| ᠳᠣᠩᠷᠣᠪ ︵1869～1929 ᠣᠨ︶᠂ ᠣᠣᠯ ᠤᠨ ᠴᠠᠬᠠᠷ ᠬᠦᠯᠦ ᠬᠥᠬᠡ ᠬᠤᠰᠢᠭᠤᠨ ᠤ | ᠭᠤᠷᠪᠠᠳᠣᠭᠠᠷ ᠰᠣᠮᠣ᠂ ᠣᠳᠤ ᠶᠢᠨ ᠨᠠᠷᠠᠲᠤ ᠰᠣᠮᠣᠨ ᠤ ᠪᠠᠶᠠᠨ ᠨᠠᠭᠤᠷ ᠭᠠᠴᠠᠭᠠᠨ ᠤ ᠬᠦᠮᠦᠨ᠂ ᠬᠡᠷᠡᠶᠢᠳ | ᠣᠪᠣᠭᠳᠠᠨ᠃ ᠮᠠᠨᠵᠤ ᠮᠣᠩᠭᠤᠯ ᠪᠢᠴᠢᠭ ᠲᠤ ᠨᠡᠪᠲᠡᠷᠬᠡᠢ᠂ ᠬᠢᠲᠠᠳ ᠪᠢᠴᠢᠭ ᠪᠠᠭᠠ ᠮᠡᠳᠡᠳᠡᠭ᠂ ᠰᠣᠮᠣᠨ ᠳᠠᠭᠠᠨ | ᠵᠣᠸᠠᠩᠳᠠ᠂ ᠳᠦᠪᠦ ᠰᠣᠮᠣᠨ ᠤ ᠵᠠᠩᠭᠢ ᠪᠣᠯᠵᠤ ᠥᠩᠭᠡᠷᠡᠵᠡᠢ᠃ | ᠳᠣᠩᠷᠣᠪ ᠪᠣᠯ ᠮᠠᠨ ᠤ ᠣᠷᠣᠨ ᠤ ᠣᠶᠢᠷᠠ ᠦᠶᠡ ᠶᠢᠨ ᠲᠡᠦᠬᠡᠨ ᠳᠤ ᠪᠥᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠮᠣᠩᠭᠤᠯ | ᠠᠷᠠᠳ ᠣᠯᠣᠰ ᠤᠨ ᠳᠣᠰᠠᠭᠠᠷ ᠳᠣᠭᠲᠠᠨᠢᠯ ᠢ ᠳᠡᠮᠵᠢᠵᠦ᠂ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠡᠷᠬᠡ ᠴᠢᠯᠦᠭᠡᠨ ᠤ ᠲᠡᠮᠡᠴᠡᠯ | ᠳᠤ ᠢᠳᠡᠪᠬᠢᠲᠡᠢ ᠣᠷᠣᠯᠴᠠᠭᠰᠠᠨ ᠬᠦᠮᠦᠨ ᠤ ᠨᠢᠭᠡ ᠶᠣᠮ᠃ ᠥᠪᠦᠷ ᠮᠣᠩᠭᠤᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ | ᠬᠤᠷᠢᠶᠠ ᠠᠴᠠ ᠬᠡᠪᠯᠡᠭᠦᠯᠦᠭᠰᠡᠨ ︽ᠪᠥᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠮᠣᠩᠭᠤᠯ ᠠᠷᠠᠳ ᠣᠯᠣᠰ ᠤᠨ ᠲᠡᠦᠬᠡ︾ ᠶᠢᠨ 2 | ᠳᠡᠪᠲᠡᠷ ᠲᠤ᠂ ᠳᠣᠩᠷᠣᠪ ᠤᠨ ᠮᠣᠩᠭᠤᠯ ᠣᠯᠣᠰ ᠤᠨ ᠳᠣᠰᠠᠭᠠᠷ ᠳᠣᠭᠲᠠᠨᠢᠯ ᠢ ᠳᠡᠮᠵᠢᠭᠰᠡᠨ ᠦᠢᠯᠡ ᠠᠵᠢᠯᠯᠠᠭᠠ ᠶᠢ | ᠨᠢ ᠳᠣᠣᠷᠠᠬᠢ ᠮᠡᠲᠦ ᠲᠡᠮᠳᠡᠭᠯᠡᠵᠦ ᠪᠠᠶᠢᠳᠠᠭ᠃ | ᠬᠠᠷᠠᠭᠴᠢᠨ ᠦᠬᠡᠷ ᠵᠢᠯ ︵1913 ᠣᠨ︶ ᠰᠠᠶ᠋ᠢᠬᠠᠨ ᠳᠣᠰᠠᠭᠠᠷ ᠳᠣᠭᠲᠠᠨᠢᠵᠤ ᠪᠠᠶᠢᠭᠠ ᠪᠤᠭᠲᠠ | ᠬᠠᠭᠠᠨᠲᠤ ᠮᠣᠩᠭᠤᠯ ᠣᠯᠣᠰ ᠢ ᠳᠠᠷᠣᠵᠤ ᠣᠰᠳᠬᠠᠬᠤ ᠭᠡᠰᠡᠨ ᠳᠣᠮᠳᠠᠳᠤ ᠢᠷᠭᠡᠨ ᠣᠯᠣᠰ ᠤᠨ ᠲᠦᠷ ᠴᠠᠭ ᠤᠨ | ᠶᠡᠷᠦᠩᠬᠡᠶᠢᠯᠡᠭᠴᠢ ᠣᠮᠠᠷᠠᠲᠤ ᠶᠢᠨ ᠴᠡᠷᠢᠭ ᠤᠨ ᠡᠷᠬᠡᠲᠡᠨ ᠶᠣᠸᠠᠨ ᠱᠢ ᠺᠠᠢ ᠶᠢᠨ ᠴᠡᠷᠢᠭ ᠤᠨ ᠳᠣᠪᠲᠣᠯᠣᠯᠲᠠ ᠶᠢᠨ | ᠡᠰᠡᠷᠬᠦ ᠳᠤ ᠮᠣᠩᠭᠤᠯ ᠣᠯᠣᠰ ᠨᠢ ᠬᠡᠳᠦᠨ ᠵᠠᠮ ᠤᠨ ᠴᠡᠷᠢᠭ ᠭᠠᠷᠭᠠᠵᠤ᠂ ᠥᠪᠦᠷ ᠮᠣᠩᠭᠤᠯ ᠣᠷᠣᠨ ᠳᠤ ᠴᠡᠷᠢᠭ | ᠣᠷᠣᠭᠤᠯᠣᠨ ᠳᠣᠰᠴᠤ ᠪᠠᠶᠢᠯᠳᠣᠭᠰᠠᠨ ᠪᠠᠶᠢᠨᠠ᠃ ᠡᠨᠡ ᠬᠦ᠋ ᠪᠠᠶᠢᠯᠳᠣᠭᠠᠨ ᠨᠢ ︽ᠦᠬᠡᠷ ᠵᠢᠯ ᠤᠨ ᠦᠢᠮᠡᠭᠡᠨ︾ | ᠭᠡᠳᠡᠭ᠃ | ᠶᠡᠷᠦ ᠨᠢ ᠮᠠᠨᠵᠤ᠂ ᠬᠢᠲᠠᠳ ᠤᠨ ᠨᠣᠶᠠᠷᠬᠠᠭᠴᠢᠳ ᠤᠨ ᠳᠠᠯᠬᠢᠭᠳᠠᠯ ᠤᠨ ᠲᠡᠮᠡᠴᠡᠯ ᠤᠨ ᠶᠠᠪᠣᠴᠠ ᠳᠤ | ᠥᠪᠦᠷ ᠮᠣᠩᠭᠤᠯ ᠤᠨ ᠡᠳᠦᠢ ᠲᠡᠳᠦᠢ ᠮᠢᠩᠭᠠᠨ ᠠᠷᠠᠳ ᠭᠠᠭᠴᠠ ᠨᠢᠭᠡ ᠪᠠᠷ ᠶᠣᠮ ᠦᠦ᠂ ᠪᠥᠭᠡᠮ ᠪᠥᠭᠡᠮ ᠢᠶᠠᠷ | ᠭᠠᠯᠪᠠ ᠶᠢᠨ ᠭᠤᠪᠢ ᠶᠢ ᠡᠳᠦᠷ ᠰᠦᠨᠢ ᠦᠭᠡᠢ ᠶᠠᠪᠠᠭᠠᠨ ᠮᠣᠷᠢᠲᠠᠢ ᠲᠣᠭᠤᠯᠵᠤ ᠬᠠᠯᠬᠠ ᠳᠤ ᠨᠡᠭᠦᠨ ᠣᠴᠢᠭᠰᠠᠭᠠᠷ | ᠪᠠᠶᠢᠵᠠᠢ᠃ ᠡᠨᠡ ᠦᠶᠡ ᠳᠤ ᠰᠢᠯᠣᠭᠤᠨ ᠬᠥᠬᠡ ᠬᠤᠰᠢᠭᠤᠨ ᠤ ᠴᠠᠬᠠᠷ ᠭᠤᠷᠪᠠᠳᠣᠭᠠᠷ ᠰᠣᠮᠣᠨ ᠤ ᠳᠣᠩᠷᠣᠪ 400 | ᠢᠯᠡᠭᠦᠦ ᠬᠦᠮᠦᠨ ᠳᠠᠭᠠᠭᠤᠯᠣᠨ ᠬᠠᠯᠬᠠ ᠣᠷᠣᠭᠤ ᠨᠡᠭᠦᠨ ᠣᠴᠢᠭᠰᠠᠨ ᠪᠠᠶᠢᠨᠠ᠃ | ᠮᠣᠩᠭᠤᠯ ᠣᠯᠣᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠨᠢ ᠬᠢᠲᠠᠳ ᠵᠠᠰᠠᠭ ᠤᠨ ᠭᠠᠵᠠᠷ ᠠᠴᠠ ᠭᠠᠳᠠᠭᠠᠳᠤ ᠮᠣᠩᠭᠤᠯ | ᠢ ᠪᠠᠶᠢᠯᠳᠣᠨ ᠳᠠᠷᠣᠩᠭᠤᠶᠢᠯᠠᠬᠤ ᠪᠠᠷ ᠶᠠᠪᠣᠭᠤᠯᠣᠭᠰᠠᠨ ᠬᠢᠲᠠᠳ ᠴᠡᠷᠢᠭ ᠲᠠᠢ ᠴᠠᠭ ᠢ ᠵᠠᠪᠳᠣᠨ ᠠᠮᠠᠳᠠᠨ ᠪᠠᠶᠢᠯᠳᠣᠬᠤ | ᠪᠠᠷ ᠴᠢᠭᠤᠯᠣᠯᠲᠤ ᠬᠠᠭᠠᠯᠭᠠ᠂ ᠪᠠᠲᠤᠬᠠᠭᠠᠯᠭᠠ᠂ ᠳᠣᠯᠣᠨᠨᠠᠭᠤᠷ᠂ ᠬᠥᠬᠡᠬᠤᠲᠠ᠂ ᠪᠣᠭᠤᠲᠤ ᠵᠡᠷᠭᠡ ᠲᠠᠪᠣᠨ ᠵᠠᠮ ᠢᠶᠠᠷ | ᠳᠠᠮᠳᠢᠨᠰᠦ᠋ᠷᠦᠩ ︵ᠱᠢᠷᠦᠨ ᠵᠠᠩᠵᠣᠨ ᠭᠡᠳᠡᠭ︶ ᠢ ᠳᠣᠬᠤᠭᠠᠨ ᠲᠣᠮᠢᠯᠠᠵᠠᠢ᠃ ᠥᠪᠦᠷ ᠮᠣᠩᠭᠤᠯ ᠵᠦᠭ | ᠶᠠᠪᠣᠭᠤᠯᠣᠭᠰᠠᠨ ᠲᠠᠪᠣᠨ ᠵᠠᠮ ᠤᠨ ᠴᠡᠷᠢᠭ ᠨᠢ 7000 ᠬᠦᠮᠦᠨ ᠬᠦᠷᠦᠭᠰᠡᠨ ᠪᠠᠶᠢᠨᠠ᠃ ᠡᠳᠡᠭᠡᠷ ᠴᠡᠷᠢᠭ ᠨᠢ ᠮᠣᠷᠢ | ᠣᠨᠣᠵᠤ᠂ ᠪᠦᠷᠢᠶᠡ ᠦᠯᠢᠶᠡᠨ ᠬᠡᠩᠭᠡᠷᠭᠡ ᠬᠠᠷᠠᠩᠭᠠ ᠳᠡᠯᠡᠳᠦᠨ᠂ ᠣᠷᠣᠢ ᠳᠤᠨᠢ ᠭᠠᠯ ᠣᠷᠢᠶᠠᠭᠰᠠᠨ ᠢᠯᠳᠦ᠂ | ᠳᠣᠣᠷᠠ ᠳᠤᠷ ᠣᠯᠠᠭᠠᠨ ᠬᠢᠯᠭᠠᠰᠣᠨ ᠵᠠᠯᠠᠭᠠ᠂ ᠳᠣᠮᠳᠠ ᠰᠣᠶᠣᠩᠪᠤ ᠦᠰᠦᠭ ᠪᠥᠬᠦᠢ ᠲᠤᠭ ᠳᠠᠯᠪᠠᠭᠠ ᠨᠠᠮᠢᠷᠠᠭᠤᠯᠣᠨ | ᠡᠮᠦᠨᠡ ᠶᠡᠭᠡ ᠵᠠᠮ ᠢᠶᠠᠷ ᠭᠠᠷᠴᠤ ᠢᠷᠡᠵᠡᠢ᠃ | ᠮᠠᠩᠯᠠᠢ ᠪᠠᠭᠠᠲᠣᠷ ᠳᠠᠮᠳᠢᠨᠰᠦᠷᠦ᠋ᠷᠦᠩ ᠨᠢᠭᠡ ᠭᠡᠰᠡᠭ ᠴᠡᠷᠢᠭ ᠣᠳᠣᠷᠢᠳᠴᠤ ᠦᠵᠦᠮᠴᠢᠨ᠂ ᠬᠠᠭᠤᠴᠢᠳ᠂ | ᠰᠢᠷᠠ ᠮᠥᠷᠡᠨ ᠤ ᠵᠡᠭᠦᠨ ᠡᠲᠡᠭᠡᠳ ᠤᠨ ᠴᠢᠭᠯᠡᠯ ᠢᠶᠠᠷ ᠣᠷᠣᠵᠤ ᠢᠷᠡᠭᠰᠡᠨ ᠪᠠᠶᠢᠨᠠ᠃ ᠲᠡᠭᠦᠨ ᠤ ᠮᠢᠩᠭᠠ ᠭᠠᠷᠣᠢ | ᠴᠡᠷᠢᠭ ᠤᠨ ᠳᠣᠲᠣᠷᠠ᠂ ᠬᠠᠯᠬᠠ ᠴᠡᠷᠢᠭ 300᠂ ᠪᠠᠷᠭᠤ ᠴᠡᠷᠢᠭ 300᠂ ᠪᠣᠰᠣᠳ ᠴᠡᠷᠢᠭ 700 ᠣᠷᠴᠢᠮ ᠨᠢ | ᠰᠦᠨᠢᠳ᠂ ᠬᠠᠭᠤᠴᠢᠳ᠂ ᠠᠪᠠᠭᠠ᠂ ᠦᠵᠦᠮᠴᠢᠨ ᠴᠠᠬᠠᠷ ᠴᠡᠷᠢᠭ ᠤᠳ ᠠᠵᠢ᠃ ᠡᠭᠦᠨ ᠤ ᠳᠣᠲᠣᠷᠠ ᠰᠢᠯᠣᠭᠤᠨ | ᠬᠥᠭᠡ ᠶᠢᠨ ᠳᠣᠩᠷᠣᠪ ᠤᠨ ᠳᠠᠭᠠᠭᠤᠯᠣᠭᠰᠠᠨ ᠨᠢᠭᠡ ᠪᠦᠯᠦᠭ ᠴᠡᠷᠢᠭ᠂ ᠰᠢᠯᠣᠭᠤᠨ ᠴᠠᠭᠠᠨ ᠬᠤᠨᠢᠴᠢᠨ ᠰᠦᠷᠦᠭ ᠤᠨ | ᠰᠣᠩᠳᠣᠢ ᠬᠤᠰᠠᠢ ᠶᠢᠨ ᠳᠠᠭᠠᠭᠤᠯᠣᠭᠰᠨ ᠨᠢᠭᠡ ᠪᠦᠯᠦᠭ ᠴᠡᠷᠢᠭ᠂ ᠰᠢᠯᠣᠭᠤᠨ ᠴᠠᠭᠠᠨ ᠦᠬᠡᠷᠴᠢᠨ ᠰᠦᠷᠦᠭ ᠤᠨ | ᠪᠣᠷᠣᠨᠠᠢ ᠵᠠᠩᠭᠢ ᠶᠢᠨ ᠳᠠᠭᠠᠭᠤᠯᠣᠭᠰᠠᠨ ᠨᠢᠭᠡ ᠪᠦᠯᠦᠭ ᠴᠡᠷᠢᠭ ᠪᠠᠶᠢᠵᠠᠢ᠃ | ᠮᠠᠩᠯᠠᠢ ᠪᠠᠭᠠᠲᠣᠷ ᠳᠠᠮᠳᠢᠨᠰᠦᠷᠦ᠋ᠷᠦᠩ ᠤᠨ ᠣᠳᠣᠷᠢᠳᠣᠭᠰᠠᠨ ᠴᠡᠷᠢᠭ ᠤᠳ ᠨᠢ ᠳᠣᠯᠣᠨᠨᠠᠭᠤᠷ ᠤᠨ ᠨᠠᠭᠠᠨᠠ | ᠬᠤᠰᠢᠮᠠᠭ ᠴᠠᠭᠠᠨ ᠨᠠᠭᠤᠷ ᠵᠡᠷᠭᠡ ᠭᠠᠵᠠᠷ ᠤᠳ ᠲᠤ ᠬᠢᠲᠠᠳ ᠴᠡᠷᠢᠭ ︵ᠪᠠᠰᠠ ᠬᠠᠷᠠ ᠴᠡᠷᠢᠭ ᠭᠡᠳᠡᠭ︶ ᠲᠠᠢ | ᠪᠠᠶᠢᠯᠳᠣᠨ 1000 ᠰᠢᠬᠠᠮ ᠴᠡᠷᠢᠭ ᠢ ᠠᠯᠠᠭᠰᠠᠨ ᠪᠣᠶᠤ ᠣᠯᠵᠠᠯᠠᠭᠰᠠᠨ ᠪᠠᠶᠢᠨᠠ᠃ ᠡᠳᠡᠭᠡᠷ ᠪᠠᠶᠢᠯᠳᠣᠭᠠᠨ ᠤ | ᠳᠣᠮᠳᠠ ᠬᠤᠷᠢᠶᠠᠨ ᠳᠠᠷᠤᠭᠠ ᠳᠣᠩᠷᠣᠪ ᠭᠤᠸᠠᠢ᠂ ᠮᠣᠩᠭᠤᠯ ᠣᠯᠣᠰ ᠳᠣᠰᠠᠭᠠᠷ ᠳᠣᠭᠲᠠᠨᠢᠯ ᠢ ᠬᠠᠮᠠᠭᠠᠯᠠᠬᠤ ᠪᠠ | ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠪᠠᠨ ᠡᠷᠬᠡ ᠴᠢᠯᠦᠭᠡᠨ ᠤ ᠲᠥᠯᠦᠭᠡ᠂ ᠠᠷᠢᠭᠤᠨ ᠴᠢᠰᠤ ᠪᠠᠨ ᠣᠷᠣᠰᠬᠠᠵᠤ᠂ ᠠᠯᠲᠠᠨ | ᠠᠮᠢ ᠪᠠᠨ ᠦᠷᠡᠭᠳᠡᠭᠦᠯᠬᠦ ᠠᠴᠠ ᠠᠶᠣᠬᠤ ᠦᠭᠡᠢ᠂ ᠦᠬᠦᠬᠦ ᠶᠢ ᠣᠨᠲᠠᠬᠤ ᠶᠢᠨ ᠲᠡᠳᠦᠢ ᠦᠵᠡᠵᠦ᠂ ᠡᠷᠭᠡ ᠴᠢᠯᠦᠭᠡ᠂ | ᠳᠣᠰᠠᠭᠠᠷ ᠳᠣᠭᠲᠠᠨᠢᠯ ᠢ ᠬᠠᠮᠤᠭ ᠠᠴᠠ ᠳᠡᠭᠡᠳᠦᠯᠡᠨ᠂ ᠬᠠᠯᠬᠠ ᠴᠡᠷᠢᠭ ᠲᠠᠢ ᠬᠠᠮᠲᠤ᠂ ᠪᠠᠶᠢᠯᠳᠣᠭᠠᠨ ᠤ ᠭᠠᠯ ᠤᠨ | ᠹᠷᠣᠨᠲ ᠳᠡᠭᠡᠷᠡ ᠡᠷᠡᠯᠬᠡᠭ ᠪᠠᠭᠠᠲᠣᠷᠯᠢᠭ ᠢᠶᠠᠷ ᠪᠠᠶᠢᠯᠳᠣᠵᠤ᠂ ᠠᠰᠣᠷᠤ ᠶᠡᠭᠡ ᠭᠠᠪᠢᠶᠠ ᠪᠠᠶᠢᠭᠤᠯᠣᠭᠰᠠᠨ ᠪᠠᠶᠢᠨᠠ᠃ | ᠮᠣᠩᠭᠤᠯ ᠣᠯᠣᠰ ᠤᠨ ᠵᠢᠪᠽᠣᠨᠳ᠋ᠮᠪᠠ ᠭᠠᠪᠢᠶᠠ ᠵᠢᠳᠬᠦᠯ ᠢ ᠨᠢ ᠦᠨᠳᠦᠰᠦᠯᠡᠨ ᠡᠨᠡ ᠣᠳᠠᠭᠠᠨ ᠤ ᠴᠠᠬᠠᠷ | ᠤᠨ ᠴᠡᠷᠢᠭ ᠤᠨ ᠭᠤᠷᠪᠠᠨ ᠬᠦᠮᠦᠨ ᠢ ᠭᠦᠩ ᠡᠷᠭᠦᠮᠵᠢᠯᠡᠭᠰᠡᠨ ᠤ ᠨᠢᠭᠡ ᠨᠢ ᠳᠣᠩᠷᠣᠪ ᠪᠠᠶᠢᠵᠠᠢ᠃ ᠢᠩᠭᠢᠭᠡᠳ | ᠳᠣᠩᠷᠣᠪ ᠬᠦᠩ ᠭᠡᠵᠦ ᠠᠯᠳᠠᠷᠰᠢᠭᠰᠠᠨ ᠪᠠᠶᠢᠨᠠ᠃ ᠨᠥᠭᠦᠬᠡ ᠬᠤᠶᠠᠷ ᠨᠢ ᠰᠢᠯᠣᠭᠤᠨ ᠴᠠᠭᠠᠨ ᠦᠬᠡᠷᠴᠢᠨ ᠰᠦᠷᠦᠭ | ᠤᠨ ᠮᠠᠭᠰᠠᠷᠵᠠᠪ ︵ᠲᠣᠰ ᠬᠦᠮᠦᠨ ᠬᠠᠷᠢᠵᠤ ᠢᠷᠡᠭᠰᠡᠨ ᠦᠭᠡᠢ ᠭᠡᠨᠡ︶᠂ ᠬᠥᠪᠡᠭᠡᠲᠦ ᠰᠢᠷᠠ ᠬᠤᠰᠢᠭᠤᠨ ᠤ ᠢᠳᠠᠮ | ᠬᠦᠩ ᠵᠡᠷᠭᠡ ᠪᠣᠯᠣᠨᠠ᠃ | 1913 ᠣᠨ ᠤ 10 ᠰᠠᠷᠠ ᠶᠢᠨ23 ᠤ ᠡᠳᠦᠷ᠂ ︽ᠭᠠᠲᠠᠭᠠᠳᠤ ᠮᠣᠩᠭᠤᠯ ᠤᠨ ᠠᠦ᠋ᠲ᠋ᠣᠮᠣᠨᠢ ᠶᠢ | ᠬᠦᠯᠢᠶᠡᠬᠦ ᠳᠣᠬᠠᠢ ᠣᠷᠣᠰ — ᠬᠢᠲᠠᠳ ᠤᠨ ᠲᠣᠩᠬᠠᠭ︾ ᠢ ᠪᠡᠭᠡᠵᠢᠩ ᠬᠤᠲᠠᠨᠠ ᠭᠠᠷ ᠤᠨ ᠦᠰᠦᠭ ᠵᠢᠷᠣᠵᠠᠢ᠃ | ᠢᠩᠭᠢᠭᠡᠳ ᠡᠨᠡ ᠣᠳᠠᠭᠠᠨ ᠤ ᠪᠠᠶᠢᠯᠳᠣᠭᠠᠨ ᠵᠣᠭᠰᠣᠭᠰᠠᠨ ᠪᠠᠶᠢᠨᠠ᠃ | ᠡᠭᠦᠨ ᠳᠤ ᠥᠪᠦᠷ ᠮᠣᠩᠭᠤᠯ ᠳᠣᠲᠣᠷᠠᠬᠢ ᠨᠥᠯᠦᠭᠡ ᠪᠥᠬᠦᠢ ᠲᠣᠮᠤ ᠹᠸᠣᠳᠠᠯ ᠤᠳᠶᠣᠸᠠᠨ ᠱᠢ ᠺᠠᠢ ᠶᠢᠨ | ᠠᠮᠠᠯᠠᠯᠲᠠ ᠶᠢ ᠢᠲᠡᠭᠡᠵᠦ ᠪᠣᠴᠠᠭᠰᠠᠨ ᠪᠣᠯᠪᠠᠴᠤ ᠵᠠᠷᠢᠮ ᠨᠢᠭᠡ ᠳᠣᠰᠢᠶᠠᠯ ᠲᠠᠢ ᠳᠦᠰᠢᠮᠠᠯ᠂ ᠵᠢᠷ ᠤᠨ ᠠᠷᠠᠳ ᠤᠳ | ᠬᠡᠳᠦᠢ ᠪᠠᠷ ᠪᠡᠭᠡᠵᠢᠩ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠥᠷᠦᠰᠢᠶᠡᠯ ᠦᠵᠡᠭᠦᠯᠦᠭᠰᠡᠨ ᠢ ᠮᠡᠳᠡᠵᠦ ᠪᠠᠶᠢᠪᠠᠴᠤ ᠴᠣᠬᠤᠮ ᠶᠠᠮᠠᠷ | ᠪᠣᠯᠬᠤ ᠶᠢ ᠰᠡᠵᠢᠭᠯᠡᠨ ᠬᠦᠯᠢᠭᠡᠯᠵᠡᠵᠦ ᠪᠠᠶᠢᠵᠠᠢ᠃ ᠴᠠᠬᠠᠷ ᠭᠤᠷᠪᠠᠳᠣᠭᠠᠷ ᠰᠣᠮᠣᠨ ᠤ ᠳᠣᠩᠷᠣᠪ ᠨᠢ ᠪᠣᠭᠲᠠ ᠶᠢᠨ | ᠲᠥᠷᠦ ᠳᠤ ᠳᠠᠭᠠᠷᠠ ᠣᠷᠣᠵᠤ ᠬᠦᠩ ᠵᠡᠷᠭᠡ ᠱᠠᠩᠨᠠᠭᠤᠯᠣᠭᠠᠳ ᠬᠠᠷᠢᠶᠠᠲᠤ ᠬᠦᠮᠦᠰ ᠢᠶᠠᠨ ᠳᠠᠭᠠᠭᠤᠯᠣᠨ ᠣᠣᠯ | ᠬᠤᠰᠢᠭᠤᠨ ᠳᠠᠭᠠᠨ ᠪᠣᠴᠠᠬᠤ ᠪᠠᠷ ᠭᠠᠷᠴᠤ ᠢᠷᠡᠭᠰᠡᠨ ᠪᠣᠯᠪᠠᠴᠤ ᠵᠠᠮ ᠤᠨ ᠡᠭᠦᠳᠡ ᠶᠢᠨ ᠡᠮᠦᠨᠡ ᠬᠦᠷᠴᠦ ᠢᠷᠡᠭᠡᠳ | ᠨᠢᠭᠡ ᠬᠤᠭᠤᠴᠠᠭᠠ ᠪᠠᠶᠢᠳᠠᠯ ᠢ ᠠᠵᠢᠭᠯᠠᠨ ᠰᠠᠭᠤᠭᠰᠠᠨ ᠪᠠᠶᠢᠨᠠ᠃ ᠳᠣᠩᠷᠣᠪ ᠨᠠᠷ ᠤᠨ ᠣᠣᠯ ᠬᠤᠰᠢᠭᠤᠨ ᠳᠠᠭᠠᠨ | ᠪᠣᠴᠠᠭᠰᠠᠨ ᠦᠭᠡᠢ ᠠᠳᠡ ᠪᠠᠶᠢᠭᠠ ᠶᠢ ᠮᠡᠳᠡᠭᠡᠳ ᠠᠷᠠᠶᠢᠬᠠᠨ ᠨᠠᠮᠵᠢᠭᠠᠵᠤ ᠪᠥᠬᠦᠢ ᠥᠪᠦᠷ ᠮᠣᠩᠭᠤᠯ ᠤᠨ | ᠮᠣᠩᠭᠤᠯᠴᠣᠳ ᠤᠨ ᠡᠷᠭᠡ ᠴᠢᠯᠦᠭᠡᠨ ᠤ ᠬᠥᠳᠡᠯᠭᠡᠭᠡᠨ ᠤ ᠳᠠᠬᠢᠨ ᠰᠡᠷᠭᠦᠬᠦ ᠠᠴᠠ ᠪᠣᠯᠭᠤᠮᠵᠢᠯᠠᠨ᠂ ᠳᠣᠮᠳᠠᠳᠤ ᠢᠷᠭᠡᠨ | ᠣᠯᠣᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠠᠴᠠ ᠮᠣᠩᠭᠤᠯ ᠣᠯᠣᠰ ᠣᠷᠣᠭᠤ ᠪᠢᠴᠢᠭᠯᠡᠨ᠂ ᠳᠣᠩᠷᠣᠪ ᠨᠠᠷ ᠶᠠᠮᠠᠷ ᠣᠴᠢᠷ ᠲᠠᠢ | ᠴᠠᠪᠬᠠᠷᠬᠠᠵᠤ ᠪᠠᠶᠢᠬᠤ ᠶᠢ ᠯᠠᠪᠯᠠᠨ ᠠᠰᠠᠭᠤᠭᠰᠠᠨ ᠪᠠᠶᠢᠨᠠ᠃ 1915 ᠣᠨ ᠤ 6 ᠰᠠᠷᠠ ᠳᠤ ᠳᠣᠮᠳᠠᠳᠤ ᠢᠷᠭᠡᠨ | ᠣᠯᠣᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠠᠴᠠ ᠪᠣᠭᠳᠠ ᠵᠢᠪᠽᠣᠳᠠᠮᠪᠠ ᠬᠤᠳᠣᠭᠲᠤ ᠳᠤ ᠶᠠᠪᠣᠭᠤᠯᠣᠭᠰᠨ ᠴᠠᠬᠢᠯᠭᠠᠨ ᠳᠠᠭᠠᠨ | ︽ᠳᠣᠩᠷᠣᠪ᠂ ᠵᠠᠮᠰᠦ᠋ᠷᠦᠩᠵᠠᠪ ᠨᠠᠷ ᠤᠨ ᠴᠡᠷᠢᠭ ᠠᠩᠭᠢ ᠡᠭᠦᠳᠡ ᠶᠢᠨ ᠡᠮᠦᠨᠡ ᠳᠤ ᠬᠡᠪ ᠢᠶᠠᠷ ᠢᠶᠠᠨ ᠰᠠᠭᠤᠵᠤ ᠪᠣᠢ | ᠁︾ ᠭᠡᠵᠦ ᠳᠣᠷᠠᠳᠴᠠᠢ᠃ ᠡᠭᠦᠨ ᠢᠶᠠᠷ ᠦᠵᠡᠬᠦ ᠳᠤ ᠳᠣᠩᠷᠣᠪ ᠬᠦᠩ 1915 ᠣᠨ ᠤ 6 ᠰᠠᠷᠠ ᠠᠴᠠ | ᠬᠤᠶᠢᠰᠢ᠂ ᠣᠣᠯ ᠬᠤᠰᠢᠭᠤᠨ ᠳᠠᠭᠠᠨ ᠬᠠᠷᠢᠵᠤ ᠢᠷᠡᠭᠰᠡᠨ ᠪᠠᠶᠢᠨᠠ᠃ ᠲᠡᠷᠡ ᠣᠣᠯ ᠨᠣᠲᠤᠭ ᠳᠠᠭᠠᠨ ᠪᠣᠴᠠᠵᠤ | ᠢᠷᠡᠭᠰᠡᠨ ᠤ ᠳᠠᠷᠠᠭᠠ᠂ ᠪᠠᠪᠣᠵᠠᠪ ᠤᠨ ᠴᠡᠷᠢᠭ ᠢ ᠳᠠᠭᠠᠵᠤ ᠯᠢᠨᠰᠢ ᠶᠢᠨ ᠲᠣᠯᠣᠯᠳᠣᠭᠠᠨ ᠳᠤ ᠣᠷᠣᠯᠴᠠᠵᠤ ᠬᠠᠷᠢᠵᠤ | ᠢᠷᠡᠭᠰᠡᠨ ᠤ ᠳᠠᠷᠠᠭᠠ ᠭᠦᠯᠦ ᠬᠥᠬᠡ ᠪᠠᠪᠠ ᠠᠮᠪᠠᠨ ᠯᠤᠭᠠ ᠲᠠᠭᠠᠷᠠᠯᠴᠠᠬᠤ ᠦᠭᠡᠢ ᠪᠣᠯᠬᠤᠷ ᠬᠥᠨᠳᠦᠳᠬᠡᠨ | ᠬᠡᠷᠡᠭᠯᠡᠭᠳᠡᠭᠰᠡᠨ ᠦᠭᠡᠢ᠃ ᠳᠠᠶᠢᠨ ᠪᠠᠶᠢᠯᠳᠣᠭᠠᠨ ᠤ ᠳᠣᠮᠳᠠ ᠭᠠᠪᠢᠶᠠ ᠪᠠᠶᠢᠭᠤᠯᠣᠨ ᠬᠦᠩ ᠵᠡᠷᠭᠡ ᠱᠠᠩᠨᠠᠭᠳᠠᠭᠰᠠᠨ | ᠭᠡᠵᠦ ᠣᠮᠣᠷᠬᠠᠭᠯᠠᠵᠤ ᠪᠠᠳᠠᠮᠨᠠᠭᠰᠠᠨ ᠦᠭᠡᠢ᠂ ᠣᠭᠰᠣᠶᠢᠬᠤ ᠵᠡᠷᠭᠡ ᠳᠤ ᠳᠣᠷᠠᠯᠠᠨ ᠨᠣᠶᠠᠨ ᠰᠠᠭᠤᠬᠤ ᠶᠢ ᠬᠦᠰᠡᠭᠰᠡᠨ | ᠦᠭᠡᠢ᠂ ᠡᠳ᠋ ᠮᠥᠩᠭᠦᠨ ᠳᠤ ᠰᠢᠨᠣᠵᠤ ᠡᠷᠬᠢᠮᠰᠦᠭ ᠶᠠᠪᠣᠬᠤ ᠶᠢ ᠪᠣᠳᠣᠭᠰᠠᠨ ᠦᠭᠡᠢ᠂ ᠬᠠᠷᠢᠨ ᠬᠤᠶᠢᠴᠢ ᠦᠶᠡ ᠶᠢᠨ | ᠪᠠᠭᠠᠴᠣᠳ ᠵᠠᠯᠠᠭᠤᠴᠣᠳ ᠢᠶᠠᠨ ᠬᠦᠮᠦᠵᠢᠭᠦᠯᠬᠦ ᠶᠢᠨ ᠲᠥᠯᠦᠭᠡ᠂ ᠢᠳᠡᠪᠬᠢᠲᠡᠢ ᠠᠷᠭᠠ ᠬᠡᠮᠵᠢᠶᠡ ᠠᠪᠴᠤ | ᠰᠣᠷᠭᠠᠭᠤᠯᠢ ᠡᠷᠬᠢᠯᠡᠭᠰᠡᠨ ᠪᠠᠶᠢᠨᠠ᠃ ᠲᠣᠰ ᠬᠦᠮᠦᠨ ᠨᠢ ᠴᠠᠬᠠᠷ ᠭᠤᠷᠪᠠᠳᠣᠭᠠᠷ ᠰᠣᠮᠣᠨ ᠤ ᠭᠤᠭᠤᠰᠣᠲᠠᠢ ᠶᠢᠨ | ᠰᠦᠮᠡ ᠠᠴᠠ ᠳᠥᠷᠪᠡᠨ ᠵᠠᠩ ᠬᠠᠭᠤᠴᠢᠨ ᠪᠠᠶᠢᠰᠢᠩ ᠣᠯᠵᠤ᠂ ᠬᠤᠷᠢᠭᠠᠳ ᠰᠣᠷᠣᠭᠴᠢ ᠡᠯᠰᠡᠨ ︽ᠪᠣᠭᠳᠠ ᠶᠢᠨ | ᠰᠣᠷᠭᠠᠯ︾᠂ ︽ᠳᠥᠷᠪᠡᠨ ᠪᠢᠴᠢᠭ ᠲᠠᠪᠣᠨ ᠨᠣᠮ︾ ᠵᠡᠷᠭᠡ ᠶᠢᠨ ᠬᠢᠴᠢᠶᠡᠯ ᠢ ᠵᠢᠭᠠᠵᠤ ᠪᠠᠶᠢᠵᠠᠢ᠃ ᠲᠡᠷᠡ ᠨᠠᠰᠣᠨ | ᠥᠨᠳᠦᠷ ᠪᠣᠯᠲᠠᠯᠠ ᠪᠠᠨ ᠡᠳᠦᠢ ᠲᠡᠳᠦᠢ ᠱᠠᠪᠢ ᠬᠦᠮᠦᠵᠢᠭᠦᠯᠦᠨ ᠡᠷᠳᠡᠮ ᠰᠣᠷᠭᠠᠵᠤ ᠪᠠᠶᠢᠭᠠᠳ 1929 ᠣᠨ ᠳᠤ | ᠨᠠᠰᠤ ᠨᠥᠭᠴᠢᠪᠠ᠃ | ᠳᠣᠩᠷᠣᠪ ᠬᠦᠩ ᠤᠨ ᠨᠢᠭᠡ ᠨᠠᠰᠣᠨ ᠤ ᠪᠣᠳᠠᠲᠠᠢ ᠦᠢᠯᠡ ᠠᠵᠢᠯᠯᠠᠭᠠ ᠠᠴᠠ ᠦᠵᠡᠭᠦᠯᠡ᠂ ᠲᠡᠷᠡ ᠨᠢ ᠠᠰᠣᠷᠤ | ᠰᠠᠶᠢᠨ ᠪᠣᠳᠣᠯᠭᠠ ᠲᠠᠢ᠂ ᠠᠯᠣᠰ ᠬᠤᠯᠠ ᠶᠢᠨ ᠬᠠᠷᠠᠴᠠ ᠲᠠᠢ᠂ ᠦᠨᠳᠦᠰᠦᠲᠡᠨ᠂ ᠣᠷᠣᠨ ᠨᠣᠲᠤᠭ ᠢᠶᠠᠨ ᠦᠵᠡᠬᠦ | ᠨᠢᠳᠣᠨ ᠤ ᠴᠡᠴᠡᠬᠡᠢ ᠰᠢᠭ ᠬᠠᠶᠢᠷᠠᠯᠠᠳᠠᠭ᠃ ᠥᠰᠪᠦᠷᠢ ᠶᠢᠨ ᠪᠠᠭᠠᠴᠣᠳ ᠢᠶᠠᠨ ᠬᠦᠮᠦᠵᠢᠭᠦᠯᠬᠦ ᠶᠢ ᠡᠷᠲᠡ | ᠤᠬᠠᠮᠰᠠᠷᠬᠠᠰᠠᠨ ᠬᠦᠮᠦᠨ ᠠᠵᠢ᠃ | ᠳᠣᠩᠷᠣᠪ 2006 ᠣᠨ ᠳᠤ ︽ᠴᠠᠬᠠᠷ ᠰᠢᠯᠣᠭᠤᠨ ᠬᠥᠬᠡ ᠬᠤᠰᠢᠭᠤ︾ ᠬᠡᠮᠡᠬᠦ ᠨᠣᠮ ᠳᠤ | ᠲᠡᠮᠳᠡᠭᠯᠡᠭᠳᠡᠵᠡᠢ᠃ | ︽ᠰᠢᠯᠣᠭᠤᠨ ᠬᠥᠭᠡ ᠬᠤᠰᠢᠭᠤᠨ ᠤ ᠴᠣᠣᠲᠤ ᠬᠦᠮᠦᠰ︾ ᠭᠡᠬᠦ ᠮᠠᠶᠢᠯᠠᠰᠣ ᠨᠣᠮ ᠠᠴᠠ ᠰᠡᠶᠢᠷᠡᠭᠦᠯᠪᠡ᠃ | |