| ᠪᠠᠶᠠᠰᠬᠤᠯᠠᠩ ︵1922～ 1951 ᠣᠨ︶᠂ ᠰᠢᠯᠣᠭᠤᠨ ᠬᠥᠬᠡ ᠬᠤᠰᠢᠭᠤᠨ ᠤ ᠥᠭᠡᠯᠡᠳ ᠶᠢᠰᠦ | ᠰᠣᠮᠣᠨ ᠤ ᠬᠦᠮᠦᠨ᠂ ᠡᠩ ᠤᠨ ᠮᠠᠯᠴᠢᠨ ᠵᠣᠭᠳᠠᠷ ᠤᠨ ᠬᠥᠪᠡᠭᠦᠨ ᠪᠣᠯᠣᠨ ᠲᠥᠷᠦᠵᠡᠢ᠃ ᠪᠠᠲᠣᠳ ᠣᠪᠣᠭᠲᠠᠢ᠃ | ᠪᠠᠭᠠ ᠠᠴᠠ ᠪᠠᠨ ᠰᠡᠴᠡᠨ ᠰᠡᠷᠭᠦᠯᠡᠩ ᠬᠡᠦᠬᠡᠳ ᠪᠠᠶᠢᠵᠤ᠂ ᠰᠢᠯᠣᠭᠤᠨ ᠬᠥᠬᠡ ᠬᠤᠰᠢᠭᠤᠨ ᠤ ᠠᠯᠪᠠᠨ | ᠤ ᠪᠠᠭᠠ ᠰᠣᠷᠭᠠᠭᠤᠯᠢ ᠶᠢ ᠳᠡᠭᠦᠰᠦᠭᠡᠳ ᠴᠠᠬᠠᠷ ᠶᠠᠮᠣᠨ ᠨᠠᠭᠤᠷ ᠤᠨ ᠪᠥᠷᠢᠨ ᠪᠠᠭᠠ ᠰᠣᠷᠭᠠᠭᠤᠯᠢ ᠳᠤ ᠳᠡᠪᠰᠢᠨ | ᠰᠣᠷᠣᠯᠴᠠᠵᠤ᠂ ᠰᠣᠷᠭᠠᠭᠤᠯᠢ ᠲᠡᠭᠦᠰᠦᠭᠰᠡᠨ ᠤ ᠳᠠᠷᠠᠭᠠ᠂ ᠳᠡᠭᠡᠳᠦ ᠨᠢᠭᠡᠨ ᠱᠠᠲᠣᠨ ᠤ ᠰᠣᠷᠭᠠᠭᠤᠯᠢ ᠳᠤ | ᠰᠢᠯᠭᠠᠭᠤᠯᠣᠨ ᠣᠷᠣᠭᠰᠠᠨ ᠪᠣᠯᠪᠠᠴᠤ ᠭᠡᠷ ᠶᠠᠳᠠᠭᠤ ᠠᠮᠢᠳᠣᠷᠠᠯ ᠬᠦᠴᠢᠷ ᠲᠠᠢ ᠠᠴᠠ ᠦᠷᠭᠦᠯᠵᠢᠯᠡᠨ ᠰᠣᠷᠣᠯᠴᠠᠵᠤ | ᠴᠢᠳᠠᠬᠤ ᠦᠭᠡᠢ ᠪᠣᠯᠵᠠᠢ᠃ ᠡᠭᠦᠨ ᠳᠤ ᠰᠢᠯᠣᠭᠤᠨ ᠬᠥᠬᠡ ᠬᠤᠰᠢᠭᠤᠨ ᠤ ᠰᠡᠬᠡᠭᠡᠷᠡᠭᠰᠡᠨ ᠲᠣᠮᠣᠭᠠᠲᠠᠨ | ᠯᠾᠮᠣᠰᠦ᠋ᠷᠦᠩ ᠵᠠᠩᠭᠢ᠂ ᠪᠣᠮᠰᠢᠷᠢ ᠵᠣᠩᠳᠠ ᠡᠨᠡ ᠬᠦ ᠰᠡᠴᠡᠨ ᠰᠡᠷᠭᠦᠯᠡᠩ ᠵᠠᠯᠠᠭᠤ ᠶᠢ ᠲᠣᠭᠤᠵᠤ ᠵᠠᠷᠣᠳᠠᠯ ᠵᠣᠭᠤᠰ | ᠳᠣᠰᠠᠯᠠᠵᠤ᠂ ᠮᠣᠩᠭᠤᠯ ᠳᠣᠮᠳᠠᠳᠤ ᠰᠣᠷᠭᠠᠭᠤᠯᠢ ᠳᠤ ᠦᠷᠭᠦᠯᠵᠢᠯᠡᠨ ᠰᠣᠷᠣᠯᠴᠠᠭᠤᠯᠵᠠᠢ᠃ ᠯᠾᠮᠣᠰᠦ᠋ᠷᠦᠩ ᠵᠠᠩᠭᠢ᠄ | ︽ᠴᠢ ᠰᠣᠷᠬᠤ ᠳᠤ ᠳᠣᠷᠠᠲᠠᠢ ᠬᠡᠦᠬᠡᠳ᠂ ᠰᠣᠷ ᠰᠣᠷ︾ ᠭᠡᠵᠦ ᠭᠤᠴᠢ ᠳᠥᠴᠢᠨ ᠮᠥᠩᠭᠦᠨ ᠵᠣᠭᠤᠰ ᠥᠭᠴᠦ | ᠵᠣᠷᠢᠭᠵᠢᠭᠤᠯᠣᠨ ᠳᠣᠰᠠᠯᠠᠭᠰᠠᠨ ᠪᠥᠭᠡᠳ ᠪᠣᠮᠰᠢᠷᠢ ᠵᠣᠩᠳᠠ ᠪᠠᠰᠠ ᠣᠨᠣᠭᠠᠷᠢ ᠶᠢᠨ ᠰᠠᠶᠢᠨ ᠮᠣᠷᠢ᠂ ᠵᠠᠮ ᠤᠨ | ᠵᠠᠷᠣᠳᠠᠯ ᠥᠭᠴᠦ ︽ᠴᠢᠷᠮᠠᠶᠢᠨ ᠰᠣᠷᠣᠯᠴᠠ ᠳ᠋ᠠ᠂ ᠥᠨᠳᠦᠰᠦ ᠣᠭᠰᠠᠭᠠ ᠳᠠᠭᠠᠨ ᠬᠡᠷᠡᠭᠲᠡᠢ ᠬᠦᠮᠦᠨ ᠪᠣᠯᠣᠨᠠ ᠰᠢᠦ | ᠂ ᠡᠨᠡ ᠮᠣᠷᠢ ᠶᠢ ᠣᠨᠣᠭᠠᠳ ᠴᠢᠭᠤᠯᠣᠯᠲᠤ ᠬᠠᠭᠠᠯᠭᠠ ᠪᠣᠶᠤ ᠪᠡᠭᠡᠵᠢᠩ ᠣᠷᠣᠭᠠᠳ᠂ ᠬᠤᠳᠠᠯᠳᠣᠵᠤ ᠬᠤᠪᠢᠯᠭᠠᠭᠠᠳ | ᠰᠣᠷᠣᠯᠴᠠᠬᠤ ᠵᠠᠷᠣᠳᠠᠯ ᠰᠦᠢᠳᠬᠡᠯ ᠪᠣᠯᠭᠠ︾ ᠭᠡᠵᠦ ᠵᠣᠷᠢᠭᠵᠢᠭᠤᠯᠣᠨ ᠶᠠᠪᠣᠭᠤᠯᠵᠠᠢ᠃ ᠮᠣᠩᠭᠤᠯ ᠲᠥᠪᠡᠳ ᠤᠨ | ᠰᠣᠷᠭᠠᠭᠤᠯᠢ ᠳᠤ ᠭᠤᠷᠪᠠ ᠳᠥᠷᠪᠡᠨ ᠵᠢᠯ ᠰᠣᠷᠣᠯᠴᠠᠵᠤ᠂ ᠲᠡᠭᠦᠰᠦᠭᠰᠡᠨ ᠤ ᠬᠤᠶᠢᠨᠠ ᠴᠠᠬᠠᠷ ᠴᠢᠭᠤᠯᠭᠠᠨ ᠤ ᠲᠥᠪ | ᠵᠠᠩᠪᠸᠢ ︵ᠬᠠᠷᠠ ᠪᠠᠯᠭᠠᠰᠤ︶ ᠳᠤ ᠴᠢᠭᠤᠯᠭᠠᠨ ᠤ ᠵᠠᠬᠢᠷᠭᠠ ᠶᠢᠨ ᠠᠷᠠᠳ ᠤᠨ ᠶᠠᠪᠣᠳᠠᠯ ᠤᠨ ᠭᠠᠵᠠᠷ ᠤᠨ ᠨᠢᠭᠡᠨ | ᠰᠠᠯᠠᠭᠠᠨ ᠳᠤ ᠠᠵᠢᠯᠯᠠᠵᠤ ᠪᠠᠶᠢᠭᠠᠳ᠂ 1943 ᠣᠨ ᠤ ᠦᠶᠡᠰ ᠲᠤ ᠰᠢᠯᠣᠭᠤᠨ ᠬᠥᠬᠡ ᠬᠤᠰᠢᠭᠤᠨ ᠤ ᠠᠷᠠᠳ | ᠤᠨ ᠶᠠᠪᠣᠳᠠᠯ ᠤᠨ ᠰᠠᠯᠠᠭᠠᠨ ᠳᠤ ᠰᠠᠯᠠᠭᠠᠨ ᠳᠠᠷᠤᠭᠠ ᠪᠣᠯᠪᠠ᠃ ᠡᠨᠡ ᠳᠣᠰᠢᠶᠠᠯ ᠨᠢ ᠣᠣᠯ ᠤᠨ ᠳᠡᠳ᠋ ᠵᠠᠯᠠᠨ ᠲᠠᠢ | ᠲᠡᠩᠴᠡᠭᠦᠦ ᠳᠣᠰᠢᠶᠠᠯ ᠪᠣᠯᠣᠨᠠ᠃ | 1945 ᠣᠨ ᠤ 11 ᠰᠠᠷᠠ ᠳᠤ ᠴᠢᠭᠤᠯᠣᠯᠲᠤ ᠬᠠᠭᠠᠯᠭᠠ ᠳᠤ ᠪᠣᠯᠣᠭᠰᠠᠨ ᠥᠪᠦᠷ ᠮᠣᠩᠭᠤᠯ ᠤᠨ | ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠬᠥᠳᠡᠯᠭᠡᠭᠡᠨ ᠤ ᠬᠤᠯᠪᠣᠭᠠᠲᠤ ᠬᠤᠷᠠᠯ ᠪᠠᠶᠢᠭᠤᠯᠬᠤ ᠬᠤᠷᠠᠯ ᠳᠤ ᠪᠠᠶᠠᠰᠬᠤᠯᠠᠩ ᠬᠤᠰᠢᠭᠤ ᠪᠠᠨ | ᠲᠥᠯᠦᠭᠡᠯᠡᠨ ᠣᠷᠣᠯᠴᠠᠪᠠ᠃ | 1946 ᠣᠨ ᠤ 4 ᠰᠠᠷᠠ ᠳᠤ ᠴᠠᠬᠠᠷ ᠠᠶᠢᠮᠠᠭ ᠤᠨ ᠬᠤᠪᠢᠶᠠᠷᠢ ᠬᠤᠷᠠᠯ ᠤᠨ ᠠᠵᠢᠯᠲᠠᠨ ᠰᠣᠨᠢᠨᠪᠠᠶᠠᠷ | ᠰᠢᠯᠣᠭᠤᠨ ᠬᠥᠬᠡ ᠳᠤ ᠢᠷᠡᠵᠦ᠂ ᠬᠤᠰᠢᠭᠤ ᠶᠢ ᠬᠠᠪᠰᠣᠷᠴᠤ᠂ ᠬᠤᠰᠢᠭᠤ ᠰᠣᠮᠣᠨ ᠤ ᠰᠢᠨᠡ ᠵᠠᠰᠠᠭ ᠵᠠᠬᠢᠷᠭᠠᠨ ᠤ | ᠪᠠᠶᠢᠭᠤᠯᠣᠮᠵᠢ ᠶᠢ ᠪᠠᠶᠢᠭᠤᠯᠬᠤ ᠳᠤ ᠪᠠᠶᠠᠰᠬᠤᠯᠠᠩ ᠰᠢᠯᠣᠭᠤᠨ ᠬᠥᠬᠡ ᠬᠤᠰᠢᠭᠤᠨ ᠤ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ | ᠬᠥᠳᠡᠯᠭᠡᠭᠡᠨ ᠤ ᠰᠠᠯᠪᠣᠷᠢ ᠬᠤᠷᠠᠯ ᠤᠨ ᠡᠷᠬᠢᠯᠡᠭᠴᠢ ᠪᠠᠷ ᠰᠣᠩᠭᠤᠭᠳᠠᠪᠠ᠃ | 1946 ᠣᠨ ᠤ ᠨᠠᠮᠣᠷ᠂ ᠳᠣᠲᠣᠭᠠᠳᠤ ᠶᠢᠨ ᠳᠠᠶᠢᠨ ᠳᠡᠭᠳᠡᠨ᠂ ᠴᠠᠭ ᠲᠥᠷᠦ ᠶᠢᠨ ᠦᠢᠮᠡᠭᠡᠨ | ᠭᠠᠷᠣᠭᠰᠠᠨ ᠠᠴᠠ ᠬᠤᠶᠢᠰᠢ᠂ ᠭᠠᠰᠢ ᠶᠢᠨ ᠣᠷᠪᠠᠳᠠᠯᠴᠣᠳ ᠨᠢᠭᠡ ᠣᠳᠠᠭᠠ ᠪᠠᠶᠠᠰᠬᠤᠯᠠᠩ ᠢ ᠪᠠᠷᠢᠬᠤ ᠪᠠᠷ | ᠭᠡᠨᠡᠲᠡᠭᠦᠯᠦᠨ ᠡᠷᠢᠵᠦ ᠣᠴᠢᠭᠰᠠᠨ ᠳᠤ ᠲᠡᠷᠡ ᠬᠠᠮᠠᠭᠠᠯᠠᠭᠴᠢ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠠᠷᠭᠠ ᠣᠬᠠᠭᠠᠨ ᠭᠠᠷᠭᠠᠵᠤ | ᠳᠠᠶᠢᠰᠣᠨ ᠠᠴᠠ ᠵᠠᠶᠢᠯᠠᠵᠤ ᠠᠮᠵᠢᠭᠰᠠᠨ ᠣᠳᠠᠭᠠ ᠪᠣᠢ᠃ | 1947 ᠣᠨ ᠤ ᠬᠠᠪᠣᠷ᠂ ᠰᠢᠯᠣᠭᠤᠨ ᠬᠥᠬᠡ ᠬᠤᠰᠢᠭᠤᠨ ᠤ ᠲᠥᠯᠦᠭᠡᠯᠡᠭᠴᠢ ᠪᠠᠷ ᠰᠣᠩᠭᠤᠭᠳᠠᠨ᠂ | ᠣᠯᠠᠭᠠᠨᠬᠤᠲᠠ ᠳᠤ ᠬᠦᠷᠴᠦ᠂ ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ | ᠪᠠᠶᠢᠭᠤᠯᠬᠤ ᠬᠤᠷᠠᠯ ᠳᠤ ᠣᠷᠣᠯᠴᠠᠵᠠᠢ᠃ | 1947 ᠣᠨ ᠤ ᠲᠠᠪᠤ ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠦᠶᠡ ᠪᠠᠷ ᠰᠢᠯᠢ ᠶᠢᠨ ᠭᠤᠣᠯ ᠴᠠᠬᠠᠷ ᠤᠨ ᠵᠠᠰᠠᠭ | ᠵᠠᠬᠢᠷᠭᠠᠨ ᠤ ᠭᠠᠵᠠᠷ ᠠᠴᠠ ᠲᠡᠭᠦᠨ ᠢ ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠲᠤ ᠰᠢᠯᠵᠢᠭᠦᠯᠦᠨ ᠠᠵᠢᠯᠯᠠᠭᠤᠯᠣᠭᠰᠠᠨ ᠪᠠᠶᠢᠨᠠ᠃ | ᠲᠡᠷᠡ ᠪᠠᠷ 1947 ᠣᠨ ᠤ ᠨᠠᠮᠣᠷ ᠠᠴᠠ 1948 ᠣᠨ ᠤ 8 ᠰᠠᠷᠠ ᠬᠦᠷᠲᠡᠯᠡ᠂ ᠲᠡᠷᠡ ᠦᠶᠡ ᠶᠢᠨ ᠵᠡᠭᠦᠨ | ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠣᠷᠳᠣᠨ ᠳᠤ ᠳᠡᠳ᠋ ᠳᠠᠷᠤᠭᠠ ᠶᠢᠨ ᠳᠣᠰᠢᠶᠠᠯ ᠲᠠᠢ ᠪᠠᠶᠢᠵᠠᠢ᠃ | 1950 ᠣᠨ ᠤ 1 ᠰᠠᠷᠠ ᠠᠴᠠ ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠮᠠᠯ ᠠᠵᠤ | ᠠᠬᠤᠢ ᠶᠢᠨ ᠭᠠᠵᠠᠷ ᠤᠨ ᠳᠡᠳ᠋ ᠳᠠᠷᠤᠭᠠ ᠶᠢᠨ ᠳᠣᠰᠢᠶᠠᠯ ᠲᠠᠢ ᠪᠠᠶᠢᠭᠠᠳ 1951 ᠣᠨ ᠳᠤ ᠡᠪᠡᠳᠴᠢᠨ ᠢᠶᠠᠷ | ᠨᠠᠰᠣ ᠪᠠᠷᠠᠭᠰᠠᠨ ᠪᠠᠶᠢᠨᠠ᠃ ᠲᠣᠰ ᠬᠦᠮᠦᠨ ᠲᠥᠷᠦᠭᠰᠡᠨ ᠬᠡᠦᠬᠡᠳ ᠦᠭᠡᠢ᠂ ᠲᠡᠵᠢᠭᠡᠭᠰᠡᠨ ᠬᠦᠦ ᠨᠣᠷᠪᠤ ᠨᠢ ᠭᠠᠯ | ᠭᠤᠯᠣᠮᠲᠠ ᠶᠢ ᠨᠢ ᠵᠠᠯᠭᠠᠮᠵᠢᠯᠠᠭᠠᠳ ᠣᠳᠤ ᠬᠠᠩᠬᠠᠯ ᠰᠣᠮᠣᠨ ᠳᠤ ᠪᠣᠢ᠃ | ᠲᠣᠰ ᠬᠦᠮᠦᠨ ᠮᠣᠩᠭᠤᠯ ᠲᠥᠪᠡᠳ ᠤᠨ ᠰᠣᠷᠭᠠᠭᠤᠯᠢ ᠳᠤ ᠪᠠᠶᠢᠬᠤ ᠦᠶᠡᠰ᠂ ᠵᠠᠶᠠᠭᠠᠲᠠᠢ ᠲᠠᠢ ᠵᠣᠵᠠᠭᠠᠨ | ᠬᠠᠨᠢᠯᠠᠭᠰᠠᠨ ᠠᠬᠠ ᠳᠡᠭᠦᠦ ᠭᠡᠨᠡ᠃ ᠲᠡᠷᠡ ᠴᠢᠯᠦᠭᠡᠯᠡᠭᠳᠡᠭᠰᠡᠨ ᠤ ᠡᠬᠢᠨ ᠤ ᠦᠶᠡ ᠳᠤ ᠨᠡᠯᠢᠶᠡᠳ ᠥᠨᠳᠦᠷ ᠳᠡᠰ | ᠤᠨ ᠣᠳᠣᠷᠢᠳᠬᠤ ᠪᠠᠶᠢᠷᠢ ᠳᠤ ᠪᠠᠶᠢᠭᠰᠠᠨ ᠣᠯᠣᠰ ᠲᠥᠷᠦᠴᠢᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠨᠢᠭᠡᠨ ᠭᠠᠷᠮᠠᠭᠠᠢ | ᠰᠢᠯᠦᠭᠴᠢ ᠶᠣᠮ᠃ | ᠥᠪᠦᠷ ᠮᠣᠩᠭᠤᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠᠨ ᠠᠴᠠ 1998 ᠣᠨ ᠳᠤ ᠬᠡᠪᠯᠡᠭᠦᠯᠦᠭᠰᠡᠨ | ᠮᠣᠩᠭᠤᠯ ᠰᠣᠶᠣᠯ ᠤᠨ ᠴᠣᠪᠣᠷᠠᠯ ᠪᠢᠴᠢᠭ ︽ᠰᠣᠭᠤ ᠶᠢᠨ ᠨᠣᠭᠤᠭᠠ︾ ︵1931～ 1945 ᠣᠨ ᠤ | ᠬᠤᠭᠤᠷᠣᠨᠳᠣᠬᠢ ᠮᠣᠩᠭᠤᠯ ᠣᠷᠠᠨ ᠵᠣᠬᠢᠶᠠᠯ ᠤᠨ ᠰᠣᠩᠭᠤᠮᠠᠯ︶ ᠳᠤ ᠴᠠᠬᠠᠷ ᠴᠢᠭᠤᠯᠭᠠᠨ ᠤ ᠰᠢᠯᠣᠭᠤᠨ ᠬᠥᠬᠡ ᠶᠢᠨ | ᠪᠠᠶᠠᠰᠬᠤᠯᠠᠩ ᠬᠡᠮᠡᠭᠴᠢ ᠪᠠᠷ 1942～ 1945 ᠣᠨ ᠤ ᠬᠤᠭᠤᠷᠣᠨᠳᠤ ︽ᠬᠥᠬᠡ ᠲᠤᠭ︾ ᠰᠣᠨᠢᠨ ᠳᠡᠭᠡᠷᠡ | ᠨᠡᠶᠢᠲᠡᠯᠡᠭᠦᠯᠦᠭᠰᠡᠨ ᠡᠳᠦᠢ ᠲᠡᠳᠦᠢ ᠭᠠᠶᠢᠬᠠᠯᠲᠠᠢ ᠰᠠᠶᠢᠬᠠᠨ ᠰᠢᠯᠦᠭ ᠪᠠᠶᠢᠳᠠᠭ᠃ ᠲᠡᠭᠦᠨ ᠤ ᠪᠢᠴᠢᠭᠰᠡᠨ ︽ᠣᠳᠣᠨ | ᠤ ᠰᠦᠷᠦᠭ︾ ᠭᠡᠬᠦ ᠰᠢᠯᠦᠭ ᠪᠣᠯᠣᠨ ︽ᠣᠷᠣᠨ ᠨᠣᠲᠤᠭ ᠮᠢᠨᠢ︾᠂ ︽ᠨᠠᠶᠢᠷᠲᠠᠢ ᠬᠦᠮᠦᠨ ᠳᠡᠭᠡᠨ ᠢᠯᠡᠭᠡᠭᠰᠡᠨ | ᠨᠠᠶᠢᠷᠠᠮᠳᠠᠯ ᠤᠨ ᠰᠢᠯᠦᠭ︾᠂ ︽ᠭᠡᠷᠡᠯ ᠭᠡᠷᠡᠯᠲᠦᠨ ᠭᠡᠷᠡᠯᠲᠦᠪᠠᠢ︾ ᠵᠡᠷᠭᠡ ᠪᠥᠲᠦᠭᠡᠯ ᠤᠳ ᠢ ᠲᠠᠯᠠ ᠨᠣᠲᠤᠭ ᠤᠨ | ᠥᠩᠭᠡ ᠪᠣᠳᠤᠭ ᠵᠣᠵᠠᠭᠠᠨ ᠪᠥᠭᠡᠳ ᠠᠮᠢᠳᠣᠷᠠᠯ ᠠᠬᠤᠢ ᠶᠢᠨ ᠠᠭᠤᠷ ᠠᠮᠢᠰᠬᠤᠯ ᠶᠢᠨ ᠪᠢᠯᠬᠠᠮᠠ ᠶᠣᠮ ᠭᠡᠵᠦ | ᠪᠣᠰᠣᠳ ᠠᠴᠠ ᠦᠨᠡᠯᠡᠭᠰᠡᠨ ᠪᠠᠶᠢᠳᠠᠭ᠃ ᠳᠣᠬᠠᠢ ᠶᠢᠨ ᠦᠶᠡ ᠳᠤ ︽ᠬᠥᠬᠡ ᠲᠤᠭ︾ ᠰᠣᠨᠢᠨ ᠳᠡᠭᠡᠷᠡ | ᠪᠠᠶᠠᠰᠬᠤᠯᠠᠩ ᠤᠨ ᠪᠢᠴᠢᠭᠰᠡᠨ ᠭᠠᠶᠢᠬᠠᠯᠲᠠᠢ ᠰᠠᠶᠢᠬᠠᠨ ᠠᠮᠢᠳᠣᠷᠠᠯ ᠤᠨ ᠰᠢᠯᠦᠭ ᠤᠳ ᠪᠠᠷᠤᠭ ᠠᠷᠪᠠ ᠭᠠᠷᠣᠢ | ᠨᠡᠶᠢᠲᠡᠯᠡᠭᠳᠡᠵᠡᠢ᠃ | ᠪᠠᠶᠠᠰᠬᠤᠯᠠᠩ᠂ 2006 ᠣᠨ ᠳᠤ ︽ᠴᠠᠬᠠᠷ ᠰᠢᠯᠣᠭᠤᠨ ᠬᠥᠬᠡ ᠬᠤᠰᠢᠭᠤ︾ ᠬᠡᠮᠡᠬᠦ ᠨᠣᠮ ᠳᠤ | ᠲᠡᠮᠳᠡᠭᠯᠡᠭᠳᠡᠵᠡᠢ᠃ | ︽ᠰᠢᠯᠣᠭᠤᠨ ᠬᠥᠬᠡ ᠬᠤᠰᠢᠭᠤᠨ ᠤ ᠴᠣᠣᠲᠤ ᠬᠦᠮᠦᠰ︾ ᠭᠡᠬᠦ ᠨᠣᠮ ᠠᠴᠠ ᠪᠠᠭᠤᠯᠭᠠᠪᠠ |