| ᠳᠣᠯᠠᠮᠵᠠᠪ ︵1878～1945 ᠣᠨ︶᠂ ᠱᠠᠯᠣᠤ ᠭᠡᠳᠡᠭ ᠨᠢ ᠪᠠᠭᠠ ᠶᠢᠨ ᠬᠢᠨᠢ ᠨᠡᠷᠡ᠂ ᠵᠢᠩᠬᠢᠨᠢ | ᠨᠡᠷᠡ ᠳᠣᠯᠠᠮᠵᠠᠪ ᠭᠡᠳᠡᠭ᠃ ᠬᠤᠷᠴᠢᠨ ᠠᠷᠪᠠᠨ ᠬᠤᠶᠠᠳᠣᠭᠠᠷ ᠰᠣᠮᠣᠨ ᠤ ᠬᠦᠮᠦᠨ᠂ ᠲᠡᠷᠡ1878 ᠣᠨ ᠳᠤ ︵ | ᠰᠢᠷᠠ ᠪᠠᠷᠰ ᠵᠢᠯ︶ ᠬᠤᠷᠴᠢᠨ ᠰᠣᠮᠣᠨ ᠤ ᠨᠢᠭᠡᠨ ᠴᠢᠨᠡᠭᠡᠯᠢᠭ ᠠᠶᠢᠯ ᠳᠤ ᠲᠥᠷᠦᠵᠡᠢ᠃ ᠬᠤᠷᠴᠢᠨ ᠰᠣᠮᠣᠨ ᠤ | ᠬᠦᠩᠲᠡ ᠪᠠᠶᠢᠵᠤ ᠥᠩᠭᠡᠷᠡᠵᠡᠢ᠃ ᠲᠡᠷᠡ ᠬᠡᠳᠦᠶᠢᠪᠡᠷ ᠮᠠᠨᠵᠤ ᠮᠣᠩᠭᠤᠯ ᠨᠣᠮ ᠪᠢᠴᠢᠭ ᠢ ᠨᠡᠪᠲᠡᠷᠬᠡᠢ ᠰᠣᠷᠣᠭᠰᠠᠨ | ᠦᠭᠡᠢ ᠪᠣᠯᠪᠠᠴᠤ ᠣᠬᠠᠭᠠᠨ ᠰᠠᠨᠠᠭᠠ ᠰᠡᠷᠭᠦᠯᠡᠩ᠂ ᠠᠮᠠ ᠬᠡᠯᠡ ᠬᠤᠷᠴᠠ᠂ ᠬᠠᠵᠠᠭᠠᠢ ᠪᠣᠷᠣᠭᠤ ᠶᠢ ᠦᠵᠡᠵᠦ | ᠴᠢᠳᠠᠬᠤ ᠦᠭᠡᠢ᠂ ᠬᠡᠨ ᠲᠠᠢ ᠴᠦ ᠭᠡᠰᠡᠨ ᠶᠣᠰᠤ ᠶᠠᠷᠢᠬᠤ ᠠᠴᠠ ᠪᠣᠴᠠᠳᠠᠭ ᠦᠭᠡᠢ ᠵᠣᠷᠢᠭ ᠬᠠᠲᠠᠭᠤ ᠬᠦᠮᠦᠨ | ᠪᠠᠶᠢᠯᠠ ᠭᠡᠳᠡᠭ᠃ ᠲᠡᠭᠦᠨ ᠢ ᠠᠷᠪᠠᠨ ᠲᠠᠪᠣᠨ ᠨᠠᠰᠣᠲᠠᠢ ᠳᠤᠨᠢ ᠡᠴᠢᠭᠡ ᠡᠬᠡ ᠨᠢ ᠬᠡᠰᠢᠭᠲᠡᠨ ᠬᠤᠰᠢᠭᠤᠨ ᠠᠴᠠ | ᠡᠬᠡᠨᠡᠷ ᠪᠠᠭᠤᠯᠭᠠᠨ ᠥᠭᠴᠦ᠂ ᠳᠡᠮᠡᠢ ᠣᠳᠠᠯ ᠦᠭᠡᠢ ᠡᠴᠢᠭᠡ ᠡᠬᠡ ᠨᠢ ᠣᠷᠢᠳ ᠬᠤᠵᠢᠳ ᠨᠠᠰᠤ ᠪᠠᠷᠠᠵᠤ᠂ ᠰᠡᠭᠦᠯ | ᠳᠤᠨᠢ ᠭᠡᠷᠬᠡᠢ ᠨᠢ ᠬᠦᠨᠳᠦ ᠡᠪᠡᠳᠴᠢᠯᠡᠵᠦ ᠳᠥᠷᠬᠦᠮ ᠳᠡᠭᠡᠨ ᠬᠠᠷᠢᠭᠠᠳ ᠡᠮᠨᠡᠭᠦᠯᠦᠨ ᠵᠠᠰᠠᠭᠤᠯᠵᠤ᠂ ᠨᠣᠮ ᠭᠦᠷᠢᠮ | ᠬᠢᠯᠭᠡᠭᠰᠡᠨ ᠴᠦ ᠢᠯᠡᠷᠢ ᠪᠣᠯᠣᠭᠰᠠᠨ ᠦᠭᠡᠢ ᠨᠠᠰᠤ ᠪᠠᠷᠠᠵᠠᠢ᠃ ᠱᠠᠯᠣᠤ ᠲᠣᠯᠣᠭᠠᠢ ᠶᠢᠨ ᠵᠠᠰᠠᠯ ᠢ ᠵᠠᠪᠠᠯ ᠪᠣᠴᠠᠭᠠᠨ | ᠠᠪᠣᠨᠠ ᠭᠡᠵᠦ ᠮᠠᠷᠭᠤᠭᠠᠨ ᠪᠣᠯᠵᠤ ᠬᠠᠷᠢᠵᠤ ᠢᠷᠡᠭᠡᠳ ᠰᠣᠮᠣᠨ ᠳᠠᠭᠠᠨ ᠵᠠᠭᠠᠯᠳᠣᠵᠠᠢ᠃ ᠱᠠᠯᠤᠤ ᠶᠢᠨ ᠬᠠᠳᠠᠮ | ᠡᠴᠢᠭᠡ ᠨᠢ ᠬᠤᠷᠴᠢᠨ ᠰᠣᠮᠣ ᠪᠠᠷ ᠳᠠᠰᠣᠯᠣᠭᠤᠯᠪᠠᠯ ᠵᠥᠪ ᠢᠶᠠᠨ ᠣᠯᠵᠤ ᠳᠡᠶᠢᠯᠬᠦ ᠦᠭᠡᠢ ᠪᠠᠨ ᠮᠡᠳᠡᠵᠦ ᠱᠠᠯᠣᠤ | ᠠᠴᠠ ᠡᠮᠦᠨᠡ ᠵᠠᠪᠳᠣᠵᠤ ᠰᠢᠯᠣᠭᠤᠨ ᠬᠥᠬᠡ ᠬᠤᠰᠢᠭᠤᠨ ᠤ ᠲᠠᠮᠠᠭᠠ ᠶᠢᠨ ᠭᠠᠵᠠᠷ ᠬᠥᠳᠡᠯᠭᠦᠯᠡᠩᠲᠦ ᠡᠷᠭᠦᠭᠳᠡᠯ | ᠡᠷᠭᠦᠵᠦ᠂ ᠬᠡᠭᠡᠯᠢ ᠳᠦᠯᠬᠢᠵᠦ ᠭᠡᠨᠡ᠃ ᠲᠠᠮᠠᠭᠠ ᠶᠢᠨ ᠭᠠᠵᠠᠷ ᠠᠴᠠ ᠱᠠᠯᠣᠤ ᠶᠢ ᠳᠠᠭᠤᠳᠠᠨ ᠪᠣᠷᠣᠭᠤᠳᠬᠠᠭᠰᠠᠨ ᠳᠤ | ᠬᠡᠨ ᠲᠠᠢ ᠬᠡᠯᠡᠯᠴᠡᠬᠦ ᠠᠴᠠ ᠪᠣᠴᠠᠳᠠᠭ ᠦᠭᠡᠢ ᠱᠠᠯᠣᠤ᠂ ᠬᠡᠯᠡᠨ ᠤ ᠬᠤᠷᠴᠠ ᠬᠡᠳᠦᠢ ᠵᠠᠷᠣᠪᠠᠴᠣ ᠪᠣᠯᠣᠭᠰᠠᠨ ᠦᠭᠡᠢ | ᠭᠦᠳᠬᠡᠭᠳᠡᠵᠦ ᠳᠥᠴᠢᠨ ᠳᠠᠰᠢᠭᠤᠷ ᠭᠤᠶᠠᠳᠠᠭᠳᠠᠵᠠᠢ᠃ ᠢᠩᠭᠢᠭᠡᠳ ᠱᠠᠯᠣᠤ ᠮᠥᠨ ᠪᠣᠷᠤᠭᠤ ᠪᠠᠨ ᠮᠡᠳᠡᠷᠡᠬᠦ ᠦᠭᠡᠢ | ᠲᠣᠯᠠ᠂ ᠳᠠᠬᠢᠨ ᠭᠤᠶᠠᠳᠠᠬᠤ ᠠᠷᠭᠠ ᠦᠭᠡᠢ ︵ᠡᠷᠡᠭᠦᠦ ᠶᠢᠨ ᠬᠡᠷᠡᠭ ᠪᠣᠰᠤ︶ ᠪᠣᠯᠬᠤ ᠳᠠᠭᠠᠨ ᠬᠠᠦᠯᠢ ᠶᠣᠰᠤ ᠶᠢ | ᠵᠥᠷᠢᠴᠡᠨ᠂ ᠵᠠᠬᠢᠷᠭᠠ ᠶᠢ ᠡᠰᠡᠷᠭᠦᠴᠡᠭᠰᠡᠨ ᠶᠡᠯᠡ ᠳᠣᠬᠤᠵᠤ ᠬᠠᠳᠠᠵᠤ ︵ᠭᠢᠨᠵᠢ ᠳᠣᠰᠢᠶᠠ ᠵᠡᠭᠦᠯᠭᠡᠬᠦ︶ ᠬᠤᠷᠢᠭᠰᠠᠨ | ᠪᠠᠶᠢᠨᠠ᠃ ᠬᠡᠳᠦᠨ ᠰᠠᠷᠠ ᠬᠤᠷᠢᠭᠠᠳ ᠰᠣᠯᠠ ᠭᠠᠷᠭᠠᠬᠤ ᠦᠶᠡ ᠳᠤ ᠱᠠᠯᠣᠤ ᠮᠥᠨ ᠬᠢᠯᠢᠰ ᠲᠣᠭᠠᠴᠢᠵᠤ ᠨᠣᠮᠣᠬᠠᠨ | ᠦᠭᠡᠢ ᠪᠣᠯᠬᠤᠷ᠂ ᠪᠠᠶᠢᠷᠢ ᠶᠢ ᠨᠢ ᠮᠣᠯᠲᠣᠯᠵᠤ ᠹᠦᠩᠯᠦ ᠶᠢ ᠨᠢ ᠬᠠᠰᠣᠭᠠᠳ ᠰᠤᠯᠠ ᠠᠷᠠᠳ ᠪᠣᠯᠭᠠᠨ ᠬᠥᠭᠡᠭᠡᠵᠡᠢ᠃ | ᠶᠠᠭ ᠲᠡᠷᠡ ᠦᠶᠡ ᠳᠤ ᠥᠭᠡᠷᠡ ᠬᠤᠰᠢᠭᠤᠨ ᠤ ᠭᠦᠯᠦ ᠬᠥᠬᠡ ᠳᠤ ᠨᠢᠭᠡ ᠰᠢᠨᠡ ᠠᠮᠪᠠᠨ ᠢᠷᠡᠭᠰᠡᠨ ᠲᠠᠢ | ᠳᠣᠬᠢᠶᠠᠯᠳᠣᠵᠤ ᠠᠮᠪᠠᠨ ᠲᠣᠩ ᠠᠭᠤᠷᠲᠠᠢ ᠪᠠᠷ ᠴᠢ ᠬᠠᠮᠢᠭᠠᠬᠢ ᠬᠦᠮᠦᠨ ᠪᠣᠢ︖ ᠬᠡᠵᠢᠭᠡ ᠪᠠᠨ ᠲᠣᠯᠣᠭᠠᠢ ᠳᠠᠭᠠᠨ | ᠣᠷᠢᠶᠠᠬᠤ ᠪᠣᠯ ᠣᠷᠪᠠᠭᠰᠠᠳ ᠤᠨ ᠢᠯᠡᠷᠡᠯ᠂ ᠴᠢ ᠬᠦᠨᠳᠦ ᠣᠰᠣᠯ ᠢᠶᠠᠨ ᠮᠡᠳᠡᠵᠦ ᠪᠠᠶᠢᠨᠠ ᠦᠦ︖ ᠭᠡᠵᠦ | ᠠᠭᠰᠣᠷᠣᠨ ᠵᠠᠩᠳᠣᠷᠴᠤ ᠳᠠᠬᠢᠨ ᠳᠠᠰᠢᠭᠤᠷᠳᠠᠬᠤ ᠪᠠᠷ ᠬᠦᠮᠦᠨ ᠳᠠᠭᠤᠳᠠᠭᠰᠠᠨ ᠳᠤ᠂ ᠱᠠᠯᠣᠤ ᠮᠢᠨᠤ ᠡᠨᠡ ᠪᠣᠯ | ᠲᠥᠮᠡᠨᠲᠡᠢ ᠶᠠᠯᠠ᠂ ᠠᠮᠪᠠᠨ ᠠᠪᠤ ᠥᠷᠦᠰᠢᠶᠡᠬᠦ ᠪᠣᠯᠪᠠᠤ ᠦᠦ ᠭᠡᠵᠦ ᠳᠣᠷᠣᠭᠰᠢ ᠰᠥᠭᠦᠳᠴᠦ ᠦᠨᠡᠨ ᠣᠴᠢᠷ ᠢᠶᠠᠨ | ᠶᠠᠷᠢᠵᠠᠢ᠃ ᠠᠮᠪᠠᠨ ᠡᠨᠡ ᠵᠠᠯᠠᠭᠤ ᠳᠤ ᠬᠢᠯᠢᠰᠳᠡᠭᠰᠡᠨ ᠶᠠᠪᠣᠳᠠᠯ ᠪᠠᠶᠢᠨᠠ ᠭᠡᠵᠦ ᠪᠣᠳᠣᠭᠠᠳ ︽ᠪᠣᠰ᠂ ᠴᠢᠮᠠ ᠳᠤ | ᠰᠢᠢᠳᠬᠡᠯ ᠥᠭᠬᠦ ᠦᠭᠡᠢ ᠥᠩᠭᠡᠷᠡᠭᠡᠶᠡ︾ ᠢᠩᠭᠢᠭᠡᠳ ᠠᠮᠪᠠᠨ ᠣᠴᠢᠷ ᠢ ᠪᠠᠶᠢᠴᠠᠭᠠᠨ ᠰᠣᠳᠣᠯᠵᠤ ᠱᠠᠯᠣᠤ ᠶᠢᠨ | ᠬᠢᠯᠢᠰ ᠬᠡᠷᠡᠭ ᠪᠣᠯᠣᠭᠰᠠᠨ ᠢ ᠮᠡᠳᠡᠭᠡᠳ ᠳᠠᠬᠢᠨ ᠰᠢᠭᠦᠵᠦ᠂ ᠱᠠᠯᠣᠤ ᠶᠢᠨ ᠡᠳ᠋ᠯᠡᠯ ᠵᠠᠰᠠᠯ ᠢ ᠨᠢ ᠣᠯᠭᠤᠨ ᠥᠭᠴᠦ᠂ | ᠪᠠᠶᠢᠷᠢ ᠶᠢ ᠨᠢ ᠰᠡᠷᠭᠦᠭᠡᠨ ᠹᠦᠩᠯᠦ ᠴᠠᠯᠢᠩ ᠣᠯᠭᠤᠨ ᠴᠠᠭᠠᠳᠬᠠᠵᠠᠢ᠃ ᠡᠭᠦᠨ ᠠᠴᠠ ᠬᠤᠶᠢᠰᠢ ᠱᠠᠯᠣᠤ ᠠᠶᠢᠯ ᠣᠯᠠᠨ | ᠲᠠᠢ ᠪᠠᠨ ᠬᠠᠮᠲᠣᠷᠠᠨ ᠡᠵᠢ ᠨᠠᠭᠤᠷ ᠠᠴᠠ ᠳᠠᠪᠣᠰᠤ ᠵᠥᠭᠡᠭᠡᠪᠦᠷᠢᠯᠡᠨ ᠠᠪᠠ ᠶᠢᠨ ᠠᠭᠤᠯᠠ ︵ᠸᠧᠢ ᠴᠠᠩ ᠰᠢᠶᠠᠨ︶ | ᠳᠤ ᠳᠠᠪᠣᠰᠤ ᠪᠠᠷ ᠢᠶᠠᠨ ᠡᠳ᠋ ᠪᠠᠷᠠᠭᠠ᠂ ᠪᠣᠳᠠᠭᠠ ᠭᠤᠯᠢᠷ ᠰᠣᠯᠢᠬᠤ ᠳᠤ ᠳᠠᠪᠣᠰᠣᠨ ᠤ ᠦᠨᠡ ᠰᠠᠶᠢᠨ ᠪᠣᠯᠪᠠᠴᠤ | ᠶᠡᠭᠡ ᠵᠢᠩ ᠠᠪᠴᠤ ᠪᠠᠭᠠ ᠵᠢᠩ ᠢᠶᠠᠷ ᠥᠭᠬᠦ ᠳᠤ ᠬᠡᠷᠡᠭᠦᠯ ᠮᠠᠷᠭᠤᠭᠠᠨ ᠪᠣᠯᠵᠤ ᠰᠢᠶᠡᠨ ᠤ ᠭᠠᠵᠠᠷ ᠵᠠᠷᠭᠤᠯᠳᠣᠭᠰᠠᠨ | ᠶᠣᠮ᠂ ᠱᠠᠯᠣᠤ ᠲᠠᠪᠣᠨ ᠦᠬᠡᠷ ᠲᠡᠷᠭᠡ ᠶᠢᠨ ᠨᠢᠭᠡ ᠶᠢ ᠪᠠᠭᠰᠢ ᠳᠠᠭᠠᠨ ᠪᠠᠷᠢᠵᠤ᠂ ᠳᠥᠷᠪᠡ ᠶᠢ ᠨᠢ ᠬᠤᠳᠠᠯᠳᠣᠵᠤ | ᠵᠣᠭᠤᠰ ᠪᠣᠯᠭᠠᠨ ᠵᠠᠷᠭᠤ ᠬᠢᠵᠡᠢ᠃ ᠶᠡᠭᠡ ᠵᠢᠩ ᠨᠢ ᠬᠤᠷᠢᠨ ᠯᠠᠩ᠂ ᠪᠠᠭᠠ ᠵᠢᠩ ᠨᠢ13.5 ᠯᠠᠩ᠂ ᠶᠡᠭᠡ ᠳ᠋ᠸᠤ ᠨᠢ | 36 ᠵᠢᠩ᠂ ᠪᠠᠭᠠ ᠳ᠋ᠸᠤ ᠨᠢ 28 ᠵᠢᠩ ᠪᠠᠶᠢᠵᠠᠢ᠃ ᠢᠩᠭᠢᠭᠡᠳ ᠴᠧᠩ ᠳ᠋ᠧ ᠪᠣᠯᠣᠨ ᠴᠢᠭᠤᠯᠣᠯᠲᠤ ᠬᠠᠭᠠᠯᠭᠠ | ᠠᠴᠠ ᠪᠠᠶᠢᠴᠠᠭᠠᠵᠤ ᠰᠢᠢᠳᠭᠡᠭᠰᠡᠨ ᠠᠴᠠ ᠬᠤᠶᠢᠰᠢ ᠪᠣᠳᠠᠰ ᠬᠤᠷᠢᠶᠠᠬᠤ ᠪᠠ ᠥᠭᠬᠦ ᠳᠤ ᠪᠥᠷ ᠨᠢᠭᠡ ᠯᠡ ᠠᠳᠠᠯᠢ 16 | ᠯᠠᠩ ᠤᠨ ᠵᠢᠩ᠂ 30 ᠵᠢᠩ ᠤᠨ ᠳ᠋ᠸᠤ ᠪᠣᠯᠭᠠᠭᠰᠠᠨ ᠳᠤ ᠣᠯᠠᠨ ᠲᠥᠮᠡᠨ ᠤ ᠬᠦᠷᠢᠶᠡᠯᠡᠯ ᠢ ᠣᠯᠵᠤ ︽ᠱᠠᠯᠤᠣ ᠶᠢᠨ | ᠵᠢᠩ︾᠂ ︽ᠱᠠᠯᠣᠤ ᠶᠢᠨ ᠳ᠋ᠸᠤ︾ ᠭᠡᠵᠦ ᠳᠠᠭᠤᠳᠠᠬᠤ ᠪᠣᠯᠵᠤ ᠡᠭᠦᠨ ᠢ ᠵᠠᠷᠣᠬᠤ ᠪᠣᠯᠵᠠᠢ᠃ | ᠲᠡᠷᠡ 25 ᠨᠠᠰᠣᠲᠠᠢ ᠳᠠᠭᠠᠨ ᠪᠣᠱᠣᠭᠤ ᠪᠣᠯᠵᠤ᠂ 32 ᠨᠠᠰᠣᠲᠠᠢ ᠳᠠᠭᠠᠨ ᠭᠦᠩᠲᠡ ᠪᠣᠯᠵᠤ᠂ | ᠬᠤᠰᠢᠭᠤᠨ ᠤ ᠵᠢᠰᠢᠶᠡ ᠰᠠᠭᠤᠬᠤ ᠠᠯᠪᠠ ᠶᠢ ᠴᠦ ᠬᠢᠵᠠᠢ᠃ ᠲᠠᠮᠠᠭᠠ ᠵᠠᠬᠢᠷᠣᠯᠭᠠ ᠶᠢᠨ ᠵᠠᠩᠭᠢ᠂ ᠲᠡᠷᠢᠭᠦᠯᠡᠭᠰᠡᠨ | ᠵᠠᠩᠭᠢ᠂ ᠬᠡᠷᠡᠭ ᠪᠠᠷᠢᠯᠴᠠᠬᠤ ᠵᠠᠩᠭᠢ᠂ ᠵᠥᠪᠯᠡᠭᠴᠢ ᠵᠠᠩᠭᠢ ᠬᠦᠷᠲᠡᠯᠡ ᠳᠠᠪᠰᠢᠵᠠᠢ᠃ | ᠱᠠᠯᠣᠤ ᠶᠢᠨ ᠭᠦᠩᠲᠡ ᠪᠣᠯᠣᠭᠰᠠᠨ ᠠᠴᠠ ᠬᠤᠶᠢᠰᠢ᠂ ᠠᠷᠠᠳ ᠣᠯᠠᠨ ᠳᠠᠭᠠᠨ ᠠᠯᠢ ᠣᠯᠠᠨ ᠠᠰᠢᠭ ᠲᠠᠢ | ᠠᠵᠢᠯ ᠬᠢᠬᠦ ᠳᠣᠮᠳᠠ ᠠᠮᠪᠠᠨ ᠨᠣᠶᠠᠳ ᠤᠨ ᠠᠷᠠᠳ ᠢᠷᠭᠡᠳ ᠢ ᠭᠠᠰᠠᠯᠭᠠᠵᠤ ᠲᠦᠷᠢᠶᠡᠰᠦ ᠬᠤᠷᠢᠶᠠᠬᠤ᠂ ᠬᠤᠶᠠᠳᠠᠬᠢ | ᠣᠳᠠᠭᠠ ᠶᠠᠫᠣᠨ ᠨᠣᠶᠠᠨ ᠮᠥᠨ 20 ᠯᠠᠩ ᠤᠨ ᠶᠡᠭᠡ ᠳᠠᠪᠣᠰᠤ ᠬᠤᠷᠢᠶᠠᠵᠤ ᠪᠠᠶᠢᠭᠰᠠᠨ ᠢ ᠱᠠᠯᠣᠤ ᠮᠡᠳᠡᠭᠡᠳ ᠲᠡᠭᠦᠨ | ᠢ ᠴᠢᠷᠴᠦ ᠠᠪᠴᠢᠷᠠᠭᠠᠳ ︽ᠲᠠᠨ ᠤ ᠬᠠᠭᠠᠨᠲᠤ ᠣᠯᠣᠰ ᠤᠨ ᠵᠢᠩ ᠴᠢᠨᠢ ᠶᠠᠭᠠᠬᠢᠭᠠᠳ ᠡᠶᠢᠮᠦ ᠪᠣᠯᠣᠭᠰᠠᠨ ᠶᠣᠮ︖ | ᠡᠭᠦᠨ ᠢ ᠪᠠᠨ ᠥᠭᠡᠷᠡᠴᠢᠯᠡᠨᠡ ᠦᠦ︖ ᠦᠭᠡᠢ ᠦᠦ︖︾ ᠭᠡᠳ ᠥᠨᠦ ᠵᠢᠩ ᠢ ᠨᠢ ᠭᠠᠵᠠᠷ ᠳᠡᠪᠢᠰᠦᠭᠡᠳ᠂ | ᠠᠷᠠᠳ ᠲᠠᠭᠠᠨ ︽ᠲᠠ ᠨᠠᠷ ᠲᠡᠷᠭᠡ ᠪᠠᠨ ᠬᠥᠯᠦᠭᠡᠳ ᠶᠠᠪᠤ︕ ᠶᠠᠪᠣᠳᠠᠯ ᠣᠴᠢᠷ ᠪᠠᠶᠢᠳᠠᠭ ᠪᠣᠯ ᠮᠢᠨᠤ ᠬᠡᠷᠡᠭ︕︾ | ᠭᠡᠳ ᠶᠠᠫᠣᠨ ᠵᠣᠯᠢᠭ ᠲᠠᠢ ᠶᠣᠰᠤ ᠶᠠᠷᠢᠵᠤ ᠵᠥᠪ ᠢᠶᠠᠨ ᠣᠯᠣᠭᠰᠠᠨ ᠪᠠᠶᠢᠨᠠ᠃ | ᠠᠪᠠ ᠶᠢᠨ ᠠᠭᠤᠯᠠ ᠪᠠ ᠬᠡᠰᠢᠭᠲᠡᠨ ᠨᠣᠲᠤᠭ ᠢᠶᠠᠷ ᠪᠠᠶᠢᠭᠰᠠᠨ ᠬᠤᠯᠠᠭᠠᠢ ᠰᠢᠯᠣᠭᠤᠨ ᠬᠥᠬᠡ ᠶᠢᠨ ᠵᠡᠭᠦᠨ | ᠵᠠᠬᠠ ᠶᠢ ᠨᠢ ᠰᠠᠮᠠᠭᠤᠷᠠᠭᠤᠯᠬᠤ ᠳᠤ ᠱᠠᠯᠤᠣ 10 ᠴᠡᠷᠢᠭ ᠠᠪᠴᠤ ᠵᠠᠬᠠ ᠶᠢ ᠬᠠᠮᠠᠭᠠᠯᠠᠭᠤᠯᠵᠠᠢ᠃ ᠨᠣᠲᠤᠭ ᠠᠬᠠ | ᠪᠠᠷ ᠡᠮ ᠲᠡᠭᠦᠬᠦ ᠪᠠ ᠲᠦᠯᠡᠭᠡ ᠬᠠᠳᠣᠬᠤ ᠠᠴᠠ ᠪᠠᠭᠠ ᠰᠠᠭᠠ ᠭᠠᠶᠢᠯᠢ ᠠᠪᠴᠤ 10 ᠴᠡᠷᠢᠭ ᠲᠡᠭᠡᠨ ᠥᠭᠳᠡᠭ | ᠪᠠᠶᠢᠵᠠᠢ᠃ 1942 ᠣᠨ ᠤ 5 ᠰᠠᠷᠠ ᠶᠢᠨ 22 ᠤᠨ ᠬᠤᠰᠢᠭᠤ ᠣᠪᠣᠭᠠᠨ ᠤ ᠨᠠᠶᠢᠷ ᠳᠡᠭᠡᠷᠡ ᠬᠤᠰᠢᠭᠤ ᠨᠣᠶᠠᠳ᠂ | ᠱᠠᠯᠣᠤ ᠳᠤ ᠶᠡᠭᠡ ᠬᠡᠮᠵᠢᠶᠡᠨ ᠤ ᠲᠣᠷᠭᠠᠭᠤᠯᠢ ᠳᠣᠭᠲᠠᠭᠠᠵᠤ᠂ ︽ᠭᠠᠷ ᠤᠨ ᠦᠰᠦᠭ ᠢᠶᠠᠨ ᠵᠢᠷᠦ︕︾ ᠭᠡᠵᠡᠢ᠃ | ᠱᠠᠯᠣᠤ᠄ ︽ᠡᠶᠢᠮᠦ ᠬᠡᠷᠡᠭ ᠪᠠᠶᠢᠨᠠ᠂ ᠪᠢ ᠶᠠᠮᠠᠷ ᠲᠠᠨᠣᠰ ᠲᠠᠢ ᠠᠳᠠᠯᠢ ᠠᠷᠠᠳ ᠢᠷᠭᠡᠳ ᠢ ᠵᠠᠷᠣᠭᠠᠳ ᠠᠮᠢᠲᠠᠨ ᠢ | ᠮᠥᠯᠵᠢᠵᠦ ᠭᠠᠰᠠᠯᠭᠠᠵᠤ ᠴᠢᠳᠠᠬᠤ ᠦᠭᠡᠢ︾ ᠭᠡᠵᠡᠢ᠃ ︽ᠠᠯᠪᠠᠨ ᠰᠢᠷᠡᠭᠡ ᠠᠯᠠᠭᠠᠳᠠᠵᠤ ᠠᠮᠪᠠᠨ ᠨᠣᠶᠠᠨ ᠢ | ᠭᠤᠳᠣᠭᠠᠯᠠ︾ ᠭᠡᠳ᠂ ᠶᠠᠫᠣᠨ ᠭᠦ᠋ ᠸᠧᠩ ᠠᠴᠠ ᠡᠬᠢᠯᠡᠨ ᠠᠮᠪᠠᠰ ᠨᠣᠶᠠᠳ ᠠᠭᠤᠷᠯᠠᠵᠤ ᠱᠠᠯᠣᠤ ᠶᠢᠨ ᠵᠡᠷᠭᠡ | ᠳᠣᠰᠢᠶᠠᠯ ᠢ ᠨᠢ ᠮᠣᠯᠲᠣᠯᠵᠤ ᠭᠢᠨᠵᠢ ᠵᠡᠭᠦᠯᠭᠡᠭᠡᠳ ᠬᠤᠰᠢᠭᠤᠨ ᠤ ᠬᠠᠷᠠ ᠭᠡᠷ ᠲᠤ ᠬᠤᠷᠢᠴᠢᠬᠠᠪᠠ᠃ ᠲᠡᠭᠡᠬᠦ ᠳᠤ | ᠱᠠᠯᠣᠤ ᠮᠥᠨ ᠪᠠᠭᠤᠵᠤ ᠥᠭᠭᠦᠭᠰᠡᠨ ᠦᠭᠡᠢ᠂ ᠲᠡᠭᠦᠨ ᠤ ᠬᠥᠪᠡᠭᠦᠨ ᠨᠠᠴᠤᠭ ᠨᠢ 60 ᠬᠤᠨᠢ ᠠᠯᠪᠠᠨ ᠳᠤ | ᠳᠣᠰᠢᠶᠠᠵᠤ ᠡᠴᠢᠭᠡ ᠪᠠᠨ ᠭᠠᠷᠭᠠᠨ ᠠᠪᠬᠤ ᠪᠠᠷ ᠪᠣᠯᠣᠭᠰᠠᠨ ᠢᠶᠠᠨ ᠡᠴᠢᠭᠡ ᠳᠡᠭᠡᠨ ᠬᠡᠯᠡᠬᠦ ᠳᠤ ᠲᠡᠷᠡ᠄ ︽ᠴᠢ | ᠨᠣᠶᠠᠳ ᠢ ᠪᠢᠯᠳᠠᠤᠴᠢᠯᠠᠵᠤ᠂ ᠮᠢᠨᠤ ᠬᠥᠷᠦᠩᠭᠡ ᠶᠢ ᠪᠠᠷᠠᠯᠠ︾ ᠭᠡᠵᠦ ᠵᠠᠩᠨᠠᠨ ᠣᠭᠲᠤ ᠵᠥᠪᠰᠢᠶᠡᠷᠡᠭᠰᠡᠨ ᠦᠭᠡᠢ | ᠭᠡᠨᠡ᠃ | ᠲᠡᠷᠡ ᠵᠢᠯ ᠤᠨ ᠪᠢᠯᠢᠭ ᠤᠨ ᠨᠠᠢᠮᠠᠨ ᠰᠠᠷᠠ ᠳᠣᠸᠠᠩ ᠭᠡᠭᠡᠨ ᠰᠢᠯᠣᠭᠤᠨ ᠬᠥᠬᠡ ᠬᠤᠰᠢᠭᠤᠨ ᠳᠤ ᠢᠷᠡᠵᠦ | ᠣᠯᠠᠨ ᠥᠭᠯᠢᠭᠡ ᠶᠢᠨ ᠡᠵᠡᠨ ᠲᠠᠢ ᠠᠭᠤᠯᠵᠠᠭᠰᠠᠨ ᠤ ᠳᠠᠷᠠᠭᠠ᠂ ᠬᠤᠰᠢᠭᠤ ᠶᠠᠮᠣᠨ ᠪᠠᠰᠠ ᠲᠡᠭᠦᠨ ᠢ ᠵᠠᠯᠠᠵᠠᠢ᠃ | ᠭᠠᠭᠴᠠ ᠱᠠᠯᠣᠤ ᠭᠦᠩᠲᠡ ᠲᠠᠢ ᠠᠭᠤᠯᠵᠠᠵᠤ ᠴᠢᠳᠠᠭᠠᠳᠣᠢ᠂ ᠲᠡᠷᠡ ᠬᠠᠮᠢᠭᠠ ᠪᠠᠶᠢᠬᠤ ᠪᠣᠢ︖ ᠭᠡᠵᠦ | ᠠᠰᠠᠭᠤᠭᠰᠠᠨ ᠳᠤ᠄ ᠶᠠᠮᠣᠨ ᠤ ᠨᠣᠶᠠᠳ ᠪᠠᠶᠢᠨᠠ ᠬᠡᠮᠡᠨ ᠰᠠᠨᠳᠣᠷᠴᠠᠭᠠᠪᠠ᠃ ᠪᠢ ᠨᠢᠭᠡ ᠠᠭᠤᠯᠵᠠᠶᠠ ᠭᠡᠪᠡ᠃ | ᠲᠡᠭᠡᠭᠡᠳ ᠲᠡᠷᠡ ᠰᠥᠨᠢ ᠳᠡᠭᠡᠨ ᠱᠠᠯᠣᠤ ᠶᠢᠨ ᠭᠢᠨᠵᠢ ᠶᠢ ᠨᠢ ᠠᠪᠴᠤ ᠦᠰᠦ ᠶᠢ ᠨᠢ ᠵᠠᠰᠠᠭᠤᠯᠣᠭᠠᠳ ᠥᠷᠯᠦᠭᠡ | ᠠᠭᠤᠯᠵᠠᠭᠤᠯᠵᠠᠢ᠃ ᠭᠡᠭᠡᠨ ᠠᠴᠠ ᠱᠠᠯᠣᠤ ᠳᠤ ︽ᠬᠠᠪᠬᠠ ᠬᠦᠳᠡᠨᠰᠣᠯᠠ ︵ᠬᠦᠷᠲᠡᠭᠦᠯᠡ︶︾ ᠭᠡᠳᠡᠭ ᠨᠣᠮ | ᠣᠩᠰᠢᠵᠤ ᠥᠭᠭᠦᠭᠡᠳ ᠬᠦᠵᠦᠭᠦᠨ ᠳᠤᠨᠢ ᠵᠠᠩᠭᠠ ᠬᠠᠳᠠᠭ ᠵᠡᠭᠦᠯᠭᠡᠵᠦ ᠥᠭᠴᠡᠢ᠃ ᠲᠡᠷᠡ ᠦᠶᠡ ᠳᠤ ᠵᠠᠩᠭᠠ | ᠬᠠᠳᠠᠭ ᠵᠡᠭᠦᠯᠭᠡᠭᠰᠡᠨ ᠬᠦᠵᠦᠭᠦᠨ ᠳᠤ ᠭᠠᠪᠠ ᠭᠢᠨᠵᠢ ᠵᠡᠭᠦᠯᠭᠡᠵᠦ ᠪᠣᠯᠳᠠᠭ ᠦᠭᠡᠢ ᠪᠠᠶᠢᠵᠠᠢ᠃ | ᠱᠠᠯᠣᠤ ᠶᠢᠨ ᠪᠠᠭᠰᠢ ᠨᠢ ᠬᠡᠵᠢᠶᠡᠳᠡ ᠠᠷᠢᠬᠢ ᠳᠠᠷᠠᠰᠤ ᠣᠣᠭᠤᠪᠠᠯ ᠵᠠᠩ ᠮᠠᠭᠤ ᠲᠠᠢ᠂ ᠡᠶᠢᠮᠦ ᠪᠠᠶᠢᠳᠠᠯ ᠢ | ᠨᠢ ᠱᠠᠯᠣᠤ ᠦᠵᠡᠭᠡᠳ ᠱᠠᠯᠣᠤ ᠭᠦᠩᠲᠡ ᠠᠭᠤᠷᠯᠠᠬᠤ ᠳᠠᠭᠠᠨ ᠬᠦᠩᠲᠡ ᠴᠠᠭᠠᠨ ᠱᠢᠷᠦᠨ ᠵᠢᠩᠰᠡ ᠲᠠᠢ ᠮᠠᠯᠠᠭᠠᠢ ᠪᠠᠨ | ᠨᠣᠶᠠᠨ ᠤ ᠰᠠᠭᠤᠳᠠᠯ ᠳᠡᠭᠡᠷᠡ ᠪᠠᠨ ᠲᠠᠯᠪᠢᠭᠠᠳ᠂ ᠱᠠᠪᠢ ᠴᠢᠨᠢ ᠴᠢᠮᠠᠢᠢ ᠭᠤᠶᠠᠳᠠᠵᠤ ᠪᠠᠶᠢᠭᠠ ᠪᠢᠰᠢ᠂ ᠭᠦᠩᠳᠡ | ᠴᠢᠮᠠᠢᠢ ᠶᠠᠯᠠᠯᠠᠵᠤ ᠪᠠᠶᠢᠨᠠ ᠭᠡᠵᠦ ᠬᠡᠯᠡᠭᠡᠳ᠂ ᠪᠠᠭᠰᠢ ᠶᠢᠨ ᠢᠶᠠᠨ ᠪᠥᠭᠰᠡ ᠶᠢ ᠭᠤᠶᠠᠳᠠᠭᠰᠠᠨ ᠪᠠᠶᠢᠨᠠ᠃ ᠲᠠᠷᠠᠭᠠ | ᠨᠢ ᠮᠠᠯᠠᠭᠠᠢ ᠪᠠᠨ ᠠᠪᠴᠤ ᠴᠢᠨᠠᠭᠰᠢ ᠨᠢ ᠲᠠᠯᠪᠢᠭᠰᠠᠨ ᠬᠤᠶᠢᠨᠠ᠂ ᠪᠠᠭᠰᠢ ᠨᠢ ᠪᠢ ᠭᠦᠩᠲᠡ ᠶᠢ ᠴᠣᠬᠢᠵᠤ ᠪᠠᠶᠢᠬᠤ | ᠪᠢᠰᠢ᠂ ᠱᠠᠪᠢ ᠪᠠᠨ ᠵᠣᠳᠣᠵᠤ ᠪᠠᠶᠢᠨᠠ ᠭᠡᠳ ᠱᠠᠯᠣᠤ ᠶᠢ ᠵᠣᠳᠣᠭᠰᠠᠨ ᠳᠤ ᠲᠡᠷᠡ ᠶᠠᠭᠤ ᠴᠦ ᠳᠣᠣᠭᠠᠷᠣᠭᠰᠠᠨ | ᠦᠭᠡᠢ ᠭᠡᠨᠡ᠃ | 1945 ᠣᠨ 8 ᠰᠠᠷᠠ ᠳᠤ᠂ ᠮᠠᠨ ᠤ ᠬᠤᠰᠢᠭᠤᠨ ᠤ ᠬᠤᠷᠴᠢᠨ ᠰᠣᠮᠤ᠂ ᠣᠳᠤ ᠶᠢᠨ ᠬᠠᠩᠬᠠᠯ | ᠰᠣᠮᠣᠨ ᠤ ᠬᠠᠷᠠ ᠣᠰᠣᠨ ᠪᠣᠯᠠᠭ ᠬᠠᠪᠢ ᠪᠠᠷ ᠰᠠᠭᠤᠵᠤ ᠪᠠᠶᠢᠭᠰᠠᠨ ᠵᠥᠪᠯᠡᠯᠲᠦ ᠶᠢᠨ ᠣᠯᠠᠭᠠᠨ ᠴᠡᠷᠢᠭ ᠤᠨ | ᠣᠨᠴᠠᠭᠠᠢ ᠵᠠᠷᠢᠮ ᠴᠡᠷᠢᠭ ᠨᠢ ᠨᠢᠭᠡ ᠡᠳᠦᠷ᠂ ᠲᠣᠩᠳᠤᠭ ᠤᠨ ᠠᠪᠠᠭᠠ ᠡᠬᠡ ᠶᠢ ᠭᠡᠷ ᠢᠶᠠᠨ ᠦᠵᠡᠬᠦ ᠪᠠᠷ ᠢᠷᠡᠬᠦ ᠳᠤ | ᠮᠣᠩᠭᠤᠯ ᠠᠷᠢᠬᠢᠨ ᠳᠤ ᠰᠣᠭᠲᠣᠭᠰᠠᠨ ᠬᠡᠳᠦᠨ ᠠᠮᠢᠲᠠᠨ ᠲᠣᠯᠣᠭᠠᠢ ᠳᠡᠭᠡᠷᠡ ᠨᠢ ᠲᠣᠭᠤᠭᠠ ᠬᠥᠮᠦᠷᠢᠵᠦ | ᠦᠬᠦᠭᠦᠯᠦᠭᠰᠡᠨ ᠶᠠᠪᠣᠳᠠᠯ ᠭᠠᠷᠴᠠᠢ᠃ ᠡᠭᠦᠨ ᠳᠤ ᠱᠠᠯᠣᠤ ᠦᠵᠡᠵᠦ ᠶᠠᠳᠠᠨ ᠴᠡᠷᠢᠭ ᠠᠩᠭᠢ ᠳᠤᠨᠢ ᠵᠠᠭᠠᠯᠳᠣᠨᠠ | ᠭᠡᠳ ᠬᠠᠷᠠ ᠣᠰᠣᠨ ᠪᠣᠯᠠᠭ ᠬᠠᠪᠢ ᠳᠤ ᠪᠠᠶᠢᠭᠰᠠᠨ ᠴᠡᠷᠢᠭ ᠠᠩᠭᠢ ᠶᠢᠨ ᠬᠢᠨᠢ ᠵᠦᠭ ᠭᠦᠶᠦᠬᠦ ᠳᠤ᠂ ᠲᠡᠳᠡ ᠬᠡᠷᠡᠭ | ᠮᠠᠭᠤ ᠪᠣᠯᠬᠤ ᠶᠢ ᠮᠡᠳᠡᠭᠡᠳ ᠬᠤᠶᠢᠨᠠ ᠠᠴᠠ ᠨᠢ ᠬᠦᠷᠴᠦ ᠲᠠᠷᠢᠶᠠᠨ ᠲᠠᠯᠠ ᠶᠢᠨ ᠪᠠᠷᠠᠭᠤᠨ ᠰᠢᠷᠠ ᠮᠠᠩᠬᠠᠨ ᠤ | ᠡᠩᠭᠡᠷ ᠲᠤ ᠫᠣᠣᠳᠠᠨ ᠠᠯᠠᠵᠠᠢ᠃ ᠢᠩᠭᠢᠭᠡᠳ ᠱᠠᠯᠣᠤ ᠭᠦᠩᠲᠡ ᠶᠢᠨ ᠠᠰ ᠲᠣᠯᠣᠨ ᠶᠣᠰᠤ ᠬᠡᠯᠡᠯᠴᠡᠵᠦ ᠶᠠᠪᠣᠭᠰᠠᠨ | ᠨᠢᠭᠡ ᠨᠠᠰᠤ ᠡᠴᠦᠰᠯᠡᠭᠰᠡᠨ ᠪᠠᠶᠢᠨᠠ᠃ | ᠱᠠᠯᠣᠤ 2006 ᠣᠨ ᠳᠤ ︽ᠴᠠᠬᠠᠷ ᠰᠢᠯᠣᠭᠤᠨ ᠬᠥᠬᠡ ᠬᠤᠰᠢᠭᠤ︾ ᠬᠡᠮᠡᠬᠦ ᠨᠣᠮ ᠳᠤ | ᠲᠡᠮᠳᠡᠭᠯᠡᠭᠳᠡᠵᠡᠢ᠃ ︽ᠰᠢᠯᠣᠭᠤᠨ ᠬᠥᠭᠡ ᠬᠤᠰᠢᠭᠤᠨ ᠤ ᠴᠣᠣᠲᠤ ᠬᠦᠮᠦᠰ︾ ᠭᠡᠬᠦ ᠨᠣᠮ ᠠᠴᠠ ᠮᠠᠶᠢᠯᠠᠰᠣ | ᠰᠡᠶᠢᠷᠡᠭᠦᠯᠪᠡ᠃ | |