| ᠭᠤᠯᠢᠮᠢᠩᠰᠧ ︵1864 —1943 ᠤᠨ︶᠂ ᠬᠦᠯᠦ ᠬᠦᠬᠡ ᠬᠤᠰᠢᠭᠤᠨ ᠤ ᠪᠡᠪᠡ ᠠᠮᠪᠠᠨ᠂ ᠬᠦᠬᠡ | ᠬᠤᠯᠤᠭᠠᠨᠠ ᠵᠢᠯ ᠲᠠᠢ᠂ 1864 ᠤᠨ ᠳᠤ ᠲᠦᠷᠦᠵᠡᠢ᠃ ᠪᠠᠭᠠ ᠳᠤᠨᠢ ᠤᠯᠠᠭᠠᠨ ᠨᠢᠳᠤᠨ ᠰᠠᠩᠵᠠᠢ ᠬᠡᠵᠦ | ᠲᠠᠭᠤᠳᠠᠳᠠᠭ᠃ ᠵᠢᠩᠬᠢᠨᠢ ᠨᠡᠷᠡ ᠨᠢ ᠪᠤᠯ ᠭᠤᠯᠢᠮᠢᠩᠰᠧ ᠬᠡᠳᠡᠭ᠃ | ᠡᠨᠡ ᠬᠦᠮᠦᠨ ᠬᠦᠯᠦ ᠬᠦᠬᠡ ᠬᠤᠰᠢᠭᠤᠨ ᠳᠠᠭᠠᠨ ᠬᠠᠮᠤᠭ ᠤᠨ ᠲᠡᠬᠡᠳᠦ ᠨᠤᠶᠠᠨ ᠪᠤᠯᠪᠠᠴᠤ ᠠᠷᠠᠳ | ᠤᠯᠠᠨ ᠳᠠᠭᠠᠨ ᠶᠡᠬᠡᠳᠡ ᠬᠦᠷᠢᠶᠡᠯᠡᠯ ᠲᠠᠢ ᠰᠠᠶᠢᠨ ᠠᠮᠪᠠᠨ ᠬᠡᠵᠦ᠂ ᠬᠤᠯᠠ ᠤᠶᠢᠷᠠ ᠶᠢᠨ ᠬᠤᠰᠢᠭᠤᠨ ᠳᠤ ᠨᠡᠷᠡ | ᠭᠠᠷᠴᠤ ᠪᠠᠶᠢᠯᠠ᠃ ᠠᠷᠠᠳ ᠤᠯᠠᠨ ᠢᠶᠠᠨ ᠪᠤᠳᠤᠳᠠᠭ ᠰᠠᠶᠢᠨ ᠠᠮᠪᠠᠨ ᠪᠤᠯᠬᠤᠷ ᠤᠯᠠᠨ ᠲᠦᠮᠡᠨ ᠤ ᠬᠦᠷᠢᠶᠡᠯᠡᠯ ᠢ | ᠤᠯᠵᠦ᠂ ᠪᠦᠬᠦᠳᠡᠬᠡᠷ ᠢᠶᠠᠨ ᠬᠦᠨᠳᠤᠯᠠᠨ ᠡᠷᠬᠦᠮᠵᠢᠯᠡᠵᠦ ︽ᠪᠡᠪᠡ ᠠᠮᠪᠠᠨ︾ ᠬᠡᠵᠦ ᠲᠠᠭᠤᠳᠠᠳᠠᠭ ᠪᠤᠯᠪᠠ᠃ ᠪᠡᠪᠡ | ᠠᠮᠪᠠᠨ ᠤᠷᠢᠳ ᠬᠤᠵᠢᠳ ᠬᠤᠶᠠᠷ ᠬᠠᠳᠤᠨ ᠪᠠᠭᠤᠯᠭᠠᠵᠠᠢ᠃ | ᠭᠤᠯᠢᠮᠢᠩᠰᠧ ᠠᠷᠪᠠᠨ ᠵᠢᠷᠭᠤᠭᠠᠨ ᠨᠠᠰᠤᠨ ᠳᠠᠭᠠᠨ ᠬᠤᠰᠢᠭᠤᠨ ᠤ ᠲᠠᠮᠠᠭᠠ ᠶᠢᠨ ᠵᠢᠱᠢᠶᠡᠨ ᠤ ᠭᠠᠵᠠᠷ | ᠲᠠᠩᠰᠠ ᠶᠢᠨ ᠵᠢᠰᠢᠶᠡᠨ ᠳᠤ ᠰᠠᠭᠤᠵᠦ ᠰᠠᠶᠢᠨ ᠠᠵᠢᠯᠯᠠᠵᠦ ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ ᠵᠠᠯᠠᠭᠤ ᠳᠠᠭᠠᠨ ᠬᠡᠳᠡᠷ ᠲᠤᠭᠰᠢᠨ | ᠵᠠᠩ ᠲᠠᠢ᠂ ᠠᠮᠠ ᠬᠡᠯᠡ ᠨᠢ ᠬᠡᠨ ᠳᠤ ᠴᠦ ᠲᠡᠶᠢᠯᠦᠭᠳᠡᠬᠦ ᠦᠬᠡᠢ ᠬᠦᠮᠦᠨ ᠪᠠᠶᠢᠵᠠᠢ᠃ ᠵᠠᠷᠢᠮ ᠦᠶᠡ ᠬᠤᠷᠠᠭ ᠤᠨ | ᠬᠦᠮᠦᠰ ᠨᠢ ᠲᠡᠬᠦᠨ ᠳᠤ ᠲᠤᠷᠠ ᠦᠬᠡᠶᠢᠴᠡᠵᠦ ︽ᠠᠪᠤ ᠰᠠᠩᠵᠠᠢ︾ ᠬᠡᠵᠦ ᠲᠠᠭᠤᠳᠠᠳᠠᠭ ᠪᠤᠯᠵᠠᠢ᠃ ᠲᠡᠷᠵᠡ ᠠᠮᠪᠠᠨ | ᠮᠡᠳᠡᠬᠡᠳ᠂ ᠠᠵᠢᠯ ᠳᠠᠭᠠᠨ ᠴᠢᠷᠮᠠᠶᠢᠵᠦ ᠬᠦᠮᠦᠨ ᠲᠠᠢ ᠡᠶᠡ ᠡᠪᠳᠡᠢ ᠶᠠᠪᠤᠵᠦ ᠬᠡᠷᠡᠯᠳᠦᠵᠦ ᠮᠠᠷᠭᠤᠯᠳᠤᠵᠦ ᠪᠤᠯᠬᠤ | ᠦᠬᠡᠢ ᠬᠡᠵᠦ ᠲᠡᠬᠦᠨ ᠢ ᠬᠤᠶᠠᠷ ᠤᠳᠠᠭᠠ ᠰᠢᠬᠦᠮᠵᠢᠯᠠᠨ ᠰᠤᠷᠭᠠᠵᠠᠢ᠂ ᠬᠡᠳᠡᠯᠡ ᠨᠢᠬᠡ ᠤᠳᠠᠭᠠ ᠵᠢᠰᠢᠶᠡᠨ ᠳᠤ | ᠪᠠᠶᠢᠬᠤ ᠳᠠᠭᠠᠨ ᠴᠢᠯᠦᠬᠡ ᠦᠬᠡᠢ ᠪᠠᠷ ᠭᠠᠳᠠᠭᠰᠢ ᠭᠠᠷᠴᠤ ᠬᠡᠳᠦᠨ ᠬᠤᠨᠤᠭ ᠶᠠᠪᠤᠭᠠᠳ ᠪᠤᠰᠤᠳ ᠬᠦᠮᠦᠨ ᠲᠠᠢ | ᠬᠡᠷᠡᠯᠳᠦᠵᠦ ᠬᠦᠮᠦᠨ ᠢ ᠵᠠᠨᠴᠢᠵᠦ ᠰᠢᠷᠬᠠᠳᠤᠭᠤᠯᠤᠨ ᠵᠠᠷᠭᠤᠯᠳᠤᠵᠦ ᠠᠮᠪᠠᠨ ᠳᠤ ᠬᠦᠷᠴᠠᠢ᠃ ᠡᠬᠦᠨ ᠳᠤ ᠲᠠᠷᠵᠠ | ᠠᠮᠪᠠᠨ ᠶᠡᠬᠡᠳᠡ ᠠᠭᠤᠷᠯᠠᠨ ᠲᠡᠷᠡ ᠲᠤᠤᠷᠠ ᠨᠢ ᠨᠠᠶᠠᠨ ᠲᠠᠰᠢᠭᠤᠷ ᠭᠤᠶᠠᠳᠠᠬᠤ ᠪᠠᠷ ᠨᠡᠯᠢᠶᠡᠳ ᠬᠦᠨᠳᠦ ᠰᠢᠢᠳᠬᠡᠭᠰᠡᠨ | ᠪᠠᠶᠢᠨᠠ᠃ ᠰᠠᠩᠵᠠᠢ ᠶᠢᠨ ᠠᠷᠠᠰᠤ ᠮᠢᠬᠠ ᠨᠢ ᠰᠢᠯᠪᠤᠷᠠᠵᠦ ᠴᠢᠰᠦ ᠨᠦᠵᠢ ᠭᠠᠷᠴᠤ ᠬᠡᠪᠳᠡᠷᠢ ᠳᠤ ᠤᠷᠤᠭᠰᠠᠨ | ᠪᠠᠶᠢᠳᠠᠯᠠ ᠠᠮᠪᠠᠨ ᠨᠤᠶᠠᠨ ᠡᠰᠡ ᠦᠷᠦᠰᠢᠶᠡᠵᠦ᠂ ᠪᠠᠰᠠ ᠬᠢᠨᠳᠠᠨ ᠳᠤ ᠬᠤᠷᠢᠵᠠᠢ᠃ ᠭᠤᠷᠪᠠᠨ ᠰᠠᠷᠠ ᠶᠢᠨ ᠲᠠᠷᠠᠭᠠ | ᠰᠠᠩᠵᠠᠢ ᠶᠢᠨ ᠰᠢᠷᠬᠠ ᠰᠠᠶᠢᠨ ᠪᠤᠯᠤᠭᠰᠠᠨ ᠪᠦᠬᠡᠳ ᠪᠤᠰᠤᠳ ᠵᠢᠰᠢᠶᠡᠨ ᠤ ᠲᠠᠷᠤᠭᠠ ᠨᠡᠷ ᠨᠢ ᠲᠡᠷᠵᠠ ᠠᠮᠪᠠᠨ ᠳᠤ | ᠭᠤᠶᠤᠭᠰᠠᠨ ᠪᠢᠴᠢᠭ ᠦᠭᠴᠦ ᠬᠠᠷᠠ ᠬᠡᠷ ᠠᠴᠠ ᠭᠠᠷᠭᠠᠵᠦ ᠠᠪᠴᠠᠢ᠃ ᠲᠡᠷᠡ ᠠᠮᠪᠠᠨ ᠰᠠᠩᠵᠠᠢ ᠶᠢ ᠲᠠᠭᠤᠳᠠᠵᠦ᠄ | ︽ᠴᠢ ᠬᠠᠯᠠ ᠦᠵᠡᠵᠦ ᠬᠠᠰᠢᠷᠠᠪᠠ ᠤᠤ ᠦᠬᠡᠢ ᠤᠤ︖︾ ᠬᠡᠵᠦ ᠠᠰᠠᠭᠤᠭᠰᠠᠨ ᠳᠤ ᠰᠠᠩᠵᠠᠢ᠄ ︽ᠦᠨᠡᠬᠡᠷ | ᠨᠢᠬᠡᠮᠦᠰᠦᠨ ᠬᠠᠰᠢᠷᠠᠵᠠᠢ᠂ ᠤᠳᠤ ᠶᠠᠭᠠᠬᠢᠭᠰᠠᠨ ᠴᠦ ᠵᠠᠩ ᠢᠶᠠᠨ ᠬᠠᠯᠠᠨᠠ︾ ᠬᠡᠮᠡᠨ ᠦᠴᠢᠭᠯᠡᠭᠰᠡᠨ ᠪᠠᠶᠢᠨᠠ᠃ ︽ | ᠵᠠ᠂ ᠴᠢ ᠬᠠᠰᠢᠷᠠᠵᠦ ᠬᠡᠮᠰᠢᠭᠰᠡᠨ ᠪᠤᠯ ᠮᠠᠭᠤ ᠵᠠᠩ ᠢᠶᠠᠨ ᠬᠠᠯᠠᠪᠠᠰᠤ ᠰᠠᠶᠢᠨ ᠬᠦᠮᠦᠨ ᠪᠤᠯᠵᠦ ᠪᠤᠯᠤᠨᠠ᠂ ᠪᠠᠰᠠ | ᠠᠮᠪᠠᠨ ᠰᠠᠭᠤᠵᠦ ᠪᠤᠯᠤᠨᠠ︾ ᠬᠡᠵᠡᠢ᠃ | ᠡᠬᠦᠨ ᠠᠴᠠ ᠬᠤᠶᠢᠰᠢ ᠰᠠᠩᠵᠠᠢ ᠦᠨᠡᠬᠡᠷ ᠦᠴᠢᠭᠯᠡᠭᠰᠡᠨ ᠳᠡᠭᠡᠨ ᠬᠦᠷᠴᠦ᠂ ᠠᠵᠢᠯ ᠳᠠᠭᠠᠨ ᠨᠡᠩ ᠰᠠᠶᠢᠨ | ᠂ ᠲᠦᠪ ᠴᠢᠭᠴᠢ᠂ ᠤᠯᠠᠨ ᠠᠷᠠᠳ ᠲᠤ ᠲᠠᠷᠤᠤ ᠰᠢᠳᠤᠷᠭᠤ ᠪᠤᠯᠵᠦ ᠬᠤᠪᠢᠷᠠᠭᠰᠠᠨ ᠪᠠᠶᠢᠨᠠ᠃ ᠢᠩᠬᠢᠬᠡᠳ ᠲᠠᠮᠠᠢ | ᠤᠳᠠᠯ ᠦᠬᠡᠢ ᠬᠤᠶᠢᠨᠠ ᠬᠤᠶᠢᠨᠠ ᠠᠴᠠ ᠪᠠᠨ ᠵᠡᠷᠬᠡ ᠬᠡᠷᠬᠡᠮ ᠲᠡᠪᠰᠢᠵᠦ ᠦᠬᠡᠳᠡ ᠡᠰᠡᠷᠡᠭ ᠶᠠᠪᠤᠵᠠᠢ᠃ ᠡᠬᠢᠯᠡᠬᠡᠳ | ᠶᠠᠮᠤᠨ ᠤ ᠵᠢᠩᠬᠢᠨᠢ ᠪᠢᠴᠢᠬᠡᠴᠢ ᠪᠤᠯᠵᠦ ᠲᠠᠷᠠᠭᠠ ᠨᠢ ᠵᠢᠷᠭᠤᠳᠤᠭᠠᠷ ᠰᠤᠮᠤᠨ ᠤ ᠬᠦᠩᠳᠡ ᠪᠤᠯᠵᠦ᠂ ᠬᠤᠶᠠᠷ ᠵᠢᠯ ᠤᠨ | ᠲᠠᠷᠠᠭᠠ ᠬᠦᠯᠦ ᠬᠦᠬᠡ ᠶᠢᠨ ᠰᠢᠬᠦᠬᠦ ᠶᠠᠮᠤᠨ ᠤ ᠬᠤᠷᠠᠩᠳᠠ ᠪᠤᠯᠪᠠ᠃ ᠠᠯᠢᠪᠠ ᠡᠷᠡᠬᠦᠦ ᠶᠢᠨ ᠬᠡᠷᠡᠭ ᠪᠤᠯᠤᠨ ᠠᠷᠠᠳ | ᠤᠨ ᠵᠠᠷᠭᠤ ᠵᠠᠭᠠᠯᠳᠤᠯᠭᠠ ᠶᠢᠨ ᠤᠴᠢᠷ ᠢ ᠲᠦᠪ ᠭᠤᠤᠯᠴᠢ ᠪᠠᠷ ᠲᠠᠰᠤᠯᠵᠦ᠂ ᠰᠤᠷᠭᠠᠬᠤ ᠶᠢ ᠡᠷᠬᠢᠮᠯᠡᠭᠰᠡᠨ ᠠᠴᠠ | ᠠᠷᠠᠳ ᠤᠯᠠᠨ ᠲᠡᠬᠦᠨ ᠢ ᠦᠷᠦᠰᠢᠶᠡᠯ ᠡᠯᠪᠡᠷᠢᠯ ᠲᠠᠢ ᠰᠠᠶᠢᠨ ᠨᠤᠶᠠᠨ ︽ᠪᠠᠪᠠ ᠨᠤᠶᠠᠨ︾ ᠬᠡᠵᠦ ᠲᠠᠭᠤᠳᠠᠬᠤ | ᠪᠤᠯᠵᠠᠢ᠃ ᠲᠠᠷᠠᠭᠠ ᠨᠢ ᠶᠡᠭᠡ ᠵᠠᠯᠠᠨ ᠤ ᠵᠡᠷᠬᠡ ᠳᠤ ᠲᠠᠪᠰᠢᠭᠰᠠᠨ ᠪᠠᠶᠢᠨᠠ᠃ ᠲᠤᠰ ᠬᠤᠰᠢᠭᠤᠨ ᠤ ᠠᠮᠪᠠᠨ ᠤ ᠦᠪ | ᠪᠦᠬᠦᠢ ᠶᠡᠭᠡ ᠵᠠᠯᠠᠨ ᠭᠤᠯᠢᠮᠢᠩᠰᠧ ᠬᠠᠭᠠᠨ ᠡᠵᠡᠨ ᠤ ᠦᠷᠦᠰᠢᠶᠡᠯ ᠬᠡᠰᠢᠭ ᠢ ᠬᠦᠷᠳᠡᠵᠦ ᠲᠠᠷᠤᠢ ᠬᠦᠯᠦ ᠬᠦᠬᠡ | ᠬᠤᠰᠢᠭᠤᠨ ᠤ ᠠᠮᠪᠠᠨ ᠪᠤᠯᠭᠠᠪᠠ᠃ | ᠴᠢᠩ ᠤᠯᠤᠰ ᠮᠦᠬᠦᠭᠰᠡᠨ ᠤ ᠲᠠᠷᠠᠭᠠ ᠲᠤᠮᠳᠠᠳᠤ ᠢᠷᠬᠡᠨ ᠤᠯᠤᠰ ᠪᠤᠯᠵᠦ ᠲᠦᠷᠦ ᠬᠤᠪᠢᠷᠠᠭᠰᠠᠨ | ᠪᠤᠯᠪᠠᠴᠤ ᠴᠠᠬᠠᠷ ᠤᠨ ᠨᠠᠢᠮᠠᠨ ᠠᠮᠪᠠᠨ ᠬᠤᠰᠢᠭᠤ ᠪᠤᠯᠤᠨ ᠭᠤᠷᠪᠠᠨ ᠬᠤᠰᠢᠭᠤ ᠦᠬᠡᠷ ᠬᠤᠨᠢᠨ ᠰᠦᠷᠦᠭ ᠤᠨ ᠵᠠᠰᠠᠭ | ᠤᠨ ᠪᠠᠶᠢᠭᠤᠯᠤᠮᠵᠢ ᠶᠢ ᠦᠬᠡᠷᠡᠴᠢᠯᠡᠭᠰᠡᠨ ᠦᠬᠡᠢ᠂ ᠲᠤᠩᠬᠠᠭ ᠵᠠᠷᠯᠠᠯ ᠨᠠᠶᠢᠳᠠᠯᠠᠵᠦ ᠬᠠᠭᠤᠴᠢᠨ ᠬᠡᠪ ᠢᠶᠠᠷ ᠨᠢ | ᠪᠠᠶᠢᠯᠭᠠᠵᠦ᠂ ᠠᠮᠪᠠᠰ ᠨᠤᠶᠠᠳ ᠴᠦ ᠨᠢᠬᠡ ᠴᠦ ᠰᠤᠯᠢᠭᠳᠠᠭᠰᠠᠨ ᠦᠬᠡᠢ ᠤᠤᠯ ᠲᠤᠰᠢᠶᠠᠯ ᠳᠠᠭᠠᠨ ᠪᠠᠶᠢᠪᠠ᠃ ᠬᠡᠳᠡᠯᠡ | ᠬᠠᠷᠠᠭᠴᠢᠨ ᠦᠬᠡᠷ ᠵᠢᠯ ᠬᠠᠯᠬᠠ ᠶᠢᠨ ᠱᠢᠷᠦᠨ ᠵᠠᠩᠵᠦᠨ ᠲᠠᠮᠳᠢᠨᠰᠦᠶᠢᠷᠦᠩ ᠬᠡᠳᠦᠨ ᠮᠢᠩᠭᠠᠨ ᠴᠡᠷᠢᠭ ᠲᠠᠶᠢᠴᠢᠯᠠᠨ | ᠲᠤᠮᠳᠠᠳᠤ ᠢᠷᠬᠡᠨ ᠤᠯᠤᠰ ᠲᠠᠢ ᠪᠠᠶᠢᠯᠳᠤᠬᠤ ᠪᠠᠷ ᠲᠤᠯᠤᠨᠠᠭᠤᠷ ᠢ ᠴᠢᠭᠯᠡᠨ ᠬᠦᠯᠦ ᠬᠦᠬᠡ ᠪᠤᠯᠤᠨ ᠰᠢᠯᠤᠭᠤᠨ | ᠴᠠᠭᠠᠨ ᠦᠬᠡᠷᠴᠢᠨ ᠬᠤᠰᠢᠭᠤᠨ ᠤ ᠨᠤᠳᠤᠭ ᠲᠤ ᠤᠷᠤᠵᠦ ᠢᠷᠠᠵᠠᠢ᠃ ᠡᠬᠦᠨ ᠳᠤ ᠬᠦᠯᠦ ᠬᠦᠬᠡ ᠬᠤᠰᠢᠭᠤᠨ ᠤ | ᠪᠡᠪᠡ ᠠᠮᠪᠠᠨ᠂ ᠲᠤᠩᠷᠤᠪ ᠵᠠᠩᠬᠢ᠂ ᠰᠦᠷᠦᠭ ᠬᠤᠰᠢᠭᠤᠨ ᠤ ᠢᠯᠬᠢ ᠠᠮᠪᠠᠨ ᠨᠠᠷ ᠤᠭᠳᠤᠨ ᠤᠴᠢᠵᠦ ᠱᠢᠷᠦᠨ | ᠵᠠᠩᠵᠦᠨ ᠲᠡᠮᠳᠢᠨᠰᠦᠷᠦ᠋ᠩ ᠲᠠᠢ ᠠᠭᠤᠯᠵᠠᠯᠳᠠ ᠬᠢᠵᠠᠢ᠃ ᠲᠡᠮᠳᠢᠨᠰᠦᠷᠦ᠋ᠩ᠄ ︽ᠮᠠᠨᠵᠦ ᠤᠯᠤᠰ ᠮᠦᠬᠦᠵᠦ᠂ ᠠᠷᠤ | ᠬᠠᠯᠬᠠ ᠪᠤᠭᠳᠠ ᠬᠡᠬᠡᠨ ᠵᠢᠪᠽᠤᠨᠳᠠᠮᠪᠠ ᠶᠢ ᠬᠠᠭᠠᠨ ᠰᠢᠷᠡᠬᠡᠨᠡ ᠰᠠᠭᠤᠯᠭᠠᠵᠦ ᠮᠤᠩᠭᠤᠯ ᠤᠯᠤᠰ ᠢ ᠪᠠᠶᠢᠭᠤᠯᠪᠠ᠃ | ᠲᠡ ᠨᠡᠷ ᠮᠤᠩᠭᠤᠯ ᠤᠯᠤᠰ ᠢ ᠲᠠᠭᠠᠨᠠ ᠤᠤ︖ ᠲᠤᠮᠳᠠᠳᠤ ᠢᠷᠬᠡᠨ ᠤᠯᠤᠰ ᠢ ᠲᠠᠭᠠᠨᠠ ᠤᠤ︖︾ ᠬᠡᠰᠡᠨ ᠳᠤ | ᠬᠤᠶᠠᠷ ᠬᠤᠰᠢᠭᠤᠨ ᠤ ᠠᠮᠪᠠᠨ ᠪᠤᠯᠤᠨ ᠨᠤᠶᠠᠳ ᠮᠤᠩᠭᠤᠯ ᠤᠯᠤᠰ ᠢ ᠲᠠᠭᠠᠨᠠ ᠬᠡᠵᠦ ᠠᠮᠠᠯᠠᠯᠳᠠ ᠬᠢᠵᠠᠢ᠃ | ᠢᠩᠬᠢᠬᠡᠳ ᠬᠤᠶᠠᠷ ᠬᠤᠰᠢᠭᠤ ᠬᠦᠮᠦᠨ ᠮᠤᠷᠢ ᠲᠠᠳᠠᠵᠦ ᠵᠤᠬᠢᠶᠠᠨ ᠪᠠᠶᠢᠭᠤᠯᠪᠠ᠃ ᠪᠡᠪᠡ ᠠᠮᠪᠠᠨ ᠲᠤᠰ ᠬᠤᠰᠢᠭᠤᠨ | ᠤ ᠲᠦᠪ ᠰᠤᠮᠤᠨ ᠤ ᠵᠠᠩᠬᠢ ᠲᠤᠩᠷᠤᠪ ᠢ ᠬᠤᠷᠢᠶᠠᠨ ᠲᠠᠷᠤᠭᠠ ᠪᠠᠷ ᠲᠤᠮᠢᠯᠠᠨ ᠤᠯᠠᠨ ᠰᠤᠮᠤᠨ ᠠᠴᠠ ᠰᠢᠯᠢᠳᠡᠭ | ᠵᠠᠯᠠᠭᠤᠴᠤᠳ ᠢ ᠵᠠᠷᠯᠠᠵᠦ ᠬᠤᠶᠠᠷ ᠵᠠᠭᠤ ᠭᠠᠷᠤᠢ ᠴᠡᠷᠢᠭ ᠲᠠᠢ ᠨᠢᠬᠡ ᠬᠤᠷᠢᠶᠠ ᠪᠠᠶᠢᠭᠤᠯᠵᠦ ᠠᠷᠤ ᠮᠤᠩᠭᠤᠯ ᠤᠨ | ᠴᠡᠷᠢᠭ ᠢ ᠬᠠᠪᠰᠤᠷᠣᠨ ᠲᠤᠰᠠᠯᠠᠵᠠᠢ᠃ | ᠪᠠᠪᠠ ᠠᠮᠪᠠᠨ ᠲᠤᠮᠳᠠᠳᠤ ᠢᠷᠬᠡᠨ ᠤᠯᠤᠰ ᠤᠨ ᠦᠶᠡ ᠳᠤ ᠬᠤᠶᠠᠷ ᠭᠤᠳᠠᠭᠠᠷ᠂ ᠲᠠᠪᠤᠳᠤᠭᠠᠷ ᠵᠡᠷᠬᠡ ᠶᠢᠨ | ᠰᠠᠶᠢᠰᠢᠶᠠᠯ ᠢ ᠤᠯᠪᠠ᠃ ᠲᠡᠬᠦᠨ ᠢ ᠰᠠᠶᠢᠨ ᠠᠮᠪᠠᠨ᠂ ᠴᠠᠬᠠᠷ ᠲᠠᠭᠠᠨ ᠨᠡᠯᠢᠶᠡᠳ ᠴᠢᠳᠠᠪᠤᠷᠢᠳᠠᠢ ᠬᠡᠵᠦ ᠦᠵᠡᠳᠡᠭ | ᠪᠦᠬᠡᠳ ᠨᠢᠬᠡ ᠬᠤᠭᠤᠴᠠᠭᠠ ᠰᠢᠯᠤᠭᠤᠨ ᠴᠠᠭᠠᠨ ᠬᠤᠰᠢᠭᠤᠨ ᠤ ᠠᠮᠪᠠᠨ ᠤ ᠲᠤᠰᠢᠶᠠᠯ ᠢ ᠲᠠᠪᠬᠤᠷ | ᠬᠠᠷᠢᠭᠤᠴᠠᠭᠤᠯᠵᠠᠢ᠃ | ᠲᠡᠬᠦᠨ ᠤ ᠬᠦᠪᠡᠬᠦᠨ ᠲᠡᠮᠷᠢᠨᠵᠡᠪ ᠵᠠᠩᠬᠢ ᠲᠤᠩ ᠰᠦᠰᠦᠭ ᠪᠢᠰᠢᠷᠡᠯ ᠲᠠᠢ ᠪᠦᠬᠡᠳ ᠦᠭᠯᠢᠬᠡ ᠪᠤᠶᠠᠨ | ᠦᠢᠯᠡᠳᠬᠦ ᠲᠤᠩ ᠲᠤᠷᠠᠳᠠᠢ ᠬᠦᠮᠦᠨ ᠶᠤᠮ᠃ | ᠪᠡᠪᠡ ᠠᠮᠪᠠᠨ ᠪᠠᠴᠢᠨ ᠵᠢᠯ ︵1943 ᠤᠨ︶ ᠳᠤ ᠵᠢᠷᠠ ᠶᠢᠰᠦᠨ ᠨᠠᠰᠤᠳᠠᠢ ᠨᠠᠰᠤ ᠪᠠᠷᠠᠪᠠ᠃ ᠲᠡᠬᠦᠨ ᠢ | ᠨᠠᠰᠤ ᠪᠠᠷᠠᠭᠰᠠᠨ ᠤ ᠬᠤᠶᠢᠨᠠ ᠬᠦᠯᠦ ᠬᠦᠬᠡ ᠶᠢᠨ ᠲᠡᠭᠡᠷᠡ ᠲᠤᠤᠷᠡᠬᠢ ᠬᠦᠮᠦᠰ ᠬᠠᠷᠠᠮᠰᠠᠨ ᠭᠠᠰᠢᠭᠤᠳᠠᠵᠦ ︽ | ᠨᠤᠳᠤᠭ ᠤᠨ ᠮᠢᠨᠢ ᠰᠠᠶᠢᠨ ᠨᠤᠶᠠᠨ ᠶᠤᠮ ᠳ᠋ᠠ︾ ᠬᠡᠵᠦ ᠲᠤᠷᠠᠰᠳᠠᠭ ᠪᠠᠶᠢᠭᠰᠠᠨ᠃ ᠬᠦᠪᠡᠬᠦᠨ ᠲᠡᠮᠷᠢᠨᠵᠡᠪ ᠨᠢ | ᠡᠴᠢᠬᠡ ᠶᠢᠨ ᠢᠶᠠᠨ ᠱᠠᠷᠢᠯ ᠢ ᠬᠠᠶᠢᠯᠤᠭᠤᠯᠵᠦ ᠴᠢᠨᠳᠠᠷ ᠢ ᠡᠬᠦᠷᠴᠦ ᠡᠬᠡ ᠪᠠᠨ ᠲᠠᠭᠠᠭᠤᠯᠤᠨ ᠶᠠᠪᠠᠭᠠᠨ ᠢᠶᠠᠷ ᠤᠳᠠᠢ | ᠤᠷᠤᠨ ᠳᠤ ᠬᠦᠷᠴᠦ ᠮᠦᠷᠬᠦᠨ ᠱᠠᠷᠢᠯ ᠴᠢᠨᠳᠡᠷ ᠢ ᠲᠠᠩᠰᠠᠯᠠᠭᠤᠯᠤᠨ ᠰᠤᠪᠤᠷᠭᠠ ᠪᠤᠰᠬᠠᠵᠦ᠂ ᠪᠤᠶᠠᠨ ᠨᠤᠮ | ᠤᠩᠰᠢᠭᠤᠯᠤᠨ ᠡᠬᠡ ᠬᠦᠪᠡᠬᠦᠨ ᠬᠤᠶᠠᠭᠤᠯᠠ ᠠᠴᠢᠯᠠᠯ ᠶᠤᠰᠤᠯᠠᠯ ᠢ ᠬᠦᠨ ᠵᠤᠵᠠᠭᠠᠨ ᠬᠦᠢᠴᠡᠳᠬᠡᠵᠦ᠂ ᠮᠦᠨ | ᠶᠠᠪᠠᠭᠠᠨ ᠢᠶᠠᠷ ᠪᠤᠴᠠᠵᠦ ᠢᠷᠡᠭᠰᠡᠨ ᠳᠤ ᠦᠵᠡᠭᠰᠡᠨ ᠰᠤᠨᠤᠰᠤᠭᠰᠠᠨ ᠬᠦᠮᠦᠰ ᠶᠡᠭᠡ ᠯᠠ ᠪᠢᠰᠢᠷᠡᠨ ᠭᠠᠶᠢᠬᠠᠭᠰᠠᠨ | ᠪᠠᠶᠢᠪᠠ᠃ | ᠭᠤᠯᠢᠮᠢᠩᠰᠧ 2008 ᠤᠨ ᠳᠤ ︽ᠴᠠᠬᠠᠷ ᠤᠨ ᠰᠤᠶᠤᠯ ᠲᠡᠤᠬᠡ ᠶᠢᠨ ᠰᠢᠵᠢᠷ ᠬᠠᠭᠤᠳᠠᠰᠤ︾ ᠬᠡᠮᠡᠬᠦ | ᠨᠤᠮ ᠳᠤ ᠲᠡᠮᠳᠡᠭᠯᠡᠭᠳᠡᠵᠡᠢ᠃ | —— ︽ᠰᠢᠯᠤᠭᠤᠨ ᠬᠦᠬᠡ ᠬᠤᠰᠢᠭᠤᠨ ᠤ ᠴᠤᠤᠳᠤ ᠬᠦᠮᠦᠰ︾ ᠨᠤᠮ ᠠᠴᠠ ᠮᠦᠳᠡᠭ | ᠰᠠᠶᠢᠷᠠᠬᠦᠯᠪᠡ᠃ |