| ᠨᠣᠷᠪᠣᠽᠠᠨᠠ ︵1887～ 1963 ᠣᠨ︶ ᠬᠢᠲᠠᠳ ᠨᠡᠷᠡ ᠨᠣ ᠵᠧᠨ ᠴᠢ ︵诺珍齐︶᠂ | ᠰᠢᠪᠠᠭᠤᠴᠢᠨ ᠣᠪᠤᠭ ᠲᠠᠢ ᠪᠠᠲᠣᠮᠦ᠋ᠩᠬᠡ ᠶᠢᠨ ᠣᠣᠭᠠᠨ ᠬᠥᠪᠡᠭᠦᠨ ᠪᠣᠯᠵᠤ ᠲᠥᠷᠦᠵᠡᠢ᠃ | ᠲᠠᠶᠢᠹᠦᠰᠧ ᠪᠠᠷᠠᠭᠤᠨ ᠭᠠᠷ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠶᠢᠨ ᠭᠦᠯᠦ ᠰᠢᠷᠠ ᠬᠤᠰᠢᠭᠤ ᠭᠠᠷᠣᠯ ᠲᠠᠢ᠂ ᠠᠭᠲᠠᠨ ᠰᠦᠷᠦᠭ | ᠤᠨ ᠬᠦᠮᠦᠨ᠃ | 1934 ᠣᠨ ᠠᠴᠠ ᠡᠮᠦᠨᠡ ᠲᠠᠶᠢᠹᠦᠰᠧ ᠪᠠᠷᠠᠭᠤᠨ ᠭᠠᠷ ᠤᠨ ᠠᠭᠲᠠᠨ ᠰᠦᠷᠦᠭ ᠤᠨ ᠬᠤᠰᠠᠢ ᠳ᠋ᠠ᠂ | ᠭᠠᠯᠠᠢ ᠳ᠋ᠠ ᠪᠠᠶᠢᠵᠠᠢ᠃ | 1934～ 1944 ᠣᠨ ᠬᠦᠷᠲᠡᠯᠡ ᠲᠠᠶᠢᠹᠦᠰᠧ ᠪᠠᠷᠠᠭᠤᠨ ᠭᠠᠷ ᠰᠦᠷᠦᠭ ᠤᠨ ᠲᠠᠶᠢᠰᠠᠯᠠᠬᠤ ᠠᠮᠪᠠᠨ | ᠪᠠᠶᠢᠵᠠᠢ᠃ | 1937～ 1944 ᠣᠨ ᠬᠦᠷᠲᠡᠯᠡ ᠲᠠᠶᠢᠹᠣᠰᠧ ᠪᠠᠷᠠᠭᠤᠨ ᠭᠠᠷ ᠬᠤᠰᠢᠭᠤᠨ ᠤ ᠠᠮᠪᠠᠨ ᠰᠠᠭᠤᠵᠠᠢ᠃ | ᠨᠣᠷᠪᠣᠽᠠᠨᠠ ᠠᠵᠤ ᠠᠬᠤᠢ ᠶᠢ ᠶᠡᠬᠡᠪᠡᠷ ᠬᠥᠨᠲᠦᠳᠬᠡᠳᠡᠭ ᠬᠦᠮᠦᠨ ᠪᠣᠯᠬᠤᠷ ᠬᠤᠰᠢᠭᠤ ᠴᠡᠷᠢᠭ | ᠪᠠᠶᠢᠭᠤᠯᠣᠨ ᠬᠤᠯᠠᠭᠠᠢ ᠳᠡᠭᠡᠷᠡᠮ ᠢ ᠴᠣᠬᠢᠵᠤ ᠣᠷᠣᠨ ᠨᠣᠲᠤᠭ ᠢᠶᠠᠨ ᠬᠠᠮᠠᠭᠠᠯᠠᠵᠤ᠂ ᠲᠠᠶᠢᠹᠣᠰᠧ ᠠᠳᠣᠭᠤ ᠪᠠᠨ | ᠥᠰᠬᠡᠨ ᠦᠷᠡᠵᠢᠭᠦᠯᠦᠭᠡᠳ ᠡᠭᠦᠯᠳᠡᠷ ᠣᠭᠰᠠᠭᠠ ᠶᠢ ᠰᠠᠶᠢᠵᠢᠷᠠᠭᠤᠯᠬᠤ ᠶᠢ ᠠᠩᠬᠠᠷᠣᠭᠰᠠᠨ ᠪᠥᠭᠡᠳ ᠮᠣᠩᠭᠤᠯ | ᠮᠡᠷᠭᠡᠵᠢᠯᠲᠡᠨ ᠢ ᠬᠦᠮᠦᠵᠢᠭᠦᠯᠵᠦ᠂ ᠴᠠᠭᠠᠨ ᠢᠳᠡᠭᠡ᠂ ᠠᠷᠢᠬᠢ᠂ ᠪᠣᠣᠪᠤ ᠪᠣᠭᠤᠷᠰᠤᠭ᠂ ᠭᠤᠯᠢᠷ ᠤᠨ ᠦᠢᠯᠡᠳᠪᠦᠷᠢ | ᠭᠠᠷᠭᠠᠵᠤ᠂ ᠬᠤᠷᠰᠢᠶᠠ᠂ ᠶᠡᠭᠡ ᠮᠣᠩᠭᠤᠯ ᠤᠨ ᠠᠷᠠᠯᠵᠢᠶᠠᠨ ᠤ ᠰᠠᠯᠪᠣᠷᠢ ᠭᠦᠩᠰᠧ ᠡᠵᠡᠩᠨᠡᠵᠡᠢ᠃ ᠪᠠᠰᠠ ᠬᠤᠰᠢᠭᠤ | ᠰᠣᠷᠭᠠᠭᠤᠯᠢ᠂ ᠮᠣᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠ ᠵᠡᠷᠭᠡ ᠪᠠᠶᠢᠭᠤᠯᠣᠮᠵᠢ ᠨᠢᠭᠡᠴᠡ ᠶᠢ ᠪᠠᠶᠢᠭᠤᠯᠣᠨ ᠦᠨᠳᠦᠰᠦᠲᠡᠨ ᠤ | ᠰᠣᠶᠣᠯ ᠪᠣᠯᠪᠠᠰᠣᠷᠠᠯ᠂ ᠡᠮ ᠡᠮᠨᠡᠯᠭᠡ ᠶᠢᠨ ᠦᠢᠯᠡᠰ ᠢ ᠬᠥᠳᠦᠳᠬᠡᠵᠦ ᠢᠷᠡᠭᠰᠡᠨ ᠠᠴᠠ ᠠᠷᠠᠳ ᠣᠯᠠᠨ ᠳᠠᠭᠠᠨ | ᠬᠦᠷᠢᠶᠡᠯᠡᠯ ᠲᠠᠢ ᠪᠠᠶᠢᠵᠤ ᠭᠡᠨᠡ᠃ | 1944 ᠣᠨ ᠳᠤ ᠴᠠᠬᠠᠷ ᠴᠢᠭᠤᠯᠭᠠᠨ ᠤ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠠᠷᠠᠯᠵᠢᠶᠠ ᠦᠢᠯᠡᠳᠪᠦᠷᠢᠯᠡᠯ ᠤᠨ | ᠲᠢᠩᠬᠢᠮ ᠤᠨ ᠳᠠᠷᠤᠭᠠ᠂ ᠮᠣᠩᠭᠤᠯ ᠬᠢᠵᠠᠭᠠᠷ ᠣᠷᠣᠨ ᠤ ᠥᠪᠡᠷᠲᠡᠭᠡᠨ ᠵᠡᠰᠠᠬᠤ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠠᠮᠢᠳᠣᠷᠠᠯ | ᠢ ᠳᠡᠭᠵᠢᠷᠡᠭᠦᠯᠬᠦ ᠬᠤᠷᠠᠯ ᠤᠨ ᠳᠡᠮᠨᠡᠨ ᠵᠥᠪᠯᠡᠭᠴᠢ ᠳᠠᠷᠤᠭᠠ ᠶᠢᠨ ᠳᠣᠰᠢᠶᠠᠯ ᠲᠠᠢ ᠪᠠᠶᠢᠵᠠᠢ᠃ | 1946 ᠣᠨ ᠤ ᠦᠶᠡᠰ ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠬᠥᠳᠡᠯᠭᠡᠭᠡᠨ ᠤ ᠬᠤᠯᠪᠣᠭᠠᠲᠤ | ᠬᠤᠷᠠᠯ ᠤᠨ ᠴᠠᠬᠠᠷ ᠠᠶᠢᠮᠠᠭ ᠤᠨ ᠬᠤᠪᠢᠶᠠᠷᠢ ᠬᠤᠷᠠᠯ ᠤᠨ ᠵᠥᠪᠯᠡᠭᠴᠢ ᠶᠢᠨ ᠳᠣᠰᠢᠶᠠᠯ ᠲᠠᠢ ᠪᠠᠶᠢᠪᠠ᠃ | 1946 ᠣᠨ ᠤ 10 ᠰᠠᠷᠠ ᠳᠤ ᠬᠥᠪᠡᠭᠦᠨ ᠳ᠋ᠠᠮᠪᠠ ᠪᠠᠨ ᠳᠠᠭᠠᠵᠤ ᠭᠤᠮᠢᠨᠳᠠᠩ ᠳᠤ ᠶᠠᠪᠣᠵᠤ᠂ ᠠᠭᠲᠠᠨ | ᠠᠶᠢᠯ ᠠᠴᠠ ᠬᠤᠪᠢᠰᠬᠠᠯᠲᠤ ᠴᠡᠷᠢᠭ ᠤᠨ 16 ᠳ᠋ᠣᠭᠠᠷ ᠳ᠋ᠢᠸᠢᠽᠢ ᠶᠢᠨ ᠼᠠᠨᠮᠦ᠋ᠵᠠᠩ ᠭᠸᠡᠫᠢᠯ᠂ ᠬᠤᠰᠢᠭᠤ ᠳᠠᠷᠤᠭᠠ | ᠰᠣᠳᠨᠠᠮᠶᠦ᠋ᠩᠷᠣᠩ ᠬᠤᠶᠠᠷ ᠢ ᠪᠠᠷᠢᠪᠴᠢᠯᠠᠨ ᠬᠤᠰᠢᠭᠤ ᠴᠡᠷᠢᠭ ᠢ ᠬᠠᠪᠢᠷᠭᠠ ᠳᠤ ᠠᠪᠠᠴᠢᠵᠠᠢ᠃ | 1947 ᠣᠨ ᠤ ᠬᠠᠪᠣᠷ ᠴᠢᠭᠤᠯᠣᠯᠲᠤ ᠬᠠᠭᠠᠯᠭᠠ ᠳᠤ ᠬᠦᠷᠴᠦ᠂ ᠬᠤᠸᠠᠪᠸᠢ ᠣᠷᠣᠨ ᠤ ᠳᠡᠭᠡᠷᠡᠮ ᠢ | ᠣᠰᠳᠬᠠᠬᠤ ᠶᠡᠷᠦᠩᠬᠡᠢ ᠰᠧᠯᠢᠩ ᠪᠠᠶᠢᠭᠰᠠᠨ ᠠᠴᠠ ᠴᠠᠬᠠᠷ ᠮᠣᠵᠢ ᠶᠢᠨ ᠴᠠᠬᠠᠷ ᠠᠶᠢᠮᠠᠭ ᠤᠨ ᠲᠠᠶᠢᠹᠣᠰᠧ ᠪᠠᠷᠠᠭᠤᠨ | ᠭᠠᠷ ᠬᠤᠰᠢᠭᠤᠨ ᠤ ᠳᠠᠷᠤᠭᠠ᠂ ᠮᠣᠩᠭᠤᠯ ᠤᠨ ᠬᠢᠵᠠᠭᠠᠷ ᠣᠷᠣᠨ ᠤ ᠰᠧᠯᠢᠩᠪᠦ᠋ ᠶᠢᠨ ᠬᠤᠰᠢᠭᠤ ᠭᠧᠨᠧᠷᠡᠯ ︵ | ᠱᠣᠣᠵᠢᠶᠠᠩ︶᠂ ᠭᠤᠮᠢᠨᠳᠠᠩ ᠨᠠᠮ ᠤᠨ ᠭᠡᠰᠢᠭᠦᠨ᠂ ᠳᠡᠳ᠋ ᠰᠧᠯᠢᠩ ᠪᠣᠯᠵᠠᠢ᠃ ᠲᠡᠭᠦᠨ ᠤ ᠬᠥᠪᠡᠭᠦᠨ ᠳ᠋ᠠᠮᠪᠠ ᠶᠢ | ᠴᠠᠬᠠᠷ ᠠᠶᠢᠮᠠᠭ ᠤᠨ ᠠᠮᠣᠷ ᠢ ᠬᠠᠮᠠᠭᠠᠯᠠᠬᠤ ᠰᠧᠯᠢᠩᠪᠦ᠋ ᠶᠢᠨ ᠳᠡᠳ᠋ ᠬᠤᠷᠠᠩᠲᠠ᠂ ᠼᠠᠨᠮᠤ ᠶᠢᠨ ᠭᠠᠵᠠᠷ ᠤᠨ ᠳᠠᠷᠤᠭᠠ | ᠪᠠᠷ ᠲᠣᠮᠢᠯᠠᠵᠤ ᠪᠠᠰᠠ ᠴᠠᠬᠠᠷ ᠠᠶᠢᠮᠠᠭ ᠤᠨ ᠬᠤᠪᠢᠰᠬᠠᠯᠲᠤ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠳᠡᠳ᠋ ᠠᠶᠢᠮᠠᠭ ᠤᠨ ᠳᠠᠷᠤᠭᠠ | ᠪᠠᠷ ᠰᠣᠩᠭᠤᠭᠳᠠᠭᠰᠠᠨ ᠪᠢᠴᠢᠭ ᠤᠨ ᠬᠦᠮᠦᠨ ᠰᠧᠪᠡᠭᠵᠠᠪ ᠠᠴᠠ ᠡᠬᠢᠯᠡᠨ ᠵᠠᠯᠠᠭᠤᠰ ᠷᠠᠰᠢᠨᠠᠮᠵᠢᠯ ︵ᠰᠠᠭᠠᠢ︶᠂ | ᠴᠣᠭᠳᠣᠷᠵᠢ ᠁ ᠵᠢᠴᠢ ᠬᠤᠰᠢᠭᠤ ᠨᠣᠲᠤᠭ ᠢᠶᠠᠨ ᠬᠠᠮᠠᠭᠠᠯᠠᠵᠤ ᠳᠡᠭᠡᠷᠡᠮ ᠬᠤᠯᠠᠭᠠᠶᠢᠴᠣᠳ ᠤᠨ ᠳᠠᠷᠣᠯᠭᠠ | ᠪᠠᠶᠢᠭᠰᠠᠨ ᠰᠠᠶᠢᠨ ᠡᠷᠡᠴᠣᠣᠯ ᠨᠠᠸᠠᠨᠪᠠᠯᠵᠣᠣᠷ ︵ᠨᠠ ᠨᠠ︶᠂ ᠴᠣᠭᠰᠣᠩᠵᠣᠩᠯᠣᠪ ︵王吉元︶᠂ ᠠᠳᠢᠶᠠ | ᠵᠡᠷᠭᠡ ᠨᠡᠯᠢᠶᠡᠳ ᠬᠦᠮᠦᠰ ᠢ ᠭᠤᠮᠢᠨᠳᠠᠩ ᠤᠨ ᠴᠡᠷᠢᠭ ᠲᠤ ᠳᠠᠲᠠᠨ ᠣᠷᠣᠭᠤᠯᠵᠠᠢ᠃ | 1949 ᠣᠨᠠ ᠲᠡᠷᠢᠭᠦᠨ ᠨᠣᠶᠠᠨ ᠳᠡᠮᠴᠣᠭ᠍ᠳᠣᠩᠷᠣᠪ ᠠᠯᠠᠱᠠ ᠬᠤᠰᠢᠭᠤᠨᠠ ︽ᠮᠣᠩᠭᠤᠯ ᠤᠨ | ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ︾ ᠪᠠᠶᠢᠭᠤᠯᠵᠤ ᠪᠠᠶᠢᠨᠠ ᠭᠡᠳᠡᠭ ᠢ ᠰᠣᠨᠣᠰᠣᠭᠠᠳ ᠳ᠋ᠢᠩ ᠶᠣᠸᠠᠨ ᠢᠩ ︵定远营 | ︶ ᠳᠤ ᠬᠦᠷᠴᠦ ᠳᠡᠮᠴᠣᠭ᠍ᠳᠣᠩᠷᠣᠪ᠂ ᠯᠢ ᠱᠸᠤ ᠰᠢᠨ ᠤᠨ ᠴᠡᠷᠢᠭ ᠲᠠᠢ ᠨᠡᠶᠢᠯᠡᠪᠡ᠃ | 1949 ᠣᠨ ᠤ 12 ᠰᠠᠷᠠ ᠳᠤ ᠳᠡᠮᠴᠣᠭ᠍ᠳᠣᠩᠷᠣᠪ ᠠᠯᠠᠱᠠ ᠬᠤᠰᠢᠭᠤᠨ ᠤ ᠬᠠᠷᠠ ᠣᠷᠪᠣᠭ ᠪᠡᠯᠴᠢᠭᠡᠷ | ᠢᠶᠠᠷ ᠮᠣᠩᠭᠤᠯ ᠣᠯᠣᠰ ᠲᠤ ᠣᠷᠣᠵᠤ ᠪᠠᠷᠢᠪᠴᠢᠯᠠᠭᠳᠠᠵᠠᠢ᠃ | 1950 ᠣᠨ ᠤ 4 ᠳ᠋ᠣᠭᠡᠷ ᠰᠠᠷᠠ ᠶᠢᠨ 2 ᠤᠨ ᠡᠳᠦᠷ ᠨᠣᠷᠪᠤᠽᠠᠨᠠ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ | ᠭᠤᠷᠣᠬᠠᠢ ᠨᠠᠭᠤᠷ ᠬᠡᠮᠡᠬᠦ ᠭᠠᠵᠠᠷ ᠴᠡᠷᠢᠭ ᠲᠠᠢ ᠪᠠᠨ ᠵᠢᠷᠣᠮᠲᠤ ᠪᠣᠰᠣᠯᠭᠠ ᠭᠠᠷᠭᠠᠨ᠂ ᠳᠣᠮᠳᠠᠳᠤ ᠣᠯᠣᠰ ᠤᠨ ᠠᠷᠠᠳ | ᠤᠨ ᠴᠢᠯᠦᠭᠡᠯᠡᠬᠦ ᠴᠡᠷᠢᠭ ᠤᠨ ︽ᠪᠡᠭᠡᠵᠢᠩ ᠴᠡᠷᠢᠭ ᠤᠨ ᠲᠣᠭᠤᠷᠢᠭ︾ ᠲᠤ ᠪᠠᠭᠤᠵᠤ ᠥᠭᠭᠦᠭᠡᠳ ︽ᠲᠣᠰ ᠣᠷᠣᠨᠠ | ᠠᠷᠠᠳ ᠪᠣᠯᠣᠭᠰᠠᠳ ᠢ ᠳᠣᠬᠢᠷᠠᠭᠤᠯᠣᠨ ᠥᠭᠭᠦᠮᠦᠢ︾ ᠭᠡᠰᠡᠨ ᠬᠤᠶᠠᠳᠣᠭᠠᠷ ᠵᠣᠷᠪᠣᠰ ᠲᠥᠷᠦ ᠶᠢᠨ ᠪᠣᠳᠣᠯᠭᠠ ᠶᠢ | ᠰᠣᠨᠣᠰᠴᠤ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠡᠷᠬᠡ ᠬᠠᠰᠢᠶᠠ ᠰᠣᠮᠣᠨ ᠤ ᠪᠠᠶᠠᠨᠨᠠᠭᠤᠷ ᠪᠠᠭ ᠲᠤ ᠡᠷᠦᠬᠡ ᠭᠡᠷ ᠢᠶᠠᠷ | ᠢᠶᠠᠨ ᠰᠠᠭᠤᠵᠤ ᠪᠠᠶᠢᠭᠠᠳ 1963 ᠣᠨ ᠤ 4 ᠰᠠᠷᠠ ᠶᠢᠨ 6 ᠤ ᠡᠳᠦᠷ 70 ᠨᠠᠰᠣᠲᠠᠢ ᠪᠡᠶᠡ ᠨᠥᠭᠴᠢᠪᠡ᠃ | ᠨᠣᠷᠪᠣᠽᠠᠨᠠ 2004 ᠣᠨ ᠳᠤ ︽ᠲᠠᠶᠢᠹᠣᠰᠧ ᠪᠠᠷᠠᠭᠤᠨ ᠭᠠᠷ ᠰᠦᠷᠦᠭ ︵ᠬᠤᠰᠢᠭᠤ︶︾᠂ ︽ | ᠰᠢᠯᠣᠭᠤᠨ ᠬᠥᠬᠡ ᠬᠤᠰᠢᠭᠤᠨ ᠤ ᠣᠶᠢᠯᠠᠯᠭᠠ︾ ᠵᠡᠷᠭᠡ ᠨᠣᠮ ᠳᠤ ᠲᠡᠮᠳᠡᠭᠯᠡᠭᠳᠡᠵᠡᠢ᠃ ︽ᠰᠢᠯᠣᠭᠤᠨ ᠬᠥᠭᠡ | ᠬᠤᠰᠢᠭᠤᠨ ᠤ ᠴᠣᠣᠲᠤ ᠬᠦᠮᠦᠰ︾ ᠭᠡᠬᠦ ᠨᠣᠮ ᠠᠴᠠ ᠮᠠᠶᠢᠯᠠᠰᠣ ᠰᠡᠶᠢᠷᠡᠭᠦᠯᠪᠡ᠃ | |