡᠲᠦ ᠶᠢᠨ ᠭᠤᠣᠯ ᠤᠨ ᠮᠠᠯᠴᠢᠨ ᠪᠣᠷᠣᠠᠦ᠋ᠬᠢᠨ ᠤ ᠭᠡᠷ ᠲᠤ | ᠲᠥᠷᠦᠪᠡ᠃ | 1924～ 1929 ᠣᠨ ᠬᠦᠷᠲᠡᠯᠡ ᠭᠡᠷ ᠲᠡᠭᠡᠨ ᠲᠥᠪᠡᠳ ᠪᠢᠴᠢᠭ ᠵᠢᠭᠠᠯᠭᠠᠵᠤ᠂ 1929～ | 1933 ᠣᠨ ᠳᠤ ᠰᠢᠯᠢ ᠶᠢᠨ ᠭᠤᠣᠯ ᠶᠢᠨ ᠪᠠᠶᠢᠰᠠ ᠶᠢᠨ ᠰᠦᠮᠡ ᠳᠤ ᠯᠠᠮᠠ ᠪᠣᠯᠪᠠ᠃ 1933～ 1941 | ᠣᠨ ᠬᠦᠷᠲᠡᠯᠡ ᠭᠡᠷ ᠲᠡᠭᠡᠨ ᠮᠠᠯ ᠮᠠᠯᠵᠢᠵᠤ ᠰᠠᠭᠤᠵᠠᠢ᠃ | 1941～ 1945 ᠣᠨ ᠬᠦᠷᠲᠡᠯᠡ ᠴᠢᠭᠤᠯᠣᠯᠲᠤ ᠬᠠᠭᠠᠯᠭᠠ ᠬᠤᠲᠠᠨ ᠳᠤ ᠮᠣᠩᠭᠤᠯ ᠬᠢᠵᠠᠭᠠᠷ ᠤᠨ | ᠡᠳᠦᠷ ᠤᠨ ᠰᠣᠨᠢᠨ ᠤ ᠬᠤᠷᠢᠶᠠ ᠳᠤ ᠵᠢᠷᠣᠭᠴᠢᠨ ᠪᠣᠯᠵᠠᠢ᠃ 1945 ᠣᠨ ᠤ 8 ᠰᠠᠷᠠ ᠠᠴᠠ 1950 ᠣᠨ | ᠬᠦᠷᠲᠡᠯᠡ ᠭᠡᠷ ᠲᠡᠭᠡᠨ ᠪᠠᠶᠢᠵᠤ 1950～ 1954 ᠣᠨ ᠬᠦᠷᠲᠡᠯᠡ ᠴᠠᠬᠠᠷ ᠠᠶᠢᠮᠠᠭ ᠤᠨ ᠰᠣᠶᠣᠯ ᠤᠨ ᠠᠩᠭᠢ | ᠳᠤ ᠠᠵᠢᠯᠯᠠᠪᠠ᠃ 1954～ 1956 ᠣᠨ ᠬᠦᠷᠲᠡᠯᠡ ᠭᠡᠷ ᠲᠡᠭᠡᠨ ᠰᠠᠭᠤᠪᠠ᠃ 1956～ 1961 ᠣᠨ | ᠬᠦᠷᠲᠡᠯᠡ ᠰᠢᠯᠣᠭᠤᠨ ᠬᠥᠬᠡ ᠬᠤᠰᠢᠭᠤᠨ ᠤ ᠣᠯᠠᠭᠠᠨᠮᠦ᠋ᠴᠢᠷ ᠲᠤ ᠠᠵᠢᠯᠯᠠᠵᠠᠢ᠃ 1981 ᠣᠨ ᠳᠤ ᠴᠢᠭᠤᠯᠣᠯᠲᠤ | ᠬᠠᠭᠠᠯᠭᠠ ᠬᠤᠲᠠᠨᠠ ᠡᠪᠡᠳᠴᠢᠨ ᠢᠶᠠᠷ ᠨᠠᠰᠤ ᠪᠠᠷᠠᠪᠠ᠃ | ᠵᠢᠷᠣᠭᠴᠢᠨ ᠠᠭᠸᠠᠩ 13 ᠨᠠᠰᠣᠲᠠᠢ ᠳᠠᠭᠠᠨ ︽ᠴᠠᠭᠠᠨ ᠡᠪᠦᠭᠡᠨ︾ ᠬᠡᠮᠡᠬᠦ ᠠᠩᠬᠠᠨ ᠤ ᠪᠥᠲᠦᠭᠡᠯ | ᠪᠣᠯᠬᠤ ᠣᠰᠣᠨ ᠪᠣᠳᠤᠭ ᠤᠨ ᠵᠢᠷᠤᠭ ᠢᠶᠠᠨ ᠵᠢᠷᠣᠵᠤ᠂ ᠲᠡᠭᠦᠨ ᠤ ᠳᠠᠷᠠᠭᠠ ᠣᠯᠠᠨ ᠤ ᠰᠣᠨᠢᠷᠬᠠᠯ ᠢ ᠳᠠᠲᠠᠭᠰᠠᠨ ᠨᠢ | ︽ᠮᠣᠯᠣᠨ ᠳᠣᠶᠢᠨ ᠡᠬᠡ ᠶᠢᠨ ᠠᠴᠢ ᠶᠢ ᠬᠠᠷᠢᠭᠤᠯᠣᠭᠰᠠᠨ ᠠᠨᠤ︾ ᠬᠡᠮᠡᠬᠦ ᠦᠯᠢᠭᠡᠷᠲᠦ ᠵᠢᠷᠤᠭ ᠪᠣᠯᠣᠨᠠ᠃ | ᠬᠤᠷᠢᠭᠠᠳ ᠨᠠᠰᠣᠨ ᠳᠠᠭᠠᠨ ︽ᠳᠦᠢᠩᠺᠦᠷ ᠤᠨ ᠬᠤᠲᠠ ᠮᠠᠨᠳᠠᠯ︾ ᠬᠡᠮᠡᠬᠦ ᠬᠠᠨᠠ ᠶᠢᠨ ᠵᠢᠷᠤᠭ ᠢ ᠬᠠᠳᠠᠨᠬᠤᠰᠢᠭᠤ | ᠰᠦᠮᠡ ᠳᠤ ᠵᠢᠷᠣᠵᠤ᠂ 27 ᠨᠠᠰᠣᠨ ᠳᠠᠭᠠᠨ ︽ᠨᠠᠷᠠᠸᠠ ᠰᠦᠮᠡ︾ ᠶᠢᠨ ᠴᠠᠮ ᠤᠨ ᠪᠠᠭ ᠢ ᠴᠠᠷᠳᠠᠵᠤ᠂ ᠴᠠᠭ ᠤᠨ | ᠬᠡᠷᠡᠭᠰᠡᠯ᠂ ᠴᠠᠮ ᠤᠨ ᠵᠠᠰᠠᠯ ᠬᠤᠪᠴᠠᠰᠤ ᠶᠢ ᠣᠷᠠᠯᠠᠨ ᠴᠢᠮᠡᠭᠯᠡᠭᠰᠡᠨ ᠨᠢ ᠴᠠᠬᠠᠷ ᠤᠨ ᠣᠯᠠᠨ ᠰᠦᠮᠡ ᠶᠢᠨ ᠴᠠᠮ ᠤᠨ | ᠪᠠᠭ ᠠᠴᠠ ᠳᠠᠪᠠᠭᠰᠠᠨ ᠪᠠᠶᠢᠪᠠ᠃ | 1950～ 1958 ᠣᠨ ᠬᠦᠷᠲᠡᠯᠡ ᠠᠷᠠᠳ ᠨᠡᠶᠢᠲᠡ ᠶᠢᠨ ᠰᠣᠩᠭᠤᠭᠤᠯᠢ᠂ ᠠᠩᠬᠠᠳᠠᠭᠴᠢ ᠲᠠᠪᠣᠨ | ᠵᠢᠯ ᠤᠨ ᠲᠥᠯᠦᠪᠯᠡᠭᠡ᠂ ᠬᠤᠷᠰᠢᠶᠠᠵᠢᠭᠤᠯᠣᠯᠲᠠ ᠶᠢ ᠣᠷᠠᠯᠠᠨ ᠵᠢᠷᠣᠵᠤ ᠢᠳᠡᠪᠬᠢᠲᠡᠢ ᠣᠬᠠᠭᠤᠯᠪᠠ᠃ 1958 ᠣᠨ | ᠳᠤ ᠥᠪᠦᠷ ᠮᠣᠩᠭᠤᠯ ᠤᠨ ᠮᠦᠽᠸᠢ ᠶᠢ ᠪᠠᠶᠢᠭᠤᠯᠬᠤ ᠠᠵᠢᠯ ᠳᠤ ᠣᠷᠣᠯᠴᠠᠵᠤ᠂ ᠵᠢᠷᠣᠬᠤ᠂ ᠱᠣᠭᠤᠮᠠᠯ᠂ ᠴᠠᠷᠳᠠᠮᠠᠯ᠂ | ᠪᠠᠷᠢᠮᠠᠯ ᠤᠨ ᠠᠵᠢᠯ ᠢ ᠠᠷᠪᠢᠨ ᠬᠢᠵᠠᠢ᠃ ᠠᠭᠸᠠᠩ 1960 ᠣᠨ ᠳᠤ ᠥᠪᠦᠷ ᠮᠣᠩᠭᠤᠯ ᠤᠨ ᠠᠩᠬᠠᠳᠠᠭᠴᠢ | ᠣᠳᠠᠭᠠᠨ ᠤ ᠣᠳᠬᠠ ᠣᠷᠠᠯᠢᠭ ᠤᠨ ᠲᠥᠯᠦᠭᠡᠯᠡᠭᠴᠢᠳ ᠤᠨ ᠶᠡᠭᠡ ᠬᠤᠷᠠᠯ ᠳᠤ ᠣᠷᠣᠯᠴᠠᠪᠠ᠃ ᠵᠢᠷᠣᠭᠴᠢᠨ | ᠠᠭᠸᠠᠩ ᠤᠨ ᠵᠢᠷᠣᠭᠰᠠᠨ ︽ᠬᠤᠶᠠᠷ ᠪᠣᠣᠷᠠ ᠶᠢᠨ ᠲᠡᠮᠡᠴᠡᠭᠡᠨ︾᠂ ︽ᠪᠠᠭᠠ ᠡᠷᠢᠶᠡᠨ ᠤ ᠪᠠᠶᠢᠯᠳᠣᠭᠠᠨ︾᠂ ︽ | ᠱᠠᠩᠳᠤ ᠶᠢᠨ ᠭᠤᠣᠯ ᠤᠨ ᠬᠥᠪᠡᠭᠡᠨ ᠳᠠᠬᠢ ᠦᠬᠡᠷ ᠤᠨ ᠰᠦᠷᠦᠭ︾᠂ ︽ᠬᠤᠨᠢᠴᠢᠨ ᠬᠡᠦᠬᠡᠨ︾᠂ ︽ᠲᠠᠯᠠ | ᠨᠣᠲᠤᠭ ᠤᠨ ᠮᠠᠯᠴᠢᠳ︾ ᠵᠡᠷᠭᠡ ᠳᠣᠰᠣᠨ ᠪᠣᠳᠤᠭ ᠤᠨ ᠵᠢᠷᠤᠭ ᠨᠢ ᠲᠡᠭᠦᠨ ᠤ ᠰᠢᠯᠢᠳᠡᠭ ᠪᠥᠲᠦᠭᠡᠯ ᠤᠳ ᠪᠣᠯᠣᠨᠠ | ᠃ 1961 ᠣᠨ ᠳᠤ ᠨᠠᠮ ᠪᠠᠶᠢᠭᠤᠯᠣᠭᠳᠠᠭᠰᠠᠨ 40 ᠵᠢᠯ ᠤᠨ ᠣᠢ ᠳᠤ ᠪᠡᠯᠡᠭ ᠪᠣᠯᠭᠠᠵᠤ ᠵᠢᠷᠣᠭᠰᠠᠨ ︽ᠮᠣᠩᠭᠤᠯ | ᠦᠨᠳᠦᠰᠦᠲᠡᠨ ᠤ ᠬᠡ ᠣᠭᠠᠯᠵᠠ︾ ᠬᠡᠮᠡᠬᠦ ᠳᠣᠮᠣ ᠳᠡᠪᠲᠡᠷ ᠨᠢ ᠥᠪᠦᠷ ᠮᠣᠩᠭᠤᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ | ᠬᠤᠷᠢᠶᠠ ᠳᠤ ᠬᠡᠪᠯᠡᠭᠳᠡᠵᠡᠢ᠃ ᠡᠨᠡ ᠪᠣᠯ ᠲᠡᠭᠦᠨ ᠤ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠣᠯᠠᠮᠵᠢᠯᠠᠯᠲᠤ ᠬᠡ ᠣᠭᠠᠯᠵᠠ ᠶᠢᠨ | ᠥᠪ ᠬᠥᠷᠦᠩᠭᠡ ᠶᠢ ᠵᠠᠯᠭᠠᠮᠵᠢᠯᠠᠨ ᠠᠪᠴᠤ ᠬᠥᠭᠵᠢᠭᠦᠯᠦᠨ ᠳᠡᠯᠭᠡᠷᠡᠭᠦᠯᠦᠭᠰᠡᠨ ᠤ ᠣᠬᠢ ᠰᠣᠳᠤ ᠵᠢᠱᠢᠶᠡ ᠪᠢᠯᠡ᠃ | ᠠᠭᠸᠠᠩ᠂ 1990 ᠣᠨ ᠳᠤ ︽ᠴᠠᠬᠠᠷ ᠮᠣᠩᠭᠤᠯ︾᠂ ︽ᠰᠢᠯᠢ ᠶᠢᠨ ᠭᠤᠣᠯ ᠤᠨ ᠠᠯᠳᠠᠷᠲᠤ ᠬᠦᠮᠦᠰ | ︾᠂ 2004 ᠣᠨ ᠳᠤ ︽ᠮᠢᠩᠭᠠᠨ ᠬᠤᠰᠢᠭᠤᠨ ᠤ ᠲᠡᠦᠬᠡ ᠶᠢᠨ ᠲᠣᠶᠢᠮᠤ︾᠂ ︽ᠰᠢᠯᠣᠭᠤᠨ ᠬᠥᠬᠡ ᠬᠤᠰᠢᠭᠤᠨ | ᠤ ᠣᠶᠢᠯᠠᠯᠭᠠ ︵ᠳᠣᠣᠷᠠᠳᠤ︶︾ ᠬᠡᠮᠡᠬᠦ ᠵᠡᠷᠭᠡ ᠨᠣᠮ ᠳᠤ ᠲᠡᠮᠳᠡᠭᠯᠡᠭᠳᠡᠵᠡᠢ᠃ | ︽ᠰᠢᠯᠣᠭᠤᠨ ᠬᠥᠬᠡ ᠬᠤᠰᠢᠭᠤᠨ ᠤ ᠴᠣᠣᠲᠤ ᠬᠦᠮᠦᠰ︾ ᠭᠡᠬᠦ ᠨᠣᠮ ᠠᠴᠠ ᠮᠠᠶᠢᠯᠠᠰᠤ ᠪᠠᠭᠤᠯᠭᠠᠪᠠ | |