| ᠭᠤᠩᠭᠤᠷᠵᠡᠪ᠂ ᠬᠦᠯᠦ ᠴᠠᠭᠠᠨ ᠬᠤᠨᠢᠨ ᠰᠦᠷᠦᠭ ᠤᠨ ᠲᠤᠯᠴᠢ ᠬᠡᠮᠡᠬᠦ ᠭᠠᠵᠠᠷ ︵ᠤᠳᠤ ᠶᠢᠨ ᠰᠢᠯᠤᠭᠤᠨ | ᠬᠦᠬᠡ ᠬᠤᠰᠢᠭᠤᠨ ᠤ ᠠᠮᠪᠠᠨ ᠰᠢᠷᠠ ᠭᠠᠴᠠᠭᠠᠨ ᠤ ᠲᠤᠯᠴᠢ︶ ᠬᠡᠬᠦ ᠭᠠᠵᠠᠷ ᠲᠤ ᠨᠤᠳᠤᠭᠯᠠᠨ ᠰᠠᠭᠤᠳᠠᠭ ᠰᠠᠷᠳᠠᠭᠤᠯ | ᠤᠪᠤᠭ ᠲᠠᠢ ᠭᠤᠩᠭᠤᠷᠵᠠᠪ ᠬᠡᠳᠡᠭ ᠠᠮᠪᠠᠨ ᠪᠠᠶᠢᠵᠠᠢ᠃ | ᠡᠨᠡ ᠠᠮᠪᠠᠨ ᠶᠠᠮᠠᠷ ᠠᠶᠢᠯ ᠳᠤ ᠬᠡᠳᠦᠢ ᠳᠤ ᠲᠦᠷᠦᠭᠰᠡᠨ ᠨᠢ ᠲᠤᠳᠤᠷᠬᠠᠢ ᠦᠬᠡᠢ᠃ ︽1907 ᠤᠨ ᠳᠤ ᠲᠠᠯᠠ | ᠤᠷᠴᠢᠮ ᠨᠠᠰᠤᠨ ᠳᠠᠭᠠᠨ ᠦᠬᠦᠭᠰᠡᠨ︾ ᠬᠡᠳᠡᠭ ᠢᠶᠠᠷ ᠪᠤᠳᠤᠪᠠᠯ 1840 ᠤᠨ ᠤ ᠨᠠᠭᠠᠭᠤᠷ ᠴᠠᠭᠠᠭᠤᠷ ᠲᠦᠷᠦᠭᠰᠡᠨ | ᠰᠢᠭ ᠪᠠᠶᠢᠨᠠ᠃ ᠪᠡᠶᠡ ᠨᠢ ᠲᠠᠷᠭᠤᠨ ᠪᠦᠳᠦᠬᠦᠨ ᠬᠦᠮᠦᠨ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠤᠯᠠᠨ ᠢᠶᠠᠷ ᠢᠶᠠᠨ ᠲᠡᠬᠦᠨ ᠢ | ᠪᠦᠳᠦᠬᠦᠨ ᠠᠮᠪᠠᠨ ᠬᠡᠵᠦ ᠲᠠᠭᠤᠳᠠᠳᠠᠭ ᠪᠠᠶᠢᠵᠠᠢ᠃ | ᠭᠤ ᠠᠮᠪᠠᠨ ᠰᠤᠶᠤᠯ ᠪᠤᠯᠪᠠᠰᠤᠷᠠᠯ ᠲᠤᠤᠷᠠ᠂ ᠬᠤᠪᠳᠤᠭ ᠰᠢᠨᠤᠬᠠᠢ ᠵᠠᠩ ᠲᠠᠢ᠂ ᠠᠵᠢᠯ ᠲᠤᠰᠢᠶᠠᠯ | ᠳᠠᠭᠠᠨ ᠬᠠᠷᠢᠭᠤᠴᠠᠯᠭᠠ ᠮᠠᠭᠤᠳᠠᠢ᠂ ᠪᠤᠰᠤᠳ ᠤᠨ ᠵᠤᠪᠠᠯᠠᠩ ᠲᠡᠭᠡᠷᠡ ᠦᠪᠡᠷ ᠤᠨ ᠵᠢᠷᠭᠠᠯ ᠢᠶᠠᠨ ᠪᠠᠶᠢᠭᠤᠯᠳᠠᠭ | ᠬᠦᠮᠦᠨ ᠪᠠᠶᠢᠵᠠᠢ᠃ | ᠭᠤᠩᠭᠤᠷᠵᠡᠪ ᠠᠮᠪᠠᠨ ᠤ ᠲᠤᠰᠢᠶᠠᠯ ᠳᠤ ᠭᠠᠷᠬᠤ ᠠᠴᠠ ᠪᠠᠨ ᠡᠮᠤᠨᠡ ᠦᠬᠡᠷ ᠬᠤᠨᠢᠨ ᠰᠦᠷᠦᠭ ᠤᠨ ᠠᠯᠢ | ᠨᠢᠬᠡᠨ ᠳᠤᠨᠢ ᠬᠤᠰᠠᠢ ᠳ᠋ᠠ ᠪᠤᠶᠤ ᠲᠡᠳ᠋ ᠠᠮᠪᠠᠨ ᠪᠠᠶᠢᠭᠰᠠᠨ ᠴᠦ ᠪᠠᠶᠢᠵᠦ ᠲᠠᠭᠠᠷᠠᠨᠠ᠃ ᠲᠡᠷᠡ ᠪᠠᠳᠠᠷᠠᠭᠤᠯᠳᠤ | ᠲᠦᠷᠦ ᠶᠢᠨ ᠬᠤᠷᠢᠨ ᠬᠡᠳᠦᠨ ᠤᠨ ᠪᠤᠶᠤ 1899 ᠤᠨ ᠤ ᠪᠠᠷᠤᠭ ᠲᠤ ᠠᠮᠪᠠᠨ ᠪᠤᠯᠤᠭᠰᠠᠨ ᠰᠢᠭ᠋ ᠪᠠᠶᠢᠨᠠ᠃ | ᠲᠡᠷᠡ ᠠᠮᠪᠠᠨ ᠪᠤᠯᠤᠭᠰᠠᠨ ᠤ ᠲᠠᠷᠠᠭᠠ ᠲᠤᠯᠴᠢᠨ ᠲᠠᠯᠠ ᠶᠢᠨ ᠬᠦᠯ ᠳᠤ ᠪᠠᠶᠢᠭᠠ ᠲᠤᠶᠢᠮᠦᠯᠵᠢᠨ ᠬᠡᠳᠡᠭ | ᠮᠠᠩᠬᠠᠨ ᠤ ᠤᠷᠤᠢ ᠲᠡᠭᠡᠷᠡ ᠬᠡᠢ ᠮᠤᠷᠢ ᠪᠠᠨ ᠰᠡᠷᠬᠦᠬᠡᠨᠡ ᠬᠡᠵᠦ ᠭᠠᠷᠤᠭᠰᠠᠨ ᠴᠢᠨᠢ᠂ ᠮᠠᠩᠬᠠᠨ ᠲᠡᠭᠡᠷᠡ ᠬᠤᠶᠠᠷ | ᠴᠢᠨ᠋ᠸᠠ ᠪᠠᠶᠢᠬᠤ ᠲᠠᠢ ᠲᠠᠭᠠᠷᠠᠯᠳᠤᠭᠰᠠᠨ ᠬᠡᠨᠡ᠃ ᠭᠤ ᠠᠮᠪᠠᠨ ᠴᠢᠨ᠋ᠸᠠ ᠶᠢ ᠦᠵᠡᠬᠡᠳ ︽ᠲᠡᠭᠷᠢ ᠠᠴᠠ ᠨᠡᠮᠠᠢᠢ | ᠦᠬᠡᠷ ᠬᠤᠨᠢᠨ ᠰᠦᠷᠦᠭ ᠢ ᠴᠢᠨ᠋ᠸᠠ ᠰᠢᠭ᠋ ᠢᠳᠡ ᠬᠡᠰᠡᠨ ᠲᠤᠬᠢᠶᠠ ᠦᠭᠴᠦ ᠪᠠᠶᠢᠭᠠ ᠶᠤᠮ ᠪᠠᠶᠢᠨᠠ ᠰᠢᠪ ᠳ᠋ᠡ᠂ | ᠢᠳᠡᠨᠡ ᠳ᠋ᠧ︕︾ ᠬᠡᠯᠡ ᠬᠡᠰᠡᠨ ᠲᠤᠮᠤᠭ ᠪᠠᠶᠢᠳᠠᠭ᠃ ᠭᠤ ᠠᠮᠪᠠᠨ ᠲᠤᠰᠢᠶᠠᠯ ᠳᠤ ᠪᠠᠶᠢᠬᠤ ᠬᠤᠭᠤᠴᠠᠭᠠᠨ ᠳᠤ | ᠪᠠᠨ ᠴᠢᠭᠤᠯᠤᠯᠳᠦ ᠬᠠᠭᠠᠯᠭᠠ ᠬᠤᠳᠠᠨ ᠤ ᠨᠢᠬᠡᠨ ᠠᠷᠠᠯᠵᠢᠶᠠᠴᠢᠨ ᠤ ᠫᠦᠰᠡ ᠶᠢᠨ ᠵᠡᠩᠬᠦᠶᠢᠳᠡ ᠯᠢ ᠳ᠋ᠠ ᠬᠡᠳᠡᠭ ᠲᠠᠢ | ᠲᠠᠨᠢᠯᠴᠠᠨ ᠦᠷᠬᠦᠯᠵᠢ ᠲᠡᠳᠡᠨ ᠤ ᠬᠢ ᠠᠴᠠ ᠬᠦᠦ ᠲᠠᠢ ᠮᠦᠩᠬᠦ ᠵᠢᠬᠡᠯᠡᠨ ᠠᠪᠴᠤ ᠲᠡᠬᠦᠨ ᠢ ᠪᠠᠨ ᠠᠷᠠᠳ ᠤᠯᠠᠨ | ᠢᠶᠠᠷ ᠲᠦᠯᠦᠬᠦᠯᠳᠡᠭ ᠪᠠᠶᠢᠵᠠᠢ᠃ ᠢᠯᠡᠩᠭᠤᠶᠠ ᠭᠤᠷᠪᠠᠨ ᠬᠤᠰᠢᠭᠤ ᠲᠠᠷᠢᠭᠠᠩᠭᠠ ᠦᠬᠡᠷ ᠬᠤᠨᠢᠨ ᠰᠦᠷᠦᠭ ᠲᠤ | ᠨᠤᠭᠳᠠᠭᠰᠠᠨ ︽ᠴᠠᠭᠠᠨ ᠬᠤᠯᠤᠭᠠᠨᠠ ᠵᠢᠯ ᠤᠨ ᠲᠦᠯᠦᠪᠦᠷᠢ︾ ᠶᠢᠨ ᠮᠦᠩᠬᠦ ᠶᠢ ᠦᠭᠴᠦ ᠴᠢᠳᠠᠭᠰᠠᠨ ᠦᠬᠡᠢ | ᠪᠤᠷᠤᠭᠤᠳᠠᠵᠦ ᠠᠯᠪᠠᠨ ᠬᠦᠢᠴᠡᠳᠭᠡᠭᠰᠡᠨ ᠦᠬᠡᠢ ᠶᠡᠯᠡ ᠪᠠᠷ ᠴᠠᠬᠠᠷ ᠳ᠋ᠠᠲ᠋ᠦ᠋ᠩ ᠶᠠᠮᠤᠨ ᠳᠤ ᠲᠠᠭᠤᠳᠠᠭᠳᠠᠭᠰᠠᠨ | ᠪᠠᠶᠢᠵᠠᠢ᠃ ᠡᠨᠡ ᠦᠶᠠ ᠳᠤ ᠭᠤ ᠠᠮᠪᠠᠨ ᠰᠠᠨᠳᠤᠷᠬᠤ ᠳᠠᠭᠠᠨ ᠲᠡᠬᠦᠨ ᠤ ᠲᠠᠨᠢᠯ᠂ ᠦᠬᠡᠳᠡ ᠤᠷᠤᠭᠤ ᠶᠠᠪᠤᠯᠴᠠᠨ᠂ | ᠵᠤᠭᠤᠰ ᠮᠦᠩᠬᠦ ᠵᠢᠬᠡᠯᠡᠳᠡᠭ ᠰᠠᠶᠢᠬᠠᠨ ᠠᠬᠠ ᠲᠡᠬᠦᠦ ᠴᠢᠭᠤᠯᠤᠯᠳᠤ ᠬᠠᠭᠠᠯᠭᠠ ᠶᠢᠨ ᠨᠡᠷᠡ ᠲᠠᠢ ᠯᠢ ᠳ᠋ᠠ ᠬᠡᠳᠡᠭ | ᠪᠠᠶᠠᠨ ᠫᠦᠰᠡ ᠶᠢᠨ ᠳᠡᠭᠡᠨ ᠬᠦᠷᠴᠦ ᠪᠤᠷᠤᠭᠤᠳᠠᠭᠰᠠᠨ ᠤᠴᠢᠷ ᠶᠠᠪᠤᠳᠠᠯ ᠢᠶᠠᠨ ᠦᠴᠢᠵᠦ ︽ᠮᠢᠨᠦ ᠠᠮᠢ ᠯᠢ ᠳ᠋ᠠ | ᠲᠠᠨ ᠤ ᠭᠠᠷ ᠲᠤ ᠪᠠᠶᠢᠨᠠ︾ ᠬᠡᠮᠡᠨ ᠭᠤ ᠠᠮᠪᠠᠨ ᠯᠢ ᠳ᠋ᠠ ᠵᠠᠩᠬᠦᠶᠢᠳᠡ ᠳᠤ ᠭᠤᠶᠤᠵᠦ ᠦᠨᠳᠦᠷ ᠬᠦᠦ ᠲᠠᠢ | ᠲᠦᠮᠡᠨ ᠯᠠᠩ ᠮᠦᠩᠬᠦ ᠵᠢᠬᠡᠯᠡᠨ ᠠᠪᠤᠭᠠᠳ ᠠᠯᠪᠠ ᠡᠬᠦᠷᠬᠡ ᠪᠠᠨ ᠲᠦᠯᠦᠵᠦ ᠬᠦᠢᠴᠡᠳᠬᠡᠬᠡᠳ ᠶᠡᠯᠡ ᠳᠤ ᠤᠷᠤᠯ | ᠦᠬᠡᠢ ᠠᠷᠠᠢ ᠴᠢᠮᠡᠢ ᠠᠮᠢ ᠮᠠᠨᠳᠤ ᠭᠠᠷᠴᠠᠢ᠃ ᠲᠡᠷᠡᠴᠢᠯᠡᠨ ᠠᠮᠪᠠᠨ ᠨᠤᠶᠠᠨ ᠤ ᠬᠤᠪᠢ ᠪᠠᠷ ᠢᠶᠠᠨ ᠤᠷᠢᠳ ᠬᠤᠵᠢᠳ | ᠲᠤᠰ ᠫᠦᠰᠡ ᠠᠴᠠ ᠵᠢᠬᠡᠯᠡᠨ ᠠᠪᠤᠭᠰᠠᠨ ᠦᠨᠳᠦᠷ ᠬᠦᠦ ᠲᠠᠢ ᠮᠦᠩᠬᠦ ᠨᠢ ᠦᠬᠡᠷ ᠬᠤᠨᠢᠨ ᠰᠦᠷᠦᠭ ᠤᠨ ᠠᠷᠠᠳ | ᠤᠯᠠᠨ ᠤ ᠲᠦᠯᠦᠵᠦ ᠪᠠᠷᠠᠰᠢ ᠦᠬᠡᠢ ᠦᠷᠢ ᠲᠠᠷᠤᠭᠠᠰᠤ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠭᠤ ᠠᠮᠪᠠᠨ ᠡᠳᠡᠬᠡᠷ ᠬᠦᠦ ᠲᠠᠢ | ᠮᠦᠩᠬᠦ ᠶᠢ ᠲᠦᠯᠦᠬᠦ ᠳᠤ ᠪᠠᠨ ᠬᠡᠳᠦᠨ ᠵᠢᠯ ᠲᠠᠷᠠᠭᠠᠯᠠᠨ ᠠᠷᠠᠳ ᠤᠯᠠᠨ ᠳᠤ ᠠᠯᠪᠠ ᠡᠬᠦᠷᠬᠡ ᠲᠤᠰᠢᠶᠠᠨ ︽ᠲᠠᠪᠤᠨ | ᠪᠡᠷᠰ︾ ᠬᠡᠳᠡᠭ ᠨᠤᠬᠠᠢ ᠶᠢᠨ ᠭᠤᠶᠠ ᠪᠠᠨ ᠬᠦᠳᠡᠯᠬᠡᠨ ᠵᠦᠭ ᠪᠤᠯᠭᠠᠨ ᠳᠤ ᠲᠠᠬᠠᠷ ᠪᠤᠤᠬᠢᠶᠠ ᠲᠠᠪᠬᠢᠭᠤᠯᠤᠨ ᠠᠶᠢᠯ | ᠤᠳ ᠤᠨ ᠦᠬᠡᠷ ᠠᠴᠠ ᠠᠯᠢ ᠰᠠᠶᠢᠨ ᠢ ᠨᠢ ᠰᠢᠯᠢᠨ ᠲᠠᠭᠤᠵᠦ ᠠᠪᠠᠴᠢᠨ ᠦᠷᠢ ᠪᠠᠨ ᠨᠡᠬᠡᠬᠦ ᠪᠠᠷ ᠢᠷᠡᠭᠰᠡᠨ ᠯᠢ ᠳ᠋ᠠ | ᠫᠦᠰᠡ ᠶᠢᠨ ᠬᠢᠳᠠᠳ ᠲᠤ ᠲᠤᠰᠢᠶᠠᠳᠠᠭ ᠪᠠᠶᠢᠯᠠ᠃ ᠡᠬᠦᠪᠡᠷ ᠪᠠᠷᠠᠬᠤ ᠦᠬᠡᠢ ᠠᠮᠪᠠᠨ ᠨᠤᠶᠠᠨ ᠤ ᠠᠶᠢᠯ ᠬᠡᠷ ᠤᠨ | ᠦᠷᠢ ᠰᠢᠷᠢ᠂ ᠠᠮᠢᠳᠤᠷᠠᠯ ᠤᠨ ᠬᠡᠷᠡᠭᠴᠡᠬᠡᠨ ᠳᠡᠭᠡᠨ ᠴᠦ ᠠᠷᠠᠳ ᠤᠯᠠᠨ ᠳᠤ ᠠᠯᠪᠠ ᠲᠡᠰᠬᠡᠨ ᠲᠠᠬᠠᠷ ᠲᠠᠪᠬᠢᠭᠤᠯᠤᠨ | ᠦᠬᠡᠷ ᠮᠠᠯ ᠢ ᠨᠢ ᠲᠠᠭᠤᠵᠦ ᠠᠪᠴᠢᠷᠠᠭᠠᠳ ᠢᠳᠡᠳᠡᠭ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠠᠮᠪᠠᠨ ᠨᠤᠶᠠᠨ ᠨᠠᠰᠤ ᠠᠬᠢᠵᠦ ᠡᠪᠡᠳᠴᠢᠯᠡᠨ ᠬᠡᠪᠳᠡᠵᠦ᠂ ᠦᠬᠦᠬᠦ ᠤᠶᠢᠷᠠᠳᠬᠤ ᠳᠠᠭᠠᠨ ᠵᠠᠩ ᠠᠭᠠᠰᠢ ᠨᠢ | ᠨᠡᠩ ᠴᠦ ᠡᠳᠡᠬᠡᠳ ᠵᠦᠷᠢᠬᠦᠳ ᠪᠤᠯᠵᠦ᠂ ᠵᠤᠨ ᠤ ᠵᠢᠷᠭᠤᠭᠠᠨ ᠰᠠᠷᠠ ᠳᠤ ᠭᠠᠭᠴᠠ ᠦᠨᠢᠶᠠ ᠲᠠᠢ ᠠᠶᠢᠯ ᠤᠨ | ᠲᠤᠭᠤᠯ ᠢ ᠨᠢ ᠰᠠᠯᠭᠠᠨ ᠠᠪᠴᠢᠷᠡᠵᠦ᠂ ᠠᠯᠠᠭᠤᠯᠵᠦ᠂ ᠠᠷᠠᠰᠤ ᠶᠢ ᠨᠢ ᠦᠪᠴᠢᠵᠦ ᠵᠠᠪᠳᠤᠯ ᠦᠬᠡᠢ ᠦᠷᠦᠴᠡ | ᠬᠠᠪᠢ ᠶᠢᠨ ᠮᠢᠬᠠ ᠠᠴᠠ ᠠᠪᠴᠤ ᠬᠠᠷᠠ ᠱᠦᠯᠦ ᠪᠤᠴᠠᠯᠭᠠᠨ᠂ ᠦᠨᠳᠡᠶᠢᠨ ᠪᠤᠰᠴᠤ ᠨᠢᠬᠡ ᠤᠭᠤᠴᠢᠭᠠᠳ ︽ᠲᠦᠢ︾ | ᠬᠡᠵᠦ ᠨᠤᠯᠮᠤᠭᠠᠳ ︽ᠵᠠ᠂ ᠰᠠᠨᠠᠭᠠ ᠠᠮᠤᠷᠪᠠ᠂ ᠤᠳᠤ ᠲᠠᠬᠢᠭᠠᠳ ᠬᠡᠨ ᠤ ᠳᠤ ᠪᠠᠭᠤᠳᠠᠭ ᠪᠢᠯᠡ︾ ᠬᠡᠵᠦ | ᠲᠠᠷᠠᠭᠠᠴᠢ ᠶᠢᠨ ᠲᠠᠭᠤᠵᠦ ᠢᠳᠡᠬᠦ ᠭᠠᠭᠴᠠ ᠬᠤᠶᠠᠷ ᠦᠬᠡᠷ ᠲᠠᠢ ᠠᠶᠢᠯ ᠤᠳ ᠢ ᠪᠤᠳᠤᠯᠬᠢᠯᠠᠨ ᠬᠡᠪᠳᠡᠪᠡ ᠬᠡᠳᠡᠭ | ᠪᠢᠯᠡ᠃ ᠡᠶᠢᠮᠦ ᠠᠴᠠ ᠠᠷᠠᠳ ᠤᠯᠠᠨ ᠭᠤ ᠠᠮᠪᠠᠨ ᠤ ︽ᠭᠤᠯᠤᠮᠳᠠ ᠨᠢ ᠬᠠᠷᠠᠯᠠᠵᠦ ᠦᠨᠳᠦᠰᠦ ᠨᠢ ᠲᠠᠰᠤᠷᠠ︾ | ᠬᠡᠵᠦ ᠬᠠᠷᠢᠶᠠᠳᠠᠭ ᠪᠤᠯᠵᠠᠢ᠃ | ᠭᠤ ᠠᠮᠪᠠᠨ ᠵᠤᠭᠤᠰ ᠮᠦᠩᠬᠦ ᠤᠯᠬᠤ ᠶᠢ ᠤᠯᠠᠨ ᠲᠠᠯᠠ ᠪᠠᠷ ᠪᠤᠳᠤᠵᠦ᠂ ᠡᠪᠤᠯ ᠤᠨ ᠴᠠᠭ ᠲᠤ ᠠᠶᠢᠯ | ᠤᠳ ᠤᠨ ᠬᠢᠴᠢᠢ ᠳᠤ ᠴᠤᠭᠯᠠᠷᠠᠭᠰᠠᠨ ᠨᠤᠬᠠᠢ ᠶᠢ ᠠᠯᠠᠭᠤᠯᠵᠦ ᠠᠷᠠᠰᠤ ᠶᠢ ᠨᠢ ᠠᠪᠬᠤ ᠳᠤ ᠬᠦᠷᠳᠡᠯᠡ ᠬᠤᠵᠢᠮᠳᠠᠳᠠᠭ | ᠦᠬᠡᠢ ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ | ᠭᠤ ᠠᠮᠪᠠᠨ ᠤᠳᠠᠭᠠᠨ ᠡᠳᠦᠷ ᠰᠢᠷᠬᠠᠯᠠᠨ ᠬᠡᠪᠳᠡᠭᠰᠡᠨ ᠠᠴᠠ ᠪᠤᠯᠵᠦ᠂ ᠪᠡᠶᠡ ᠴᠢᠯᠡᠬᠡᠷᠭᠡᠭᠰᠡᠨ ᠪᠤᠯᠬᠤᠷ | ᠪᠦᠰᠡᠬᠦᠢ ᠬᠦᠮᠦᠨ ᠤ ᠪᠡᠶᠡ ᠶᠢ ᠵᠦᠬᠡᠯᠡᠨ ᠬᠡᠵᠦ ᠬᠠᠪᠢ ᠶᠢᠨ ᠮᠠᠯᠴᠢᠨ ᠪᠦᠰᠡᠬᠦᠶᠢᠴᠤᠳ ᠢ ᠠᠯᠪᠠᠳᠠᠨ ᠠᠪᠴᠢᠷᠠᠵᠦ | ᠨᠢᠴᠦᠬᠦᠯᠠᠵᠦ ᠲᠤᠤᠷᠠ ᠪᠠᠨ ᠵᠡᠷᠬᠡᠴᠡᠬᠦᠯᠦᠨ ᠲᠠᠪᠢᠰᠴᠦ ᠬᠡᠪᠳᠡᠳᠡᠭ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠰᠢᠷᠠ ᠪᠡᠴᠢᠨ ᠵᠢᠯ | ︵1908 ᠤᠨ︶ ᠠᠮᠪᠠᠨ ᠨᠤᠶᠠᠨ ᠠᠮᠢᠰᠬᠤᠭᠠ ᠬᠤᠷᠢᠶᠠᠵᠦ ᠠᠯᠳᠠᠨ ᠲᠡᠯᠡᠬᠡᠢ ᠠᠴᠠ ᠠᠩᠬᠢᠵᠢᠷᠠᠬᠤ ᠳᠤ ᠪᠠᠨ ᠴᠦ | ᠡᠮᠡᠭᠳᠡᠢ ᠬᠦᠮᠦᠨ ᠢ ᠲᠠᠪᠢᠰᠦᠨ ᠬᠡᠪᠳᠡᠵᠦ ᠪᠠᠶᠢᠭᠰᠠᠨ ᠬᠡᠳᠡᠭ᠃ | ᠭᠤ ᠠᠮᠪᠠᠨ ᠤ ᠬᠡᠷ ᠡᠷᠦᠬᠡ ᠶᠢᠨ ᠪᠦᠬᠦ ᠡᠷᠬᠡ ᠶᠢ ᠶᠡᠷᠤᠩᠬᠡᠶᠢᠯᠡᠨ ᠬᠠᠮᠢᠶᠠᠷᠤᠭᠴᠢ᠂ ᠠᠮᠪᠠᠨ ᠨᠤᠶᠠᠨ ᠳᠤ | ᠠᠷᠭᠠ ᠤᠬᠠᠭᠠᠨ ᠵᠢᠭᠠᠵᠦ ᠦᠭᠳᠡᠭ ᠪᠠᠭᠠ ᠡᠮᠡ ︽ᠤᠭᠳᠤᠷ ᠬᠠᠳᠤᠨ︾ ᠠᠮᠪᠠᠨ ᠤ ᠦᠬᠦᠭᠰᠡᠨ ᠢ ᠠᠷᠪᠠᠨ ᠡᠳᠦᠷ | ᠨᠢᠭᠤᠵᠦ ᠠᠮᠪᠠᠨ ᠤ ᠨᠡᠷᠡ ᠪᠠᠷ ᠠᠷᠠᠳ ᠤᠯᠠᠨ ᠠᠴᠠ ᠮᠠᠯ ᠪᠤᠯᠢᠶᠠᠨ ᠠᠪᠴᠢᠷᠠᠵᠦ ᠦᠷᠢ ᠨᠡᠬᠡᠬᠦ ᠪᠠᠷ ᠢᠷᠡᠭᠰᠡᠨ | ᠬᠢᠳᠡᠳ ᠲᠤ ᠦᠭᠬᠦᠭᠰᠡᠬᠡᠷ ᠪᠠᠶᠢᠵᠠᠢ᠃ ᠦᠬᠦᠳᠡᠯ ᠢ ᠨᠢ ᠨᠢᠭᠤᠵᠦ ᠲᠠᠷᠤᠬᠤ ᠶᠢᠨ ᠠᠷᠭᠠ ᠦᠬᠡᠢ ᠪᠤᠯᠵᠦ ᠠᠷᠪᠠᠨ | ᠡᠳᠦᠷ ᠲᠤ ᠪᠠᠨ ᠮᠡᠳᠡᠭᠳᠡᠭᠰᠡᠨ ᠳᠤ᠂ ᠦᠷᠢ ᠪᠠᠨ ᠠᠪᠬᠤ ᠪᠠᠷ ᠢᠷᠡᠭᠰᠡᠨ ᠯᠢ ᠳ᠋ᠠ ᠫᠦᠰᠡ ᠶᠢᠨ ᠬᠢᠳᠡᠳ ᠤᠳ | ᠠᠮᠪᠠᠨ ᠤ ᠦᠬᠦᠭᠰᠡᠨ ᠬᠡᠷ ᠠᠴᠠ ᠪᠤᠰᠤᠳ ᠢ ᠨᠢ ᠪᠦᠬᠦᠨ ᠢ ᠤᠨᠢᠰᠤᠯᠠᠨ ᠪᠢᠳᠡᠬᠦᠮᠵᠢᠯᠡᠵᠦ ᠦᠷᠢᠨ ᠳᠡᠭᠡᠨ ᠪᠤᠳᠤᠵᠦ | ᠠᠪᠤᠭᠰᠠᠨ ᠪᠦᠬᠡᠳ ᠠᠮᠪᠠᠨ ᠤ ᠬᠤᠪᠢᠨ ᠤ ᠮᠠᠯ ᠬᠦᠷᠦᠩᠭᠡ ᠶᠢ ᠬᠤᠷᠢᠶᠡᠵᠦ ᠪᠠᠰᠠ ᠬᠦᠷᠦᠭᠰᠡᠨ ᠦᠬᠡᠢ᠂ | ᠡᠪᠤᠯᠵᠢᠶᠠᠨ ᠤ ᠬᠢᠨᠢ ᠤᠷᠭᠤᠭᠠ ᠮᠤᠳᠤᠳ ᠢ ᠪᠦᠬᠦᠨ ᠢ ᠤᠭᠳᠤᠯᠤᠨ ᠠᠪᠴᠤ ᠦᠷᠢᠨ ᠳᠡᠭᠡᠨ ᠠᠪᠴᠠᠢ᠃ ︽ | ᠬᠠᠳᠤᠨ ᠦᠬᠦᠪᠡᠯ ᠬᠠᠳᠠᠪᠴᠢ ᠪᠠᠶᠢᠬᠤ ᠦᠬᠡᠢ᠂ ᠨᠤᠶᠠᠨ ᠦᠬᠦᠪᠠᠯ ᠨᠤᠬᠠᠢ ᠴᠦ ᠱᠠᠭᠠᠶᠢᠬᠤ ᠦᠬᠡᠢ︾ ᠬᠡᠳᠡᠭ | ᠪᠤᠯᠵᠦ ᠠᠮᠪᠠᠨ ᠤ ᠰᠢᠳᠠᠷ ᠨᠤᠬᠠᠢ ᠶᠢᠨ ᠭᠤᠶᠠ ᠤᠪᠤᠭ ᠲᠦᠷᠦᠯ ᠤᠨ ᠬᠢ ᠠᠴᠠ ᠨᠢ ᠪᠤᠰᠤᠳ ᠬᠦᠮᠦᠰ ᠲᠡᠬᠦᠨ ᠢ | ᠦᠬᠦᠯᠡ ᠬᠡᠵᠦ ᠭᠠᠰᠢᠭᠤᠳᠠᠭᠰᠠᠨ ᠦᠬᠡᠢ᠂ ᠬᠠᠷᠢᠨ ︽ᠪᠦᠳᠦᠬᠦᠨ ᠠᠮᠪᠠᠨ ᠦᠬᠦᠵᠦ ᠬᠡᠨᠡ᠂ ᠪᠠᠶᠠᠷ︾ ᠬᠡᠵᠦ | ᠬᠠᠷᠢᠯᠴᠠᠨ ᠪᠡᠶᠡ ᠪᠡᠶᠡᠨ ᠳᠡᠭᠡᠨ ᠴᠢᠮᠡᠭᠡ ᠮᠡᠳᠡᠭᠡ ᠬᠦᠷᠬᠡᠯᠴᠡᠵᠦ ᠪᠠᠶᠢᠵᠠᠢ᠃ | ᠭᠤ ᠠᠮᠪᠠᠨ ᠤ ᠶᠡᠭᠡ ᠬᠠᠳᠤᠨ ᠠᠴᠠ ᠨᠢᠬᠡ ᠬᠦᠪᠡᠬᠦᠨ ᠲᠦᠷᠦᠵᠠᠢ᠃ ᠲᠡᠬᠦᠨ ᠢ ᠪᠠᠨ ᠯᠠᠮᠠ ᠪᠤᠯᠭᠠᠨ | ᠬᠠᠳᠠᠨᠬᠤᠰᠢᠭᠤ ᠰᠦᠮᠡ ᠳᠤ ᠰᠠᠭᠤᠯᠭᠠᠵᠠᠢ᠃ ᠲᠡᠷᠡ ᠨᠢ ᠠᠷᠪᠠᠨ ᠨᠠᠢᠮᠠᠳᠠᠢ ᠰᠤᠭᠴᠢᠨ ᠬᠡᠪᠬᠦᠢ ᠰᠠᠭᠤᠵᠦ᠂ ᠬᠤᠷᠢᠨ | ᠲᠠᠪᠤᠨ ᠨᠠᠰᠤᠳᠠᠢ ᠬᠠᠳᠠᠨᠬᠤᠰᠢᠭᠤ ᠰᠦᠮᠠ ᠶᠢᠨ ᠳ᠋ᠠ ᠯᠠᠮᠠ ᠰᠠᠭᠤᠭᠰᠠᠨ ᠪᠠᠶᠢᠨᠠ᠃ ᠲᠡᠷᠡ ᠡᠷᠳᠡᠮ ᠨᠤᠮ ᠲᠠᠢ ᠯᠠᠮᠠ | ᠪᠠᠶᠢᠭᠰᠠᠨ ᠪᠤᠯᠪᠠᠴᠤ ᠲᠦᠴᠢᠨ ᠨᠠᠰᠤ ᠬᠦᠷᠦᠭᠰᠡᠨ ᠦᠬᠡᠢ ᠡᠴᠢᠬᠡ ᠠᠴᠠ ᠪᠠᠨ ᠲᠦᠷᠦᠬᠦᠦ ᠦᠬᠦᠭᠰᠡᠨ ᠪᠠᠶᠢᠵᠠᠢ᠃ | ᠬᠤᠶᠠᠳᠤᠭᠠᠷ ᠬᠠᠳᠤᠨ ᠢ ᠨᠢ ᠨᠡᠷᠡ ᠶᠢ ᠨᠢ ᠬᠡᠯᠡᠬᠦ ᠦᠬᠡᠢ ᠪᠦᠬᠦᠳᠡᠬᠡᠷ ︽ᠤᠭᠳᠤᠷ ᠬᠠᠳᠤᠨ︾ ᠬᠡᠳᠡᠭ᠃ ᠲᠡᠬᠦᠨ | ᠠᠴᠠ ᠨᠢᠬᠡ ᠬᠡᠤᠬᠡᠨ ᠲᠠᠢ᠂ ᠭᠤ ᠠᠮᠪᠠᠨ ᠠᠴᠠ ᠬᠤᠶᠢᠰᠢ ᠤᠭᠳᠤᠷ ᠬᠠᠳᠤᠨ ᠠᠴᠠ ᠨᠢᠬᠡ ᠬᠦᠪᠡᠬᠦᠨ ᠲᠦᠷᠦᠭᠰᠡᠨ | ᠪᠤᠯᠪᠠᠴᠤ ᠲᠡᠷᠡ ᠨᠢ ᠬᠤᠷᠢᠨ ᠬᠡᠳᠦᠨ ᠨᠠᠰᠤᠳᠠᠢ ᠦᠬᠦᠵᠦ᠂ ᠦᠨᠳᠦᠰᠦ ᠲᠠᠰᠤᠷᠠᠨ᠂ ᠠᠷᠠᠳ ᠤᠯᠠᠨ ᠤ ᠵᠦᠬᠡᠭᠰᠡᠨ | ᠮᠠᠳᠤ ᠭᠤᠨᠢᠭᠳᠠᠢ ᠲᠠᠭᠤᠰᠴᠠᠢ᠃ | ᠭᠤᠩᠭᠤᠷᠵᠡᠪ 2004 ᠤᠨ ᠳᠤ ︽ᠮᠢᠩᠭᠠᠨ ᠬᠤᠰᠢᠭᠤᠨ ᠤ ᠲᠤᠶᠢᠮᠦ︾ ᠬᠡᠮᠡᠬᠦ ᠨᠤᠮ ᠳᠤ | ᠲᠡᠮᠳᠡᠭᠯᠡᠭᠳᠡᠵᠡᠢ᠃ | —— ︽ᠰᠢᠯᠤᠭᠤᠨ ᠬᠦᠬᠡ ᠬᠤᠰᠢᠭᠤᠨ ᠤ ᠴᠤᠤᠳᠤ ᠬᠦᠮᠦᠰ︾ ᠬᠡᠮᠡᠬᠦ ᠨᠤᠮ ᠠᠴᠠ ᠮᠦᠳᠡᠭ ᠰᠠᠶᠢᠷᠡᠬᠦᠯᠪᠡ᠃ | |