ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠣᠶᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠡᠷᠳᠡᠨᠢᠴᠡᠴᠡᠭ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/3/12
        ᠡᠷᠳᠡᠨᠢᠴᠡᠴᠡᠭ ︵1906 —᠂ ᠣᠯᠠᠭᠴᠢᠨ ᠬᠤᠨᠢᠨ ᠵᠢᠯ︶᠂ ᠴᠠᠬᠠᠷ ᠳᠣᠯᠣᠨᠨᠠᠭᠤᠷ ᠤᠨ ᠨᠣᠶᠠᠨ ᠭᠡᠭᠡᠨ ᠱᠠᠪᠢᠨᠠᠷ ᠤᠨ ᠮᠠᠯᠴᠢᠨ ᠪᠣᠶᠠᠨᠳᠣᠭᠲᠠᠬᠤ ᠶᠢᠨ ᠭᠡᠷ ᠲᠤ ᠲᠥᠷᠦᠵᠡᠢ᠃ ᠲᠡᠷᠡ᠂ ᠬᠠᠷᠠᠬᠠᠨ ᠪᠠᠭ᠎ᠠ ᠠᠴᠠ ᠪᠠᠨ ᠵᠡᠭᠦᠦ ᠣᠲᠠᠰᠣᠨ ᠤ ᠦᠢᠯᠡ ᠳᠤ ᠳᠣᠷᠠᠲᠠᠢ᠂ ᠲᠣᠷᠭ᠎ᠠ ᠳᠣᠷᠳᠣᠩ ᠤᠨ ᠬᠠᠳᠬᠤᠮᠠᠯ ᠳᠤ ᠣᠷᠠᠨ᠃ ᠬᠤᠵᠢᠮ ᠨᠢ ᠬᠤᠸᠠᠷ ᠬᠠᠳᠬᠤᠮᠠᠯ ᠢᠶᠠᠷ ᠠᠮᠢᠳᠣᠷᠠᠯ ᠤᠨ ᠢᠶᠠᠨ ᠳᠦᠰᠢᠭ ᠪᠣᠯᠭᠠᠵᠠᠢ᠃ ᠲᠡᠭᠦᠨ ᠤ ᠣᠷᠠᠯᠠᠨ ᠬᠠᠳᠬᠤᠭᠰᠠᠨ ᠬᠤᠸᠠᠷ ᠴᠡᠴᠡᠭ᠂ ᠠᠷᠢᠶᠠᠲᠠᠨ ᠵᠢᠭᠦᠷᠲᠡᠨ᠂ ᠯᠣᠤ᠂ ᠭᠠᠷᠣᠳᠢ᠂ ᠡᠷᠪᠡᠬᠡᠢ ᠶᠢᠨ ᠥᠩᠭᠡ ᠨᠢ ᠰᠣᠷᠭᠤᠭ ᠬᠤᠷᠴᠠ᠂ ᠦᠵᠡᠬᠦ ᠳᠤ ᠠᠮᠢᠳᠤ᠂ ᠥᠪᠡᠷ ᠤᠨ ᠬᠡᠪ ᠨᠠᠮᠪᠠ ᠣᠨᠴᠠᠯᠢᠭ ᠲᠠᠢ ᠲᠣᠯᠠ ᠬᠤᠯᠠ ᠣᠶᠢᠷ᠎ᠠ ᠳᠤ ᠠᠯᠳᠠᠷᠰᠢᠪᠠ᠃ ᠡᠷᠳᠡᠨᠢᠴᠡᠴᠡᠭ ᠤᠨ ᠣᠷᠠᠯᠠᠨ ᠬᠠᠳᠬᠤᠭᠰᠠᠨ ᠲᠠᠮᠠᠬᠢᠨ ᠬᠠᠪᠲᠠᠭ᠎ᠠ᠂ ᠬᠥᠬᠦᠷ ᠤᠨ ᠣᠭᠤᠲᠠ᠂ ᠵᠡᠭᠦᠪᠴᠢ᠂ ᠬᠠᠨᠵᠢᠶᠠᠷ ᠂ ᠣᠣᠵᠢ᠂ ᠳᠠᠮᠠᠷᠤ ᠶᠢᠨ ᠵᠣᠳᠣᠪᠠᠩ᠂ ᠲᠡᠷ᠎ᠡ ᠶᠢᠨ ᠴᠡᠴᠡᠭ ᠬᠤᠸᠠᠷ ᠨᠢ ᠨᠣᠲᠤᠭ ᠤᠨ ᠣᠨᠴᠠᠯᠢᠭ ᠲᠠᠢ᠂ ᠬᠡ ᠣᠭᠠᠯᠵᠠ ᠨᠢ ᠣᠯᠠᠨ ᠶᠠᠩᠵᠤ ᠪᠠᠶᠢᠳᠠᠭ᠃ ᠲᠡᠷᠡ ᠨᠣᠲᠤᠭ ᠤᠨ ᠢᠶᠠᠨ ᠴᠡᠴᠡᠭ ᠬᠤᠸᠠᠷ ᠢ ᠠᠩᠬᠠᠷᠣᠨ ᠬᠠᠷᠠᠵᠤ᠂ ᠣᠷᠠᠯᠠᠨ ᠵᠢᠷᠣᠵᠤ᠂ ᠬᠠᠳᠬᠤᠮᠠᠯ ᠤᠨ ᠢᠶᠠᠨ ᠡᠬᠡ ᠵᠢᠷᠤᠭ ᠪᠣᠯᠭᠠᠳᠠᠭ ᠠᠵᠢ᠃ ᠬᠤᠵᠢᠮ ᠨᠢ ᠰᠢᠷ᠎ᠠ ᠶᠢᠨ ᠱᠠᠰᠢᠨ ᠤ ᠵᠠᠰᠠᠯ ᠵᠢᠮᠰᠡᠭ᠂ ᠯᠠᠮᠠ ᠬᠦᠮᠦᠨ ᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠢ ᠣᠶᠠᠵᠤ ᠬᠠᠳᠬᠤᠮᠠᠯ ᠬᠠᠳᠬᠤᠭᠰᠠᠨ ᠨᠢ ᠪᠦᠷᠢᠶᠠᠳ᠂ ᠬᠥᠮᠪᠦᠮ ᠳᠤ ᠨᠡᠷ᠎ᠡ ᠠᠯᠳᠠᠷᠰᠢᠵᠠᠢ᠃ ᠸᠠᠩᠵᠠᠶᠢᠷᠠᠩᠭ᠎ᠠ ᠪᠣᠯ ᠯᠠᠮᠠ ᠬᠦᠮᠦᠨ ᠤ ᠲᠣᠯᠣᠭᠠᠢ ᠳᠠᠭᠠᠨ ᠵᠡᠭᠦᠳᠡᠭ ᠨᠠᠷᠢᠨ ᠡᠳ᠋᠃ ᠨᠢᠭᠡ ᠸᠠᠩᠵᠠᠶᠢᠷᠠᠩᠭ᠎ᠠ ᠳᠡᠭᠡᠷ᠎ᠡ ᠳᠥᠴᠢ ᠭᠠᠷᠣᠢ ᠠᠮᠢᠲᠠᠨ᠂ ᠴᠡᠴᠡᠭ᠂ ᠬᠡ ᠣᠭᠠᠯᠵᠠ ᠬᠠᠳᠬᠤᠨ᠎ᠠ᠃ ᠨᠢᠭᠡ ᠸᠠᠩᠵᠠᠶᠢᠷᠠᠩᠭ᠎ᠠ ᠶᠢ ᠣᠷᠠᠯᠠᠨ ᠬᠠᠳᠬᠤᠭᠰᠠᠨ ᠨᠢ ᠠᠷᠪᠠᠨ ᠠᠷᠰᠯᠠᠨ ᠲᠠᠪᠣᠨ ᠰᠢᠷᠡᠭᠡ ᠶᠢ ᠲᠣᠯᠣᠨ ᠵᠣᠭᠰᠣᠵᠤ ᠰᠢᠷᠡᠭᠡᠨ ᠳᠡᠭᠡᠷ᠎ᠡ ᠠᠯᠲᠠᠨ ᠭᠡᠷᠡᠯ ᠰᠠᠴᠣᠷᠠᠭᠰᠠᠨ᠂ ᠰᠢᠷ᠎ᠠ ᠳᠡᠪᠡᠯ ᠣᠯᠠᠭᠠᠨ ᠣᠷᠬᠢᠮᠵᠢ ᠪᠥᠬᠦᠢ ᠪᠣᠷᠬᠠᠨ᠃ ᠪᠣᠷᠬᠠᠨ  ᠤ ᠲᠡᠷᠢᠭᠦᠨ ᠤ ᠬᠤᠶᠠᠷ ᠬᠠᠵᠠᠭᠤ ᠳᠤ ᠭᠠᠷᠣᠳᠢ ᠳᠡᠭᠦᠯᠢᠵᠦ ᠬᠥᠯ ᠳᠤ ᠮᠣᠭᠠᠢ ᠭᠤᠷᠪᠠᠯᠵᠢᠯᠠᠨ᠎ᠠ᠃ ᠰᠢᠷᠡᠭᠡᠨ ᠤ ᠬᠡ ᠣᠭᠠᠯᠵᠠ ᠣᠷᠠᠨ ᠨᠠᠷᠢᠨ᠂ ᠸᠠᠩᠵᠠᠶᠢᠷᠠᠩᠭ᠎ᠠ ᠶᠢᠨ ᠬᠡᠯᠪᠡᠷᠢ ᠨᠢ ᠲᠠᠪᠣᠨ ᠨᠠᠪᠴᠢ ᠪᠠᠷ ᠪᠦᠷᠢᠯᠳᠦᠭᠰᠡᠨ ᠮᠡᠲᠦ ᠳᠡᠭᠡᠭᠰᠢ  ᠪᠠᠨ ᠥᠷᠭᠡᠨ᠂ ᠳᠣᠷᠣᠭᠰᠢ ᠪᠠᠨ ᠨᠠᠷᠢᠨ ᠶᠣᠮ᠃ ᠰᠡᠭᠦᠯ ᠤᠨ ᠦᠶᠡᠰ ᠵᠢᠷᠣᠭᠴᠢᠨ ᠠᠭᠸᠠᠩ ᠤᠨ ᠣᠷᠠᠯᠠᠨ ᠵᠢᠷᠣᠭᠰᠠᠨ ᠬᠤᠸᠠᠷ ᠴᠡᠴᠡᠭ᠂ ᠭᠡ ᠣᠭᠠᠯᠵᠠ ᠶᠢ ᠣᠷᠠᠯᠠᠳᠠᠭ ᠪᠣᠯᠪᠠ᠃ ᠵᠢᠷᠣᠭᠴᠢᠨ ᠠᠭᠸᠠᠩ ᠤᠨ ᠵᠢᠷᠣᠭᠰᠠᠨ ᠸᠠᠩᠵᠠᠶᠢᠷᠠᠩᠭ᠎ᠠ ᠶᠢ ᠣᠷᠠᠯᠠᠨ ᠬᠠᠳᠬᠤᠭᠰᠠᠨ ᠨᠢ ᠵᠢᠷᠣᠭᠰᠠᠨ ᠲᠠᠢ ᠪᠠᠨ ᠨᠢᠭᠡ ᠯᠡ ᠠᠳᠠᠯᠢ᠃ ᠠᠮᠢᠳᠤ ᠪᠣᠷᠬᠠᠨ ᠠᠷᠰᠯᠠᠨ ᠬᠥᠯᠦᠭᠯᠡᠨ ᠶᠠᠪᠣᠭ᠎ᠠ ᠰᠢᠭ᠋ ᠬᠠᠷᠠᠭᠳᠠᠵᠤ᠂ ᠬᠦᠮᠦᠰ ᠭᠠᠶᠢᠬᠠᠨ ᠮᠠᠭᠲᠠᠳᠠᠭ ᠪᠠᠶᠢᠵᠠᠢ᠃ ᠵᠢᠷᠣᠭᠴᠢᠨ ᠠᠭᠸᠠᠩ ᠂ ᠣᠷᠠᠯᠠᠨ ᠬᠠᠳᠬᠤᠭᠰᠠᠨ ᠲᠠᠮᠠᠬᠢᠨ ᠬᠠᠪᠲᠠᠭ᠎ᠠ ᠶᠢ ᠶᠡᠭᠡ ᠯᠡ ᠣᠯᠵᠠᠷᠬᠠᠨ ᠠᠪᠴᠤ ᠬᠤᠵᠢᠮ ᠳᠡᠯᠭᠡᠨ ᠦᠵᠡᠭᠦᠯᠦᠯᠭᠡ  ᠳᠤ ᠲᠠᠯᠪᠢᠬᠤ ᠭᠡᠳ ᠬᠠᠳᠠᠭᠠᠯᠠᠵᠠᠢ᠃         ᠡᠷᠳᠡᠨᠢᠴᠡᠴᠡᠭ᠂ 1990 ᠣᠨ ᠳᠤ ︽ᠴᠠᠬᠠᠷ ᠮᠣᠩᠭᠤᠯ ︵ᠳᠣᠣᠷᠠᠳᠤ︶︾ ᠬᠡᠮᠡᠬᠦ ᠨᠣᠮ ᠳᠤ ᠲᠡᠮᠳᠡᠭᠯᠡᠭᠳᠡᠵᠡᠢ᠃         ︽ᠰᠢᠯᠣᠭᠤᠨ ᠬᠥᠬᠡ ᠬᠤᠰᠢᠭᠤᠨ ᠤ ᠴᠣᠣᠲᠤ ᠬᠦᠮᠦᠰ︾ ᠭᠡᠬᠦ ᠨᠣᠮ ᠠᠴᠠ ᠮᠠᠶᠢᠯᠠᠰᠤ ᠪᠠᠭᠤᠯᠭᠠᠪᠠ᠃
 
ᠢᠷᠡᠯᠲᠡ᠄ ᠰᠢᠯᠤᠭᠤᠨ ᠬᠥᠬᠡ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠮᠤᠩᠭᠤᠯ ᠰᠥᠯᠵᠢᠶ᠎ᠡ
 
 
ᠬᠠᠮᠢᠶ᠎ᠠ ᠪᠥᠬᠦᠢ ᠰᠤᠨᠢᠨ
  
ᠠᠭ᠋ᠧᠭ᠌ᠭ
ᠨᠠ᠊·ᠰᠠᠶᠢᠨᠴᠤᠭᠳᠣ
ᠰᠠᠶᠢᠰᠢᠶᠠᠯ
ᠭᠤᠮᠪᠤᠵᠠᠪ
ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠠᠴᠠ ᠭᠤᠤᠯᠴᠢᠯᠠᠨ ᠡᠷᠬᠢᠯᠡᠪᠡ ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠠᠯᠪᠠᠨ ᠲᠢᠩᠬᠢᠮ ᠠᠴᠠ ᠲᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠪᠡ ᠃ ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠮᠡᠷᠭᠡᠵᠢᠯ ᠬᠠᠩᠭᠠᠪᠠ᠃ ᠰᠢᠤᠳᠠᠨ ᠳ᠋ᠤᠭᠠᠷ: 010098    蒙ICP备05000248号